Bliongel mengai er a General Handbook

Beldeklel
Dai
Ousbech a Bliongel mengai er a General Handbook
Dodai ra Osisechakl
- 0. Uchelel Omesodel
- 1. Moktek er a Dios ma Ngerchelem ra Ureor Lolsobel me Ngar el mora Ulebongel
- 2. Olngeseu ra Dersta el Chad ma Telungalek ra Ureor Lolsobel ma Ngar el mora ulebongel
- 3. Osisechakl ra Priesthood
- 4. Oungerachel ma Chelechad ra Chelsel a Ikelesia ra Jesus Kristo
Cheldellel a Ikelesia
- 5. General ma Area Leadership
- Omerredel ra Stake
- Klebisop
- 8. Chelechad ra re Elders
- 9. Relief Society
- 10. Chelchad ra Aaronic Priesthood
- 11. Young Women
- 12. Primary
- 13. Sunday Skuul
- 14. Rmesobil Chedal a Ikelesia
- 15. Seminaries ma Institutes ra Klechelid
Ureor Lolsobel ma Ngar el mora Ulebongel
- Oltirakl ra Ebangkelio ra Jesus Kristo
  - 16. Oltirakl ra Ebangkelio ra Jesus Kristo
  - 17. Olisechakl ra Ebangkelio
  - 18. Meruul Chedaol Ruoll ra Priesthood ma Klengeltengat
  - 19. Chelitakl
  - 20. Omeruul
- Omekerreu ra Rousbech a Ngesou
  - 21. Oldingel
  - 22. Usbechellel ma Siungel a Klechad
- Siotai ra Rokui el mo Nguu Ebangkelio
  - 23. Omerk ra Ebangkelio e Melisiich er Tirkel Beches ma Luueta el Mei
  - 24. Odars a Ngklir a remo Misionari ma Omesiou
- Omak a Telungalek el mo Cherechar
  - 25. Templo ma Ureor ra Reksi ra Telungalek ra Ward ma Stake
  - 26. Babier ra mora Templo
  - 27. Chedaol Ruoll ra Templo el Kirir a re Ngar
  - 28. Chedaol ruoll ra Templo el kirir a re mla Mad
Obis ra Ikelesia
- 29. Miting ra Ikelesia
- 30. Okedong ra Ikelesia
- 31. Cheldecheduch ma Bebil ra Miting Lobengterir a Rechad ra Ikelesia
- 32. Ouchelreng ma Council ra Rechedal a Ikelesia
  - 32.0. Uchelel
  - 32.1. Ouchel Reng me a Klausubes
  - 32.2. Moktek er a Kekerongel Chedal a Ikelesia a lechub a Nglubet a Ngklel
  - 32.3. Ngerchelir a Remerritel ra Israel
  - 32.4. Kombesar, Berrotel, ma Ouchais el mora Roungerachel ra Kabelment
  - 32.6. Berredel a Klengit ma Llechul a Ikelesia
- 33. Rekord ma Report
- 34. Udoud ma Remerritel a Udoud
- 35. Omekerreu ma Usbechellel Omekedecheraol ra Ikelesia
- 36. Meruul, Melodech, e Omngakl a Beches el Unit
  - 36.0. Uchelel
- 37. Tokubets el Stake, Ward, ma Branch
- 38. Llach ra Ikelesia ma Teletael

32. Ouchelreng me a Rechedal a Council er a Ikelesia

“32. Ouchelreng me a Rechedal a Council er a Ikelesia,” Bliongel mengai er aGeneral Handbook (2023).

“32. Ouchelreng me a Rechedal a Council er a Ikelesia,” Bliongel mengai er a General Handbook

32.

Ouchelreng me a Chelechad er a Council er a Ikelesia

32.0

Uchelel

Oumesingd louchelreng a mekedmokl er a delongelel a chad, Dios, me tirkel miltemall el kngtil a chad a uchul. Eng di, bebil er a taem e a bisop malechub a merredel er a stake a mo olngeseu er a rechad er a Ikelesia er a blakereng el tir louchel a rengrir.

Sel molngeseu er a rechad louchel a rengrir, e a rebisop me a remerredel er a stake a kmal loba beltikereng me a ulekerreu. Te oltirakl okesiul Osobel, el milisiich er a rechad e ngolsuterir el mo cheroid er a klengit e obult el mo er a Dios (mesa Mateus 9:10–13; Johanes 8:3–11).

