remeklou el chad el aksiub chimorir

31.

Cheldecheduch me a Bebil er a Miting Lobengterir a Rechad er a Ikelesia

31.0

Uchelel

A Jesus a mle blechoel lolngeseu er a re dersta el chad (mesa okesiu, Johanes 4:5–26; 3 Nephi 17:21). Ng betik a rengul er a dersta el ngelekel a Dios. Ng olngeseu er a dersta er tir.

Tial bliongel a sebechel ngosuterir a rokui loungerachel el tir a ngarngii a techellir el mo kebetech tir me a dersta el chad.

31.1

Teletelel Osisechakl

31.1.1

Bom Kldmokl er a Chedaol Tekoi

Bom kldmokl er a chedaol tekoi lokiu a nglunguuch, omesubel chedaol llechukl, me a melemalt el klengar. Morrenges er a ngerel Chedaol Reng.

31.1.2

Ngosuterir a Rechad el mo Melchesuar a Beltkil a Rengul a Dios

A rechad sel mei er kau er a berrotel cheldecheduch a lechub a ngesou er a le kurusii er ngii el tekoi, e te blechoel kmal lousbech el mo medengei el kmo a Chedam er a Babeluades a betik a rengul er tir.

A chedaol llechukl me a tekingir a reprofet er a uriul-klebesei a siotai er a Chedaol Reng el mo olisechakl a bliochel osisechakl. Mousbech el ngmai a ulekrael me a omelisiich, ng diak molirm a reng, morrimel, a lechub e momekdakt (mesa Luke 9:56).

31.1.3

Ngosuterir a Rechedal a Ikelesia el Nguu a Klisiich er a Osobel

Mengelechel er tir lobult el mo er Ngii. Ng osuterir el mo nguu a Klisichel el mo melisiich, mengelaod, e olsobel er tir.

31.1.4

Ng osuterir a Rechedal a Ikelesia el Melchesuar Ongelaod e mo Selbechakl

Blechoel loker tir el kmo ngarngii a tara chad el sorir a be el teloi er tial cheldecheduch. Sel mongedecheduch er a kuk diak el uai kau el sechal chad, a lechub a ngalek, a ngeasek, e a chedam ng chedil a lechub a klou el chad a kirel teloi er kemiu. Ng sebechel teloi er tial miting er kemiu a lechub e ngara ikrel a delmerab e mengiil, ng di iior sel soal ngika el chad el omchadecheduch.

Ng diak mouchais a berrotel tekoi er a ngii di el chad— luldimukl er a bechim a lechub a tara oungerachel er a Ikelesia—a lak mnguu a kengei er ngika el chad.

31.1.5

Moker a Ungil Ker e Mungil Lorrenges

Sel mkebetech kau me a chad, e moker a ker el ngosukau el mo medengelii a teletael le ngara chelsel.

E sel longedecheduch ngika el chad, e le blak a rengum lungil lorrenges.

31.1.6

Melisiich er a Di Ngii el Mesiou er Ngii

Ng beltkil a rengum el mo er ngika el chad a uchul, eng locha soam el mereched el msa nger. Eng di, te bai mo ngeltengat sel sekum ke ngosuterir el di tir el metik a nger e di tir el melilt (mesa Doctrine and Covenants 9:8).

31.1.7

Oldubech er a Blakereng el mo Ouchel

Ng di tal bisop a lechub a merredel er a stake a sebechel ngoseuir a chad el sumechokl a oberaod el klengit. A bebil er a ikang a llechukl er a 32.6. A lsekum a chad a mla ruebet er a tara ikal klengit, eng kirel mereched el mo mesa bisop a lechub a merredel er a stake.

31.1.8

Oba Ungil Teletael Longer a Mekngit Lomeruul

A mekngit lomeruul er a ngii di el teletelel a diak el kirel mo medechel. Mngai a rokui el tekoi el kirel a mekngit lomeruul. A lsekum e ke mo medengei el kmo a chad a ngara mekngit lomeruul e mouchais er a roungerachel er a beluu e mchadecheduch lobengkel a bisop. A teletelel a mouchais e onger a mekngit lomeruul a ngara 38.6.2.

31.2

Cheldecheduch

31.2.1

Moktek er a Cheldecheduch

Oumesingd, el roungerachel er a Ikelesia a mengedecheduch er a rechad el mo medengei el kmo:

• Te kldmokl el mo ngmai e meruul chedaol ruoll.

• Mokedong el mo er a deruchall er a Ikelesia.

