mwet elos oul window ac vacuum

35.

Karihngihn ac Orekmakihnyen Iwen Toeni

35.1

Srihpac

Alu uh kahsruh iwen toeni tuh mwet nuh kwewa kuh in utyak:

• Oraclah ac ahksasucye wuhlweacng ke akwuck muhtah (liye Doctrine and Covenants 20:75; 59:9–12).

• Tuhkweni nuh sie (liye 3 Nephi 18:22–23).

• Ahkfuhlwact ac tuhkweni pruhe (liye Mosiah 18:25; Moroni 6:9).

• Luti ac kahsruh sie sin sie (liye Moroni 6:4–5).

• Wi ahkfahsrye ma ahkkweyeyucklac sahyac oacna ke ahkuhtweyucki ke sapta se inge.

35.2

Orekma ac Kunohkohn

35.2.2

Mwet Kol se Karihngihn Iwac sacn

Mwet se orekma moliyuck nuh sel karihngihn iwac kahsruh kais sie stek in ahkwoye iwen toeni. El ahkwoyelah ma muhsahlah upac, ahknwacsnwacs, ac karihngihn nohfohn iwac sacn.

Fin enenweyuck, mwet orekma ke iwac sacn kahsruh luti mwet suleyucklac ke stek ac ward atacn ahknwacsnwacs ac ohiyac sahyac. El ahkolah mwe ahkuhtweyac nuh kac, kuhfa, ac equipment.

El wi pisaprik in kuh in liye ma enenuh in moullac nuh ke iwac sacn.

35.2.7

Pisaprik

Pisaprik (kuh mwet se ma solwac ke ward sacn) luti mempucr in orekmakihn, karihngihn, ac secure iwac sacn. Pisaprik elos oacyacpac kihte ki nuh ke iwac sacn nuh sin mwet kol ke ward sacn.

Elos enenuh in liye lah mukwikwi orek ke iwac sacn ac infohk an wona (liye 20.7).

Elos aetuhilac nuh sin mwe se karihngihn iwen Alu uh ma enenuh in ahkwoyeyuck ac enenuh in ahkfahsryeyuck. Elos oacyacpac wi mwet se karihngihn iwac sacn in liye ma totolac ke mani nuh ke iwac sacn.

35.2.9

Mwet se ke Ward ma Solwac nuh ke Iwac sacn

Pisaprik elos ac nuhnkuh lah elos ac pahngon mwet se ke ward in ahollah iwac sacn. Fin elos sulaclah in oraclah pahng se inge, pisaprik ac pahngon mempucr mahtuh se mukul kuh muhtwacn. Fin wacngihn mwet se ke ward suleyucklac nuh ke iwac sacn, pisap el kuh in srihsrngiyac kunohkohn se inge nuh sin sie mwet kahsruh lal, mwet in karihngihn ma sihmlac ke ohfuhs ke ward kuh mwet in kahsruh se luhn mwet se ingacn, kuh mwet in sihm.

Mwet se ma suleyucklac in karihngihn iwac sacn oracni mempucr ac mwet luhngse wi kahsruh in ahknwacsnwacsye ac karihngihn iwac sacn. El ac lotwelos lah elos ac oruh fuhkah kais sie kunohkohn orekmakihn kuhfa ac equipment ma oasr uh.

35.3

Kahsruh ke Iwen Toeni

Iwen toeni uh tiac oacna sie ke luhpah ac atac wiwi na enenuh luhn acn sacn ac atacn acn sacn. Iwen toeni enenuh in ma oreklac ke Alu uh kuh acn se moullac, lohm sin mempucr, lohm lutlut se kuh acn in toeni luhn mura, acn leaseiyuck, kuh ohiyac sahyac ma ahkkweyucklac.

Mwet kol ke acn luhlahp ac acn sacn, kampare in orekmakihn iwen toeni mah ac in lahlmwetmwet fin ke ngihsre acn in weacng.

35.4

Karihngihn Iwen Toeni

35.4.1

Ahknwacsnwacs ac Karihngihn Iwen Toeni

Mwet na fin acn se ac mempucr, weacng tuhlihk fuhsr, ma kunaclos in kahsruh karihngihn kais sie iwac in nwacsnwacs ac wo.

Pacl in ahknwacsnwacs tiac enenuh in ma ahktoasrye mempucr. Ac fin pa, elyah se lom ke fahsr lom nuh ke acn sacn, mempucr kuh in oruh ahknwacsnwacs lalos fin oasr mukwikwi elos som nuh kac ke wik sacn.

35.4.2

Nguhsr in Ahkwoye

Mempucr ke ward ac stek kuh in fahk ma enenuh in ahkwoyeyucklac ke iwac sacn. Ma se inge kuh in oreklac muhkwena fin orekmakihn mwe orekma se pahngpahng Facility Issue Reporting (FIR).

