31.

Lohlngohk ac Miting Sahyac nuh sin Mempucrs

31.0

Ikucslah

Jisus Kraist El luti nuh sin mwet sahyac kais sie nuh sie (liye, nuh ke, John 4:5–26; 3 Nephi 17:21). El luhngse kais sie tuhlihk nuhtin God. El kahsrelos kais sie.

Sapta se inge kuh in kahsruh mwet kol nuh kwewa in oasr inkacnek lalos in ohsun nuh sin kais sie mempucr.

31.1

Kolyuck ke Mwe Luti

31.1.1

Ahkolah in Nguhn

Ahkoekomlac in nguhn ke kom pruhe, lutlutkihn ma suhmuhslah, ac moul suwohs. Lohng mahmah luhn Nguhn Muhtahl.

31.1.2

Kahsruh Mempucr in Puhla Luhngse luhn God

Ke pacl mempucr uh tuhkuh nuh yurum in oruh lohlngohk kuh eis kahsruh ke elyah lalos sifacna, ma se elos enenuh in etuh emeet uh pa Pahpah Inkuhsrao El luhngse elos.

Ma suhmuhslah ac kahs luhn mwet pahluh moul ke lwen-sahflah suli Nguhn ac luti ke mwe luti pwacye. Orekmakihn ma inge in mokle ac ahkkweye, tuh in tiac mwe muhlat, ma forciyuck, kuh ahksahngwengye (liye Luke 9:56).

31.1.3

Kahsruh Mempucr in Puhla Fokokoiyacn Kuh luhn Mwet Lahngo

Kwacfe mempucr in ngwet nuh Sel. Kahsrelos in puhla fokokoiyacn kuh Lal in ahkkweye, ahkmihs, ac mwe molwelah.

31.1.4

Kahsruh Mempucr in Puhla Mwesahs ac Safe

Esam in sang pacl luhn mempucr in sulaclah lah oasr mwet se sahyac elos luhngse in wi ke pacl in lohlngohk kuh miting se inge. Fin oruh lohlngohk nuh sin tuhlihk muhtwacn se, tuhlihk srihsrihk se, kuh tuhlihk fuhsr se, ahklohye lah pahpah ninac kuh mwet mahtuh se wi oasr pac insacn. Mukul sacn kuh muhtwacn sacn kuh in wi miting sacn kuh muhta tuhpan lihkihnihm an, wiwina luhngse kena luhngse mempucr se kom ohsun miting nuh se an.

Tiac akacsruhi ke ma lukmac nuh sin oacna sie—finne nuh sin muhtwacn kiom kuh mwet kol sahyac ke Alu uh—ne kena mempucr sacn usot lwelah.

31.1.5

Siyuck Kihsen Siyuck Ma Mokle ac Lihpsre in Wo

Ke ohsun nuh sin mempucr uh, siyuck kihsen siyuck ma ac kahsre kom in kahlwem ke elyah lal.

Ke mempucr sacn sramsram uh, lihpsre ahkwoyac ac lohacng kac.

31.1.6

Ahkkweye In kuh in Sifacna

Ke srihpen luhngse lom nuh sin mempucr, kom ac luhngse sokwack inkacnek in konwelah elyah se ingacn. Tuhsruhktuh, kom ac ahkinsewowoyaclos yohk ke kom kahsrelos in kuh in sifacna sokwack top nuh ke elyah lalos ac oraclah sulaclah lalos sifacna (liye Doctrine and Covenants 9:8).

31.1.7

Ahkkweye Kampare in Auliyak

Pisap ac stek prestuhn muhkwena kuh in kahsruh mwet se in auliyak ke ma koluk. Kuhtuh ma inge sihmlac oasr ke 32.6. Fin mempucr inge kuhnahoslah oacna sie ma koluk inge, el enenuh in silahklahk ohsun nuh sin pisap kuh stek prestuhn.

