32.

Bipangu bia Dikudimuna dia Mutshima ne Buikadi bua Tshidimba mu Ekelezia

32.0

Tshibangilu

Dikudimuna dia mutshima dia bungi didi dienzeka pankatshi pa muntu, Nzambi, ne aba badi balengibua kudi mibi ya muntu. Kadi, imua misangu muepiskopo anyi mulombodi mukulu wa dikunji udi ne bua kuambuluisha bidimba bia Ekelezia mu kudienzeja kuabi bua kukudimuna mutshima.

Padi bepiskopo ne Balombodi Bakulu ba Dikunji bambuluisha muntu bua kukudimuna mutshima, badi benza mu dinanga ne mu dikuba. Badi balonda tshilejilu tshia Mupandishi, uvua ukankamika bantu ne ubambuluisha bua kumbuka ku bubi ne kutangila kudi Nzambi (tangila Matayo 9:10–13; Yone 8:3–11).

32.1

Dikudimuna dia Mutshiama ne Dibuikidila

Bua kukumbaja dilongolola dienda dia lusa, Tatu wetu wa mu Diûlu wakatuma Muanenda Umuepela Mulela, Yezu Kilisto, bua kutupikula ku mibi yetu (tangila Alama 42:15). Yezu wakakenga dinyoka didi mikenji ya bululama ilomba bua mibi yetu (tangila Dilongesha ne Bipungidi 19:15–19; tangila kabidi Alama 42:24–25). Kupitshila ku mulambu ewu, Tatu ne Muana bakatuleja dinanga diabu didi kadiyi ndekelu (Tangila Yone 3:16).

Patudi tuibidija “ditabuija mu dikudimuna dia mutshima,” Tatu wa mu Diûlu udi utubuikidila, utupa lusa kupitshila ku Bupikudi bua Yezu Kilisto (Alama 34:15; tangila kabidi Alama 42:13). Patudi tutokeshibua ne tubuikidibua, tudi mua kupiana ku ndekelu bukalenga bua Nzambi (tangila Yeshayi 1:18; Dilongesha ne Bipungidi 58:42).

Dikudimuna dia mutshima ndipita dikudimuna dia ngikadilu. Didi dikudimuka ku mibi ne kuya kudi Tatu wa mu Diûlu ne Yezu Kilisto. Didi dilombola ku dishintuluka dia mutshima ne meji (tangila Mosiya 5:2; Alama 5:12–14; Helamana 15:7). Kupitshila ku dikudimuna dia mutshima, tudi tulua bantu bapiabapia badi bumvuangana ne Nzambi (tangila 2 Kolinto 5:17–18; Mosiya 27:25–26).

Mushindu wa kukudimuna mutshima udi dimua dia ku mabenesha manena adi Tatu wa mu Diûlu mutupesha kupitshila ku dipa dia Muanenda.

32.2

Tuipatshila tua Mikandu anyi Diumbusha dia Buikadi bua Tshidimba mu Ekelezia

Padi tshidimba tshienza bubi bukola, muepiskopo anyi mulombodi mukulu wa dikunji udi utshiambuluisha bua kukudimuna mutshima. Bu tshitupa tshia ngenzelu ewu, udi mua kukandika amua manema a buikadi bua tshidimba mu Ekelezia bua tshikondu tshikesa. Mu amua malu, udi mua kumbusha buikadi bua tshidimba bua tshikondu tshikesa.

Dikandika anyi diumbusha dia buikadi bua tshidimba bua muntu kadiena difundibua bua kunyoka muntu to. Kadi kuenza eku kudi mua kuikala imua misangu ne mushinga bua kuambuluisha muntu bua akudimuna mutshima ne awushintulula. Kudi kabidi kupesha muntu diba dia kudilongolola mu nyuma bua kuenzulula ne kulama bipungidi bienda kabidi.

Tuipatshila tusatu tua mikandu anyi diumbusha dia buikadi bua tshidimba tudi bu mudibi bilonda:

Tuipatshila tusatu tua Mikandu anyi Diumbusha dia Buikadi bua Tshidimba mu Ekelezia

1. Kuambuluisha bua kulama bakuabu

2. Kuambuluisha muntu bua apeta bukola bua disungila bua Yezu Kilisto kupitshila ku dikudimuna dia mutshima

3. Kulama bulelela bua Ekelezia

32.2.1

Kuambuluisha bua Kulama Bakuabu

Kipatshila ka kumpala kadi bua kuambuluisha bua kulama bakuabu. Imua misangu muntu udi wenza mikanu ya mubidi anyi ya nyuma. Ngikadilu ya tshinyangu, kutapa mubidi, buenzavi, dinua dia manga mabi, dishima, ne dipambuka bidi imua ya mishindu idibi bifika. Ne lungenyi lua nyuma, muepiskopo anyi mulombodi mukulu wa dikunji udi wenza bua kulama bakuabu padi muntu uleja tshikadilu tshibi mu eyi ne mikuabu mishindu mibi mikola (tangila Alama 5:59–60).

