pumo’on nibe rurug pa’ay

31.

Boech e Mo’olung nge Interview ni Ngan Mada’nag e Members Riy

31.0

Mornga’agen

Yesus Kristus e baga’ nima machib ngak e gidii’ ni tabab ku bee’ nge mu’ fani yean ngak bee’ ( muguy, ni woed e, John 4:5–26; 3 Nephi 17:21). Ra reb pifak Got ma rib t’uf rok’. Ma ayuwegraed ko tin nib tu’uf roraed.

Biney e guruy e rayag ni nge ayuweg fapi tiyugang’ ni ngeyag ni nge mada’ nag fapi members.

31.1

Yalen Kanawo’en

31.1.1

Ngongliy Rogoy nib Thothup Rogon

Mu fal’eg rogom u fithik e thothup ni gabe meybil riy, maga be’eg fapi chep nib thothup, maga par nib mat’aw e par rom. Motoyil ko fare laam nima yib ko Kan ni Thothup.

31.1.2

Ayuweg e Member ni Ngar Thamiyed fare T’ufeg Rok’ Got

Napan nira yib reb e member ngom nifan reb e interview fa ke tu’uf e ayuw rok’ ko ban’en nibe mo’war riy, ma baga’ ni n’en nib tu’uf roraed e ngan pugorran ngoraed ni yaed ba t’uf rok’ e Chitamangiy nu Tharmiy.

Fapi chep nib thothup nge fapi machib ko fapi profet ko tin tomur e rran e rayag nira pinning fare Thothup ngeyib i machib nib polo’ ga’angin. Fanay e pi machib nem ni nge pii’ e athamgil me thogthog nagraed, gathi nge gecheg nagraed, fa tawasoriyraed, fa pii’ e murus ngoraed (muguy ko Luke 9:56).

31.1.3

Ayuweg fare Member nge Fek Gelngin fare Tathapeg

Mu pii’ e athamgil ngak fapi members ni ngar sapgaed Ngak ko tin nib tu’uf roraed. Mu ayuwegraed ni ngar feked nga dakeanraed gelngin, me pii’ e gapas ngoraed, me bayul nagraed.

31.1.4

Mu Ayuweg fare Member nge Thamiy e Gapas

Gubin ngiyal’ ma ngam moeg ngak fare member ni rayag ni nge un bee’ ngak ko ngiyal’ ko fare interview fa ko fare mo’olung. Napan ni gamew ra mo’olung reb e member nib thil ngom, fa reb e bitir, fa reb e fal’yangren, ma thingar mu fek reb e galibithir fa bee’ nib ilaal ni nge un ngalan fare mo’olung. Facha’ e rayag ni nge un ngalan fare mo’olung fa soen u wuru’ fare senggil, nibe yean u rogon ni ba’adag fare member ni’ir e yibe tay fare mo’olung nifen.

Dam moeg mornga’agen e tiney nib mith thibolngin ngak bee’—nib mu’un le’engim fa figirngim fa boech e tiyugang’ ko Galasia—ma karimus ni fa’anra ke pii’ fare member mat’wom.

31.1.5

Mu Fith e Duwer ni Yibe Thogthognag maga Motoyil nib Fel’ Rogon

Napan ni gamew be mo’olung reb e member, mu fith e duwer ni rayag ni nge ayuwegnem ngam nangfan salpen facha’.

Napan nibe non fare member, maga motoyil nib fel’ rogon ko tin nibe yoeg.

31.1.6

Pii’ e Athamgil nira Bee’ Me Gay Rogon nge Ayuweg Irr

Bachan e t’ufeg rom ngak fapi members, bay ni rayag ni gara papay nigem ngam ognag e ayuw nifan ko tin nib t’uf roraed. Machane, gara tawa’ath nagraed nib gel ni fa’an gara ayuwegraed ngar pire’egned e tin nib tu’uf ma yaed roraed ni ngar duugliyed e n’en nib tu’uf ni ngar rrin’ed (muguy ko Doctrine and Covenants 9:8).

