38.

Llechul a Ikelesia me a Loltirakl el Tekoi

38.1

Ngara Ikelesia

A Demad er a Babeluades a betik a rengul er a rengelekel. “A rokui a di osisiu el mo ra Dios,” e Ngii olengit er a rokui “el mo er ngii me bol nguu a klungiaol lobang” (2 Nephi 26:33).

38.1.1

Idisir a rechad el mora Ikelesia

A rokui el chad a kmal di sebechir el mora ongdibel er a ikelesia, el diak el dil sel ongibel er a Sandei, me a klou el ongdibel er a Ikelesia er a Jesus Kristo er a Uruil-klebesei el Santo. Ngkel bdelul ongdibel a ngerchelel lomes me a rokui el ngara ikelesia a mengull er tial chedaol teletael.

Tirkel el mo er a ongdibel lak el chacherodech leng diak el ngara teletelel omengull malechub a bebil er a moktek er sel longdibel. A rokui el teletael er a chelsel a kakerous el miting er a Ikelesia me a bebil er a omeruul a kired el mengull. E tiang a kirel diak a kora klaiuengamech me a teletael er a bail ma klemdelel a chad el lolechau mad. Ng dirrek el diak a mesaod a tekoi er a balatiks a lechub el tekoi er a deleboes a lechub eng kuk di bebil er a blekeradel el mo mengesang a miting er sel moktek er ngii el kirel Osobel.

A le ngarngii a diak lungil blekeradel, e a bishop malechub a stake president a mo omes er ngkel chad e mengedecheduch er ngii loba beltikereng. Ng mengesuseu er tirkel diak lungil a blekerdelir e olngeseu el mengeluolou er a chedaol omengull el kirir a rebek el chad e a tokubets a omengull el mo er a Chedam er a Babeluades me a Osobel.

A omekedecheraol er a Ikelesia a melemolem el kloklel a Ikelesia e oltirakl a llechul. A rechad el diak el sorir loltirakl aika el llach a mo mongit el mo diak el ngara aikel miting er a Ikelesia me a bebil er a tekoi.

38.2

Llach el Kirel Chedaol Ruoll me a Klengeltengat

A omesodel aika el chedaol ruoll me a klengeltengat a ngara bliongel 18. A omesodel chedaol ruoll er a templo a ngara bliongel 27 me a 28. A rebisop a sebechir el mengedecheduch er a merredel er a stake a lengarngii a ker tir. A remerredel a stake a sebechir el mengedecheduch er a Area Presidency a le ngarngii a ker tir.

38.3

Chebechiil er a Beluu

A roungerachel er a Ikelesia a mengelechel er a rechad el kirel a chebechiil er a templo el mo kaubuch e merenged er a templo. Eng di, a di lungil er a siukag er a beluu, e a roungerachel er a Ikelesia omak a chebechiil.

A chebechiil er a beluu a kirel mekedmokl loltirakl a llach er sel basio el morngii a chebechiil er ngii.

38.3.1

Ng Techa Sebechel Lomak a Chebechiil er a Beluu

A di el subed er a llechul a beluu, e tirkakid el mesiungel a Ikelesia a sebechir el mokedong el mo omak a chebechiil

• merredel a mision

• merredel er a stake

• merredel a district

• Bisop

• merredel a branch

Tirkaikid el chad a sebechir lomak a chebechiil er a beluu er a delongelel a sechal me a redil. Aikakid el rokui el tekoi a kirel mekedmokl:

• A sechal a lechub a redil mo bechiil a chedal a Ikelesia a lechub e ngarngii sils lolchotel a techolbechelid er ngii.

• A sechal a lechub eng redil mo bechiil a ngarngii a rekord er ngii, e lechub eng mo er ngii ruriul er a lemetecholb, er sel unit er a Ikelesia le nganrgii oungerachel.

• A oungerachel er a Ikelesia a oba ngerachel lomak a chebechiil er sel basio el mo er ngii a chebechiil er ngii.

38.3.4

Chebechiil er a Beluu el Ngara Omekedecheraol er a Ikelesia

A merengel a chebechiil a sebechel mo er ngii er a chelsel a Ikelesia a lsekum eng diak bol temelii a kmo ngera lomeruul er a Ikelesia. A merengel a chebechiil a diak el kirel ngarngii er a Chedaol sils a lechub el kebesengei er a Kot lureor. A merengel a chebechiil mekedmokl er a Ikelesia a kirel beot e klebokel. A chelitakl a kirel chedaol, olchotel omengull, e ungil loderngesall.

A chebechiil a sebechel mekedmokl er a chelsel a ikelesia, a lechub a cultural hall a lechb a tara ungil delmerab. A chebechiil a kirel loltirakl a teletelel a ungil usbechellel omekedecheraol.

38.3.6

Merengel a Chebechiil er a Beluu

A okul a chebechiil er a beluu, e a oungerachel a mengedecheduch er a robekel el kmo, “Morkedii a klisichel chimal a tang.” E sola e okerir a, “[Ngklel a sechal] me a[ngklel a redil], e kmo kom mla mo kaiuerek a klisichel chimomiu lolchotel a telbiil el bocha msiseb er ngii er medal a Dios me a tirkal sioning.” (A robekel a melilt er a re mo sioning ruchei.)

E okerir a ngklel a sechal e kmo, “[ngklel a sechal], ke kongei el nguu [ngklel a redil] el mo ulterekokl bechim, e dirrek el di kau el tibir e yaksok el mo bechil el kmal di ngii el tang e diak a ngodech; e mo oltirakl a rokui llach, ngerachel, me a ruoll el kirel a chebechiil, e mo oubeltikereng er ngii, e mengull, e mengeluolou er ngii er a klengar kemiu er chelechang?”

A sechal onger el, “Oi” a lechub “Uaisei.”

E kuk okerir a ngklel a redil e kmo, “[ngklel a redil], ke nguu a [ngklel a sechal] el ulterekokl bechim, e dirrek el di kau el tibir e yaksok el mo kldemel e ulterekokl bechil el kmal di ngii el tang e diak a ngodech; e mo oltirakl a rokui llach, ngerachel, me a omeruul el kirel tial okul a chebechiil; e mo oubeltikereng er ngii, e mengull, e mengeluolou er ngii er tial klengar kemiu er chelechang?”

A redil onger el kmo, “Oi” a lechub “uaisei.”

A oungerachel a mo dmu er tirkal lobekel el kmo, “Ngokiu a lemeltel a ngerachel el kubang el elder er a Ikelesia er a Jesus Kristo er a Uriul-klebesei el Santo, e ak dmu e ak dmu er kau [ngklel a sechal] me a [ngklel a redil], el mla mo obekel, lulterekokl lokiu a llach el kaubuch er tial temel a klengar kemiu er a chutem.”

(A tekoi el sebechel a ku di tara bastor el diak el chad er a Ikelesia lousbech a: “Ngultuil er a klisiich el kubang el bastor er a [dulii a branch er a klsoldau a lechub eng chelechad er a beluu], e ak kmu er kau el [ngklel a sechal] me a [ngklel a redil], el kmo ko mla mo kaubuch, el lulterekokl, el bechiil er tial klengar kemiu er a chutem.”)

