35.

Kobongisa mpe Kosalela Bandako ya Makita

35.1

Ntina

Eklezia epesaka bandako ya makita na ntina ete moto nyonso oyo akokota kuna akoka:

• Kosala mpe kokomisa sika mayokani na nzela ya makuli ya bule (tala Malongi mpe Mayokani 20:75; 59:9–12).

• Kosangana elongo (tala 3 Nefi 18:22–23).

• Kokumbamela mpe kosambela elongo (tala Mosiya 18:25; Moroni 6:9).

• Koteya mpe kosalisana moko na mosusu (tala Moroni 6:4–5).

• Kozala na kati ya bisaleli mosusu oyo endimami lokola elimbolami na mokapo oyo.

35.2

Mikumba mpe Misala

35.2.2

Mokambi ya Bandako ya Eklezia

Mokambi ya bandako oyo Eklezia epesi mosala asungaka likonzi moko na moko mpo na kosala ete bandako ya makita ezala malamu. Ye akobongisa biloko minene ebeba, kosukola malamu, mpe kolandela bopeto ya ndako mbala na mbala.

Lokola esengeli, mokambi ya bisalelo akosunga koteya bantoma ya ndako ya likonzi mpe palwasi mpo na oyo etali lolenge nini ya kosukola ndako mpe kosalaka misala mosusu oyo esengeli. Akopesa malakisi, bisalelo mpe bisalelo mingi mosusu.

Akoki lisusu kotala misolo mibimisami na ndako elongo na baepisikopo.

35.2.7

Boepisikopo

Boepisikopo (to Ntoma ya Kobatela Ndakoya palwasi) akoteya bandimi lolenge nini basengeli kosalela, kobongisa, mpe kobatela ndako. Boepisikopo akopesa lisusu bafungola ya ndako na bakambi ya palwasi.

Basengeli koyeba malamu ete misala na kati ya ndako mpe na esika yango ekambami na bokengi (tala 20.7).

Bakosolola na mokambi ya bisalelo ya Eklezia na ntina ya kobongisa mpe kokokisa bosenga songolo. Bakoki lisusu kotala misolo mibimisami na kotalaka mosala yango elongo na mokambi ya bisalelo.

35.2.9

Ntoma ya Kobatela Ndako ya Palwasi

Episikopo akotala soki akoki kobenga Ntoma ya Kobatela Ndakoya palwasi. Soki bamoni ete bakoki kobakisa moto mosusu, boepisikopo ekoki kobenga mondimi mobali to mwasi ya mokolo. Soki Ntoma ya Kobatela Ndakoya palwasi abengami te, boepisikopo ekoki kopesa mokumba oyo na moko ya bapesi toli na ye, kalaki to kalaki ya mibale ya palwasi, to sekeletele ya palwasi.

Mokambi ya ndako ya palwasi akosenga na bandimi mpe baye balingi kosokola mpe kolengela ndako.

35.3

Kopesa Bandako ya Makita

Bandako ya makita ekesenaka engebene na bonene mpe esika engebene na bamposa mpe ezalela ya mboka wapi etongami. Ndako ya likita ekoki kozala oyo Eklezia atongi to asombaki, ndako ya mondimi, eteyelo songolo to ndako ya bato mboka, esika ya kofutela to lolenge mosusu oyo endimama.

Bakambi ya etuka enene mpe baye ya mboka basalaka makasi mpo na kosalela bandako ya makita oyo ezali wana mpe kozala na bwanya mpo na kobakisa bisika mosusu.

35.4

Kobongisa Bandako ya Makita

35.4.1

Kosukola mpe Kobongisa bandako ya Makita

Bakambi ya mboka mpe bandimi, mpe lisusu bilenge, bazali na mokumba ya kosunga kobatelaka bopeto ya ndako mpe bozali na yango malamu.

Pologalami ya kosokola esengeli kozala mokumba ya bandimi. Ndakisa, soki kokende na ndako ezali nkopkoso, bandimi basengeli kosokola lokola eteni ya milulu ya poso ntango bazali na ndako.

35.4.2

Bosenga ya Kobongisa

Bandimi ya palwasi mpe masanga ya likonzi bakoki kopesa lapole esengeli mpo na kobongisa ndako. Yango ekoki kosalama na kosalelaka Facility Issue Reporting (FIR) bisalelo.

35.4.5

Kobatela mpe Bokengi

Bakambi mpe bandimi basengeli:

• Kobatela wapi bato balekaka, bibuteli, bikuke mpe bisika ya kosukola bilamba ezala polele mpo na kokota mpe kobima na bokengi.

• Kosalela te to kobomba te biloko ya makama to oyo epelaka moto na kati ya bandako.

• Kotia mpe kolandela ndenge ndako esengeli kokangama.

• Kobatela bisalelo ya Eklezia ete bayiba yango te.

• Koyeba lolenge nini ya kokanga bisalelo lokola mayi, lotiliki, mpe gaze to mafuta.

Soki esengeli, mokambi ya bandako akoki kopesa kalati kolakisaka masini ya bobomi moto, saki ya kisi ya lisalisi ya yambo, mpe bisika ya kokanga bisalelo. Nsango mingi na ntina ya bokengi ezali na “Security and Lockup Procedures” na “Kobongisa bandako ya Makita” (Bokambi etali Bisalelo ya Bandako ya Makita). Tala lisusu 20.7.

