Bliongel mengai er a General Handbook

Beldeklel
Dai
Ousbech a Bliongel mengai er a General Handbook
Dodai ra Osisechakl
- 0. Uchelel Omesodel
- 1. Moktek er a Dios ma Ngerchelem ra Ureor Lolsobel me Ngar el mora Ulebongel
- 2. Olngeseu ra Dersta el Chad ma Telungalek ra Ureor Lolsobel ma Ngar el mora ulebongel
- 3. Osisechakl ra Priesthood
- 4. Oungerachel ma Chelechad ra Chelsel a Ikelesia ra Jesus Kristo
Cheldellel a Ikelesia
- 5. General ma Area Leadership
- Omerredel ra Stake
- Klebisop
- 8. Chelechad ra re Elders
- 9. Relief Society
- 10. Chelchad ra Aaronic Priesthood
- 11. Young Women
- 12. Primary
- 13. Sunday Skuul
- 14. Rmesobil Chedal a Ikelesia
- 15. Seminaries ma Institutes ra Klechelid
Ureor Lolsobel ma Ngar el mora Ulebongel
- Oltirakl ra Ebangkelio ra Jesus Kristo
  - 16. Oltirakl ra Ebangkelio ra Jesus Kristo
  - 17. Olisechakl ra Ebangkelio
  - 18. Meruul Chedaol Ruoll ra Priesthood ma Klengeltengat
  - 19. Chelitakl
  - 20. Omeruul
- Omekerreu ra Rousbech a Ngesou
  - 21. Oldingel
  - 22. Usbechellel ma Siungel a Klechad
- Siotai ra Rokui el mo Nguu Ebangkelio
  - 23. Omerk ra Ebangkelio e Melisiich er Tirkel Beches ma Luueta el Mei
  - 24. Odars a Ngklir a remo Misionari ma Omesiou
- Omak a Telungalek el mo Cherechar
  - 25. Templo ma Ureor ra Reksi ra Telungalek ra Ward ma Stake
  - 26. Babier ra mora Templo
  - 27. Chedaol Ruoll ra Templo el Kirir a re Ngar
  - 28. Chedaol ruoll ra Templo el kirir a re mla Mad
Obis ra Ikelesia
- 29. Miting ra Ikelesia
- 30. Okedong ra Ikelesia
- 31. Cheldecheduch ma Bebil ra Miting Lobengterir a Rechad ra Ikelesia
- 32. Ouchelreng ma Council ra Rechedal a Ikelesia
- 33. Rekord ma Report
  - 33.0. Uchelel
  - 33.1. Cherrengelel a Rekord ra Ikelesia
  - 33.2. Omesodel mora re Clerk
  - 33.4. Rekord ma report ra Ward
  - 33.5. Report ra ikel Loruul a Chedal a Ikelesia
  - 33.6. Rekord ra Rechedal a Ikelesia
  - 33.7. Rekord ra Reksi
  - 33.8. Rekord ra Berrotel Tekoi
  - 33.9. Omtebechel a rekord
- 34. Udoud ma Remerritel a Udoud
- 35. Omekerreu ma Usbechellel Omekedecheraol ra Ikelesia
- 36. Meruul, Melodech, e Omngakl a Beches el Unit
  - 36.0. Uchelel
- 37. Tokubets el Stake, Ward, ma Branch
- 38. Llach ra Ikelesia ma Teletael

33. Rekord me a Report

“33. Rekord me a Report,” Bliongel mengai er a General Handbook (2023).

“33. Rekord me a Report,” Bliongel mengai er a General Handbook

siasing/Llecheklel

chad lomes er a computer

33.

Rekord me a Report

33.0

Uchelel

A mengedmokl a rekord a di mla klou a belkul tekoi er a Ikelesia er a Rubak. Okesiul tiang:

A Adam a milluches er a “hong er a uleklatk” (Moses 6:5).

A Moroni ulisechakl el kmo a ngklir tirkel miltecholb el mo chedal a Ikelesia er a Kristo a mlo llechukl me bol muklatk e le mukeroul lokiu a ungil tekingel a Dios (Moroni 6:4).

A Joseph Smith a ulisechakl el kmo a chad er a rekord a mokedong er a bek el ward el mo rekord a klemerang er medal a Rubak (Doctrine and Covenants 128:2).

