38.

Fapi Motochiyel ko Galasia nge Rogon Kanawo’en

38.1

Gidii’ nibe Un ko Galasia

Chitamangdaed nibay u Tharmiy e rib t’uf pifak Rok’. “Ma gubin ma taʼareb rogon rokʼ Got,” me be peong “ma be piningraed ni yaed gubin ni ngar baed ngakʼ (2 Nephi 26:33).

38.1.1

Gidii’ nibe Un ko fapi Mo’olug ko Galasia

Gubin e gidii’ ma rayag ni nge yib nge un ko mo’olung ko sakrament, fa boech e mo’olung nifan e Madnom, fa un ko tin ni yibe rrin’ nifan Fare Galasia ku Yesus Kristus ni fan ko Gidii’en Got ko Tin Tomur e Rran. Fare presiding officer e ire muruwel rok’ ni nge micheg ni gubin e gidii’ nira un e be tayfan e ggin ni yibe rrin’ e tiney riy.

Pi’in nira un e susun ni dabra gathayed fa rrin’ed ban’en nib togopluw ko tin ni yibe tayfan fa fan fare mo’olung. Gubin e yangar nge pinggiy nib tu’uf ko fapi mo’olung nib thilthil ko Galasia nge event riy e susun ni yira tayfan. Biney e mu’un fapi ngongolen e ngongol ngay ko romantic nge maad nira karang e tafney ni dani fel’. Ma ku dabiyag ni ngan weliy e tin ni mornga’agen e aam nib political fa numon nib galong fa boech e ngongol nira palog nigey ko tiney e fan e mo’olung nib sor fan ngak Somoel.

Fa’anra bay e ngongol ni dani fel’, ma fare bishof fa stake president era fanow nag facha’ ni yigo yow u fithik’ e tufeg nibay e thothup riy. Ra pii’ e athamgil ngak e pi’in ni ngonglanraed e dani mat’aw nifan e pi mukun ney nga ta’abang ni ngar ngongliyed e tigil’ e yungin’ey ni nge par fare thothup riy ni gidii’ ni gubin e yag ni liyoer me tayfan e Chitamandaed nibay u Tharmiy nge fare Tathapeg.

Tiggil’ e mo’olung ko Galasia e ba private nib sug ko motochiyel ko Galasia riy. Gidii’ ni dabun ni nge rrin’ ni woed rogon kanawo’en e pi motochiyel ney e yira fith u fithik’ e tayfan ni dabkiyag ni u ko pi mo’olung ney fa pi event ney nifan e Galasia.

38.2

Fapi Motochiyel nifan e Gam’ing nge Tawa’ath

Mornga’agen e pi gam’ing ney nge tawa’ath riy e bay ulan e guruy 18. Mornga’agen fapi gam’ing ko temple e bay ulan e guruy 27 nge 28. Bishof e rayag ni ngar kol niged fare stake president ni fa’anra bay e duwer roraed. Fare stake president e rayag nira kol nag fare Area Presidency ni fa’anra bay e duwer roraed.

38.3

Mabgol ni Civil

Tiyugang’ ko Galasia e ngar ayuweged fapi members ngar fal’aged rogon raed nifan e mabgol u temple mi yaed seal ulan e temple. Fa’anra fel’ ko motochiyel nib local, tiyugang’ ko Galasia e rayag, ni nge, ngongliy fare mabgol ni civil.

Mabgol ni civil e susun ni ngan rrin’ nib m’ag ko fapi motochiyel ko ggin ni yira tay fare mabgol riy.

38.3.1

Mini’ e Rayag nira Ngongliy fare Mabgol ni Civil

Napan nira pii’ e motochiyel nib local mat’won, ma tin nibay nibe pigpig e officer ko Galasia e rayag ni ngar muruel gaed ngar ngongliyed fapi madnom ko mabgol nib civil:

• Mission president

• President ko stake

• District president

• Bishof

• Branch president

Pi officers ney e kemus ni rayag ni ngar ngongliy e pi mabgol ney nib civil u thilin e pumo’on nge bpin. Tin ba’aray ban’en e rib tu’uf nira un ngay:

• Fare bpin fa fare pumo’on ni nge mabgol e ir reb e member ko Galasia fa bay e roffen ni tawfe nag.

• Fare membership record ko fare bpin fa fare pumo’on ni nge mabgol, fa nge buch u tomuren fare tawfe, ulan e fare unit ko Galasia ko ggin nibe gagiyeg fare officer riy.

• Fare officer ko Galasia e bay mat’won nikan pii’ nib legall ni nge turguy me ngongliy fare mabgol nib civil ko ggin ni yira tay fare mabgol riy.

38.3.4

Mabgol ni Civil ni Yira tay ulan e Nu’un ko Galasia

Madnom ko mabgol e rayag ni yira tay ulan e nu’un ko Galasia ni fa’anra dabi aww ko ngiyal’ nira fanay e Galasia nga ban’en. Madnom ko mabgol e susun ni dabin tay ko fare roffen ni Sunday fa fare balayal’ ko Monday. Madnom ko mabgol ni yira tay ulan e nu’un ko Galasia e susun ni dabi pag rogon fa ‘uf ngalang. Musik riy e susun nib thothup, mab fel’, ma be tayfan e nu’un ko Galasia.

Mabgol e krayag ni yira tay ulan e chapel, ulan e cultural hall, fa lan reb e singgil nira fel’ riy. Madnom ko mabgol e susun nira yean u kanawo’en fapi motochiyel ko nu’un ko galasia.

38.3.6

Madnom ko Mabgol ni Civil

Ra ngan ngongliy reb e mabgol nib civil, ma fare officer ko Galasia era non ngak fagli cha’ ni nge mabgol me ga’ar, “Wenig mu fekew paa’mew ko bin ni mat’aw i pa’am.” Me ul’ul’ nge ga’ar, “[ga’angin fithingan fare pumo’on ni nge mabgol] nge [ga’angin fithing fare bpin ni nge mabgol], kam kolew paa’mew ko bani mat’aw i paa’mew ni’ir e fare token ko fare vows ni arram e chiney e kam bow nga mitt e ggin nibay Got riy nge pi gidii’ ney nibe micheg.” (Fagli cha’ ni ngar mabgol gow e rayag ni yowra mel’eg e pi gidii’ ney nira micheg u mm’on ngay.)

Ma fare officer era non ngak fare pumo’on ni nge mabgol me fith, “[Ga’angin fithingan fare pumo’on ni nge mabgol], gara fek [ga’angin fithingan fare bpin ni nge mabgol] ni’ir e le’engim, ma gara ni gur rom ni ngam mel’eg ni gara micheg ni ngam mang ta’areb gow ma gur e figirngin ni gara ta’areb nigem ngak makemus ni’ir; ma gara fol ko fapi motochiyel ni gubin, fapi muruwel rom, nge gubin ban’en nibay rogon ko re mabgol ney; ma gara t’ufeg, mag tayfan, mag ayuweg ko n’umngin napan ni gamew ba fos?”

Fare pumo’on ni nge mabgol era ga’ar, “Arrogon” fa “Gura rrin’.”

Ma fare officer era non ngak fare bpin ni nge mabgol me fith, “[Ga’angin fithingan fare bpin ni nge mabgol], gara fek [ga’angin fithingan fare pumo’on ni nge mabgol] ni’ir e figirngim, ma gara ni gur rom ni ngam mel’eg ni gara micheg ni ngam mang ta’areb gow ma gur e le’engin ni gara ta’areb nigem ngak makemus ni’ir; ma gara fol ko fapi motochiyel ni gubin, fapi muruwel rom, nge gubin ban’en nibay rogon ko re mabgol ney; ma gara t’ufeg, mag tayfan, mag ayuweg ko n’umngin napan ni gamew ba fos?”

Fare bpin ni nge mabgol era ga’ar, “Arrogon” fa “Gura rrin’.”

Ma fare officer ko Galasia era non ngak fagli cha’ me ga’ar, “U dakean mat’aw nikan pii’ nib mat’aw mab legal ni gag e fare elder ko Galasia ku Yesus Kristus ni fan ko Gidii’en Got ko Tin Tomur e Rran, e gube pinningmew, [fitingan fare pumo’on ni nge mabgol] nge [fithingan fare bpin ni nge mabgol], nikam mabgol gow ni gur e le’engin me gur e figirngin, nikam mabgol gow nib legal ni woed rogon e motochieyl ko mabgol ko ngiyal’ ney ko biney e yafos romew.”

(Thin nifan bee’ ni gathi ir e presiding officer ko Galasia: “U dakean mat’aw nikan pii’ nib mat’aw mab legal ni gag e facha’ ni gube non nifan e [branch ko salthaw fa civillian organization], e gube pinningmew, [fitingan fare pumo’on ni nge mabgol] nge [fithingan fare bpin ni nge mabgol], nikam mabgol gow ni gur e le’engin me gur e figirngin, nikam mabgol gow nib legal ni woed rogon e motochieyl ko mabgol ko ngiyal’ ney ko biney e yafos romew.”)

