33.

Mme Ŋwed ye Etop

33.0

Ntɔŋɔ

Kpukpru ini edinim ŋwed okosuk edi akpan-ŋkpɔ ke Ufɔk Abasi Christ. Nte uwutnkpɔ:

Adam ama enim “ŋwed editi” (Moses 6:5).

Moroni ekekpep ete ke ema ewet mme enyiŋ mbon emi ekenade baptism eduk Ufɔk Abasi Christ man “eti mmɔ enyuŋ enam mmɔ efɔn oto eti ikɔ Abasi” (Moroni 6:4).

Joseph eketeme ete ke enyene edikot ewet-ŋwed ke ofuri ward man “anam ŋwed akpanikɔ kiso Abasi” (Doctrine ye Covenants 128:2).

33.1

Edifiak-nse mme Ŋwed Ufɔk Abasi

Mme ŋwed Ufɔk Abasi edi edisana. Etop emi odude ke esit mmɔ edi akpan-ŋkpɔ ndeien enyene edikpeme mmɔ. Mme ŋkpɔ-utom ŋwed Ufɔk Abasi enyime edikut etop owo ufɔk Abasi ke ebehede mme ikoot.

Mme ŋwed ekeme edinwam mme adausuŋ:

• Ediɔŋɔ owo emi ediyomde asaŋa-asaŋa edise-enyin.

• Ediɔŋɔ ewe edinam erinyaŋa-ukpɔŋ ke owo ɔkɔ-bɔ mme ekemede ediyom.

• Edikut mbon ufɔk Abasi.

Enim mme ŋwed ntem ke mme nkɔk Ufɔk Abasi:

• Mme etop ebuana eke mbon Ufɔk Abasi (se 33.5)

• Mme ŋwed-enyiŋ owo eke Ufɔk Abasi (se 33.6)

• Mme ŋwed Mbuk-eset eke Ufɔk Abasi (se 33.7)

• Mme ŋwed Ŋkpɔ-okuk eke Ufɔk Abasi (se ibuot 34)

33.2

Ofuri mme Item enɔde mme Clerk

Mmɔ ana enyene temple recommend eke idahaemi.

Mme clerk enehede etiene mme mbet man ekpeme okuk Ufɔk Abasi ndien ekut ete ke mme ŋwed Ufɔk Abasi edi nnen-nnen. Mme clerk esɔsɔp etɔt mme adausuŋ itie-oku kabaŋa mme ndudue ekededi. Edieke mme mfina ɔwɔrɔde ke edibiere mme ndudue, mme clerk ana esobo Ndedibe Itie-utom eke Ŋwed Ufɔk Abasi ke itie-etak Ufɔk Abasi.

Telephone: [phone] or 1-800-453-3860, extension 2-2053

Toll free (GSD phone): 855-537-4357

Email: [e-mail]

Ini emi clerk edinɔde etop aka ana ekem ɔnɔ mmɔ man ekpep utom mmɔ enyuŋ enim nkaiso ke utom mmɔ. Sia mmɔ idihe mbon eke stake presidency mme bishopric, inaha nte eyak mmɔ kini efiakde enim stake presidency mme bishopric kiet.

33.4

33. Mme Ŋwed ye Etop eke Ward

33.4.1

Bishopric

Bishop akama-utom edinim ŋwed eke ward.

33.4.2

Ward Clerk

Ward kiet-kiet ana enyene eti, anam-utom ward clerk. Edi bishopric ɔnɔ eniŋ mmɔ ndien owo stake presidency mme high councilor emi edɔŋde okot onyuŋ emek mmo enim. Ana enyeakama Itie-oku Melchizedek onyuŋ enyene temple recommend eke idahaemi. Enye edi owo mbono-esop eke ward. Enye esiduk mme esop eke waard nte ewutde 2.2.

Bishopric ye mme stake clerk esinɔ ward clerk ukpep-ŋkpɔ. Ekeme edikot mme udiana wrad clerk man enwam.

33.4.2.1

Mme Ubiiong-utom Edinim-Nwed

Ward clerk, mme udiana clerk emi edɔŋde, enyene mme ubiɔŋ-utom emi:

• Enim ŋwed udeme-utom ye mme ubiere ke esop mme adausuŋ eke ward.

