“30. Apèl nan Legliz la,” Seleksyon nan Manyèl Jeneral la (2023).

“30. Apèl nan Legliz la,” Seleksyon nan Manyèl Jeneral la

30.

Apèl nan Legliz la

30.0

Entwodiksyon

Apèl yo bay manm yo opòtinite pou yo santi lajwa ki genyen nan sèvi Bondye lè yo sèvi pitit Li yo (gade Mozya 2:17). Apèl yo ede manm yo ogmante lafwa yo epi rapwoche yo pi pre Senyè a.

Li pa apwopriye pou yon manm aspire a apèl espesifik nan Legliz la (gade Mak 10:42–45; Doktrin ak Alyans 121:34–37). Ni pou “avanse” manm nan Legliz la soti nan yon apèl al nan yon lòt. Sèvi fidèlman nan yon apèl pi enpòtan pase sa apèl la ye. Senyè a onore devouman tout moun k ap sèvi nan Legliz Li a.

30.1

Detèmine Kimoun pou yo Aple

30.1.1

Direksyon Jeneral

Se Bondye ki aple moun k ap sèvi nan Legliz la (gade Ebre 5:4; Atik Lafwa 1:5). Dirijan yo chèche gidans Lespri a pou yo ka detèmine kimoun pou yo aple (gade tou 4.2.6). Yo konsidere tou:

Diyite manm lan (jan sa detèmine nan yon entèvyou).
Don ak kapasite manm nan genyen, oubyen l ka devlope, pou beni lòt moun.
Sikonstans pèsonèl manm nan, tankou sante li ak travay li.
Enpak apèl la ka gen sou maryaj manm nan ak fanmi li.

Manm yo jwenn benediksyon pou sakrifis yo fè pou sèvi nan Legliz la. Sepandan, yon apèl pa ta dwe mete fado san jistifye sou moun yo ak fanmi yo. Ni apèl yo pa ta dwe rann difisil pou manm yo ranpli responsablite travay yo.

Jeneralman, chak manm aple pou l sèvi nan yon sèl apèl alafwa, anplis de apèl li kòm frè oswa sè sèvis pastoral la.

Lè y ap pwopoze yon apèl bay yon manm ki marye, dirijan yo dwe asire yo ke mari oswa madanm nan okouran epi l soutni apèl la. Anvan yo pwopoze yon apèl bay yon jènjan oswa yon jènfi, dirijan yo dwe jwenn apwobasyon paran l oswa responsab li.

Anvan l pwopoze yon apèl, evèk la egzamine rejis manm moun nan avèk anpil atansyon pou verifye ke li pa gen okenn anotasyon oswa restriksyon manm fòmèl ladan.

30.1.2

Apèl pou Nouvo Manm

Opòtinite pou sèvi yo ede manm yo grandi espirityèlman.

DIrijan pawas yo bay nouvo manm yo opòtinite pou yo sèvi tousuit apre yo fin batize ak konfime.

30.1.3

Apèl pou Moun Ki Pa Manm

Yo gen dwa aple moun ki pa manm Legliz la nan kèk pozisyon, tankou òganis, direktè mizik, oswa yon apèl pou ede planifye aktivite. Sepandan, yo pa ta dwe aple yo kòm enstriktè, kòm manm prezidans kowòm oswa prezidans òganizasyon, oswa kòm dirijan mizik Primè.

30.1.4

Konfidansyalite

Apèl ak relèv se bagay ki sakre. Akoz de sa, dirijan yo dwe kenbe enfòmasyon sou apèl ak relèv ki pwopoze yo konfidansyèl.

30.1.5

Rekòmandasyon ak Apwobasyon pou Apèl

Tablo Apèl la endike kimoun ki ka fè rekòmandasyon pou chak apèl epi ki bay apwobasyon (gade 30.8).

Evèk yo ak prezidan pieu yo konsidere chak rekòmandasyon avèk anpil atansyon, pandan ke y ap rekonèt ke sa te fèt nan lapriyè. Episkopa a oswa prezidans pieu a gen responsablite final pou resevwa enspirasyon osijè kimoun pou yo aple.