“A Dios bo lomekngeltengat er a chebechieliu loba deureng er a rengelekiu me a klungiaol er tial kemanget el klengar kemiu el dmak, e bo lomekngeltengat er kemiu el mo mengeluolou a telbiil el bla mruul. Aika el klengeltengat ak beskemiu el ngara ngklel a Rubak el Jesus Kristo, amen.”

A ongit el mo ketungelmad el sechal ma redil el kaubuch a di ungil a lak, ng di iior er a siukang.

38.4

Llechul Omerenged

A cheaol ruoll er a omerenged er a templo a oldak a telungalek el mo cherechar sellolasm el mengull a telbiil el ruul sel lengai chedaol ruoll. A chedaol ruoll er a omerenged a uldimukl er ngii a:

• Merenged er a sechal me a redil mo kaubuch.

• Merenged er a rengalek el mo er a roungalek er tir.

Tirkel loltirakl a telbilir a mo ngmai a klengeltengat er tial omerenged. Tia kmal klemerang luldimukl a lsekum a bechil a chad a tomall a telbiil a lechub e ngubetii er a chebechiil.

A re blak a rengrir el ngalek el mirrenged el mo er a rechad er a blirir a lechub e te milchell er a chelsel a telbiil a di olab aikel klengeltengat er a klaungalek el mo cherechar. Tia klemerang luldimukl a lsekum a rechad er a blirir a torbengii tial omerenged, a lechub a ngklir a mengubet er a Ikelesia, a lechub e te mo diak el chedal a ikelesia.

A rechad a kirir el mengedecheduch er a bisop a lsekum e ngarngii a rraureng er tir er a llechul omerenged. A bisop a mengedecheduch el mo er a merredel er a stake a le nganrngii a rraureng er ngii. A remerredel a stake a sebechir mengedecheduch el mo er a remmeredl er a templo, Area Presidency, a lechub a Obis er a First Presidency a le ngarngii a ker tir.

38.5

Bail er a Templo me a Garment

38.5.1

Bail er a Templo

Sel temel omelai el klengeltengat me a chedaol ruoll er a omerenged, e a rechad oubail a becheleleu el bail. A redil oubail aikakid el bechelelu el bail: kemanget a chimal dores el bail (a lechub a saiang me a kemanget a chimal chelchedal a bail), saks, me a oeacher.

A rsechal oubail aikakid el becheleleu el bail kemanget a chimal chelchedal a bail, nektai, a lechub a bow, subong, saks, me a oeacher.

Sel temel omelai el klengeltengat mea chedaol ruoll er a omerenged, e te otuu a bebil er a bail er a iikrel aikal becheleleu el bilir.

38.5.2

Melai a Bail er a Templo me a Garment.

A roungerachel a ward me a stake a mengelehcel er a rechad el ngmai a bilir el mo er a templo. A bail er a mo er a templo me a garment a sebechem lomechar er a stouang er a Church Distribution el ngara store.ChurchofJesusChrist.org. A re clerk er a stake me a ward a sebechir el ngosuterir a rechad el order a bilir.

38.5.5

Oubail me a Kedmeklel a Garment

A rechedal a Ikelesia el ngmai a klengeltengat er a templo a soiseb er a telbiil el mo oubail a grament er a klengar tir.

Ng chedaol techall loubail a grament er a templo. Tia olchotel a blakereng el mo oltirakl er a Osobel Jesus Kristo.

A garment a uleklatk er a telbiil el miruul er a templo. E sel mungil bleiull er ngii er a klengar kau, eng mo omecheliu er kau.

A garment a kirel ngara chelsel a bail er a iikrel. Ng di iior er a chad el kmo ngarngii a bebil er a chelsel a bail el soal loubail er a chelsel a lechub eng iikrel a garment.

Ng diak el kirel mengubet a garment el kirel aikel omilil a lsekum eng sebechem loubail a garment e ngara ikal omilil. Ng diak el kirel mengodech el mo mengaisisiu a kakerous el teletelel a bail.

A garment a chedaol e kired el mo oba omengull er ngii. A re mla ngmai a klengeltengat el chad a kirir losiik a ulekrael er a Chedaol Reng el kirel a rraureng er a garment.

38.5.7

Mengoit a Garment me a Bail er a Templo

A omongoit a mla mo mechut el garment, eng kirem el mechadou aikel olangch el ngarngii. E sola mechadou aikal garment el mo mekekerei meng diak el medangch el kmo ng garment. E sebechem el ngmai el chemoit.

A rechad er a ikelesia a sebechir el mesterir a rebebil er a mla ngmai a klengeltengat el chad er a ikelesia a garment el ngii a dirk ungil.

38.5.8

Bail er a Templo el mora re mla Mad el Chad

A lsebechel, e a mla mad el chedal a ikelesia el mla ngmai a klengletengat a sebehcel medakl a lechub eng medul loubail a bail er a templo. A le mekull a lechub eng mekngit er a teletael er a omelakl, eng sebechel aikal bail el tatam e locha er a bita er a bengel.

A bedengel a sechal a bleiull er a bail er a templo me a ikakid el becheleleu el bail: kemanget a chimal bail, nektai, subong, saks, me a oeacher. A bedengel a redil a bleiull er a bail er a templo me a ikakid el becheleleu el bail: kemanget a chimal dores (a lechub a saiang me kemanget chimal bail), saks, me a oeacher.

A teletelel a lomekbail er a chad er a bail er a templo a di uai omesodel a lolai a klengeltengat er a templo. A robe a mo er a klisichel ongelngelel e melechet er a klitechetul a sengchel. A apron a llechotel meliuekl er a sengchel. Ea sash a iliuekl er a sengchel e llechotel er a klitechetul a sengchal. A ulekungel a sechal a di le becherei er a bita ra bedengel el di merekmo bol taem longesimer er a kahol. Seikid e a ulekou a mo er a bdelul e sel bow er ngii a ngara klitechetul a dingal. A vdekedekel a medal a redil a sebechel di kled er a chiull er a btil a bdelul. A melekedek er a medal a redil ruchei er a omelakl a sebechel diak, ng iior er a telungalek.

38.6

Llach el Kirel a Mondai er a Kldung

38.6.1

Omelecheb

A Rubak a mla kmo, Lak … momekeuad, er a ngii di el teletelel (Doctrine and Covenants 59:6). A Ikelesia omtok omelecheb alsekum eng kuk di soal a chad a lechb e ngungil er a rebetok A rechedal a ikelesia a diak el kirir el kongei, meruul, merech, harau, kongei el kirel, a lechub e lomdui omelecheb. A di tal sebechel teletael a sel:

• A kldiull a dilubech le chad a mloterebek a lechub eng mlodubech er a chad er a bali.

• A meduch el toktang a kmo a kldiull a sebechel klou a le temelii er a klengar er a chedil.

• A meduch el toktang a medengei el kmo a ngara diil a oberaod a telmellel luchul e a ngalek a diak el bol chad a lemechell.

Aikaikid el teletael a dirrek el diak desal kmo ng kmal ungil uchul a omelecheb. A omelecheb a kmal iimis el loberaod el tekoi. Ng mo mekedmokl ruriul er a chad a bla lenguu a ulterekokl el nger lokiu a nglunguuch. A rechad er a ikelesia a kirir el mengedecheduch er a bisop er tial teletael.

