“34. Orekmakihnyen Mani ac Karihngihnyacn Mani,” Ma Suleyucklac ke General Handbook (2023).
“34. Orekmakihnyen Mani ac Karihngihnyacn Mani,” Ma Suleyucklac ke General Handbook
34.
Orekmakihnyen Mani ac Karihngihnyacn Mani
34.0
Ikucslah
Sie tahfuh singucul ac mwe sang uh lwelah nuh sin Alu uh in fahsr tukun orekma in molwelah ac ma pahtpaht luhn Leum (liye 1.2). Mani inge muhtahl. Elos fahkwack ke kihsackuhnlah ac luhlahlfongi luhn mempucr ke Alu uh (liye Mark 12:41–44).
34.2
Mwet kol Karihngihn Mani ke Ward se
34.2.1
Pisaprik
Pisap el sruok kunohkohn ekahsr ten inge nuh ke karihngihnyen mani luhn ward. El kunweyac kuhtuh orekma inge nuh sin mwet in kahsruh lal ac mwet in karihngihn ma sihmlac ke ohfuhs.
Pisap se:
-
Luti ac pihrihk mempucr in moli sie tahfuh singucul ac in sang ke inse pwacye (liye 34.3).
-
Liye lah mani luhn ward inge elos karihngihnyuck wo ac orekmakihnyuck wo (liye 34.5).
-
Som checki ma sihmlac orekmakihnyucklac ke kais sie mahlwem ac liye fin oasr elyah silahklahk ahkwoyelah.
-
Liye lah mwet kol ke u ac mwet in karihngihn ma sihmlac ke ohfuhs etuh lah kunohkohn lalos uh muhtahl nuh ke mani luhn Alu uh.
-
Ahkolah ac karihngihn luhpah na fohn se ke yac se (liye 34.6).
-
Ohsun sin mempucr ke ward pacl se in yac se in ahkkahlwemye ma elos oraclah ke sie tahfuh singucul.
34.2.2
Mwet liyacacng ma sihmlac luhn Ward
Pisap el kunweyac mwet in karihngihn ma sihmlac ke ohfuhs ac mwet in kahsruh mwet se ingacn karihngihn ma sihmlac ke mani luhn ward. Mwet in karihngihn ma sihmlac ke ohfuhs enenuh in lohacng nuh ke masap ma ac karihngihn mani luhn Alu ac liye lah ma sihmlac luhn Alu inge pwacye.
Mwet in karihngihn ma sihmlac uh oruh kunohkohn inge:
-
Suhmuhslah ac deposit mani nuh kwewa ma sruokyucki wi mwet se ke pisaprik.
-
Som checki ma sihmlac orekmakihnyucklac ke kais sie mahlwem ac liye fin oasr elyah silahklahk ahkwoyelah.
-
Kahsruh pisaprik in ahkolah luhpah fohn se ke yac se (liye 34.6.1 ac 34.6.2).
-
Liye lah mempucr kuh in utyak liye ma elos tohlah kuh orekmakuhnlah ac kahsruh fin enenuh.
Mwet karihngihn ma sihmlac luhn Alu uh enenuh in oasr Melchizedek Pristut se ac oasr pwepuh in lwelah la nuh tempuhl.
34.3
Kahsruh Ituckyang
34.3.1
Sie Tahfuh Singucul
Sie tahfuh singucul el itucklac ke molin orekma luhn mwet se in sang nuh ke Alu luhn God (liye Doctrine and Covenants 119:3–4; ma kapwack kalmac pa mani sruokyucki tukun orekma). Mempucr nuh kwewa ma orekma ne sruokyac mani se enenuh in sang sie tahfuh singucul.
34.3.1.2
Mwe Fahkwack ke Sie Tahfuh Singucul
Pisap el ohsun nuh sin kais sie mempucr inmahsrlon mahlwem sahflah ke kais sie yac in fahkwack mwe sang lalos ke sie tahfuh singucul.