32.2.2

Kuambuluisha Muntu bua Apeta Bukola bua Disungila bua Yezu Kilisto Kupitshila ku Dikudimuna dia Mutshima

Kipatshila kibidi kadi bua kuambuluisha muntu bua apeta bukola bua disungila bua Yezu Kilisto kupitshila ku dikudimuna dia mutshima. Kupitshila ku ngenzelu ewu, udi mua kulua kabidi mutokeshibua ne mukumbana bua kupeta mabenesha onsu a Nzambi.

32.2.3

Kulama Bulelela bua Ekelezia

Kipatshila kisatu kadi bua kulama bulelela bua Ekelezia. Kukandika anyi kumbusha buikadi bua tshidimba mu Ekelezia bua muntu kudi mua kuikala kukengedibua pikala kudituala kuenda kuenzela Ekelezia bibi (tangila Alama 39:11). Bulelela bua Ekelezia kabuena bulamibua mu kusokoka anyi kukepeja mibi mikola to—kadi budi bulamibua mu kuyakaja.

32.3

Mudimu wa Balumbuluishi mu Isalele

Bepiskopo ne balombodi bakulu ba makunji badi babikidibua ne bajidibua bua kuikala balumbuluishi mu Isalele (tangila Dilongesha ne Bipungidi (tangila Dilondesha ne Bipungidi 107:72–74). Badi ne nsapi ya buakuidi bua kuimanyina Mukalenga mu kuambuluisha bidimba bia Ekelezia bua kukudimuna mutshima (tangila Dilongesha ne Bipungidi 13:1; 107:16–18).

Misangu yonsu, bepiskopo ne balombodi bakulu ba makunji badi bambuluisha ne dikudimuna dia mutshima kupitshila ku mibelu ya muntu nkaya. Diambuluisha edi didi mua kuangata kukandika kupepela kua amua manema a buikadi bua tshidimba mu Ekelezia bua tshikondu tshikesa.

Bua imua mibi mikola, balombodi badi bambuluisha ne dikudimuna dia mutshima mu kuenza kua tshipangu tshia buikadi bua tshidimba (tangila 32.6). Diambuluisha edi didi mua kuangata kukandika kukumbana kua amua manema a buikadi bua tshidimba mu Ekelezia anyi kumbusha kua buikadi bua tshidimba bua muntu bua tshikondu tshikesa.

Bepiskopo ne balombodi bakulu ba makunji badi bantu ba dinanga ne badi basumpakana bua kuambuluisha bidimba bua kukudimuna mutshima. Diakula dia Mupandishi ne mukaji muendi wa masandi didi buludiki (tangila Yone 8:3–11). Nansha muvuaye kayi muamba ne mibi yenda ivua mibuikidibua, kavua mumupîsha to. Kadi wakamuambila bua “kenji bubi kabidi to”—akudimuna mutshima ne ashintulula moyo wenda.

Balombodi aba badi balongesha ne kudi “disanka … mu diûlu padi muenji wa mibi umua ukudimuna mutshima” (Luka 15:7). Badi bena lutulu, bakankamiki, ne balelela. Badi bafila lungenyi lua ditekemena. Badi balongesha ne bajadika ne, kupitshila ku mulambu wa bupikudi wa Mupandishi, bantu bonsu badi mua kukudimuna mutshima ne kulua batokeshibua.

Bepiskopo ne balombodi bakulu ba makunji badi ne bua kukeba buludiki bua Nyuma bua kumanya mushindu wa kuambuluisha muntu yonsu bua dikudimuna mutshima. Ekelezia mmuteka mikenji ya kulonda pa kuenza kudi balombodi benda ne bua kuangata anu bua mibi mikola (tangila 32.6). Malu abidi ka’ena a momumua to. Mibelu idi balombodi bafila ne ngezelu ya dikudimuna mutshima idibu benza bidi ne bua kuikala bia mu lungenyi lua nyuma ne bidi ne bua kuikala bishilangana bua muntu yonsu.

