31.

Mga Interbyu kag Iban Pa nga mga Miting sa mga Miyembro

31.0

Introduksyon

Si Jesucristo masami nga nagaalagad sa iban nga tag-isaisa (tan-awa halimbawa, sa Juan 4:5–26; 3 Nefi 17:21). Palangga Niya ang tagsa ka anak sang Dios. Ginabuligan Niya sila sing tag-isaisa.

Ini nga kapitulo makabulig sa tanan nga mga lider nga may mga oportunidad sa pagpakighambal sa kada indibidwal nga miyembro.

31.1

Giya nga mga Prinsipyo

31.1.1

Maghanda sa Espirituhanon

Ihanda ang imo kaugalingon sa espirituhanon paagi sa pagpangamuyo, pagtuon sang balaan nga mga kasulatan, kag matarong nga pagpangabuhi. Magpamati sa mga paghutik sang Balaan nga Espiritu.

31.1.2

Buligi ang Miyembro nga Mabatyagan ang Pagpalangga sang Dios

Kon magpalapit ang mga miyembro sa imo para magpainterbyu ukon magpabulig sa personal nga kabudlayan, masami ang kinahanglan gid nila amo nga mahibal-an nga palangga sila sang Amay nga Langitnon.

Ang balaan nga mga kasulatan kag mga pulong sang propeta sa ulihing mga adlaw nagaagda sang Espiritu kag nagatudlo sang puro nga doktrina. Gamita ini sa pag-inspirar kag pagpapagsik, indi sa pagkondena, pagpamilit, ukon pagpahadlok (tan-awa sa Lucas 9:56).

31.1.3

Buligi ang Miyembro nga Magkuha sang Kusog sa Gahum sang Manluluwas

Papagsika ang mga miyembro nga magdangop sa Iya. Buligi sila nga magkuha sang kusog sa Iya gahum sa pagpabaskog, pagpaumpaw, kag pagtubos.

31.1.4

Buligi ang Miyembro nga Makabatyag nga Komportable kag Hilway sa Katalagman

Hatagi pirme ang miyembro sang opsyon nga may mag-upod sa iya sa interbyu ukon miting. Kon mag-istorya sa miyembro sang lain nga kasarian (gender), bata, ukon lamharon, siguroha nga may upod nga ginikanan ukon iban nga hamtong. Pwede sia mag-upod sa paghinambalanay ukon maghulat sa gwa sang kuwarto, depende sa gusto sang miyembro nga gusto mo istoryahon.

Indi pag-isugid ang pribado nga impormasyon sa bisan kay sin-o—pati na sa imo asawa/bana ukon iban pa nga mga lider sang Simbahan—magluwas kon ginpahanugotan sang miyembro.

31.1.5

Magpamangkot sang Inspirado nga mga Pamangkot kag Magpamati sing Maayo

Kon mag-istoryahanay sa miyembro, magpamangkot sang mga pamangkot nga makabulig sa imo nga maintiendihan ang iya sitwasyon.

Kon nagahambal ang miyembro, magpamati sing maayo.

31.1.6

Paisoga ang Pagtindog sa Kaugalingon (Self-Reliance)

Tungod palangga mo ang mga miyembro, daw gusto mo gilayon sila hatagan sang mga solusyon sa ila mga problema. Pero, mas mabugayan mo sila paagi sa pagbulig sa ila nga magpangita sang ila mismo nga mga solusyon kag maghimo sang ila mga desisyon (tan-awa sa Doktrina kag mga Kasugtanan 9:8).

31.1.7

Suportahi ang mga Pagpaninguha nga Maghinulsol

Ang bishop ukon stake president lang ang makabulig sa tawo nga maresolbar ang seryoso nga mga sala. Ang iban sini sa ila nalista sa 32.6. Kon ang miyembro nakahimo sang bisan diin sini nga mga sala, dapat sia makigkita gilayon sa bishop ukon stake president.

31.1.8

Mag-aksyon sing Nagakabagay sa Pagpang-abuso

Wala ginatolerar ang bisan ano nga pagpang-abuso. Seryosoha ang mga report sang pagpang-abuso. Kon may nahibal-an ka nga may ginaabuso, ireport ang pagpang-abuso sa sibil nga awtoridad kag magpangayo sang laygay sa bishop. Ang mga giya sa pagreport kag pagresponder sa pagpang-abuso nalista sa 38.6.2.

31.2

Mga Interbyu

31.2.1

Mga Katuyuan sang mga Interbyu

Sa kabilogan, ginainterbyu sang mga lider sang Simbahan ang mga miyembro para mahibal-an kon bala sila:

• Handa sa pagbaton ukon pagpartisipar sa isa ka ordinansa.

• Dapat tawgon sa isa ka posisyon sa Simbahan.

