31.

Masolo mpe Makita Mosusu elongo na Bandimi

31.0

Boyingisi

Mbala mingi Yesu Klisto azalaki kosalela bato mosusu moko na moko (tala, mpo ndakisa, Yoane 4:5–26; 3 Nefi 17:21). Alingaka moko na moko ya bana ya Nzambe. Asalisaki bango moko na moko

Mokapo oyo ekoki kosunga bakambi nyonso oyo bazali na mabaku ya kokutana na bandimi moko na moko.

31.1

Mibeko ya Bokambi

31.1.1

Komilengele na Molimo

Milengela na molimo na nzela ya losambo, boyekoli makomi, mpe bomoi ya bosembo. Yoka banungunungu ya Molimo Mosantu.

31.1.2

Kosunga Mondimi Ayoka Bolingo ya Nzambe

Ntango bandimi bayaka epai na yo mpo na lisolo to mpo na lisalisi na mokakatano ya moto ye moko, mbala mingi oyo basengeli na yango mingi ezali koyeba ete Tata na Lola alingaka bango.

Makomi mpe maloba ya baprofeta ba mikolo mya nsuka ebengisaka Molimo mpe eteyaka mateya ya peto. Salela yango mpo na kofula mpe kolendisa, kasi te mpo na kokweisa, kotindika, to kobimisa bobangi (tala Luka 9:56).

31.1.3

Kosunga Mondimi Azwa Nguya ya Mobikisi

Lendisa bandimi babaluka epai na Ye Sunga bango kobenda nguya na Ye mpo na kolendisa, kobondisa, mpe kosikola.

31.1.4

Kosunga Mondimi Ayoka Malamu mpe na Bokengi

Pesa ntango nyonso mondimi nzela ya kozala na moto mosusu na ntango ya lisolo to likita. Ntango ozali kokutana na moto ya mobali to mwasi, mwana to elenge, sala makasi ete moboti to mokolo mosusu azala wana. Akoki kosangana na likita to kozela libanda ya suku, engebene na bolingi ya mondimi oyo bozali kokutana na ye.

Kokabola bansango ya sekele na moto te—kotangaka molongani na yo to bakambi mosusu ya Eklezia—longola se soki mondimi apesi ndingisa.

31.1.5

Kotuna Mituna oyo Mifulami mpe Yoka Malamu

Ntango bokutani na mondimi moko, tuna mituna oyo esungaka yo ososola ezalela na ye.

Ntango mondimi azali koloba, yoka na bokebi mpenza.

31.1.6

Kolendisa Bomikoki

Na ntina ya bolingo na yo mpo na bandimi, okoki kolinga mbala moko kopesa nzela ya kosilisa mikakatano na bango. Kasi, okopambola bango mingi soki osungi bango bazwa biyano na bango moko mpe bazwa bikateli na bango moko (tala Malongi mpe Mayokani 9:8).

31.1.7

Kosunga Milende mpo na Koyambola

Bobele episikopo to mokambi ya etuka nde akoki kosunga moto asilisa masumu ya minene. Mwa ndambo na yango ezali na 32.6. Soki mondimi asali moko ya masumu oyo, asengeli kokutana na episikopo to mokambi ya etuka mbala moko.

31.1.8

Koyanola na Lolenge Elongobani na Monyokoli

Monyokoli ekoki kondimama ata moke te. Zwa balapolo ya kobebisama na liseki te. Soki oyebi ete moto moko anyokwami, yebisa monyokoyango na bakonzi ya leta mpe kutana na episkopo. Mabongisi mpo na koyebisa mpe koyanola na monyokoli epesami na 38.6.2.

31.2

Masolo

31.2.1

Ntina ya Masolo

Mbala mingi, bakambi ya Eklezia batunaka bandimi mituna mpo na koyeba soki:

• Bamilengelami mpo na kozwa to kosangana na bokuli moko.

• Basengeli kobengama na ebonga moko na Eklezia.

