33.

Rekoot ko im Riboot ko

33.0

Kadkad in

Kōjparok rekoot eļakkar wōt iien otemjej aorōk ilo Kabun̄ eo an Irooj. N̄an waanjon̄ok:

Adam ekar kōjparok “juon bok in keememej” (Moses 6:5).

Moronai ekar katakin bwe āt ko etan ro me raar peptaij n̄an Kabun̄ eo an Kriast raar rekooti bwe “keememej im naajdik er jān em̧m̧an eo an naan in Anij” (Moronai 6:4).

Josep Smith ekar kōmeļeļeik bwe juon rilale ļo̧o̧k aikuj in kūr ilo aolep ward n̄an “kōm̧m̧ane juon ļo̧o̧k in m̧ool eo im̧aan Irooj” (Katak im Bujen Ko 128:2).

33.1

Etale Rekoot ko an Kabun̄ in

Ļo̧o̧k ko an Kabun̄ in rej kwojarjar. Meļeļe eo ilo er ej aorōk im rej aikuj in tōlarke. System in rekoot ko an Kabun̄ in rej kōmālim lali meļeļe in uwaan eo pedped ioon kūr ko.

Ļo̧o̧k ko remaron̄ jipan̄ ritōl ro:

• Kile won emaron̄ aikuj kōjparok eo āinjuon.

• Kile ewi wōt kain̄i ko an lo̧mo̧o̧r juon armej ekar bōke ak maron̄ aikuji.

• Pukōt membōr ro.

Rekoot rōt kein rej pād ilo iunit ko an Kabun̄:

• Riboot in bōk koņaan ko an membōr (lale 33.5).

• Ļo̧o̧k ko an uwaan (lale 33.6).

• Ļo̧o̧k ko an bwebwenato (lale 33.7).

• Ļo̧o̧k ko an jāān (lale jepta 34).

33.2

Aolep Kōmļeļe ko n̄an Kūļōk ro

Rej aikuj barāinwōt wōr juon aer peba in mālim n̄an deļo̧n̄e tampeļ.

Kūļōk ro rej mejmejkaruo ļoor kakien ko rekāāl tata n̄an tōlarōk jāān ko an Kabun̄ in im kanooj lale bwe ļo̧o̧k ko an Kabun̄ in ren jim̧we. Kūļōk ro ilo iien eo em̧ōkaj tata kōjjeļāik ritōl ro an priesthood kōn jabdewōt jerbal ko rejjab jetjet. Eļan̄n̄e kapan̄pan̄ ko rej waļo̧k ilo ņa mejļan jerbal ko rejjab jetjet, kūļōk eo aikuj kepaak Confindential Records Office [Opiij eo an Ļo̧o̧k ko Reņojak] eo ilo opiij ko reļļap an Kabun̄ in.

Talboon: 1-801-240-2053 or 1-800-453-3860, extension 2-2053

Toll free (GSD phone): 855-537-4357

Email: [e-mail]

Aitokan iien jerbal eo an kūļōk ro aikuj in bwe n̄an aer ekkatak jerbal ko aer im dāpij wōt wōnm̧aanļo̧k ilo jerbal eo aer. Kōnke rej rejjab uwaan membōr in stake būreetjōnji ak bisoprik, rejjab aikuj in kōtlo̧k jān kūr ko aer n̄e juon stake būreejtōnji ak bisorik ej bar ejaak.

33.4

Rekoot ko m Riboot ko an Ward

33.4.1

Bisorpik

Bisop eo ej oņaake kōjparok e rekoot ko an ward.

33.4.2

Kūļōk an Ward

Kajjojo ward eaikuj in wōr juon eo ejjejōt, kūļōk eo ej jerbal ilo ward. E ej leļo̧k etan jān bisoprik eo im kar kūr im kōjenolo̧k jān juon membōr in stake būreejtōnji eo ak juon aae ko̧o̧njeļ kar kappeik. Ej aikuj kabwijer Melkesidek Priesthood eo im wōr an peba in mālim an tampeļ ekāāl. E ej juon membōr in ward ko̧o̧njeļ eo. E ej pād ilo kweilo̧k ko an ward āinwōt an waļo̧k ilo 29.2.

Kūļōk eo an ward eo ej katakin jān bisoprik eo im stake kūļōk ro. Rijipan̄ kūļōk ro an ward remaron̄ kūr n̄an jipan̄.