• Ekut ete ke enim mme ŋwed ye etop nnen-nnen ye ke ini.

Ana ward clerk akabare emehe ye mme ŋkpɔ-utom edinim-ŋwed eke Ufɔk Abasi (se 33.0). Enye akama mme ŋkpɔ-utom emi man anwam mme adausuŋ edidiɔŋɔ:

• Mme unana eke mbon ufɔk Abasi ye eke me nka.

• Mme ŋkpɔ-unwam ekedude, esine ŋkpɔ-okuk.

Mme ward clerk eteme mbon ufɔk Abasi ete enɔ etop kabanŋa mme ndudue ekededi ekedude ke ŋwed-enyiŋ mmɔ ke ufɔk Abasi.

Mme utom edinim-ŋwed eken esine;

• Edikut ete ke enehede esɔp enyuŋ mme edinam enim.

• Edibeŋe ŋwed Edisɔŋɔ mme Anam-utom enɔ mbono eke ward.

• Ediwet mme etop enim enɔ mme esop nyobio owo eke ward.

• Ekama mme nwed nkpɔ-okuk ɔfɔn (se 34.2.2).

33.5

Mme Etop kabaŋa Ebuana Mbon Ufɔk Abasi

Mme etop kabaŋa ebuana mbon Ufɔk Abasi anwma mme adausuŋ editiŋ-enyin nse nkɔri ye mme unana eke mbon ufɔk Abasi.

33.5.1

Mme Oruk Etop

33.5.1.1

Ŋwed Etop edi-di Ufɔk Abasi

Esiwet ediduk esop udia-ɔbɔŋ ye mme esop eke itie-oku ye eke mme nka ke ŋkpɔ-ofim ke ekamade LCR mme Ŋkpɔ-utom eke Owo Ufɔk Abasi.

Esop Udia-ɔbɔŋ Edi ward clerk mme udiana ward clerk esiwet ediduk esop udia-ɔbɔŋ kwa udua. Ibat oro edi ibat owo ekeduke ke idem owo mme ke nkpo-ofim, ke esit edide mme isenowo.

Mme Esop Eboho eke Sunday ye mme Nka Mme ɔnɔitem ye ewet-nwed eke eboho ye mme nka esiwet mme andiduk kwa udua. Mme adausung iwaad nko ekeme edinwam ke ediwet mbon ekedukde. Ibat oro edi ibat owo ekeduke ke idem owo mme ke ŋkpɔ-ofim, ke esit edide mme isenowo. Ebat mbon ufɔk Abasi emi enamde-utom ke Primary mme nte mme adausuŋ iwaad ke ward oro esin nko kotu mbon ekedukde.

Ward clerk ekeme ediwet mme andiduk ɔnɔ nka ekededi.

33.5.1.2

Mme Etop eke Nduŋɔre Ɔnɔ-unwam

Se 21.3.

33.5.1.3

Etop enɔde Ikanaŋ ke isua

Ibat kiet-kiet ke etop ada ɔnɔ ata owo emi enyenede isio-isio unana (se Helaman 15;13).

Eke Etop enɔde Ikanaŋ ke isua esine mme akpan etop emi ekeme edinɔ mme adausung ifiɔk ke nte mmɔ eyomde ifiɔk-Abasi kabaŋa utom unɔ-unwam mmɔ.

Mme adausung eke stake ye ward eka ke Etop enɔde Ikanaŋ ke isua kini-kini man ekese nkɔri eke mbon mmɔ.

Ward kiet-kiet eyekure enyung enɔ Etop enɔde Ikanaŋ ke isua esɔk itie-etak Ufɔk Abasi, Clerk eyefiak-ese etop oro ye bishop ndien ɔnɔ enye mbemiso usen Efut ke ɔfiɔŋ eketienede utit ofuri ɔfiɔŋ ita kiet-kiet.

