34.

Ŋkpɔ-okuk ye Unam-ibat

34.0

Ntɔŋɔ

Mme mbak-duop ye mme enɔ anwam Ufɔk Abasi man enam utom Abasi eke erinyaŋa-ukpoŋ ye edimenede (se 1,2). Mme okuk emi edi edisana. Mmɔ eda enɔ nwaidem ye mbuɔtidem eke mbon Ufɔk Abasi (se Mark 12:41–44).

34.2

Ndausuŋ Ŋkpɔ-okuk ke Ward

34.2.1

Bishopric

Bishop enyene mme ubiɔŋ-utom emi ke mme kpɔ-okuk eke ward. Enye edeme usuk utom ɔnɔ mme ɔnɔiteme ye mme clerk esie.

Bishop:

• Ekpep onyu eteme mbon ufɔk Abasi ete ekpe ɔyɔhɔ mbak-duop enyuŋ enɔ mme enɔ ima-esit (se 34.3).

• Okut ete ke enehede ekama enyuŋ enam-ibat ke okuk eke ward (se 34.5).

• Ese nwed nkpɔ-okuk kwa ofiong onyuŋ okut ete esɔp eneŋede mme mfina ekededi.

• Okut ete ke mme adausuŋ ke nka ye mme clerk ekpep ubing-utom mmɔ kabaŋa nsasana okuk Ufɔk Abasi.

• Ebeŋe onyuŋ akama okuk ward se edibiatde ke isua kiet (se 34.6).

• So-bo ye mbon ward ke isua kiet man ɔbɔ ubiere eke mbak-duop mmɔ.

34.2.2

Mme Ward Clerk

Bishop ɔdɔŋ wsrd clerk ye mme udiana ward clerk ete enwam ke edinim-ŋwed ŋkpɔ-okuk.eke ward. Mme clerk enehede etiene mme mbet man ekpeme okuk Ufɔk Abasi ndien ekut ete ke mme nwed Ufɔk Abasi edi nnen-nnen.

Clerk enyene mme ubiɔŋ-utom emi:

• Ewet onyuŋ ekpe okuk ekededi emi ebɔde ye owo eke bishopric.esin.

• Ese ŋwed ŋkpɔ-okuk kwa ɔfiɔŋ onyuŋ okut ete esɔp eneŋede mme mfina ekededi.

• Anwam bishopric ke edi-nam okuk ward se edibiatde ke isua kiet enim (se 34.6.1 ye 34.6.2).

• Okut ete ke mbon ufɔk Abasi ekut mme nwed emi mmɔ enɔde okuk ye unwam ke nte eyomde.

Clerk ana akama Itie-oku Melchizedek onyuŋ enyene temple recommend eke idahaemi.

34.3

Mme Okuk se Etipde

34.3.1

Mbak-duop

Mbak-duop edi enɔ-okuk eke kiet-ke-itie-duop okuk-utom emi owo etipde ɔnɔ ke Ufɔk Abasi Jehovah (se Doctrine ye Covenants 119:3–4; ekut udori nte ke ɔwɔrɔ okuk-utom). Kpukpru mbon ufɔk Abasi emi ebɔde okuk-utom akpana ekpe mbak-duop.

34.3.1.2

Ubiere eke Mbak-duop

Bishop eyesobo ye owo ufɔk Abasi kiet-kiet kini mme akpatre ɔfiɔŋ ke isua kiet-kiet man ɔbɔ ubiere eke mbak-duop esie.

Ekot ofuri mbon ufɔk Abasi ete edisobo ye bishop man:

• Ebiere ndaha mmɔ enɔ bishop nte mme andikpe mbak-duop.

• Ekut ete ke okuk se mmɔ etipde ke ewet-enim ke onyuŋ edi nnen-nnen

Kini nte ekemede, ouri mbon ufɔk Abasi, esinede nditɔ-ŋwɔŋ, akpana eduk ɔtɔkiet.

34.3.2

Mme Enɔ Utre-udia

Mme adausuŋ ufɔk Abasi eteme mbon ufɔk Abasi ete enam mbet utre-udia. Emi esine edinɔ ɔyɔhɔ enɔ utre-udia (se 22.2.2).

Enɔ mme item ke nte edade mme okuk utre-udia enam ŋkpɔ ke 22.5.2).

34.3.3

Mme Okuk eke Missionary

Eda mme etibe-okuk esinde ke okuk ward missionary akpan-akpan man enam mme ubiere etibe enɔ mme full-time missionary.etode ward oro.

Ufɔk Abasi eda mme etibe-okuk akade General Missionary Fund enam ofuri utom eke ukwɔrɔ-ikɔ Abasi.

34.3.7

Mme Etibe-okuk eke Mikemeke Edifiak-nyak-nnɔ

Kini ema eyak mme mbak-duop ye mme enɔ eken enɔ Ufɔk Abasi, mmɔ edi eke Abasi. Ema eyak mme okuk oro enɔ Enye.

Mme stake president ye bishop edɔhɔ mbon emi ekenɔde mbak-duop ye mme enɔ emi ete ke owo ikemeke edifiak mkpɔŋ mme enɔ nyak-nnɔ aba.