30.2

Pwopoze yon Apèl

Resevwa yon apèl pou sèvi ta dwe yon eksperyans espirityèl siyifikatif pou yon manm.

Lè yon dirijan pwopoze yon apèl, li eksplike ke apèl la soti nan Senyè a.

Epitou, dirijan an kapab:

Eksplike objektif, enpòtans, ak responsablite apèl la.
Ankouraje manm nan pou l chèche Lespri Senyè a pou l ranpli apèl la.
Temwaye ke Senyè a ap ede manm nan epi L ap beni li paske l ap sèvi fidèlman.
Di manm nan kiyès ki pral ba l fòmasyon ak sipò pou apèl la.
Enfòme manm sou reyinyon li ta dwe asiste ak sou tout resous ki disponib.

30.3

Soutni Manm nan Apèl

Yo dwe prezante moun ki aple nan pifò pozisyon nan Legliz la pou vòt soutyen anvan yo kòmanse sèvi (gade Doktrin ak Alyans 28:13; 42:11).

Moun k ap fè soutyen an anonse toudabò kimoun ki te relve nan pozisyon an (si sa aplikab). Li envite manm yo pou yo bay yon ekspresyon remèsiman pou sèvis moun nan (gade 30.6).

Lè l ap prezante yon moun pou vòt s, yon dirijan prètriz ki otorize envite l pou l kanpe. Dirijan an ka itilize mo tankou sa yo:

“[Non] aple kòm [pozisyon]. Moun ki an favè pou nou soutni [li] kapab manifeste sa nan leve men yo. [Fè yon ti poz.] Moun ki opoze, si genyen, ka manifeste sa. [Fè yon ti poz.]”

Si yon manm ta opoze a apèl la, dirijan k ap prezide a oswa yon lòt dirijan prètriz reyini avèk li an prive apre reyinyon an.

30.4

Mizapa Manm pou yo Sèvi nan Apèl

Pou plis enfòmasyon, gade nan 18.1.

30.6

Relve Manm nan Apèl

Lè yon prezidan oswa yon evèk relve, konseye li yo relve otomatikman.

Prezante yon relèv se yon opòtinite enpòtan pou yon dirijan eksprime rekonesans li epi pou l rekonèt men Bondye nan sèvis manm nan. Dirijan an rankontre avèk manm nan pèsonèlman pou enfòme l de relèv la anvan l anonse l piblikman. Se sèl moun ki bezwen konnen yo ki enfòme sou yon relèv anvan li anonse.

Yon dirijan prètriz ki otorize anonse relèv la nan menm anviwònman kote moun nan te soutni an. Dirijan an ka itilize mo tankou sa yo:

“[Non] relve kòm [pozisyon]. Moun ki ta renmen eksprime remèsiman yo pou sèvis [li] kapab manifeste sa nan leve men yo.”

Dirijan an pa bezwen mande si gen avi kontrè.

