“31. ການສຳພາດ ແລະ ການພົບປະອື່ນໆກັບສະມາຊິກ,” ພາກສ່ວນທີ່ຄັດເລືອກມາຈາກຄູ່ມືທົ່ວໄປ (2023).
“31. ການສຳພາດ ແລະ ການພົບປະອື່ນໆກັບສະມາຊິກ,” ພາກສ່ວນທີ່ຄັດເລືອກມາຈາກຄູ່ມືທົ່ວໄປ
31.
ການສຳພາດ ແລະ ການພົບປະອື່ນໆກັບສະມາຊິກ
31.0
ຄຳນຳ
ພຣະເຢຊູຄຣິດມັກປະຕິບັດສາດສະໜາກິດຕໍ່ຄົນອື່ນເທື່ອລະຄົນ (ເບິ່ງ, ຍົກຕົວຢ່າງ, ໂຢຮັນ 4:5–26; 3 ນີໄຟ 17:21). ພຣະອົງຮັກລູກຂອງພຣະເຈົ້າແຕ່ລະຄົນ. ພຣະອົງຊ່ວຍເຂົາເຈົ້າເປັນສ່ວນບຸກຄົນ.
ບົດນີ້ສາມາດຊ່ວຍຜູ້ນຳທຸກຄົນທີ່ມີໂອກາດເພື່ອພົບກັບສະມາຊິກແຕ່ລະຄົນ.
31.1
ຫລັກທຳທີ່ເປັນແນວທາງ
31.1.1
ກຽມພ້ອມທາງວິນຍານ
ກຽມພ້ອມຕົວເອງທາງວິນຍານຜ່ານທາງການອະທິຖານ, ການສຶກສາພຣະຄຳພີ, ແລະ ການດຳລົງຊີວິດຢ່າງຊອບທຳ. ຟັງການສື່ມຂອງພຣະວິນຍານບໍລິສຸດ.
31.1.2
ຊ່ວຍໃຫ້ສະມາຊິກຮູ້ສຶກເຖິງຄວາມຮັກຂອງພຣະເຈົ້າ
ເມື່ອສະມາຊິກມາຫາທ່ານເພື່ອການສຳພາດ ຫລື ເພື່ອຂໍໃຫ້ຊ່ວຍກັບການທ້າທາຍສ່ວນຕົວ, ສ່ວນຫລາຍແລ້ວສິ່ງທີ່ເຂົາເຈົ້າຕ້ອງການຫລາຍທີ່ສຸດຄືການຮູ້ຈັກວ່າພຣະບິດາເທິງສະຫວັນຮັກເຂົາເຈົ້າ.
ພຣະຄຳພີ ແລະ ຖ້ອຍຄຳຂອງສາດສະດາຍຸກສຸດທ້າຍເຊື້ອເຊີນພຣະວິນຍານ ແລະ ສິດສອນຄຳສອນທີ່ບໍລິສຸດ. ໃຊ້ມັນເພື່ອດົນໃຈ ແລະ ຊຸກຍູ້, ບໍ່ແມ່ນເພື່ອກ່າວໂທດ, ບີບບັງຄັບ, ຫລື ກໍ່ໃຫ້ເກີດຄວາມຢ້ານກົວ (ເບິ່ງ ລູກາ 9:56).
31.1.3
ຊ່ວຍສະມາຊິກດຶງເອົາອຳນາດຂອງພຣະຜູ້ຊ່ວຍໃຫ້ລອດ
ຊຸກຍູ້ສະມາຊິກໃຫ້ຫັນມາຫາພຣະອົງ. ຊ່ວຍໃຫ້ເຂົາເຈົ້າດຶງເອົາອຳນາດຂອງພຣະອົງເພື່ອຄວາມເຂັ້ມແຂງ, ການປອບໂຍນ, ແລະ ການໄຖ່.
