Mga Pinili nga Bahin halin sa Libro sang Pangkabilogan nga Pagsulundan

Mga Kaundan
Pahina sang mga Tig-ulo
Paggamit sang Mga Pinili nga Bahin halin sa Libro sang Pangkabilogan nga Pagsulundan
Pundasyon sang Doktrina
- 0. Pangbukas nga Paathag
- 1. Ang Plano sang Dios kag ang Imo Papel sa Buluhaton sang Kaluwasan kag Pangkahitaasan
- 2. Pagsuporta sang mga Indibidwal kag mga Pamilya sa Buluhaton sang Kaluwasan kag Pangkahitaasan
- 3. Mga Prinsipyo sang Priesthood
- 4. Pagkalider kag mga Konseho sa Simbahan ni Jesucristo
Organisasyon sang Simbahan
- 5. Pagkalider sa Pangkabilogan kag sa Area
- 6. Pagkalider sa Stake
- 7. Ang Bishopric
- 8. Elders Quorum
- 9. Relief Society
- 10. Mga Korum sa Aaronic Priesthood
- 11. Young Women
- 12. Primary
- 13. Sunday School
- 14. Single nga mga Miyembro
- 15. Mga Seminary kag Institute of Religion
Ang Buluhaton sang Kaluwasan kag Pangkahitaasan
- Pagpangabuhi sang Ebanghelyo ni Jesucristo
  - 16. Pagpangabuhi sang Ebanghelyo ni Jesucristo
  - 17. Pagtudlo sang Ebanghelyo
  - 18. Paghikot sang mga Ordinansa kag mga Bendisyon sang Priesthood
  - 19. Musika
  - 20. Aktibidades
- Pag-atipan sang mga Nagakinahanglan
  - 21. Ministering
  - 22. Paghatag sang Temporal nga mga Kinahanglanon kag Pagpatubo sang Self-Reliance
- Pag-imbitar sang Tanan nga Magbaton sang Ebanghelyo
  - 23. Pagpaambit sang Ebanghelyo kag Pagpabakod sang Bag-o kag Nagabalik nga mga Miyembro
  - 24. Pagrekomendar kag Pag-alagad sang Misyonero
- Pag-isa sang mga Pamilya sa Wala Katubtuban
  - 25. Buluhaton sa Templo kag Family History sa Ward kag Stake
  - 26. Mga Temple Recommend
  - 27. Mga Ordinansa sang Templo para sa Buhi
  - 28. Mga Ordinansa sa Templo para sa mga Patay
Pagdumala sang Simbahan
- 29. Mga Miting sa Simbahan
- 30. Mga Calling sa Simbahan
- 31. Mga Interbyu kag Iban Pa nga mga Miting sa mga Miyembro
- 32. Paghinulsol kag mga Church Membership Council
  - 32.0. Introduksyon
  - 32.1. Paghinulsol kag Kapatarawan
  - 32.2. Mga Katuyuan sang mga Limitasyon ukon Pagbawi sang Pagkamiyembro sang Simbahan
  - 32.3. Ang Papel sang mga Hukom sang Israel
  - 32.4. Pagkumpisar, Pagtipig sang Impormasyon, kag Pagreport sa mga Awtoridad sang Gobyerno
  - 32.6. Kadakuon sang Sala kag Polisiya sang Simbahan
- 33. Mga Rekord kag mga Report
- 34. Kuwarta kag mga Awdit
- 35. Paghalong kag Paggamit sang mga Meetinghouse
- 36. Paghimo, Pag-ilis, kag Paghatag sang Ngalan sa Bag-o nga mga Yunit
  - 36.0. Introduksyon
- 37. Pinasahi nga mga Stake, Ward, kag mga Branch
- 38. Mga Polisiya kag mga Pagsulundan sang Simbahan

32. Paghinulsol kag mga Church Membership Council

“32. Paghinulsol kag mga Church Membership Council,” Mga Pinili nga Bahin halin sa Libro sang Pangkabilogan nga Pagsulundan (2023).

“32. Paghinulsol kag mga Church Membership Council,” Mga Pinili nga Bahin halin sa Libro sang Pangkabilogan nga Pagsulundan

Litrato

mga lalaki nga nagahambalanay

32.