30.8

Tablo Apèl

30.8.1

Apèl Pawas

Apèl	Rekòmande pa	Apwouve pa	Soutni pa	Aple epi mete apa pa
Apèl Evèk	Rekòmande pa Prezidans pieu, atravè LCR	Apwouve pa Premye Prezidans lan ak Kolèj Douz Apot yo	Soutni pa Manm pawas yo	Aple epi mete apa pa Prezidan pieu apre li fin resevwa apwobasyon Premye Prezidans lan
Apèl Konseye nan episkopa	Rekòmande pa Evèk	Apwouve pa Prezidans pieu ak gran konsèy	Soutni pa Manm pawas yo	Aple epi mete apa pa Prezidan pieu oswa yon konseye ki asiyen
Apèl Grefye pawas la	Rekòmande pa Episkopa	Apwouve pa Prezidans pieu ak gran konsèy	Soutni pa Manm pawas yo	Aple epi mete apa pa Prezidan pieu oswa yon manm gran konsèy
Apèl Sekretè egzekitif pawas	Rekòmande pa Episkopa	Apwouve pa Prezidans pieu ak gran konsèy	Soutni pa Manm pawas yo	Aple epi mete apa pa Prezidan pieu oswa yon manm gran konsèy
Apèl Prezidan kowòm ansyen yo	Rekòmande pa Prezidans pieu (an konsiltasyon avèk evèk la)	Apwouve pa Prezidans pieu ak gran konsèy	Soutni pa Manm pawas yo	Aple epi mete apa pa Prezidan Pieu
Apèl Konseye nan prezidans kowòm ansyen	Rekòmande pa Prezidan kowòm (an konsiltasyon avèk evèk la)	Apwouve pa Prezidans pieu ak gran konsèy	Soutni pa Manm pawas yo	Aple epi mete apa pa Prezidan pieu oswa yon konseye oubyen yon manm gran konsèy ki asiyen
Apèl Lòt apèl pou kowòm ansyen	Rekòmande pa Prezidans kowòm nan	Apwouve pa Episkopa	Soutni pa Manm kowòm yo	Aple epi mete apa pa Prezidan kowòm nan oswa yon konseye ki asiyen
Apèl Prezidan òganizasyon pawas yo	Rekòmande pa Episkopa	Apwouve pa Episkopa	Soutni pa Manm pawas yo	Aple epi mete apa pa Evèk
Apèl Konseye nan prezidans òganizasyon pawas yo	Rekòmande pa Prezidan òganizasyon	Apwouve pa Episkopa	Soutni pa Manm pawas yo	Aple epi mete apa pa Evèk oswa yon konseye ki asiyen
Apèl Lòt apèl Sosyete Sekou pawas	Rekòmande pa Prezidans Sosyete Sekou	Apwouve pa Episkopa	Soutni pa Manm Sosyete Sekou yo	Aple epi mete apa pa Evèk oswa yon konseye ki asiyen
Apèl Lòt apèl Jènfi, Primè ak Lekòldidimanch pawas	Rekòmande pa Prezidans òganizasyon	Apwouve pa Episkopa	Soutni pa Manm pawas yo	Aple epi mete apa pa Evèk oswa yon konseye ki asiyen
Apèl Dirijan misyon pawas (yon manm prezidans kowòm ansyen an ka ranpli wòl sa a; si se konsa, li pa bezwen aple, soutni, oswa mete apa pou sa)	Rekòmande pa Episkopa (an konsiltasyon avèk prezidan kowòm ansyen ak prezidant Sosyete Sekou)	Apwouve pa Episkopa	Soutni pa Manm pawas yo	Aple epi mete apa pa Evèk oswa yon konseye ki asiyen
Apèl Misyonè Pawas	Rekòmande pa Episkopa oswa prezidan kowòm ansyen ak prezidant Sosyete Sekou	Apwouve pa Episkopa	Soutni pa Manm pawas yo	Aple epi mete apa pa Evèk oswa yon konseye ki asiyen
Apèl Konsiltan tanp ak istwa familyal pawas (yon manm prezidans kowòm ansyen an kapab ranpli wòl sa a; si se konsa, li pa bezwen aple, soutni, oswa mete apa pou sa)	Rekòmande pa Episkopa (an konsiltasyon avèk prezidan kowòm ansyen ak prezidant Sosyete Sekou)	Apwouve pa Episkopa	Soutni pa Manm pawas yo	Aple epi mete apa pa Evèk oswa yon konseye ki asiyen
Apèl Asistan prezidan kowòm prèt yo	Rekòmande pa Evèk (kòm prezidan kowòm prèt la)	Apwouve pa Episkopa	Soutni pa Manm kowòm yo	Aple epi mete apa pa Evèk
Apèl Prezidan Kowòm Enstriktè ak Dyak yo	Rekòmande pa Episkopa	Apwouve pa Episkopa	Soutni pa Manm kowòm yo	Aple epi mete apa pa Aple pa evèk la oswa yon konseye ki asiyen; mete apa pa evèk la
Apèl Konseye nan prezidans kowòm enstriktè ak dyak yo ak sekretè kowòm yo	Rekòmande pa Prezidan Kowòm	Apwouve pa Episkopa	Soutni pa Manm kowòm yo	Aple epi mete apa pa Evèk oswa yon konseye ki asiyen
Apèl Prezidan Klas Jènfi	Rekòmande pa Episkopa (an konsiltasyon avèk prezidans Jènfi a)	Apwouve pa Episkopa	Soutni pa Manm klas yo	Aple epi mete apa pa Evèk oswa yon konseye ki asiyen
Apèl Konseye nan prezidans klas Jènfi yo ak sekretè klas yo	Rekòmande pa Prezidan Klas la	Apwouve pa Episkopa	Soutni pa Manm klas yo	Aple epi mete apa pa Evèk oswa yon konseye ki asiyen
Apèl Lòt apèl pawas	Rekòmande pa Episkopa	Apwouve pa Episkopa	Soutni pa Manm pawas yo	Aple epi mete apa pa Evèk oswa yon konseye ki asiyen