33.1

Osenged er a Rekord er a Ikelesia

A rekord er a Ikelesia a chedaol. A tekoi el ngara chelsel a okedeldaol e kirel ungil kldmokl. A teletael er a rekord er a Ikelesia a kongei er a rechedal a ikelesia el mo omes lultuil er a ngerchelir.

A rekord a sebechel ngosuterir a roungerachel:

El mo medengelii ousbech a tokubets el ngesou.
Mo medengei el kmo ngera el chedaol ruoll er a mo suobel a bla lengai a chad a lechub eng kirel ngmai.
Osiik er a rechad er a ikelesia.

Aikakid el rekord a ngarngii el medechel er a ikel unit er a Ikelesia:

Report er a ikel loruul a chad (mesa 33.5)
Rekord er a chedal a Ikelesia (mesa 33.6)
Rekord er a reksi (mesa 33.7)
Rekord er a udoud (mesa bliongel 34)

33.2

Tekoi el mo er a re Clerk

Ng kirir loba beches el babier er a mo er a templo.

A re clerk a kerekikl loltirakl a llach e mengkar a ududel a Ikelesia e kerekikl me a rekord er a Ikelesia a bleketakl. A re clerk a kirir el mereched el subedii oungerachel loba priesthood a le bo er ngii a cheleuid. A lsekum eng mo meringel a losaod a cheleuid, e a clerk a kirel mengedecheduch el mo er sel Confidential Records Office er a klou el obis er a Ikelesia.

Dengua: 1-801-240-2053 a lechub a 1-800-453-3860, extension 2-2053

Toll free (GSD phone): 855-537-4357

Email: ConfidentialRecords@ChurchofJesusChrist.org

A klemengetel a urerel a clerk a kirel klebech me te suub aikel ngerchelir e melemolem el mengeluolou a urerir. Tir el diak el chedal omerredel er a stake a lechub el klebisop a uchul, e ng diak a belkul le mengubet er a urerir sel sekum eng kuk mechederoder a remerredel er a stake a lechub a klebisop.

33.4

Rekord me a Report er a Ward

33.4.1

Klebisop

A bisop omes a teletelel a rekord er a ward.

33.4.2

Ward Clerk

A bek el ward a kirel ngarngii a meduch, e ungil loureor el clerk. Ng modars a ngklel er a rengara klebisop e mokedong e moterekokl lokiu a remerredel er a stake a lechub a ngarbab el councilor. Ng kirel loba Mlechizedek Priesthood me a beches el babier ngii er a mo er a templo. Ng chedal a council er a ward. Ngara ikel miting er a ward el beldukl er a 29.2.

A clerk er a ward a mosisechakl er a rengara klebisop me a ngara clerk er a stake. A rolngeseu el clerk er a ward a sebechir el mokedong el mo olngeseu.

33.4.2.1

Ngerchelir a Remeruul a Rekord

Aikakid a ngerchelel a clerk er a ward, a lechub a telutk lolngeseu:

Melai a rekord er a ureor me a metib el tekoi er a ikel miting er a ward.
Kerekikl me a rekord me a report a bleketakl e oltirakl a temel.

A clerk er a ward a kirel mo ungil medenge ikel klekedall er a Ikelesia el kirel a kedmeklel a rekord (mesa 33.0). Ng ousbech aika el klekedall lolngeseu er a roungerachel el mo medengei a:

Usbechellir a rechad me a chelechad.
A ikel ngarngii klekedall, luldimukl a udoud.

A re clerk er a ward a mengelechel er a rechedal a ikelesia louchais a cheleuid er a rekord er tir.

A bebil er a ngerachel a uldimukl a:

Kerekikl me a chedaol ruoll a ungil e mereched el meluches.
Mengedmokl a Officers Sustained form er a ongdibel er a ward.
Meluches a tekoi el kirel a rechedal a council er a ward.
Mengedmokl a rekord er a udoud (mesa 34.2.2).

33.5

Report a Loruul a Rechedal a Ikelesia

Report a loruul a rechedal a ikelesia a ngosuterir a roungerachel mes a usbechellir a rechad.

