31.

Entèvyou ak Lòt Reyinyon avèk Manm yo

31.0

Entwodiksyon

Jezikri te souvan sèvi lòt moun youn pa youn (gade, pa egzanp, Jan 4:5–26; 3 Nefi 17:21). Li renmen chak nan pitit Li yo pafètman. Li ede yo pèsonèlman.

Chapit sa a kapab ede tout dirijan ki gen opòtinite pou yo rankontre avèk manm yo endividyèlman.

31.1

Prensip pou Gide nou

31.1.1

Prepare W Espirityèlman

Prepare tèt ou espirityèlman atravè lapriyè, etid ekriti, ak lavi jis. Koute chichotman Sentespri a.

31.1.2

Ede Manm lan Santi Lanmou Bondye

Lè manm yo vin jwenn ou pou yon entèvyou oswa pou èd avèk yon pwoblèm pèsonèl, souvan sa yo bezwen pi plis se konnen ke Papa nou ki nan Syèl la renmen yo.

Ekriti yo ak pawòl pwofèt dènye jou yo envite Lespri a epi anseye doktrin ki pur. Itilize yo pou enspire ak ankouraje, pa pou kondane, fòse, oswa lakoz laperèz (gade Lik 9:56).

31.1.3

Ede Manm lan Atire Pouvwa Sovè a

Ankouraje manm yo pou yo vire gade L. Ede yo atire pouvwa Li pou fòtifye, rekonfòte, ak rachte a.

31.1.4

Ede Manm lan Santi l Alèz ak an Sekirite

Toujou bay manm lan opsyon pou l gen yon lòt moun prezan pandan yon entèvyou oswa yon reyinyon. Lè w ap reyini avèk yon manm sèks opoze, yon timoun, oswa yon jèn, asire w ke yon paran oswa yon lòt granmou prezan. Li ka rantre nan reyinyon an oubyen rete tann deyò sal la, tou depann de preferans manm w ap rankontre a.

Pa pataje enfòmasyon konfidansyèl avèk okenn moun—enkli mari/madanm ou oubyen lòt dirijan Legliz—sof si manm lan bay pèmisyon.

31.1.5

Poze Kesyon Enspire epi Koute avèk Atansyon

Lè w gen reyinyon avèk yon manm, poze kesyon ki ede w konprann sitiyasyon li.

Pandan manm nan ap pale, koute avèk atansyon epi atantivman.

31.1.6

Ankouraje Otonomi.

Akoz lanmou w genyen pou manm yo, ou gen dwa anvi ofri solisyon imedyatman pou pwoblèm yo. Sepandan, w ap beni yo plis lè w ede yo jwenn pwòp solisyon pa yo epi pran pwòp desizyon pa yo (gade Doktrin ak Alyans 9:8).

31.1.7

Sipòte Efò pou Repanti yo

Se sèlman evèk la oswa prezidan pieu a ki ka ede yon moun rezoud peche grav. Gen kèk nan sa yo ki nan lis ki nan 32.6la. Si manm lan te komèt nenpòt nan peche sa yo, li dwe rankontre avèk evèk la oswa prezidan pieu a tousuit.

31.1.8

Reponn nan Fason Apwopriye pou Abi

Nou pa ka tolere abi sou okenn fòm. Pran rapò abi yo oserye. Si w vin konnen ke yon moun te sibi abi, rapòte abi a bay otorite sivil yo epi fè konsèy avèk evèk la. Yo bay direksyon pou rapòte ak reponn sitiyasyon abi nan 38.6.2.

31.2

Entèvyou/ Antrevi

31.2.1

Objektif Entèvyou yo

An jeneral, dirijan Legliz yo entèvyouve manm yo pou detèmine si yo:

• Prepare pou resevwa oswa patisipe nan yon òdonans.

• Yo ta dwe aple nan yon pozisyon nan Legliz la.