31.2.2

Mga Klase sang Interbyu

Sin-o ang dapat nga mag-interbyu	Katuyuan sang interbyu
Sin-o ang dapat nga mag-interbyu Bishop lamang	Katuyuan sang interbyu Mag-isyu sang temple recommend sa miyembro nga magabaton sang iya kaugalingon nga endowment ukon pagaselyohan sa bana/asawa (tan-awa sa 26.3.1). Mag-isyu sang temple recommend sa bag-o nga miyembro (tan-awa sa 26.4.2). Mag-ordin sang bag-o nga miyembro nga lalaki sa isa ka palangakuan sa Aaronic Priesthood. Mag-ordin sang lamharon nga lalaki ukon lalaki sa isa ka palangakuan sang priest (tan-awa sa 18.10.2). Magrekomendar sang lalaki nga maordin bilang elder ukon high priest (tan-awa sa 31.2.6). Ginakinahanglan ang pahanugot sang stake presidency sa paghiwat sining interbyu. Magrekomendar sang miyembro sa pag-alagad bilang isa ka full-time missionary (tan-awa sa 24.4.2). Mag-call sang miyembro sa pag-alagad bilang presidente sang isa ka organisasyon sa ward. Mag-call sang priest sa pag-alagad bilang assistant sa priests quorum. Magbulig sa miyembro nga maghinulsol sang seryoso nga sala (tan-awa sa kapitulo 32). Mag-endorso sang miyembro sa pagbaton sang Perpetual Education Fund loan, kon may ari sini. Magtugot sa miyembro nga magdeklarar sang iya estado bilang nagabayad sang ikapulo (tan-awa sa 34.3.1.2). Pagpahanugot sa paggamit sang pondo sang fast-offering (tan-awa sa 22.6.1).
Sin-o ang dapat nga mag-interbyu Bishop ukon manuglaygay nga iya i-asayn	Katuyuan sang interbyu Mag-renew sang temple recommend (tan-awa sa 26.3.1). Mag-isyu sang temple recommend para magpartisipar sa proxy nga mga bunyag kag kumpirmasyon (tan-awa sa 26.4.3). Mag-isyu sang temple recommend para maselyohan sa ginikanan ukon sa pagsaksi sang pagselyo sang iya mga utod sa ila mga ginikanan (tan-awa sa 26.4.4). Mag-call sang miyembro sa pag-alagad sa isa ka calling sa ward nga nalista sa 30.8. Maghatag sang pahanugot sa bunyag kag kumpirmasyon sang 8 katuig nga member of record ukon inang ang iya ginikanan ukon guardian miyembro sang Simbahan (tan-awa sa 31.2.3.1). Magpahanugot sang ordinasyon sang lamharon nga lalaki sa palangakuan sang deacon ukon teacher (tan-awa sa 18.10.2). Mag-isyu sang Patriarchal Blessing Recommend (tan-awa sa 18.17). Magpahanugot sa nagakapot sang priesthood sa paghikot sang ordinansa sang priesthood sa iban nga ward, kon wala sia sang temple recommend. (Tan-awa ang Recommend to Perform an Ordinance form.)

31.2.3

Mga Interbyu sa Bunyag kag Kumpirmasyon

31.2.3.1

Mga Kabataan nga Member of Record

Ang bishop ang nagakapot sang mga yabi sang priesthood sa pagbunyag sang 8 katuig nga mga member of record sa iya nga ward. Sa sini nga rason, sia ukon ang gin-asayn niya nga manuglaygay ang nagainterbyu sang masunod nga mga tawo para sa bunyag:

• Mga kabataan nga nagaedad 8 anyos nga mga member of record.

• Mga kabataan nga nagaedad 8 anyos nga indi mga member of record pero ang ginikanan ukon guardian miyembro.

• Mga member of record nga nagaedad 9 anyos nga ang mga bunyag nadugayan tungod sa mga kasablagan sa paminsaron.

Sa interbyu, ginasiguro sang bishopric nga naintiendihan sang bata ang mga katuyuan sang bunyag (tan-awa sa 2 Nefi 31:5–20). Ginasiguro man niya nga naintiendihan sang bata ang kasugtanan sang bunyag kag nagapangako nga ipangabuhi ini (tan-awa sa Mosias 18:8–10). Indi niya kinahanglan maggamit sang partikular nga listahan sang mga pamangkot. Indi ini interbyu para hibaluon kon nagakaangay ang bata, tungod ang “magagmay nga mga kabataan wala nagakinahanglan sang paghinulsol” (Moroni 8:11).

31.2.3.2

Mga Convert

Ang mission president ang nagakapot sang mga yabi sang priesthood sa pagbunyag sang mga convert. Sa sini nga rason, ang full-time nga misyonero nagainterbyu sang:

• Mga tawo nga nagaedad 9 anyos pasaka nga wala pa gid makaagi bunyag ukon kumpirmasyon. Tan-awa sa 31.2.3.1 ang eksepsyon sa mga may kasablagan sa paminsaron.

• Mga kabataan nga nagaedad 8 anyos pasaka nga ang mga ginikanan indi mga miyembro sang Simbahan.

• Mga kabataan nga nagaedad 8 anyos pasaka nga ang ginikanan bunyagan kag kumpirmahon man.