32.1

Ouchelreng me a Klausubes

A teletelel a Urerel er a chubechub, e a Chedam er a Babeluades a uldureklii a Dital Ngelekel Sechal, Jesus Kristo, el mo melngakireng el kirel a kngtid (mesa Alma 42:15). A Jesus a mlo chemau a ringel el kirel a llach el miltemall leng klengit a uchul (mesa Doctrine and Covenants 19:15–19; dirrek el mesa Alma 42:24–25). Ng okiu tial tngakireng, e a Chedam me a Ngalek ochotii sel diak a ulebengelel el beltikereng er Tir el kired (mesa Johanes 3:16).

Sel dultuil er a klaumerang el mo ouchel a rengud e a Chedam er a Babeluades ousubes er kid, e odersii chubechub lokiu a Tngakireng er a Jesus Kristo (Alma 34:15; dirrek el mesa Alma 42:13). Sel bo debeches el mla mousubes, eng sebeched el mo nguu a rengedel a Dios (mesa Isaiah 1:18; Doctrine and Covenants 58:42).

A ouchelreng a diak di dolodech a blekeradel. Kede obult el mo cheroid er a klengit e mo bedul a Chedam er a Babeluades me a Jesus Kristo. Ng mekrolid el mo ngmodech a rengud me a uldesued (mesa Mosiah 5:2; Alma 5:12–14; Helaman 15:7). Ng okiu ouchelreng, e kede mo beches el chad, e mo tang lobengkel a Dios (mesa 2 Korint 5:17–18; Mosiah 27:25–26).

A techall el mo ouchel a rengud a tara kot el ngarbab el klengeltengat el Chedam er a Babeluades a mla meskid lokiu a sengk er a Ngelekel.

32.2

Moktek er a Kekerongel a lechub a Mengubet a Ngklel Chedal a Ikelesia

A lsekum a chad a tomelii a oberaod el klengit, e a bisop a lechub a merredel er a stake a ngoseuir el mo ouchel a rengul. A telengtengil tial teletael, eng locha mo kirel kekerongel er a bebil er a teletael er a Ikelesia. A bebil er a ikal teletael, eng locha mo kirel ngubetii a ngklel el mo diak el chedal a ikelesia el telkib el taem.

A kekerongel me a melubet er a chad er a ikelesia a diak el mokek er ngii a mengelbus. Ng bai, ikaikid el teletael a lebebil er a taem e ngoseuir a chad el mo ouchel a rengul e melchesuar omelodech er a rengul. Ng dirrek e msa chad a taem el kudmeklii er a chedaol tekoi lmuut el mo mekbeches e oltirakl a telbilel.

A ikakid a kldei el moktek er a kekerongel me a omelubet el ngakl:

32.2.1

Olngeseu el Omecheliu er a Rebebil

A kot el moktek a mo olngeseu lomecheliu er a rebebil Bebil er a taem ea chad a remuul a ulektatk el mo tomelii a bedengel a lechub a rengul a tang. Mekngit el blekeradel, omekringel er a bedengel a tang, mekngit el lomeruul, mekngit el kse, cheleblad, me a rebet a bebil er a teletael sebechel duubech. Ng okiu a ulekrael, e a bisop a lechub a merredel er a stake a mo omecheliu er a rebebil sel sekum a tara chad a meruul aikaikid el teletael me a lmuut el bebil er a mekngit lomeruul (mesa Alma 5:59–60).

32.2.2

Ngoseuir a Chad el mo Nguu sel Lolsobel el Klisichel a Jesus Kristo lokiu ouchelreng

A ongeru el moktek a mo ngoseuir a chad el nguu sel lolsobel el klisichel a Jesus Kristo lokiu ouchelreng. Ng okiu tiaikid el teletael, e ngii a sebechel lmuut el mo beches e mo klikiid el mo ngmai a rokui el klengeltengat er a Dios.

32.2.3

Omecheliu er a Bleketakl el Teletelel a Ikelesia

A ongedei el moktek a mo omecheliu er sel bleketakl el teletelel a Ikelesia. A kekerongel me a melubet er a chad el mo diak el chedal a Ikelesia a locha mo usbechall a lsekum a blekerdelel a bleketakl el melemall er a Ikelesia (mesa Alma 39:11). A bleketakl el teletelel a Ikelesia a diak longeluolou a lechub e lomekbeot a oberaod el klengit—ng bai smaod.

32.3

Ngerchelir a Remerritel er a Israel

A Rebisop me a remerredel a stake a mokedong e moterekokl el mo oukerkeriil er a Israel (mesa Doctrine and Covenants 107:72–74). Te olab a kiis er a priesthood lomtechei er a Rubak lolngeseu er a rechedal a Ikelesia el kirel ouchelreng (mesa Doctrine and Covenants 13:1; 107:16–18).