Paghinulsol kag mga Church Membership Council

32.0

Introduksyon

Kalabanan sang paghinulsol nagakatabo sa tunga sang indibidwal, sang Dios, kag sadtong mga apektado sang mga sala sang isa ka tawo. Pero, kon kaisa ang bishop ukon stake president kinahanglan nga magbulig sa mga miyembro sang Simbahan sa ila mga pagpaninguha nga maghinulsol.

Kon nagabulig sa mga miyembro nga maghinulsol, ang mga bishop kag stake president dapat magpakita sang pagpalangga kag pag-ulikid. Ginasunod nila ang ehemplo sang Manluluwas, nga nagtib-ong sang kada isa kag nagbulig sa ila nga magtalikod sa sala kag magliso pakadto sa Dios (tan-awa sa Mateo 9:10–13; Juan 8:3–11).

32.1

Paghinulsol kag Kapatarawan

Sa pagpahanabo sang Iya plano sang kaluoy, ang Amay nga Langitnon nagpadala sang Iya Bugtong nga Anak nga si Jesucristo, para magbayad para sa aton mga sala (tan-awa sa Alma 42:15). Gin-antos ni Jesus ang silot nga ginapangayo sang layi sang hustisya para sa aton mga sala (tan-awa sa Doktrina kag mga Kasugtanan 19:15–19; tan-awa man sa Alma 42:24–25). Paagi sa sining sakrispisyo, ang pareho Amay kag Anak nagpakita sang Ila wala dulunan nga pagpalangga sa aton (tan-awa sa Juan 3:16).

Kon magapakita kita sang “pagtuo padulong sa paghinulsol,” patawaron kita sang Amay nga Langitnon, nga nagahatag sang kaluoy paagi sa Pagbayad-Sala ni Jesucristo (Alma 34:15; tan-awa man sa Alma 42:13). Kon matinloan kita kag mapatawad, sa ulihi mapanubli gid naton ang ginharian sang Dios (tan-awa sa Isaias 1:18; Doktrina kag mga Kasugtanan 58:42).

Ang paghinulsol masobra pa sangsa pagliwat lamang sang pangginawi. Ini ang pagtalikod sa sala kag pagliso padulong sa Amay nga Langitnon kag kay Jesucristo. Nagatulod ini sang pagbag-o sang tagipusuon kag kaisipan (tan-awa sa Mosias 5:2; Alma 5:12–14; Helaman 15:7). Paagi sa paghinulsol, pwede kita mangin bag-o nga mga tawo, nga nakig-uli sa Dios (tan-awa sa 2 Mga Taga-Corinto 5:17–18; Mosias 27:25–26).

Ang oportunidad nga maghinulsol isa sa pinakadako nga bugay nga ginhatag sa aton sang Amay nga Langitnon paagi sa regalo sang Iya Anak.

32.2

Mga Katuyuan sang mga Limitasyon ukon Pagbawi sang Pagkamiyembro sang Simbahan

Kon ang miyembro nakahimo sang seryoso nga sala, ang bishop ukon stake president nagabulig sa iya nga maghinulsol. Bilang parte sining proseso, mahimo nga kinahanglan niya limitahan anay sing temporaryo ang pila ka mga pribelihiyo bilang miyembro sang Simbahan. Sa iban nga mga sitwasyon, mahimo nga bawion niya sing temporaryo ang pagkamiyembro sang isa ka tawo.

Ang paglimita ukon pagbawi sang pagkamiyembro sang isa ka tawo wala ginatuyo bilang silot. Kundi, ini nga mga aksyon kon kaisa kinahanglanon para buligan ang isa ka tawo nga maghinulsol kag maeksperiyensyahan ang pagbag-o sang tagipusuon. Nagahatag man ini sa tawo sang tiyempo para magpreparar sa espirituhanon agud bag-uhon kag tumanon liwat ang iya mga kasugtanan.

Ang tatlo ka katuyuan sa paglimita ukon pagbawi sang pagkamiyembro amo ang masunod.