31.2.2

Tip Entèvyou

Ki moun ki ka fè entèvyou a	Objekti entèvyou a
Ki moun ki ka fè entèvyou a Evèk sèlman	Objekti entèvyou a Bay yon rekòmandasyon tanp pou yon manm k ap resevwa pwòp dotasyon pa li oubyen ki ap sele avèk yon mari oswa madanm (gade 26.3.1). Bay yon rekòmandasyon tanp pou yon nouvo konvèti (gade 26.4.2). Òdone yon nouvo gason konvèti nan yon ofis nan Prètriz Aawon an. Òdone yon jènjan oswa yon gason nan ofis prèt la (gade 18.10.2). Rekòmande yon gason pou l òdone kòm yon ansyen oswa gran prèt (gade 31.2.6). Ou bezwen gen apwobasyon prezidans pieu a pou w fè entèvyou sa a. Rekòmande yon manm pou l sèvi kòm yon misyonè aplentan (gade 24.4.2). Aple yon manm pou l sèvi kòm yon prezidan òganizasyon pawas. Aple yon prèt pou l sèvi kòm asistan nan kowòm prèt la. Ede yon manm repanti pou yon peche grav (gade chapit 32). Andose yon manm pou l resevwa yon prè nan Fon Edikasyon Pèpetyèl la, kote l disponib. Pèmèt yon manm deklare estati li kòm yon peyè dim (gade 34.3.1.2). Otorize itilizasyon fon ofrann jèn yo (gade 22.6.1).
Ki moun ki ka fè entèvyou a Evèk la oubyen yon konseye li bay tach la	Objekti entèvyou a Renouvle yon rekòmandasyon tanp (gade 26.3.1). Bay yon rekòmandasyon tanp pou patisipe nan batèm ak konfimasyon pa pwokirasyon (gade 26.4.3). Bay yon rekòmandasyon tanp pou moun sele avèk paran yo oubyen pou yo temwen sèlman frè ak sè yo avèk paran yo (gade 26.4.4). Aple yon manm pou l sèvi nan yon apèl pawas jan sa endike nan 30.8la. Otorize batèm ak konfimasyon yon timoun 8-tan ki se oubyen yon manm ki gen rejis oubyen ki gen yon paran oswa yon gadyen ki se yon manm Legliz la (gade 31.2.3.1). Otorize òdinasyon yon jènjan nan ofis dyak oswa enstriktè (gade 18.10.2). Bay yon Rekòmandasyon pou Benediksyon Patriyakal (gade 18.17). Otorize yon detantè prètriz pou l akonpli yon òdonans prètriz nan yon lòt pawas, si l pa gen yon rekòmandasyon tanp. (Gade Rekòmandasyon pou Ranpli yon fòm Òdonans.)

31.2.3

Entèvyou Batèm ak Konfimasyon

31.2.3.1

Timoun ki Se Manm ki gen Rejis

Evèk la detni kle prètriz pou batize manm 8 tan ki gen rejis yo nan pawas li a. Pou rezon sa a, limenm oswa yon konseye ki asiyen fè entèvyou avèk moun sa yo pou batèm:

• Timoun ki gen laj 8 tan ki se manm ki gen rejis.

• Timoun ki gen laj 8 tran ki pa manm ki gen rejis, men ki gen yon paran oswa yon gadyen ki se manm.

• Manm ki gen laj 9 ak pi gran ki gen batèm te retade akòz andikap entelektyèl.

Nan entèvyou a, manm episkopa a asire l ke timoun nan konprann objekti batèm nan (gade 2 Nefi 31:5–20). Li asire l tou ke timoun nan konprann alyans batèm nan epi li angaje l pou l viv selon li (gade Mozya 18:8–10). Li pa bezwen itilize yon lis byen presi. Se pa yon entèvyou pou detèmine diyite, paske “timoun piti pa bezwen repantans” (Mowoni 8:11).

31.2.3.2

Konvèti

Pwezidan misyon an detni kle prètriz pou batize konvèti yo. Pou rezon sa a, entèvyou pou yon misyonè aplentan:

• Moun ki gen laj 9 van ak plis ki pa t janm batize ni konfime. Gade 31.2.3.1 pou yon eksepsyon pou moun ki gen andikap entelektyèl.

• Timoun ki gen laj 8 tan ak plis ki gen paran yo ki pa manm Legliz la.

• Timoun ki gen laj 8 tan ak plis ki gen yon paran ki batize ak konfime tou.

