mukul sramsram

32.

Auliyak ac Toeni luhn Mempucr ke Alu Uh

32.0

Ikucslah

Inkaiyacn auliyak uh sikyak inmahsrlon mwet se, God, ac mwet ma puhlakihn elyah ke srihpen ma koluk luhn mwet se. Tuhsruhktuh, kuhtuh pacl uh prestuhn se ke alu uh enenuh in kahsruh mempucr ke alu uh ke auliyak lalos.

Ke elos kahsruh mempucr ke auliyak uh, prestuhn ma enenuh in oruh ke luhngse ac pahkomuhta. Elos ukwe srihkasrak luhn Mwet in Molwelah, suc sruhkwack kais sie mwet in forlah liki ma koluk ac for nuh sin God (liye Matthew 9:10–13; John 8:3–11).

32.1

Auliyak ac Nuhnakmuhnahs

In ahkfahsryelah plwacn se Lal inge, Pahpah tuhmasr Inkuhsrao El suhpwacma Wen Kuloh sefanna Nahtuhl, Jisus Kraist, in elah ma koluk lasr (liye Alma 42:15). Jisus El kweok ke ma koluk inge ke srihpen ma inge ma masap ke ma pwacye El enenuh ke ma koluk lasr uh. (liye Doctrine and Covenants 19:15–19; liye pac Alma 42:24–25). Ke kihsackuhnlah se inge, Pahpah Ac Wen Elos kwewa na oruh in kahlwem luhngse wacngihn sahflahiyac lalos nuh sesr (liye John 3:16).

Ke kuht oruh “luhlahlfongi in auliyak,” Pahpah tuhmasr Inkuhsrao El nuhnakmuhnahs nuh sesr, use pahkomuhta ke Kihsackuhnlah luhn Jisus Kraist (Alma 34:15; liye pac Alma 42:13). Ke kuht ahknwacsnwacsyeyucklac ac tuhlweyucklac liki ma koluk lasr, kuht kuh in eis tohkohsrahi luhn God (liye Isaiah 1:18; Doctrine and Covenants 58:42).

Auliyak el yohk liki na in ekuhllah elah. El pa forlah liki ma koluk ac for nuh sin Pahpah tuhmasr Inkuhsrao ac Jisus Kraist. El pwen kuht nuh ke eklac ke insiyac ac nuhnak (liye Mosiah 5:2; Alma 5:12–14; Helaman 15:7). Ke auliyak, kuht eklac nuh ke mwet sasuc, sifilpac weluhllah God (liye Luo Corinth 5:17–18; Mosiah 27:25–26).

Pacl wowo se in auliyak el sie mwe insewowo na yohk ma Pahpah tuhmasr Inkuhsrao El use nuh sesr ke mwe sang luhn Wen Nahtuhl.

32.2

Srihpac nuh ke Tiloki luhn Kuh luhn mempucr Se kuh Itucklac Ine Liki Alu Uh

Fin mempucr se oraclah ma koluk na upac se, pisap kuh stek prestuhn el kahsrwel in auliyak. In oacna ke ipin auliyak se inge uh, el enenuh in tulokihnyac kuhtuh kuh luhn mempucr se inge ke puhluhn pacl se. Ke kuhtuh pacl uh, el ac enenuh in eslah inen mwet se inge liki alu uh ke puhluhn pacl se.

In tulokihnyac kuh luhn mwet se kuh in eslah inel liki alu uh tiac ma orek in mwe sang kaiyuck nuh se. Tuhsruhk, mukwikwi inge el kuhtuh pacl uh enenweyuck in sang kahsruh mwet se in auliyak ac puhlakihn eklac pwacye luhn insiyac. Elos oacyacpac sang nuh sin mwet se pacl in ahkolah ke nguhn in sifil ahksasucye ac liyacacng olwelah lal.

Srihpac tolu nuh ke tilokuh ke suwohs luhn mempucr se kuh in eisacllah liki alu uh pa ahkuhtweyucki ke ma ten inge.

Srihpac Tolu ke Tilokuh luhn Suwohs luhn mempucr kuh in Eslah Ine Liki Alu Uh

1. Kahsruh karihngihn mwet sahyac

2. Kahsruh mwet se in eis kuh in molwelah luhn Jisus Kraist ke auliyak

3. Karihngihn inen alu uh

32.2.1

Kahsruh Karihngihn Mwet Sahyac

Srihpac se met an pa in kahsruh karihngihn mwet sahyac. Kuhtuh pacl uh mwet se el mwe sensen se nuh ke mahno ac nguhn uh. Ahksahngweng, ahkngal, ohiyac sowac, koluk orekmakihnyacn ma, kikiacp, ac forlah liki ma pwacye pa kuhtuh inek ma se inge kuh in sikyak uh. Ke kolyuck, pisap se kuh stek prestuhn se el mukwikwi in karihngihn mwet sahyac ke pacl se ma mwet se el mwe sensen ke ma inge ac kuhtuh pac ma koluk upac sahyac. (liye Alma 5:59–60).