Mempucr nuh kwewa elos suliyuck in ohsun nuh sin pisap in kuh in:
-
Fahkwack nuh sin pisap ke ma elos oasr kac ke elos moli sie tahfuh singucul.
-
Ahklohye lah mwe sang lalos inge sihmihsyucklac pwacye.
Fin kuh, mwet nuh kwewa in sucu se, finne tuhlihk ah pac, enenuh in tuhkweni liye.
34.3.2
Mwe Sang ke Lalo
Mwet kol ke Alu uh ahkkweye mempucr in moulkihn masap ke lalo. Ma se inge nwacnwack pacna mwe sang ke lalo (liye 22.2.2).
Mwe ahkuhtweyac nuh ke orekmakihnyacn mani nuh ke lalo ahkkahlwemyeyuck ke 22.5.2.
34.3.3
Mani luhn Missionary
Kahsruh nuh ke mani luhn misineri ke ward orekmakihnyuck in fal nuh ke olwelah luhn misineri ke ward se inge.
Kahsruh orekeni nuh ke Mani luhn Misineri orekmakihnyuck sin Alu uh nuh sin misineri nuh kwewa.
34.3.7
Kahsruh Inge Tiac Kuh in Fohlohkihnyuck
Ke sie tahfuh singucul ac mwe sang uh ituckyang nuh ke Alu uh, elos an na ma luhn Leum. Aluiyucklac nuh Sel.
Prestuhn luhn stek ac pisap elos ahkkahlwemye nuh sin mwet ma oruh kahsruh ke sie tahfuh singucul ac mwe sang inge lah kahsruh lalos uh ac tiac fohlohkyang.
34.4
Lukme luhn Sie Tahfuh Singucul ac Mwe Sang Sahyac
Luhpah ke sie tahfuh singucul ac mwe sang sahyac ma ituckyang sin mwet uh tiac ma etweyuck. Pisap ac mwet na ma oasr kuh la in orekma ke ma inge pa muhkwena kuh in liye kahsruh inge uh.
34.5
Orekmakihnyen Mani luhn Alu uh
Stek prestuhn ac pisap elos liye lah mani luhn Alu uh orekmakihnyuck wo. Pisaprik ac mwet ma karihngihn ma sihmlac ke ohfuhs elos ahkkweyeyuck in som liye video “Sacred Funds, Sacred Responsibilities Mani Muhtahl, Kunohkohn Muhtahl” in kuh pacl se ke yac se.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F1f%2F68%2F1f68adec25e13e604ae4234089bcf59f283e97be%2F1f68adec25e13e604ae4234089bcf59f283e97be.jpeg/full/!250,/0/default)
34.5.1
Companionship Principle
Kahs se inge companionship principle enenuh in mwet luo—mempucr se ke pisaprik wi mwet in karihngihn ma sihmlac ohfuhs, kuh mwet luo ke pisaprik—in kuh in tuhkweni orekma ke pacl se sihmihsyuck kuh kihtakawelihk mani luhn Alu uh.
Mwet kol enenuh in karihngihn ac tiac akacsruhi ke password lalos (liye 33.9.1.1).
34.5.2
Eis Sie Tahfuh Singucul ac Mwe Sang Sahyac
Leum El sang nuh sin pisap luhlahlfongi muhtahl se in eis ac fihliyac nuh facl sie tahfuh singucul ac mwe sang sahyac luhn Mwet Luhlahlfongi (liye Doctrine and Covenants 42:30–33; 119). Pisap ac mwet in kahsruh lal muhkwena pa kuh in muhta eis sie tahfuh singucul ac mwe sang sahyac uh. Wacngihn sie pacl muhtwacn kiaclos, kuhtuh mwet ke sucu lalos, mwet in karihngihn ma sihmlac ke ohfuhs, kuh kuhtuh mwet sahyac ke ward kuh in eis kahsruh inge.
