32.

Kalngaen’ nge fapi Membership Council ko Galasia

32.0

Tabolingin I Mornga’agen

Kalngaen’ e baga’ nima buch u thilil facha’, nge Got, nge pi’in nib mu’un ko fare denen’ rok’ facha’. Machane, boch e ngiyal’ ma bishof fa stake president era tu’uf ni nge pii’ e ayuw ngak fapi chonggin e Galasia ko kalngaen’.

Napan ni yibe pii’ e ayuw ngak chonggin e galasia ko kalngaen’, ma fapi bishof nge fapi stake president e ngar daged e t’ufeg nge murunguy. Yaedra rrin’ ni woed wo’en fare Tathapeg, ni yaedra chubiy ngalang mi yaed ayuweg fapi gidii’ ni ngar pi’ed keru’raed ko denen mar bad ngak Got (muguy ko Matthew 9:10–13; John 8:3–11).

32.1

Kalngaen’uy nge Man’aegfan

Ra nge fek i yib woʼen e murnguy, Chitamangdaed nu Tharmiy e pii’ Fak ni Ma’agirag Rok’, Yesus Kristus, ni ngabi bayul nag e denen rodaed (muguy ko Alma 42:15). Yesus e gafgow ni bachan fare gechig nib tu’uf ko fare motochiyel ko justice nifan e pi denen rodaed (muguy ko Doctrine and Covenants 19:15–19; ngkum guy ko Alma 42:24–25). U dakean e biney e maligach, me dag fare Chitamangiy nge fare Fak e t’ufeg rorow ngogdaed ni dariy tungun memus (muguy ko John 3:16).

Napan ni gadaedra gay rogon e “mich u dakean e kalngaenʼ,” ma Chitamangiy nu Tharmiy era n’aegfan rodaed, mara yib fare murnguy rok’ u dakean fare Bayul rok’ Yesus Kristus (Alma 34:15; ngkum guy ko Alma 42:13). Napan ni yira be’ech min n’aegfan e denen rodaed, ma arram ni gadaedra tafnayed gil’elungun Got (muguy ko Isaiah 1:18; Doctrine and Covenants 58:42).

Kalngaen’ e gathi kemus ni ngan thilyeg pinggiy. Ya ngan pii’ keru’uy ko denen min yan ngak e Chitamangiy nu Tharmiy nge Yesus Kristus. Ya ma powi’iydaed ni nge thilyeg gum’ircha’ey nge tafney (muguy ko Mosiah 5:2; Alma 5:12–14; Helaman 15:7). U dakean e kalngaen’, ma arram ni gadaedra be’ech, ma gadaed m’aged gadaed ngak Got (muguy ko 2 Corinthians 5:17–18; Mosiah 27:25–26).

Fare kanawo’en e kalngaen’ e reb fapi tawa’ath ni rib fel’ nike pii’ e Chitamangiy nu Tharmiy ngodaed u dakean fare fak.

32.2

Fan ni yima Siyegnag fa ni Chuweg e Membership ko Galasia

Fa’anra bay reb fapi choggin e galasia nike rrin’ e denen nib gel e kireb riy, fare bishof fa fare stake president e nge ayuweg facha’ ni nge kalngaen’. Bang ko biney ni yima rrin’, e bay nira tu’uf ni ngan siyeg boech ban’en ko membership rok’ facha’ ko tabochingiyal’. Ma kabe yean u rogon, ma bay ni kara tu’uf ni yira chuweg fare membership rok’ facha’ ko tabochingiyal’.

Siyegnag fa ni chuweg e membership rok’ facha’ e gathi fan ni nge gechig nag. Machane, pin’ey ningan rrin’ e ngeyag ni nge ayuweg facha’ ni nge kalngaen’ me thiliyeg gum’ircha’en. Ma kabay ni yira pii’ ngak facha’ boech e ngiyal’ ni nge fal’ag rogon nib thothup ni nge be’ech nag fapi m’ag rok’ biyay.