32.2.1

Buligan nga Protektahan ang Iban

Ang una nga katuyuan amo nga buligan nga maprotektahan ang iban. Kon kaisa ang isa ka tawo isa ka pisikal ukon espirituhanon nga peligro. Ang batasan sang pagpanghalit, pisikal nga pagpanakit, sekswal nga pagpang-abuso, pag-abuso sang alkohol kag droga, pagpangdaya, kag apostasiya pila lamang sa mga paagi nga nagakatabo ini. Upod ang inspirasyon, ang bishop ukon stake president nagaakto para protektahan ang iban kon may tawo nga nagadala sang peligro sa sini kag iban pa nga seryoso nga mga paagi (tan-awa sa Alma 5:59–60).

32.2.2

Buligan ang Tawo nga Malab-ot ang Nagatubos nga Gahum ni Jesucristo paagi sa Paghinulsol

Ang ikaduha nga katuyuan amo nga buligan ang tawo nga malab-ot ang nagatubos nga gahum ni Jesucristo paagi sa paghinulsol. Paagi sa sining proseso, mahimo sia nga mangin matinlo kag nagakaangay liwat nga magbaton sang tanan nga mga bugay sang Dios.

32.2.3

Proteksyunan ang Integridad sang Simbahan

Ang ikatatlo nga katuyuan amo nga proteksyunan ang integridad sang Simbahan. Ang paglimita ukon pagbawi sang pagkamiyembro sang isa ka tawo sa Simbahan mahimo nga kinahanglanon kon ang iya ginahimo nagahatag sang dako nga halit sa Simbahan (tan-awa sa Alma 39:11). Ang integridad sang Simbahan wala ginaproteksyunan paagi sa pagtago ukon pagkapan-kapan sang seryoso nga mga sala—kundi paagi sa pag-atubang sini.

32.3

Ang Papel sang mga Hukom sang Israel

Ang mga bishop kag mga stake president gintawag kag ginset apart nga mangin mga hukom sang Israel (tan-awa sa Doktrina kag mga Kasugtanan 107:72–74). Nagakapot sila sang mga yabi sang priesthood bilang representante sang Ginuo sa pagbulig sang mga miyembro sang Simbahan nga maghinulsol (tan-awa sa Doktrina kag mga Kasugtanan 13:1; 107:16–18).

Masami ang mga bishop kag stake president nagabulig sa paghinulsol paagi sa personal nga paglaygay. Ini nga bulig mahimo nga magalakip sang indi pormal nga paglimita sang pila ka mga pribelihiyo sang pagkamiyembro sang Simbahan sing temporaryo.

Para sa seryoso nga mga sala, ang mga lider nagabulig sa paghinulsol paagi sa paghiwat sang membership council (tan-awa sa 32.6). Ini nga bulig mahimo nga magalakip sang pormal nga paglimita sang pila ka mga pribelihiyo sang pagkamiyembro sang Simbahan ukon pagbawi sang pagkamiyembro sang isa ka tawo sing temporaryo.

Ang mga bishop kag stake president dapat mapinalanggaon kag maulikdon sa pagbulig nila sa mga miyembro nga maghinulsol. Ang inter-aksyon sang Manluluwas sa babayi nga naaktuhan nga nagapanglalaki isa ka giya (tan-awa sa Juan 8:3–11). Bisan pa nga wala Sia magsiling nga ginpatawad na ang iya mga sala, wala Niya sia ginpakalain. Kundi, ginsilingan Niya sia nga “indi na magpakasala liwat”—nga maghinulsol kag bag-uhon ang iya kabuhi.

Ining mga lider nagatudlo nga may “kalipay … sa langit tungod sa isa ka makasasala nga nagahinulsol” (Lucas 15:7). Pasensyoso sila, nagasuporta, kag positibo ang panan-awan. Nagainspirar sila sang paglaum. Nagatudlo sila kag nagapamatuod nga bangud sang nagabayad-sala nga pagsakripisyo sang Manluluwas, ang tanan pwede maghinulsol kag mangin matinlo.

Ang mga bishop kag stake president nagapangayo sang giya sang Espiritu kon paano buligan ang tagsa ka tawo nga maghinulsol. Para lang sa pinakaseryoso nga mga sala nga ang Simbahan nagpahamtang sang sulundan kon ano nga mga aksyon ang dapat himuon sang mga lider (tan-awa sa 32.6). Wala sang palareho nga mga sitwasyon. Ang paglaygay nga ginahatag sang mga lider kag ang proseso sang paghinulsol nga ila ginapatigayon kinahanglan nga inspirado kag pwede nga lainlain ini sa kada tawo.