32.4

Ditonda, Disokoka dia Malu, ne Dienza Mulubu kudi Bakokeshi ba Ditunga

32.4.1

Ditonda

Dikudimuna mutshima didi dilomba bua ne mibi itondibua kudi Tatu wa mu Diûlu. Yezu Kilisto wakamba ne, “Ku etshi udi mua kumanya ne muntu udi ukudimuna mutshima bua bubi buenda—mona, neayitonda ne neayilekela” (Dilongesha ne Bipungidi 58:43; tangila Mosiya 26:29).

Padi bidimba bia Ekelezia bienza mibi mikola, dikudimuna mitshima yabu didi kabidi dilomba kutonda kudi muepiskopo anyi kudi mulombodi mukulu wa dikunji. Nanku udi ukumbana kuenza ne nsapi ya lumu luimpa lua dikudimuna mutshima buabu (tangila Dilongesha ne Bipundidi 13:1; 84:26–27; 107:18, 20). Etshi tshidi tshibambuluisha bua kondopibua ne kupingana mu njila wa lumu luimpa kupitshila ku bukola bua Bupikudi bua Mupandishi.

Kipatshila ka ditonda kadi ka kukankamika bidimba bua kuditulula majitu bua ne badi mua kukeba menamena diambuluisha dia Mukalenga mu kushintuluka ne mu kondopibua. Kuikala ne “mutshima mutshibuluka ne nyuma munyingalala” kudi kuambuluishibua kudi ditonda (2 Nefi 2:7). Kutonda kudisuila kudi kuleja ne muntu udi musua kukudimuna mutshima.

Padi tshidimba tshitonda, muepiskopo anyi mulombodi mukulu wa dikunji udi ulonda maludiki a mibelu mu 32.8. Udi ukeba mu disambila buludiki pa mushindu udi ukumbana bua kuambuluisha tshidimba bua dikudimuna mutshima. Udi utangila pikala tshipangu tshia buikadi bua tshidimba tshikala ne mushinga. Pikala ngezelu wa Ekelezia ulomba tshipangu tshia buikadi bua tshidimba, udi umvuija etshi (tangila 32.6).

Imua misangu muntu udi wenzela mukaji wenda bualu bubi anyi wenzela muntu mukola mukuabu bubi. Bu tshitupa tshia dîku dimuna dia mutshima, udi ne bua kutonda pa tshibidilu kudi muntu awu ne kukeba dibuikidila. Nsonga udi wenza bubi bukola udi mukankamikibua pa tshibidilu bua kuyukila ne baledi benda.

32.4.4

Disokoka dia Malu

Bepiskopo, balombodi bakulu ba makunji, ne babedi babu, badi ne bujitu bua kulama mamanyisha masokoka onsu adibu babambila. Ngumu eyi idi mua kulua mu miyuki, mu mibelu, ne mu ditonda. Bujitu bua momumua bua disokoka dia malu budi butangila kabidi bonsu badi babuela mu bipangu bia buikadi bua tshidimba. Disokoka dia malu didi ne mushinga bualu bidimba kabiena mua kutonda mibi anyi kukeba buludiki pikala bidibu bamba kabiyi bilamibua mu musokoku to. Kupatula bualu busokoka kudi kupangisha dieyemena dia tshidimba ne kubajimija ditekemena dia bulami bua malu mu balombodi babu.

Bilondeshila ku bujitu buabu bua disokoka dia malu, muepiskopo, mulombodi mukulu wa dikunji, anyi babedi babu, badi mua kuamba ngumu ya mushindu ewu anu mu malu adi alonda â:

• Badi ne bua kuebeja mulombodi mukulu wa dikunji, mulombodi mukulu wa bukenji, anyi muepiskopo wa tshidimba pa kuenza kua tshipangu tshia buikadi bua tshidimba anyi tshia malu a momumua.

• Muntu udi umbuka bua kuya mu tshikongu tshikuabu tshipiatshipia (anyi padi mulombodi wa buakuidi ujudibua) patshidi mapangadika a buikadi bua tshidimba anyi patshidi malu makola ka’ayi manji kujika.

• Muepiskopo anyi mulombodi mukulu wa dikunji umanya ne, tshidimba tshia Ekelezia tshidi tshisombela pambelu pa tshikongu anyi pa dikunji tshidi mua kuikala mu bubi bukola.

• Bidi ne mushinga bua kujikula ngumu mu tshipangu tshia buikadi bua tshidimba.

• Tshidimba tshidi tshisungula bua kuanyishila mulombodi bua kuamba ngumu ne bantu basunguluka.

• Bidi mua kuikala ne mushinga bua kuamba ngumu mikesa pa dipangadika dia tshipangu tshia buikadi bua tshidimba.