Fare dalip i fan ni yima siyegnag fa ni chuweg e membership ko Galasia e ba’aray rogon.

Dalip i Fan ni yima Siyegnag fa ni Chuweg e Membership ko Galasia

1. Ayuweg me yororiy boech e gidii’

2. Ayuweg facha’ ni ngeyag ni thapeg fare gelngin Yesus Kristus napan e kalngaen’

3. Ayuweg Thibolngin Mornga’agen e Galasia

32.2.1

Ayuweg me Yororiy e Gidii’

Fare bin somm’on i fan e ngan ayuweg min yororiy e gidii’. Boech i ngiyal’ ma bay nima gereg bee’ e cham fa rrin’ e ngongol ni dani thothup ngak bee’. Pinggiy ni dani fel’ nima wowiliy e gidii’, cham nga dowey, gafgow nag bee’ ko ngongol ni galong, gafgow ko chingaw’ nge fanay ko drag nib momaw’ ni ngan pag, ngongol ko liyebiy, nge malog ko mich e array rogon boech e pin’ey nrayag nra buch. Tin ni yira thogthog nag ngak, fare bishop fa stake president e nge rrin’ ni nge ayuweg me yororiy e gidii’ ko pi dumow ni kireb nibe tay bee’ ngoraed (muguy ko Alma 5:59–60).

32.2.2

Ayuweg facha’ ni ngeyag ni thapeg fare Gelngin Yesus Kristus u dakean e Kalngaen’

Fare bin l’agruw fan e ngan ayuweg facha’ ni ngeyag ni thapeg fare gelngin Yesus Kristus u dakean e kalngaen’. U kanawo’en e biney, ma rayag ni yira be’ech nag facha’ mara bung ni nge thapeg urngin mit e tawa’ath rok’ Got.

32.2.3

Ayuweg Thibolngin Mornga’agen e Galasia

Fare bin dalip i fan e nge ayuweg thibolngin mornga’agen e Galasia. Siyegnag fa ni chuweg e membership ko Galasia e baynra tu’uf ni ngan rrin’ ni fa’anra ke rrin’ facha’ e kireb ngak e Galasia (muguy ko Alma 39:11). Fare thibolngin mornga’agen e Galasia e gathi yibe yororiy ni nge talag fa achig nag e denen nib gel e kireb riy—machane bachan e ngeyag ni ngan weliy mornga’agen.

32.3

Fare Muruwel rok’ Fapi Tapufthin nu Isreal

Fapi bishof nge stake president e kan piningraed makan yibliyraed ni ngar manged fapi tapufthin nu Isreal (muguy ko Doctrine and Covenants 107:72–74). Yaed e bay fapi kiy ko priesthood roraed nibe yipfan Somoel nibe ayuweg fapi chonggin e Galasia ko kalngaen’ (muguy ko Doctrine and Covenants 13:1; 107:16–18).

Boech i ngiyal’ ma fapi bishof nge fapi stake president e yaed ma un ngar pii’ed e ayuw ko mo’olung nifan ngom. Biney e bay ni yira siyegnag boech fapi mat’woy ko membership ko Galasia ko ta’abochingiyal’.

Ma denen ni rib gel e kireb riy, fapi tiyugang’ e yaedra pii’ e ayuw ko kalngaen’ nira tu’uf ni ngan tay fare mo’olung ko membership council (muguy ko 32.6). Biney e ayuw e bay ni yira siyegnag boech fapi mat’won e membership ko Galasia fa chuweg e membership rok’ facha’ ko tabochingiyal’.

Fapi bishof nge stake president e ngar daged e t’ufeg nge murnguy napan ni yaed be ayuweg chonggin e Galasia ko kalngaen’. N’en ni rrin’ fare Tathapeg ko fare bpin nni pire’eg nikar pirew bee’ ni gathi mabol rok’ e woed kanawo’en e biney (muguy ko John 8:3–11). Woed ni arram rogon ni dani yoeg nike m’ayfan e denen rok’, machane dani gechig nag. Ya, ga’ar ngak “mman, ma dab kum denen bayay”—kalngaen’um maga thilyeg e yafos rom.

