34.

Jāān ko im Bōnbōn in Etale Jāān ko

34.0

Kadkad in

Juon m̧ōttan jon̄oul ko im jortak ko rej kōtļo̧k an Kabun̄ in pukōt jerbal in lo̧mo̧o̧r eo an Irooj im mour āinwōt Anij (lale 1.2). Jāān in jipan̄ kein rekwojarjar. Rej kakōļļe in kaarmejete im tōmak an membōr ro an Kabun̄ in (lale Mark 12:41–44).

34.2

Ritōl ro an Jāān ilo Ward

34.2.1

Bisoprik

Bisop eo ewōr ippān eddo kein kōn jāān ko an ward eo. Ej jitōn̄ jet iaan jerbal in n̄an rikakpilōklōk ro an im kūļōk ro.

Bisop eo:

• Ej katakin im im̧we membōr ro n̄an kōļļā juon m̧ōttan jon̄oul eo edipio im leļo̧k jortak ko retenkwadik (lale 34.3).

• Ej kanooj lale bwe jāān ko an ward eo ren jetjet kōjerbali im en bōnbōn aolep (lale 34.5).

• Ej etale wāween kōjerbal jāān (financial statement) kajjojo allōn̄ im kanooj lale bwe jabdewōt jorrāān ko rej ņa mejļaer ilo iien em̧ōkaj tata.

• Ej kanooj lale bwe ritōl ro an doulul im kūļōk ro rej ekkatak eddo eo aer kōn jāān ko rekwojarjar an Kabun̄ in.

• Ej kōpooj im ej bōk eddo in bajōt eo an stake iiō otemjej (lale 34.6).

• Kweilo̧k ippān ward membōr ro kajjojo iiō n̄an bōk kean̄ an juon m̧ōttan jon̄oul eo aer.

34.2.2

Kūļōk ro an Ward

Bisop eo ej jitōn̄ kūļōk eo an ward ak juon rijipan̄ kūļōk eo an ward n̄an jipan̄ kōjparoki rekoot in jāān. Kūļōk ro rej kanooj mejmejkaruo ilo ļoor kakien ko rekāāl n̄an tōlarōki jāān ko an Kabun̄ in im kanooj lale bwe rekoot ko an Kabun̄ in rej jetjet.

Kūlōk eo ewōr ippān eddo kein:

• Rekoote im kadeļo̧n̄ (deposit) jabdewōt jāān ko kar būki jān juon membōr in bisoprik eo.

• Ej etale wāween kōjerbal jāān (financial statement) kajjojo allōn̄ im kanooj lale bwe jabdewōt jorrāān ko rej ņa mejļaer ilo iien eo em̧ōkaj tata.

• Ej jipan̄ bisoprik eo kōpooj bajet eo an ward iiō otemjej (lale 34.6.1 im 34.6.2).

• Ej kanooj lale bwe membōr ro ren bōk meļeļe ko kōn menin jipan̄ ko (statements in contributions) aer im jipan̄ n̄e aikuj.

Kūļōk ro rej aikuj kabwijer Melkesidek Priesthood eo im erreo n̄an bōk juon peba in mālim an tampeļ ekāāl.

34.3

Menin leļo̧k ko

34.3.1

Juon M̧ōttan Jon̄oul

Juon m̧ōttan jon̄oul eo ej menin leļo̧k an juon m̧ōttan-jon̄oul in wōņāām̧ n̄an Kabun̄ eo an Anij (lale Katak im Bujen Ko 119:3–4; ļapļo̧k ej meļeļe kake ej meļeļe in wōņāām̧). Aolep membōr ro me rej kōļļā aikuj kōļļā juon m̧ōttan jon̄oul.

34.3.1.2

Kean̄ an Juon M̧ōttan Jon̄oul (Tithing Declaration)

Bisop eo ej kweilo̧k ippān kajjojo membōr ilo allōn̄ ko jejjo āliktata an kajjojo iiō n̄an bōk kean̄ in juon m̧ōttan jon̄oul eo an.

Aolep membōr ro rej ruwainene n̄an kweilo̧k ippān bisop eo n̄an:

• Kean̄ n̄an bisop eo kōn jekjek eo aer āinwōt rikōļļā m̧ōttan joun̄oul.

• Kanooj lale rekoot in leļo̧k (contribution) ko aer rej jetjet.