31.2.2

Ndenge ya Masolo

Nani akoki kotambwisa lisolo	Ntina ya lisolo
Nani akoki kotambwisa lisolo Bobele Episikopo	Ntina ya lisolo Pesa mokanda ya ndingisa mpo ya tempelo na mondimi moko oyo azali kozwa dotatio na ye moko to azali kokangisama na molongani (tala 26.3.1). Pesa mokanda ya ndingisa mpo na tempelo na mobongwani ya sika (tala 26.4.2). Kulisa mobongoli ya mobali ya sika na mosala moko na Bonganganzambe ya Alona. Kulisa elenge mobali to mobali moko na mosala ya nganga-nzambe (tala 18.10.2). Pesa nkombo ya mobali moko mpo akulisama mpaka to nganga-nzambe monene (tala 31.2.6). Esengeli kondimama uta na mokambi ya etuka mpo na kosala lisolo oyo. Pesa nkombo ya mondimi moko mpo asala lokola misionele ya ntango mobimba (tala 24.4.2). Benga mondimi moko mpo na kosala lokola mokambi ya ebongiseli ya palwasi. Benga nganganzambe moko mpo na kosala lokola mosungi na lisanga likoki ya banganganzambe. Sunga mondimi moko ayambola lisumu moko monene (tala mokapo 32). Pesa ndingisa na mondimi moko mpo azwa Perpetual Education Fund loan, esika ezwami. Tika mondimi asakola ezalela na ye lokola mofuti ya moko na zomi (tala 34.3.1.2). Pesa ndingisa ya kosalela misolo ya bokili mpe litatoli (tala 22.6.1).
Nani akoki kotambwisa lisolo Episikopo to mopesi toli oyo apesi mokumba	Ntina ya lisolo Bokomisi sika mokanda ya tempelo (tala 26.3.1). Pesa mokanda ya tempelo mpo na kosangana na babatisimo ya bozweli mpe bankotisa (tala 26.4.3). Pesa mokanda ya tempelo mpo na kokangisama na baboti to kotatola bokangami ya bandeko epai ya baboti (tala 26.4.4). Benga mondimi moko mpo na kosala na libiangi ya palwasi lokola elakisami na 30.8. Pesa ndingisa ya libatisi mpe nkotisa ya mwana ya mibu 8 oyo azali soko mondimi akomama to azali na moboti to mobateli oyo azali mondimi ya Eklezia (tala 31.2.3.1). Pesa ndingisa ya bokulisi ya elenge mobali na mosala ya diakona to moteyi (tala 18.10.2). Pesa Lipamboli ya Batata (tala 18.17). Pesa ndingisa na mosimbi ya bonganganzambe moko mpo na kosala makuli ya bonganganzambe na palwasi mosusu, soki azali na mokanda ya tempelo te. (Tala Recommend to Perform an Ordinance form.)

31.2.3

Masolo ya Libatisi mpe Nkotisa

31.2.3.1

Bana Oyo Bazali Bandimi Bakomama

Episikopo asimbi bafungola ya bonganganzambe mpo na kobatisa bandimi bakomama ya mibu 8 na palwasi na ye. Mpo na ntina yango, ye to mopesi-toli oyo apesi mokumba atunaka mituna na bato oyo elandi mpo na kozwa libatisi:

• Bana ya mibu 8 oyo bazali bandimi bakomama.

• Bana ya mibu 8 oyo bazali bandimi bakomama te kasi bazali na moboti to mobateli ya mondimi.

• Bandimi ya mibu 9 mpe koleka oyo libatisi na bango ewumelaki mpo na bokono ya mutu.

Na lisolo, mosangani ya episkopo akosala ete mwana asosolaka ntina ya libatisi (tala 2 Nefi 31:5–20). Asalaka mpe ete mwana akanga ntina ya kondimana ya batisimo mpe amipesi mpo na kobika na bomoi na yango (tala Mosiya 18:8–10). Azali na mposa te ya kosalela molongo ya mituna oyo emonisami polele. Oyo ezali lisolo te mpo na koyeba soki balongobani, mpamba te “bana mike bazali na mposa ya koyambola te” (Moroni 8:11).

31.2.3.2

Babongwani

Mokambi ya misio asimbi bafungola ya bonganganzambe mpo na kobatisa babongwani. Mpo na ntina oyo, misionere moko ya ntango mobimba atuni mituna na:

• Bato ya mibu 9 mpe koleka oyo bazwaki libatisi mpe nkotisa naino te. Tala 31.2.3.1 longola se baye bazali na bokono ya mutu.

• Bana ya mibu 8 mpe koleka oyo baboti na bango bazali bandimi ya Eklezia te.

• Bana ya mibu 8 mpe koleka oyo bazali na moboti oyo azali mpe kozwa libatisi mpe kondimama.

