34.

Udoud me a audits

34.0

Uchelel

A ongeltacher me a uldars a uchul e a Ikelesia mengedmokl er a urerel a Rubak el kirel a mo suobel me a ngar el mo cherechar (mesa 1.2). Aika el udoud a chedaol. Ng olchotel a klekurusii me a klaumera er a rechedal a Ikelesia (mesa Markus12:41–44).

34.2

Oungerachel a Udoud er a Ward

34.2.1

Klebisop

ikakid a ngerchelel a bisop el kirel a udoud er a ward. Ng mii a bebil er tial ngerachel el mo er a re counselor ngii me a re clerk.

Bisop:

• Olisechakl e melisiich er a rechedal a ikelesia el mo melecha mui longeltacher me a uldars (mesa 34.3).

• Kerekikl lomes me a udoud er a ward kldmokl e llechukl a rokui el tekoi el kirel (mesa 34.5).

• Omes a teletelel a udoud er a bek el buil e kerekikl me a ikel ko er a mondai a ungil mesmechokl.

• Kerekikl lomes me a roungerachel a chelechad me a clerk a suub a ngerchelir el kirel a chedaol ududel a Ikelesia.

• Mengdmokl e omtebechel a iiosang er a ward er a bek el rak (mesa 34.6).

• Kebetech lobengterir a rechad er a ward er a bek el rak el mo medengelii a klungel ongeltechelir.

34.2.2

Re clerk er a Ward

A bisop oterkeklii a clerk er a ward a lechub a olngeseu er a clerk el mo olngeseu el rekord a udoud er a ward. A re clerk a kerekikl loltirakl a llach el mengeluolou a ududel a Ikelesia e kerekikl me a rekord er a Ikelesia a bleketakl.

Aikakid a ngerchelel a clerk:

• Rekord e melecha udoud el mengai er a bank lobengkel a tara chedal a klebisop.

• Omes a rekord er a udoud er a bek el buil e kerekikl me a ngii di el mondai a ungil mesmechokl.

• Olngeseu er a klebisop el mengedmokl er a iiosang er a ward er a bek el rak (mesa 34.6.1 and 34.6.2).

• Kerekikl me a rechedal a ikelesia a ngmai a babier tir lolchotel a bla lecha ludoud e olngeseu er tir a lusbechall.

A re clerk a kirir loba Melchizedek Priesthood me a beches el babier er a mo er a templo.

34.3

Uldars

34.3.1

Ongeltacher

A ongeltacher a teruich el basent er a cherrengelel a ududel a chad el mo er a Ikelesia er a Dios (mesa Doctrine and Covenants 119:3–4; el dodengelii el kerkerengel a chad. A rokui el chedal a ikelesia el ngarngii a kerkerengir a kirir melecha ongeltacher.

34.3.1.2

Ouchais el kirel Ongeltacher

A bisop a mo kebetech lobengterir a dersta el chad er a ikel sesei el buil er a ulebongel er a rak el mo ouchais el kirel ongeltechelir.

A rokui el chad a kirir el mo mesa bsiop el mo:

• Ouchais er a bisop el kirel a deruchellel er a ongeltacher.

• Omes me a rekord er a udoud el bla lodars a ungil.

A lsebechel, e a rokui el chedal a telungalek, luldimukl er a rengalek, a sebechir dmak el mong.

34.3.2

Uldars er a Sengerenger

A roungerachel er a Ikelesia a mengelechel er a rechad el mo oltirakl er a llechul a sengerenger. Tia uldimukl er ngii a uldars er a sengerenger (mesa 22.2.2).

A teletelel a usbechellel a uldars er a sengerenger a ngara 22.5.2.

34.3.3

Udoud el mo er a Misionary

A uldars er a udoud el mo er a remisionari a kmal di usbechall el mo olngeseu er tirkel cherrungel el misionari er a ward.

A uldars el mo er a General Missionary Fund a lousbech a Ikelesia er a cherrengelel a urerel a misionari.

34.3.7

A Uldars er a Udoud a Diak el Sebeched el Muut el Ngmai

A ongeltacher me a bebil er a uldars er a udoud el modars el mo er a Ikelesia, a kloklel a Rubak. Ng mla moterekokl er Ngii

A remerredel a stake me a rebisop ouchais er tirkel melecha ongeltacher me a uldars er a udoud el kmo aika diak el sebechir el muut el melai.