Pi tiyugang’ ney e yaed ma michib nag ni bay e “felfelan’… u tharmiy ni bochan ta’reb e tadenen nike pi’ keru’ ko kireb” (Luke 15:7). Yaed ba gum’aen’, yaed ba pii’ e ayuw, ma yaed e fel’ e tafney roraed. Yaed ma thogthog nag e athap. Yaed ma michib ma yaed ma micheg nag ni bachan fare bayul ni tay Somoel, gubin e gidii’ ma rayag ni nge kalngaen’ min be’ech nag.

Fapi bishof nge stake president e yead ma gay fapi powi’iy nibe yib rok’ e Thothup ni ngar nanged rogon ni ngar pii’ed e ayuw ngak facha’ ko kalngaen’. Ma kemus ni tin ba’aray e denen ni rib gel e kireb riy e arram ngiyal’ nira un fare Galasia ngay nge duugliy ko mang e ba tu’uf ni nge rrin’ fapi tiyugang’ (muguy ko 32.6). Dariy l’agruw ban’an nib ta’areb rogon. Fare mo’olung nima pii’ e tiyugang’ nge rogon e kalngaen’ e thingarni thogthog nag rogon ngoraed ya rareb ma bay nib thilthil rogon ngareb.

32.4

Puwofaay, Mith Thibolngin, nge Report nag ngak e Pi’in ni Mot’won e Aam

32.4.1

Pugowfaay

Bang nib tu’uf ko kalngaen’ e ngan puwofaay nag e denen ngak e Chitamangiy nu Tharmiy. Yesus Kristus e ga’ar, “Ko rogon e biney ma gara nang ko fa’anra ke kalngaen’ facha’ ko fapi denen rok’—, musap gaed, yara puwofaay me pag e kireb” (Doctrine and Covenants 58:43; ngkum guy ko Mosiah 26:29).

Napanra rrin’ e chonggin e Galasia fapi denen ni rib kireb, fare kalngaen’ ni yaedra tay era tu’uf ni yaedra puwofaay ngak e bishof roraed fa stake president. Ma ir e rayag nra muruwel ko fapi kiy ko gospel ko kalngaen’ nifan ngoraed (muguy ko Doctrine and Covenants 13:1; 84:26–27; 107:18, 20). Biney era ayuwegraed ni ngan golnag raed mi yaed ra sul ko fare kanawo’en e gospel u dakean fare gelngin fare Bayul rok’ fare Tathapeg.

Fan e puwofaay nge pii’ e athamgil ngak e chonggin e Galasia ni ngeyag nra l’uufed tomalngin fapi denen ni ngeyag nra gayed ga’angin e ayuw rok’ Somoel ni nge thilyeg me fosagraed. Gay rogon e “mʼingaenʼ nge kalngaenʼ” e kabang ko puwofaay (2 Nephi 2:7). Gur rom nikam puwofaay nag e be dag ni ba’adag facha’ ni nge kalngaen’.

Napanra puwofaay reb e chonggin e Galasia, ma fare bishof fa stake president e nge leak fapi kanawo’en e couseling nibay ko 32.8. Ra meybil ni nge gay fare kanawo’en e bin mat’aw ko rogon ni nge ayuweg fare member nge kalngaen’. Mara tafney nag ko ra t’uf e ayuw ko fare membership council. Fa’an fare motochiyel ko Galasia era tu’uf ni nge un fare membership council, mara weliy e biney (muguy ko 32.6).

Boech e ngiyal’ ma bay ni fare member e ke rrin’ e kireb ngak e mabgol rok’ fa ngak reb e pil’aal’. Kabang ko fare kalngaen’, nira puwofaay facha’ ngak e en nike rrin’ e kireb ngak me fith ni ngan n’agfan rok’. Fal’yangren nira rrin’ e denen ni rib kireb e yima pii’ e athamgil ngak ni nge non ngak e galibithir rok’.

