14.

Membwa Aika Tuai ni Iein

14.0

Kabwarabwaraana

E kaoira te Tia Kamaiu bwa ti na bane n nako Ina ao n riki bwa kaain Ana Ekaretia (taraa 2 Nibwaai 26:24). Mwaane ao Aine aika tuai ni iein ke a raure ke aika mate buuia a karekea te mwaiti ae kakaawaki ni kaainakin te Ekaretia. E kakawaki ibukiia aomata ni kabane bwa a na kunea te kantaninga rinanon Ana Mwakuri ni Kamaiu Iesu Kristo (taraa Ita 12:4). Koaua aika akea tokiia aikai a kona n ibuobuoki ni karikirakea te kantaninga anne:

• Booki aika tabu ao burabeti ni boong aika kaitira a kamatoa bwa ni kabane ake a kakaonimaki ni kawakin ana berita te euangkerio aika tabu a na kona ni karietataaki.

• Ningai raoi taina ao te anga are a na karekeaki iai kakabwaia n te karietataaki a tuai bane ni kaotaki. Ma a kakoauaaki bwa a na bon riki (taraa Motiaea 2:41).

• Te tataninga nakon te Uea e nanonaki bwa te ongotaeka ae teimatoa ao te kekeiaki n tamnei Nakoina (taraa Itaia 64:4).

• E anga te Atua te maiu ae akea tokina nakoia Natina ni kabane. Ni kabane ake a tau ni karekea ana bwaintituaraoi ni kabwarabure te Tia Kamaiu ao ni maiuakin Ana tua a na karekea te maiu ae akea tokina. (Taraa Motiaea 26:30; Moronaai 6:8.)

• Te aki nanokokoraki ni koaua aikai aanaki n te onimaki iroun Iesu Kristo. Man Ana nanoanga, ao a kanakoraoaki bwaai ni kabane n te maiu aei (taraa Aramwa 7:11–13).

E kainnanoia membwa ni kabane te Atua bwa a na ibuobuoki n aia mwakuri ni kamaiu n aia uoote ao n aia titeiki (taraa 1 I-Korinto 12:12–27). N aron are kairaki iroun te Tamnei, membwa aika tuai iein a weteaki nakon nakoa ni kairiiri ao n tia reirei. A raonaki wewete ni kairiiri ma te beku inanon nakoa aikai:

• Beretitentii ni bootakin te uoote ao te titeiki

• Beretitentii n aia kooram unimwaane

• Kauntira n te Bitiobiriki

• Kauntira aika rietaata

• Kauntira n te beretitentii n te titeiki

Inanon te mwakoro aei:

• “Membwa aika a tuai ni iein” e kaineti nakoia kaain te Ekaretia aika ikawai aika a tuai ni iein.

• “Kairake ni ikawai aika a tuai ni iein” e kaineti nakoia aika 18–30 aia ririki.

• “Ikawai aika tuai iein” e kaineti nakoia aika 31 aia ririki ao iaona riki.

14.1

Membwa aika Tuai Iein Inanon Iunite n Aono nako

Angiia membwa aika tuai iein a kaea te iunite n te aono ma membwa n aia roro nako. Iai aia tai ni beku, n anga reirei, kairiiri, ao n reitaki ma aomata n aekaia nako.

14.1.1

Kairiiri n te Titeiki

14.1.1.1

Beretitentii n te Titeiki

E kakawaki irekereken te beretitentii n te titeiki ni katabeia membwa aika tuai iein n Ana mwakuri te Atua ibukin te kamaiuaki ao te karietataaki.

Te beretitenti n te titeiki e kona ni mwiokoa ana kauntira temanna ao te kauntira ae rietaata bwa e na boutokaia ikawai aika tuai iein. E kona naba ni mwiokoa te kauntira ao te kauntira ae rietaata bwa a na boutokaia kairake n ikawai aika a tuai ni iein. E kona naba n tuanga te beretitenti n te Bootaki n Aine bwa e na mwiokoa temanna kaain te beretitentii ni boutokaia ikawai aika tuai iein ao kairake ni ikawai aika a tuai ni iein. Kauntira naba akanne a kona ni mwiokoaki nakon kurubu akana uoua akanne.

Te beretitentii n te titeiki e na kabanea ana iango riki nakoia kairake n ikawai aika a tuai ni iein—n aron are a kakaraoia naba nakoia te roro ae rikirake.