“Tawa’ath nagmew Got ko par romew nikam chagil gow nga ta’abang nga chagil nga pifakmew nge yafos romew nib sug ko falfalaen’ u ta’abang, me tawa’ath nagmew ni ngam ayuwegew fapi vows nikam ngongliyew. Pi tawa’ath ney ni gube tay nga dakean mew u dakean fithingan Somoel Yesus Kristus, amen.”

Fare kiss ni yima tay ko mabgol e rayag, nibe yean u rogon e yalen ko ggin ni yabay riy.

38.4

Motochiyel ko Sealing

Fapi gam’ing ko sealing ko temple e ma m’ag e tabinaew nga ta’abang ni dariy bi’id manemus ni fa’anra gay rogon fapi member ngar tayed fan fapi m’ag nikar ngongliyed u napan nikar thapegned fare gam’ing. Gam’ing ko sealing e mu’un e:

• Seal ko figirngiy nge le’engiy.

• Seal nifan e bitir ngak e galibthir.

Pi’in nira ayuweg fapi m’ag rok’ era ul’ul’ nge thapeg fapi tawa’ath nima yib ko sealing. Biney e ba riyul’ ni demuturug ko fa’anra ke gathay bagyow fare m’ag fa chuw ko fare mabgol.

Bitir nib yul’yul nikan seal nag ngak e galibithir rok’ fa ni gargelnag ngatan fare m’ag era ul’ul’ nge thapeg fare tawa’ath ko galibithir rok’ ni dariy bi’id manemus. Biney e ba riyul’ ni demuturug ni fa’anra siyeg fagli labithir e mabgol rorow ko sealing, fa l’uf fapi membership roraed ko Galasia, fa ni taleg fapi mebership roraed.

Members e susun ni nge gopuruy’ ngak e bishof roraed ni fa’anra bay e duwer roraed ko mornga’agen e motochiyel ko sealing. Fare bishof e rayag ni nge kol nag fare stake president ni fa’anra bay e duwer rok’. Fare stake president e rayag nira kol nag fare temple presidency ko temple district roraed, fa fare Area Presidency, fa fare Office ko fare Bin Somm’on e Presidency ni fa’anra bay e duwer roraed.

38.5

Maad ko Temple nge Garment

38.5.1

Maad ko Temple

Napan fapi gam’ing ko endowment nge sealing ko temple, members ko Galasia e yaed ma chuw nga maad nib wechwech. Pi’in ni bpin e yaedra chuw nga maad nib wechwech ni ba’aray rogon: n’uw paa’ fa woed ni dalip e-quarter n’umngin paa’ fare dress (fa skato nge reb e kenggin nib n’uw paa’ fa dalip e quarter n’umngin paa’), socks fa pantihos, nge shoes fa slippers.

Pumo’on e ma chuw nga maad nib wechwech ni ba’aray rogon: kenggin nib n’uw paa’, neck tie fa bow tie, jabong, socks, nge shoes fa slippers.

Nap’an fapi gam’ing ko endowent nge sealing, ma fapi members e kiyaed ma yoen’ boech e maad nga dakean e maad roraed nib wechwech nifan e biney e madnom.

38.5.2

Fek e Maad ko Temple nge Garment

Fapi tiyugang’ ko ward nge stake e yaed ma pii’ e athamgil ngak e members nira bigyaed me fek reb e maad ko temple nifen ni nge fanay. store.ChurchofJesusChrist.orgMaad ko temple nge garment e rayag ni ngan chuwi’iy ko Church Distribution fa ko . Stake nge fapi ward clerk e krayag ni ngar pii’ed e ayuw ngak e members ni nge order nag fapi maad.

38.5.5

Chuw ko Maad nge Ayuweg e Garment

Members nira thapeg fare endowment e kar ngonglied e m’ag ni yaedra chuw ko maadne garment ko temple u n’umngin napan e yafos roraed.

Fare garment ko temple e ma pugorran fapi m’ag nikan ngongliy ulan e temple, ni fa’an yira ayuweg min chungay nib mat’wow rogon, mara yiroriy nigey ko lumel nge kireb. Fare garment e susun ni ngan chuw ngay nga tanggin e maad. Susun ni dabin luuf nifan e tin ba’aray e gosgos ni rayag ni ngan rrin’ ni yibe chuw ko garment, ma susun ni dabin thilyeg rogon ni nge yal’qow ko rogon e maad nib thilthil. Members nikan endow nag e susun ni nge gay e tin nibe powi’iy e Kan ni Thothup ko tin ni yaed be de’eriy mornga’agen nifan e chuw ko maadne garment.

Biney e rib thothup mab tawa’ath ni ngan chuw ko garment ma rrin’ e biney e be dag ni gadaed be tayfan ma gadaed be leak fare Tathapeg Yesus Kristus.

Gur rom e rayag ni ngam duugliy ko ngam chuw ko tanemaad nga tanggin e garment ko temple rom fa nga dekean.

Muguy ko 26.3.3.

38.5.7

N’ag e Garment nge Madnom nifan e Maad ko Temple

Ra ngan n’ag e garment ko temple nike kireb, ma members e susun ni ngar the’ab mar kireb niged fapi marks nibay riy. Ma arram ni fapi members e ngar the’beth yuyang nike magay riy ni ngeyag ni dabkin nang ni bugi garment. Ma tin nike magay ko fapi maad e rayag ni ngan n’ag.

Members e krayag ni ngar pii’ed e garment nge maad ko temple ni kab fel’ ngak boech e members nike mu’ ko endow.

38.5.8

Maad ko Temple nifan e Magawon

Fa’anra rayag, members nikan endow nag nike yim’ e susun ni ngan k’eyagraed fa ni urfiyraed nikan chuwegraed nga maad ko temple. Fa’anra ba togopuluw fa ba kireb ko yalen ni ngan rrin’ e biney, ma rayag ni ngan tete’ar fare maad ngan tay nga charren facha’.

Pumo’on e ngan chuwegraed ko maad nib wechwech ni ba’aray rogon: kenggin nib n’uw paa’, necktie fa bow tie, zubong, socks, nge shoes fa slippers. Pi’in ni bpin e ngan chuwegraed ko maad nib wechwech ni ba’aray rogon: n’uw paa’ fa woed ni dalip e-quarter n’umngin paa’ fare dress (fa skato nge reb e kenggin nib n’uw paa’ fa dalip e quarter n’umngin paa’), socks fa pantihos, nge sheos fa slippers.

Yalen e maad ko temple e yira chuweg ngay ni woed rogon nikan noeg ko fare endowment. Fare rob e yira tay ni bay ko bani mat’aw i poey min m’ag togorfan ko bani gilaey’ ko kenggiy. Fare apron e ngan m’ag nibay u lukunguy. Fare sash e yira m’ag nga lukunguy ni ngan lebguy ni woed e bow nibay ko bani gil’aey ko kenggiy. Fare arwach nifan e pumo’on e baga’ ni yima tay nga barba’ rok’ nge mada’ ko ngiyal’ ni ngan ning fare kahol. Ma fin arram e yira tay fare arwach ni togorfan e yira tay nga dakean e bin ni gilaey’ i telliy. Fare veil ko fare bpin e rayag ni ngan tay nga wuru’ i lelugan nibe taye’ ngay. Upnguy owchen fare bpin ko fare veil e rayag ni fa’anra yiba’adag u mm’on ko fare k’eyag, ni fare tabinaew e bayi duugliy e biney.

38.6

Motochiyel ko Mornga’agen e tin nib Mat’aw nge tin nib Kireb

38.6.1

Milli’ Bitir ni Kabay u Yoel

Motochiyel nag Somoel, “Ni dabin … lii’, fa ni rrin’ ban’en ni woed e biney” (Doctrine and Covenants 59:6). Galasia e darma pii’ mat’woy ni ngan lii’ e bitir ni kabay u yoel. Members e ridabi un ko, ngongliy, ayliy rogon, pii’ pilwon, fa pii’ mat’won, fa pii’ e athamgil ko milii’ bitir ni kabay u yoel u mm’on ni ngan gargeleg. Kemus ni ngiyal’ ni rayag ni ngan rrin’ e biney e napan:

• Fare bpin e ke diyen ni bachan e kan rape nag fa bachan e bitir nib diyan riy e fakay ulan e tabinaew.

• Togta nib tolang e sukul rok’ era duugliy ni fare yafos ko fare bpin e bay nira yim’ ni bachan e biney e gargel.

• Togta nib tolang e sukul rok’ era duugliy ni fare tir ni kabay u yoel e bay e m’ar rok’ ni dabiyag ni nge fos u tomuren ni yira gargelnag.