35.4.5

Safety ac Security

Mwet kol ac mempucr enenuh in:

• Oruh in mwesahs acn in fahsr, nien fan, acn in tufoki, ac infuckihl in sahrom nuh ke sefiyacn utyak ac tufoki.

• Tiac orekmakihn kuh fihliyac kuhfwen mwe sensen kuh ma ac fihrihryak lin iwac an.

• Oraclah ac ukwe atacn lockiyac iwac an.

• Karihngihn in tiac tohlac kuhfa nuhtin Alu uh nuh sin mwet pihsrapasr.

• Etuh in konwelah ma sahrom, pa nuh ke kof, sahrom, ac gas kuh fuel.

Fin enenweyuck, mwet se ma karihngihn iwac sacn el kuh in ahkkahlwemye sie map ke konweyacn e, first aid kits, ac acn ma in konwelah sahrom. In etuh yohk ke mwe ahkkahlwemye ke safety kuh in sokwack ke “Security and Lockup Procedures” in “Maintaining Meetinghouses” (Meetinghouse Facilities Guide). Liye pac 20.7.

35.5

Masap ac Orekmakihnyen Ma luhn Alu

35.5.1

Sroal

Iwac se enenuh in fahkwack luhpan mihs nuh sel Jisus Kraist ac ahkkahlwemye luhlahlfongi luhn mempucr Kacl. Sroal kacl Jisus Kraist enenuh in fihliyucki ke acn in utyak ke iwac sacn in kahsruh ahkuhtweyac luhlahlfongi se inge.

35.5.2

Orekmakihnyacn Iwac Ma Tiac Lwelah

35.5.2.1

Orekmakihn nuh ke Mani

Iwen Alu tiac kuh in orekmakihnyuck nuh ke ohiyacn use mani. Fin pa nuh ke, tiac enenuh in orekmakihnyuck in sang kahsruh oacna sie kain in business. Orekmakihn nuh ke ma inge tiac na fahsr fal nuh ke srihpac luhn Alu uh. El oacyacpac sang elyah nuh ke masap fin acn sacn ac acn luhlahp ma enenuh in moul tax nuh ke acn se luhn Alu ingacn.

Karihngihn mwet in sramsram kuh mwet luti ma oasr mwet el us, mwet moul yohrohl, kuh mwet el orekma nuh se, kuh mwet ma moliyuck nuh se in oruh toeni, lutlut se (sahyacn na lutlut ohkohn kuh mwe luti nuh ke ohkohn; liye 19.7.2), kuhlahs in ahsrosr, kuh mukwikwi sahyac tiacna lwelah.

35.5.2.2

Srihpac nuh ke Masap

Iwen Alu tiac kuh in orekmakihnyuck nuh ke srihpac luhn masap. Ma inge som nuh ke miting ke masap kuh oruh sramsram in eyense. Alu uh el atac se fana pacl nuh kwewa (liye 38.8.30).

35.5.2.3

Orekmakihnyac Sahyac

Orekmakihnyen ma kuh acn luhn Alu uh ma tiac lwelah:

• Kol tuhkweni practis luhn mwet sritacl kuh sritacl sahyac tiac kahsreyuck sin Alu uh. U in on se ke mura sacn ac ahkfahsryeyacn macruht se kuh in sahp orek (liye 38.3.4 ke macruht uh).

• Lwelah acn in mutul (sahyacn na pacl emergency; liye 35.5.4).

• Camp kuh mukwikwi sahyac ma som nuh ke in mutullac ke fong se.

Ma ekahsr ten inge tiacna lwelah. Mwet kol ke acn sacn pahngonwack mwet se karihngihn iwac sacn fin elos liye tuh enenuh in oasr ma ayaolac.

• Rent kuh lease i iwac ac acn luhn Alu.

• Orekmakihn iwac sacn nuh ke vote orek ke masap kuh acn in vote; kuh in ahokiyucki fin ngihsreyucklac sin mwet orekma ke government fin wacngihn na pwacye acn ac toeni se ingacn ac tiac ahkkolukyelah kuh ahkfohsyeack Alu uh (liye 38.8.30)

35.5.4

Emergency

Ke pacl oasr emergency, stek prestuhn el otwelah lah ac orek toeni luhn ward ac stek. El ac oacyacpac lwelah iwac ac acn luhn Alu uh in orekmakihnyuck sin u luhn disaster-relief ac associated effort.

35.5.10

Ituck Petsac ac Recordi Video ke Toeni in Sacrament

Toeni ke pacl in Sacrament el muhtahl. Ke srihpac se inge, ituck petsac kuh in sruokyac toeni ke sacrament tiac lwelah.

In etuh yohk ke mwe ahkkahlwemye se ke sruokyuck kuh streaming toeni in sacrament ac miting sahyac, liye 29.7.