Te beretitentii n te titeiki a na baireia ngkana a na karaoaki waaki ni kakukurei ibukiia kairake ni ikawai aika a tuai n iein n te uoote, te titeiki, ke n botakiia ni kauoua. Waaki ni kakukurei ibukiia ikawai aika a tuai ni iein e na karaoaki n aia karinan te titeiki ao titeiki aika kakaokoro. (Taraa mwakoro 20.)

Ngkana e tau mwaitiia membwa aika tuai iein n te tabo anne, a kona beretitentii n Titeiki n te tabo anne ni uotarake te bubuti ibukin katean aia uoote kairake n ikawai aika a tuai ni iein ke te uoote ibukiia ikawai aika a tuai ni iein (taraa 14.3).

E kona n aki tau mwaitiia ana membwa aika tuai iein te titeiki (ke te reita n titeiki) ni katea aia bootaki kairake n ikawai aika a tuai ni iein ke ikawai aika a tuai n iein. N te itera aio, e konaa n anga te kariaia te beretitentii n te aono nakon te beretitenti n te titeiki bwa e na kaoiia ni kabane membwa bwa a na riki bwa kaain te uoote are e rineaki. Aio are a kariaiakaki ikawai aika a tuai ni iein ke kairake ni ikawai aika a tuai ni iein bwa a na uaia ni beku ao n nebonebo. E na marooro te Beretitentii n te Aono ma aia membwa ake a mwiokoaki man te Beretitenti n te Itingaun ao te Kooram n te Tengaun ma Uoman.

14.1.1.2

Komete Ibukiia Kairake ni Ikawai aika Tuai Iein ao Ikawai aika Tuai Iein n te Titeiki

A beku membwa aika a tuai ni iein ibukin natin te Atua man katabeakiia n Ana mwakuri ni kamaiu ao n te karietataaki (taraa 1.2 ao 14.2). Ni buokiia ni karaoa aei, te beretitentii n te titeiki a katea te komete ibukiia kairake ni ikawai aika tuai ni iein. Te komete aei e kaainaki irouia tabeman taan kairiiri aika kairake ni ikawai aika a tuai ni iein man uoote aika a kakaokoro.

Te mwaane ae te kairake n ikawai ae tuai n iein ao te aine ae te kairake n ikawai ae tuai n iein a weteaki bwa a na kaira te komete. A beku n ana kauntira te titeiki.

Ngkana e aki tau mwaitiia kairake n ikawai aika a tuai n iein ni kaina te komete n te titeiki, te kurubu man titeiki are e uakaan a kona ni katea te komete man aia kariaia te Beretitentii n te Aono.

Te titeiki beretitentii e kona naba ni katea aia komete ikawai aika tuai ni iein. E kaainaki irouia tabeman kairake ni ikawai aika a tuai ni iein man uoote nako. Te mwaane ae ikawai ae tuai n iein ao te aine ae ikawai ae tuai n iein a weteaki bwa a na kaira te komete. A beku n ana kauntira te titeiki.

Ngkana e aki tau mwaitiia ikawai aika a tuai n iein ni kaina te komete n te titeiki, te kurubu man titeiki are e uakaan a kona ni katea te komete man aia kariaia te Beretitentii n te Aono.

Komete aikai a kataia ni boutokaia membwa rinanon te iraorao ao aanga ni ira buakon te mwakuri ni kamaiu ao ni karietataaki (taraa 14.2). A katei aanga ibukin te reirei n te euangkerio ao ibukin te mwakuri n ibuobuoki ao waaki ni kakukurei.

A na bootaki komete n aron kainnanoaia. Te membwa are e mwiokoaki ae kaain te beretitentii n te titeiki ao kaain te beretitentii n te Bootaki n Aine n te titeiki ao te kauntira ae rietata are e mwiokoaki a kona ni irii boowi aikai n anga te ibuobuoki.

A na uaia ni mwakuri komete ibukiia kairake ni ikawai ma burokuraem n te intitute n te kaembwati, ake iai.

Ni bon arona ao a kakaokoro tabeia komete ibukiia ikawai aika a tuai n iein ao kairake n ikawai aika a tuai ni iein.

14.1.2

Kairiiri n te Uoote

14.1.2.1

Bitiobiriki

Taben te bitiobiriki bon katabeaia membwa aika tuai iein n Ana mwakuri te Atua ibukin te kamaiuaki ao te karietataaki. A mwakuri ma kauntira n te uoote n atai wewete ao katabeakiia aika a uaana membwa aika tuai iein. A kinai ao ni kataia ni buoka kainnanoia kaaro aika akea buuia.