Kemus ko tiney ni rayag ni ngan rrin’ e darma justify nag e milli’ bitir ni kabay u yoel. Milli’ bitir e ban’en ni rib ga’fan mornga’agen. Kemus ni ngan rrin’ u tomuren ni facha’ e ke meybil make thapeg e micheg ni rayag ni nge rrin’ e biney. Members e rayag ni ngar gopuruy’ gaed ngak e bishof roraed ko mornga’agen kanawo’en e biney.

38.6.2

Gafgow Nag Bee’

Gafgow nag bee’ e woed ni danur tin’uy fa ni gasey nag e gidii’ nira karang e amith ko dogur, ngongolen e galong, amith ko tafney nibe kireb, fa riyaq ko salpiy. Galasia e dabi pag e mitney e ngongol ko gafgow nag bee’ nge buch ni dariy ban’en ni ngan rrin’ed ngay. Pi’in nima gafgow nag figirngin fa le’engin, pifak, fa boech e gidii’ ko tabinaew rok’, fa ngak bee’ e be gathay fapi motochiyel rok’ Got nge gidii’.

Gubin e members, ni rib ga’ ni galibthir nge tiyugang’, e yibe pii’ e athamgil ngoraed ni gubin ngiyal’ ma yaed be tiyan’raed ngak pifakraed ma yaed be yiroriyraed ko mitney e gafgow nag bee’. Fa’anra nang reb e member reb e pi gafgow ney nibe buch, ma thingara report niged ngak e aam mi yaed yoeg ngak e bishof. Tiyugang’ ko Galasia e susun ni ngar tiyan’raed ko pi gafgow ney ni yibe report nag ma susun ni dabra fekyathin e pin’ey.

ProtectingChildren.ChurchofJesusChrist.orgGubin e gidii’ nib ilaal nima pii’ e ayuw ngak fapi bitir e thingari mu’nag fare training nifan e bitir nge fal’yangren ulan fare pull nikan yibliy riy (muguy ko ). Yaedra sul biyay u dakean e pi training ney ko gubin e dalip e duw.

Fa’anra buch biyay fapi abuse, ma bin th’abi somm’on e muruwel ko tiyugang’ ko Galasia e ngar pii’ed e ayuw ngak e pi’in ni yibe gafgow nag mar ayuweged e tin ba’aray e gidii’ ni moem ni yibe gafgow nag ko abuse nibay nira buch nga mm’on. Fapi tiyugang’ e susun dabra pii’ed e athamgil ngak bee’ nge ul’ul’ nge par ulan fare tabinaew ni yibe abuse fa gafgow nag riy.

38.6.2.1

Telefon nifan e Ayuw ko Gafgow Nag Bee’

Boech e nam, e bay ni fare Galasia e ke muu’ i ngongliy reb e namba nifan e ayuw ko gafgow nag bee’ ni nge ayuweg fapi stake president nge bishof. Pi tiyugang’ ney e susan ni ngar kol niged fare fon namba ko ayuw ko mornga’gen gubin ban’en nira buch ni yibe gafgow nag bee’ riy—fa bee’ ni bay u bang ni yira gafgow nag riy. Ma kiyaedra kol ni fa’anra yaed manang ni bay reb e member nibe guy, fa be chuway’, fa be un nga mornga’agen i pii’ e pornography ko bitir.

Ko nam ni dariy e biney e fon namba riy nifan e ayuw, fare bishof nira pire’eg mornga’gen bee’ nibe gafgow nag bee’ e susun ni nge kol nag e stake president rok’. Ma fare stake president e susun ni nge kol nag fare area legal counsel ko fare area office ngan powi’iy ko rogon e biney ni nge rrin’.

38.6.2.2

Mo’olung nifan e Case ko Gafgow Nag Bee’

Pi’in nikan rrin’ e kireb ngak e bigel e mada’ad fa gafgow ni yaedra tay. Fapi stake president nge fapi bishof e ngar pii’ed e ayuw u fithik’ e murnguy nge t’ufeg. Yaedra pii’ e ayuw ko mo’olung nib thothup nifan e pi’in nikan rrin’ e kireb ngoraed ni ngeyag nira gelgaed ko thibngin e gafgow nikan rrin’ ngoraed.

Bochingiyal’ ma pi’in nikan rrin’ e kireb ngoraed e bay ni yaed be thamiy e tamara’ fa yaed be thamiy ni yaed e kireb roraed. Pi’in nikan rrin’ e kireb ngoraed e gathi yaed e bay e kireb ko denen roraed. Fapi tiyugang’ e ngar pii’ed e ayuw ngoraed nge tabinaew roraed ni ngeyag ni ngar nangfaned fare t’ufeg rok’ Got nira gol nagraed u dakean Yesus Kristus nge fare Bayul rok’ (muguy ko Alma 15:8; 3 Nephi 17:9).

Fapi stake presidents nge fapi bishof e susun ni yaedra ayuweg e pi’in nike rrin’ e kireb ngak bee’ ni nge kalngaen’ me taleg pinggin e ngongol ko gafgow nag bee’. Fa’anra bay bee’ nib ilaal nike rrin’ e denen ko galong ngak reb e bitir, ma biney e ngongol e bay ni rib momaw’ ni ngan thilyeg. Kanawo’en e biney e kalngaen’ e bay ni rib n’uw napan. Muguy ko 38.6.2.3.

Ul’ul nibe pii’ e tiyugang’ ko Galasia e ayuw nibe ayuwegney, fapi gidii’ nikan rrin’ e kireb ngoraed, pi’in nikar rrin’ed e kireb, nge tabinaew roraed e bay nira tu’uf ni ngar guyed bee’ nib salap ko mornga’agen e tiney nge pii’ e ayuw ngoraed. Boech mornga’agen e biney, muguy ko 31.3. 6.

38.6.2.3

Gafgow Nag e Bitir fa Fal’yangren

Gafgow nag e bitir fa fal’yangren e reb e denen ni rib kireb (muguy ko Luke 17:2). Woed rogon ni ba’aray, gafgow nag e bitir fa fal’yangren e mu’un reb e pin’ey ngay:

• Gafgow nag downgin: amith ko dowef ni bachan e cham. Boech e mitney e gafgow ngak bee’ e bay ni dabi m’ug ya’an.

• Gafgow nag bee’ ko ngongolen e galong fa ngongol ni dani mat’aw: Ngongolen e wawoliy ko galong ngak e bitir fa fal’yangren fa ni pag bee’ fa ayuweg bee’ nge un ko biney. Woed rogon ni ba’aray, ngongolen e gafgow nag bee’ ko galong e darma un fare galong u thilin l’agruw nii’ nib bitir ni fa’anra ba chugur e yangar rorow.

• Gafgow nag bee’ ko thin ni dani fel’: Woed e ngongol fa thin nira kireb nag fal’ngin fare bitir fa fare fal’yangren. Biney e mu’un e thin ni yabaq ni gathi ta’abiyay ngay, ngongol ni gur e gaba’adag machane dabun facha’, fa thibthib nibe kireb nag mornga’agen facha’ fa be tay facha’ nga butt’. Ma kab mu’un ni danur tiyan’uy fa ni ayuweg e bitir fa fal’yangren nib fel’ rogon.

• Pornography ko bitir: Muguy ko 38.6.6.

Fa’anra ke nang fa ke sana fare bishof ngay fa fare stake president ko abuse nag e bitir fa fal’yangren, ma kachingiyal’ nem ni rrin’ ni ba’aray rogon kanawo’en ko 38.6.2.1. Ma kura ngongliy kanawo’en ni dabki buch e mitney e gafgow nga mm’on riy.

Rib tu’uf ni yira tay fare membership council nge fare annotation ko record ni fa’anra bay bee’ nib ilaal nike gafgownag e bitir fa fal’yangren ni ba’aray rogon nikan weliy mronga’agen ko biney e section. Ngkum guy ko 38.6.2.5.

38.6.2.4

Gafgow Nag e Mabgol fa Gafgow Nag Bee’ nib Ilaal

Gafgow nag bee’ e bo’or mit ni gathi kemus ni ta’areb fithingan mab ta’areb rogon nima buch. Ya, bay ni bo’or mit gelingin nge ngongol riy nib thilthil. Biney e bay nibe yean u rogon e thin nib gel nga mada’ ko tin ba’aray ban’en nibe amith ma be gafgow nag bee’.

Fa’anra nag fare bishof fa stake president mornga’agen reb e mabgol fa bee’ nib ilaal ni yibe gafgow nag, mara rrin’ ni ba’aray rogon kanawo’en ko 38.6.2.1. Ma kura ngongliy kanawo’en ni dabki buch e mitney e gafgow nga mm’on riy.