31.1.7

Mu Pii’ e Ayuw ni ngan Kalngaen’

Kemus ni fare bishof fa stake president e rayag ni nge pii’ e ayuw ngak bee’ ko denen nike rrin’ ni rib kireb. Boech e pin’ey e kan yoloey ulan e 32.6. Fa’anra bay reb e member nike rrin’ reb e pi denen ney ni rib gel e kireb riy, ma thingari mada’ nag fare bishof fa fare stake president ni kachingiyal’ nem.

31.1.8

Mu Pii’ e Ayuw nib Mat’ow Rogon ko Gafgow ni Yibe Tay ngak Bee’

Ngongol ko gafgow nag bee’ e dabiyag ni ngan digey ni dabin rrin’ ban’en ngay. Nongoliy mornga’agen e biney nib fel’ rogon min report nag. Fa’anra gara nang mornga’agen bee’ ni yibe gafgownag, ma thingar mu report nag e biney ngak e police maga yoeg ngak fare bishof. Rogon kanawo’en ni ngan report min pii’ e ayuw ku bee’ ni yibe gafgownag e bay nikan pii’ ko 38.6.2.

31.2

Fapi Interview

31.2.1

Fan ko fapi Interview

Biney e yima rrin’, ni fapi tiyugang’ ko Galasia e yad ma interview nag fapi member ni ngar duugliyed ko:

• Kar fal’aged rogon raed ni ngar thapagned mar uned ngareb e gam’ing.

• Pinning ni nge pigpig ko reb e liiw ulan e Galasia.

31.2.2

Urngin Mit Fapi Interview

Mini’ e rayag nira gagiyeg nag fare interview	Fan ni ngan tay fare interview
Mini’ e rayag nira gagiyeg nag fare interview Kemus ni bishof	Fan ni ngan tay fare interview Pii’ e temple recommend ngak reb e member nibe thapeg e birok’ e endowment fa yibe seal nag ko le’engin fa figirng (muguy ko 26.3.1). Pii’ e temple recommend ngak bee’ nifin gi un ko Galasia (muguy ko 26.4.2). Yibliy reb e pumo’on nifin gi un ngareb fare office ko Aaronic Priesthood. Yibliy reb e pagal ni fel’yangren ko fare office ko priest (muguy ko 18.10.2). Reb e pumo’on ni yibe yoeg ni nge mang reb e elder fa high priest (muguy ko 31.2.6). Ke yib mat’won ko stake presidency nib tu’uf ni ngan tay e biney e interview. Reb e member ni yibe yoeg ni nge pigpig ni nge mang reb e missionary ni polo’ ga’angin (muguy ko 24.4.2). Pining reb e member ni nge pigpig ni’ir e president ko fare ulung ko ward. Pining reb e priest ni nge pigpig ni’ir e assistant ko fapi priest quorum. Ayuweg reb e member ni nge kalngaen’ ko reb e denen ni rib gel e kireb riy (muguy ko chapter 32). Endorse nag reb e member ni nge thapeg e Salpiy ni Ngan Malfithnag nifan e Sukul, ni fa’anra bay. Ngeyag ni yoeg e member ni fa’anra yaed be pii’ pilwon e tithing roraed (muguy ko 34.3.1.2). Pii’ mat’won ni ngan fanay fare salpiy ko balaynag e abich (muguy ko 22.6.1).
Mini’ e rayag nira gagiyeg nag fare interview Bishof fa fare counselor nike duugliy	Fan ni ngan tay fare interview Be’ech nag fapi temple recommend (muguy ko 26.3.1). Pii’ e temple recommend ni ngan un ko tawfe nifan bee’ nike yim’ me thapeg e thothup nifen (muguy ko 26.4.3). Pii’ e temple recommend ni ngeyag ni ngan seal ngak e galibithir fa ngan micheg fare sealing ko walag ngak e galibithir roraed (muguy ko 26.4.4). Pining reb e member ni nge pigpig ulan e ward ni ba’aray rogon ko 30.8. Pii’ mat’won e tawfe nge thapeg e thothup nifan reb e bitir nike meruk e duw rok’ ni’ir reb e member nibay e record rok’ fa bay e galibithir rok’ fa bee’ nibay u tan paa’ ni’ir reb e member ko Galasia (muguy ko 31.2.3.1). Pii’ mat’won e gam’ing ko reb e pagal nib fel’yangren nge mang reb e office ko deacon fa reb e sensey (muguy ko 18.10.2). Pii’ recommend nifan e Patriarchal Blessing (muguy ko 18.17). Pii’ mat’won bee’ nibay e priesthood rok’ ni nge rrin’ e gam’ing ko priesthood nifan reb e ward nib thil, ni fa’anra dariy e temple recommend rok’. (Muguy ko babyoren e Recommend nifan fare Gam’ing ni ngan Rrin’.)