31.2.4

Entèvyou pou Òdinasyon nan yon Ofis nan Prètriz Aawon an

Pou plis enfòmasyon, gade nan 18.1.

31.2.5

Entèvyou pou Rekòmandasyon Tanp

Tanp lan se kay Senyè a. Antre nan tanp epi patisipe nan òdonans ki ladan l yo se yon privilèj sakre. Privilèj sa a rezève pou moun ki prepare espirityèlman epi ki fè efò pou yo viv prensip Senyè a, jan dirijan prètriz otorize yo detèmine yo.

Pou pran detèminasyon sa a, dirijan prètriz yo fè entèvyou avèk manm lan kote yo itilize kesyon ki nan LCR yo (gade direksyon ki nan 26.3yo tou).

31.2.6

Entèvyou pou Òdinasyon nan yon Ofis nan Prètriz Mèlkisedèk la

Prezidan pieu a detni kle prètriz pou l konfere Prètriz Mèlkisedèk la. Li gen kle tou pou l òdone moun nan ofis ansyen ak gran prèt yo.

Avèk apwobasyon prezidans pieu a, evèk la entèvyouve manm lan kote l itilize kesyon yo bay nan Rejis Òdinasyon Prètriz Mèlkisrdèkla.

31.3

Lòt Opòtinite pou Dirijan yo rankontre avèk Manm yo

• Manm yo ka mande pou yo rankontre avèk yon dirijan Legliz lè yo bezwen direksyon espirityèl oubyen lè yo gen gwo pwoblèm pèsonèl.

• Evèk la oswa yon moun li bay tach la rankontre avèk manm ki gen bezwen tanporèl (gade 22.6).

• Yon manm episkopa a rankontre avèk chak timoun ki gen 11 zan lè l ap deplase soti nan Primè pou al nan kowòm dyak la oswa nan yon klas Jènfi.

31.3.1

Reyinyon avèk Jèn yo

Evèk la oswa youn nan konseye l yo reyini avèk chak jèn de fwa pa ane. Omwen youn nan reyinyon sa yo chak ane ta dwe avèk evèk la. Kòmanse ane jèn yo vire 16 zan an, tou de reyinyon yo pandan ane a ta dwe avèk evèk la si sa posib.

Prezidant Jènfi a gen yon responsablite pou sèvi jènfi yo endividyèlman tou. Li ka fè sa nan rankontre jènfi youn pa youn (oubyen avèk yon lòt granmoun prezan).

31.3.1.2

Sijè pou Diskite

Objekti prensipal reyinyon avèk jèn yo se pou bati lafwa nan Papa nou ki nan Syèl la ak Jezikri epi ede jèn yo suiv Yo. Reyinyon sa yo ta dwe se eksperyans espirityèl ki edifyan.

31.3.2

Reyinyon avèk Jèn Adilt Sèl yo

Evèk la mete gwo priyorite sou pwogrè espirityèl jèn adilt sèl yo nan pawas li a. Limenm oswa yon konseye li asiyen reyini avèk chak jèn adilt omwen yon fwa chak ane.

31.3.3

Reyinyon avèk Manm yo pou Diskite sou Apèl Yo ak Responsablite Yo

Prezidans pieu, episkopa, ak lòt dirijan dwe rankontre endividyèlman avèk manm ki gen pou bay rapò sou apèl yo.

Dirijan an eksprime rekonesans li pou sèvis manm lan epi li ofri ankourajman.

31.3.6

Konsèy Pwofesyonèl ak Terapi

Dirijan Legliz yo pa aple pou yo se konseye pwofesyonèl ni pou bay terapi. Asistans yo bay la espirityèl, li konsantre sou pouvwa fòtifyan, rekonfòtan, ak redanmtè Jezikri a. Anplis èd enpòtan ak enspire sa a, gen kèk manm ki ka benefisye nan konsèy pwofesyonèl kote sa disponib.

31.4

Reyinyon avèk Manm yo Vityèlman

An jeneral, dirijan yo rankontre avèk manm yo an pèsòn pou yo fè entèvyou ak pou yo bay èd espirityèl. Sepandan, kòm yon eksepsyon, yo ka rankontre vityèlman lè sa pa pratik pou yo rankontre an pèsòn.