31.2.2

Bedengel a Cheldecheduch

ng techa mengetikaik a cheldecheduch	Moktek er a cheldecheduch
ng techa mengetikaik a cheldecheduch Ng di tal bisop	Moktek er a cheldecheduch Bsa chad a babier er a mo er a templo el ngii a mong el melai a klengeltengat el kirel a lechub eng mo merenged el mo er a bechil (mesa 26.3.1). Bsa babier er a mo er a templo a dirk beches el mla obult (mesa 26.4.2). Moterkeklii a beches el mla obult el sechal el mo er a obis er a Aaronic Priesthood. Moterkeklii a ngeasek el sechal a lechub a kiklou el sechal mo er a obis er a prist (mesa 18.10.2). Modersii a ngklel a klou el chad el mo moterekokl el mo elder a lechub e ngarbab el prist (mesa 31.2.6). Ng kirel ngeiull a kengei er a remerredel er a stake el kirel tial cheldecheduch. Modersii a ngklel a chad el mo mesiou el cherrungel misionari (mesa 24.4.2). Mokodongii a chad el mo mesiou el merredel a chelechad er a ward. Mokodongii a prist el mo mesiou lolngeseu er a merredel er a chelechad er a ward. Mngesuir a chad el mo ouchel a rengul er a oberaod el kngtil (mesa bliongel 32). Mkengei er a chad el mo nguu a Perpetual Education Fund loan, a le ngarngii. Bechere chad me di le ngii louchais er a deruchellel el melecha ongeltacher ngii (mesa 34.3.1.2). Kengei er a usbechellel a uldars er a sengerenger (mesa 22.6.1).
ng techa mengetikaik a cheldecheduch Bisop malechub a counselor le ngiltii	Moktek er a cheldecheduch Omekbeches er a babier el mo er a templo (mesa 26.3.1). Msa chad a babier er a mo er a templo el mo meruul a techolbechelid me a olterekokl (mesa 26.4.3). Msa chad a babier er a mo er a templo el mo moak el mo er a demal me a delal a lechub eng sioning er a omerenged er a rengalek el mo er a redemerir me a rederrir (mesa 26.4.4). Mokodongii a chad el mo mesiou a ngerachel er a ward el llechukl er a 30.8. Kongei a techolbechelid me a olterekokl er a eai a rekil el ngarngii a rekord er ngii a lechub a demal a lechub eng delal a lechub a oungerachel er ngii a chedal a Ikelesia (mesa 31.2.3.1). Kongei er a oterkeklel a ngeasek el sechal mo er a obis er a deacon a lechub a sensei (mesa 18.10.2). Odersii a ngakl el kirel a Klengeltengat er a Patriarch (mesa 18.17). Kongei er a oba priesthood el mo meruul chedaol ruoll er a priesthood er a tara ward, a lak loba babier er a mo er a templo. (Mesa Babier er a Kengei el Meruul Chedaol Ruoll.)

31.2.3

Cheldecheduch el kirel a Techolbechelid me a Olterekokl

31.2.3.1

Rengalek el Ngarngii a Rekord er Tir

A bisop oba kiis er a priesthood el kirel a techolbechelid er a reai a rekrir el ngalek el ngarngii a rekord er tir er a ward er ngii. Tiaikid a uchul, e ngii a lechub a tara counselor ngii a mengedecheduch er tirkaikid el chad el kirel a techolbechelid:

• Rengalek leai a rekrir el ngarngii a rekord er tir.

• A rengalek leai a rekrir el diak a rekord er tir eng di a demal a lechub a delal a lechub oungerachel er ngii a chad er a Ikelesia.

• Etiu a rekrir el mo er bab el mlo meoud el nguu a techolbechelid el chelitechetul a uldesuir a uchul.

Sel temel a cheldecheduch, e a chedal a klebisop a mo ungil medengei el kmo ngika el ngalek a medengelii a moktek er a techolbechelid (mesa 2 Nephi 31:5–20). Ng dirrek el mo medengei el kmo a ngalek a medenge telbiil er a techolbechelid e blak a rengul el mo oltirakl (mesa Mosiah 18:8–10). Ng diak a belkul loker a beldukl el tokubets el ker. Tia diak el cheldecheduch el kirel a kmo ng klikiid ng diak, le remekekerei el ngalek a diak lousbech er a ouchelreng (Moroni 8:11).

31.2.3.2

Robult

A merredel er a mision oba kiis er a priesthood el kirel a techolbechelid er a robult. Tiaikid a uchul, e a re cherrungel misionari a mengedecheduch er tir.

• Rechad letiu a rekrir el mo er bab el dirkak el metecholb e le moterekokl. Mesa 31.2.3.1 el kirir tirkel ngarngii a secherel a bdelrir.

• Rengalek leai a rekrir el mo er bab el rechad er a blirir a diak el chedal a Ikelesia.