31.2.3

Fapi Interview nifan e Tawfe nge Thapeg e Thothup

31.2.3.1

Bitir nibay e Record ko Member Roraed

Fare bishof e bay fapi kiy ko priesthood rok’ ni rayag ni nge tawfe nag fapi members ni 8 e duw roraed nibay e record ko member roraed ulan fare ward. Bachan e biney, ir fa reb fare counselor nikan duugliy era interview nag facha’ ko tin ba’aray ban’en nifan e tawfe:

• Bitir ni 8 e duw rok’ ni bay e record ko member roraed.

• Bitir ni 8 e duw rok’ ni dariy record ko member roraed machane baa’ ko reb e galibithir rok’ fa bee’ nibay u tan paa’.

• Members ni bay e record ko member roraed ni 9 e duw ngalang makan sasaga’al nag e tawfe roraed ni bachan e bay e m’ar roraed.

Napan fare interview, fare member ko bishofric era micheg ni fare bitir e manangfan fan ni yima tawfe (muguy ko 2 Nephi 31:5–20). Ma kura micheg ni fare bitir e manangfan fare m’ag nifan fare tawfe ma thingari micheg nira fol riy (muguy ko Mosiah 18:8–10). Dani mudugil rogon e duwer ni rib tu’uf ni nge fith. Biney e gathi ba interview ni nge duugliy ko be’ech facha’, ya “pi bitir roraed nib achichig e de tʼuf e kalngaenʼ roraed” (Moroni 8:11).

31.2.3.2

Gidii’ nib Be’ech nike Un ko Galasia

Fare mission president e bay fapi kiy roraed ko priesthood ni ngar tawfe niged e gidii’ nib be’ech nike un ko Galasia. Bachan e biney, fare interview ko reb e missionary ni nge pigpig nib polo’ ga’angin:

• Bee’ ni 9 e duw rok’ ngalang ni dariy bi’id nikan tawfe nag fake thapeg fare thothup. Muguy ko 31.2.3.1 nifan e gidii’ nibay e m’ar ko luug rok’.

• Bitir ni 8 e duw roraed ngalang nge galibithir rok’ e gathi members ko Galasia.

• Bitir ni 8 e duw roraed ngalang ni bay reb e galibithir rok’ nikan tawfe nag make thapeg fare thothup.

31.2.4

Interview nifan fapi Yibliy ngareb e Office ko Aaronic Priesthood

Boech mornga’agen e biney, muguy ko 18.10. 2.

31.2.5

Interview ko Temple Recommend

Fare temple e ire fare nu’un rok’ Somoel. Yean nga lan e temple ngan un ko fapi gam’ing riy e bugi ban’en ni rib thothup. Tiney e tawa’ath e kemus nifan e pi’in nikar fal’aged rogon raed nib thothup ma yaed be athamgil ni ngar fol gaed ko wo’en Somoel, ni fapi tiyugang’ nibay e priesthood roraed e bayra duugliyed e biney.

Ra ngan duugliy rogon e biney, ma fapi tiyugang’ nibay e priesthood roraed e ngar interview niged fare member ni yaed be fith fapi duwer nibay ulan e LCR (ngkum guy rogon kanawo’en ko 26.3).

31.2.6

Interview nifan e Gam’ing ko reb e Office ko Melchizedek Priesthood

Fare stake president e bay fapi kiy rok’ ko priesthood ni ngar pii’ed fare Melchizedek Priesthood. Ma kabay fapi kiy roraed nifan e yibliy ko reb fare office ko elder nge high priest.