34.5.3
Ahkpwacyei ac Suhmuhslah Sie Tahfuh Singucul ac Mwe Sang Sahyac
Kahsruh inge enenuh in ahkpwacyeiyucklac ac sihmlac na ke Sacnri se elos eis ah. Mempucr se ke pisaprik ac mwet se ma karihngihn ma sihmlac ke ohfuhs, kuh mwet luo ke pisaprik, tuhkweni ikacslah kais sie envelope ingacn. Elos ahkpwacyei lah mani se loac ngacn oacna sie nuh ke luhpah se sihmlac ke Tithing and Other Offerings form [pwepuh se ke Sie Tahfuh Singucul ac Mwe Sang Sahyac]. Elos suhmuhslah pwacye kais sie kahsruh ingacn. Fin mani sacn ac ma se sihmlac ingacn tiacna oacna sie, elos silahklahk ohsun nuh sin mwet se oruh kahsruh sacn in ahkwoyelah elyah sacn.
34.5.4
Deposit Sie Tahfuh Singucul ac Mwe Sang Sahyac
Deposit se enenuh in ahkolah tukun oreklac luhpah se sihmihsyucklac in fal nuh ke mani se orekeni ah.
Fin oasr bank kuh in oruh deposit ao 24, mempucr se ke pisaprik kuh sie mwet sruok Melchizedek Pristut som deposit iyac mani sacn ke na lwen se ikacklah kahsruh sacn ac ahkpwacyeiyucklac.
Fin wacngihn bank kuh in oruh deposit ke ao 24 ac bank sacn kaul ke Sacnri, pisap el sang nuh sin sie mwet ma sruok Melchizedek Pristut in som oraclah deposit sacn ke lwen in orekma se tok an. El enenuh in:
-
Ahklohye lah mani sacn safe nuh ke na el deposit iyac.
-
Eis receipt se lah pwacye deposit na ke lwen sacn ac luhpah ma deposit an.
34.5.5
Karihngihn Mani luhn Alu uh
Mempucr ma oasr ma kunac ke mani luhn Alu uh tiac enenuh in fihliyac mani ingacn ke fong sacn an ke acn in toeni an kuh fihliyac sahyac pacl nuh kwewa, finne nuh ke pacl in toeni kuh oasr mukwikwi orek.
34.5.7
Ahkfahsrye Payment nuh sin Stek ac Ward
Wacngihn ma kuh in totolac luhn stek kuh ward ma moullac fin mwet kol se tiac lwelah.
Mwet kol luo enenuh in ahkkweyelah kais sie payment ingacn. Sie selos enenuh in mempucr ke prestuhnsi luhn stek kuh pisaprik. Finne mwet in kahsruh luhn pisap elos kuh in ahkkweyelah payment uh, prestuhn luhn stek kuh pisap elos enenuh in liye kais sie payment ingacn. Mwet kol uh tiac enenuh in sifacna ahkkweyelah payment.
Lwelah yurin stek prestuhn enenuh meet liki pisap el orekmakihn mwe sang ke lalo kuh ahkkweyelah nguhsr se luhn pisap nuh sel sifacna kuh nuh sin sucu lal an. Sihm in lwelah se yurin mempucr ke Prestuhnsi luhn Eria enenuh meet liki pisap el orekmakihn mwe sang ke lalo kuh ahkkweyelah nguhsr se luhn pisap nuh sin prestuhn luhn stek kuh sucu lal. Liye 22.5.1.2 nuh ke mwe ahkuhtweyac.
Mempucr ma ngihsre fohlohkihnyacn ma elos molwelah uh enenuh in ahkolah receipt kuh invoice ma elos tohlah ke pwepuh kuh ke electronics. El enenuh pac in suhmuhslah srihpac, luhpah, ac lwen se el moli ma ingacn.
Fin mani an sa, mempucr se el suhpacng molin ma ingacn, suhmuhswacng pacna srihpac, luhpah, ac lwen an. Tukun moliyucklac ma ingacn, na mempucr se ingacn kuh in (1) sang receipt kuh invoice ke ma totolac an ac (2) fohlohkohnwacng kwewa ma tiacna moullac uh. Mani fohlohkihnyuck uh enenuh in sifilpac deposit.