32.2.2

Kahsruh Mwet Se in Eis Kuh in Molwelah luhn Jisus Kraist ke Auliyak

Srihpac se ahkluo an pa in kahsruh mwet se in eis kuh in molwelah luhn Jisus Kraist ke auliyak. Ke ma se inge, el kuh in sifilpac eklac nwacsnwacs ac fal in eis nohfohn mwe insewowo lal God.

32.2.3

Karihngihn Inen Alu Uh

Srihpac se ahktolu an pa in karihngihn inen Alu uh. Ac kuh in ma enenuh se in tulokihnyac suwohs luhn mwet se kuh eslah inel liki alu uh fin mukwikwi lal uh ahkkolukye alu uh (liye Alma 39:11). Inen alu uh tiac karihngihnyuck ke ac ukunyucklac kuh ahksrihkyelah ma koluk uh—tuhsruhk ke ac ahkkahlwemyeyuck uh.

32.3

Kunohkohn luhn Mwet in Nuhnuhnkuh fin Acn Israel

Pisap ac prestuhn luhn stek elos pahngonyuck ac srihsrihlac in ekihn mwet in nuhnuhnkuh fin acn Israel (liye Doctrine and Covenants 107:72–74). Elos sruok ki luhn pristut ac ahollah Leum in kahsruh mempucr ke Alu uh in auliyak (liye Doctrine and Covenants 13:1; 107:16–18).

Pisap ac stek prestuhn ah elos wi kahsruh ke auliyak ke kahs in kahsruh nuh sin mwet se ingacn. Kahsruh se inge kuh in oasr tulokihnyac ke kuhtuh ma mempucr se kuh in oruh ke puhluhn pacl se.

Nuh ke kuhtuh ma koluk upac, mwet kol uh kahsruh ke auliyak ke oruh sie toeni ah (liye 32.6). Kahsruh se inge kuh in oasr tulokihnyac ke kuhtuh ma mempucr uh kuh in oruh kuh eslah inen mwet se ingacn liki alu uh ke puhluhn pacl se.

Pisap ac prestuhn luhn stek uh elos ahkkahlwemye luhngse ac elyah lalos ke elos kahsruh mwet uh in auliyak uh. Mukwikwi luhn Mwet in Molwelah nuh sin muhtwacn se suc utuckyak ke srihpen kosro el mwe kol se (liye John 8:3–11). Finne El tiacna fahk muh ma koluk lal tuhlweyucklac, el tiac pacna ahkkolukyacl. Tuhsruhk, El fahk nuh sel in “tiac sifil oruh ma koluk”—in auliyak ac ekuhllah moul lal.

Mwet kol inge luti lah oasr “engan … inkuhsrao ke sie mwet el auliyak uh” (Luke 15:7). Elos muhtweng, kahsruh, ac nuhnkuh ke ma wo. Elos mokle finsrak. Elos luti ac fahkwack lah ke srihpen kihsackuhnlah luhn Mwet in Molwelah ke iwaclah lal, nohfohn na kuh in auliyak ac eklac nwacsnwacs.

Pisap ac stek prestuhn uh suk kolyuck sin Nguhn Muhtahl in etuh fuhkah in kahsruh kais sie mwet in auliyak. Ma koluk upac uh muhkwena Alu uh oraclah akwuck fal mwet kol in ukwe (liye 32.6). Wacngihn ohiyac luo oacna sie. Kahs in kahsruh ma mwet kol sang ac fahsr luhn auliyak ma elos kahsruh enenuh in mokleyuck sin nguhn ac kuh in siena nuh sin kais sie mwet.

32.4

Fahkwack Ke Ma Koluk, Lukmac, Ac Fahkwack Nuh Sin Mwet Oasr Kuh La Ke Kafucrmacn

32.4.1

Fahkwack Ke Ma Koluk

Auliyak el enenuh in fahkwack ke ma koluk nuh sin Pahpah tuhmasr Inkuhsrao. Jisus Kraist El fahk, “Ke ma inge kom kuh in etuh lah mwet se el auliyak liki ma koluk lal—liye, el ac fah fahkwack ke ma koluk lal ac fahsr liki ma koluk inge” (Liye Doctrine and Covenants 58:43; liye pac Mosiah 26:29).