33.5.1

Bedengel a Report

33.5.1.1

Report a Iildois er a Rechad

A iidisir a rechad el ngara miting er a sakrament me a ikel miting er a priesthood me a chelechad a llechukl er a computer lousbech er a LCR a lechub a Member Tools.

Miting er a Sakrament A iildois er a rechad el ngara miting er a sakrament a kirel llechukl er a bek el sandei lokiu a clerk er a ward a lechub a olngeseu er ngii. Tial iildois a uldimukl a bedengir a rechad el ngara miting a lechub a lengara melidiul, luldimukl er a re di oldingel.

Miting er a Chelechad sel Sandei. A iildois er a rechad a kirel llechukl er a bek el sandei lokiu a re secretari me a re adviser er a ikel chelechad. A roungerachel er a rengeasek a dirrek lolngeseu el meluches a iidisir a rechad. A ochur a iidisir a rechad el bedengir a ngara miting a lechub e te ngara melidiul, luldimukl er a re di oldingel. A rechad el mesiou el ngara Primary a lechub a roungerachel er a rengeasek er a ward a dirrek luldimukl er a iildois.

A clerk er a ward a sebechel lomtechei a chelechad e lmuches a iidisir a rechad.

33.5.1.2

Report er a Cheldecheduch er a Roldingel

Mesa 21.3.

33.5.1.3

Report er a Bek Ledei el Buil

A bek lochur el ngara report ouchais er tirkel chad lousbech a tokubets el ngesou (mesa Helaman 15:13).

A Report er a Bek Ledei el buil a ngarngii a meklou a belkul tekoi el mesterir a uldaosu a roungerachel sel losiik a ulekrael el kirel a urerel odingel.

A roungerachel er a stake me a ward a blechoel lomes aikel Report er a Bek Ledei el buil el mo medenge teletelir a rebek el chad.

A bek el ward a kudmokl e odurokl a Report er a Bek Ledei el Buil el mo er a klou el obis er a Ikelesia. A clerk a mo mes a report lobengkel a bisop e sola odureklii ruchei er a teruich me a eim el kebesengil a buil er sel ulebongel er a bek el quarter.

33.5.2

Llechukl Ngklir Rechedal a Ikelesia

A klekedall lolab a rekord er a Ikelesia a mesterir a techall a roungerachel el ngmai a ngklir a rechad. Aika llechukl el ngakl a ngosuterir el mo:

Medengei el kmo te ngera dirkak el ngai chedaol ruoll e mla mo sebechir el ngmai.
Te ngera el ngeasek el sechal me a redil a mochu sebechir el mo er a mision.
Ng techa el ngeasek a diak a beches el babier ngii er a mo er a templo.
Ng techa el ngeasek a kirel mo omes er a chedal a klesbiop.

A roungerachel a chelechad a sebechir el ngmai a ngklir tirkel kirir el ngara chelechad er tir.

33.6

Rekord er a Rechedal a Ikelesia

A rekord er a rechedal a Ikelesia a uldimukl er ngii a ngklel a chad, lambang, omesodel chedaol ruoll, me a lmuut el bebil er a tekoi.

A rekord er a rechad a kirel medechel er a ward er sel basio le kiei er ngii. A diak luldimukl, el kmal kesai, a ikel ngeiull a kengei er a rebisop me a remerredel a stake. A ongit el kirel tiang, ea merredel er a stake ousbech er a LCR el mo odureklii tial ongit el mo er a Obis er a First Presidency.

Ng klou a ultutelel mekedmokl aikakid el tekoi:

Lmuches a tekoi el kirel chedaol ruoll.
Odurokl a rekord er a rechad el melukl el mo er a tara ward a lechub e te me soiseb er a ward.
Remuul a rekord er a rebeches el chedal a ikelesia me a rebeches el ngalek el rechad er a blirir a chedal a ikelesia.
Rekord er a kodellel a chad.
Rekord a tekoi er a chebechiil me a blai.

A bisop a lechub a merredel er a stake a kerekikl me a rekord a ngara meral ward ruchei er a longedecheduch er a chad el kirel a:

Okedong er a Ikelesia.
Babier er a mo er a templo.
Melchizedek Priesthood a lechub eng moterekokl el mo er a obis er a priesthood.

