rechad el melatech a mado e vacuum

35.

Omekerreu me a Usbechellel Omekedecheraol

35.1

Moktek

A Ikelesia remuul omekedecheraol me a rechad el mong a sebechir el:

• Meruul e omekbeches a telbiil er a chedaol ruoll (mesa Doctrine and Covenants 20:75; 59:9–12).

• Mo kebetech (mesa 3 Nephi 18:22–23).

• Dmak el meluluuch e ngara omengull (mesa Mosiah 18:25; Moroni 6:9).

• Olisechakl e olngeseu er a ta me a tang (mesa Moroni 6:4–5).

• Meruul a bebil er a mla mengai a kengei er ngii el tekoi el klouadel er tial bliongel.

35.2

Deruchall me a Ngerachel

35.2.2

Oungerachel Omekedecheraol er a Ikelesia

A chad loureor er a Ikelesia oungerachel lolngeseu a bek el stake lomes omekedecheraol. Ngii a mesmechokl a meklou kedmekill, omengedmokl, me a ruoll.

A lusbechall, e a oungerachel olngeseu lolisechakl er tirkel lomtechei a stake me a ward el kmo ng mekera longedmokl omekedecheraol me a bebil er a ureor. Ngerchelel lolisechakl, oltobed a klekedall, me a klalou.

Ngii a dirrek lobengkel a klebisop lomes a chitel el udoud.

35.2.7

Klebisop.

A klebisop (a lechub a oungerachel omekedecheraol) a olisechakl er a rechad a usbechellel, ulekereuil, me a kdemeklel omekedecheraol. A klebisop a dirrek lotobed a kiis el mo er a roungerachel er a ward.

Te kerekikl me a omilil er a chelsel a blai me a rikl a selbechakl (mesa 20.7).

Te chadecheduch lobengkel a merredel omekedecheraol el kirel a kedmekill el ureor. Ng dirrek el sebechir lomes a chitel a udoud lobengkel a merredel omekedecheraol.

35.2.9

Oungerachel Omekedecheraol er a Ward

A bisop omes el kmo ng mo mekodongii a mo oungerachel omekedecheraol er a ward. A lsekum eng mo uaisei, e a klebisop a mekodongii a klou el chad el sebechel sechal a lechub eng redil. A lsekum eng diak el mokedong a oungerachel omekedecheraol er a ward, e a bisop a sebechel nguu tial ngerachel el msa tara counselor ngii, clerk er a ward a lechub a olngeseu er a clerk er a ward, a lechub a secretari.

A oungerachel omekedecheraol er a ward a skiterir a rechad me a resorir lolngeseu el mo mengedmokl er a omekedecheraol. Ng osischekelterir a bek el ureor lousbech aikel ngarngii el klekedall me a dongu.

35.3

Ngarngii Lomekedecheraol

A omekedecheraol a kakerous a meklungel me a teletelel lultuil er a usbechellir me a teletael er a rechad. Ng sebechel teleketek el blai er a Ikelesia a lechub eng mla obechar, a lechub eng blil a chad, ng skuul a lechub eng basio el buai, lengiil basio a lechub eng kuk ngodech el blal kengei er ngii.

A roungerachel er a ikel basio er tir a melasm lousbech aikel ngarngii lomekedecheraol e mo kerekikl a lmuut el bebil er a usbechall el basio.

35.4

Kedmeklel Omekedecheraol

35.4.1

Mengedmokl me a Urerel Omekedecheraol

A roungerachel me a rechad er a ikel basio er tir, luldimukl er a rengeasek, a ngerchelir lolngeseu el mengedmokl a bek lomekedecheraol meng di ungil kldmokl.

A iioter omengedmokl a diak el kirel mo berraod el mo er a rechad. Okesiul tiang, a lsekum eng cheroid omerael el mong, eng sebechir el mengedmokl er a osisiu el taem le ngar sel basio le ngarngii a kmo ngerang lomeruul.

35.4.2

Ongit Lomekbeches

A rechedal a chelechad er a ward me a stake a sebechir lolengit lomekbeches omekedecheraol. Tia sebechel mekedmokl lokiu a Facility Issue Reporting (FIR).

35.4.5

Kerekikl me a Mengkar

A roungerachel me a rechad a kirir:

• Kerekikl me a hallway, stairs, tuangel, me a mekekerei el blai a selbechakl siseball me a tebedall er ngii.