38.6.2

Omekringel

A omekringel a mekngit lomeruul a lechub eng terrekakl el mo er a rebebil el uchul a ringel er a bednegel, deleboes, rengul, a lechub eng udoud. A Ikelesia diak el kengei a ngii di el teletael er a omekringel. Tirkel omekringel er a rebecherir, rengelekir, rechad er a telungalek, a lechub a ngii di el chad a tomelii a llechul a Dios me a chad.

A rokui el chedal a ikelesia, tokuni a roungalek me a roungerachel, a kirir el mo kerekikl e bla a rengrir lomecheliu er a rengalek me a rebebil er a rechad er a mekngit el teletael. A lsekum a rechad a mo medenge mekngit el lomeruul, eng kirir louchais er a roungerachel er a beluu e mengedecheduch er a bisop. A roungerachel er a ikelesia a kirir el mo kerekikl aikang e diak el ko er a di omekbeot.

A rokui el meklou el chad loureor lobengterir a rengalek a lechub a rengeasek a kirir el mo er a omesuub el kirel tial tekoi er a chelsel a tal buil ruriul er a le moterekokl. ProtectingChildren.ChurchofJesusChrist.org). E bek ledei el rak el luut el mo er tial omesuub.

A ledubech a mekngit lomeruul, e sel kot el ngerchelir a roungerachel er a Ikelesia a ngosuterir tirkel mla metemall e omecheliu er tir meng diak luut el mo er a osisiu el teletael. A roungerachel a diak el kirir el mechiteterir a rechad me lolemolem el ngara blai a lechub eng teletael el ngii a mekngit a lechub eng kengaol.

38.6.2.1

Ngesou el kirel a Mekngit Lomeruul

Bbeil er a beluu, e a Ikelesia a mla kudmokl a berrotel el basio er a ngesou lolngeseu er a remerredel a stake me a rebisop. Tirkal loungerachel a kirir lomekedong el kirel a ngesou er a ngii di el teletael el chad a locha ngara chelsel a mekngit lomeruul—a lechub eng sebechel duubech a mekngit lomeruul el mo er ngii. Ng dirrek el kirir lomekedong a lsekum te mo medengei el kmo a chad er a ikelesia a omes, omechar, a lechub eng merous a deleboes el siasing er a rengalek.

Aikel beluu el kuk diak a uaika el ngeseou er ngii, e a bisop el mo medengelii a mekngit lomeruul a kirel lomekedong er a merredel er a stake. A merredel er a stake a kirel losiik a ulekrael er ngike el area legal counsel er a obis er sel basio.

38.6.2.2

Omengedecheduch er a Mekngit Lomeruul.

A rechad el mla ngara chelsel a mekngit lomeruul a blechoel ngara oberaod el ringel. A remerredel a stake me a rebisop a kmal kirir loba chubechub me a klengitelreng el kirir. Te olab chedaol cheldecheduch e olngeseu er tir el mo selbechakl er a kngtil aikaikid el mekngit lomeruul.

Bebil er a taem e a remiltemall el chad omelchesiu el merur e mekngit a rengrir. A remiltemall el chad a diak el kngterir. A roungerachel a ngosuterir me a telungalek er tir el mo medengelii a beltkil a rengul a Dios me sel osumechereng lokiu a Jesus Kristo me a Tngakireng er Ngii (mesa Alma 15:8; 3 Nephi 17:9).

A remerredel a stake me a rebisop a kirir el ngosuterir tirkel millemall me te mo ouchel a rengrir e torrob a mekngit el blekerdelir. A lsekum a klou el chad a mla tomelii a klengit er a deleboes lobengkel a kekerei el ngalek, e tial blekeradel a locha kmal meringel mengodech. A teletelel ouchelreng a locha mo kemanget. Mesa 38.6.2.3.

ongingil aikel ulekrael ngesou er a remerredel er a Ikelesia, e a remiltemall, remillemall, me a telungalek er tir a locha mo kirir losiik er a resemmong el toktang. Kirel omesodel, e mesa 31.3.6.

38.6.2.3

Mekngit el Blekeradel el mo er a Kekerei el Ngalek a lechub a Ngeasek

A mekngit el blekeradel el mo er a kekere el ngalek a lechub a ngeasek a kmal oberaod el klengit (mesa Lukas 17:2). Uai ka el mla medu er tiang, a mekngit el blekeradel el mo er a kekere el ngalek a lechub a ngeasek a uldimukl aikakid:

• Omekringel a bedengel: Melemall a bedengel a chad lolab a chelebed. A bebil er ngii a locha diak el moues.

• Meruul a deleboes a lechub ngolterau er a rengalek: Deleboes lobengkel a ngalek a lechub e ngolngeseu er a rebebil er a rechad er ngii lomeruul. Uai ka el mla medu er tiang, a mekngit el teletael er a deleboes a diak luldimukl er ngii deleboes er a delongelir a reteru el kaodengei el kesa rekrir el ngalek.

• Melirm a reng: Meruul a lechub eng melekoi a oberaod el tekoi el melirm er a rengul a ngalek a lechub a ngeasek el uaia le chelsengsang. Tia oumesingd lobengkel a blelekl el mekngit el tekoi, omengesuseu, me a otuub lomekrur e uaia lak a ultutelel a chad. Ng dirrek el sebechel luldimukl er a re di cheloit el ngalek.

• Delboes el siasing er a rengalek: Mesa 38.6.6.

A lsekum a bisop a lechub a merredel er a stake a mo medengei a lechub eng ko er a oltelechakl a mekngit lomeruul mo er a ngalek a lechub a ngeasek, eng mereched loltirakl omesodel el ngara 38.6.2.1. Ng dirrek el mo ouedikel el mo olngeseu meng diak luut el duubech.

A chelechad er a council er a Ikelesia me a llechukl rekord a kirel mo er ngii a lsekum a klou el chad el chedal a ikelesia a meruul aikaikid el mo er a ngalek a lechub a ngeasek el ngii a mla mesaod er tial bliongel. Dirrek le mesa 38.6.2.5.

A lsekum a kesai a rekil chad a melemall er a kekere el ngalek, e a merredel er a stake a mengedecheduch el mo er a Obis er a First Presidency.

38.6.2.4

Omekringel er a Bechil a lechub a Tara Klou el Chad

Ng diak a kmal di chimong el tekoi er a omekringel el dousbech er ngii er a rokui el teletael. Ng bai, ngarngii a kakerous el berredel a mekngit lomeruul. Tia sebechel ko er a di dersta loberaod el tekoi er a ngor el mo er a oberaod el ringel.

A lsekum a bisop a lechub a merredel er a stake a mo medenge mekngit lomeruul el mo er a bechil a chad, eng kirel loltirakl omesodel el ngara 38.6.2.1. Ng dirrek el mo ouedikel lolngeseu meng diak luut el duubech.