31.2.4

Mga Interbyu sa Pag-ordin sa Palangakuan sang Aaronic Priesthood

Para sa dugang nga impormasyon, tan-awa sa 18.10.2.

31.2.5

Mga Interbyu para sa Temple Recommend

Ang templo balay sang Ginuo. Ang pagsulod sa templo kag pagpartisipar sa mga ordinansa didto isa ka sagrado nga pribelihiyo. Ini nga pribelihiyo ginreserba sa mga naghanda sa espirituhanon kag nagatinguha sa pagpangabuhi sang mga pagsulundan sang Ginuo, nga ginahibalo sang awtorisado nga mga lider sang priesthood.

Para mahibaluan ini, ginainterbyu sang mga lider sang priesthood ang miyembro gamit ang mga pamangkot sa LCR (tan-awa man sa mga pagsulundan sa 26.3).

31.2.6

Mga Interbyu sa Pag-ordin sa isa ka Palangakuan sang Melchizedek Priesthood

Ang stake president ang nagakapot sang mga yabi sang priesthood sa pagtugyan sang Melchizedek Priesthood. Sia man ang nagakapot sang mga yabi sa pag-ordin sa mga palangakuan sang elder kag high priest.

Sa pahanugot sang stake presidency, ginainterbyu sang bishop ang miyembro gamit ang mga pamangkot nga nalista sa Melchizedek Priesthood Ordination Record.

31.3

Iban Pa nga mga Oportunidad nga Maistorya sang mga Lider ang mga Miyembro

• Pwede nga magpangabay ang mga miyembro nga makigkita sa lider sang Simbahan kon kinahanglan nila sang espirituhanon nga giya ukon may ara sila sang mabug-at nga personal nga mga problema.

• Ang bishop ukon ang tawo nga iya i-asayn nagapakighambal sa mga miyembro nga may temporal nga mga panginahanglan (tan-awa sa 22.6).

• Nagapakighambal ang isa ka miyembro sang bishopric sa tagsa ka 11-anyos kon magsaylo na sia halin sa Primary pakadto sa deacons quorum ukon sa Young Women class.

31.3.1

Paghinambalanay upod sa mga Lamharon

Ang bishop ukon isa sang iya mga manuglaygay nagapakighambal sa tagsa ka lamharon kaduha kada tuig. Ang isa sining mga pagpakighambal kada tuig dapat upod sa bishop. Sa pagsugod sang tuig nga magaedad na ang lamharon sang 16 anyos, ang duha ka paghinambalanay sa sina nga tuig dapat upod sa bishop kon pwede.

Ang Young Women president may responsibilidad man sa pag-minister sa tagsa ka lamharon nga babayi. Pwede niya ini himuon paagi sa paghinambalanay sa mga lamharon nga babayi sing tag-isaisa (ukon may upod nga isa pa ka hamtong).

31.3.1.2

Mga Topiko nga Dapat Hambalan

Ang mayor nga katuyuan sang paghinambalanay upod sa mga lamharon amo ang pagpatubo sang pagtuo sa Amay nga Langitnon kag kay Jesucristo kag pagbulig sa mga lamharon nga sundon Sila. Ining mga paghinambalanay dapat mga eksperiyensya nga makapaalsa sa espirituhanon.

31.3.2

Paghinambalanay upod sa mga Young Single Adult

Ginahatagan sang bishop sang mataas nga prayoridad ang espiritwal nga progreso sang mga young single adult sa iya ward. Sia ukon ang naasayn nga manuglaygay nagahambalanay sa tagsa ka young single adult bisan kaisa kada tuig.

31.3.3

Paghinambalanay upod sa mga Miyembro para Hambalan ang Ila mga Calling kag mga Responsibilidad

Ang mga stake presidency, bishopric, kag iban pa nga mga lider nagahambalanay sing tag-isaisa sa mga miyembro nga nagareport sa ila parte sa ila mga calling.

Ang lider nagapahayag sang pagpasalamat sa serbisyo sang miyembro kag nagahatag sang pagpapagsik.

31.3.6

Propesyunal nga Counseling kag Therapy

Ang mga lider sang Simbahan wala gintawag para mangin propesyunal nga mga manuglaygay ukon sa paghatag sang therapy. Ang bulig nga ila ginahatag espirituhanon, nagatutok sa nagapabakod, nagapaumpaw, nagatubos nga gahum ni Jesucristo. Dugang sa sining importante kag inspirado nga bulig, ang iban nga mga miyembro mahimo nga makabenepisyo sa propesyunal nga counseling kon may ginatanyag nga amo sini.

31.4

Paghinambalanay sa mga Miyembro Online

Masami, ang mga lider nagapakigkita sa mga miyembro sing personal para sa mga interbyu kag sa paghatag sang espirituhanon nga bulig kag pag-alagad. Pero, bilang eksepsyon, pwede sila nga maghambalanay online kon indi praktikal nga maghambalanay sing personal.