N aron ae e ataaki, a na boutokaaki membwa aika tuai iein iroun te bitobiriki ngkai a boutokaia membwa ni kabane n aia kooram unimwaane ao n te Bootaki n Aine. E ngae n anne, ao ibukin tabeia ae moan te kakawaki nakon te roro ae rikirake, te bitobiriki e riai ni karaoi bwaai aikai:

• E na marooro te membwa n te bitiobiriki ma kairake n ikawai aika a tuai ni iein n tatabemaniia teuana te tai n te ririki.

• E na teimatoa te bitobiriki ni karekei rongorongo iaon mwengaraoia ana kairake n ikawai aika a tuai ni iein. Te beretitenti n aia kooram unimwaane ao te beretitenti n te Bootaki n Aine a na maroroakina kainnanoia kairake n ikawai aika a tuai ni iein n tain te boowi ni kauntira n te uoote. A kona taan kairiiri n aia komete kairake n ikawai aika a tuai ni iein ni kaoaki bwa a na iria.

• E kona naba te bitiobiriki ni katea naba aia komete kairake n ikawai aika tuai ni iein n te uoote (taraa 14.1.2.4). (Komete ibukiia ikawai aika tuai ni iein ibukiia rooro aikai 31 ao ake iaona riki a baireaki man te titeiki.)

14.1.2.2

Aia Kooram Unimwaane ao te Beretitentii n te Bootaki n Aine a Katabeaki nakoia Kairake n Ikawai Aika Tuai ni Iein

Te beretitenti n te kooram n unimwaane ao te Bootaki n Aine a kona ni mwiokoa temanna kaain aia beretitentii bwa a na boutokaia kairake ni ikawai aika a tuai ni iein. Kaain te beretitentii aikai ana reiakin korakoraia aia kairake n ikawai aika a tuai ni iein ao ni buokiia ni karekei kainnanoia.

Te beretitenti n aia kooram unimwaane ao te beretitenti n te Bootaki n Aine ana ribooti iaon te mwakuri aio inanon boowin kauntira n te uoote. Ngkana iai te komete ibukiia kairake ni ikawai aika a tuai iein n te uoote, taan kairiiri n te komete aei a kaoaki bwa a na iri ao n anga aia ribooti iaon aia mwakuri.

Kaain te beretitentii aikai a boutokaa te komete ibukiia kairake ni ikawai aika tuai ni iein ngkana iai ae e a tia ni kateaki (taraa 14.1.2.4).

14.1.2.3

Taan kairiiri irouia Kairake n Ikawai Aika Tuain ni Iein

Inanon te uoote ae a mwaiti iai kairake n ikawai aika a tuai ni iein, e kona te bitobiriki ni wetea temanna mai ibuakoia kairake n ikawai aika a tuai ni iein ae te mwaane ke te aine bwa e na mataniwi irouia kairake n ikawai aika a tuai ni iein. Aikai naba tabeia:

• Buokaia kairake n ikawai aika tuai n iein bwa a na ibuobuoki n Ana mwakuri te Atua ibukin te kamaiuaki ao te karietataaki (taraa 14.2).

• Te beku n aia komete kairake n ikawai aika a tuai ni iein n te titeiki.

• E na kaira aia komete kairake n ikawai aika tuai ni iein ngkana iai ae e a tia n tei.

• Teboowi n tainako ma te beretitentii n aia kooram unimwaane ao te beretitentii n aia Bootaki Aine. Inanon boowi aikai, a na marooroakin korakoraia kairake n ikawai aika a tuai ni iein ao aron buokaia ni kaitarai kainnanoia. A kabanea naba aia tai iaon te mwakuri n ibuobuoki nakoia kairake ni ikawai aika a tuai iein.

• Ira bootakin te uoote ngkana e kaoaki.

14.1.2.4

Aia Komete Kairake n Ikawai Aika Tuai ni Iein n te Uoote

Tabeua uoote a rangi n rawata iai kairake n ikawai aika a tuai ni iein. Inanon uoote aikai, te bitiobi e kona n namakinna ae a kona taan kairiiri irouia kairake n ikawai aika a tuai ni iein ni buokaki iroun ana komete te uoote ibukiia kairake n ikawai aika a tuai ni iein. (A kateaki komete ibukiia ikawai aika a tuai iein n ana karinan te titeiki. Taraa 14.1.1.2.)

E kaainaki te komete irouia:

• Taan kairiiri irouia kairake n ikawai aika tuai ni iein.

• A kaoaki tabeman riki kairake n ikawai aika a tuai ni iein iroun te bitobiriki.