A roungerachel osiik a ulekrael er a Chedaol Reng el mo medengei el kmo te di mo mengedecheduch er a chad a lechub a chelchad er a council ungil rael el mo sumecheklii tial teletael. Ng dirrek el sebechir el mengedecheduch lobengterir a roungerachel loba priesthood el kirel. Eng di, a ngii di el teletael lomekcharm er a buch a lechub a tara klou el chad el duubech el uaikal beldukl riou a kirel mo er ngii a chelechad er a council.

• Omekringel a bedengel:Meringel lomekcharm a bedengel lolab a chelebed. A bebil er a telemall a locha diak el moues.

• :Orrimel a teletael er a deleboes Momes a teletael el beldukl er a 38.6.18.3.

• Melirm a reng: Ousbech omeruul ng tekoi el melemall er a rengul me a klechad er a chad. Tia blechoel ikel melemolem e blechebech el mekngit lomelekoi, omengesuseu, me a otuub lomekrur e melemall er a rengul a chad.

• Omekringel er a tekoi er a udoud: Mengebelung er a tara rechad er a tekoi er a udoud. Tia uldimukl a mekngit el chebelad er a kloklel, ududel, me a bebil er a kmo ngera er a chad. Ng dirrek luldimukl omengeblad el melai a ududel a tara rechad. Ng dirrek luldimukl a ousbech a klisichem er a udoud lorrimel a mekngit el blekeradel.

38.6.2.5

Okedong er a Ikelesia, Babier er a mo er a Templo, me a Llechukl Rekord er a Rechad

A rechad er a ikelesia el mengurusii e lomekringel er a rebebil a diak el kirir el ngara deruchall er a Ikelesia e sebechir

A lsekum a chad ousechelei er a ngalek a lechub a ngeasek a lechub eng omekringel a bedengel ng rengul a ngalek a lechub a ngeasek, ng kirel mo llechukl er a rekord er ngii er a ikelesia. Ng diak el kirel mo er a deruchall a lechub a ngerachel el ngarngii a rengalek a lechub a rengeasek er ngii. Tia uldimukl a diak a ngerchelel er a odingel el mo er a telungalek el ngarngii a rengeasek a lechub ete rengalek er a blai. Ng dirrek luldimukl er a diak a ngeasek el kldemel loldingel. E melemolem el uaisei el di merekmo a First Presidency a kongei me le mesuld er a rekord er ngii.

38.6.2.6

Council er a Ward me a Stake

Chelsel a miting er a ward me a stake, e a remerredel a stake me a klebisop a belchoel lomes a llach me a teletael er a Ikelesia el kirel a terebengel me a nger er a mekngit lomeruul. A roungerachel me a rengara council osiik a ulekrael er a Chedaol Reng sel lolisechakl e losaod aikal okedeldaol teletael.

A rechedal a council a kirir el mo rokir sel omesuub el kirel a ulekerreu er a rengalek me a rengeasek (see 38.6.2).

38.6.2.7

Ultutakl Kirel a Mekngit Lomeruul

A lsekum a mekngit lomerellel a chad a mla tomelii a llach er a beluu, e a bisop a lechub a merredel er a stake a kirir ngoseuir ngika el chad el meng report el mo er a roltaut a llach er a beluu a lechub a roungerachel.

A roungerachel er a Ikelesia me a rechedal a kirir el kudmokl a rokui el ngerachel er a ultutakl el mo er a remengeteklel a beluu.

38.6.4

Merrob a Kldiull

Ng techall er a robekel el sebechir lomechell el mo mesterir a bedengir er a tech a rengelekel a Dios er a reng, e oungerachel lomekeroul e mengedmokl er tir (mesa 2.1.3). A uldasou er a kmo ng tela el ngalek a sorir e oingera re mo oungalek a kmal di ultuil er tir. Ng kirel di delongelir a robekel me a Rubak.

38.6.5

Deleboes me a Mui el Klaumerang er a Chebechiil

A llechul a Rubak er a deleboes a kmo:

• Ng diak ngii di el teletael er a deleboes er a iikrel a ulak el chebechiil er a delongelel a sechal me a redil.

• Mui el klaumerang er a chelsel a chebechiil.

A deleboes er a sechal me a redil kaubuch a kirel klebokel e chedaol. Ng moterekokl er a Dios el kirel omekdubech er a rengalek me a olchotel a beltikerneg er a robekel.

38.6.6

Osengel a deleboes er a rengalek

A Ikelesia omtok a ngii di el teletelel a deleboes er a rengalek. A lsekum a bisop a lechub a merredel er a stake a mo medengei el kmo a chedal a ikelesia a ngara teletael er a deleboes lobengkel a kekerei el ngalek, en gkirel loltirakl omesodel ngara 38.6.2.1.

38.6.8

Omeldechel a Mekull er a Redil

A Ikelesia omtok omeldechel a mekull er a redil.

38.6.10

Klausechelei er a rechad er a blai

A Ikelesia omtok a klausecheli er a delongelir a rechad er a blai. A belkul a kmo a klausecheli er a blai a deleboes lomeruul er a delongelel a:

• chad loungalek me a ngalek.

• rubak a lechub a mechas me a ngelekel a ngelekel.

• Rochad

• Okdemaol a lechub a anty me a chebedel a kesol er ngii.

Ng belkul a kmo, a ngalk, grandchild, rochad, me a, re chebedel a kesol a uldimukl a meral ngelekir, rrodel, diak el meral ngelekir, a lechub a rultechakl ngalek.

A lsekum a kekerei el ngalek a ngara ikaikid el teletael er a deleboes, e a bisop a lechub a merredel er a stake a omekedong er a ikel basio er a Ikelesia el kirel a ngesou (mesa 38.6.2.1). A kuk bebil er a beluu, e a merredel er a stake osiik a ulekrael er a llechul a beluu er sel area office. Ng dirrek el kirel mo mengedecheduch lobengkel a chad er sel Family Services a lechub a oungerachel a tekoi er a ngesou er sel area office.

A chelechad er a council me a mo llechukl rekord a kirel mo er ngii a lsekum a chad meruul a deleboes el mo er a ngalek. A meruul a deleboes el mo er a kekerei el ngalek e kmal di mereched a Ikelesia el ngubetikk a ngklel a chad.

A lsekum a kesai a rekil a meruul a deleboes el mo er a ngalek, e a merredel er a stake omekedong er a Obis er a First Presidency el kirel a ulekrael.

A rechad el metemall er a deleboes a blechoel kurusii er a berraod. A roungerachel olngeseu loba chubechub me a klengitelreng. Te ngosuterir er a chedaol ngesou me a cheldecheduch me te mo selbechakl er a uriul telmellel a deleboes er a rengalek.

Bebil er a taem e te merur e lechub e te chellungel er a berraod. A remiltemall a diak el kngterir. A roungerachel a ngosuterir me a telungalek er tir el mo medengelii a beltkil a rengul a Dios me sel osumechereng lokiu a Jesus Kristo me a Tngakireng er Ngii (mesa Alma 15:8; 3 Nephi 17:9).

A obengkel aika el chedaol ngesou er a roungerachel er a Ikelesia, e a remiltemall me a telungalek er tir a locha mo ousbech er a resemmong el chad. A omesodel, e mesa 38.6.18.2.