31.1.4
ຊ່ວຍໃຫ້ສະມາຊິກຮູ້ສຶກສະບາຍໃຈ ແລະ ປອດໄພ
ໃຫ້ສະມາຊິກເລືອກໄດ້ສະເໝີທີ່ຈະມີຄົນໃດຄົນໜຶ່ງຢູ່ນຳລະຫວ່າງການສຳພາດ ຫລື ການພົບປະ. ເມື່ອພົບປະກັບສະມາຊິກທີ່ເປັນເພດກົງກັນຂ້າມ, ເດັກນ້ອຍ, ຫລື ຊາວໜຸ່ມ, ໃຫ້ແນ່ໃຈວ່າພໍ່ແມ່ ຫລື ຜູ້ໃຫຍ່ຄົນໜຶ່ງຢູ່ນຳ. ຜູ້ໃຫຍ່ສາມາດຢູ່ນຳ ຫລື ລໍຖ້າຢູ່ນອກຫ້ອງ, ອີງຕາມການເລືອກຂອງສະມາຊິກຜູ້ທີ່ທ່ານພົບປະ.
ຢ່າແບ່ງປັນຂໍ້ມູນລັບກັບຜູ້ໃດ—ລວມທັງຄູ່ຄອງຂອງທ່ານ ຫລື ຜູ້ນຳໃນສາດສະໜາຈັກຄົນອື່ນໆ—ຍົກເວັ້ນແຕ່ສະມາຊິກອະນຸຍາດ.
31.1.5
ຖາມຄຳຖາມທີ່ດົນໃຈ ແລະ ຟັງຢ່າງລະມັດລະວັງ
ເມື່ອພົບປະກັບສະມາຊິກ, ໃຫ້ຖາມຄຳຖາມທີ່ຊ່ວຍໃຫ້ທ່ານເຂົ້າໃຈສະຖານະການຂອງເຂົາເຈົ້າ.
ຂະນະທີ່ສະມາຊິກເວົ້າ, ໃຫ້ຟັງຢ່າງລະມັດລະວັງ ແລະ ຢ່າງຕັ້ງໃຈ.
31.1.6
ຊຸກຍູ້ການກຸ້ມຕົນເອງ
ເພາະທ່ານຮັກສະມາຊິກ, ທ່ານອາດຢາກສະເໜີວິທີແກ້ໄຂບັນຫາໃຫ້ເຂົາເຈົ້າທັນທີ. ເຖິງຢ່າງໃດກໍຕາມ, ທ່ານຈະເປັນພອນໃຫ້ແກ່ເຂົາເຈົ້າຫລາຍກວ່າ ໂດຍການຊ່ວຍໃຫ້ເຂົາເຈົ້າຫາທາງແກ້ໄຂບັນຫາ ແລະ ຕັດສິນໃຈດ້ວຍຕົນເອງ (ເບິ່ງ ຄຳສອນ ແລະ ພັນທະສັນຍາ 9:8).
31.1.7
ສະໜັບສະໜູນຄວາມພະຍາຍາມກັບໃຈ
ພຽງແຕ່ອະທິການ ຫລື ປະທານສະເຕກເທົ່ານັ້ນທີ່ສາມາດຊ່ວຍບຸກຄົນແກ້ໄຂບັນຫາຮ້າຍແຮງໄດ້. ບາບບາງຢ່າງເຫລົ່ານັ້ນມີລະບຸໄວ້ໃນ 32.6. ຖ້າຫາກສະມາຊິກໄດ້ກະທຳບາບໃດໆເຫລົ່ານີ້, ເຂົາເຈົ້າຄວນພົບກັບອະທິການ ຫລື ປະທານສະເຕກທັນທີ.