34.4

Mengeluolou a Tekoi er a Ongeltacher me a Bebil er a Uldars

A klungel a ongeltacher me a bebil er a uldars lecha chad a berrotel. Ng di tal bisop me tirkel mla metutk loungerachel el melai a lechub e te omes aika el uldars a di tir a omes e merekong.

34.5

Oungerachel a Ududel a Ikelesia

A merredel er a stake me a bisop a kerekikl me a rokui ludoud er a Ikelesia a ungil kldmokl. A klebisop me a re clerk a ungil a bo lomes er a video el “Sacred Funds, Sacred Responsibilities” el kesengil eng tang er a tal rak.

34.5.1

Tekoi el kirir a re Kaukledem

A tekoi el kirir a re kaukledem a kmo ng kirel teru el chad—a chedal a klebisop me a clerk, a lechub teru el chedal a klebisop—a mo rekord e oltobed a ududel a Ikelesia.

A roungerachel a kirir lomecheliu e diak louchais er a password er tir (mesa 33.9.1.1).

34.5.2

Melai Ongeltacher me a Bebil er a Uldars

A Rubak a mla mesterir a chedaol ngerachel a rebisop el melai e meluches a ongeltacher me a bebil er a uldersir a Resanto (mesa Doctrine and Covenants 42:30–33; 119). Ng di tal bisop me a re counselor ngii a sebechir el melai a ongeltacher me a bebil er a uldars. Ng kmal diak el sebechir a rebecherir, bebil er a rechedal a telungalek er tir, re clerk, a lechub a rebebil er a rechedal a ward el melai aika el uldars.

34.5.3

Omes e Rekord Ongeltacher me a Bebil er a Uldars

A uldars a kirel mo ungil moues e mo llechukl sel mengai er sel Sandei el sils. A chedal a klebisop me a clerk, a lechub a teru el chedal a klebisop, a dmak e omok a bek el huto. Te kerekikl lomes me a udoud el ngara huto a chatter er a klungel a udoud el llechukl er sel babier el Ongeltacher me a Bebil er a Uldars. Te kmal mo ungil rekord a bek luldars A lsekum a udoud me a llechukl er a babier a kakerous, eng kirir el mesa ngike el chad er sel kot el mereched el taem el mo smodii el meketeklii.

34.5.4

Melcha er a bank a Ongeltacher me a Bebil er a Uldars

A udoud el mo er a bank a kirel mekedmokl ruriul er a leues a rekord me a klungel a udoud el kmo ng chatter.

A le ngarngii a bank el lluich me a eua el sikang a temel sebeched el melecha udoud, e a chedal a klebisop me a tara oba Melchizedek Priesthood a mo locha er a bank er sel osisiu el sils el mlengai a udoud.

A lak a lluich me a eua el sikang a temel bank el sebeched el melecha udoud e chelsimer a bank er a Sandei, e a bisop oterkeklii a oba Melchizedek Priesthood el mo locha er a bank er a bo el kukuk er sel temel a ureor. Ng kirel:

• Kerekikl me a udoud a ungil kldmokl mo lmuut er a le bo er a bank.

• Nguu a receipt lolecholt er a sils el udoud a mlo er a bank.

34.5.5

Mengkar a Udoud er a Ikelesia

A rechedal a ikelesia loungerachel a udoud er a Ikelesia a diak el kirir el mechei er a chelsel a ikelesia el mo bol kukuk a lechub e lak a omes er a ngii di el taem, oumesingd a temel a miting me a omilil.

34.5.7

Orrurt a Chitel a Udoud er a Stake me a Ward

Ng diak otebedellel a udoud er a stake a lechub a ward el mo harau a ngerang a lak el mengai a kengei er a rengarbab loungerachel.

Teru el telutk loungerachel a kirir el kongei a bek lotebedellel a udoud. A ta er tir a kirel chedal omerredel er a stake a lechub a klebisop. Ng uaisei el counselors a sebechir el kongei otebedellel a udoud, eng di a merredel er a stake a lechub a bisop a kirel mo omes. A roungerachel a diak di el tir el kongei a usbechel a udoud el kirir.