34.4

Ndibe-nkpɔ eke Mbak-duop ye mme Enɔ Eken

Ibat okuk mbak-duop ye mme enɔ eken emi andikpe ekpede edi ke ndibe. Bishop ye mbon enɔde unen ete ekama mme ese mme etibe-okuk emi kpɔt edikut mme etop nkpɔ okuk emi.

34.5

Nte Ekamade Okuk Ufɔk Abasi

Stake president ye bishop ekut ete ke enehede ekama ofuri okuk eke Ufɔk Abasi. Eteme mme bishopric ye mme clerk ete ese ndise-video oro “Ndisa Okuk, Ndisana Ubiɔŋ-utom” ekpedi ini kiet ke isua kiet.

34.5.1

Ido-mbet eke Nsaŋa

Ido-mbet eke nsaŋa oyom owo iba—owo eke bishopric ye clerk kiet, mme owo eke bishopric iba—enehede esine kini ewetde mme edemede mme okuk Ufɔk Abasi enɔ eda enam utom.

Mme adausuŋ ana ekpeme ndien ekunyuŋ ebuana mme enyiŋ-usuŋ mmɔ (se 33.9.1.1).

34.5.2

Edibɔ Mbak-duop ye mme Enɔ Eken

Abasi ama ɔnɔ mme bishop edisana unyime eke edibɔ nyuŋ mbat mme mbak-duop ye mme enɔ eken eke Ndisana owo (se Doctrine ye Covenants 42:30–33; 119). Bishop ye mme ɔnɔitem esie kpɔt ekeme edibɔ mme mbak-duop ye mme enɔ eken Inaha nte mme iban mmɔ, mbon ufɔkemana mmɔ eken, mme clerk, mme mbon ward eken edibɔ mme etibe-okuk emi ke ndaha ekededi.

34.5.3

Edise nyuŋ Nwet Mbak-duop ye mme Enɔ Eken

Ana esɔŋɔ enyuŋ ewet mme etibe-okuk ke Sunday emi ekebɔde mmɔ. Owo eke bishopric ye clerk, mme owo eke bishopric iba, etat, efɔk-ŋwed kiet-kiet ɔtɔkiet. Mmɔ edisɔŋɔ ete ke mme okuk oro esinede edi ukem ye ibat emi ewetde ke ŋwed Mbak-duop ye mme Enɔ Eken. Mmɔ enehede ewet enɔ-okuk kiet-kiet. Edieke mme okuk ye ibat ewetde okpuhɔde, mmɔ eyesɔp esobo ye andinɔ man eneŋede unana-edikem oro.

34.5.4

Edinim Mbak-duop ye mme Enɔ Eken

Ana enam nte edinimde-okuk ke ema ekekut ete ke mme ibat ewetde ekem ye mme okuk emi ekebɔde.

Ke nde emi ebiet-unim-okuk odude ke ofuri hour Edip-ye-inaŋ, owo bishopric ye akama Itie-oku Melchizedek efen ekenim mme okuk oro ke ebiet-unim-okuk ke ukem usen oro ekekubɔde enyuŋ esɔŋɔ mme okuk oro.

Ke nde emi ebiet-unim-okuk miduhe ke ofuri hour Edip-ye-inaŋ ndien esiberi ebiet-unim-okuk ke Sunday, bishop eyedɔŋ akama Itie-oku Melchizedek kiet man akanam edinim-okuk oro ke edem usen utom oro. Ana enye:

• Okut ete ke ekpeme mme okuk tutu eda mmɔ ekenim.

• Ɔbɔ nwed edinim emi owutde usen ɔfiɔŋ ye ibat okuk ekenimde.

34.5.5

Edikpeme Okuk Ufɔk Abasi

Mbon ufɔk Abasi emi enyenede ubiɔŋ enɔ okuk Ufɔk Abasi inaha nte eyak mme okuk oro enim ke ufɔk-mbono ufɔk Abasi man esiere-eyo mme ediyak mmɔ nim ntre ke ini ekededi, oruk nte kini mme esop ye mme edinam.

34.5.7

Edikama mme Okuk se Ekpe ke Ward ye Stake

Inaha nte eda okuk stake mme eke ward edep nkpɔ mme edikpe ke nkpɔ ekekdedi ke adaibuot anam-utom minɔhɔ unyime.

Mme enyene-unen adausuŋ ana enyime okuk kiet-kiet ekekpede. Kiet kotu mmɔ ana edi owo eke stake presidency mme bishopric. Okposukedi ekeme edinyime mme ɔnɔitem ete enyime man ekpe okuk, stake president mme bishop ana afiak-ese okuk kiet-kiet ekekpede. Mme adausuŋ inaha nte enyime edikpe-okuk nnɔ idem mmɔ.

Eyom ewewet unyime eke stake president mbemiso bishop ekeme edida mme enɔ utre-udia mme edinyime editobo eke bishop nnɔ idemesie mme ufɔkemana esie. Eyom ewewet unyime eke owo eke Area Presidency mbemiso bishop ekeme edida mme enɔ utre-udia mme edinyime editobo eke bishop nnɔ stake president mme ufɔkemana esie. Se 22.5.1.2 yom mme item.

