37.

iTeki, Tabanalevu, kei na Tabana Digitaki

37.0

iVakamacala Taumada

E rawa vua e dua na peresitedi ni iteki me vakatura na tauyavutaki ni iteki, tabanalevu, kei na tabana digitaki me qaravi ira na lewenilotu me vaka e vakamacalataki ena wase oqo.

37.1

Na Tabanalevu kei na Tabana Vosatani

E rawa vua e dua na peresitedi ni iteki me vakatura na kena tauyavu e dua na tabanalevu se tabana ni iteki vosatani baleti ira na lewe ni iteki (1) era sega ni vosataka na vosa ni vanua oya se (2) era dau vakayagataka na vosa vagalu.

37.7

iLawalawa ena iTeki, Tabana ni Kaulotu, kei na iWasewase

Na ilawalawa sa ikoya na nodra vakasoqoni lalai vakadonui na lewenilotu ka raici raraba mai vua e dua na bisopi, peresitedi ni tabana, se peresitedi ni kaulotu. Sa rawa vua na peresitedi ni iteki se kaulotu me vakatututaka na kena tauyavutaki e dua na ilawalawa ena veituvaki vaqo:

• E dredre na nodra lakova na lewenilotu na soqoni ni tabanalevu se tabana.

• E dua na iwiliwili lailai ni lewenilotu era vosataka e dua na vosa ka duatani mai vei ira ena tabanalevu se tabana.

• Era dau qaravi vakavinaka duadua na lewenilotu ena mataivalu ni ra tiko vakailawalawa.

E dua na ilawalawa e dodonu me tiko kina ke lailai sara e rua na lewenilotu. E dua e dodonu me bete bula kilikili ena Matabete i Eroni se dua na lewe ni Matabete i Melikiseteki bula kilikili.

Ena iteki, sa lesia na peresitedi ni iteki e dua na bisopi se peresitedi ni tabana me tauyavutaka ka liutaka na ilawalawa. Ena tabana ni kaulotu, ena lesia na peresitedi ni kaulotu e dua na peresitedi ni tabana me tauyavutaka ka liutaka.

Ena kaciva o peresitedi ni iteki, peresitedi ni kaulotu, bisopi, se peresitedi ni tabana e dua na iliuliu ni ilawalawa ka vakatikori koya. Ena tuva ka liutaka na iliuliu ni ilawalawa na soqoni ni ilawalawa, ka okati kina na qaravi ni sakaramede.

Na iliuliu ni ilawalawa e sega ni tu vua na idola ni matabete, ka na sega ni vakadonui me:

• Ciqoma na ikatini kei na isolisoli tale eso.

• Vakasalataki ira na lewenilotu me baleta na ivalavala ca bibi.

• Solia na vakatatabu sega ni vakaivolataki se vakaivolataki vei ira na lewenilotu.

• Vakayacora na itavi tale eso e gadrevi kina na idola ni matabete.

Ena kena ivakarau, e na vakayagataka na ilawalawa na Parokaramu Taumada ni Tabanilotu.

Nodra ivolatukutuku ni lewenilotu na lewe ni ilawalawa e sa tiko ena tabanalevu se tabana e qarava na ilawalawa.

Na itikotiko liu ni Lotu e na sega ni lesia mai e dua na naba ni tabanilotu ki na veilawalawa.