Bua kuambuluisha balombodi bua balama bantu ne banemeka dîyi dia ditunga, Ekelezia udi ufila diambuluisha dia kudi bamanyi bapiluka. Bua kupeta buludiki ebu, balombodi badi babikila musangu umua diambuluisha dia ku telefona wa Ekelezia bua malu a ditatshisha dia bakuabu (tangila 38.6.2.1). Muaba udidi kadiyiku to, mulombodi mukulu wa dikunji udi ubikila bubedi bua dîyi dia ditunga bua ntenji ku tshibambalu tshia ntenji.

Mu musangu anu umua udi muepiskopo anyi mulombodi mukulu wa dikunji ne bua kujikula ngumu misokoka kayi wanji ukeba buludiki ebu. Kudi diba didi dijikula dikala ne mushinga bua kubabidila moyo wa muntu udi utatshishibua anyi mputa munena, ne kakuena diba dia kukeba buludiki to. Mu malu a nanku, bujitu bua kulama bantu budi ne mushinga wa bungi kupita bujitu bua disokoka dia malu. Balombodi badi ne bua kuyukila ne bakokeshi ba ditunga pa lukasa

32.6

Bukola bua bubi ne Ngezelu wa Ekelezia

Bukola bua bubi budi buikala ne mushinga munena mu dipangadika dia mushindu wikala (1) muambuluisha bua kulama bakuabu ne (2) muambuluisha muntu bua dikudimuna dia mutshima. Mukalenga wakamba ne “kena mua kutangila bubi ne dianyisha dipepela to” (Dilongesha ne Bipungidi 1:31; tangila Mosiya 26:29). Basadidi benda kabena ne bua kupua moyo buikadi bua bubi bukola to.

Mibi mikola idi tshilema tshinena tshienza ku dimanya ne mu kupangila kua mikenji ya Nzambi. Bisumbu bia mibi mikola ki bidi bilonda ebi:

• Bienzedi bia tshinyangu ne bia ditatshisha

• Buenzavi bua buntu

• Bienzedi bia dishima

• Dinyanga dia tshieyemenu

• Bimua bienzedi bikuabu

Padi Tshipangu tshia Buikadi bua Tshidimba Tshilombibua, anyi Tshidi Tshikengedibua

Mushindu wa Bubi	Tshipangu tshia Buikadi bua Tshidimba Tshilombibua	Tshipangu tshia Buikadi bua Tshidimba Tshidi Tshikengedibua
Mushindu wa Bubi Bienzedi bia tshinyangu ne bia ditatshisha	Tshipangu tshia Buikadi bua Tshidimba Tshilombibua Kushipa Kunyenga Tshibawu tshia tshinyangu tshia bumuntu Kutatshisha kua bana anyi bansonga Ngikadilu wa tshinyangu tshia dialakana	Tshipangu tshia Buikadi bua Tshidimba Tshidi Tshikengedibua Kukeba mua kushipa Dinyanga dia bumuntu, biangata dibundangana ne ditatshisha (tangila 38.6.18 bua padi tshipangu tshilombibua) Kutatshisha kua mubaka anyi mukuabu muntu mukola (tangila 38.6.2.4 bua padi tshipangu tshilombibua)
Mushindu wa Bubi Buenzavi bua Buntu	Tshipangu tshia Buikadi bua Tshidimba Tshilombibua Tshibindi Pornographie ne bana Dibaka dia bantu ba bungi Ngikadilu wa tshinyangu tshia buntu	Tshipangu tshia Buikadi bua Tshidimba Tshidi Tshikengedibua Masandi, bundumba, dilumangana dia buntu bua momua, ne masandi a pambelu pa dibaka dimanyika pankatshi pa muluma ne mukaji, biangata dikudika ku buntu mu kapepela anyi mu telefona. Kubanjijangana, disomba mu dipetangana, ne dibaka dia bantu ba bumuntu bumua. Dienzela ku makanda dia pornographie didi mua kufila ditatshisha muntu mu dibaka anyi mu dîku
Mushindu wa Bubi Bienzedi bia Dishima	Tshipangu tshia Buikadi bua Tshidimba Tshilombibua Ngikadilu ya dialakana dia mpetu, bu mudi mashimi ne bintu bifuananga (tangila 32.6.3.3 padi tshidimba tshisanganyibua mu ditshiungulula dia mpetu ya Ekelezia anyi tshintu)	Tshipangu tshia Buikadi bua Tshidimba Tshidi Tshikengedibua Kuiba, buivi bua dikamakama, kuambula mu buivi, anyi ditshiungulula (tangila 32.6.3.3 padi tshidimba tshisanganyibua mu ditshiungulula dia mpetu ya Ekelezia anyi tshintu) Kutshipa
Mushindu wa Bubi Binyanga bia Tshieyemenu	Tshipangu tshia Buikadi bua Tshidimba Tshilombibua Bubi bukola padi muntu ne muaba muntumbuka mu Ekelezia	Tshipangu tshia Buikadi bua Tshidimba Tshidi Tshikengedibua Bubi bukola padi muntu ne muaba wa bukôkeshi anyi wa tshieyemenu mu Ekelezia anyi mu nsombelu (tangila 32.6.3.3 padi tshidimba tshisanganyibua mu ditshiungulula dia mpetu ya Ekelezia anyi tshintu) Bubi bukola budi bumanya ntanta
Mushindu wa Bubi Bimua bienzedi bikuabu	Tshipangu tshia Buikadi bua Tshidimba Tshilombibua Tshibawu tshia bubi bunena	Tshipangu tshia Buikadi bua Tshidimba Tshidi Tshikengedibua Kutula kua difu (pa kumbusha malu masunguluka mu 38.6.1 adi itaba) Tshilejilu tshia bubi bunena Kulekela bujitu bua dîku ku makanda, biangata kubenga kusumba biakudia ne kuambuluisha bana Kupana manga mabi makandika Bikuabu bienzedi bibi bia tshibawu