32.4

Pagkumpisar, Pagtipig sang Impormasyon, kag Pagreport sa mga Awtoridad sang Gobyerno

32.4.1

Pagkumpisar

Ang paghinulsol nagapangayo sang pagkumpisar sang mga sala sa Amay nga Langitnon. Si Jesucristo nagsiling, “Paagi sini mahibaloan ninyo kon nagahinulsol ang tawo sang iya mga sala—tan-awa, ikumpisar niya ang mga ini kag talikdan ang mga ini” (Doktrina kag mga Kasugtanan 58:43; tan-awa man sa Mosias 26:29).

Kon ang mga miyembro sang Simbahan makahimo sang seryoso nga mga sala, ang ila paghinulsol nagalakip man sang pagkumpisar sa ila bishop ukon stake president. Dayon pwede niya magamit ang mga yabi sang ebanghelyo sang paghinulsol para sa ila (tan-awa sa Doktrina kag mga Kasugtanan 13:1; 84:26–27; 107:18, 20). Nagabulig ini sa ila nga mag-ayo kag magbalik sa dalan sang ebanghelyo paagi sa gahum sang Pagbayad-Sala sang Manluluwas.

Ang katuyuan sang pagkumpisar amo nga paisugon ang mga miyembro nga haw-ason ang ila mga ginakarga para nga lubos nila mapangayo ang bulig sang Ginuo sa pagbag-o kag pag-ayo. Ang pagpatubo sang “masinulub-on nga tagipusuon kag mahinulsulon nga espiritu” ginabuligan sang pagkumpisar sang sala (2 Nefi 2:7). Ang boluntaryo nga pagkumpisar nagapakita nga ang tawo luyag nga maghinulsol.

Kon ang isa ka miyembro nagakumpisar, ang bishop ukon stake president nagasunod sa mga pagsulundan sa paglaygay sa 32.8. Mainampuon niya nga ginapangayo ang giya parte sa nagakabagay nga pamaagi para mabuligan ang miyembro nga maghinulsol. Ginabinagbinag niya kon bala ang membership council makabulig. Kon sa polisiya sang Simbahan ginapangayo ang membership council, ginapaathag niya ini (tan-awa sa 32.6).

Kon kaisa ang miyembro nakaagrabyo sa asawa ukon bana ukon isa pa ka hamtong. Bilang bahin sang iya paghinulsol, dapat nagakumpisar sia sa sinang tawo kag nagapangayo sang kapatawaran. Ang lamharon nga nakahimo sang seryoso nga sala kasami ginapabakod nga makighambal sa iya mga ginikanan.

32.4.4

Pagtipig sang Impormasyon

Ang mga bishop, stake president, kag ang ila mga manuglaygay may sagrado nga obligasyon nga proteksyunan ang tanan nga tilipigan nga impormasyon nga ginasugid sa ila. Ining mga impormasyon mahimo nga magahalin sa mga interbyu, paglaygay, kag mga pagkumpisar. Ang pareho nga obligasyon sang pagtipig sang impormasyon nagakadapat man sa tanan nga nagapartisipar sa mga membership council. Ang pagtipig sang impormasyon importante tungod ang mga miyembro pwede nga indi na magkumpisar sang mga sala ukon magpangayo sang giya kon ang ila ginasugid indi man pagtipigan. Ang pagpalapta sang impormasyon nagaguba sang pagsalig sang mga miyembro kag nagatulod sa ila nga madulaan sang pagsalig sa ila mga lider.

Santo sa ila obligasyon nga tipigan ang impormasyon, ang bishop, stake president ukon ang ila mga manuglaygay pwede lang magpagwa sang impormasyon sa masunod:

Kinahanglan nila nga hambalan upod sa stake president, mission president, ukon bishop sang miyembro ang parte sa paghiwat sang membership council ukon pareho sini nga mga butang.
Ang tawo nagasaylo sa bag-o nga ward (ukon gin-release ang lider sang priesthood) samtang ginahulat pa ang aksyon parte sa pagkamiyembro ukon iban pa nga seryoso nga mga problema.
Ang bishop ukon stake president nakahibalo nga ang miyembro sang Simbahan nga nagaestar sa gwa sang ward ukon stake mahimo nga imbolbado sa seryoso nga sala.
Kinahanglanon gid nga isugid ang impormasyon sa tion sang membership council.
Ang miyembro nagapili nga maghatag sang pahanugot sa lider nga ipahibalo ang impormasyon sa partikular nga mga tawo.
Posible nga kinahanglan isugid ang limitado nga impormasyon parte sa desisyon sang membership council.