Ng oumesingd el rebisop me a remerredel a stake a olngeseu er a ouchelreng lokiu a cheldecheduch. Aikal ngeseu a uldimukl er ngii a mo torob a bebil er a techellel a chad er a Ikelesia el telkib el taem.

A kuk bebil er a oberaod el klengit, e a roungerachel olngeseu er a ouchelreng el mo chadecheduch el chedal a council (mesa 32.6). Tia sebechel uldimukl er ngii a torob a bebil er a techall er a chedal a Ikelesia a lechub e te ngubetii a ngklel el telkib el taem.

A rebisop me a remerrel er a stake a kmal loba beltikereng me a ulekerreu sel lolngeseu er a rechad er a ouchelreng. A teletelel Osobel el mo er ngike el redil el mlotaut er a laokreng a okesiu (mesa Johanes 8:3–11). Ng uaisei el Ngii a dimlak el du el kmo a kngtil a mla mousubes, ng bai dimlak lotubii. Ng bai, dilu er ngii el kmo “lak mluut el meruul er a mekngit”—el rirelii el mo ouchel a rengul e ngodechii a klengar ngii.

Tirkal loungerachel olisechakl kmo ngarngii a “deureng … er a babeluades er ngike el chimong el mo ouchel a rengul” (Lukas 15:7). Te meklou a rengrir, e olngeseu, e omes er a mo klungiolel. Te melisiich a reng. Te olisechakl e sioning el kmo a tngakireng er a Osobel a uchul, e a rokui a sebechir el mo ouchel a rengrir e lmuut el mo beches.

A rebisop me a remerredel a stake osiik a ulekrael er a Chedaol Reng el mo medengei el kmo ng mekera lolngeseu er a chad el mo ouchel a rengul. Ng di ikel kmal imis loberaod el klengit e a Ikelesia a ngarngii a kldmokl el teletael loltirakl er ngii a roungerachel (mesa 32.6). Ng diak a eru el teletael el kmal di osisiu. A cheledecheduch er a roungerachel me a teletael er a ouchelreng el tir omes er ngii a kirel ungil e sebechel kakerous er a re dersta el chad.

6:18

32.4

Kombesar, Menguluoul a Berrotel Tekoi, me e Ouchias el mo er a Rechad er a Kabelment

32.4.1

Kombesar

A ouchel reng a kired el kombesar er a mekngit el mo er a Chedam er a Babeluades A Jesus a millekoi, “Tiaikid e ko mo medengei el kmo a chad a mla ouchel a rengul er a kngtil—le, ng mo kombesar e mo iimikr” (Doctrine and Covenants 58:43; dirrek el mesa Mosiah 26:29).

A rechad sel temelii oberaod el klengit, e louchel a rengrir eng dirrek el kirir el kombesar el mo er a bisop a lechub a merredel er a stake. Seikid e ngii a mo ousbech a kiis er a ebangkelio er a ouchelreng el kirir (mesa Doctrine and Covenants 13:1; 84:26–27; 107:18, 20). Tia mo omekungil er tir e olluut er tir el mo er a rolel ebangkelio lokiu a klisichel a Tngakireng er a Osobel.

A moktek er a kombesar a mengelechel er a rechad loiit a chelngelir me bol sebechir el mui losiik a ngesou er a Rubak el mengodech e bo lungil. Mekdebechii a “ngariou e medemdemk el reng” a obengkel a teletael er a kombesar (2 Nephi 2:7). A di ngii el mo kombesar a olchotel a kmo a chad a meral soal mo ouchel a rengul.

A chad sel kombesar, e a bisop a lechub a merredel er a stake a oltirakl a teletael er a cheldecheduch el ngara 32.8. Ngara nglunguuch losiik a ulekrael er sel mo ungil rolel e ngoseuir a chad louchel a rengul. Ng melbedebek er a kmo a chelechad er a council ngungil le bo er ngii. A lsekum a llechul a Ikelesia a kmo ng kirel mo er ngii a council, eng smodii (mesa 32.6).

Bebil er a taem e a chad a tomelii a rengul a bechil a lechub a tara klou el chad. A telengtengil ouchelreng, a kirel ngka el chad el kombesar e olengit a klausubes er ngike el chad. A ngeasek el tomellii oberaod el klengit a blechoel kirel mo mengedecheduch er a rechad er a blil.