31.1.8

Topuk Fal nuh ke Ahkngal

Ahkngal tiac ma luhngseyuck se ke ohiyac nuh kwewa. Eis tuhkahk ke ahkngal uh seriously. Fin kom etuh muh oasr mwet se ahkngalyeyuck, fahk nuh sin mwet karihngihn masap ac sramsram nuh sin pisap. Ahkuhtweyac nuh ke ripohrti ac eis fahk ke ahkngal oasr ke 38.6.2.

31.2

Lohlngohk

31.2.1

Srihpen Lohlngohk

Mwet kol ke Alu uh elos oruh lohlngohk lalos nuh sin mempucr in sokwack lah elos:

• Ahkolah in eis kuh oruh akwuck.

• Kuh in pahngonyuck nuh ke kunohkohn nuh ke Alu.

31.2.2

Kain in Lohlngohk

Suc kuh in oruh lohlngohk uh	Srihpen lohlngohk uh
Suc kuh in oruh lohlngohk uh Pisap muhkwena	Srihpen lohlngohk uh Oraclah sang sie pwepuh in lwelah nuh tempuhl nuh sin mempucr se ma ac eis mwe sang muhtahl lal sifacna kuh in sil nuh sin tuhma kuh kiyac (liye 26.3.1). Oraclah sang pwepuh in lwelah nuh tempuhl nuh sin mwet se tuhfahna in pacptaislac (liye 26.4.2). Akmuhsraelah mukul tuhfahna in pacptaislac nuh ke ke ohfuhs luhn Aaronic Pristut. Akmuhsraelah mukul fuhsr se kuh mukul se nuh ke ohfuhs luhn prist (liye 18.10.2). Sang lwelah nuh sin mukul se in akmuhsralah nuh ke elder kuh prist fuhlwact (liye 31.2.6). Eis lwelah sin stek prestuhnsi enenweyuck in ahkfahsrye lohlngohk se. Sang lwelah nuh sin mempucr se in kuhlwacnsap ekihn misineri se (liye 24.4.2). Pahngon mempucr se in kuhlwacnsap ekihn prestuhn ke u ke ward ingacn. Pahngon prist se in kuhlwacnsap ekihn mwet in kahsruh se ke u luhn prist. Kahsruh mempucr in auliyak ke ma koluk upac (liye sapta 32). Sang kuh nuh sin mempucr in eis Perpetual Education Fund loan [Mani nuh ke Lutlut], fin oasr. Lwelah mempucr in liye lah el oasr oyac ke sang lal ke sie tahfuh singucul (liye 34.3.1.2). Ahkkweyelah orekmakihnyen mwe sang ke lalo (liye 22.6.1).
Suc kuh in oruh lohlngohk uh Pisap kuh mwet in kahsruh se el srihsrngiyac	Srihpen lohlngohk uh Ahksasucye pwepuh in lwelah nuh tempuhl (liye 26.3.1). Oraclah sang pwepuh in lwelah se nuh tempuhl elan kuh in wi oruh pacptais ke mwet misac ac ahkkweyeyucklac (liye 26.4.3). Oraclah ac sang pwepuh in lwelah nuh tempuhl in sil nuh sin pahpah ninac kuh in wi liye sil luhn tuhlihk wiyac nuh sin pahpah ninac (liye 26.4.4). Pahngon mempucr se in kuhlwacnsap ke kunohkohn ke ward oacna ke ahkuhtweyucki in 30.8. Sang kuh in pacptais ac ahkkweyelah yac-8 ma isuslac mempucr ke ma sihmlac kuh oasr pahpah ninac kuh mwet in karihngihnyuck se lal mempucr ke Alu uh (liye 31.2.3.1). Sang kuh in akmuhsraelah tuhlihk mukul fuhsr se nuh ke ohfuhs luhn tikin kuh teacher (liye 18.10.2). Oraclah Sang Pwepuh in Lwelah ke Mwe Insewowo ke Patriarch (liye 18.17). Sang kuh nuh sin mwet sruok pristut in oruh akwuck ke pristut ke ward sahyac, fin wacngihn pwepuh in lwelah lal nuh tempuhl. (Liye Recommend to Perform an Ordinance form [Pwepuh in Lweluh in Oruh Akwuck].)