38.6.12

Olai

A rou olai a blechoel merael er a milkolk e mengeuid er a rechad. Ng tomelii a klaumerang er a Kristo.

A rou olai a mengull er a Dibalong. Ng dirrek luldimukl omeruul el diak el tang ngii me ebangkelio er a Jesus Kristo. Aika lomeruul a uldimukl er ngii a (me a lmuut el bebil) remengelil, remelbeakl, me a romekungil el mesuub er a klisichel a priesthood er a Dios (mesa Moroni 7:11–17).

A rechad er a Ikelesia a diak el kirir el meruul a uai kaikid lomengull el mo er a Diablong a lechub e loruul a teletael er a omengelil. Ng diak el kirir el mesaod aikaikid el teletael er a iilkolk a lechub e losaod er a chelsel a Ikelesia.

38.6.13

Siasing er a Delebeoes

A Ikelesia omtok a teletael er a siasing er a deleboes. A usbechellel a siasing er a deleboes er a ngii di el teletelel a tomelii a kelngar er a chad, telungalek, me a beluu. Ng dirrek el oridii a Chedaol Reng er a Rubak. A rechad er a Ikelesia a kirir el mengeroid er tir er a ngii di el teletelel a siasing er a deleboes e omtok omerellel, chisel, me a usbechellel.

A di cheldecheduch lobengkel a chad me a terbengel a bebil er a tekoi el kirel a klebech el mo ngoseuir a chad louchel a rengul er a usbechllel er a siasing er a deleboes. Ng diak a belkul le bo er ngii a chelechad er a council. Eng di, ng locha mo er ngii a chelechad er a council alsekum a chad a uleksau e mesisiich lousbech a siasing er a deleboes el mla mo uchul a tellemall er a chebechielel a lechub a telungalek er ngii (mesa38.6.5). Ng kirel mo er ngii a cheelchad er a council a lsekum a chad a meruul, omerk, olab a lechub eng omes a siasing er a deleboes er a rengalek (mesa 38.6.6).

38.6.14

Ouketui

A rokui el chad a ngelekel a Dios. Kede rokui el odam e odos el tebechedel a chedaol telungalek er Ngii (mesa “Telungalek: Chais el mo er a Beluulechad”). A Dios a “mla rulterir a rechad er a rokui el beluu el di mo tal chad” (Rellir 17:26). “Kede rokui el diosisiu” er Medal (2 Nephi 26:33). A dersta el chad “a mekreos er a rengul” (Jacob 2:21).

A klauketui a diak loltirakl a mla mocholt el tekingel a Dios. A soal me a chetil a Dios a ultuil er a ultiled er Ngii me a Llechul, ng diak el iior er a kalor er a chad a lechub el kuk bebil er a tekoi.

A Ikelesia ouchais er a rebek el chad el mo mengeroid er tir er a klauketui el blekeradel el mo er a chelechad a lechub a chad. A rechad er a Ikelesia kirir el mo okesiu loldubech omengull el mo er a rokui el ngelekel a Dios. Te oltirakl er a llechul Osobel el mo kaubeltikereng (mesa Mateus 22:35–39). Te melasm el meruul a ungil el mo er a rokui el chad, e meche ngii di el teletael er a klauketui. Tia uldimukl a diak douketui er a chad er a klechad er ngii, belual,, kleblillel, sechal ng redil, rekil, secherel, deruchellel, klechelid er ngii me a lak, me a teletael er a klengar ngii.

38.6.15

Klauretakl me a Klausechelei er a Rosisiu el Chad

A Ikelesia olengit er a re telungalek me a rechedal el mo oba delemdemk, beltikereng, me a omengull el mo er a rosisiu el sechal me a sechal me a redil me a redil kausecheli. A Ikelesia dirrek el melisiich er a klemedengei er a beluu el kirel osischeklel er a blekokouii, bliongel, beltikereng, mea omengull el mo er a rokui el chad. A Ikelesia diak omesodel kirel a ikel uchul ea rosisiu el chad a kausechelei.

A llechul a Dios omtok a diak el klikiid lomeruul, a le sechal me a redil a lechub eng sechal me a sechal ng redil me a redil. A roungerachel er a Ikelesia a mengedecheduch er a rechedal el mla tomelii a llechul a deleboes. A roungerachel a ngosuterir el mo ungil medengelii a klaumera er a Jesus Kristo me a Tngakireng er Ngii, teletelel ouchelreng, me a moktek er a klengar er a beluulechad.

A lsekum a rechedal a ikelesia omelchesiu el sorir a chad el di uai tir eng di te melasm loltirakl er a lelchul a deleboes, e a roungerachel a ngosuterir el sumecheklii. Tirka sebechir el mesiou okedong er a Ikelesia, oba babier er a mo er a templo, e ngmai chedaol ruoll er a templo a lsekum e te klikii. A rsechal chedal a Ikelesia a sebechir el nguu e ousbech er a priesthood.

A rokui el chedal a ikelesia loltirakl a telbilir a mo ngmai a rokui el klengeltengat er sel diak a ulebengelel klengar a lengai me a lak a klengeltengat er a diak a ulbengelel chebechiil me a klaungalek er tial klengar (mesa Mosiah 2:41).

38.6.16

Chebechiil er a Rosisiu el Chad

Ng osisisechakl, loltirakl chedaol llechukl, e a Ikelesia a smisichii el kmo a chebechiil er a delongelel a sechal me a redil a klou a ultutelel er a moktek er a Omeob el kirel a diak a ulebengelel klengar er a Rengelekel. A Ikelesia a dirrek el smisichii el kmo a llechul a Dios a smodii a chebechiil el kmo ng ulterekokl loltirakl a llach el deleuill er a sechal me a redil.

38.6.17

Omesuu el kirel a Deleboes

A roungalek a ngerchelir lolisechakl er a rengelekir el kirel a teletael er a deleboes. A roungalek a kirir el mo mimokl, e bleketakl, e blechoel mengedecheduch lobengterir a rengelekir el kirel a klisichel a bedengir, mea melemalt el teletael er a deleboes.

38.6.18

Mekngit el teletael er a Deleboes, Moterebek, me a Bebil er a Deleboes

A Ikelesia omtok el kir Uai ka el mla medu e r tiang, a a mekngit el teletael er a deleboes a belkul a kmo ngii di lorrimel er a teletael er a deleboes el mo er a tara chad. A teletael er a deleboes lobengkel a chad el diak soal a lechub eng diak el kengei a mekngit el deleboes. A mekngit el deleboes a sebechel duubech lobengkel a bechim a lechub eng chelsel a klauretakl. A lmuut el bebil er a omesodel a mekngit lomeruul er a deleboes el mo er a ngalek a lechub a ngeasek, e mesa 38.6.2.3.

A mekngit lomeruul er a deleboes a betok a teletelel, ng sebechel teletael lomdui a deleboes el mo er a olterebek me a lmuut el bebil er a mengit lomeruul er a deleboes. Ng sebechel mo er a bedengel a chad, di tekoi er a ngor, me a lmuut el bebil. A lmuut lulekrael el kirel a cheldecheduch er a rechad el mla soiseb er a mekngit lomeruul er a deleboes, moterebek, a lechub eng bebil er a teletelel, e mesa 38.6.18.2.