Fapi tiyugang’ e ngar rrin’ed e tin nibe powi’iy fare Thothup ko rogon ni ngan duugliy ko ngan tay e mo’olung ni yigo gur e fan ngom fa ba tu’uf ni ngan tay fare membership council nifan fare gafgow nag bee’. Krayag ni ngar gopuruy’gaed ngak e tiyugang’ nibay e preisthood roraed ko mornga’agen e pin’ey. Machane, reb e tin ba’aray e gafgow nag e mabgol fa bee’ nib ilaal nira pag rogon e rib tu’uf ni yira tay fare membership council nifan.

• Gafgow nag downgin: amith ko dowef ni bachan e cham. Boech e mitney e gafgow ngak bee’ e bay ni dabi m’ug ya’an.

• Gafgow nag bee’ ko galong: Muguy mornga’agen nikan tomilang nag ko 38.6.18.3.

• Gafgow nag bee’ ko thin ni dani fel’: Woed e ngongol fa thin nira kireb nag fal’ngin nge gelngin bee’. Biney e mu’un e thin ni yabaq ni gathi ta’abiyay ngay, ngongol ni gur e gaba’adag machane dabun facha’, fa thibthib nibe kireb nag mornga’agen facha’ fa be tay facha’ nga butt’.

• Salpiy ni yibe dariyfan nag: Fekyathin e salpiy ko gidii’ ni yibe dariyfan nag. Biney e mu’un ni yibe fanay e tirok’ bee’, fa chugum ko gidii’, fa salpiy, fa ku boech ban’en nib ga’fan mab tolang pilwon ni dariy mat’won nikan pii’ nib legal. Kab mu’un e ngongol ngay ni yibe gelaen’ ma yibe fanay e salpiy rok’ bee’ ni danur tayfan. Kab mu’un e ngongol ngay ko fanay e salpiy ni nge tawasoriy bee’ ni nge rrin’ ban’en.

38.6.2.5

Fapi Pigpig nifan e Galasia, fapi Temple Recommend, nge fapi Annotation ko Membership Record

Members ni yaed be gafgow nag boech e gidii’ e dabin pii’ e pigpig ngoared nifan e Galasia ma dabin pii’ e temple recommend ngoraed nge mada’ ko ngiyal’ nikar kalngaen’gaed nge ngiyal’ nikan luuf fapi siyegnag ko memberhsip roraed ko Galasia.

Fa’anra gafgow nag bee’ reb e bitir fa fel’yangren ko ngonglen e galong fa gafgow nag fare bitir fa fare fal’yangren ko cham fa thin nib kireb, ma yira tay fare annotation ko membership rok’. Ri dabin pii’ reb e muruwel fa pigpig ngak nibay e bitir riy fa fal’yangren. Biney e mu’un ni dabin pii’ reb fare muruwel ngak ko pigpig ko tabinaew nibay e fal’yangren riy fa bitir riy. Ma ku dabin pii’ reb e fal’yangren ni ngar muruwel gow u ta’abang. Pin’ey ni yibe siyegnag riy e susun ni dabin luuf nge mada’ ko ngiyal’ nike pii’ fare bin Somm’on e Presidency mat’won ni ngan luuf fapi annotation.

38.6.2.6

Stake nge Ward Council

Ulan fapi mo’olung ko stake nge ward coucil, fapi stake presidencies nge fapi bishopric e yaed ma mada’ ni bo’or yay ni ngar ranoed u dakean fapi motochiyel ko Galasia nge rogon kanawo’en ni ngan taleg nge pii’ e ayuw ko abuse. Fapi tiyugang’ nge fapi members ko council e ngar gayed wo’en fare Thothup ko napan ni yaed be machib ma yead be weliy mornga’agen e pin’ey.

Fapi members ko council e ki yaedra mu’nag fapi training nifan e yiroriy e bitir nge fal’yangren (muguy ko 38.6.2).

38.6.2.7

Mornga’agen e Tin nib Legal Nibay Rogon ko Gafgow Nag Bee’

Fa’anra bay e ngongol ko reb e member nibe gathay nag reb e motochiyel, ma fare bishof fa fare stake president e susun ni ngeyog ngak fare member ni nge report nag e pin’ey ngak e police fa gidii’en e aam.

Tiyugang’ ko Galasia nge fapi members e susun ni ngar report niged gubin mit e gagow nag bee’ ngak e gidii’en e aam.

38.6.4

Falay ko Diyen

Bay e tawa’ath ko mabgol ni rayag ni ngan fakay e bitir min pii’e dogur nifan e ya’al ko bitir rok’ Got, min ayuweg min chuwathiliy min machib nag (muguy ko 2.1.3). Fare duugliy urngin e bitir nge wi’in e ngan taban i fakay e biney e rib milfan ngak fagli mabgol. Biney e susun nikemus nibay u thilin fagli mabgol nge Somoel.

38.6.5

Falan e Dowef ko Mm’on ko Mabgol nge Ngiyal’ nikan Mabgol

Motochiyel rok’ Somoel ko mornga’agen e falan e dowef e:

• Dabin un ko ngongol ko galong u wuru’ e mabgol nib civil u thilin e pumo’on nge bpin.

• Yul’yul’ u thilin e mabgol.

Fare tha’ u thilin e par ko mabgol ko fare figirngiy nge fare le’ngiy e susun ni ban’en ni rib fel’ ma rib thothup. Ya Got e ke yibliy nifan e nge sunmiy e bitir nge fan fare a’dag nibay u thilin fare figirngiy nge le’ngiy.

38.6.6

Pornography ko Bitir

Galasia e dariy mit e ngongol ko pornography ko bitir nima un ngay. Fa’anra nag fare bishof fa stake president mornga’agen reb e member nibe un ko pornography ko bitir, ma kachingiyal’ nem nira rrin’ ni ba’aray rogon kanawo’en ko 38.6.2.1.

38.6.8

Dabpiin ko Bpin ni Yibe The’eb fa ni Thilyeg Rogon

Galasia e darma un ko ngongol ni ngan thilyeg rogon e dabpiin ko bpin.

38.6.10

Ngongol ko galong ulan e tabinaew (k’uw)

Galasia e dariy mit e ngongol ko k’uw nima un ngay. Woed rogon ni ba’aray mornga’agen k’uw e galong u thilin:

• Reb e galibthir nge reb e bitir.

• Reb e titaw fa tutuw nge reb i pifak pifak.

• Walag ni pumo’on nge bpin.

• Reb e uncle fa aunt nge reb i pifak walagen.

Woed rogon ni ba’aray mornga’agen, bitir, pifak pifak e galibthir, walag ni pumo’on nge bpin, niece, nge nephew e mu’un e walag ngay ni ta’areb e galibthir romew, fakan poef, ta’areb e nina’ mab thil e papa’ fa ta’areb e papa’ mab thil e nina’, fa reb e tha’ nikan peof.

Fa’anra bay reb e bitir nikan rrin’ e kireb ngak ko k’uw, ma fare bishof fa stake president ere kol nag fare numba ko Galasia nifan e abuse ni fa’anra bay ko fare nam (muguy ko 38.6.2.1). Ulan boech e nam, fare stake president e susun nira gay mornga’agen e tiney ko fare area legal counsel ko fare area office. Ma ki yibe pii’ e athamgil ngak ni nge gay e ayuw ko fapi gidii’ nima muruwel ko Family Service fa fare manager nima pii’ e ayuw ko fare area office.

Rib tu’uf ni yira tay fare membership council nge fare annotation ko record ni fa’anra ke rrin’ e ngongol ko k’uw. K’uw e bay ni gubin ngiyal’ ni yira chuweg fare membership ko Galasia rok’ facha’ riy.

Fa’anra reb e bitir e ke rrin’ e k’uw, ma fare stake president era kol nag fare Office ko fare Bin Somm’on e Presidency ni nge powi’iy kanawo’en e biney.

Pi’in nikan rrin’ e k’uw ngak e bigel e gafgow ni yaedra tay. Fapi tiyugang’ e ngar pii’ed e ayuw u fithik’ e murnguy nge t’ufeg. Yaedra pii’ e ayuw nib thothup mi yae powi’iy e pi’in nikan rrin’ e kireb ngoraed ni ngeyag nira gelgaed ko thibngin e gafgow nikan rrin’ ngoraed.

Bochingiyal’ ma pi’in nikan rrin’ e kireb ngoraed e bay ni yaed be thamiy e tamara’ fa yaed be thamiy ni yaed e kireb roraed. Pi’in nikan rrin’ e kireb ngoraed e gathi yaed e bay e kireb ko denen roraed. Fapi tiyugang’ e ngar pii’ed e ayuw ngoraed nge tabinaew roraed ni ngeyag ni ngar nangfaned fare t’ufeg rok’ Got nira gol nagraed u dakean Yesus Kristus nge fare Bayul rok’ (muguy ko Alma 15:8; 3 Nephi 17:9).