31.1.8
ຕອບຮັບການຂົ່ມເຫັງຢ່າງເໝາະສົມ
ການຂົ່ມເຫັງບໍ່ສາມາດຖືກຍອມຮັບໃນທຸກຮູບແບບ. ໃຫ້ຮັບເອົາການລາຍງານກ່ຽວກັບການຂົ່ມເຫັງຢ່າງຈິງຈັງ. ຖ້າຫາກທ່ານຮູ້ຈັກບາງຄົນທີ່ຖືກຂົ່ມເຫັງ, ໃຫ້ລາຍງານການຂົ່ມເຫັງຕໍ່ເຈົ້າໜ້າທີ່ບ້ານເມືອງ ແລະ ປຶກສາກັບອະທິການ. ແນວທາງຊີ້ນຳສຳລັບການລາຍງານ ແລະ ການຕອບຮັບການຂົ່ມເຫັງມີລະບຸໄວ້ໃນ 38.6.2.
31.2
ການສຳພາດ
31.2.1
ຈຸດປະສົງຂອງການສຳພາດ
ໂດຍທົ່ວໄປແລ້ວ, ຜູ້ນຳໃນສາດສະໜາຈັກສຳພາດສະມາຊິກເພື່ອພິຈາລະນາວ່າ ເຂົາເຈົ້າ:
-
ກຽມພ້ອມທີ່ຈະຮັບ ຫລື ມີສ່ວນຮ່ວມໃນພິທີການຫລືບໍ່.
-
ຄວນຖືກເອີ້ນສູ່ຕຳແໜ່ງໃນສາດສະໜາຈັກຫລືບໍ່.
31.2.2
ການສຳພາດແບບຕ່າງໆ
|
ໃຜສາມາດດຳເນີນການສຳພາດ |
ຈຸດປະສົງຂອງການສຳພາດ |
|---|---|
ໃຜສາມາດດຳເນີນການສຳພາດ ອະທິການເທົ່ານັ້ນ | ຈຸດປະສົງຂອງການສຳພາດ
|
ໃຜສາມາດດຳເນີນການສຳພາດ ອະທິການ ຫລື ທີ່ປຶກສາຄົນໜຶ່ງທີ່ເພິ່ນມອບໝາຍ | ຈຸດປະສົງຂອງການສຳພາດ
|
31.2.3
ການສຳພາດການບັບຕິສະມາ ແລະ ການຢືນຢັນ
31.2.3.1
ເດັກນ້ອຍທີ່ເປັນສະມາຊິກໃນບັນທຶກ
ອະທິການດຳລົງຂໍກະແຈຂອງຖານະປະໂລຫິດສຳລັບການໃຫ້ບັບຕິສະມາແກ່ສະມາຊິກໃນບັນທຶກອາຍຸ 8 ປີ ຢູ່ໃນຫວອດຂອງເພິ່ນ. ເພາະດ້ວຍເຫດນີ້, ເພິ່ນ ຫລື ທີ່ປຶກສາຄົນໜຶ່ງທີ່ຖືກມອບໝາຍຈະສຳພາດບຸກຄົນດັ່ງຕໍ່ໄປນີ້ສຳລັບການບັບຕິສະມາ:
-
ເດັກນ້ອຍອາຍຸ 8 ປີ ທີ່ເປັນສະມາຊິກໃນບັນທຶກ.
-
ເດັກນ້ອຍອາຍຸ 8 ປີ ທີ່ບໍ່ໄດ້ເປັນສະມາຊິກໃນບັນທຶກ ແຕ່ມີພໍ່ແມ່ ຫລື ຜູ້ປົກຄອງທີ່ເປັນສະມາຊິກ.
-
ສະມາຊິກໃນບັນທຶກອາຍຸ 9 ປີຂຶ້ນໄປ ທີ່ບັບຕິສະມາຊັກຊ້າ ເນື່ອງຈາກຄວາມພິການທາງສະຕິປັນຍາ.