32.4.4

Mith Thibolngin

Fapi bishof, nge fapi stake president, nge fapi counselor roraed e bay e muruwel roroaed ni ngar ayuweged mornga’agen gubin ban’en niran noeg ngoraed. Mornga’agen e tiney e ma yib ko fapi interview, fapi mo’olung, nge fapi puwofaay. Pin’ey ni yima rrin’ ni nge mitheg thibolngin e ku ta’areb rogon ni ngan rrin’ ulan fapi membership council. Mith thibolngin e rib ga’fan ni bachan e member e bay ni dabi puwofaay nag e denen fa gay e ayuw ni fa’anra tin ni yaedra yoeg e dabin mitheg thibolngin. Kireb nag thibolngin fare member nge tin nib pagaen’ ngay era kireb nag fare pagean’ rok’ ngak e tiyugang’ roraed.

Ul’ul’ ko muruwel roraed ni ngan mitheg thibolngin facha’, fare bishof, stake president, fa fapi counselor roraed e karimus ni rayag ni ngar weliyed mornga’agen e pin’ey ni ba’aray rogon:

• Ba tu’uf ni ngar noned ngak fare stake president ko fare member, mission president, fa bishof ko mornga’agen nib tu’uf ni ngan tay fare membership council fa ku boech ban’en nib ga’fan.

• Bee’ nike yaen ngalan reb e ward nib be’ech (fa fare tiyugang’ ko priesthood e kan l’uuf ko fare liiw) ko ngiyal’ ni yibe rrin’ e pin’ey fa yibe soen nag mornga’agen.

• Fare bishof fa stake president e ke nang ni reb e member ko chonggin e Galasia nibe par u wuru’ fare ward fa stake e un ko reb e denen ni rib kireb.

• Rib tu’uf ni ngan weliy gubin ban’en ulan fare mo’olung ko membership council.

• Member e rayag ni nge pii’ mat’won fare tiyugang’ ni nge weliy mornga’agen e biney ngak facha’ nib mudugil.

• Krayag ni kemus ni buchu’uw mornga’agen e tin nike duugliy fapi membership council e yira yoeg.

Ngan ayuweg fapi tiyugang’ ni ngar ayuweged boech e gidii’ min rrin’ ni woed rogon e motochiyel, fare Galasia e bay e gidii’ riy nib salap makan sukul nagraed ko rogon e pin’ey. Ra ngan thapeg kanawo’en e biney, fapi tiyugang’ e ngar kol niged fare number ko Galasia nifen e ayuw ko cham ni fa’anra bay (muguy ko 38.6.2.1). Ko gin ni dariy riy, fare stake president e nge kol nag fare area legal counsel ko fare area office.

Karimus ni ta’areb e n’en nira buch ni fare bishof fa stake president e dabi mitheg thibolngin ma dabi soen ngan pii’ mot’won fa rogon ni woed rogon kanawo’en ni ngan rrin’. Biney e yira rrin’ ko napan nira tu’uf ni ngan ayuweg bee’ ni dabi thang e pogofan rok’ fa mada’ad ma dariy e ngiyal’ riy ni ngan rrin’ ni woed rogon kanawo’en ni ngan rrin’. Fa’anra buch e biney, ayuweg facha’ e bagel nib ga’fan ko bin ba’aray ni ngan mitheg thibolngin. Fapi tiyugang’ e susun ni ngar kol niged fapi aam nibay mot’won ni rib papay.

32.6

Gelingin fare Denen nge Yalen e Motochiyel ko Galasia

Fare gelingin e denen e bang ni rib ga’fan nira duugliy rogon fapi kanawo’en nira pii’ e ayuw nge (1) ayuweg me yororiy e gidii’ me (2) ayuweg facha’ nge kalngaen’. Somoel e ga’ar “dabiyog ni nge sap ko denen ni mus ko tin ba achichig ma dabiyog.” (Doctrine and Covenants 1:31; ngkum guy ko Mosiah 26:29). Fapi tapigpig rok’ e thingari dabra fekyathin e pow ko denen ni rib gel e kireb riy.