31.2.3

Lohlngohk ke Pacptais ac Ahkkweyeyuck

31.2.3.1

Tuhlihk ma Isuslac Mempucr ke Ma Sihmlac

Pisap el sruok ki luhn pristut ma kuh in sang pacptaiselah mempucr ma yac-8 ma inelos sihmlac oasr ke ward. Ke srihpac se inge, el kuh mwet in kahsruh se el srihsrngiyac oruh lohlngohk nuh sin mwet ekahsr inge nuh ke pacptais:

• Tuhlihk matwac yac 8 ma mempucr oasr ke ma sihmlac.

• Tuhlihk matwac yac 8 ma tiacna mempucr ke ma sihmlac tuhsruhk pahpah ninac kuh mwet in karihngihn se el mempucr.

• Mempucr ma sihmlac matwac yac 9 ac mahtuh liki ma pacptais la kohtlah ke srihpen muhnahs luhn nuhnak.

Ke lohlngohk inge, pisaprik mempucr inge ahklohyac in liye lah tuhlihk inge kahlwem ke kalmeyacn pacptais (liye 2 Nephi 31:5–20). El oacyacpac ahklohye in liye lah tuhlihk se inge kahlwem ke olwelah oreklac ke pacptais ac ahkolah in moulkihn (liye Mosiah 18:8–10). El tiac enenuh in orekmakihn list in kihsensiyuck. Lohlngohk se inge tiac orek in liyeyuck nwacsnwacs, ke srihpen “tuhlihk srihsrihk tiac enenuh in auliyak” (Moroni 8:11).

31.2.3.2

Mwet Pacptaislac

Misin prestuhn el sruok pristut ki in pacptaiselah mwet sasuc. Ke srihpac se inge, misineri elos oruh lohlngohk:

• Mwet matwac yac 9 ac mahtuh liki ma soenna pacptaislac ac ahkkweyeyucklac. Liye 31.2.3.1 som yohk nuh sin mwet ma suhkahpahs ke nuhnak.

• Tuhlihk matwac yac 8 ac mahtuh liki ma pahpah ninac tiac mempucr ke Alu uh.

• Tuhlihk matwac yac 8 ac mahtuh liki ma pahpah ninac tuhmwaclos ac kiaclos pacptais ac ahkkweyeyucklac tari.

31.2.4

Lohlngohk nuh ke Akmuhsra nuh ke Ohfuhs luhn Aaronic Pristut

In etuh yohk kac, liye 18.10.2.

31.2.5

Lohlngohk ke Pwepuh in Lwelah nuh Tempuhl

Tempuhl el lohm sin Leum. Utyak nuh in tempuhl ac wi oruh akwuck we el orekma na muhtahl se. Suwohs se inge fihliyucki nuh selos suc ahkoelah in nguhn ac kampare in moulkihn akwuck luhn Leum, oacna ke suleyucklac sin mwet kol oasr kuh la ke pristut.

In oraclah sulaclah se inge, mwet kol ke pristut oruh lohlngohk nuh sin mempucr inge orekmakihn kihsensiyuck ke LCR (liye pac ke ahkuhtweyucki ke 26.3).

31.2.6

Lohlngohk in Akmuhsralah nuh ke Ohfuhs luhn Melchizedek Pristut.

Stek prestuhn el sruok pristut ki ma sang Melchizedek Pristut. El oacyacpac sruok ki nuh ke akmuhsra nuh ke ohfuhs luhn elder ac prist fuhlwact.