33.4.2.1

Jerbal in Kōjparok Rekoot ko

Ward kūļōk eo, ak rijjipan̄ kūļōk eo kar kappeik, ewōr ippān eddo kein:

• Kōjparok juon ļo̧o̧k in ijjitōn̄ ko im jokāālet ko kar kōm̧m̧ani ilo kweilo̧k ko an ritōl an ward.

• Kanooj lale bwe ļo̧o̧k ko im riboot ko rej jim̧we im m̧ōkaj.

Ward kūļōk eo ej aikuj jeļā kōn kein jerbal (tool) ko an kōjparok rekoot (record-keeping) eo an kabun̄ in (lale 33.0). E ej kōjerbal kein jerbal kein (tool) n̄an jipan̄ ritōl ro kile:

• Aikuj ko an membōr ro im doulul ko.

• An wōr kein jipan̄ ko, ekoba jāān ko.

Ward kūļōk ro rej kōketak membōr ro n̄an riboote jabdewōr bōd ko ilo meļeļe ko an uwaan (membership) eo aer.

Jerbal ko jet an kōjparok ļo̧o̧k me emaron̄ kitbuuj:

• Kanooj lale bwe kain̄i ko ren jim̧we im m̧ōkaj rekooti.

• Kōpooj Officers Sustained form n̄an kweilo̧k eo eļap an ward.

• Rekoote meļeļe ko n̄an membōr in ko̧o̧njeļ an ward eo.

• Kōjparok wōt ļo̧o̧k ko an jāān (lale 34.2.2

33.5

Riboot ko ilo an Membōr Bōk Koņaan

Riboot ko kōn membōr ro rej bōk koņaer ejipan̄ ritōl ro kalimjōk eddōkļo̧k eo im aikuj ko an membōr ro.

33.5.1

Kain Riboot ko

33.5.1.1

Riboot in Oran Armej

Ro rej pād ilo kweilo̧k in kwojkwoj eo im kweilo̧k ko an priesthood im doulul ej rekoot ilo electronic kōjerbal LCR eo ak Member Tools eo.

Kweilo̧k in Kwojkwoj. Ro rej pād ilo kweilo̧k in kwojkwoj eo ej rekoot kajjojo wiik jān ward kūļōk eo ak juon rijjipan̄ ward kūļōk eo. Oran eo ej nōm̧ba in ro rej pād ilo kweilo̧k eo ilo kanem armej ak kōn stream, ekoba riloļo̧k ro.

Kweilo̧k in Jabōt ko an Doulul im Ra. Ro rej pād ej rekoot kajjojo wiik jān rijeje ro an doulul in ra im rikapilōk ro. Ritōl ro an jodikdik ro remaron̄ barāinwōt jipan̄ ilo rekoote ro rej pād. Oran eo ej nōm̧ba in ro rej pād ilo kweilo̧k eo ilo kanem armej ak kōn stream, ekoba riloļo̧k ro. Membōr ro me rej jerbal ilo Būraimere ak āinwōt ritōl ro an jodikdik ro ilowaan wōt ward eo rej barāinwōt koba āinwōt ro rej pād.

Ward kūļōk eo emaron̄ rekoote ro rej pād ilo etan jabdewōt doulul.

33.5.1.2

Riboot in Intōrpiu in Jerbal in Karejar

Lale 21.7.

33.5.1.3

Quarterly Riboot

Aolep bōnbōn ilo juon riboot ej kwaļo̧k juon lukkuun armej eo me ewōr an aikuj ko rejej uwaer (lale Hilamōn 15:13.

Riboot eo an Kuwōt Otemjej epād ie meļeļe ko rejipan̄ me emaron̄ leļo̧k n̄an ritōl ro kōļmenļo̧kjeņ ko ilo aer pukōt im̧we kōn kijejeto ko an jerbal in karejar.

Ritōl ro an stake im ward rej etal n̄an Riboot eo an Kuwōt Otemjej iien otemjej n̄an etale eddōkļo̧k eo an kajjojo armej.

Aolep ward ej kadedeļo̧k im jilkinļo̧k juon Riboot eo an Kuwōt Otemjej n̄an opiij ko reļļap an Kabun̄ in. Kūļōk eo ej etale riboot eo ippān bisop eo im jilkinļo̧k m̧okta jān 15th in allōn̄ eo ālkin jem̧ļo̧k in kajjojo kuwōta.