32.6.3

Padi Mulombodi Mukulu wa Dikunji Uyukila ne Bulombodi Bukulu bua Ntenji Pikala Tshipangu tshia Buikadi bua Tshidimba anyi Dipangadika Dikuabu Dikengedibua

Amua malu adi alomba ngumvuilu wa bungi ne bulombodi. Bua kumanya mushindu muimpa wakuambuluisha, mulombodi mukulu wa dikunji udi ne bua kuyukila ne Bulombodi Bukulu bua Ntenji pa malu adi mu tshitupa etshi.

32.6.3.2

Dipambuka

Malu a dipambuka atu ku misangu mikala umvuika pambelu pa mikalu ya tshikongu anyi dikunji. Adi ajinga ku’akula lukasa bua kulama bantu.

Muepiskopo udi uyukila ne mulombodi mukulu wa dikunji padiye umona ne, tshienzedi tshia tshidimba tshidi mua kuleja dipambuka.

Bu mudibi bifunda apa, dipambuka didi dileja tshidimba tshidi tshidifila mu bidi bilonda ebi:

• Pa tshibidilu wimana ku bukola kumpala kua bantu bua kuluisha Ekelezia, malongesha enda, ngenzelu yenda, anyi balombodi benda.

• Kunanukila mu dilongesha malu adi ka’ayi mikala malongesha a Ekelezia bu malongesha a Ekelezia panyima pa muakajibua kudi muepiskopo anyi mulombodi mukulu wa dikunji

• Kuleja dinanukila mu kutekesha ku bukola ditabuija ne bibilu bia bidimba bia Ekelezia

• Kutungunuka mu kulonda malongesha a bikungijilu bipambuka panyima pa muakajibua kudi muepiskopo anyi mulombodi mukulu wa dikunji

• Patoka kubuela mu ekelezia mukuabu ne kunemesha malongesha enda

32.6.3.3

Ditshiungulula dia Mpetu ya Ekelezia

Padi tshidimba tshitshiungulula mpetu ya Ekelezia, anyi tshîba tshintu tshia mushinga tshia Ekelezia, mulombodi mukulu wa dikunji udi uyukila ne Bulombodi Bukulu bua Ntenji pikala tshipangu tshia buikadi bua tshidimba anyi mapangadika makuabu akengedibua.

Masungula Mangatshibua mu Mukanda Munena wa Maludiki kabiena biangata buludiki bujima ne bulombodi bua muntu udi mu bubi bukola ne pikala tshipangu tshia buikadi bua tshidimba tshingedibua.

Pikala muepiskopo anyi mulombodi mukulu wa ditamba muikala ne nkonku pa mushindu wa kuambuluisha muntu udi muenza bubi bukola (mudibi bileja mu 32.6), udi ne bua kukeba bua kumona pikala shapita 32 wa Mukanda Munena wa Maludiki ne mukudimuna mujima mu muakulu udiyi wenzela. Padiyi kayi mukudimuna, udi upetangana pa lukasa ne mulombodi mukulu wenda udi umukokesha bua buludiki.