Ke mempucr ke alu uh elos oraclah ma koluk upac, auliyak lalos uh enenuh in ma nuh sin pisap lalos kuh prestuhn luhn stek. Fin el fahkwack ma koluk lal nuh selos el fah kuh in orekmakihn ki ke alu uh nuh ke auliyak ke fahk lalos (liye Doctrine and Covenants 13:1; 84:26–27; 107:18, 20). Ma se inge kahsrwelos in onweyucklac ac fohlohkoh nuh ke inkacnek luhn alu ke kuh ke Iwaclah luhn Mwet in Molwelah.

Srihpen fahkwack ke ma koluk la pa in pahtok mempucr in ahkmuhlahlahyeaclos sifacna elos in muh kuh in suk kahsruh luhn Leum in eklac ac wolac. Oraclah sie “inse muhsahl ac toasr in nguhn” el ma tuhkuh ke fahkwack ma koluk la (2 Nephi 2:7). Sifacna fahkwack ma koluk la el ahkkahlwemye lah el mwet se suc kena in auliyak.

Ke mempucr se ac fahkwack ma koluk lal uh, pisap kuh prestuhn luhn stek ukwe ma oreklac nuh ke kahs in kahsruh ke 32.8. El pruhe siyuck kolyuck ke ohiyac fal in kahsruh mempucr se ingacn in auliyak. El nuhnkuh lah toeni in kahsruh mempucrlac se ac kuh in kahsruh. Fin masap luhn Alu uh enenuh in oasr sie toeni in eis ac sang kahsruh, el ahkuhtweyac ma se inge (liye 32.6).

Kuhtuh pacl uh mempucr se ac oraclah ma koluk se nuh sin mukul tuhmwac kuh muhtwacn kiyac kuh sie pacna mwet mahtuh sahyac. Ipin auliyak uh, el enenuh in fahkuhlwack nuh sin mwet ma el oraclah ma koluk se inge nuh se uh ac suk nuhnakmuhnahs. Sie mwet fuhsr ma oraclah ma koluk upac se pahtokyuck el in sramsram nuh sin ninac ac pahpah tuhmwacl.

32.4.4

Ma Lukmac

Pisap, prestuhn luhn stek, ac mwet in kahsruh lalos oasr kunohkohn muhtahl la in karihngihn nohfohn mwe etuh lukmac ma akacsruhi yohrohlos. Ma inge kuh in tuhkuh ke intuhrfiyu, sramsram inmahsrlon mwet se, ac ke fahkwack ma koluk. Kunohkohn se inge el ma pac nuh sin nohfohn mwet ma wi toeni luhn mempucr se ke el fahkwack ma koluk lal. Ma lukmac enenweyuck in tiac sruhmuhnyuck ma mempucr uh fahkwack ke ma koluk lalos kuh suk kolyuck fin ma elos sruhmuhn inge ac tiacna an na nuh sin mwet se na ngwacn. Kuhnahoslah ma lukmac se el ahklahlfonye luhlahlfongi luhn mempucr se ac oruh in wacngihnlac nuhnak fokoko laltahl ke mwet kol lalos.

In fahsr fal nuh ke ma kunaclos, pisap se, prestuhn luhn stek, kuh mwet kahsruh lalos kuh in akacsruhi ke ma inge muhkwena fin ohinge:

• Elos enenuh in sramsram sin prestuhn luhn stek ke mempucr se, prestuhn luhn misin, kuh pisap in oruh sie toeni kuh ohiyac ma kuhpahsr nuh kac uh.

• Mwet se inge el som nuh ke ward sasuc se (kuh mwet kol luhn pristut el fihliyucklac liki pahng se) ke pacl se ma orekma upac kuh kuhtuh elyah yohk srwack liyeyuck.

• Pisap se kuh prestuhn luhn stek se etwaclah lah mempucr se ma muhta lihkihn ward se kuh stek se kuh in oasr ke ma koluk na upac se.

• Ma enenuh se in fahkwack ke ma ingacn ke pacl se ma toeni se ingacn orek uh.

• Mempucr se el sulaclah in sang lwelah nuh sin mwet kol se in sruhmuhn ke ma ingacn nuh sin mwet.

• Ac kuh in enenweyuck in sruhmuhnyuck ma na srihsrihk ke sulaclah luhn mwet ke miting kuh toeni sac.