Ke lwelah luhn stek prestuhnsi, pisap el oruh lohlngohk nuh sin mempucr orekmakihn kihsensiyuck ke Melchizedek Priesthood Ordination Record [Ma sihmlac ke Akmuhsra luhn Melchizedek Pristut].

31.3

Inkacnek Sahyac ma Mwet Kol kuh in Ohsun nuh sin Mempucr

• Mempucr kuh in siyuck in ohsun nuh sin mwet kol ke Alu uh ke pacl elos enenuh kolyuck luhn nguhn kuh pacl elos puhla elyah toasr lalos.

• Pisap kuh mwet se el srihsrngiyac ohsun nuh sin mempucr ma oasr elyah lalos (liye 22.6).

• Mwet se ke pisaprik el ohsun nuh sin kais sie tuhlihk ma yac-11 ke pacl se el som liki Tuhlihk Srihsrihk nuh ke u luhn tikin kuh kuhlahs luhn Muhtwacn Fuhsr.

31.3.1

Miting nuh Tuhlihk Fuhsr

Pisap kuh sie sin mwet kahsruh lal ohsun nuh sin kais sie tuhlihk fuhsr pacl luo ke yac se. In kuh in sie sin miting inge ke kais sie yac in ohsun nuh sin pisap. Muhtwacwacack ke yac se ma tuhlihk fuhsr se inge eklac yac 16, miting luo ke yac se inge kuh in orek weluhl pisrap fin kuh.

Prestuhn luhn Muhtwacn Fuhsr oasr pac kunohkohn lal in luti muhtwacta yurin kais sie muhtwacn fuhsr inge. El kuh in oruh ma se inge ke pacl el ohsun nuh sin muhtwacn fuhsr inge sie nuh sie (kuh wi mwet mahtuh se sahyac fin oasr).

31.3.1.2

Sifac in Sruhmuhnyuck

Srihpac yohk ke miting nuh sin tuhlihk fuhsr pa in muhsahi luhlahlfongi kacl Pahpah Inkuhsrao ac Jisus Kraist ac kahsruh tuhlihk fuhsr in fahsr Tohkohlos. Miting inge enenuh in ahkmuhlahlahye etuh lalos.

31.3.2

Miting nuh sin Mwet Fuhsr Lolacp

Pisap el orekma ke mwet fuhsr lolacp ac siyac mwet fuhsr lolacp ke ward lal in pa el orekma kac emeet El kuh mwet in kahsruh se srihsrngiyucki ohsun nuh sin kais sie mwet fuhsr lolacp inge pacl se ke yac se.

31.3.3

Ohsun nuh sin Mempucr in Sruhmuhn Pahng ac Kunohkohn

Stek prestuhnsi, pisaprik, ac mwet kol sahyac ohsun na nuh sin mempucr ma ripohrt nuh selos ke pahng lalos.

Mwet kol inge fahkwack kuloh lalos ke kuhlwacnsap luhn mempucr inge ac ahkkweyaclos.

31.3.6

Sang Kahs in Kahsruh ac Sramsram sin Mwet Suhmaht (Therapy)

Mwet kol ke Alu uh tiac pahng in mwet in kahsruh suhmaht (kuh therapist) kuh sang kahsruh nuh sin mwet mas ke nuhnak lalos. Kahsruh elos oruh uh tuhkuh ke nguhn, siyac na in ahkkweye, ahkmisye, ac molwelah kuh luhn Jisus Kraist. In weacng pacna kahsruh na yohk ac moklweyuck se inge, kuhtuh mempucr uh kuh in eis wo eis kahs in kahsruh suhmaht fin oasr.

31.4

Miting nuh sin Mempucr Orekmakihn Phone kuh Computer

Kuhtuh pacl uh, mwet kol angwetwacni na oruh lohlngohk lalos ac in sang kahsruh nuh ke nguhn ac mwe luti. Kuhtuh pacl uh pac, fin lwelah, elos kuh in orekmakihn phone kuh computer fin ohsun angwetwacni lalos uh tiac kuh in oreklac.