Ya denen ni rib gel e kireb riy e ke yib ko tafney ni ngan rrin’ ma rib togopluw ko motochiyel rok’ Got. Ba’aray fithingan fapi denen ni rib gel e kireb riy:

• Ngongol ko cham nge gafgownag

• Galong

• Ngongolan e liyeb

• Pagaen’ nikan gathaynag

• Boech e ngongol

Ngiyal’ nira Tu’uf e Membership Council fa Ngiyal’ ni Sana ra Tu’uf

Mit e Denen	Ngiyal’ nira Tu’uf e Membership Council	Ngiyal’ ni Sana ra Tu’uf e Membership Council
Mit e Denen Ngongol ko Cham nge Gafgownag	Ngiyal’ nira Tu’uf e Membership Council Mathang pogofan Rape Galong nib mu’un e cham ngay nge tha’ab e motochiyel Gafgownag e bitir fa fal’yangren Wawoliy e Ngongol ko Cham	Ngiyal’ ni Sana ra Tu’uf e Membership Council Gay rogon e mathang pogofan Gafgownag bee’ ko galong, nib mu’un e cham nge tawasor ngay (muguy ko 38.6.18 ko ngiyal’ nira tu’uf fare council) Gafgownag e Mabgol fa Gafgownag reb e Ilal (muguy ko 38.6.2.4 ko ngiyal’ nira tu’uf fare council)
Mit e Denen Galong	Ngiyal’ nira Tu’uf e Membership Council Ngongol ko qgalong ulan e tabinaew Pornography ko bitir Reb e mabgol ni bo’or e gidii’ ngay Wawoliy e ngongol ko galong	Ngiyal’ ni Sana ra Tu’uf e Membership Council Dirngal, iling, galong u thilin e bpin nge bpin nge pumo’on nge pumo’on, nge gubin mit e galong nibay nga wuru’ e mabgol u thilin e pumo’on nge bpin, nib mu’un e galong ngay u online fa ko fon. L’agruw nii’ ni yow be par u ta’abang machane dawra mabgol gow, l’agruw i bpin fa pumo’on ni yow be par u ta’abang, nge mabgol ko bpin nge bpin nge pumo’on nge pumo’on. Alamrin i yaaliy ya’an fa momaw’ i talegney i guy e pornography nike gathaaynag e mabgol rok’ reb e member fa tabinaew rok’
Mit e Denen Ngongolan e Liyeb	Ngiyal’ nira Tu’uf e Membership Council Wawoliy e ngongol ko salpiy, ni woed e moro’ro’ nge ku boech e ngongol nib ta’areb rogon ko tiney (muguy ko 32.6.3.3 ni fa’anra bay reb e member nike gathay nag e salpiy fa kireb nag ban’en nifan e Galasia)	Ngiyal’ ni Sana ra Tu’uf e Membership Council Moro’ro’, irring e chugum ulan e nu’un, sasalap, fa moro’ro’ salpiy (muguy ko 32.6.3.3 ni fa’anra bay reb e member nib mu’un ko moro’ro’ salpiy ko Galasia fa ban’en nifan e Galasia) Baen
Mit e Denen Pagaen’ nikan Gathaynag	Ngiyal’ nira Tu’uf e Membership Council Reb e denen ni rib kireb ko ngiyal’ ni bay e liiw rom ulan e Galasia	Ngiyal’ ni Sana ra Tu’uf e Membership Council Rrin’ e denen ni rib kireb ko ngiyal’ ni’ir reb e tiyugang’ fa bay e liiw rok’ ulan e Galasia fa lan e flock (muguy ko 32.6.3.3 ni fa’anra bay reb e member nib mu’un ko moro’ro’ salpiy ko Galasia fa ban’en nifan e Galasia) Denen ni rib kireb make garar mornga’agen
Mit e Denen Boech e Ngongol	Ngiyal’ nira Tu’uf e Membership Council Tha’ab e motochiyel ko urngin mit e cham	Ngiyal’ ni Sana ra Tu’uf e Membership Council Mathang pogofan ko bitir ni kabay u yol (makemus ni fa’anra bay mornga’agen ko 38.6.1 nib ta’areb rogon ko biney) Dag ni gathi ta’abiyay nike buch fare denen ni rib kireb Pag ni dakir rrin’ e tin ni muruwel rok’ u tabinaew, nib mu’un ni dakir pii’ pilwon fare tir nge salpiy nifen fare bpin Pii’ ni chuway’ e falay nib illegal Boech e ngongol ni rib gel e criminal riy