In kahsruh mwet kol in karihngihn mwet sahyac ac fahsr fal nuh ke masap, Alu uh sang mwet profacsrihnuhl in kahsruh. In eis kolyuck, mwet kol uh silahklahk pahngon lain in kahsruh mwet ahkngal fin oasr ke acn sacn (liye 38.6.2.1). Ke yen ma wacngihn we, prestuhn luhn stek el sruok area legal counsel ke ohfuhs luhn eria.

Ke ohiyac se fanna pisap se kuh prestuhn luhn stek se el enenuh in in sruhmuhn ke ma lukmac inge ac tiac suk met kolyuck. Pacl se inge pa pacl ma inge el fal in sang tulokihn ongaiyac upac ac wacngihn pacl in suk kolyuck. Ke kain ohiyac inge, kunohkohn in karihngihn mwet sahyac el yohk srihpac liki na kunohkohn in tiac sruhmuhn ma nuh sin mwet sahyac. Mwet kol uh enenuh in silahklahk na sruokyac polismacn ah.

32.6

Upaciyacn Ma Koluk se ac Masap luhn Alu

Upaciyacn ma koluk se el yohk srihpac in nuhnkuh nuh ke konwacack luhn mwe kahsruh ma ac (1) kahsruh karihngihn mwet sahyac ac (2) kahsruh mwet se in auliyak. Leum El tuh fahk lah El tiac kuh in liye ma koluk uh ac lwelah finne ma na srisrihk se (Liye Doctrine and Covenants 1:31; liye pac Mosiah 26:29). Mwet kuhlwacnsap lal enenuh in tiac pihlesruh ma etweyuck ke ma koluk upac se inge.

Ma koluk upac uh elyah ac ahkkoluk na yohk ma lain masap luhn God. Kuhtuh kain in ma koluk upac ma sihmlac ten inge.

• Mukwikwi upac ac ahkngal

• Ohiyac suhfal

• Orekma kikiacp

• Kuhnahoslah luhn luhlahlfongi

• Kuhtuh orekma sahyac

Ke Pacl Se Ma Enenuh Kuh Fal mempucr Uh In Toeni

Kain In Ma Koluk	Toeni in eis ac sang Kahsruh Enenweyuck	Toeni in eis ac sang Kahsruh uh Enenweyuck
Kain In Ma Koluk Mukwikwi Upac Ac Ahkngal	Toeni in eis ac sang Kahsruh Enenweyuck Ahkmas Rep Ahkkolukye ke ohiyac suhfal Ahkngalye tuhlihk srihsrihk kuh mwet fuhsr Elah koluk	Toeni in eis ac sang Kahsruh uh Enenweyuck Srihke in uniyac mwet Ohiyac suhfal, weacng pac ahkfohs ac ahkkoluk (liye 38.6.18 nuh ke pacl ma toeni se el enenweyuck) Ahkngalye muhtwacn kiom kuh mukul tomom kuh sie pac mwet mahtuh sahyac (liye 38.6.2.4 nuh ke pacl ma toeni se el enenweyuck)
Kain In Ma Koluk Ohiyac Suhfal	Toeni in eis ac sang Kahsruh Enenweyuck Luhngse inmahsrlon mwet luo ma fototo ke sucu lalos pwacnwacng tiac fal elos in pahyuck kuh lain facsin lalos Petsac koluk ke tuhlihk srihsrihk Pahyuck puhkantwen Ohiyac suhfal	Toeni in eis ac sang Kahsruh uh Enenweyuck Kosro, apuhsrali inmahsrlon mwet tiac pahyuck, ahko inmahsrlon mukul mukul ac muhtwacn muhtwacn, ac kain in apuhsrali nuh kwewa lihkihn macruht inmahsrlon mukul se ac muhtwacn se, wi pacna in ahko online kuh kuh orekmakihn phone Tiacna pahyuck ac tuhkweni muhta, tuhkweni, ac mukul pahyuck sin mukul kuh muhtwacn pahyuck sin muhtwacn Orekmakihn yohk kuh ahkkohs ke petsac koluk ma oraclah ongaiyac nuh ke sie pahyuck luhn mempucr kuh sucu
Kain In Ma Koluk Orekma Kikiacp	Toeni in eis ac sang Kahsruh Enenweyuck Suhlallacl in orekma ke mani, pa nuh ke pihsrapasr kuh mukwikwi apkuhran nuh kac (liye 32.6.3.3 fin mempucr se el wi pihsre mani kuh ma luhn Alu uh)	Toeni in eis ac sang Kahsruh uh Enenweyuck Pihsrapasr (liye 32.6.3.3 fin mempucr se el wi pihsre mani kuh ma luhn Alu uh) Olwelah in fahk ma pwacye ac fahkwack ke ma kikiacp
Kain In Ma Koluk Kuhnahoslah luhn Luhlahlfongi	Toeni in eis ac sang Kahsruh Enenweyuck Oasr kunohkohn ke Alu ac kom oraclah ma koluk upac se	Toeni in eis ac sang Kahsruh uh Enenweyuck Oasr ma suhfal na upac oraclah uh sruok wal kuh luhlahlfongiyuck ke Alu uh kuh mura (liye 32.6.3.3 fin mempucr se el wi pihsre mani kuh ma luhn Alu uh) Ma koluk upac se ma etweyuck ke acn nuhkwewa
Kain In Ma Koluk Kuhtuh Orekma Sahyac	Toeni in eis ac sang Kahsruh Enenweyuck Ma koluk na upac	Toeni in eis ac sang Kahsruh uh Enenweyuck Uniyac tuhlihk ke insiac (sahyacn na sun ma ke 38.6.1 kuh in orekmakihnyuck) Pactuhn ke ma koluk upac Sislah ma kunac ke sucu, oacna ke tiacna moli in kahsruh tuhlihk Kuhkwackihnlah truhks tiac lwelah in kuhkwackihnyuck Ohiyac koluk pac sahyac

