35.

Edikpeme ye Edikama mme Ufɔk-mbono

35.1

Ntak

Ufɔk Abasi enɔ mme ufɔk-mbono man otodo kpukpru mbio siduk ekeme:

• Edi-nam nyuŋ mfiak-nam ediomi edi obufa oto ke ndisana edinam (se Doctrine ye Covenants 20:75; 59:9–12).

• Eso-bo ɔtɔkiet (se 3 Nephi 18:22–23).

• Etuk-ibuot enyuŋ ebɔŋ-akam ɔtɔkiet (se Mosiah 18:25; Moroni 6:9)

• Ekpep enyuŋ esin-enwam enɔ kiet eken (se Moroni 6:4–5).

• Ebuana ke mme unyime edikama efen nte emende-ewut ke ibuot nwed emi.

35.2

Mme Utom ye Ubiɔŋutom

35.2.2

Mme Facility Manager eke Ufɔk Abasi

Mme facility manager emi Ufɔk Abasi edade-ke-utom enwam stake kiet-kiet ke edi-nam nkpɔ ke mme ufɔk-mbono. Enye anam ediɔŋ mme ŋkpɔ-ekebiarade, enehede-eyet, ye edikpeme ufɔk kini-kini.

Nte eyomde, mme facility manager enwam eteme mme stake ye ward building representative ke nte edinamde ufɔk asana enyuŋ enam mkpri utom eken. Enye ɔnɔ mme item, ŋkpɔ-edade-enam-utom ye ŋkpɔ-utom.

Enye ekeme edifiak-nse mme okuk-se-ebiatde ke ufɔk oro ye mme bishopric.

35.2.7

Bishopric

Bishopric (mme ward building representative) ekpep mbon ufɔk Abasi nte ekamade, esede-enyin, enyuŋ ekpemede ufɔk oro. Mme bishopric nko edeme mme ukpɔhɔde ufɔk oro enɔ mme adausuŋ eke ward.

Mmɔ ekut ete ke mme edinam enamde ke esit ufɔk oro ye ke anwa-esien ke usuŋ emi ɔfɔnde (se 20.7).

Mmɔ eneme ye mme Facility Manager eke Ufɔk Abasi kabaŋa se eyomde enɔ edise-enyin ye edinam-nkpɔ do. Mmɔ nko ekeme edifiak-nse mme okuk-se-oyomde ye mme facility manager.

35.2.9

Ase Enyin Mbaŋ Ufɔk ke Ward

Bishopric ebiere mme eyekot ward building representative. Edieke mmɔ ebierede edinɔ ikoot emi, bishopric oro ekeme edikot akamba erenowo mme nwan emi edide owo ufɔk Abasi. Edieke mikotke ase enyin mbaŋa ufɔk ke ward, bishop ekeme ediyak ubiɔŋ-utom emi ɔnɔ ɔnɔitem esie kiet, ward clerk, mme andinwam ward clerk, mme akwa ewet-ŋkpɔ ete anam.

Ase enyin mbaŋa ufɔk ke ward oro edi-yom mbon ufɔk Abasi ye mme-anam-utom-mfɔn man enam ufɔk oro asana enyuŋ ekama ufɔk oro. Enye eyekpep mmɔ nte edinamde ubiɔŋ kiet-kiet ye mme ŋkpɔ-enɔde ye nkpɔ-utom.

35.3

Edinɔ mme Ufɔk-mbono

Mme ufɔk-mbono edi ke nsio-nsio ndaha ye utɔ etienede se eyomde ye mme ndaha. Ufɔk-mbono ekeme edi-di enye eke Ufɔk Abasi ebɔpde mme ekpede-okuk ebiet, ufɔkiduŋ eke owo ufɔk Abasi, ufɔkŋwed iduŋ mme anwa obio, ebiet emi ebuɔtde-buɔt, mme ndaha-ebiet efen emi enyimede.

Mme adausuŋ ke area ye isɔŋ-ufɔk edomo edinehede nkama mme ufɔk-mbono ekedude idahaemi ndien enyene-ifiɔk ke editeme mbaŋa mme ebiet efen.

35.4

Edikama mme Ufɔk-mbono ɔfɔn

35.4.1

Edikwɔk ye Edikama mme Ufɔk-mbono ɔfɔn

Mme adausuŋ ke isɔŋ-ufɔk ye mbon ufɔk Abasi, esinede mme iwaad, enyene ubiɔŋ-utom kiet ke edinwam nkama ufɔk kiet-kiet asana ye ke eti ndaha.

Ini edikwɔk emi inaha nte edi mbiomo ɔnɔ mbon ufɔk Abasi. Nte uwutnkpɔ, edieke edika ufɔk oro eide mfina, mbon ufɔk Abasi ekeme edikwɔk ufɔk oro nte ubak edinam eke udua oro kini mmɔ esuk edude do ke ufɔk oro.

35.4.2

Edibeŋe ete Edinehede se Ibiarade

Mbon ufɔk Abasi ke mme mbono-esop eke stake ye ward ekeme editiŋ mbaŋa se eyomde ediɔŋ ke ufɔk oro. Ekeme edi-nam emi ke edi-da ŋkpɔ-utom Facility Issue Reprting .

35.4.5

Ubɔhɔ ye Ukpeme

Mme adausuŋ ye mbon ufɔk Abasi enyene:

• Edinim mme usuŋ-esit-ufɔk, mme-usuŋ-esaŋade-edɔk, mme-usuŋ-ediwɔrɔ, ye mme ubet-ŋkpɔ-utom anwaŋa man etim ebe-eduk enyuŋ ewɔrɔ.