33.5.2

Laajrak ko an Membōr ro

Kein jerbal ko (tools) an kōjparok rekoot an Kabun̄ in ej leļo̧k n̄an an ritōl ro bōk laajrak in uwaan (membership) ko. Laajrak kein remaron̄ jipan̄ ritōl ro kile:

• Ewi wōt membōr ro rejjan̄in de bōk kain̄i ko me rej maron̄ būki.

• Ewi wōt likao ro im jiron̄ ro rej ekkar n̄an (eligible) jerbale juon mijen.

• Ewi wōt jodikdik ro ejjeļo̧k aer juon peba in mālim deļo̧n̄ tampeļ ekāāl.

• Ewi wōt jodikdik ro rej aikuj in jikejuuļ n̄an kweilo̧k ko ippān juon membōr bisprik eo.

Ritōl ro an doulul im doulul ko rej aikuj in jeļā kōn laajrak ko an ro rej pād ilo kūmi ak doulul ko aer.

33.6

Rekoot in Membership ko an Membōr ro

Rekoot ko an uwaan ekoba āt ko etan membōr ro, meļeļe ko n̄an tōpare (contact), dipdik in kain̄i ko, im meļeļe ko jet raorōk.

Rekoot ko an uwaan (membership) rej aikuj kōjparoki wōt ilo ward eo ijo membōr ro rej jokwe ie Ijello̧kin (execption) ko, ko me rej aikuj in jeja, aikuji in mālim eo an bisop ro im stake būreejtōn ro N̄an kajjitōk kōn juon kōtļo̧k (exceptioin), stake būreejōn eo ej kōjerbal LCR eo n̄an jilkinļo̧k kajjitōk eo n̄an Opiij eo an Būreejtōnji eo Kein Kajuon.

Ej aorōk n̄an kōm̧m̧ane men kein ilo iien eo em̧ōj tata:

• Rekoote meļeļe ko kōn kain̄i eo.

• Kōm̧akūt rekoot ko an membōr ro me rej delo̧n̄ waj n̄an ak diwōjļok jān ward eo.

• Ejaki rekoot ko n̄an membōr ro rekāāl im ajri ro rekāāl jinen im jemen rej membōr.

• Reko̧o̧te mej an juon membōr.

• Rekoote m̧are im meļeļe ko an rimweo (household).

Bisop eo ak stake būreejtōn en kanooj lale bwe juon rekoot an uwaan (membership) ej pād ilo ward eo ejetjet m̧okta jān an juon membōr intōrpiu n̄an bōk:

• Juon kūr an Kabun̄ in.

• Juon peba in mālim deļo̧n̄ tampeļ.

• Melkisedek Priesthood eo ak n̄an ekkapit n̄an juon opiij ilo priesthood jab eo.

E ej barāinwōt kanooj lale bwe rekoot eo en jab kobaik jabdewōt iaan men kein:

• Juon naan in kōmeļeļe (annotation)

• Juon ennaan kōn juon mo (restriction) in liāp ak kain̄i

• Mo ko an juon uwaan (membership)

Jekdo̧o̧n ta jekjek ko remaron̄ in uwaan (membership) emaron̄ in leļo̧k ak kwaļo̧k n̄an jabdewōt ijello̧kin wōt bisop eo ak juon kūļōk.

Membōr ro remaron̄ lale meļeļe ko an uwaan (membership) kōn er make im n̄an ajri ro nejier rej lale er rej jokwe ilo m̧weo ilo Member Tools app eo. Rej maron̄ barāinwōt kajjitōk kōn kape ko būrini kōn Tu Kadu in Meļeļe ko An Kain̄i An Kajjojo (Individual Ordinance Summries) jān kūļōk eo. Eļan̄n̄e ewōr bōd kar ļoe, rijeje eo en lukkun lale bwe ren kajim̧we ilo rekoot ko an membōr ro.

33.6.1

Āt ko kar kōjerbal ilo Rekoot ko an Kabun̄ in

Likio in etan juon armej, āinwōt kar kile jān kien ak manit eo ijo jokwe ie, aikuj kōjerblae ilo rekoot in uwaan (membership) ko im ilo peba in kam̧ool ko an kain̄i eo.

33.6.2

Rekoot an Membōr ro

Armej rein kajjoo rej membōr ro ilo rekoot im aikuj in wōr juon rekoot in uwaan (membership):

• Ro me raar peptaij im kapen

• Ro me repād ilaļ in 9 iiō dettaer me raar kōjeraam̧m̧an bōtaab kar jab peptaij.