• Diak lousbech a lechub e lomechei a kengaol a lechub obuu el klalou er a omekedecheraol.

• Kudmeklii e oltirakl a teletael er a omengeseches omekedecheraol.

• Mengkar a kloklel a Ikelesia meng diak el merechorech.

• Mengei el kmo ng mekera lomekeuad a rua ralm, dengki, kas me a cheluch.

A lusbechall, e a merredel omekedecheraol a sebechel lochotii a map lolecholt a basio er a klekedall el rua omekeuad a ngau, blil a first aid, me a basio el domekeuad a rua dengki. A lmuut el bebil er a omesodel a ngarngii er a “Security and Lockup Procedures” er a “Maintaining Meetinghouses” (Meetinghouse Facilities Guide). Dirrek el mesa 20.7.

35.5

Llach el Kirel a Usbechellel a Kloklel a Ikelesia

35.5.1

Sunga

A omekedecheraol a kirel melutk a blekeradel er a omengull el mo er a Jesus Kristo e olecholt er a klaumera er a rechad er Ngii. A sunga er a lecheklel a Jesus Kristo a kirel ngarngii er a bek lomekedecheraol lolchotel tial klaumerang.

35.5.2

Ikel Diak el Kirel Meruul er a Chelsel Omekedecheraol

35.5.2.1

Kirel Oteruul

A kloklel a Ikelesia a diak el kirel usbechall er a moktek er a oteruul. Okesiul tiang, ng diak lusbechall loldubech a ngii di el siobai. Tia diak loltirakl a moktek er a kloklel a Ikelesia. Ng dirrek el sebechel lomtok a llach er a beluu el kmo a Ikelesia diak el harau a tax.

Melai er a rechad el me mengedecheduch a lechub e te olisechakl el mengesuseu er a rebebil, osiik er a re okiak, a lechub e te udeudel er a ikel loruul, a lechub eng suobel (eng di a osisechakl er a omesubel a piano me a organ a sebechel; mesa 19.7.2), exercise, me a bebil er a omilil a diak el kirel.

35.5.2.2

Moktek er a tekoi er a Balatiks

A kloklel a Ikelesia diak lusbechall er a tekoi er a balatiks. Tia uldimukl a miting el kirel a tekoi er a balatiks a lechub a campaign. A Ikelesia a di ruebet er a delongelel a tekoi er a balatiks (mesa 38.8.30).

35.5.2.3

Bebil er a Usbechellel

A bebil er a diak el kirel usbechellel a kloklel a Ikelesia a uldimukl er ngii a:

• Chelderoder el teletael er a klekool a lechub a bebil er a teletael el diak loldubech a Ikelesia. Rechad er a chelitakl er a beluu eng di okul a chebechiil er a beluu a sebechel (mesa 38.3.4 el kirel a chebechiil er a beluu).

• Kongei a cheliuaiu a le klebesei (ng di tekoi er a bkaischemrungel a sebechel; mesa 35.5.4).

• Camp a lechub a bebil er a omilil el mo kirir el bad el mo tutau

Aikakid el bebil er a usbechellel a blechoel diak le kengei. A roungerachel a kirir el mengedecheduch er a merredel omekedecheraol a lomelchesiu el kirel usbechall.

• Mo lengiil omekedecheraol a lechub a kloklel a Ikelesia.

• A usbechellel a kloklel a Ikelesia el kirel a tekoi er a sengkyo; a locha mo sebechel a lsekum a remengeteklel a kabelment a olengit leng kmal diak a basio le betik er ngii e dirrek el tial teletael a diak a ngerang el bol temelii el kirel a Ikelesia (mesa 38.8.30)

35.5.4

Bkaischemrungel

Sel dubech a bkaischemrungel, e a merredel er a stake omdasou el kmo ngmorngii a miting er a ward me a stake ng diak. Ng sebechel kongei me a omekedecheaol me a kloklel a Ikelesia a mo usbechall el basio er a delengchokl me a ikel rokui el telengtengil.

35.5.10

Omelai el Siasing me a Video er a temel a Miting er a Sakrament

A miting er a sakrament a chedaol. Tiaikid a uchul, e a omelai el siasing me a video er a temel a sakrament a diak el kirel.

A omesodel otebedel a miting er a sakrament me a bebil er a miting el mo er a melidiul, e mesa 29.7.