Owo ufɔk Abasi ekeyomde efiak ekpe-okuk emi enye akabiatde eyenɔ mme okokut nwed okuk mme eke nkpɔ-ofim emi ekekpede mme nwed nkpɔ edepde. Enye nko ana esin ntak, ibat-okuk, ye usen ɔfiɔŋ emi ekedepde.

Edieke ekebakde enɔ mme okuk oro, owo ufɔk Abasi oro eyenɔ ebeŋe nwed edikpe okuk, owutde ntak, ibat-okuk, ye usen ɔfiɔŋ. Ke ema ekekpe okuk ekure, ekem owo ufɔk Abasi oro (1) eyenɔ nwed okuk ekpede mme nwed nkpɔ edepde ke mme okuk emi ekebiatde ye (2) afiak emen okuk eke mibiatke edinɔ. Ana nte efiak ekenim mme okuk emi efiakde emen ediyak enɔ.

34.5.9

Edinim mme Nwed eke Nkpɔ-okuk

Stake ye ward kiet-kiet ana enim mme nnen-nnen ŋwed ŋkpɔ-okuk eke idahaemi.

Eke etop kabaŋa nte ekamade ye enimde mme nwed ye etop, mme clerk ana ekese mme item otode itie-etak Ufɔk Abasi mme area ofice oro. Ana enim mme nwed nkpɔ-okuk ke ekpride nte isua ita diana ke isua eke idahaemi.

34.6

Ibat-okuk-edinyenede ye nte Ebiatde

Edinam ediyak ibat-okuk enyenede ɔnɔ ofuri Ufɔk Abasi okuk man eda ekpe mme edinam-mbre ye mme mbubehe eke mme stake ye eke ward.

Ediwak edinam-mbre ana edi mmem-mmem onyuŋ oyom ekpri okuk mme iyomke-yom.

34.6.1

Mme Ibat-okuk se Ward ye Stake Enyenede

Ofuri mme stake ye ward ebeŋe enyuŋ enyene ibat-okuk enyenede ke isua kiet-kiet. Stake president akama okuk se stake enyenede, ndien bishop akama okuk se ward enyenede.

Ebat mme item ke idak emi:

• Ese ibat okuk ebiatde ke edem isua oro man okut ete ke etre edibiat-okuk nte ekebiatde.

• Ɔdɔhɔ mme nka ete esin ibat-okuk se eyomde man anwaŋa.

• Ada mme ido edinyime ibat-okuk edibiatde enim ibat-okuk se enɔde.

34.6.2

Ibat-okuk Enɔde

34.6.2.1

Edideme-okuk Nnɔ

Esideme mme okuk enɔ akaŋ inaŋ ke isua kiet etien ke nte edukde ke mme ndaha ntem:

• Esop udia-ɔbɔŋ

• Mkparawa irenowo

• Nkaiferi Iban

• Nditɔ-ŋwɔŋ eke Primary eke isua edide 7­­ 10

• Mkpri single adult

Edi akpan nkpɔ edinɔ etop ediduk nnen-nnen ye ke ini (se 33.5.1.1).

34.6.2.2

Edinehede Nda Okuk-enɔde Nam-ŋkpɔ

Mme stake president ye bishop ana ekut ete ebiat mme okuk se enɔde ke usuŋ emi ɔfɔnde.

Ana eda mme okuk se enɔde stake ye ward ekpe enɔ kpukpru mme edinam-mbre, mbubehe, mkpri-ŋwed, ye mme ŋkpɔ eke edemede-enɔ.

34.6.2.3

Nsuhɔ Okuk-ekenɔde

Inaha nte ebiat mme nsuhɔ okuk emi ekenɔde. Ana efiak eyak mme nsuhɔ okuk eke ward enɔ stake.

34.7

Unam-ibat

34.7.1

Esop Unam-ibat ke Stake

Stake president eyenim esop unam-ibat eke stake. Esop emi ekut ete ke ekama mme ŋkpɔ-okuk eke stake ye ward nte asaŋade ye mbet eke Ufɔk Abasi.

34.7.3

Unam-ibat Nkpɔ-okuk

Mme anam-ibat eke stake eyenam mme ibat ŋkpɔ-okuk eke stake, mme ward, ye mme ebiet family history utim ikaba ke isua kiet-kiet.

Ada-ibuot anam-utom ke nkɔk ufɔk Abasi oro ye clerk emi akamade ubiɔŋ ke ŋkpɔ-okuk ana edu man ebɔrɔ mme mbume kini unam-ibat emi.

34.7.5

Okuk Ufɔk Abasi emi Osopde, Eyipde, Ediade, mme Edibiat ke Idiɔk-usuŋ

Ana esɔp etɔt stake president mme etie-ibuot ke esop unam-ibat eke stake edieke:

• Okuk Ufɔk Abasi osopde mme eyipde.

• Adausuŋ ama eyip-okuk mme abiat okuk Ufɔk Abasi ke idiɔk usuŋ.