30.8.2

Apèl Branch

Apèl	Rekòmande pa	Apwouve pa	Soutni pa	Aple epi mete apa pa
Apèl Prezidan branch	Rekòmande pa Prezidans pieu, misyon, oswa distri	Apwouve pa Prezidans pieu ak gran konsèy oswa prezidans misyon	Soutni pa Manm branch yo	Aple epi mete apa pa Prezidan pieu oswa prezidan misyon (oswa prezidan distri si l asiyen)
Apèl Konseye nan prezidans branch	Rekòmande pa Prezidan Branch	Apwouve pa Prezidans pieu ak gran konsèy oswa prezidans misyon (oubyen, prezidans distri a, lè prezidans misyon an otorize sa)	Soutni pa Manm branch yo	Aple epi mete apa pa Prezidan pieu, misyon, oswa distri oubyen yon konseye ki asiyen
Apèl Grefye branch, asistan grefye/grefye adjwen, ak sekretè egzekitif	Rekòmande pa Prezidans Branch	Apwouve pa Prezidans pieu ak gran konsèy oswa prezidans misyon (oubyen, prezidans distri a, lè prezidans misyon an otorize sa)	Soutni pa manm branch yo	Aple epi mete apa pa Prezidan pieu oswa yon konseye oubyen yon manm gran konsèy ki asiyen (pou branch nan pieu); prezidan distri a oswa yon dirijan prètriz li asiyen (pou branch nan misyon)
Apèl Prezidan kowòm ansyen	Rekòmande pa Prezidans pieu, distri, oswa misyon (an konsiltasyon avèk prezidan branch lan)	Apwouve pa Prezidans pieu ak gran konsèy oswa prezidans misyon (oubyen, prezidans distri a, lè prezidans misyon an otorize sa)	Soutni pa manm branch yo	Aple epi mete apa pa Prezidan pieu oswa prezidan misyon (oswa prezidan distri si l asiyen)
Apèl Konseye nan prezidans kowòm ansyen	Rekòmande pa Prezidan kowòm (an konsiltasyon avèk prezidan branch lan)	Apwouve pa Prezidans pieu ak gran konsèy oswa prezidans misyon (oubyen, prezidans distri a, lè prezidans misyon an otorize sa)	Soutni pa Manm branch yo	Aple epi mete apa pa Prezidan pieu oubyen misyon oubyen yon konseye oswa yon manm gran konsèy ki asiyen (oswa prezidan distri a oubyen yon lòt dirijan prètriz si yo ansiyen l)
Apèl Lòt apèl pou branch	Rekòmande pa Gade 30.8.1,mete prezidan branch pou evèk ak branch pou pawas.				Apwouve pa Gade 30.8.1,mete prezidan branch pou evèk ak branch pou pawas.	Soutni pa Gade 30.8.1,mete prezidan branch pou evèk ak branch pou pawas.	Aple epi mete apa pa Gade 30.8.1,mete prezidan branch pou evèk ak branch pou pawas.