Mu’un fare mat’won nike pii’ fare stake president, fare bishof e interview nag fare member nibe fanay fapi duwer nibay ko Melchizedek Priesthood Ordination Record.

31.3

Rogon Nrayag ni nge Mada’nag fapi Tiyugang’ fapi Members

• Fapi members e rayag ni ngar fithed ni ngar mada’ niged reb e tiyugang’ ko Galasia ni fa’anra ba tu’uf ni ngan powi’iyraed ko tin nib thothup fa bay boech ban’en nibe magawon nagraed.

• Fare bishof fa bee’ nike duugliy era mada’ nag fare member nibay e tin nib tu’uf rok’ (muguy ko 22.6).

• Reb e member ko bishofric era mada’ nag fapi bpin fa pagal ni 11-e-duw roraed ni nge chuw ko Primary nge yean ko quorum ko deacon fa klass ko Young Women.

31.3.1

Mada’nag e Fal’yangren

Fare bishof fa reb fagli councelors rok’ era mada’ nag tata’areb fapi fal’yangren ni l’agruw yay ulan reb e duw. Kemus ni ta’areb ko gali mo’olung ney e susun nibay fare bishof riy. Tabab ko fare duw nira gaman 16 e duw ko fare fal’yangren, ma fagli mo’olung ulan fare duw e susun ni ngan tay nibay fare bishof riy ni fa’anra rayag.

Fare president ko Young Women e kubay e muruwel rok’ ni nge machib ngak fapi bpin ni fal’yangren ni tata’areb. Rayag ni nge rrin’ e biney ni ngar mo’olung gaed fapi bpin ni fal’yangren ni tata’areb (fa bay bee’ nib ilaal nib mu’un ngay).

31.3.1.2

Mornga’agen e Tin ni Ngan Weliy

Fan ni yima tay e mo’olung nifan e fal’yangren e nge ayuwegraed ngar gel niged e mich roraed ngak e Chitamangiy nu Tharmiy nge Yesus Kristus min ayuweg e fal’yangren ni ngar laked wo’en row. Tiney e mo’olung e susun ni nge pii’ e athamgil nib thothup ngoraed.

31.3.2

Mada’nag e Fal’yangren nib Ilaal ni Dawri Mabgol

Fare bishof e ma tay fare mo’onog ko fal’yangren nib ilaal ni dawri mabgol ni reb e ban’en ni th’abi ga’fan ulan fare ward. Ir fa reb fagli counselor nike duugliy era mada’ nag reb fapi fel’yangren nib ilaal ni dawri mabgol ta’abiyay ulan reb e duw.

31.3.3

Mada’nag fapi Members ni ngan Weliy Mornga’agen fapi Pigpig Roraed nge Rogon e Muruwel Riy

Fapi stake presidencies, bishofrics, nge boech e tiyugang’ e yaed ma mada’nag fapi members ni tata’areb nibe report ngoraed rogon fapi pigpig roraed.

Fare tiyugang’ era og nag e magar ngak fare member nge pigpig ni yead be tay me pii’ e athamgil ngoraed.

31.3.6

Ayuw ko Gidii’ nib Salap nge Therapy

Tiyugang’ ko Galasia e gathi yibe pinningraed ni ngar manged e counselors ni gidii’en e gidii’ nib salap fa ngar pii’ed e ayuw ko therapy. Rogon e ayuw ni yaed ma pii’ e ba thothup, ni yaed be pii’ e ayuw ko pii’ gelngiy, pii’ e gapas, nge gelngin fare bayul rok’ Yesus Kristus. Ul’ul’ ko biney nib ga’fan nge ayuw nib thothup, boech fapi members era fel’ ko fapi mo’olung ni bay e gidii’ riy nib salap ni fa’anra bay e biney.

31.4

Mada’nag e Members u Online

Susun, ni fapi tiyugang’ e ngar mada’ niged fapi member nifan fapi interview min pii’ e ayuw ngoraed nib thothup min machib ngoraed. Machane, fa’anra ke tu’uf, ma rayag ni ngar mada’ gow facha’ u online ni fa’anra dabiyag ni ngar mada’ gow u ta’abang.