ໃນການສຳພາດ, ສະມາຊິກໃນຝ່າຍອະທິການຕ້ອງແນ່ໃຈວ່າ ເດັກນ້ອຍເຂົ້າໃຈຈຸດປະສົງຂອງການບັບຕິສະມາ (ເບິ່ງ 2 ນີໄຟ 31:5–20). ເພິ່ນກໍຍັງຕ້ອງແນ່ໃຈວ່າ ເດັກນ້ອຍເຂົ້າໃຈພັນທະສັນຍາແຫ່ງການບັບຕິສະມາ ແລະ ຄຳໝັ້ນສັນຍາທີ່ຈະດຳລົງຊີວິດຕາມນັ້ນ (ເບິ່ງ ໂມໄຊຢາ 18:8–10). ເພິ່ນບໍ່ຈຳເປັນຕ້ອງໃຊ້ຄຳຖາມທີ່ລະບຸໄວ້. ນີ້ບໍ່ແມ່ນການສຳພາດເພື່ອພິຈາລະນາຄວາມມີຄ່າຄວນ, ເນື່ອງຈາກວ່າ “[ເດັກ] ນ້ອຍໆບໍ່ຕ້ອງການການກັບໃຈ” (ໂມໂຣໄນ 8:11).
31.2.3.2
ຜູ້ປ່ຽນໃຈເຫລື້ອມໃສ
ປະທານເຜີຍແຜ່ດຳລົງຂໍກະແຈຂອງຖານະປະໂລຫິດສຳລັບການບັບຕິສະມາໃຫ້ຜູ້ປ່ຽນໃຈເຫລື້ອມໃສ. ເພາະດ້ວຍເຫດນີ້, ຜູ້ສອນສາດສະໜາເຕັມເວລາຈຶ່ງສຳພາດ:
-
ບຸກຄົນທີ່ອາຍຸ 9 ປີຂຶ້ນໄປ ທີ່ບໍ່ເຄີຍຮັບບັບຕິສະມາ ແລະ ການຢືນຢັນ. ເບິ່ງ 31.2.3.1 ສຳລັບຂໍ້ຍົກເວັ້ນສຳລັບຜູ້ທີ່ພິການທາງສະຕິປັນຍາ.
-
ເດັກນ້ອຍອາຍຸ 8 ປີຂຶ້ນໄປ ທີ່ບໍ່ໄດ້ເປັນສະມາຊິກຂອງສາດສະໜາຈັກ.
-
ເດັກນ້ອຍອາຍຸ 8 ປີຂຶ້ນໄປ ທີ່ມີພໍ່ແມ່ທີ່ກຳລັງຈະຮັບບັບຕິສະມາ ແລະ ການຢືນຢັນນຳເຊັ່ນກັນ.
31.2.4
ການສຳພາດເພື່ອແຕ່ງຕັ້ງສູ່ຕຳແໜ່ງຖານະປະໂລຫິດແຫ່ງອາໂຣນ
ສຳລັບຂໍ້ມູນເພີ່ມເຕີມ, ໃຫ້ເບິ່ງ 18.10.2.
31.2.5
ການສຳພາດສຳລັບໃບຮັບຮອງເຂົ້າພຣະວິຫານ
ພຣະວິຫານແມ່ນບ້ານຂອງພຣະຜູ້ເປັນເຈົ້າ. ການເຂົ້າໄປພຣະວິຫານ ແລະ ມີສ່ວນຮ່ວມໃນພິທີການຢູ່ທີ່ນັ້ນແມ່ນສິດທິພິເສດອັນສັກສິດ. ສິດທິພິເສດນີ້ຖືກຮັກສາໄວ້ສຳລັບຜູ້ທີ່ກຽມພ້ອມທາງວິນຍານ ແລະ ພະຍາຍາມດຳລົງຊີວິດຕາມມາດຕະຖານຂອງພຣະຜູ້ເປັນເຈົ້າ, ຕາມທີ່ພິຈາລະນາໂດຍຜູ້ນຳຖານະປະໂລຫິດທີ່ມີສິດອຳນາດ.
ໃນການພິຈາລະນານີ້, ຜູ້ນຳຖານະປະໂລຫິດຈະສຳພາດສະມາຊິກໂດຍການໃຊ້ຄຳຖາມໃນ LCR (ເບິ່ງແນວທາງຊີ້ນຳໃນ 26.3 ນຳອີກ).