Ng dirrek el kerekikl me a rekord a diak a ikakid er ngii:

Llechukl tekoi
Tekoi el kirel a terbengel a chad er a omerenged a lechub a chedaol ruoll.
Kekerongel el chedal a Ikelesia

Ng diak a ngii di el teletael el mengai a lechub eng mocholt a rekord er a chad el mo er a ngii di el chad ng di tal bisop a lechub a clerk.

A rechad a sebechir lomes a tekoi el ngara rekord er tir me a dirrek el rengelekir el kiei lobengterir er a Member Tools app. Te locha sorir el ngmai er a clerk a llechukl babier Lolchotel Chedaol Ruoll. A lsekum e ngarngii a cheleuid, e a clerk a kirel sumechokl er a rekord er a chad.

33.6.1

Ngakl Usbechall er a Rekord er a Ikelesia

Sel meral ngklel a chad, el selaod lokiu a llechul a beluu a lechub a siukang, a kirel mo usbechall er a rekord er a chedal a ikelesia me a certificate er a chedaol ruoll.

33.6.2

Ngarngii a Rekord er Tir el Chedal a Ikelesia

Tirkakid el chedal a ikelesia a kirel ngarngii a rekord er tir:

Tirkel mla metecholb e moterekokl
Tirkel ngariou a rekrir er a etiu el mla mukngeltengat eng di dirkak el metecholb
Tirkel dirkak bo lultebechel leng secherel a bdelrir a uchul, el diak el iior er a rekrir.
A re dirkak el mukngeltengat el ngalek el ngariou a rekrir er a etiu e a ikakid leru el tekoi a mekedmokl:
- Kesengil eng chedam a lechub eng chedil a lechub a demal rubak a lechub a delal mechas a chedal a Ikelesia.
- Tir el teru el chedam me a chedil a kongei me le mekedmokl a rekord. (a lsekum eng di tal chedam a lechub eng chedil oungerachel er a ngalek, e a kengei er ngii a di ungil.)

A chad el eai a rekil mo er bab e ngarngii a rekord er ngii e dirkak el metecholb e moterekokl a diak lulengakl ngarngii a rekord er ngii el chedal a ikelesia. Eng di, a basio er a ward el ngika el chad a kiei er ngii a di orkedii a rekord el mo lmuut sel bol 18 a rekil. Seikid el taem, e alsekum a chad a diak el metecholb e a bisop a suldii tial rekord. Ng kirel ngeiull a kengei er a merredel er a stake.

Ng diak losuld a rekord er tirkel dirkak el metecholb el secherel a bdelrir a uchul el di merekmo ngika el chad olengit a lechub a oungerachel er ngii, luldimukl er a oungalek er ngii.

33.6.3

Rekord er a Rebeches el Chedal a Ward

A clerk er a ward a lechub a olngeseu er a clerk a mo kebetech ngii me a rebeches el chedal a ward er sel rechedel mengai a rekord er tir el mo omes a Teletael er a Chedaol Ruoll el kmo ngungil.

33.6.6

Rekord er a Rechedal a Ikelesia el Mesiou a Basio er a Iikrel a Ward er Tir

33.6.6.2

Rekord er a Recherrungel Misionari

Mesa 24.6.2.8.

33.6.13

Rekord er a Rengalek el Rechad er a Blirir a Delort a Chebechielir

A rokui el rekord er a rechedal a ikelesia ousbech er sel meral ngklel a chad, lokiu a llechul a beluu a lechub a siukang. Tia uldimukl er a rengalek el rechad er a blirir a delort a chebechielir.

A rengelekir a redelort a chebechielir el chad a sebechir el mo er a ward er tir el terung. Ng uaisei el di chimol ward olab a rekord er a ngalek, eng di ng sebechel a diak el ngara unit el rekord er ngii el mekedmokl er sel kuk tara ward le ngarngii. Tia uchul e a ngklel a ngalek me a tekoi el kirel a mo uldi mukl er a ngakl el ngara ward me a klas.

A rengalek el rekord er tir a diak el ngara unit a sebechir el nguu a ngerachel er sel unit.