A lsekum a rechedal a ikelesia a mo melchedech a lechub e te mo medenge mekngit lomeruul er a deleboes, e te mereched el mo olngeseu e omecheliu er a metemall el chad me a rebebil. Tia uldimukl er ngii a ouchais el mo er a roungerachel el ngara beluu e subedii a bisop a lechub a merredel er a stake. A lsekum a ngalek a mla sosieb er a mekngit lomeruul er a deleboes, e a rechad er a ikelesia a kirir loltirakl omesodel ngara 38.6.2.

38.6.18.2

Mengedeheduch er a re mla Metemall er a Mekngit el Deleboes, Moterebek, me a Bebil er a Mekngit el Teletelel

A re mla metemall er a mekngit el deleboes, moterebek, a lechub a bebil er a mekngit el teletelel a blechoel chellungel er a klou el berraod. Sel louchais er a bisop a lechub a merredel er a stake, e ngii a mo oba chubechub me a klengitelreng el kirel. Ng olab chedaol cheldecheduch e ngoseuir a chad el mo selbechakl er a ikaikid el mekngit lomeruul. Ng dirrek lomekedong er a Ikelesia el kirel a ngesou me a ulekrael a le ngarngii er sel basio er ngii.

Bebil er a taem e a remiltemall a merur e omelchesiu er a berraod. Ng diak el kngterir a remiltemall. A roungerachel a diak lomtelub er a remiltemall. Te ngosuterir a remiltemall me a rechad er a blirir el mo medengelii a beltkil a rengul a Dios me sel osumechereng el mei lokiu a Jesus Kristo me a Tngakireng er Ngii (mesa Alma 15:8; 3 Nephi 17:9).

Ng uaisei el rchedal a ikelesia a kirir louchais a mekngit lomeruul me a odechelakl, eng di a roungerachel a diak el sal kmal lomtab aikel komakai el teletelel. Tia sebechel kmal mo meringel er a miltemall el chad.

Ongingil a ulekrael ngesou er a roungerachel er a Ikelesia, e a remiltemall me a rechad er a blirir a sebechir el mo omes er a resemmong el chad. A omesodel, a ngara 31.3.6.

38.6.18.3

Chelechad er a council

Ng locha mo er ngii a chelechad er a council el kirel a chad el miruul a mekngit lomeruul er a deleboes el mo er a tang. A chelechad er a council a kirel mo er ngii a lsekum a chad a ulterebek a lechub eng mlutaut er a llach er a ngii di el mekngit lomeruul er a deleboes.

38.6.20

Di Ngii el Ngii a Klengar Ngii

A klengar er a chutem a mekreos el sengk er a Dios— el sengk el dongeluolou e omecheliu e rngii. A Ikelesia a kmal mesisiich el merrob er a chad el di ngii el melai er a klengar ngii.

Oumesingd el chad el mla melatk el melai er a klengr tir a osiik a sebecheklel a ringel er a bedengir, uldesuir, rengrir a lechub eng reng. Tirkal chad ousbech er a beltikereng, ngesou er a telungalek, roungerachel er a Ikelesia, me a resemmong el chad.

A bisop a olngeseu loba teletael er a klechelid a lsekum a chad a melatk el melai er a klengar ngii a lechub eng melasm er ngii. Ng dirrek el kirel mereched el ngoseuir ngika el chad el mo mesterir a resemmong el chad.

Eng di diak el iior er a blakereng er a rebetik er a rengud, me a roungerachel, me a resemmong el chad, a blechoel diak el sal sebeched tomer er a chad el soal melai er a klengar ngii. Ng kmal klou el klengitelreng, me a berraod er a ringel, me a rraureng er a re kiei el betik er a rengrir me a rebebil. A roungerachel a kirir longeseu el mengedecheduch er a telungalek. Te olngeseu el melisiich a rengir.

Ng diak a lemeltel a chad el di ngii el nguu a klengar ngii. Eng di, ng di tal Dios a mo merritel er a uldesuel, omerellel, me a telkelel a belsel a chad (mesa 1 Samuel 16:7; Doctrine and Covenants 137:9).

Tirkel mla mo dibus a rebetik er a rengir el di mle tir el ngmai a klengar tir a sebechir el metik osumechereng lokiu a Jesus Kristo me a Tngakireng er Ngii.

38.6.23

Rechad el Melodech a Teletelir

A rechad el melodech a teletelir a chetituokel el tekoi. A rchedal me a re diak el chedal a ikelesia el ngodech a teletelir—me a retelungalek er tir me a rsechelirir—a kired el mo bekokouii, e chubechub, e oba beltikereng er a Kristo el kirir. Tir rokui el dongemedaol er tir el mei er a miting er a sakrament, me a kuk bebil er a ongdibel sel Sandei, me a omilil er a Ikelesia (mesa 38.1.1).

Sel kmo ke sechal ke redil a klou a ultutelel blekeradel er a moktek er a Chedam er a Babeluades el kirel a deureng. Sel kmal belkul a tekoi el kmo ng sechal ng redil el ngar sel chais er a telngalek a sel mngiluu er a cheroll. A rebebil er a rechad a kuk omelchesiu el ngodech er sel lemilechell el er ngii el bedengel el kmo ng sechal ng redil. A leuaisei, e te mo ulengakl el ngodech. A Ikelesia a diak omesodel kirel a uchul e a chad a kuk ngodech er sel le mlechell er ngii el bedengel.

Oumesingd lomeruul er a Ikelesia me a bebil er a ruoll era chedaol priesthood a di tabesul a rechad el meruul. A re ko er a ngodech a teletelir el chad a sebechir el melechob e olterekokl er a rechad el klouadel er a 38.2.8.10. Ng dirrek el sebechir el melai er a sakrament me a klengeltengat er a priesthood. Eng di, a omengedaol mo er a priesthood me a chedaol ruoll er a templo a mo er a rechad loltirakl a teletelir er a cheroll.

A roungerachel er a Ikelesia omtok a skel a ukeruul el moktek er ngii a melodech er sel teletelel a chad er a cheroll (“sex reassignment”). Ng kirir a roungerachel louchais el kmo aika lomeruul a mo uchul e a chad a mo kekerongel el chedal a Ikelesia.

A roungerachel a dirrek el mellach el kirel a teletelel a kedmeklel a bedengir. Tia melutk el kirel omeldechel a loubail a lechub a longedmokl a bedengir, melodech a ngklir el sechal e a oleko ng redil er sel lengiluu er a cheroll. A roungerachel omeklatk er tirkel mo uaisei el kmo tia mo uchul e te mo kekerongel el chedal a Ikelesia lultuil er a klemengetel a taem leuaisei.

A bol kekerongel er ngii el tekoi a uldimukl er ngii a diak lolai a lechub e lousbech er a priesthood, melai a lechub eng ousbech er a babier er a mo er a templo, me a bebil er okedong er a Ikeleisa. Ng uaisei el kekerongel er a bebil er a teletael er a Ikelesia, eng di a kuk bebil er a tekoi a sebechel meruul.

A lsekum a chad a soal ngodechii a ngklel a lechub a teletelel a dolekoi er a ngklel, e sel ngakl a sebechel mo llechukl er a rekord er ngii. A chad a sebechel domekedong er ngii er sel soal ngklel er a chelsel a ward.