Ul’ul nibe pii’ e tiyugang’ ko Galasia e ayuw nibe ayuwegney, fapi gidii’ nikan rrin’ e kireb ngoraed e bay nira tu’uf ni ngar guyed bee’ nib salap ko mornga’agen e tiney nge pii’ e ayuw ngoraed. Boech mornga’agen e biney, muguy ko 38.6.18.2.

38.6.12

Matokaan

Matokaan e bugi ngongol ko mo’oniyan’ nima wawoliy e gidii’ nga orel. Ma gathay nag e mich ngak Kristus.

Matokaan e bugi tayfan ko mo’oniyan’. Mu’un e ngongol ngay ni dani peth rogon ko gospel rok’ Yesus Kristus. Tiney e mu’un e ngongol ngay ni woed (machane gathi kemus rogon array) noeg e tin nira buch nga mm’on ban’en ni dawri buch, machaan, nge ngongol ni woed ni ngan gol nag bee’ ni yibe yaen u ya’an fare priesthood rok’ Got (muguy ko Moroni 7:11–17).

Gidii’en e Galasia e susun ni dabi un ko mitney e tayfan ko mo’oniyan’ fa un ko ngongolen e matokaan. Susun ni dabra uned i weliy mornga’agen e tiney ni rib lumor mornga’agen fa ni weliy mornga’agen ulan e mo’olung ko Galasia.

38.6.13

Pornography

Galasia e dariy mit e ngongol ko pornography nima un ngay. Urngin mit e pornography e ma gathay nag e yafos ko gidii’, tabinaew, nge nam. Ma kuma palognag fare Thothup rok’ Somoel nga orel. Gidii’en e Galasia e susun ni ngar palog nigedraed ko gubin mit e pornography nge gin ni yibe ngongliy e pornography riy, nge weliy mornga’agen, fa yaliy ya’an e pornography.

Mo’olung ni yigo gur e fan ngom nge siyegnag fapi membership nib informal e bay nib gaman ni nge ayuweg facha’ nge kalngaen’ nibe yaaliy ya’an e pronography. Gathi rib tu’uf ni yira tay fare memberhsip council. Machane, bay nira tu’uf ni ngan tay fare council ni fa’anra ba alamrin i yaaliy ya’an fa momaw’ i talegnag i guy e pornography nike gathaaynag e mabgol rok’ reb e member fa tabinaew rok’ (mugy ko 38.6.5). Rib tu’uf fare council ni fa’anra reb e member e be, weliy mornga’agen, bay rok’, fa be ul’ul’ nge guy ya’an e pornography ko bitir (muguy ko 38.6.6).

38.6.14

Tolngaen’

Gubin e gidii’ e yaed e bitir rok’ Got. Gubin ni bugi walag ni bpin nge pumo’on ni yaed e kabang ko fare tabinaew rok’ nib thothup “The Family: A Proclamation to the World”). Got e “sum rok e re mo’on nem ni girdi’en urngin e nam” (Acts 17:26). “Ma gubin ma taʼareb rogon rokʼ Got,” (2 Nephi 26:33). Ma ra bigyaed “ma taʼareb rogon fan ni sunmiy raed” (Jacob 2:21).

Tolngaen’ e gathi rogon i fanow nag e thin rok’ Got. Liyoer rom ngak Got e be yaen u rogon e mich rom ngak nge rogon ni gabe fol ko fapi motochiyel rok’, ma gathi be yean u rogon rama’en downgim fa rogon mornga’agem.

Galasia e be pinning e gidii’ ni gubin ni ngar piged ngongolen e ngongol ko tolngaen’ ngak e gidii’ fa ngak bee’. Members ko Galasia e susun ni ngar daged mi yaed dag rogon i powi’iy i tayfan e bitir rok’ Got ni gubin. Members e ngar laked wo’en e motochiyel rok’ fare Tathapeg ko rogon i t’ufeg e gidii’ (muguy ko Matthew 22:35–39). Yaed ma gay rogon ni ngar ta’areb niged e gidii’ ni gubin, min palog nigey ko gubin mit e ngongol ko tolngaen’. Biney e mu’un e tolngaen’ ngay ko rogon e gidii’, yalen e gidii’, nam ko gidii’, ulung ko gidii’, bpin nge pumo’on, duw, m’ar, status rom ko nam rom, tin ni michuwan’ e galasia rom ngay, nge pumo’on nge bpin.

38.6.15

Bee’ ni Ba’adag Bee’ ni Woed Ir nge Ngongolen e Galong

Galasia e be pii’ e athamgil ngak e tabinaew nge members ni ngar daged e t’fueg, min tayfan, e gidii’ ni ba’adag e gidii’ ni woed ir. Galasia e kuma un nge pii’ e ayuw ko society ko rogon fapi n’en ni yibe machib nag ni mornga’agen e t’ufeg, ayuw, t’ufeg nifan e gidii’ ni gubin, nge tayfan e gidii’ ni gubin. Galasia e darma un ko ngongolen fa ulung ko gidii’ ni ba’adag e gidii’ ni woed ir.

Motochiyel rok’ Got e ma siyegnag urngin mit e ngongol ko galong, demeturug ko gur nge bee’ nib thil fa gamew bee’ ni ta’areb rogon. Tiyugang’ ko Galasia e ngar fanow niged fapi members nikar gathayed fapi motochiyel ko falan e dowef. Fapi tiyugang’ e nge pii’ e ayuw ngoraed ni ngeyag ni ngar nangfaned e mich ngak Yesus Kristus nge fare Bayul rok’, fare wo’en e kalngan’uy, nge fan e yafos rodaed u fayleng.

Guy bee’ ni gaba adag ni ta’areb rogon downgin mew e gathi ba denen. Members nibe yib e tiney e thamtham ngoraed machane dar ranod u ya’an e be fol ko fare wo’en e tonom rok’ e Chitamngiy nu Tharmiy nifan ngak pifak nge machib ko Galasia. Fapi tiyugang’ e ngar pii’ed e ayuw ngoraed ko rogon nrayag ni ngar fol gaed ko fapi motochiyel rok’ Somoel. Tiney e members ni bay e tiney e thamtham roraed e rayag ni ngar thapagned e pigpig nifan e Galasia, pii’ e recommend ngoraed ko temple, nge thapeg e gam’ing ko temple ni fa’anra fel’ thawingraed. Members ko Galasia ni pumo’on e bay ni rayag ni ngar thapagned fare priesthood mi yaed muruwel ngay.

Gubin e members nira ayuweg fapi m’ag nike ngongliy era thapeg gubin mit fapi tawa’ath nikan micheg ko fare bin ni manechubog e yafos ni demuturug ko kar thapegned fapi tawa’ath nifan e mabgol ni manemus fa kar manged e galibithir ko biney e yafos (muguy ko Mosiah 2:41).

38.6.16

Mabgol ni Ta’areb Rogon e Gidii’ Riy

Woed rogon e yalen ko gospel, nibay ko fapi chep nib thothup, nge Galasia nibe micheg ni mabgol u thilin e pumo’on nge bpin e rib tu’uf ko fare wo’en nike sunmiy Got nifan ngak e milekag rok’ pifak nib manechubog. Ma Galasia e kube micheg ni motochiyel rok’ Got e be dag ni mabgol e ba tha’ nib legal makemus nibay u thilin reb e pumo’on nge reb e bpin.

38.6.17

Sukul Nigey ko Mornga’agen e Galong

Galibithir e bay e muruwel roraed ni ngar sukul niged mornga’agen e galong ngak pifak raed. Galibithir e susun ni ngar weliyed, nib tomilang mornga’agen, mab yul’yul’ e numon roraed ngak pifak raed ko mornga’agen e tin nib fel’ ko dogur roraed, nge rogon e galong nib mat’aw.

38.6.18

Gafgownag bee’ ko Ngongolen e Galong, nge Cham nib Mu’un e Galong Ngay

Galasia e ma gechig nag ngongolen e gafgow nag bee’ ko galong. Woed rogon ni ba’aray mornga’agen gafgow nag bee’ ko ngongolen e galong e woed ni yibe gay rogon ni ngan rrin’ e galong ngak bee’ ni dabun e biney. Ngongolen e galong ngak bee’ ni dabun fa dabiyag ni nge pii’ mat’won e biney e kabang ko gafgownag bee’ ko galong. Gafgownag bee’ ko ngongolen e galong e rayag nira buch u thilin e mabgol fa ngiyal’ nib fel’ e thin romew bee’. Mornga’agen boech e mitney e gafgow nag bee’ ko galong ko bitir fa fel’yangren, muguy ko 38.6.2.3.

Gafgownag bee’ ko ngongolen e galong e bo’or mit nib thilthil rogon, nib mu’un e mogothin ko rape ngay nge ku boech e ngongolen e galong nib mu’un e cham ngay. Rayag nira buch ko cham, rogon e thin, nge ku boech kanawo’en nib thil rogon. Ko rogon kanawo’en ni ngan ayuweg bee’ nikan gafgownag ko galong, rape, fa ku boech e ngongolen e galong nib mu’un e cham ngay, muguy ko 38.6.18.2.