• Ro me raar jab jeļā em̧m̧an im nana kōn utam̧we in kōļmenļo̧kjeņ ko, jekdo̧o̧n ta iiō

• Ajri ro raar jab kōjeraam̧m̧an ilaļ in 9 iiō n̄e men kein jim̧or rej jerbal:

  • Dik tata juon jien ak jemen ak juon būbū ak jim̧m̧a ej juon membōr in Kabun̄ in.

  • Jim̧or jinen ak jemen rej leļo̧k mālim n̄an an juon rekoot ejaak. (Eļan̄n̄e wōt juon jinen ak jemen ewōr an maron̄ (legal custody) ilo ajri eo, mālim eo an jinen ak jemen jab eo ebwe).

Juon armej eo 9 iiō dettan ak rūttoļo̧k me ewōr juon an rekoot in uwaan (membership) bōtaab ejjan̄in de kar peptaij im kapen ejjab juon rekoot in membōr (record member). Mekarta, ward eo me armej eo ej jokwe ie rekoot in membership ko an rej pād m̧ae iien armej eo ej 18. Ilo iien jab eo, eļan̄n̄e armej eo ej kāālet n̄an jab peptiaj, bisop eo ej kāānjeļe rekoot in uwaan (membership) eo. Mālim eo an stake būreejtōn eo ej menin aikuj.

Rekoot rejjab kāājōļ n̄an ro me rejjan̄in kar peptaij kōn wōt utam̧we ilo kōļmenļo̧kjeņ m̧ae armej eo ej kajjitōk ak ro rej lale, ekoba jinen ak jemān.

33.6.3

Rekoot ko an Membōr ro Rekāāl an Ward eo

Ward kūļōk eo ak juon rijjip0k an̄ ward kūļōk ej kepaak membōr ro rekāāl an ward eo ilo iien em̧ōj ālkin an rekoot in uwaan (membership) ko aer jikrōk n̄an etale Tu Kadu in Meļeļe ko An Kain̄i An Kajjojo (Individual Ordinance Summries).

33.6.6

Rekoot ko an Membōr ro rej Jerbal itulikin Ward eo Aer Ijo Jokwe ie (Geographic)

33.6.6.2

Rekoot ko an Mijenede ro rej Jerbal Aolep Raan

Lale 24.6.2.8

33.6.13

Rekoot ko an Ajri ro Jemāer im Jineer Em̧ōj Aer Jepel

Aolep rekoot ko an uwaan (membership) rej kōjerbal m̧ooļ (legal) in etan armej eo, āinwōt kar kile jān kakien an ijo jokwe ie ak m̧anit. Menin ekoba ro jinen im jemen ajri ro me raar jepel.

Ajri ro me ejepel ro jineer im jemāer ekkā aer pād ilo iien jar ko an Kabun̄ in ilo ward ko an jim̧or jineer im jemeer. Ilo an juon wōt iunit maron̄ kōjparok im bar kōkāāl rekoot in membōr eo an ajri eo, remaron̄ ejaake juon out-of-unit membōr rekoot ilo ward eo juon ajri eo ej bar jar ie. Menin ej kōtļo̧k bwe etan ajri eo im meļeļe ko kōn kepaak (contact) ren koba ilo laajrak ko an ward eo im laajrak in āt ko an kūlaaj eo.

Ajri ro me ewōr aer out-of-unit membōr rekoot ko maron̄ barāinwōt bōk juon kūr.

33.6.15

Kōm̧akūt Mo ko ilo Rekoot ko an Membōr

Eļan̄n̄e juon membōr ej em̧m̧akūt ilo an uwaan (membership) eo wōr mo ko ie ak bar jet n̄ūrbōktak ko reļlap ej pād wōt, bisop eo ak kūļōk eo emālim maron̄ likūt juon kōm̧akūt mo (move restriction) ilo rekoot in uwaan (membership) eo ie. E ej kōjerbal LCR eo n̄an kōm̧mane menin.

Juon rekoot eo me ewōr ie juon kōm̧akūt mo (moved restriction) ejjab em̧m̧akūtļo̧k jun iunit kāāl m̧ae iien eo ritōl eo an priesthood eo ekar likūt mo eo ej kōmālimi n̄an an em̧m̧akūt.

33.6.16

Rekoot ko jān “Address Unknown” File

Juon membōr ej jet iien loe ālkin an rekoot eo an armej eo kar pād ilo “baeļ an atreej jab jeļā (address unknown file)” ilo opiij ko reļļap an Kabun̄ in. Ilo jekjek in, ward kūļōk eo ej kajjitōk kōn rekoot eo kōjerbal LCR eo.