Para buligan ang mga lider nga proteksyunan ang iban kag sundon ang layi, ang Simbahan nagahatag sang bulig halin sa eksperto nga mga propesyunal. Para mabaton ining giya, ang mga lider magatawag gilayon sa abuse help line sang Simbahan kon diin nga may ara sini (tan-awa sa 38.6.2.1). Kon wala sang amo sini sa sina nga lugar, ang stake president magakontak sa area legal counsel sa area office.

Sa isa lamang ka sitwasyon nga ang bishop ukon stake president dapat nga magpagwa sang ginatipigan nga impormasyon nga wala anay nagapangayo sina nga laygay. Ini kon ang pagpagwa sang impormasyon kinahanglanon gid para malikawan ang halit sa kabuhi ukon seryoso nga kasamaran kag wala na sang oras para magpangayo sang giya. Sa sining mga kaso, ang obligasyon nga proteksyunan ang iban mas importante sangsa obligasyon nga tipigan ang impormasyon. Ang mga lider dapat nga magkontak gilayon sa sibil nga mga awtoridad.

32.6

Kadakuon sang Sala kag Polisiya sang Simbahan

Ang kadakuon sang sala isa ka importante nga konsiderasyon sa paghibalo sang pamaagi nga (1) magabulig protekta sa iban kag (2) magabulig sang tawo nga maghinulsol. Ang Ginuo nagsiling nga Sia “indi makatulok sa sala nga may bisan pinakadiutay nga pagtugot” (Doktrina kag mga Kasugtanan 1:31; tan-awa man sa Mosias 26:29). Ang iya mga alagad indi dapat nga magbale-wala sang ebidensya sang seryoso nga sala.

Ang seryoso nga mga sala ginhungod kag mayor nga paglapas sang mga layi sang Dios. Ang mga kategorya sang seryoso nga mga sala nalista sa idalom.

Mapintas nga mga buhat kag pagpang-abuso
Sekswal nga imoralidad
Pagpangdaya
Pagguba sang pagsalig
Iban pa nga mga buhat