31.2.6
ການສຳພາດເພື່ອແຕ່ງຕັ້ງສູ່ຕຳແໜ່ງຖານະປະໂລຫິດແຫ່ງເມນຄີເສເດັກ
ປະທານສະເຕກດຳລົງຂໍກະແຈຂອງຖານະປະໂລຫິດສຳລັບການມອບຖານະປະໂລຫິດແຫ່ງເມນຄີເສເດັກ. ເພິ່ນກໍຍັງດຳລົງຂໍກະແຈສຳລັບການແຕ່ງຕັ້ງສູ່ຕຳແໜ່ງແອວເດີ ແລະ ມະຫາປະໂລຫິດນຳອີກ.
ດ້ວຍການອະນຸມັດຈາກຝ່າຍປະທານສະເຕກ, ອະທິການຈະສຳພາດສະມາຊິກ ໂດຍການໃຊ້ຄຳຖາມທີ່ໃຫ້ໄວ້ໃນ ບັນທຶກການແຕ່ງຕັ້ງສູ່ຖານະປະໂລຫິດແຫ່ງເມນຄີເສເດັກ.
31.3
ໂອກາດອື່ນໆສຳລັບຜູ້ນຳທີ່ຈະພົບປະກັບສະມາຊິກ
-
ສະມາຊິກອາດຂໍພົບຜູ້ນຳໃນສາດສະໜາຈັກ ເມື່ອເຂົາເຈົ້າຕ້ອງການການຊີ້ນຳທາງວິນຍານ ຫລື ມີບັນຫາໜັກເລື່ອງສ່ວນຕົວ.
-
ອະທິການ ຫລື ບາງຄົນທີ່ເພິ່ນມອບໝາຍພົບກັບສະມາຊິກທີ່ມີຄວາມຕ້ອງການທາງໂລກ (ເບິ່ງ 22.6).
-
ສະມາຊິກຄົນໜຶ່ງໃນຝ່າຍອະທິການພົບກັບເດັກນ້ອຍອາຍຸ 11 ປີ ແຕ່ລະຄົນ ເມື່ອເຂົາຍ້າຍຈາກປະຖົມໄວໄປຫາກຸ່ມມັກຄະນາຍົກ ຫລື ຫ້ອງຮຽນຍິງໜຸ່ມ.
31.3.1
ການພົບປະກັບຊາວໜຸ່ມ
ອະທິການ ຫລື ທີ່ປຶກສາຄົນໜຶ່ງຂອງເພິ່ນພົບກັບຊາວໜຸ່ມແຕ່ລະຄົນປີລະສອງເທື່ອ. ຢ່າງໜ້ອຍໜຶ່ງເທື່ອຂອງການພົບປະເຫລົ່ານີ້ແຕ່ລະປີ ຄວນເປັນການພົບກັບອະທິການ. ເລີ່ມຕົ້ນຂອງປີທີ່ຊາວໜຸ່ມອາຍຸຄົບ 16 ປີ, ການພົບປະທັງສອງເທື່ອລະຫວ່າງປີຄວນເປັນການພົບກັບອະທິການ ຖ້າເປັນໄປໄດ້.
ປະທານອົງການຍິງໜຸ່ມກໍມີໜ້າທີ່ຮັບຜິດຊອບໃນການປະຕິບັດສາດສະໜາກິດຕໍ່ຍິງໜຸ່ມແຕ່ລະຄົນເຊັ່ນກັນ. ລາວສາມາດເຮັດສິ່ງນີ້ໄດ້ໂດຍການພົບກັບຍິງໜຸ່ມເປັນການສ່ວນຕົວ (ຫລື ມີຜູ້ໃຫຍ່ອີກຄົນໜຶ່ງຢູ່ນຳ).