35.5

Mibeko na Kosalela Bandako ya Makita ya Eklezia

35.5.1

Mabongi ya Ntina mpe Mitindo mpo na Kosalela Bandako ya Makita ya Eklezia.

Bosaleli nyonso ya bandako ya makita ya Eklezia esengeli kolanda mitindo oyo elandi:

• Elanda malongi, mibeko mpe bosaleli ya Eklezia, mpe lisusu lolenge mpe bantina ya bule ya bandako ya makita ya Eklezia.

• Elanda bandelo ya mobeko.

• Elanda mibeko ya bofuti mpako ya Eklezia, soki esengeli bongo.

• Ezwa mikano elongobana mpo na koboya, kokitisa mpe kobatelama na makama, mpe lisusu kolanda mibeko ya Eklezia mpe malakisi ya kobatela bana mpe bilenge (tala 12.5.1 mpe 20.7.1)

• Elongobana na masengisi mosusu mpe bandelo oyo epesami na mokambi ya likonzi to epesikopo.

35.5.2

Bosaleli ya Bandako ya Makita ya Eklezia

Makita ya Eklezia, bapologalami mpe milulu ezali motuya koleka babosaleli ndako mosusu soki bowelani ezali.

Bapalwasi mpe makonzi ekoki lisusu kopesa bapologalami misusu ya Eklezia oyo ezali litomba na bandimi mpe lingomba. Yango ezali:

• Mateya ya bomikoki.

• Mateya ya bokangoli.

• EnglishConnect.

• BYU–Pathway Worldwide.

35.5.3

Bosaleli Bandako ya Makita ya Eklezia na Bandimi—na Bato bango moko mpe Libota

Bandimi bakoki kosenga kosalela ndako ya likita na likonzi na bango mpo na milulu na bango to ya libota. Mpo na koluka bondimami, bakutanaka na moko ya boepisikopo ya palwasi oyo basanganaka na ndako ya likita wana (to moto songolo oyo ye aponi). Eza na masengisi oyo elandi:

• Bosaleli esengeli kokambama na moto oyo azali mokolo ya palwasi oyo bakutanaka na kati ya ndako ya likita wana.

• Basaleli bazali na mokumba mobimba mpo na likama nyonso na bisaleli to likama to mokumba oyo ekangami na bosaleli oyo.

• Basaleli basengeli kosokola mpe kozongisa mobimba bisalelo ndenge ezalaki.

• Basaleli basengeli kotosa mitindo oyo etiami mpe na babosenga ya bakambi ya bisika bafandi, kobakisa babosenga ya bakambi ya kobatela bosaleli.

• Bakambi ya Eklezia bakoki kosenga moto to lisanga ya bato batika kosalela etonga soki bazali kolanda mibeko te.

• Mpo na milulu oyo endimami, bakambi ya palwasi mpe ya likonzi basengeli kolengela bibongiseli mpo na bokoti na ndako ya likita. Bafungola ya etonga esengeli kopesama bobele na bandimi ya palwasi mpe likonzi oyo baponami.

Tala 38.3.4 mpo na bosaleli ya bandako ya makita mpo na mabala mpe boyambi ya libala.

Tala 29.5 mpo na bosaleli ya bandako ya makita mpo na matanga mpe misala misusu mpo na bakufi.

35.5.4

Bosaleli ya Bandako ya Makita ya Eklezia na Mangomba Ezanga Litomba ya Mosolo to na Masanga to Bato Misusu

Bokambi ya etuka ekoki kopesa ndingisa na mangomba ezanga litomba ya mosolo, lingomba mpe bituluku mosusu (lokola baekipi ya masano), to bato oyo batalisami te kati ya 35.5.3 basalela bandako ya makita ya Eklezia mpo na milulu to mosala songolo. Masengisi oyo etangami kati ya 35.5.3 elandama.

Mpo na koluka bondimisami ya bokambi etali bosaleli kani, mokambi ya likonzi akutanaka na mokambi ya bisalelo.

35.5.5

Ntano ya makama

Bandako ya makita ya Eklezia ekoki kosalelama mpo na mosala ya ntina ya lingomba ya bato na ntango ya likambo ya mbala kaka. Ndakisa, mokambi ya likonzi akoki kopesa ndingisa bandako ya makita na kati ya likonzi na ye esalelama na basali oyo balandelaka makama ekomelaka bato mpe basusu na milende ya bokangami (tala 35.5.4).

35.5.6

Kosalela Bandako ya Makita Epesami Ndingisa Te

35.5.6.1

Misala ya Mombongo

Biloko ya Eklezia ekoki te kosalama mpo na mombongo. Lokola bosaleli oyo ezali kotosa te bantina ya biloko ya Eklezia. Ekoki lisusu kozanga botosi na mibeko ya etuka to ya ekolo oyo epesi ndingisa ya kofuta mpako ya biloko ya Eklezia.

35.5.6.3

Bantina ya Politiki

Eklezia elandaka makambu ya politiki te. Biloko ya Eklezia ekoki te kosalelama mpo na bantina ya politiki to bantina ya bazuzi. Milulu oyo epekisami kokwa makita ya politiki mpe bosaleli na bakampani ya politiki mpe mangomba ya bazuzi.

Nzokande, bosaleli ya bitonga mpo na kokomisa baponi ekoki kopesama ndingisa (tala 38.8.30). Mokambi ya likonzi akoki kozwa ndingisa na nzela ya mokambi ya bisalelo (tala 35.5.4).