32.4.4

Berrotel tekoi

A rebisop, remerredel a stake, me a re counselor tir oba chedaol ngerachel lomecheliu a rokui el berrotel tekoi el medung er a delonggelir. Aika el tekoi a ngarngii er a temel a berrotel cheldecheduch, omellach, me a kombesar. Osisiu el ngerachel er a berrotel tekoi a mo er a rokui el chedal a council. A mengeluoul a berrotel tekoi a klou a belkul leng sebechir a rechad el mo diak el kombesar a lechub e losiik a ngeseu a lsekum a louchais el tekoi a diak el berrotel. A telmellel a klaumerang a rulterir a rechad el mo diak loumerang er a roungerachel er tir.

A obengkel a ngerachel el mengeluolou a berrotel tekoi, e a bisop, merredel er a stake, a lechub a re counselor tir a di sebechir louchais a tekoi er tiakid el teletael:

Ng kirir el mo mengedecheduch er a merredel er a stake, merredel er a mision, a lechub a bisop el kirel a chelechad er a council a lechub eng kuk bebil er a osisiu el tekoi.
A chad a melukl el mo er a beches el ward (a lechub a oungerachel loba priesthood a mengubet) e a tekoi el kirel oberaod el klengit le tilmellii a dirk teleu.
A bisop a lechub a merredel er a stake a mo medengei el kmo a chedal a Ikelesia el kiei er a basio er a tara ward a lechub a stake a mle chelsechusem er a oberaod el klengit.
Seikid eng sebechel muchais a tekoi er sel temel a miting er a chelechad er a council.
A chad a di ngii el msa kengei a oungerachel mo ouchais a tekoi.
Ng locha ungil kuk di mouchais a bebil er a tekoi el kirel a uldesuel a chelechad er a council.

A mo olngeseu er a roungerachel lomecheliu er a rebebil e oltirakl a llach, e a Ikelesia ngarngii a ngesou er a resemmong el chad. A ngeiul aika el ngesou, e a roungerachel a sebechir lomekedong er a dengua er a Ikelesia el kirel aikal ngesou (mesa 38.6.2.1). E a lak, e a merredel er a stake a omekedong er sel area office.

Ng kmal di chimol teletael eng sebechel a bisop louchais a berrotel tekoi el diak lolai er a kengei er a chad. Ng klou a belkul louchais leng omecheliu er a klengar er a chad a lechub a oberraod el tellemall e diak a taem el dirk losiik chedaol ulekrael. Aikaikid el teletael, e a ngerachel el mo omecheliu er a rebebil a klou a belkul er a mengeluolou a berrotel tekoi. A roungerachel a kirir el mereched louchais er a roungerachel er a beluu.

32.6

Berredel a Klengit me a Llechul a Ikelesia

A berredel a klengit a klou a ultutelel udesuall el mo (1) olngeseu lomecheliu er a rebebil e (2) ngoseuir a chad el mo ouchel a rengul. A Rubak a mla dmu el kmo ng diak el kedeb osengel er a klengit (Doctrine and Covenants 1:31; dirrek el mesa Mosiah 26:29). A Rmesiungel a diak el kirir el mechei a telmellel oberaod el klengit.

A oberaod el klengit a klou a telmellel e kmal mekngit er a llechul a Dios. Teletelel oberaod el klengit a beldukl riou.

Mekngit Lomeruul me a Melemall
Mekngit lomeruul er a deleboes
Teletael er a rechorech
Telmellel a klaumerang
Bebil er a omeruul