34.5.9
Sruokyacna Ma Shmlac ke Mani
Kais sie stek ac ward enenuh in sruokyac na ma sihmlac pwacye, ingena ke mani an.
Mwe ahkkahlwemye nuh ke orekmakihnyac ac fahsriyacn ma sihmlac ac ripohrt, mwet karihngihn ma sihmlac inge enenuh in suk ahkuhtweyac kac an yurin headquarters luhn Alu uh kuh mwet ke eria ohfuhs. Ma sihmihsyucklac ke mani inge enenuh in an lusen yac tolu ma weacng pacna yac sacn.
34.6
Budget ac Ohiyac ma Sisilac ke Mani
Budget prokracm el kahsruh se nuh sin Alu uh fin facluh in kuh in moli mukwikwi ac prokracm ke stek ac ward.
Inkaiyen mukwikwi inge enenuh in fihsrwacsr ac ac in srihklac ma totolac kac kuh in wacngihn pac.
34.6.1
Stek ac Ward Budget
Stek ac ward nuh kwewa ahkolah ac oraclah budget lalos ke yac se. Stek prestuhn el pa karihngihn stek budget, ac pisap el karihngihn ward budget.
Mwe kolyuck an pac tahklac ten inge:
-
Sifil lohacng nuh ke luhpah ma totolac ke yac se meet ah in ahkwoyelah ma enenuh in sifil ituckyang uh.
-
Siyuck kais sie u in oraclah sie luhpah ke budget lalos ke ma elos enenuh.
-
Oracni budget ingacn orekmakihn budget se ma ahkkweyeyucklac ah.
34.6.2
Mani ma Orekmakihnyuck
34.6.2.1
Luhpan Mani Orekmakihnyuck
Oasr luhpah se orekwelihk ke kais sie kohtoh wiwina pihsen mwet ke kais sie u inge:
-
Sackramacn miting
-
Mukul Fuhsr
-
Muhtwacn Fuhsr
-
Matwacn Tuhlihk srihsrihk yac 7–10
-
Mwet fuhsr mahtuh
Yohk srihpac in fahkwack ke pihsen mwet wi alu in pwacye ac ke na pacl sac (liye 33.5.1.1).
34.6.2.2
Orekmakihn Wo Budget
Stek prestuhn ac pisap elos liye in wo lah ma som ke budget lalos uh orekmakihnyuck wo.
Budget luhn stek ac ward uh enenuh in sang moli mukwikwi, prokracm, manual, ac kuhfa nuh kwewa.
34.6.2.3
Budget Yolyak
Mani yolyak uh tiac enenuh in moulkihnyucklac. Mani yolyak luhn ward enenuh in fohlohkihnyucklac nuh ke stek.
34.7
Audits
34.7.1
Committe in Audit se luhn Stek
Prestuhn luhn stek el srihsrngiyac committee in audit se luhn stek. Committee se inge ahkolye lah mani luhn stek ac ward uh fahsr fal nuh ke masap luhn Alu uh.
34.7.3
Liye Orekmakihnyacn Mani
Mwet karihngihn mani se el checki orekmakihnyacn mani ke stek, ward, ac family history center pacl luo in yac se.
Mwet kol se ke acn sacn wi mwet karihngihn mani ke ohfuhs enenuh in oasr in topuk kwewa kihsensiyuck ke sirape sacn.
34.7.5
Luhpah se Wacngihnlac, Pihsrapasrlah, kuh Orekmakihn ke ma sahyac Mani luhn Alu
Prestuhn luhn stek kuh mwet kol se ma us mwet karihngihn mani inge enenuh in etuh ke pacl sacn na fin ma inge:
-
Mani luhn Alu uh tuhlac kuh pihsrapasrlah.
-
Mwet kol se pihsraclah kuh orekmakihn mani luhn Alu uh ke ma sahyac.