33.5.2

Nwed-ibat eke Mbon Ufɔk Abasi

Mme nkpɔ-utom edinim-nwed eke Ufɔk Abasi ɔnɔ mme adausuŋ usuŋ man ekut nwed-ibat eke enyiŋ mbon ufɔk Abasi. Ŋwed-ibat eke edinwam mme adausuŋ ediɔŋɔ:

• Eww owo ufɔk Abasi mibɔhɔ mme edinam kaŋa emi enye odotde edibɔ.

• Ewe akparawa erenowo ye nkaiferi nwan ekem edika mission.

• Ewe iwaad iminyeneke temle recommend eke idahaemi.

• Ewe iwaad oyom enim ini ɔnɔ edisobo ye owo eke bishopric.

Mme adausuŋ eke eboho ye nka ana enyene usuŋ edikut mme ibat eke mbon emi edude ke eboho mme nka mmɔ.

33.6

Mme Ŋwed eke Ufɔk Abasi

Mme ŋwed-enyiŋ owo ke Ufɔk Abasi esine enyiŋ mme owo, etop nte edikutde mmɔ, mme mbuk edinam, ye mme nti etop eken.

Ana enim nwed enyiŋ owo ke ward emi owo ufɔk Abasi oro oduŋde. Ke mibɔhɔke, emi misiwakke, oyom unyime eke mme bishop ye mme stake president emi edude do. Man eyom edifep kiet, stake president ada LCR man ɔnɔ ebenge oro aka Itie-utom eke First Presidency.

Edi akpan-ŋkpɔ ke edisɔp nam mme ŋkpɔ emi:

• Ediwet etop eke edinam.

• Ediso ŋwed-enyiŋ eke mbon ufɔk Abasi emi edidukde mme ekpɔŋde eka ward efen.

• Anam mme nwed ɔnɔ mbufa owo ye mbufa nditɔŋ eke mme ete ye eka emi edide mbon ufɔk Abasi.

• Ewet-enyiŋ owo emi akpade enim.

• Ewet etop ndɔ ye eke mbon ufɔk oro.

Bishop mme stake president okut ete ke nwed-enyiŋ owo odu ke ward mbemiso ediduŋɔre owo oro man ɔbɔ:

• Ikoot eke Ufɔ k Abasi.

• Temple recommend.

• Itie-oku Melchizedek mme man emek esin ke itie-utom eke itie-oku oro.

Enye nko okuk ete ke ŋwed-enyiŋ oro isineke kiet kotu nkpɔ emi;

• Ntɔi-ikpan

• Ikɔ kabaŋa ikpan edidian-kiet mme eke edinam

• Ata edinehede mkpan nte owo ufɔk Abasi

Inaha nte enɔ mme ediwut owo ekededi ŋwed-enyiŋ owo ufɔk Abasi ke ebede bishop mme clerk.

Mbon ufɔk Abasi ekeme edise etop ŋwed oro enɔ idem mmɔ ye mme ikpɔ nditɔ emi eduŋde ke ufɔkiduŋ ke Member Tools app. Mmɔ ekeme ediyom mme babru Ŋwed Edinam eke Idem-mmɔ emi emiŋde esio eto clerk. Edieke ekutde ndudue, clerk eyekut ete ke eneŋede mmɔ ke mme ŋwed-enyiŋ oro.

33.6.1

Mme Enyiŋ Ekamade ke mme Ŋwed Ufɔk Abasi

Ana ekama ofuri enyiŋ eke owo nte esiakde ke mbet mme ke ido obio, ke mme ŋwed-enyiŋ ye ke mme ŋwed-itoro eke edinam.

33.6.2

Mbon Ufɔk Abasi eke Ŋwed

Mbonowo emi edi mbon ufɔk Abasi ke ŋwed ndien ana enyene ŋwed-enyiŋ owo ke Ufɔk Abasi:

• Mbon emi ema ekena baptism enyuŋ ebɔ ndori-ubɔk.

• Mbon ekpride ekan isu Usukkiet emi ema ekediɔŋ edi inaha baptism.

• Mbon eke mibatke idiɔkŋkpɔ inɔ mmɔ oto ke ntak unɔmɔ ke mfre, ke isua se ekpededi.