33.6.17

Meļeļe ko n̄an Rekoot im Kajim̧we Kain̄i eo

Lale jebta 18.

33.6.19

Etale ko an Membership Rekoot ko

Kajjojo iiō stake kūļōk eo ak juon rijjipan̄ stake kūļōk eo kanooj lale bwe juon bōnbōn an rekoot ko an (membership) uwaan (audit of membership records) ej kōm̧m̧an ilo kajjojo ward kōjerbal LCR eo. Etale ko rej aikuj in kar dedeļo̧k jān Juun 30 in kajjojo iiō.

33.7

Rekoot in Bwebwenato ko

33.7.1

Bwebwenato ko an Ward im Stake

Irooj ekar kakie bwe “bwebwenato in aolep men ko reaorōk” jerbal ko ikkijien Kabun̄ eo An bwe ren jeje im kōjparoki (Katak im Bujen Ko 69:3; lale barāinwōt eoon 5; Alma 37:2).

Kajjojo iunit ilo Kabun̄ in ej aikuj je aolep me ko raorōk ikkijien iunit eo.

Kōjparok juon bwebwenato ej juon jerbal an jetōb me enaaj kōkajoorļo̧k tōmak eo an ro rej je im riiti.

Priesthood ro an stake im ward im ritōl ro an doulul rej jipan̄ eleļo̧k bwebwenato ko ilo aer kōjerbal Unit History tool ilo ChurchofJesusChrist.org. Kūļōk ro an stake im ward ewōr juon aer eddo eļap n̄an karōk im kōtōbalbal kijejeto in. Naan in kōmeļeļe ko jet rej pād ilo tool eo Quick Start Guide

33.8

Rekoot ko Rettino

Rekoot ko an Kabun̄ in rej eņņojak, men̄e rej waļo̧k ilo peba ak digital. Men kein rekoba:

• Rekoot ko an uwaan (membership).

• Rekoot ko kōn jāān.

• Kakeememej ko jān kweilo̧k ko.

• Boom̧ ko im peba aorōk ko an Kabun̄ (ekoba rekoot ko an uwaan ko̧o̧njeļ ko).

Ritōl ro rej kanooj lale bwe meļeļe eo me rej aini jān membōr ro ej:

• Wōr jon̄an n̄an a eo Kabun̄ in ej aikuji.

• Kōjerbal wōt n̄an jibabad ko kar kōmālim jān Kabun̄ in.

• Leļo̧k wōt n̄an ro me rej mālim n̄an kōjerbale.

Meļeļe eo me kakoņe ilo electronic aikuj in kakoņe im kōjparoke wōt ilo jetjet (lale 33.9.1).

33.9

Lo̧lo̧o̧rjake Rekoot ko

33.9.1

Kōjparoki

Aolep rekoot ko, riboot ko an Kabun̄ in, im ennaan (data) aikuj in kōjparoki ņae lali ilo ejjeļo̧k malim, ukōt, kakkure, ak kwaļo̧ki. Meļeļe in aikuj in likūti wōt ilo juon jikin eņojak (safe).

Device ko an Kabun̄ in kar jako ak kar ko̧o̧ti ak jikin kakoņkoņ (storage) media eo aikuji in riboote ilo iien eo em̧ōkaj tata ilo incidents.ChurchofJesusChrist.org. Meļeļe ko an Kabun̄ in bōd kōjerbali aikuj in barāinwōt ribooti.

33.9.1.1

Username ko im Password ko

Stake būreejtōn ro, bisop ro, im ritōl ro jet ej aikuj jabļo̧k wōt n̄an jidik kwaļo̧k username im password eo aer ilo Kabun̄ in ippān rikakpilōklōk ro an, kūļōk ro, rijeje ro reutiej, ak ro jet.

33.9.1.3

Eņņojak an Date

Elōn̄ laļ ko em̧ōj aer kar ejake kakien ko kōn kōjparok date me rej kōjparok kōm̧m̧ani date (personal date) ko an juon make. Menin ekoba meļeļe eo ilo rekoot ko an uwaan (membership) im rekoot ko jet an Kabun̄ in me rej kwaļo̧k kadkad kajjojo armej. Ritōl ro me ewōr aer kajjitōk ko kōn kajjitōk eo kōn kōjparok date (date protection) kakien ko n̄an eo ej lolorjake rekoot ko an Kabun̄ in ijo jokwe ie maron̄ kepaak Church date privacy opiij eo ilo [e-mail].