Fa’anra nang reb e member reb e pi gafgow ney nike buch ko galong, ma thingara pii’ed e ayuw ngak fapi gidii’ nikan rrin’ e kireb ngoraed ni kachingiyael’ nem. Biney e rib tu’uf ni ngan report nag ko aam min noeg ngak e bishof fa stake president. Fa’anra bay reb e bitir nikan gafgownag, ma members e ngar rrin’ed ni ba’aray rogon ko 38.6.2.

38.6.18.2

Mo’olung nifan e Gidii’ nikan Rrin’ e Kireb Ngoraed ko Galong, Rape, nge ku Boech e Ngongolen e Galong nib Mu’un e Cham Ngay

Pi’in nikan rrin’ e kireb ngoraed nikan gafgownag raed ko galong, rape fa ku boech e ngongol nib mu’un e cham ngay e bigel e mada’ad fa gafgow ni yaedra tay. Napan ni yaedra yoeg ngak fare bishof fa stake president, ma thingari dag e t’ufeg nge murnguy ngak facha’. Ra pii’ e ayuw ko mo’olung nib thothup nifan e pi’in nikan rrin’ e kireb ngoraed ni ngeyag nira gelgaed ko thibngin e gafgow nikan rrin’ ngoraed. Ma kura kol nag fare numba ko Galasia nifan e gafgow nag bee’ ni fa’anra bay ko fare nam.

Bochingiyal’ ma pi’in nikan rrin’ e kireb ngoraed e bay ni yaed be thamiy e tamara’ fa yaed be thamiy ni yaed e kireb roraed. Pi’in nikan rrin’ e kireb ngoraed e gathi yaed e bay e kireb ko denen roraed. Fapi tiyugang’ e dabra turguyed e kireb nga dakean e pi’in nikan rrin’ e kireb ngoraed. Yaedra pii’ed e ayuw ngoraed nge tabinaew roraed ni ngeyag ni ngar nangfaned fare t’ufeg rok’ Got nira gol nagraed u dakean Yesus Kristus nge fare Bayul rok’ (muguy ko Alma 15:8; 3 Nephi 17:9).

Members e rayag ni ngar turguyed ko yaedra weliy mornga’agen fapi kireb fa cham nikan rrin’ ngoraed, machane fapi tiyugang’ e susun ni dabi par nikemus ni mornga’agen e tiney e yaed be sap ngay. Biney e rayag nira amith nag facha’ nikan rrin’ e kireb ngak.

Ul’ul nibe pii’ e tiyugang’ ko Galasia e ayuw nibe ayuwegney, fapi gidii’ nikan rrin’ e kireb ngoraed e bay nira tu’uf ni ngar guyed bee’ nib salap ko mornga’agen e tiney nge pii’ e ayuw ngoraed. Boech mornga’agen e biney, muguy ko 31.3. 6.

38.6.18.3

Membership Council

Rib tu’uf ni sana yira tay fare membership council nifan facha’ nike gafgownag bee’ ko galong fa kemus nibe gafgownag. Rib tu’uf ni yira tay fare membership council ni fa’anra bay reb e member nike rape nag bee’ fa ke un nga reb e ngongol ko galong nib mu’un e cham ngay.

38.6.20

Opol

Yafos u fayleng e reb e tawa’ath nike yib rok’ Got ni rib fel’—reb e tawa’ath ni susun ni ngan ayuweg min yiroriy. Galasia e ma un nge pii’ e ayuw ko rogon ni ngan talag ni dabki buch e opol.

Oran e gidii’ nike tafney nag mornga’agen e opol e ba’adag ni ngan ba’ud nag ko mitney e thamtham, nge tafney, nge amith. Tiney e gidii’ e rib tu’uf ni nge pii’ e tabinaew e ayuw ngoraed, min t’ufeg raed, nibe un fapi tiyugang’ ko Galasia ngay, nge gidii’ nib salap ko mornga’agen e tiney e ban’en.

Fare bishof era pii’ e ayuw ni fa’anra bay reb e member nibe tafney nag fake gay rogon ni nge lii’ ir. Ma kachingiyal’ nem ni ngar ayuweged fare member nge thapeg e ayuw ko gidii’ nib salap ko mronga’agen e tiney e ban’en.

Demuturug gelngin rogon e ayuw nibe yib ko gidii’ nibe t’ufeg facha’, fapi tiyugang’, nge fapi gidii’ nib salap ko mornga’agen e tiney e ban’en, opol e bochingiyal’ ma dabiyag i siyegnag. Biney e rima karang e kirbean’ nib alamrin, thamtham ni rib gel e amuthunguy riy, nge duwer ko tabinaew nge gidii’ nib t’uf ku facha’ ni daniyag ni ngar fithed e tin nibay u waen’raed. Fapi tiyugang’ e susun ni ngar fanow niged mi yaed ayuweg fare tabinaew. Yaedra pii’ e ayuw ni nge gol nag fare tabinaew nge tin nira t’uf roraed.

Dani mat’aw ni nge lii’ bee’ ir nge yim’. Machane, kemus ni Got e rayag ni nge pufthin nag rogon e tafney rok’ facha’, ngongol rok’ nge fan ni og nga opol (muguy ko 1 Samuel 16:7; Doctrine and Covenants 137:9).

Pi’in nike yim’ reb e gidii’ roraed ko opol e rayag ni ngan gol nag u dakean Yesus Kristus nge fare Bayul rok’.

38.6.23

Gidii’ nib Transgender

Gidii’ nib transgender e bo’or mit e gafgow nib momaw’ nibe yib ngoraed. Members nge gidii’ ni gathi members ni kanoeg e transgender ngoraed—nge tabinaew roraed nga pi tafagar roraed—e susun ni ngan dag e t’ufeg, nge murnguy, ngoraed ni bo’or ni woed Kristus. Gubin e gidii’ ma rayag ni nge yib nge un ko mo’olung ko sakrament, fa boech e mo’olung nifan e Madnom, fa un ko fapi events nifan e Galasia (muguy ko 38.1.1).

Pumo’on nge bpin e rib tu’uf ko wo’en e tonom rok’ e Chitamangiy nu Tharmiy ko falfalaen’. N’en nibe yipfan fare bugithin ni pumo’on nge bpin ulan fare family proclamation e bin dogur nikan pii’ ngom napan nin gargeleg gem ni gur reb e pumo’on fa reb bpin. Boech e gidii’ e ma balyangaen’ ko ir e pumo’on fa bpin nge bin e dogur nikan pii’ ngak ni’ir e pumo’on fa bpin. Napan nira buch e biney, ma kanoeg e transgender ngay. Galasia e darma un ko tiney ni mornga’agen e gidii’ ni yaed ma piningraed ni transgender.

Oren e gubin ko Galasia nge boech e gam’ing ko priesthood e woed ni kemus nifan e pumo’on nge bpin. Bee’ nib transgenger e rayag ni yira tawfe nag me thapeg e thothup ni ba’aray rogon mornga’agen nikan yoloey ko 38.2.8.10. Krayag ni ngar feked fare sakrament mar thapeged fapi tawa’ath ko priesthood. Machane, fapi gam’ing ko priesthood nge fapi gam’ing ko temple e yima thapeg ni rogon e bin dogur nikan gargelegem ngay.

Fapi tiyugang’ ko Galasia e yaed be yoeg ni dabin un ko taflay fa nifek e falay nifan ni nge thilyeg bee’ ir ko bin nin gargeleg riy ni’ir reb e pumo’on fa reb e bpin (“thilyegnem ngam mang reb e bpin fa pumo’on ko bin ni gargelegnem riy”). Fapi tiyugang’ ko Galasia e yead be yoeg ni fa’anra rrin’ bee’ e pin’ey ma yira siyegnag fare membership rok’ ko Galasia.

Fapi tiyugang’ e ki yaedra fanow nag e gidii’ ni dabin un ko ngongol ni ngan thilyeg rogon downgiy ko bin nike pii’ Somoel. Biney e mu’un i thilyeg rogon e maad nima chuw e pumo’on fa bpin ngay, thilyeg fithingan ni nge mang reb e pumo’on fa reb e bpin, ko bin downgwin nikan gargeleg riy. Fapi tiyugang’ e ki yaedra yoeg ngak e pi’in nibe thilyeg rogon raed nike tay Somoel ni ngan tay fapi siyegnag ko membership roraed ko Galasia ko ngiyal’ ney ni yibe thilyegraed.

