37.

Makunji, Bikongu, ne Matamba Bisunguluka

37.0

Tshibangilu

Mulombodi mukulu wa dikunji udi mua kulomba bua kufuka makunji, bikongu, ne matamba bisunguluka bua kusadila bidimba bu mudibi bifunda mu shapita emu.

37.1

Bikongu ne Matamba bidi ne Muakulu Mukuabu

Mulombodi mukulu wa dikunji udi mua kulomba bua kufuka tshikongu anyi ditamba bia muakulu mukuabu bua bidimba bia dikunji (1) bidi kabiyi biakula muakulu wa bena ditunga to anyi (2) bidi bidi biakula muakulu wa tumama.

37.7

Bisumbu mu Makunji, mu Bukenji, ne mu Ntenji

Bisumbu bidi madisangisha makesa a bidimba atangidibua kudi muepiskopo, mulombodi mukulu wa ditamba, anyi mulombodi mukulu wa bukenji. Mulombodi mukulu wa dikunji anyi wa bukenji udi mua kulomba difuka dia tshisumbu padiku malu adi alonda â:

• Padi luendu lua bidimba bua kufika ku tshikongu anyi ditamba luikala lutatshisha.

• Padi tshisumbu tshikesa tshia bantu tshiakula muakulu udi mushilangana ne wa aba badi mu tshikongu anyi mu ditamba.

• Bidimba bidi mu busalayi bidi bisadibua bimpa padibi mu tshisumbu.

Tshisumbu tshidi ne bua kuikala ne bidimba nansha bibidi. Umua udi ne bua kuikala muakuidi mukumbana mu Buakuidi bua Alona anyi mukumbana mu Buakuidi bua Melekisedeke.

Mu makunji, mulombodi mukulu wa dikunji udi utuma muepiskopo anyi mulombodi mukulu wa ditamba bua kulongolola ne kutangila tshisumbu. Mu bukenji, mulombodi mukulu wa bukenji udi utuma mulombodi mukulu wa ditamba bua kulongolola ne kutshitangila.

Mulombodi mukulu wa dikunji, mulombodi mukulu wa ditamba, muepiskopo, anyi mulombodi mukulu wa ditamba, udi ubikila mulombodi wa tshisumbu ne umuteka pa muaba. Mulombodi wa tshisumbu udi ulongolola ne uludika bisangilu bia tshisumbu, pamua ne dilombola dia biakudia bia tshijila.

Mulombodi wa tshisumbu kena ne nsampi ya buakuidi to, ne kena muanyishibua bua:

• Kuangata tshia dikumi ne milambu to.

• Kuyukila ne bidimba pa bubi bukola to.

• Kufila mikandu mipepela ne mikumbana.

• Kukumbaja majitu makuabu adi alomba nsapi ya buakuidi.

Pa tshibidilu, bisumbu bidi bienza mudimu ne Ndongamu Mukumbana wa Tshisumbu.

Miandiku ya buikadi bua tshidimba ya bidimba bidi mu tshisumbu idi ilamibua mu tshikongu anyi mu ditamba bidi bitangila tshisumbu atshi.

Ekelezia kena ufila nomba ya tshisumbu kudi bisumbu to.