Jabdewōt iien emaron̄, aolep membōr ro an juon baam̧le, ekoba ajri ro, raikuj etal ippān doon.

34.3.2

Joortak in Jitlo̧k ko

Ritōl ro an Kabun̄ rej rōjan̄ ro uwaan n̄an aer mour kake kien jitlo̧k. Menin ekoba leļo̧k juon jortak in jitļo̧k etenkwadik (lale 22.2.2).

Unin tōl ko n̄an kōjerbali jāān in joortak in jitlo̧k ko rej kōpooji tok ilo 22.5.2

34.3.3

Jāān in Mijenede

Jāān ko liļo̧k n̄an jāān an mijenede an ward eo rej kōjerbali eļap tata n̄an tōpar jāān ko leļo̧k eo kar kallim̧ur kake an mijenede ro rej jerbal aolep raan jān ward eo.

Jāān in jipan̄ ko n̄an General Missionary Fund eo rej kōjerbali jān Kabun̄ in ilo kijejeto ko an aolep mijenede.

34.3.7

Leļo̧k ko(contribution) Rejjab Maron̄ Bar Kōro̧o̧li (refund)

N̄e m̧ōttan jon̄oul ko im jortak ko jet rej liļo̧k n̄an Kabun̄ in, rej an Irooj. Rej kōkkwojarjari n̄an E.

Stake būreejtōn ro im bisop ro rej karon̄ ro me rej leļo̧k (contribute) m̧ōttan jon̄oul ko im jortak ko me leļo̧k (contribution) kein rejjab maron̄ bar kōro̧o̧li (refund).

34.4

Ennojak an Juon M̧ōttan jon̄oul im Menin Joortak ko Jet

Dettan juon m̧ōttan jon̄oul eo im jortak ko jet kar kōļļāik jān juon rileļo̧k (donor) ej eņņojak. Bisop eo wōt im ro me kar kōmālim n̄an kōm̧m̧ani ak etale leļo̧k (contribute) kein aikuj wōr aear maron̄ lo meļeļe in.

34.5

Kōjerbal (handling) Jāān ko an Kabun̄ in

Stake būreejtōn eo im bisop eo rej kanooj lale bwe aolep jāān ko an Kabun̄ in rej kōjerbali ilo jetjet. Bisoprik ro im kūlōk ro kar rōjan̄ er n̄an alooje pija in alooj eo “Sacred Funds, Sacred Responsibilities” dik tata juon alen juon iiō.

34.5.1

Pedped in katak eo an Leiaia (companionship)

Peded in katak eo an leiaia ej aikuj in ruo armej—juon membōr in bisoprik eo im kūlōk eo, ak ruo membōr in bisoprik eo—n̄an lukkuun bōk koņaer n̄e rekoote im kōjerbal jāān ko an Kabun̄ in.

Ritōl ro rej aikuj kōjparok im laleļo̧k wōt n̄an jidik kwaļo̧k password ko aer (lale 33.9.1.1).

34.5.2

Bōk Juon M̧ōttan Jon̄oul im Menin Joortak ko Jet

Irooj eaar leļo̧k n̄an bisop ro lōke eo ekwojarjar kōn bōk im kōjparok juon m̧ōttan jon̄oul ko im jortak ko jet an Armej ro (lale Katak im Bujen Ko 42:30–33; 119). Bisop eo im rikakpilōklōk ro an wōt remaron̄ aiini juon m̧ōttan jon̄oul ko im joortak ko jet. Ium̧in men ko ejjeļo̧k wāweeir lim̧aro pāleir rej aikuj in ke, ro jet uaan baam̧le ko aer, kūļōk ro, ak ro uwan bōki menin leļok kein.

34.5.3

Kam̧oole im Rekoote Juon M̧ōttan Jon̄oul im Joortak ko Jet

Leļo̧k ko (contribution) rej aikuj in kam̧ooli im rekooti ilo Jabōt eo rej būki. Juon membōr in bisoprik eo im juon kūļōk, ak ruo membōr in bisoprik eo, rej kōpeļļo̧k kajjojo kilen leta ippān doon. Rej kam̧oole bwe jāān ko kar āti rej dettan wōt dettan eo kar je ilo boom̧ eo an Tithing im Other Offering. Rej rekoote kajjojo menin jipan̄ (donation) ilo jetjet. Eļan̄n̄e jāān ko im dettan eo kar je rej oktak, rej kepaak rileļo̧k eo (donor) ilo iien eo em̧ōkaj tata emaron̄ n̄an ņa mejļan oktak eo.