33.6.15

Rekord er a Kekerongel el mla Melukl el Chedal a Ikelesia

A lsekum a chedal a ikelesia a melukl e kekerongel ngarngii a kuabes el tekoi el kirel, e a bisop a lechub a clerk a sebechel luchesii a tekoi el kekerongel e mla melukl er a rekord er ngii. Ng ousbech er a LCR el meruul er tiang.

A rekord el ngarngii a kekerongel mla melukl a diak el mengukl el mo er a beches el unit el di merekmo a oungerachel loba priesthood a kongei er ngii meng mengukl.

33.6.16

Rekord el ngara “Diak a Address”

A bebil er a taem e kede metik er a ngklel a chad er a ikelesia ruriul el “diak a address” el ngar sel obis er a Ikelesia. Tiaikid el teletael, e a clerk er a ward a rulii ongtil lousbech er a LCR.

33.6.17

Rekord e Mesmechokl a Tekoi el kirel Chedaol Ruoll

Mesa bliongel 18.

33.6.19

Merritel a Rekord er a Rechedal a Ikelesia

Bek el rak e a clerk er a stake a lechub a olngeseu er a clerk a mo omes me a omerritel er a rekord er a rechedal a ikelesia a mekedmokl er a bek el ward lousbech er a LCR. A merritel e rekord a kirel mekedmokl er a June 30 er a bek el rak.

33.7

Rekord er a Reksi

33.7.1

Reksi er a Ward me a Stake

A Rubak a mla dmu el kmo a reksi er a meklou a belkul tekoi el kirel a Ikelesia er Ngii a mo llechukl e mekedmokl (Doctrine and Covenants 69:3; dirrek el mesa bades 5; Alma 37:2).

A bek el unit er a Ikelesia a meluches aikel meklou a belkul tekoi el kirel a unit.

A omelchesel a reksi a chedaol ureor el mo melisiich a klaumera er tirkel meluches me a remenguiu er ngii.

A clerk er a stake a lechub a olngeseu er a clerk er a stake a mengedmokl a reksi er a stake. A klebisop oltirakl osisiu el teletael er a ward. A omesodel a ngarngii el ngara Stake, District, me a Mission Annual Histories er a ChurchofJesusChrist.org.

33.8

Mengeluolou a Rekord

Aika el rekord er a Ikelesia a berrotel, a lengara babier a lechub a computer. Aika uldimukl a:

Rekord er a rechedal a Ikelesia.
Rekord er a Udoud.
Tekoi el medung er a miting.
Ulterekokl babier (luldimukl a rekord er a chelechad er a rechad er a ikelesia).

A roungerachel a kerekikl me a tekoi lolai er a rechad er a ikelesia a:

Klebech el kuk di usbechellel a Ikelesia.
Usbechall lokiu a moktek er a Ikelesia.
Mo er tirkel tir a kirir lousbech.

A tekoi el ngara chelsel a computer a kirel ungil kldmokl e ungil lulcheliu (mesa 33.9.1).

33.9

Omtebechel a Rekord

33.9.1

Mengeluolou

A rokui el rekord er a Ikelesia, report, me a data a kirel kldmokl el diak a ngii di el chad el mo melai, melodech, melemall, a lechub eng olecholt. Aika el tekoi a kirel kldmokl er a ungil basio.

A remiid a lechub eng merechorech el kloklel a lechub eng storage device er a Ikelesia a kirel muchais er a incidents.ChurchofJesusChrist.org. A mekngit el usbechellel a tekoi er a Ikelesia a dirrek el kirel muchais.

33.9.1.1

Usernames me a Passwords

A remerredel a stake, resbisop, me a rebebil er a roungerachel a diak el kirir louchais a username me a password er tir el mo er a re counselor, clerk, secretari, me a rebebil er a rechad.

33.9.1.3

Berrotel Data

Betok el beluu a mla kudmokl a llach lomecheliu a data me a usbechellel a data. Tia uldimukl er ngii a tekoi el kirel a rekord er a rechad me a bebil er a rekord er a Ikelesia el kirel a chad. A le ngarngii a ker er a roungerachel el kirel a llach lomecheliu a data er a rekord er a Ikelesia eng sebechir lomekedong er a obis er a Ikelesia er a DataPrivacyOfficer@ChurchofJesusChrist.org.