31.3.1.2
ຫົວຂໍ້ທີ່ຈະສົນທະນາ
ຈຸດປະສົງຕົ້ນຕໍຂອງການພົບປະກັບຊາວໜຸ່ມຄືການສ້າງສັດທາໃນພຣະບິດາເທິງສະຫວັນ ແລະ ພຣະເຢຊູຄຣິດ ແລະ ຊ່ວຍຊາວໜຸ່ມຕິດຕາມພວກພຣະອົງ. ການພົບປະເຫລົ່ານີ້ຄວນເປັນປະສົບການຍົກລະດັບທາງວິນຍານ.
31.3.2
ການພົບປະກັບຜູ້ໃຫຍ່ໜຸ່ມໂສດ
ອະທິການໃຫ້ຄວາມສຳຄັນຫລາຍກັບຄວາມກ້າວໜ້າທາງວິນຍານຂອງຜູ້ໃຫຍ່ໜຸ່ມໂສດຢູ່ໃນຫວອດຂອງເພິ່ນ. ເພິ່ນ ຫລື ທີ່ປຶກສາຄົນໜຶ່ງທີ່ຖືກມອບໝາຍພົບກັບຜູ້ໃຫຍ່ໜຸ່ມໂສດແຕ່ລະຄົນ ຢ່າງໜ້ອຍປີລະເທື່ອ.
31.3.3
ການພົບປະກັບສະມາຊິກເພື່ອສົນທະນາກ່ຽວກັບການເອີ້ນ ແລະ ໜ້າທີ່ຮັບຜິດຊອບຂອງເຂົາເຈົ້າ
ຝ່າຍປະທານສະເຕກ, ຝ່າຍອະທິການ, ຜູ້ນຳຄົນອື່ນພົບກັບສະມາຊິກເປັນການສ່ວນຕົວ ຜູ້ທີ່ລາຍງານຕໍ່ພວກເພິ່ນກ່ຽວກັບການເອີ້ນຂອງເຂົາເຈົ້າ.
ຜູ້ນຳສະແດງຄວາມຂອບໃຈຕໍ່ການຮັບໃຊ້ຂອງສະມາຊິກ ແລະ ໃຫ້ກຳລັງໃຈ.
31.3.6
ການໃຫ້ຄຳປຶກສາ ແລະ ການບຳບັດຈາກມືອາຊີບ
ຜູ້ນຳໃນສາດສະໜາຈັກບໍ່ໄດ້ຖືກເອີ້ນໃຫ້ເປັນຜູ້ໃຫ້ຄຳປຶກສາມືອາຊີບ ຫລື ໃຫ້ການບຳບັດ. ຄວາມຊ່ວຍເຫລືອທີ່ພວກເພິ່ນໃຫ້ແມ່ນທາງວິນຍານ, ສຸມໃຈໃສ່ຄວາມເຂັ້ມແຂງ, ການປອບໂຍນ, ອຳນາດແຫ່ງການໄຖ່ຂອງພຣະເຢຊູຄຣິດ. ນອກເໜືອໄປຈາກຄວາມຊ່ວຍເຫລືອທີ່ສຳຄັນ ແລະ ທາງວິນຍານນີ້ແລ້ວ, ສະມາຊິກບາງຄົນອາດໄດ້ຮັບຜົນປະໂຫຍດຈາກການປຶກສາກັບມືອາຊີບນຳອີກຖ້າມີ.
31.4
ການພົບປະກັບສະມາຊິກທາງອອນລາຍ
ຕາມປົກກະຕິແລ້ວ, ຜູ້ນຳພົບກັບສະມາຊິກດ້ວຍຕົວເອງສຳລັບການສຳພາດ ແລະ ໃຫ້ຄວາມຊ່ວຍເຫລືອທາງວິນຍານ ແລະ ການປະຕິບັດສາດສະໜາກິດ. ເຖິງຢ່າງໃດກໍຕາມ, ຂໍ້ຍົກເວັ້ນຄື, ເຂົາເຈົ້າສາມາດພົບປະກັນທາງອອນລາຍເມື່ອບໍ່ສາມາດພົບກັນດ້ວຍຕົວເອງ.