“31. Intawiu ao Bowii riki Tabeua ma Membwa,” Ake a Rineaki man te Aeniboki ni Kabuta (2023).
“31. Intawiu ao Bowii Riki Tabeua ma Membwa,” Ake a Rineaki man te Aeniboki ni Kabuta
31.
Intawiu ao Bowii Riki Tabeua ma Membwa
31.0
Kabwarabwaraana
E teimatoa Ana mwakuri n ibuobuoki Iesu Kristo nakoia aomata n tatabemaniia nako (taraa, ibukin te katooto, Ioane 4:5–26; 3 Nibwaai 17:21). E tangiriia ni kabane natin te Atua. E buokiia n tatabemaniia nako.
E kona te mwakoro aei ni buokiia taan kairiiri ni kabane ake a reke aia tai ni marooro ma membwa n tatabemaniia nako.
31.1
Te Tua n Aron Wakinana
31.1.1
Katauraoi n te Maiu n Tamnei
Katauraoiko n tamneim rinanon te tataro, kamatebwaian booki aika tabu, ao maiuakinan te raoiroi. Kakauongo nakon ana wirikiriki te Tamnei ae Raoiroi.
31.1.2
Buoka te Membwa Bwa e Na Namakina Ana Tangira te Atua
Ngkana a roko membwa nakoim ibukin te intawiu ke ibukin ibuobuoki ni kangaanga aika a onoti, te bwai ae a rangin ni kainnanoia bwa a na ataia bwa Tamara are i Karawa e tangiria.
Booki aika Tabu ao aia taeka burabeti ni boong aika kaitira a karokoa te Tamnei ao n anga reirei iaon reirei aika a koaua. Kabonganaia ni kaungai nanoia, n aki kabuakaka, n aki taumatoa, ke ni karekea te maaku (taraa Ruka 9:56
31.1.3
Buoka te Membwa ni Karekea Mwaakan te Tia Kamaiu
Kaungaia membwa bwa a na rairaki nako Ina. Buokiia ni karekea mwakan te Uea ni kakorakoraia, ni kabebeteia ao ni bitiia.
31.1.4
Buoka te Membwa N Namakina te Mwengaraoi ao te Mano Man Kanganga
Kaotia nakon te membwa bwa e kona ni kaira temanna raona inanon tain te intawiu ke te marooro. Ngkana ko bootaki ma te membwa ae aitaram, te ataei, ke te kairake, kakoaua bwa te karo, ke temanna te ikawai ae na mena ikekei. E konaa n ira te marooro teuanne ke neienne ke e tataninga itinanikun te ruu, ni kaineti ma are e tangiria te membwa are ko marooro ma ngaia.
Ko aki konaa n tibwauai rongorongo aika a kainaki ma tabeman riki—n aron buum ke taan kairiri n te Ekaretia—ti ngkana e anga ana kariaia te membwa.
31.1.5
Aanga Titiraki Aika a Kaunganano ao Kakauongo Raoi
Inanon te marooro ma te membwa, kanakoi am titiraki aika a na buokiko ni kaotako n ana kangaanga teuanne ke neienne.
Inanon ana tai n taetae te membwa, kakauongo raoi ao iangoia raoi.
31.1.6
Kaungaa te Riki n Toronibwai
Ibukin am tangira nakoia membwa, ko na bae n tangiria n anga kawai aika a tawe nakon aia kangaanga. E ngae n anne, ko bon anganiia te kakabwaia riki ngkai ko buokiia ni kakaea oin aia kawai ao ni karaoa oin aia babaire (taraa Reirei ao Berita aika Tabu 9:8).
31.1.7
Aanga n Ibuobuoki Nakon te Rairannano
Bon ti te Bitiobi ke te beretitenti n te titeiki ae e na kona ni buoka te aomata ibukin buure aika a korakora. Tabeua maibuakon aikai a koreaki inanon 32.6. Ngkana e a tia te membwa ni karaoa te bure mai ibuakon buure aikai, ao e na riai ni marooro ma te bitiobi ke te beretitenti n te titeiki n te tai ae tawe.