Kon San-o ang Membership Council Ginapangayo ukon Mahimo nga Kinahanglanon

Klase sang Sala	Ang Membership Council Kinahanglanon Gid	Ang Membership Council Mahimo nga Kinahanglanon
Klase sang Sala Pagpamintas kag Pagpang-abuso	Ang Membership Council Kinahanglanon Gid Pagpatay sang Tawo Pagpanglugos Napamatbatan nga nakasala sa sekswal nga pagpanakit Pagpang-abuso sang bata ukon lamharon Hungod nga pagpamintas	Ang Membership Council Mahimo nga Kinahanglanon Plano sa pagpatay sang tawo Sekswal nga pagpang-abuso, lakip na ang pagpanakit kag pagpamahog (tan-awa sa 38.6.18 kon ginapangayo ang konseho) Pagpang-abuso sang asawa ukon bana ukon iban pa nga hamtong (tan-awa sa 38.6.2.4 kon ginapangayo ang konseho)
Klase sang Sala Sekswal nga Imoralidad	Ang Membership Council Kinahanglanon Gid Incest Pornograpiya nga gamit ang kabataan Pagpangasawa sang madamo Hungod nga sekswal nga pagpanghalit	Ang Membership Council Mahimo nga Kinahanglanon Pagpanglalaki ukon pagpangbabayi, pagpakighilawas, relasyon sa isigka-lalaki ukon isigka-babayi, kag ang tanan nga iban pa nga sekswal nga mga relasyon sa gwa sang legal nga kasal sa tunga sang lalaki kag babayi, lakip na ang sekswal nga mga buhat online kag sa telepono Pagpuyo-puyo, sibil nga mga pag-upod kag relasyon, kag kasal sa isigka-lalaki ukon isigka-babayi Sige-sige kag indi mapunggan nga paggamit sang pornograpiya nga nagatuga sang dako nga halit sa pag-asawahay ukon pamilya sang miyembro
Klase sang Sala Mga Buhat sang Pagpangdaya	Ang Membership Council Kinahanglanon Gid Hungod nga pagpanghalit sa pinansyal, pareho sang pagpangdaya kag pareho sini nga mga buluhaton (tan-awa sa 32.6.3.3 kon ang miyembro imbolbado sa pagpalapaw sang mga pondo ukon propiyedad sang Simbahan)	Ang Membership Council Mahimo nga Kinahanglanon Pagpangholdap, pagpanaka sang balay para mangawat, pagpangawat, ukon pagpalapaw sang pondo (tan-awa sa 32.6.3.3 kon ang miyembro imbolbado sa pagpalapaw sang pondo ukon propiyedad sang Simbahan) Pagbutig sa Sinumpaan
Klase sang Sala Pagguba sang Pagsalig	Ang Membership Council Kinahanglanon Gid Seryoso nga sala samtang nagakapot sang prominente nga posisyon sa Simbahan	Ang Membership Council Mahimo nga Kinahanglanon Seryoso nga sala samtang nagakapot sang posisyon nga may awtoridad ukon ginasaligan sa Simbahan ukon sa komunidad (tan-awa sa 32.6.3.3 kon ang miyembro imbolbado sa pagpalapaw sang pondo kag propiyedad sang Simbahan) Seryoso nga sala nga nahibal-an sang tanan
Klase sang Sala Iban Pa nga Mga Buhat	Ang Membership Council Kinahanglanon Gid Kalabanan nga ginapamatbatan nga krimen	Ang Membership Council Mahimo nga Kinahanglanon Aborsyon (magluwas sa wala madala sa 38.6.1) Sulit-sulit nga seryoso nga mga sala Hungod nga pagpabaya sang mga responsibilidad sa pamilya, lakip na ang indi pagbayad sang sustento sa kabataan kag asawa Pagbaligya sang ilegal nga droga Iban pa nga seryoso nga mga kriminal nga buluhaton

32.6.3

Kon San-o Nagapakig-angot ang Stake President sa Area Presidency parte sa kon Bala Nagakabagay ang Membership Council ukon Iban pa nga Aksyon

Ang pila ka mga butang nagapangayo sang dugang nga paghalong kag giya. Para mahibal-an kon paano makabulig sang pinakamaayo, ang stake president kinahanglan gid nga magpakig-angot sa Area Presidency parte sa mga sitwasyon sa sini nga seksyon.

32.6.3.2

Apostasiya

Ang mga isyu sang apostasiya kasami may epekto bisan sa gwa sang dulunan sang ward ukon stake. Kinahanglan nga maaksyunan gilayon ang mga ini para proteksyunan ang iban.

Ang bishop nagakonsulta sa stake president kon pamatyag niya ang aksyon sang miyembro makabig nga apostasiya.

Sa ginagamit diri, ang apostasiya nagatumod sa miyembro nga nagahimo sang masunod:

Sulit-sulit nga nagaakto sa maathag kag hungod nga pagkontra sa publiko sang Simbahan, sang mga doktrina sini, mga polisiya, ukon mga lider
Pagpadayon sa pagtudlo bilang doktrina sang Simbahan sinang indi doktrina sang Simbahan pagkatapos nga koreksyonan sang bishop ukon stake president
Pagpakita sang hungod sa buot nga pagtinguha nga paluyahon ang pagtuo kag pagkaaktibo sang mga miyembro sang Simbahan
Padayon nga pagsunod sang mga pinanudlo sang naghalalin na sa simbahan pagkatapos nga koreksyonan sang bishop ukon stake president
Pormal nga pagpamiyembro sa iban nga simbahan kag pagduso sang mga pinanudlo sini.

32.6.3.3

Pagpalapaw sang Pondo sang Simbahan

Kon ang miyembro nagpalapaw sang pondo sang Simbahan ukon nagpangawat sang malahalon nga propiyedad sang Simbahan, ang stake president nagakonsulta sa Area Presidency kon bala kinahanglanon ang membership council ukon iban pa nga aksyon.