Tial teletael a sebechel kakerous er a bek el unit me a ward. A rechedal a ikelesia me a roungerachel a kirir el mo dmak e osiik a nger er a Rubak. A re ngara Area Presidency a sebechir lolngeseu er a roungerachel el mesaod a teletael er a re dersta el chad. A rebisop a kuk mengedecheduch er a merredel er a stake. A remerredel a stake me a mision a kuk kirir el mengedecheduch er a Area Presidency (mesa 32.6.3).

38.7

Ukeruul me a Llechul a Ulekeruul

38.7.2

Omelakl me a Omelul

A rchedal a telungalek er a mla mad el chad a oterkeklii el kmo ng sorir a bol medakl a lechub eng medul. Te mengull er sel soal a chad.

A llechul a bebil er a beluu a kirir el melul. A kuk bebil er a teletael, e a omelakl a diak loruul er ngii a lechub eng meringel a cheral. Ngii di el teletael, eng di kired loba omengull el kirel a bedengel a mla mad el chad. A rechad er a ikelesia a kirir loumerang el kmo a klisichel okiis er a kodall a mo er ngii (mesa Alma 11:42–45).

A Lsebechel, e a bednegel a mla mad el chad el mla ngmai a klengeltengat er a templo a kirel bleiull er a bail er a templo ruchei er a lemedakl a lechub eng medul (mesa 38.5.8).

38.7.3

Rengalek el Mad Ruchei er a Cheroll (Mechell Lulkeuad a Lechub eng Mengai)

A roungalek a di tir lomdasou el kirel a ko er a teletelel a kemeldiil.

A chedaol ruoll er a templo a diak lusbechall a lechub e doruul el kirir a rengalek el mad ruchei er a cheroll. Tia diak el temelii sel tehellir tirkal ngalek el mo teloi er a telungalek el mo cherechar. A roungalek a kirir el mo ultuil er a Rubak e osiik ongelaod er Ngii.

38.7.4

Merrob er a Klengar

A klengar er a chutem a mekreos el sengk er a Dios. A merrob er a klengar er a chad a sel ngarngii er a rengum e omekeuad er a chad el ngarngii a diak el mukar el rekdel a lechub eng secherel. A chad el merrob er a klengar er a chad, a lechub e ngolngeseu er a tara chad el melai er a klengar ngii, a tomelii a llechul a Dios me a locha dirrek el llach er a beluu.

A torbengii a lechub eng kuk mengemanget er a klengar er a chad el mla mad a diak de du el kmo ke omkeuad er a chad (mesa 38.7.11).

38.7.5

Rsmecher er a HIV me a AIDS

A rechad er a ikelesia el smecher er a HIV (human immunodeficiency virus) a lechub a AID (acquired immunodeficiency syndrome) a kired el mengemedaol er tir el mei er a Ikeleisa me a ikel omilil er ngii. A secherir a diak el bekoiuiuul el sebechel mo er a rebebil.

38.7.8

Ukeruul me a Ulekeruul

A skel a ungil ukeruul, me a ultuil er a klaumerang, me a klengeltengat er a priesthood a dmak loureor el kirel omekungil, e oltirakl er a soal a Rubak.

A rechad er a ikelesia a diak el kirir loldubech a tekoi er a ukeruul el ngii a diak el melemalt, diak el chedaol, a lechub el ngarngii a rraureng el kirel. Tirkel ngarngii a secherir a kirir losiik a ngesou er a remeduch e semmong el toktang el tir ou laisins er a ikel basio le ngarngii.

38.7.9

Mariuana el Kar

A Ikelesia omtok er a usbechellel a mariuana a lsekum eng diak el kirel a ukeruul. Mesa 38.7.14.

38.7.11

Mengeteket er a Klengar (Lousbech a Mesil)

A rchedal a ikelesia a diak el kirir el mengeteket er a klengar er a chutem el kuk kmal mo iimis. Aika kmal di mo ultuil er a chad, a lsebechel, a lechub a rchedal a telungalek. Ng kirir loker er a remeduch e semmong el toktang me a ulkerael lokiu a nglunguuch.

38.7.13

Orus

A orus el mekedmokl er a meduch e semmong el toktang a omecheliu a bedenged me a klengar. A rchedal a Ikelesia a kirir el o kerekikl er tir, me a rengelekir, me a buai lokiu a ngeiul orus.

Ea ngaurchei, a dersta el chad a ngerchelir el melilt a teletael er a orus. A lsekum e ngarngii a rraureng, eng kirir el mengedecheduch er a meduch e semmong el toktang e dirrek losiik a ulekrael er a Chedaol Reng.

38.7.14

Ulekerreuil a Bedenged me a Ungil Lomeruul

A Llach er a Ulekerreuil a Bedenged a llechul a Dios. A reprofet a mla meketeklii el kmo a osisechakl el ngara Doctrine and Covenants 89 a uldimukl er ngii a mengeroid er kid er a dekool, mesisiich lilumel (rua rrom), me a (kohi me a tea).

Ng dirrek el ngarngii a bebil er a teletael el mekngit er a bedenged el diak el bleketakl er a Llach er a Ulekerreuil a Bedenged a lechub e bla el sbedid er ngii a roungerachel er a Ikelesia. A rchedal a ikelesia a kirir el mo mellomes e ngara nglunguuch sel lolilt el mo meleisiich a bednegir, uldesuir, me a rengrir.

38.8

Llach

38.8.1

Omerodel er a Rengalek

A merodel er a rengalek e omekeroul tir a sebechel klengeltengat el mo er a rengalek me a telungalek. Beltikereng, me a telungalek el mo cherechar a sebechel mokdubech lokiu omerodel. A rengalek a be lesiseb er a telungalek lokiu omerodel a lechub eng cheroll, e te diosisiu el mekreos el klengeltengat.

A rchedal a ikelesia el melatk a merodel a lechub e te mo omekeroul er a rengalek a kirir loltirakl a llechul a beluu me a kabelment.

38.8.4

Mela saing me a Siasing er a re General Authorities, General Officers, me a Area Seventies

A rchedal a ikelesia a diak losiik el melai a saing er a renGeneral Authorities, General Officers, a lechub a Area Seventies. Tia sebechel tomelii a chedaol okedongir me a moktek er a ongdibel. Ng dirrek el sebechel tomer tir loudkeu er a rebebil er a rechad.

A rchedal a ikelesia a diak el kirir el melai a siasing er a re General Authorities, General Officers, me a Area Seventies er a chelsel a ikelesia.

38.8.7

Magazines er a Ikelesia

A magazine er a Ikelesia a uldimukl:

• A Sechelei el mo er a rengalek.

• Kirel a Klisichir a Rengeasek el mo er a rengeasek.

• Me a Liahona el mo er a remeklou el chad.

A First Presidency a mengelechel er a rokui el chad el mo menguiu a magazine er a Ikelesia. Aika el magazine a ngosuterir a rechad el subii ebangkelio er a Jesus Kristo, suub osischeklir a rengar el profet, e omelchesiu el kmeed er a rebebil er a rechedal tial Ikelesia, obangel a ringel loba klaumerang, e olkeed el mo er a Dios.