Fapi siyegnang e mu’un fapi thapeg fa fanay fare priesthood ngay, thapeg fa fanay e temple recommend, nge thapeg e pigpig ko Galasia. Dariyfan ni boech e pin’ey ko membership ko Galasia e bay ni yira siyegnag, machane wub ko Galasia e krayag ni yira tay.

Fa’anra bay reb e member nike duugliy ni nge thilyeg rogon fithingan fa rogon ni ngan pinning ko bin nin gargeleg riy, ma fithingan e biney e ngochol e rayag ni ngan uneg ngalan e member record rok’. Ma facha’ e rayag ni ngan pinning ko fare ngochoel nike duugliy ulan fare ward.

Tiney e rib thilithil ya’an nge rogon ulan reb e unit ngareb e unit nge bee’ nge bee’. Fapi member nge fapi tiyuang’ e yaedra gopuruy’ u ta’abang ngak Somoel. Fapi Area Presidencies e yaedra ayuweg fapi tiyuang’ nib local ko rogon i rrin’ e pin’ey. Fapi bishof e yaedra gopuruy’ ngak fare stake president. Fapi stake president nge fapi mission president e thingari puruy’gaed ngak fare Area Presidency min fanow nagraed ko mornga’agen e pin’ey ni ba’aray ko 32.6.3).

38.7

Motochiyel ko Mam’engen e Taflay

38.7.2

Gam’eyag nge Urfiiy

Gathon e tabinaew rok’ facha’ nike yim’ e yaed e yaedra duugliy ko ngan k’eyag fa ni urfiiy fare dogur ku facha’ nike yim’. Yaedra rrin’ ni woed rogon ni ba’adag facha’.

U buch e nam, e bay e motochiyel riy ni ngan urfiiy. Ma boech, e gam’eyag e dani t’uf fa dabiyag pilwon ko tabinaew. Demuturug rogon, fare dogur e susun ni yira tayfan. Members e thingarni micheg nag ngoraed ni fare gelngin fare Foskoyam’ e gubin e gidii’ mara buch rok’ (muguy ko Alma 11:42–45).

Fa’anra rayag, ma fare dogur rok’ facha’ nike yim’ nikan mu’ i endow nag e susun ni ngan yoen’ nga maadne temple ko ngiyal’ ni ngan k’eyag fa ni urfiiy (muguy ko 38.5.8).

38.7.3

Bitir nike Yim’ u Mm’on nin Gargeleg (Yim’ napan nin Gargeleg nge Bitir ni Dawri Ngael’ me Yim’)

Galibithir era duugliy rogon fare magawon nge gam’eyag riy.

Gam’ing ko temple e dani t’uf ni ngan rrin’ nifan e bitir nike yim’ u mm’on nin gargeleg. Biney e dar siyeg wo’en e pi bitir ney ni nge mang bang ko fare tabinaew ni manemus. Galibithir e yira pii’ e ayuw ngoraed ni nge pagaen’raed ngak Somoel me gol nagraed.

38.7.4

Euthanasia

Yafos u fayleng e reb e tawa’ath nike yib rok’ Got. Euthanasia e mathang pogofan rok’ bee’ nibe gafgow ko reb e m’ar ni rib alamrin nibe gathay nag e yafos rok’. Bee’ nira un ko euthanasia, nib mu’un ni ayuweg bee’ ni ngan lii’ nge yim’, era kireb nag e motochiyel rok’ Got ma bay nira gathay nag e motochiyel nib nam.

Talag fa siyeg e pi talne ayuw nibe pii’ e ayuw ko pogofan rok’ bee’ nike chugur ni nge yim’ e gathi bang ko euthanasia (muguy ko 38.7.11).

38.7.5

Infection ko HIV nge AIDS

Members nibay e m’ar roraed ko HIV (human immunodeficiency virus) fa AIDS (acquired immunodeficiency syndrome) e susun ni ki yira pinningraed ni ngar uned ko fapi mo’olung nge activities nifan e Galasia. Wub roraed e dabi afweg e m’ar ngak e gidii’.

38.7.8

Mam’engen e Taflay

Gay e ayuw nifan e taflay, gelnag e mich, nge thapeg e tawa’ath ko priesthood e gubin nima muruwel u ta’abang ni nge gol nigey, nibe yean u rogon ni ba’adag Somoel.

Members e susun ni dabi fanay fa un ko taflay fa gay rogon boech ban’en ni dani fel’, fa dani thothup, fa bay mornga’agen ni dani legal. Pi’in nibay e m’ar roraed e susun ni ngar gayed e ayuw ko gidii’ nib professional nibay e license roraed ko pin’ey nikar filed mornga’agen.

38.7.9

Marijuana ni Ngan Fanay ko Falay

Galasia e darma pii’ mat’woy ni ngan fanay e marijuana ko falay. Muguy ko 38.7.14.

38.7.11

N’uw Nag N’umngin Napan e Yafos (Nib Mu’un e Ayuw Ngay ko N’uw Nag N’umngin Napan e Yafos rok’ Bee’)

Members e susun ni dabi magawon wan’raed ni ngar n’uw niged n’umngin napan e yafos rok’ bee’ ni nge pag rogon. Tiney e ban’en ni ngan duugliy e susun ni facha’ e milfan ngak, ni fa’anra rayag, fa gathon e gidii’ ko tabinaew rok’. Susun ni ngar motoyil gaed ko tin nira fanow nag gidii’en e togta nge tin nibe thogthog nag e thothup nibe yib ko meybil.

38.7.13

Fapi Taaflay ko Tuussa

Fapi taaflay ko tuussa ni yima pii’ nibe yib ko gidii’ nib salap ko mornga’agen e tiney e ma ayuweg e yafos nge dogur. Members ko Galasia e yibe pii’ e athamgil ngoraed ni ngar ayuweged raed, nge pifak raed, nge binaew roraed ni rayag i rrin’ e biney ni fa’anra yaedra un ko taaflay ko tuussa.

Machane, ra bee’ mab milfan ir ngak ni nge gagiyegnag e tin ni nge duugliy ni mornga’agen e tuussa. Fa’anra bay e duwer rok’ reb e member, ma susun ni ngar nonad ngak fapi gidii’ nib salap ko mornga’agen e tiney mi yaed gay e tin nibe powi’iy fare Kan ni Thothup.

38.7.14

Fare Thin ko Gonop nge Rogon i Ayuweg e Dogur

Fare Thin ko Gonop e ir reb e motochiyel rok’ Got. Fapi profet e kar tomilang niged mornga’agen fapi machib nibay ulan e Doctrine and Covenants 89 nib mu’un ni ngan palog nigey ko tamagow, n’um ban’en nib gel gelngin (alkuul), nge garbath nib guwal ni woed e (tea nge coffee).

Ku bay boech ban’en nge boech ni yima rrin’ ni dani weliy mornga’agen ulan fare Thin ko Gonop fa weliy fapi tiyugang’ mornga’agen ko Galasia. Members e susun ni ngar fanayed fapi thin ko gonop mi yaed meybil nag e tin nira ayuweg e dogur roraed, nge thothup roroaed, nge tin nib fel’ nga gum’ircha’enraed.

38.8

Fapi Motochiyel ko Administrative

38.8.1

Poef nge Ayuweg e Bitir

Poef e bitir nge ayuweg raed e rayag nira tawa’ath nag fapi bitir nge fapi tabinaew. Tabinaew ni manemus, e rayag ni ngan sunmiy ko wo’en e poef bitir u fithik’ e t’ufeg. Demuturug ko ke yib fapi bitir riy nikan poef raed fa kan gargelegraed, yaed gubin ma ba ta’areb rogon.

Members nibe gay rogon ni nge poef e bitir fa ayuweg e bitir e susun ni ngar fol gaed ko fapi motochiyel ko fare naam nge fapi government riy.

38.8.4

Sassing nge Fith Fithingan fapi General Authorities, fapi General Officers, nge Fapi Area Seventies

Members ko Galasia e susun ni dabra fithed ngak e General Authorities fithingan ni nge yoloey nga butt’, ni ku ta’ab rogon ko fapi Geneal Officers, fa fapi Area Seventies. Rrin’ e biney e bay nira palog nagraed ko fapi muruwel roraed nib thothup nge fare thothup nima yib ko fapi mo’olung ni yaed ma tay. Ma biney e krayag nira talagraed i fingichiy boech e members.

Members e susun ni dabra feked ya’an e sassing ko fapi General Authorities, fapi General Officers, fa Area Seventies ulan fapi chapel.

38.8.7

Magazine ko Galasia

Fapi magazine ko Galasia e mu’un e:

• Fare Tafagar nifan e bitir.

• Fan e Gelngin e Fal’yangren fan ngak e fal’yangren.

• Fare Liahona nifan e gidii’ nib ilaal.