32.6.3

Ke Un Counsel luhn Prestuhn luhn Stek el sang kahs in kahsruh nuh sin Prestuhnsi luhn Eria lah Toeni luhn mempucr kuh Mukwikwi Sahyac el Enenweyuck

Kuhtuh ohiyac enenuh lohacng yohk ac kolyuck. In etuh lah ac fuhkah kahsruh wo na pwacye, prestuhn luhn stek se el enenuh in sramsram nuh sin Prestuhnsi luhn Eria se ke ohiyac ke sacksrihn se inge.

32.6.3.2

Forlah Liki Ma Pwacye

Elyah ke forlah liki ma pwacye kwacna oasr mwacta kac suc maelihk ahluhkwelah mahsrol ke ward kuh stek se. Ma inge enenuh in silahklahk na ahkkahlwemyeyuck in kuh in karihngihn mwet sahyac.

Pisap se el sramsram nuh sin stek prestuhn el fin puhla muh mukwikwi luhn mempucr se ac kuh in oraclah forlah liki ma pwacye.

Oacna ke orekmakihnyuck inse inge, forlah liki ma pwacye uh pa fin mempucr se el oruh kuhtwena sin ma tahklac inge:

• Kalweni in mukwikwi lain Alu uh, luti la, masap la, kuh mwet kol luhn alu uh

• Sikalweni in luti mwe lutlut ma tiacna fal nuh ke mwe luti luhn Alu uh finne tukun el ahkpwacyeiyucklac sin pisap kuh stek prestuhn

• Ahkkahlwemye atac se ma oruh na in oacyac in ahkmuhnahsyelah luhlahlfongi ac mukwikwi luhn mempucr ke Alu uh

• Kalweni na in ukwe mwe luti luhn u ma forlah liki ma pwacye finne tukun ahkpwacyeiyucklac sin pisap kuh stek prestuhn

• Som wi siena alu ac tahpuhk ke luti la

32.6.3.3

Pihsre Mani luhn Alu uh

Fin mwet se pihsre mani luhn Alu uh kuh pihsre ma sacohk luhn Alu uh, stek prestuhn elan sramsram nuh sin Prestuhnsi ke Eria lah enenuh in oasr toeni in kahsruh ke ip luhn mempucrlac se kuh fin kuhtuh pac mukwikwi sahyac enenweyuck.

Ma Suleyucklac ke General Handbook tiacna nwacnwack kwewa ahkuhtweyac ac kolyuck nuh ke kahsruh nuh sin mwet ma puhtatyang nuh ke ma koluk upac, fin kuh, oruh sie toeni in eis ac sang kahsruh mempucr.

Fin oasr kihsensiyuck luhn pisap kuh pracns prestuhn lah ac kahsruh fuhkah mwet oraclah ma koluk upac (oacna ke ahkkahlwemyeyuck ke 32.6), el enenuh in som liye meet lah sapta na fohn 32 ke General Handbook lwenglah tari nuh ke kahs el kuh in orekmakihn. Fin sonna lwenglah, el enenuh in silahklahk pahngonwack mwet se kohlohlohl nuh ke kolyuck.