• Inyuŋ ikamake mme edibono ndiɔi mme ufiop ŋkpɔ-utom ke mme ufɔk oro.

• Edinim enyuŋ etiene mme ndaha nte ediyitde ufɔk oro.

• Ebem ikpɔ-ŋkpɔ-utom eke Ufɔk Abasi mabk ediyip.

• Ediɔŋɔ nte etrede mme ŋkpɔ-utom nte mmɔŋ, ikaŋ, ye gas mme aran-ikaŋ.

Nte eyomde, facility manager oro ekeme edinɔ nwed-usuŋ owutde mme ŋkpɔ-unime-ikaŋ, mme ŋkpɔ-utom eke first aid, ye mme ebiet man enime mme ŋkpɔ-utom. Ediwak etop kabaŋa ubɔhɔ odu ke “Security and Lockup Procedures” in “Maintaining Meetinghouses” (Meetinghouse Facilities Guide). Se nko 20.7.

35.5

Mme Mbet ke Edikama Inyene Ufɔk Abasi

35.5.1

Utom-usɔ

Mme ufɔk-mbono akpana owut ido uteŋe ɔnɔ Jesus Christ onyuŋ edi ntiene ɔnɔ edinim-ke-akpanikɔ emi mbon ufk Abasi eneyenede ke Enye. Ana enim utom-usɔ owutde Jesus Christ mme ebiet esaŋade-ebe eke ufɔk-mbono man anwam owut ata edinim-ke-akpanikɔ emi.

35.5.2

Usuŋ Edikama Ufɔk-mbono Emi Owo Minyimeke

35.5.2.1

Edida Nnyam-urua

Inaha nte eda inyene Ufɔk Abasi nte ŋkpɔ unyam-urua. Nte uwutŋkpɔ, inaha nte eda enye enwam ke ŋkpɔ mbubehe ekededi. Oruk edikama oro isaŋake ikikem ye ntak emi mme ebiet Ufɔk Abasi odude. Oro ekeme edifina ye mme ibet -isɔŋ-obio mme eke idut emi ekemede ediyak ekukpe etibe ke ebiet Ufɔk Abasi.

Owo inyimeke edibono mme etiŋ-ikɔ ye ekpep-ŋkpɔ emi eyomde mme andibuana, eyomde mbon-urua mme mbon-utom, mme eke ekpede okuk kini enɔde ukpepŋkpɔ, ukpep-ŋwed (ke ebede edikpep nte ebrede ŋkpɔ-ikwɔ mme ndido enɔ owo, se 19.7.2, mme class edikpep, ye mme edinam efen.

35.5.2.2

Ke-ntak Nkpɔ Mbre-ukara

Inaha nte eda ebiet Ufɔk Abasi man enam ŋkpɔ mbre-ukara. Emi esine edinim mme esop mme usuan-etop eke mbre-ukara. Ufɔk Abasi isinamke ŋkpɔ mbre-ukara (se 38.8.30).

35.5.2.3

Mme Usuŋ Edimama Eken

Edikama mme ebiet Ufɔk Abasi ke mme usuŋ eken eke owo minyimeke esine:

• Edida nam ukpep mbuba-itɔk mme edinam efen eke midihe Ufɔk Abasi enim. Ekeme edinyime ete enam mme nkaikwɔ eke isɔŋ-obio ye mme ndɔ eke iduŋ (se 38.3.4 kabaŋa ndɔ eke iduŋ).

• Edinyime ena-na esiere-eyo (ke ebede kini mme ediwat-ŋkpɔ; se 35.5.4).

• Nna-ekɔŋ mme ke edinam efen emi esinede edina nsiere-eyo.

Owo inyimeke eda ofuri mme nkpɔ emi enam ŋkpɔ. Mme adausuŋ isɔŋ-ufɔk eso-bo ye mme facilty manager edieke mmɔ ekerede eyom se esio eto.

• Edibɔ-okuk mme edibuɔt mme ufɔk ye ebiet eke Ufɔk Abasi.

• Edida mme ebiet ufɔk Abasi nnɔ uwet-enyiŋ ŋkpɔ mbre-ukara mme nte itie ufik-ubɔk; ekeme edi-nam edisio-eto ke mbon ukara esinde ebeŋe kini eti ebiet-efen miduhe ndien edinam oro idibiatke enyiŋ ye ndaha itie eke Ufɔk Abasi (se 38.8.30).

35.5.4

Mme Ini Ubabuat Akpan-ŋkpɔ

Kini ediwat-akpan-nkpɔ, stake president eyebiere mme eyenim mme esop eke ward ye eke stake. Enye nko ekeme ediyak eda mme ufɔk ye ebiet Ufɔk Abasi man mbon unɔ-ubɔhɔ kini afanikɔŋ ye mme ebuana utom ntre enam ŋkpɔ.

35.5.10

Edisio-ndise ye Ndise-video kini Esop Udia-ɔbɔŋ

Mme Esop Udia-ɔbɔŋ edi ndisana esop. Ke ntak ntem, owo inyimeke edisio-ndise mme ediwewet mme esop udia-ɔbɔŋ.

Eke etop kabaŋa edisuan mme ediwut mme esop Udia-ɔbɔŋ ye mme esop eken, se 29.7.