• Nditɔ-ŋwɔŋ eke owo midiɔŋke ekpride eka isua Usukkiet kini ŋkpɔ mbiba emi ebehede:

  • Ekpedi ke ete mme eka kiet mme ete-ete mme eka-eka edi owo Ufɔk Abasi.

  • Ete ye eka mbiba enɔ unyime mn enam ŋwed enim. (Edieke ete mme eka kiet enyenede unen edikama eyen oro, unyime eke ete mme eka oro eyekem.)

Owo emi edide isua Usukkiet mme ebede oro enyene ŋwed enyiŋ edi ikenaha baptism inyuŋ ibɔhɔ ndori-ubɔk idihe ow ufɔk Abasi eke nwed. Nte ededi, ward oro emi owo oro oduŋde eyenim ŋwed enyiŋ oro tutu owo oro edisim isua Efureta. Ke ini oro, edieke owo oro emekde ete idinaha baptism, bishop eyebiat ŋwed enyiŋ oro. Eyeyom unyime oto stake president.

Owo ibatke ŋwed enyiŋ inɔ mbon emi minaha baptism oto ke ntak unɔmɔ eke mfre mibɔhɔke owo oro mme andikpeme oyom, esinede ete ye eka.

33.6.3

Mme Ŋwed eke mme Mbufa Mbon Ufɔk Abasi

Ward clerk mme udiana ward clerk kiet eyewara edi-sobo ye mbon ward ke nwed enyiŋ mmɔ ama edisim man ese Ŋwed Edinam eke Idem-owo mme edi nnen-nnen.

33.6.6

Ŋwed eke Mbon Ufɔk Abasi Enwamde-utom Ekpɔŋ Adaŋa eke Ward Mmɔ

33.6.6.2

Mme Ŋwed Enyiŋ eke mme Full-Time Missionary

Se 24.6.2.8.

33.6.13

Ŋwed eke Nditɔ-ŋwɔŋ eke Ete ye Eka Ekesioŋo-ke-ndɔ

Kpukpru ŋwed enyiŋ owo ufk Abasi ekama ata enyiŋ eke owo oro, nte esiakde ke mbet obio ye edu. Emi esine nditɔ-ŋwɔŋ emei ete ye eka ema ekewɔrɔ-ke-ndɔ.

Nditɔ-ŋwɔŋ emi ete ye eka eme ekewɔrɔ-ke-ndɔ esiwak edika mme esop Ufɔk Abasi ke ward eke ete ye eka mbiba. Kini nkɔk ufɔk Abasi kiet ekemede edinim enyuŋ enam-utom ke ata ŋwed enyiŋ eke eyen kiet, ekeme edi-nam ndadiana ŋwed enyiŋ enim ke ward eken emi enye esikade. Emi eyeyak enyiŋ ye etop edikut eyen oro esine ke nwed ibat owo ye ŋwed ediduk eke ward oro.

Nditɔ-ŋwɔŋ enyenede ndadiana ŋwed enyiŋ ekeme edibɔ ikoot ke nkɔk ufɔk Abasi oro.

33.6.15

Sio mme Ikpan ke Ŋwed-enyiŋ Owo Ufɔk Abasi

Edieke owo ufɔk Abasi ɔkpɔŋde kini ata edinehede mkpan nte owo ufɔk Abasi mme akamba ŋkpɔ-eneni osuk odude, bishop mme clerk eke edɔŋde ekeme edinim ikpan edikpɔŋ ke nwed enyiŋ oro. Enye eyeda LCR man anam emi.

Owo imenke nwed emi enyenede ikpan edikpɔŋ ika obufa ebiet tutu adausuŋ itie-oku emi ekenimde ikpan oro edinyime ete esio ikpan oro.

33.6.16

Mme Ŋwed otode Nde “Ebiet-ufɔk eke Mudiɔŋɔke”

Usukini edikut owo ufɔk Abasi ke ŋwed enyiŋ ama okodu ke nde “ebiet-ufɔk eke mudiɔŋɔke” ke etak-itie Ufɔk Abasi. Ke ukem ndaha emi, ward clerk eyeyom ŋwed enyiŋ oro oto ke LCR.