31.1.8
Kaekai Raoi Ribooti Iaon te Bwainikirinaki
E aki kariaiakaki bwainikirinan temanna n aekakina nako. Taraia bwa kona rinanon raoi ribooti iaon te bwainikiriinaki. Ngkana ko ataia bwa iai temanna ae e a tia ni bwainikirinaki, ribooti nakon are tabeia ao karaoa te marooro n ibuobuoki ma te bitiobi. Kainibaire ibukin ribootinakin ao kaekaan te bwainikirinaki a kaotaki inanon 38.6.2.
31.2
Intawiu
31.2.1
Bukin Karaoan Intawiu
N aron ae e ataaki, ao taan kairiri n te Ekaretia a karaoa te intawiu ma membwa n nooria bwa:
-
A tauraoi ni karekea ke n ira te otenanti.
-
A riai ni weteaki nakon te nakoa n te Ekaretia.
31.2.2
Aekan Intawiu
|
Antai ae kona ni karaoa te intawiu |
Bukin karaoan te intawiu |
|---|---|
Antai ae kona ni karaoa te intawiu Bon ti te Bitiobi | Bukin karaoan te intawiu
|
Antai ae kona ni karaoa te intawiu Te Bitiobi ke te tia ibuobuoki are e mwiokoia | Bukin karaoan te intawiu
|
31.2.3
Bwabetito ao Intawiu ni Kamatoa
31.2.3.1
Ataei ake Membwa n te Rekooti
Te bitiobi e taui kiing ibukin bwabetitoakiia ataei ake 8 aia ririki ake membwa n te rekooti n ana uoote. Ibukin aio, teuare ke te kauntira are e mwiokoaki e na karaoa te intawiu ma aomata aikai ibukin te bwabetito:
-
Ataei n te ririki 8 ake membwa n te rekooti.
-
Ataei n te ririki 8 ake tiaki membwa n te rekooti ma iai aia karo ke te tia tararuaia ae te membwa.
-
Ataei aika membwa n te rekooti aika 9 aia ririki are e taonaki aia bwabetito ni kaeti ma aki toamaun aia iango.
N tain te intawiu, ao e na kakoaua te membwa n te bitobiriki ae e matata te ataei n nanon te bwabetito (taraa 2 Nibwaai 31:5–20). E na kakoaua naba bwa e maataata te ataei n te berita ae tabu ibukin te bwabetito ao ni kabaeaki bwa e na maiuakinna (taraa Motiaea 18:8–10). E aki kainanoaki bwa e na kabonganai titiraki aika a mwaiti. Tiaki aio te intawiu n taraa te kororaoi, ngkai “ataei aika uarereke aki kainnanoa te rairannano” (Moroni 8:11).
31.2.3.2
Aika rairaki
Te beretitenti n te mition e taui kiing n te nakoanibonga ibukin bwabetitoakiia aika rairaki. Ibukin aio, te mitinare ae bwanin ana tai e na intawiuniia:
-
Aomata n te ririki 9 ao ni waerake are a tuai ni bwabetitoaki ao ni kamatoaaki. Taraa 31.2.3.1 ma tii ibukiia naake aki toamau aia iango.
-
Ataei n te ririki ae 8 ao iaona riki ake tiaki kaain te Ekaretia aia karo.
-
Ataei n te ririki ae 8 ao iaona riki ake a tia naba aia karo ni bwabetitoaki ao ni kamatoaki.
31.2.4
Intawiu ibukin Katabu nakon te Nakoa n te Nakoanibonga ae te Aaron
Ibukin rongorongona riki tabeua, taraa 18.10.2.
31.2.5
Intawiu Ibukin te Beeba ni Kariaia Nakon te Tembora
Te tembora bon Ana auti te Uea. Te rinnako inanon te tembora ao n ibuobuoki ni karaoan otenanti ikekei bon te tai ae tabu aika a kona n reke iai. Bwaai aikai a kawakinaki ti nakoia naake a tauraoi tamneia ao ni kekeiaki ni maiuakin ana kainibaire te Uea, are e baireaki irouia taan kairiri ake iai te kariaiakaki irouia n te Nakoanibonga.
Ni karaoan aei, taan kairiiri n te nakoanibonga ana intawiuna te membwa ni kabonganai titiraki inanon LCR (tarai naba kairan kawaim inanon 26.3).