38.8.8

Ngklel a Ikelesia, Llechukl, me a Olangch

A llechukl ngklel a Ikelesi a olangch

A ngklel a Ikelesia, llechukl,me a olangch a olchotel a Ikelesia.

Llechukl me a olangch. A llechukl me a olangch (mues olangch er bab) er a Ikelesia a di mo usbechall sel kengei a First Presidency me a Chelechad er a Teruich me a teru el Apostol. Ng diak bo lusbechall el ko er a besiich. A lechub eng kuk di soam, ke oltobed er a buai, a lechub e ke oldubech a kmo ngera el teletael.

38.8.10

Computer

A computer me a software el usbechall er a ikel omekedecheraol er a Ikelesia a loltobed a klou el obis er a Ikelesia a lechub a ikel mekekerei el obis. A roungerachel me a rchedal a ikelesia ousbech aika el klekedall lolngeseu er a moktek er a Ikelesia, luldimukl a urerel a reksi er a telungalek.

A rokui el software el ngara ikal computer a kirel mo ou laisins el kloklel a Ikelesia.

38.8.12

Klekedall er a Omesuub

A Ikelesia kudmokl a a klekedall er a omesuub el ngosuterir a rechad el subii e oltirakl er a ebangkelio er a Jesus Kristo. Aika uldimukl chedaol llechukl, klumech er a meklou longdibel, magazines, manual, hong, me a bebil er a klekedall. A roungerachel a kirir el mengelechel er a rechad me te ousbech chedaol llechukl me a bebil er a klekedall el mesuub er a ebangkelio er a rekeblirir.

38.8.14

Teletelel a Doubail me a Kedmekled

A rchedal a Ikelesia a kirir lochotii omengull el mo er a bedengir sel loubail me a kedmeklel a bedengir. A teletelel a bail a kakerous er a bek el beluu me a dirrek el kakerous el teletael.

38.8.16

Sils er a Sengerenger

A rchedal a ikelesia a sebechir lolsengerenger er a ngii di el taem. Eng di, te blechoel loterkeklii sel kot el Sandei er a buil el temel a sengerenger.

A sils er a sengerenger a blechoel lobengkel a nglunguuch, me a diak a blengur el lluich me a eua el sikang (a lsekum a chad a mesisiicha bedengel), e odars a klebech el uldersel. A uldars er a sengerenger a ngesou el mo er a rengesool (mesa 22.2.2).

Bebil er a taem ea ongdibel er a cherrengelel a Ikelesia er a beluulechad el rokir a ngarngii er sel kot el Sandei er a buil. Sel bo el uaisei, e a remerredel a stake a oterkeklii a kuk tara Sandei el mo temel a sengerenger.

38.8.17

Bakutsi

A Ikelesia omtok a ngii di el teletael er a bakutsi. Tia uldimukl a tekoi er a klekool me a ikel loldubech a kabelment el teletael er a bakutsi.

38.8.19

Immigration

A rchedal a ikelesia el melemolem el kiei er a rekebelurir a ngarngii a techellir el mo meleketek e melisiich er a Ikelesia risei. Eng di, a omelukl el mo er a tara beluu a kmal di iior er a chad.

A rchedal a ikelesia el melukl el mo er a tara beluu a oltirakl a rokui llechul sel beluu (mesa Doctrine and Covenants 58:21).

A remisionari a diak el lolngeseu er a rechad el sorir melukl el mo er a tara beluu.

38.8.22

Llach er a Beluu

A rchedal a ikelesia a kirir loltirakl, megull, e mesebechakl a llach er a beluu le kiei er ngii a lechub e te di mo oldingel er ngii (mesa Doctrine and Covenants 58:21–22; Tebechelel a Klaumerang 1:12). Tia uldimukl a llach el merrob osischeklel a klechelid.

38.8.25

Cheldecheduch er a Rchedal a Ikelesia me a Klou el Obis er a Ikelesisa

A rchedal a ikelesia a diak lungil a lomekedong, email, a lechub e loluches a babier el mo er a re General Authorities el kirel a rraureng er a osisechakl, ringel er a klengar tir, a lechub e longterir er a ngerang. A rchedal a ikelesia a kirir el mo mes er a roungerachel er tir, luldimukl a remerredel a chelechad er a Relief Society me a elders, el kirel a chedaol ulekrael (mesa 31.3).

38.8.27

Rsechudel el chedal a Ikelesia

A roungerachel me a rechad er a ikelesia a kirir louchais a usbechellir tirkel dak el ngara chimol unit. A rsechudel chedal a ikelesia a meklou a belkrir e ngarngii a kuk sebechir remuul tekoi. A rsechudel a sebchel ngara uldesuir, klengar tir el teloi er a rechad, rengrir, a lechub eng bedengir.

38.8.29

Bebil er a Klechelid

Betok lungil, chetengakl, me a ngarbab lomengull a debetik er a bebil er a klechelid. A remisionari me a rechdal a ikelesia a kirir el mo melengmes a kuk klaumerang er a rechad er a bebil er a klechelid.

38.8.30

Tekoi er a Palatiks me a Beluu

A rchedal a Ikelesia a sebechir el meruul a tekoi er a kabelment. Chelsel a betok el beuul, e tia sebechel uldimukl er ngii a:

• Sengkyo.

• Teloi a lechub e te ngara chelechad er a palatiks.

• Olngeseu er a udoud.

• Mengedecheduch lobengteir a re ngarbab el chad me a re mo remurt.

• Mesiou el ngara obis a lechub eng deruchall er a kabelment.

A rchedal a ikelesia dirrek el sebechir el teloi er a ikel ungil ureor buai el mesebechakl a klengar me a telungalek.

A roungerachel er a ikel basio er tir a diak longidb er a rechedal a ikelesia er a ngii di el teletael er a palatiks. A lechub e longesuseu er tir er a kmo ng mekera bo loruul.

A roungerachel me a rchedal a ikelesia a kirir el mengeroid er tir er a ngii di lomeruul lousbech er a ngklel a Ikelesia el mo er a chelechad er a palatiks, platform, llach, a lechub a chad loldubech er ngii.

38.8.31

Mengeluolou er a Rchedal a Ikelesia

A roungerachel a kirir lomecheliu el mengeluolou er a rechedal a ikelesia. A rekord er a Ikelesia, diretory, me a ngii di el tekoi el ngara babier a diak el kirir lousbech er a bedengir, oltobed er a buai, a lechub e lousbech er a tekoi er a palatiks.

38.8.35

Rultechakl

Meng telengtengil a ngerchelir lomekerreu er a rengesool (mesa Mosiah 4:26), ea rchedal a Ikelesia a chemoit a temir, duch er tir, me a ungil blekerdelir el mengemedaol er a remotechakl el mo chedal a buai.

38.8.36

Ongit el kirel a Ngesou er a Udoud er a Ikelesia

A rchedal a ikelesia a kirir el mengedecheduch lobengkel a bsiop e diak lomekedong er a obis er a Ikelesia a lechub e lolengit a ngesou er a udoud er a roungerachel me a rchedal a Ikelesia.