Sel Kirel Mo er ngii a Chelechad er a Council

Bedengel a Mekngit el Omeruul	Chelechad er a Council a kmal kirel Mo er ngii	A Chelechad er a Council a Locha Kirel Mo er ngii
Bedengel a Mekngit el Omeruul Mekngit Lomeruul me a Melemall	Chelechad er a Council a kmal kirel Mo er ngii Omekeuad Olterebek Mutaut er a llach er a teletael er a deleboes Melemall er a ngalek a lechub a ngeasek Kmal mekngit el blekeradel	A Chelechad er a Council a Locha Kirel Mo er ngii Melasm Lomekeuad Mekngit el teletael er a deleboes, luldimukl odechelakl me a omelasm er a deleboes (mesa 38.6.18 eng kirel ngarngii a council) Omekringel er a bechil a lechub a tara klou el chad (mesa 38.6.2.4 eng kirel ngarngii a chelechad)
Bedengel a Mekngit el Omeruul Mekngit el teletael er a deleboes	Chelechad er a Council a kmal kirel Mo er ngii Merutech er a rengalk Osengel a deleboes er a rengalek Mengebtot a chebechiil Teletael er a deleboes	A Chelechad er a Council a Locha Kirel Mo er ngii Laokreng, mengemull, deleuill er a rosisiu el chad, me a rokui el bednegel a deleboes er a iikrel a chebechiil er a delongelel a sechal me a redil, luldimukl a teletael er a deleboes er a online a lechub a dengua. Dmak el kiei el diak el kaubuch, kuk di dmak lokiu a teletael er a beluu, chebechiil er a rosisiu el chad Mesisiich er a usbechellel osengel a siasing er a deleboes luchul a klou el ringel er a chebechiil a lechub a telungalek
Bedengel a Mekngit el Omeruul Cheleblad Lomeruul	Chelechad er a Council a kmal kirel Mo er ngii Melai a udoud, el uaia mengeblad me a ikel losisiu el teletelel (mesa 32.6.3.3 a lsekum a chad a mle chelsechusem er a omengeblad er a ududel a lechub a kloklel a Ikelesia)	A Chelechad er a Council a Locha Kirel Mo er ngii Omerechorch, soiseb er a blai, melai, a lechub a melemall (mesa 32.6.3.3 a lsekum a chad a mle chelsechusem el melemall a ududel a lechub a kloklel a Ikelesia) Omulak
Bedengel a Mekngit el Omeruul Telmellel a Klaumerang	Chelechad er a Council a kmal kirel Mo er ngii Oberaod el klengit er a taem el ngara deruchall er a Ikelesia	A Chelechad er a Council a Locha Kirel Mo er ngii Oberaod el klengit er a taem el ngara deruchall er a Ikelesia a lechub a buai (mesa 32.6.3.3 a lsekum a chad a mle chelsechusem er a telmellel a udoud a lechub eng klalou er a Ikelesia) Oberaod el klengit el dodengei
Bedengel a Mekngit el Omeruul Bebil er a Tellemall	Chelechad er a Council a kmal kirel Mo er ngii Oumesingd el mla motutakl er ngii tellemall	A Chelechad er a Council a Locha Kirel Mo er ngii Omelecheb er a kldiull (ng di ikel beldukl er a 38.6.1 a sebechel) Teletael er a oberaod el klengit Chemoit a ngerchelel er a telungalek, luldimukl a diak le harau udoud el mesiou er a ngalek Oterullel a mekngit el kar Bebil er a oberaod el mekngit lomeruul

32.6.3

A Merredel er a Stake a mo Mengedecheduch lobengel a Area Presidency el kirel Kmo ng Mo er ngii a Chelechad er a Council a lechub a Bebil er a Tekoi a kirel Mo er ngii

A bebil er a teletael ousbech okedeldaol ulekrael. A mo uchul e ke mo medengei el kmo ke mekerang, eng kirel a merredel er a stake el mengedecheduch er a Area Presidency er a tekoi el ngara tial bliongel.

32.6.3.2

Rebet

A mondai er a rebet a blecheol klou a le temelii lengelakl er a chelsel a ward a lechub a stake. Ng kirel mo soadel el mo omecheliu er a rebebil.

A bisop a mengedecheduch er a merredel er a stake a lsekum ng omelchesiu a blekerdelel a chad a sebechel mo uchul a rebet.

A belkul a, rebet a melutk el kirel a chad el ngara ikakid el teletael:

Bleketakl er a buai el blechoel lomtok er a Ikelesia, me a osischeklel, me a llechul, me a roungerachel er ngii.
Melemolem lolisechakl a oleko ng osischeklel a Ikelesia el ngii a diak el meral osisechakl er a Ikelesia ruriul er a bisop a lechub a merredel er a stake lomeklemalt er ngii.
Olecholt er a teletael el meral blak a rengul loureor el mengitechut er a klaumerang me a omeruul er a Ikelesia.
Melemolem loltirakl osisechakl er a tara klechelid ruriul er a bla lomeklemalt er ngii a bisop a lechub a merredel er a stake
Bleketakl el mla mo chedal a tara klechelid e oldubech osischeklir

32.6.3.3

Tomall a Ududel a Ikelesia

A lsekum a chad er a ikelesia tomall a lechub eng ruchorech a kloklel a Ikelesia, e a merredel er a stake a mo melekoi el mo er a Area Presidency el kirel a kmo ng mo er ngii a chelechad er a council a lechub a bebil er a teletael a kirel mo er ngii.