A llechukl kengei er a merredel er a stake a ngeiull ruchei er a bisop a lousbech a uldars er a sengerenger el kirel a lechub a telungalek er ngii. A llechukl kengei er a chedal a Area Presidency a ngeiull ruchei er a bisop a lousbech a uldars er a sengerenger a lechub e le kengei er a ongtil a bisop el kirel a merredel er a stake a lechub a telungalek er ngii. Mesa 22.5.1.2 el kirel a teletelel.

A chad lolengit olutel a ududel a kirel lochotii a babier a lechub e ngodureklii er a mesil a receipt a lechub a invoice. Ngii a kirel dirrek locha moktek, klungel, me a sils lulmechar.

A lsekum eng mela udoud ruchei, e a chad a kirel loia ongit er a udoud, lochotii a moktek, klungel, me a sils. Uriul er a leharau a rokui, e a chad a (1) ocholt a receipt a lechub a invoice er a udoud el milechoit e (2) oluut a dimlak lousbech ludoud. A moluut luddoud a kirel muut el mora bank.

34.5.9

Olab a Rekord er a Udoud

A bek el stake me a ward a kirir lolab a beches, e bleketakl el rekord er a udoud.

A omesodel a usbechellel a rekord me a report, e a re clerk a kirir loker er a obis er a Ikelesia a lechub a obis er a ikel basio lengarngii. A rekord er a udoud a kirel medechel kesengil eng edei el rak luldimukl er sel rak le ngarngii.

34.6

Iiosang me a Chitel a Udoud

A prokuram er a iiosang a msa Ikelesia a udoud el kirel a omilil me a omeruul er a stake me a ward.

Oumesingd lomilil a kirel beot e sebechel kekerei a lechub eng diak a iitel a udoud er ngii.

34.6.1

Iiosang er a Stake me a Ward

A bek el stake me a ward a kudmeklii e ousbech er a iiosang er ngii er a bek el rak. A merredel er a stake omtebechel a iiosang er a stake, e a bisop omtebechel a iiosang er a ward.

A teletelel a beldukl riou:

• Omes a iidisel a milchoit ludoud er a mlomerek el rak el kerekikl aikel mle otebedellel a udoud.

• Oker er a bek el chelechad er a klungel a iiosang lousbech er ngii.

• Odekdak a iiosang lousbech er a ulterekokl el teletelel.

34.6.2

Klungel a Udoud

34.6.2.1

Bingel a Udoud

A udoud a obii er a bek ledei el buil lultuil er a iildois er a ikakid el tekoi:

• Miting er a sakrament

• Rengeasek el Sechal

• Rengeasek el redil

• Rengalek er a Primary el rekrir a 7–10

• Rengeasek el mesobil chad

Ng klou a ultutelel el bo lungil report a iidisir a rechad loltirakl a temel (mesa 33.5.1.1).

34.6.2.2

Ungil Usbechellel a Iiosang

A remerredel a stake me a rebisop a kerekikl me a iiosang a ungil otebedellel me a usbechel.

A iiosang er a stake me a ward a kirel usbechall el mo er a rokui lomilil, prokuram, manual, me a klekedall.

34.6.2.3

Derengel a Iiosang

A derengel a iiosang a diak el kirir lousbech. A derengel a iiosang er a ward a kirel moluut el mo er a stake.

34.7

Audit

34.7.1

Chelechad er a Audit er a Stake

A merredel er a stake a melilt er a rechedal a chelechad er a audit er a stake. Tial chelechad a kerekikl me a udoud er a stake me a ward a ungil kldmokl loltirakl a llechul a Ikelesia.

34.7.3

Audit a Udoud

A rechad el audit a kirir el audit a rekord er a udoud er a stake, ward, me a basio er a reksi er a telungalek el eru el taem er a tal rak.

Ngkel officer er a unit me a clerk loungerachel a udoud a kirir el kldmokl el mo onger a ker er a temel a audit.

34.7.5

Remiid, Merechorech, Mecheblad, a lechub a Mengit el Usbechellel a Udoud er a Ikelesia

A merredel er a stake a lechub a chairman er a chelechad er a audit er a stake a kirel mereched el mo medengei a lsekum:

• A udoud er a Ikelesia a mla remiid a lechub eng merechorech.

• A oungerachel a oblad a lechub eng mekngit a usbechellel a udoud er a Ikelesia.