34.5.4

Deposit e Juon M̧ōttan Jon̄oul ko im Joortak ko Jet

Juon kadeļo̧n̄ (deposit) aikuj in kōpooje ālkin kanooj lale dettan ko kar rekooti rej jetjet n̄an jāān eo kar bōke.

Ijo ewōr juon kein kaddeļo̧n̄ (depository) an bank ej 24 awa, membōr in bisoprik eo im bar juon rikabwijer an Melkisedek Priesthood eo rej kadeļo̧n̄ (deposit) jāān ko ilo bank eo ilo ejja raan eo wōt kar kōpeļļo̧k jāān ko im kam̧ooli.

Ijo ejjeļo̧k juon kein kaddeļo̧n̄ (depository) an bank ie ej 24 awa im bank eo ej kilōk ilo Jabōt, bisop eo ej kōjenolo̧k juon rikabwijer Melkisedek Priesthood eo n̄an kōm̧m̧ane kadeļo̧n̄ eo (deposit) raan eo tok juon. Ej aikuj in:

• Kanooj lale bw jāān ko rej kōjparok ilo juon jikin eņojak (secure) m̧ae iien rej kadeļo̧n̄i.

• Bōke juon reciept in deposit eo ej kwaļo̧k raan im allōn̄ im iiō eo im dettan kadeļo̧n̄ (deposit) eo.

34.5.5

Kōjparoki Jāān ko an Kabun̄

Ro uwaan im rej eddoin jāān ko an Kabun̄ in rej aikuj in jab likūti ilo im̧ōn jar eo eļļā ļo̧k jān juon bon̄in ak jekkeini ilo jabdewōt iien, ko āinwōt ilo tōrein kweilo̧k ko im m̧akūtkūt ko.

34.5.7

Bōk Eddo in Kōļļā ko an Stake im Ward

Ejjeļo̧k men ko rej joļo̧ki kōņ jāan an stake ak ward maron̄ in kar waļo̧k ak kar kōļļāiki ilo an ejjeļo̧k mālim an ritōl eo ej tōl.

Ruo ritōl ro rej tōl aikuj in kōmālim kajjojo kōļļā. Juon iaer ej aikuj in juon membōr in stake būreejtōnji eo ak bisoprik eo. Jekdo̧o̧n men̄e rikakpilōklōk ro remaron̄ mālim n̄an kōmālim kōļļā ko, stake būreejtōn eo ak bisop eo aikuj etale kajjojo kōļļā. Ritōl ro rej aikuj jab kōmālim juon kōļļā n̄an er make.

Stake būreejtōn eo ej je kōmālim eo m̧okta jen an juon bisop kōjerbal joortak in jitlo̧k eo ak mālim in juon bisop ortar n̄an e make im baam̧le eo an. Mālim eo kar je jān juon membōr in Eria Būreejtōnji eo ej menin aikuj m̧okta jān an bisop eo maron̄ kōjerbal jortak in jitlo̧k ko ak kōmālim wōrtar eo an juon bisop n̄an stake būreejtōn eo ak baam̧le eo an. Lale 22.5.1.2 kōn unin tōl ko.

Juon membōr eo ej kajjitōk kōn reimbursement ej leļo̧k juon kape in jabdewōt rijiit (reciept) ak invoice ko ilo peba ak electronic. Ļeo ak lio ej barāinwōt koba un eo, dettan eo, im raan, allōn̄, im iiō eo kar wia.

Eļan̄n̄e jāān ko kar bōk im̧aanļo̧k (advance), membōr eo ej jilkinļo̧k boom̧ in payment request eo, je un eo, dettan eo, im raan, allōn̄, im iiō eo. Ālkin an jon̄an joļo̧k (expense) eo kar kōļļāik, innām membōr eo ej (1) leļo̧k rijiit (receipt) ko ak invoice ko n̄an jāān ko joļo̧k n̄an im (2) ej kōro̧o̧l jabdewōt jāān kar jab kōjerbale. Jāān ko bar kōro̧o̧li (refund) aikuj in bar kadeļo̧n̄e (redeposit).

34.5.9

Kōjparok Rekoot ko an Jāān

Kajjojo stake im ward rej aikuj in kar kōjparok kiin, rekoot in jāān ko im rejim̧we.