31,2.4

Masolo mpo na Bokulisi na mosala moko na Bonganganzambe ya Alona

Mpo na koyeba makambo mosusu, tala 18.10.2.

31.2.5

Masolo mpo na Mokanda ya Tempelo

Tempelo ezali ndako ya Nkolo. Kokota na tempelo mpe kosangana na makuli kuna ezali libaku malamu ya bule. Libaku oyo ebombami mpo na baoyo balengelami na molimo mpe bazali kobunda mpo na kobika na mibeko ya Nkolo, lokola ekatami na bakambi ya bonganganzambe oyo bapesameli ndingisa.

Mpo na kozwa mokano oyo, bakambi ya bonganganzambe bakotuna mituna na mondimi na kosalelaka mituna na LCR (tala lisusu the guidelines in 26.3).

31.2.6

Masolo mpo na Bokulisi na Mosala moko na Bonganganzambe ya Melekisedeke

Mokambi ya etuka asimbi bafungola ya bonganganzambe mpo na kopesa Bonganganzambe ya Melekisedeke. Asimbaka mpe bafungola mpo na kokulisa na misala ya mpaka mpe nganga-nzambe monene.

Na ndingisa ya bokambi ya etuka, episikopo atunaka mondimi na kosalelaka mituna epesami na Melchizedek Priesthood Ordination Record.

31.3

Mabaku Mosusu mpo na Bakambi ya Kokutana na Bandimi

• Bandimi bakoki kosenga kokutana na mokambi ya Eklezia ntango bazali na mposa ya bokambi ya molimo to bazali na mikakatano ya kilo ya moto na moto.

• Episikopo to moto moko oyo apesi mokumba akutanaka na bandimi oyo bazali na bamposa ya ntango (tala 22.6).

• Mosangani moko ya episkopo akutanaka na mwana moko na moko ya mibu 11 ntango azali kolongwa na Kelasi ya Bana kino na lisanga likoki ya badiakona to kelasi ya Bilenge Basi.

31.3.1

Likita elongo na Bilenge

Episikopo to moko ya bapesi toli na ye akutanaka na elenge moko na moko mbala mibale na mbula. Ata moko ya makita oyo mbula na mbula esengeli kozala elongo na episikopo. Kobanda mobu oyo bilenge bakokisi mibu 16, makita nyonso mibale na mobu esengeli kozala elongo na episikopo soki likoki ezali.

Mokambi ya Bilenge Basi azali mpe na mokumba ya kosalela bilenge basi moko na moko. Akoki kosala yango na kokutana na bilenge basi moko na moko (to na mokolo mosusu oyo azali wana).

31.3.1.2

Makambo ya Kolobela

Ntina monene ya makita elongo na bilenge ezali ya kotonga bondimi na Tata na Lola mpe Yesu Klisto mpe kosunga bilenge kolanda Bango. Makita yango esengeli kolendisa makambo ya molimo.

31.3.2

Likita na Bilenge Mikolo Banzemba

Episikopo atiaka esika ya liboso bokoli ya molimo ya bilenge mikolo banzemba na palwasi na ye. Ye to mopesi-toli oyo apesi mokumba akutanaka na elenge mokolo monzemba mokomoko ata mbala moko na mbula.

31.3.3

Likita na Bandimi mpo na kolobela Mabiangi mpe Mikumba na Bango

Bokambi ya bituka, baepiskopo, mpe bakambi mosusu basanganaka elongo na bandimi mokomoko oyo bapesaka bango lapolo na ntina ya mabiangi na bango.

Mokambi alakisaka botondi mpo na mosala ya mondimi mpe apesi bolendisi.

31.3.6

Lisalisi ya Minganga

Bakambi ya Eklezia babengami te mpo na kopesa toli ya mosala to mpo na kopesa lisalisi ya monganga. Lisungi oyo bapesaka ezali ya molimo, etali mingi nguya ya kolendisa, ya kobondisa, ya kosikola ya Yesu Klisto. Longola lisalisi oyo ya ntina mpe ya efulama, bandimi mosusu bakoki kozwa litomba na toli ya mosala esika oyo ezali.

31.4

Likita na Bandimi na nzela ya Interneti

Mbala mingi, bakambi basanganaka na bandimi na miso mpo na masolo mpe mpo na kopesa lisungi ya molimo mpe mosala. Nzokande, lokola likambo ya kolongola, bakoki kosangana na nzela ya interneti soki likoki ezali te ya kosangana bango na bango.