32.6.3

Napan nira Gopuruy’ fare Stake President ngak fare Area Presidency ko fa’anra tu’uf ni yira tay fare Membership Council fa kabay Boech Ban’en nib tu’uf ni ngan Rrin’

Boech ban’en e rib tu’uf ni ngan ayuweg mornga’agen nge rogon kanawo’en ni ngan rrin’. Ra ngan nang rogon ni ngan pii’ e ayuw, fare stake president era gopuruy’ ngak fare Area Presidency ko mornga’agen e pin’ey nibay ko biney e section.

32.6.3.2

Apostasy

Apostasy e baga’ ma dabiyag rok’ e ward fa stake ni ngar rrin’ed ban’en ngay. Rib tu’uf ni ngar weliyed e biney ko chingiyal’ nem ni ngar ayuwegned boech e gidii’.

Fare bishof era gopuruy’ ngak fare stake president ni fa’anra be thamiy nibay reb e member nibe yaen u wa’en e apostasy.

Woed rogon ni ba’aray, apostasy e be yipfan ni fare member e be un ngareb e pin’ey:

• Gathi ta’abiyay nibe gay rogon ninge gathaynag mornga’agen e Galasia, michib riy, fapi yalen, nge fapi tiyugang’ riy

• Ul’ul’ ngan michib ni woed rogon e michib ko Galasia ni gathi michib ko Galasia u tomuren nike mu’ fare bishof nge fare stake president i yoeg rogon ngak

• Be dag nibe ul’ul’ nge muruwel ni nge waer nag e mich ko gidii’en e Galasia

• Ul’ul’ nge leak fapi machib rok’ fapi gidii’ ni apostate u tomuren nike mu’ fare bishof fa stake president i yoeg rogon ngak

• Ka’i un ngareb e Galasia ma ka’i un ko machib nag mornga’agen

32.6.3.3

Moro’ro’ Salpiy ko Galasia

Fa’anra bay reb e member nike moro’ro’ salpiy ko Galasia fa ke irring ban’en nifen e Galasia, ma fare stake president e nge gopuruy’ ngak fare Area Presidency ko fa’anra tu’uf ni yira tay fare membership council fa kabay boech ban’en nib tu’uf ni ngan rrin’.

Tin nikan Me’eleg ulan fare General Handbook e dani un gubin fapi mornga’agen nge kanawo’en ko rogon ni ngan fanow nag bee’ nike un ngareb e denen ni rib kireb, fa’anra ba tu’uf, yira tay fare membership council.

Fa’anra bay e duwer rok’ fare bishof fa branch president ko rogon ni ngan ayuweg bee’ nike rrin’ e denen ni rib kireb (woed rogon nibay ko 32.6), ma susun ni somm’on e nge guy ko chapter 32 ko fare General Handbook ni fa’anra kan pilyeg e thin riy ko rogon e thin ni rayag ni nge fanay. Fa’anra dawrin pilyeg e thin riy, ma susun ni nge kol ni kachingiyal’ nem nag e cha’en nib ga’ nibe gagiyeg ni nge powi’iy nag ko rogon ni nge rrin’.