31.2.6
Intawiu Ibukin te Katabu Nakon te Aobiti n te Nakoanibonga ae te Merekitereka
Te beretitenti n te titeiki e tauii kiing ibukin te nakoanibonga ibukin te marooro iaon kanakoan te Nakoanibonga ae te Aaron. E taui naba kiing ibukin te katabu nakon aia aobiti unimwaane ao te ibonga ae rietaata.
N ana kariaia te beretitentii n te titeikii, te bitiobi e na intawiu ma te membwa n aron are e baireaki iaon te Rekooti ni Katabua n te Nakoanibonga ae te Merekitereka.
31.3
Taai Riki Tabeua Ibukiia Taan Kairiiri ni Maorooro ma Membwa
-
Membwa a kona n tuatua bwa a na kaitibo ma te tia kairiri n te Ekaretia n te tai are a kainnanoa iai ana kairiri te tamnei ke iai aia kangaanga ae taoniia rawawatana.
-
Te bitiobi ke temanna are e mwiokoia e na kaitibo ma membwa ake iai kainnanoia n te maiu n rabwata (taraa 22.6).
-
Te membwa n te bitobiriki e kaitibo ma ataei aika 11 aia ririki n tataemaniia ngkai teuanne ke neienne e a mwaing man te moan rinan n reirei nakon aia kooram riikan ke aia kiraati Ataeinnaine.
31.3.1
Bootaki ma Kairake
Te bitiobi ke temanna ana kauntira e na kaitibo ma kairake n tatabemaniia uoua te tai n te ririki. Ma e riai te bootaki aei ni karaoaki ma te bitiobi teuana te tai n te ririki. Moan te ririki are e a koro 16 ana ririki te kairake, ao e riai ni karaoaki marooro aika uoua akanne ma te bitiobi ngkana e riai.
Te beretitenti n aia Bootaki Ataeinnaine iai naba tabena n ibuobuoki nakoia ataeinnaine n tatabemaniia. E kona ni karaoa aei ni marooro ma kairake n ataeinnaine temanna imwiin temanna (ke ma temanna te ikawai ae raoniia).
31.3.1.2
Bwaai Aika A Na Maroroakinaki
Te kaantaninga raoi ibukin taian marooro ma kairake bon karekean te onimaki iroun Tamara are i karawa ao Iesu Kristo ao buokakiia naba kairake bwa a na Iriri. A riai n riki marooro aikai bwa taneiai n tamnei aika kaunganano.
31.3.2
Marooro ma Kairake n Ikawai Aika Tuai Iein
Te bitiobi e katerea moan kakawakin karikirakean te maiu n tamnei irouia kairake ikawai aika a tuai n iein inanon ana uoote. Ngaia ke te kauntira are e a tia ni mwiokoaki a na kaitibo ma kairake n ikawai aika a tuai ni iein n tatabemaniia n teuana te tai n te ririki.
31.3.3
Marooro ma Membwa ni Kabwarabwarai Nakoaia ao Tabeia
Beretitentii n titeiki, bitobiriki, ao taan kairiri tabeman a na marooro ma membwa n tatabemaniia ake a ribooti nakoia iaon nakoaia.
Te tia kairiri e na kaota ana karabwarabwa ibukin ana beku te membwa ao n anga taeka ni kaunganano .
31.3.6
Te Marooro ae Mano ao Kamarurungan Aorakin te Iango ao te Rabwata
Taan kairiri n te Ekaretia aki weteaki bwa kauntira aika a mwaatai ke a na karekea kamarurungan aorakin te iango. Te ibuobuoki ae aanga e irianaki ma te tamnei, ao e turuturu iaon kamatoaan, karaunano, ao mwaakan Iesu Kristo ni kamaiu. Reitan te ibuobuoki ae kakawaki ao ni kaunganano, tabeman membwa a kona n reke kabwaiaia man te taeka n reirei mairouia aika a mwaatai man te tabo are e reke iai.
31.4
Marooro ma Membwa Iaon te Intanete
Ni katoa tai, ao taan kairiri a kaitibo ma membwa ibukin intawiu ao ni karekea ana ibuobuoki te tamnei ao n anga te mwakuri n ibuobuoki. Ngkana e riai, ao a kona naba ni marooro iaon te intanete ngkana e aki angaraoi te kaitibo ma ngaia.