• Rengalek leai a rekrir el mo er bab el tal chad er a blirir a mla metecholb e moterekokl.

31.2.4

Cheldecheduch me a Olterekokl el mo er a Obis er a Aaronic Priesthood

A lmuut el bebil er a omesodel, e mesa 18.10.2.

31.2.5

Cheldecheduch el kirel a Babier er a mo er a Templo

A templo a blil a Rubak. A mo soiseb er a templo e meruul chedaol ruoll a chedaol techall. Tial techall a medechel kirir tirkel kldmokl er a chedaol tekoi e melasm loltirakl a llechul a Rubak, el mla moterekokl er a roungerachel loba priesthood.

A teletelel tiang, a kirir a roungerachel loba priesthood el mengedecheduch er a chad lousbech aikel ker el ngara LCR (dirrek el mesa omesodel ngara 26.3).

31.2.6

Cheldecheduch el kirel Olterekokl el mo er a Obis er a Melchizedek Priesthood

A merredel er a stake oba kiis er a priesthood el kirel a ngeiul a Melchizedek Priesthood. Ng dirrek loba kiis er a olterekokl el mo er a obis er a elder me a ngarbab el prist.

Ng ultuil er a kengei er a remerredel er a stake, e a bisop a mengedecheduch er a chad lousbech a ker el ngara Rekord er a Oterkeklel a Melchizedek Priesthood.

31.3

Bebil er a Techall er a Roungerachel mo Kebetech lobengterir a Rechedal a Ikelesia

• A rechedal a ikelesia a sebechir lolengit el mo kebetech lobengterir a roungerachel er a Ikelesia a losubech chedaol ulekrael a lechub a oberaod el mondai er tir.

• A bisop a lechub a tara chad letetkii a mo kebetech ngii me a rechedal a ikelesia el tir ousbech a ngesou (mesa 22.6).

• A chedal a klebisop a mo kebetech lobengterir a dersta el 11 a rekrir ngalek el tobeda er a Primary el mo er a chelechad er a deacon a lechub a klas er a Young Women.

31.3.1

Miting lobengterir a Rengeasek

A bisop a lechub a tara counselor ngii a mo kebetech ngii me a rengeasek el eru el taem er a tal rak. Kesengil e a tara ikal miting er a tal rak a obengkel a bisop. Sel lomuchel a rak el ngeasek a mo 16 a rekil, e a ikal eru el miting er a tal rak a kirel lobengkel a bisop a le sebechel.

A merredel er a Young Women a dirrek loungerachel loldingel er a dersta el ngeasek el dil. Ng sebechel kebetech ngii me a rengeasek el dil loudersta er tir (a lechub e ngobengkel a tara klou el chad).

31.3.1.2

Tekoi el mo Soadel

A kmal moktek er a miting lobengterir a rengeasek a meleketek a klaumera er tir er a Chedam er a Babeluades me a Jesus Kristo e ngosuterir a rengeasek el mo oltirakl er Tir. Aikal miting a kirel melisiich a chedaol teletael.

31.3.2

Miting lobengterir a Rengeasek el Mesobil

A klou a belkul ngerchelel a bisop a chedaol ulekurulir a rengeasek el mesobil chad er a ward. Ngii a lechub a tara counselor a mo kebetech ngii me a dersta el mesobil ngeasek el kesengil eng ta er a tal rak.

31.3.3

Miting Lobengterir a Rechedal a Ikelesia el Mesaod a Urerir er a Ngerchelir

A remerredel a stake, klebisop, me a bebil er a roungerachel a kaudersta el kebetech tir me a rechedal a ikelesia me louchais er tir a urerir er a ngerchelir.

A oungerachel a ochotii omereng el saul er a omesiungir a rechedal a ikelesia e melisiich a rengrir.

31.3.6

Resemmong Lolngeseu me a Romekungil er a Rechad

A roungerachel a diak el mokedong el mo semmong lolngeseu er a rechad a lechub e lomekungil. A ngesou lodars a chedaol, el melutk el kirel omelisiich, ongelaod, me a olsobel lokiu a klisichel a Jesus Kristo. Osisiu longingil tial klou a belkul ngesou, e a rebebil er a rechedal a ikelesia a sebechir el ngmai a ngesou er a resemmong el chad a le ngarngii.

31.4

Kebetech Lobengterir a Rechedal a Ikelesia er a Melidiul

Ng blechoel, roungerachel a kebetech lobengterir a rechedal a ikelesia e chadecheduch e ngosuterir e oldingel er tir. Eng di, bebil er a taem, eng sebechir el kebetech lokiu a melidiul.