33.6.17

Ediwet mme Edinehede Etop eke Edinam

Se ibuot Efureta.

33.6.19

Mme Ibat eke Ŋwed-enyiŋ Owo

Ke isua kiet-kiet stake clerk mme udina stake clerk eyekut ete ke enam ibat eke ŋwed-enyiŋ owo ke ward kiet-kiet oto ke LCR. Ana enam mme ibat emi ekure ke June 30 eke isua kiet-kiet.

33.7

Mme Ŋwed eke Mbuk-eset

33.7.1

Mme Mbuk-eset eke Ward ye Stake

Jehovah ama eteme ete ke enyene ediwet enyuŋ enim “mbuk eke kpukpru akpan” mbubehe kabaŋa Ufɔk Abasi Esie (Doctrine ye Covenants 69:3; se nko ufaŋ Ition; Alma 37:2).

Nkɔk ufɔk Abasi kiet-kiet ana ewet kpukpru mme akpan mbubehe kabaŋa ebiet oro enim.

Edinim mbuk edi utom spirit emi edisɔŋɔke mbuɔtidem eke mme andiwet ye andikot mbuk oro.

Stake clerk mme udian stake clerk eyebeŋe mbuk eke stake enim. Bishopric eyetiene ukeme usuŋ oro enɔ ward. Mme item odu ke Mme Mbuk Ofuri-isua eke Stake, District, ye Mission ke ChurchofJesusChrist.org.

33.8

Edidedip eke mme Ŋwed

Mme ŋwed eke Ufɔk Abasi edise ededip, mme mmɔ edu ke babru mme ke ŋkpɔ-ofim. Emi esine:

• Mme Ŋwed-enyiŋ eke Ufɔk Abasi.

• Mme ŋwed Ŋkpɔ-okuk.

• Mkpri-ŋwed otode mme esop.

• Ikpɔ ŋwed ye mme ŋwed-item (esinede mme ŋwed eke mme esop nyobio owo).

Mme adausuŋ ekut ete ke etop emi ebɔde eto mbon ufɔk Abasi edi:

• Ekpri ekesim se Ufɔk Abasi eyomde.

• Edida inam utom emi Ufk Abasi enyimede kpɔt.

• Edi-nɔ mbon se enyimede ete eda nwed oro enam nkpɔ kpɔt,

Ana enehede enim enyuŋ ekpeme etop emi enimde ke nkpɔ-ofim (se 33.9.1).

33.9

Edikama Ŋwed Ofɔn

33.9.1

Ukpeme

Ana ekpeme kpukpru mme ŋwed, etop, ye ŋwed-mbufiɔk mbak mbon eke minyeneke-unen edikut, edikpuhɔ, edibiat, mme ediyarare se idude ke esit. Ana enim etop emi ke ebiet emi ɔfɔnde.

Ana esɔp enam ediɔŋɔ mme ŋkpɔ-utom mme edisuhɔ-nkpɔ eke Ufɔk Abasi emi osopde mme eyipde ke incidents.ChurchofJesusChrist.org. Nko ana etiŋ idiɔk edikama etop ŋkpɔ Ufɔk Abasi enɔ.

33.9.1.1

Mme Enyiŋ-idiɔŋɔ ye Usuŋ-enyiŋ

Mme stake president, mme bishop, ye mme adausuŋeken inaha nte ebuana mme enyiŋ-idiɔŋɔ ye usuŋ-enyiŋ eke Ufɔk Abasi mmɔ ye mme ɔnɔitem, mme clerk, mme akwa ewet-nwed, mme ye mbon efen.

33.9.1.3

Edidip Data

Ediwak mme idut enam mbte edikpeme data emi anwamde nte ekamade mme data eke idem owo. Emi esine etop ke nwed enyiŋ eke Ufɔk Abasi ye nwed Ufɔk Abasi eken emi edade ediɔŋɔ mme owo. Mme adausuŋ emi enyenede mbume kabaŋa nte eyomde ukpeme mbet data enɔ edikama mme ŋwed eke Ufɔk Abasi ke isɔŋ-obio ekeme edi-sobo ye itie-utom edidip data Ufɔk Abasi ke [e-mail].