Fare bin Somm’on e Presidency e yaed be pii’ e athamgil ngak e members ni gubin ni ngar be’egned fapi magazine ko Galasia. Fapi magazines e rayag ni nge ayuweg fapi members ngar filed mornga’agen e gospel rok’ Yesus Kristus, mar filed mornga’agen fapi machib rok’ fapi profet nib fos, min thamiy ni yim mang bang ko fare tabinaew ko Galasia, min rrin’ e tin nib momaw’ u fithik’ e mich, min chugur nigey ngak Got.

38.8.8

Fithingan e Galasia, Wordmark, nge Pow Riy

Fithingan e Galasia, wordmark, nge pow riy e irrerram fapi kiy nge ya’an e tirok’ e Galasia.

Wordmark nge pow. Fare workmark nge pow ko Galasia (muguy ya’an nibay ulang) e kemus ni ngan fanay nike pii’ fare bin Somm’on e Presidency nge Quorum ko fare Ragag nge L’agruw i Apostles. Dabiyag ni ngan fanay nga boech ban’en. Ni ku woed ni dabiyag ni nge fanay bee’, fa fanay reb e muruwel, fa ya’an ni ngan pii’ ni chuway’.

38.8.10

Fapi Computers

Fapi computers nge software nibe fanay e Galasia e be yib rok’ headquarters ko Galasia fa fare area office ma yaed e yaed be gagiyegnag rogon. Fapi tiyugang’ nge members e ngar fanayed e pi’ney ni nge pii’ e ayuw ko tin nifan mam’engin e Galasia, nib mu’un e murwel ngay nifan e nifan e cheppin e tabinaew.

Gubin e software ko pi computers ney e susun ni ngan licensed nag ko Galasia.

38.8.12

Fapi Material nge Tin nib Mu’un Ngay

Galasia e ma pii’ fapi material ni nge ayuweg e members ni ngar filed mar fol gaed ko gospel ku Yesus Kristus. Tiney e mu’un fapi chep nib thothup ngay, fapi mulwol nibe yib ko general conference, fapi magazine, nge fapi manuel, nga fapi babyor, nge ku boech takne ayuw. Fapi tiyagang’ e ngar pii’ed e athamgil ngak fapi members ni ngar bi’eged fapi chep nib thothup nge boech e talne ayuw nifan e gospel ni ngan fil mornga’agen ulan e tabinaew.

38.8.14

Ya’an e Maad nge Ya’ay

Members ko Galasia e yibe pii’ e athamgil ngoraed ni ngar daged ni yaed be tayfan downginraed ko rogon e pi maad ni yaed be chuwngay nge rogon ya’an. Rogon nib mat’aw mab fel’ e be yaen u rogon e nam nge ggin ni gabay riy.

38.8.16

Fare Rran ni Yima Balaynag e Abich Riy

Members e rayag ni ngar balay niged e abich roraed ni demuturug e ngiyal’ riy. Machane, baga’ ni yaed ma rrin’ e biney ko fare bin somm’on e Madnom ko fare pull ni’ir fare rran ni ngan balay nag e abich riy.

Fare rran ni yima balay nag e abich riy e baga’ nib mu’un e meybil ngay, ngan par ni dabin abich fa n’um e garbath ni nge gaman 24-e awa (ni fa’anra rayag, min pii’ e fast offering nib numoew. Fast offering e mukun salpiy ni nge ayuweg e gidii’ nibe gafgow (muguy ko 22.2.2).

Bochingiyael’ ma Galasia ni ga’angin yang u dakean e fayleng fa mo’olung riy ko local e yima tay ko fare bin somm’on e rran ko Madnom ulan fare pull. Napanra buch e biney, ma fare stake presidency era duugliy reb e rran nifan fare Madnom nifan e balay nag e abich.

38.8.17

Gosgos ko Salpiy nge Lotteries

Galasia e darma un ma be fanow nag ni dariy mit e ngongol ko gambling ni ngan un ngay. Biney e mu’un i gosgos ko salpiy ngay nifan e gosgos fa boech e lotteries nibe yib ko aam.

38.8.19

Immigration

Members nima par ko gin nin gargelegraed riy e rayag ni ngar gelniged mi yaed mon’og nag e Galasia ko gin ni yaed bay riy. Machane, yean ngareb e nam e gur e milfan ngom.

Members nira milekag ngareb e nam e susun ni nge fol ko fapi motochiyel ko gin ni yaed bay riy (muguy ko Doctrine and Covenants 58:21).

Fapi missionaries e susun ni dabra pii’ed e ayuw ko immigration.

38.8.22

Motochiyel ko Binaew

Members e susun ni ngar liyoer gaed, mi yaed tayfan fapi motochiyel nifan fare naam ko gin ni yaed be par riy fa yaed be milekag ngay (muguy ko Doctrine and Covennts 58:21–22; Kenggin Lik’ngin e Mich 1:12). Biney e mu’un e motochiyel ngay ko thilyeg e machib.

38.8.25

Numon ko Members ngak e Headquarter ko Galasia

Members ko Galasia e yibe yoeg ngoraed ni dabra kol gaed, fa ni email, fa ni yoloey e babyor ngak e General Authorities ni mornga’agen e duwer ko yalen, fa tin nib momaw’ nibe buch rok’ bee’, fa ban’en ni yibe fith. Members e yibe pii’ e athamgil ngoraed ni ngar kol niged fapi tiyugang’ roraed nib local, nib mu’un e president ko Relief Society ngay fa elders quorum, ko ngiyal’ ni yaed be gay wo’en e tin nib thothup ban’en (muguy ko 31.3).

38.8.27

Member nibay e M’ar Roraed

Fapi tiyugang’ nge fapi members e yibe pii’ e athamgil ngoraed ni ngar guyed e pi’in nib tu’uf e ayuw roraed nibay ko unit roraed. Members nibay e m’ar roraed e baga’ faraed ma rayag ni ngar pii’ed e ayuw nib gel. Mit ney e m’ar e krayag ni m’ar ko man’aey, rogon e tha’ rom ngak e gidii’, fa rogon e thamtham rom, nge rogon e mithmith ko dogur.

38.8.29

Boech e Tiliw nib Thil

Tin nib fel’, mab thothup, nge boech ban’en nib mangil e baga’ ni yima tayfan e ma yib ko boech e tiliw nib thil. Missionaries nge members e thingara daged e liyoer nge tayfan ngak boech e tiliw nib thil nge yalen e gidii’ riy nib thil.

38.8.30

Political nge Fapi Activities nib Civil

Gidii’en e Galasia e yibe pii’ e athamgil ngoraed ni ngar uned ko tin nibe un e political nge aam ngay. Ko boech e nam, biney e woed nib mu’un e:

• Voting ngay.

• Un ngareb fa reb e pigpig ko ulung nib political.

• Pii’ e ayuw ko salpiy.

• Gopuruy’ ngak fapi officials nge fapi candidates.

• Pigpig ulan fapi ulung nikan turguy ko office nib local nge national government.

Fapi members e ki yima pii’ e athamgil ngoraed ni ngar uned ko ulung nira mo’onog nag e binaew roraed ni ngeyag ni fel’ e par riy min chugliy e tabinaew riy.

Tiyugang’ ko Galasia nib local e susun ni dabi kunuy e members nga ta’abang ni nge un ko tin nib political ban’en. Ma susun ni dabi wawoliy fapi tiyugang’ rogon ni nge un fapi members ko tiney e ban’en.

Fapi tiyugang’ nge fapi members e susun ni ngar palog nigedraed ko thin fa ngongol ni woed ya’an nibe dag ni Galasia e kabang ko reb e ulung nib political, fa bang e platform, fa policy, fa reb e condidate.

38.8.31

Mithaeg Mornga’agen fapi Members

Tiyugang’ ko Galasia e bay e muruwel roraed ni ngar yiroriyed mi yaed mithaeg mornga’agen fapi members. Fapi records ko Galasia, nge namba ko gidii’, fa boech ban’en nib chuchugur ko biney e dabiyag ni ngan fanay nifan ngak bee’, fa ni fanay ko muruwel fa fan e tin nib political.

38.8.35

Bee’ nibe Miil u Tofen ni Bachan e Magawon ko Naam Rok’

Kabang ko muruwel roraed ni ngar pii’ed e ayuw ngak e pi’in nib tu’uf e ayuw roraed (muguy ko Mosiah 4:26), gidii’en e Galasia e ngar pii’ed e tym roraed, tin ni yaed ba salap riy, mi yaed ayuweg fapi gidii’ nibe miil u tofen ni bachan e magawon ko nam roraed ni nge mang gidii’ roraed.

38.8.36

Min Ayuw ko Galasia nifan e Salpiy

Members nib tu’uf e ayuw roraed e yibe pii’ e athamgil ngoraed ni ngar non gaed ngak e bishof roraed ko bin ba’aray ni ngar kol niged e headquarter ko Galasia mi yaedr fith e ayuw ko salpiy ngak e tiyugang’ ko Galasia fa ngak boech e members.