Kōn meļeļe ko kōn kōjerbal im kakuun rekoot ko im riboot ko, kūļōk eo ej aikuj etal n̄an naan in kōmeļeļe ko jān opiij ko reļļap an Kabun̄ in ak eria opiij eo. Rekoot in jāān ko rej aikuj kakuņi ium̧win dik tata jilu iiō ko ekoba iiō eo kiiō.

34.6

Bajet im Jon̄an Kōjerbal Jāān ko

Jon̄an dettan bajet eo an būrookraam̧ ej lelo̧k jāān ko an Kabun̄ in n̄an kōļļāik m̧akūtkūt ko im būrookraam̧ ko an stake ko im ward ko.

Enan̄in aolep m̧akūtkūt ko rej aikuj in ļam waan im ewōr jidik ak ejjeļo̧k wōņāān.

34.6.1

Bajet ko an Stake eo im Ward eo

Aolep stake im ward rej kōpooje im jerbal ioon juon bajet iiō otemjej. Stake būreejtōn eo ej bōk eddo in bajet eo an stake im bisop eo ej bōk eddo in bajet eo an ward eo.

Unin tōl ko rej ellaajrak itulaļ:

• Bar etale dettan eo kar joļo̧ki iloaan iiō eo m̧okta n̄an kōm̧mane im etale bwe men ko kar joļo̧k jāān kaki ren kar dedeļo̧k ļōmņak kaki.

• Kajjitōk ippān doulul ko n̄an aer elmakote aikuj ko an bajet ko aer ilo tipdikin.

• Eiik bajōt eo kōjerbal iminene ko kōn bajet kar kōmālim.

34.6.2

Jon̄an Dettan Bajet eo

34.6.2.1

Kōjjemo̧o̧j an Bajet

Jāān in bajōt ko rej kōjjemo̧o̧j ilo kuwōta otemjej pedped ioon ro rej etal (attendance) ilo laajrak kein:

• Kweilo̧k in kwojkwoj eo

• Doulul eo an Likao ro

• Doulul eo an Jiron̄ ro

• Ajri in Būraimene iiō dettaer 7–10.

• Rūm̧m̧an Ded ro ejjeļo̧k pāleer

Ej aorōk n̄an kajetjet riboote ro rej ilo̧k (attendance) im ilo iien ejetjet (lale 33.5.11).

34.6.2.2

Kōjerbal Bajet ilo Jetjet

Stake būreejtōn ro im bisop ro rej aikuj in lale bwe jon̄an dettan jāān in bajet eo ren kōjerbali ilo lo̧ļe.

Jāān in bajet ko an stake im ward rej aikuj in kar kōjerbali n̄an kōļļāik aolepān m̧akūtkūt ko,būrookraam̧ ko, bok in katak, im kein ekkatak.

34.6.2.3

Bwe in Bajet

Bwe in jāān in bajet kōjjemo̧o̧j ko rej aikuj jab kōjerbali. Bwe in jāān ko an ward rej aikuj in bar kōro̧o̧li n̄an stake eo.

34.7

Bōnbōn ko

34.7.1

Kammiti in Bōnbōn Jāān eo an Stake

Stake būreejtōn eo ej jitōn̄ juon kamiti in bōnbōn jāān eo an stake eo. Kamiti eo kanooj lale bwe jāān ko an stake eo im ward eo rej kōjbwebweik ekkar n̄an kakien eo an Kabun̄ in.

34.7.3

Bōnbōn Jāān (financial audit)

Ribōnbōn jāān ro an stake rej būni rekoot in jāān ko an stake eo, ward ko, im FamilySearch center ko ruo alen ilo juon iiō.

Opiije eo an iunit eo im ej bōk eddoin tōl im kūļōk kar jittōn̄e n̄an jāān rej aikuj in peļļo̧k iienotemjej n̄an uaaki kajjitōk ko ilo tōrein bōnbōn ko.

34.7.5

Jako, Ko̧o̧t, Kakkure Jāān, ak Bōd Kōjerbal Jāān ko an Kabun̄ in

Stake būreejtōn eo ak chairman eo an kamiti in bōnbōn eo an stake aikuj in kōjeļļāik e ilo iien eo em̧ōkaj tata eļan̄n̄e:

• Jāān ko an Kabun̄ in rejako ak kar ko̧o̧ti.

• Juon ritōl ekar ko̧o̧te ak bōd an kōjerbale jāān ko an Kabun̄ in.