• Membwa n te beretitentii n aia kooram unimwaane ao te Bootaki n Aine a katabeaki bwa a na boutokaia kairake n ikawai aika a tuai ni iein.

14.2

Irakin Ana Mwakuri te Atua Ibukin te Kamaiu ao te Karietataaki

E kaoiia ni kabane te Atua bwa ana nakon Kristo ao n ibuobuoki n Ana mwakuri ni kamaiu ao te karietataaki man:

• Maiuakinan ana euangkerio Iesu Kristo.

• Tararuakiia naake iai kainnanoia.

• Kaoakiia ni kabane bwa a na karekea te euangkerio.

• Bootakiia utu n te tai ae akea tokiia.

Membwa aika tuai n iein a kabaeaki n te mwakuri aei ni mweengaia ao n te ekaretia. A irii waaki inanon aia kooram unimwaane ao Bootaki n Aine. A beku inanon wewete ao katabeakiia nako, n raonaki ma mwakuri n ibuobuoki. Uoote ao titeiki a kona ni bairei waaki ni kakukurei aika a irekereke nakoia ikawai ake a tuai iein ake a rineia bwa a na irii (taraa 14.2.1.3).

14.2.1

Maiuakinan Ana Euangkerio Iesu Kristo

14.2.1.1

Bootaki n te Tairiki ao Kamatebwaian te Euangkerio

Taan kairiri ke membwa ake iai nanoia ni kan iria a kona ni bairea teuana ke e raka riki kurubu ibukin bootaki n te tairiki ibukiia ikawai aika a tuai ni iein ao kurubu tabeua ibukiia kairake ni ikawai aika a tuai iein. Ni bon arona, naake a iri bon akea natiia ni mweengaia. Inanon titeiki tabeua ake e karako iai membwa aika tuai iein, e kona ni karaoaki te bootaki n te tairiki ma ake tiaki kaain am uoote.

N reitan riki aei, membwa aika tuai iein a konaa n rineia bwa a na bane ni bootaki rinanon te intanete ke ni bon itaramata ibukin te reirei iaon te euangkerio n te mweenga. Nakomai, Iriirai tao bwaai n ibuobuoki.

Ni kabane kairake aika a tuai ni iein a kaungaaki bwa ana kabaei araia n te intitute (taraa 15.2).

14.2.1.2

Kiraati n Reirei n Tabati

Iaan ana kairiri te bitiobi, e kona te beretitenti n te Reirei n Tabati n te uoote ni bairea aia kiraati n Reirei n Tabatit kairake n ikawai aika a tuai ni iein (taraa 13.3.2).

14.2.1.3

Waaki ni Kakukurei

Iaan ana kairiri te tia kairiri n te uoote ke te titeiki, a kona kairake n ikawai aika a tuai ni iein ni bairei ao n irii waaki ni kakukurei ake a kaineti ibukiia. A kona waaki ni kakukurei aikai ni karaoaki n ana karinan te uoote, ke te titeiki. A kona katooto n aron aikai ni karinaki:

• Kawaran te tembora.

• Rongorongon te mwakuri n te utu.

• Tibwaua te euangkerio.

• Mwakuri n Ibuobuoki n te Komiuniti.

• Katangitang ao Katei.

• Takakaro.

Iaan aia kairiri taan kairiri n te titeiki, ikawai ake a tuai iein a kona ni iangoi waaki ni kakukurei aika bon titebo ma ake n ana karinan te titeiki.

A konaa Itingaun n te Aono ni mwakuri ma te beretitenti n te titeiki ni katei komete bwa a na iangoi waaki ni kakukurei n titeiki ibukiia membwa aika tuai iein.

Mwanenakin waaki ni kakukurei e reke man ana kataumwane te titeiki ke te uoote. Ngkana a karaoaki waaki ni kakukurei n titeiki aika bati ke mwakuri n te aono, a riai taan kairiiri n te nakoanibonga ni kakoaua tibwakin raoi te mwane imarenan titeiki.

Mwanenakin bootaki a na inanoi ma taian kaetieti inanon 20.2.6 N aron ae e kariaiakaki, a kona membwa ni kabwakai tabeua kabanemwane ngkana a karaoaki bootaki n titeiki aika kakaokoro ke te aono. A na kakoaua raoi taan kairiiri bwa aomata ni kabane a kona n iri.

Ibukin kaetieti riki tabeua iaon waaki ni kakukurei, taraa 20.2 ao 20.3.

14.2.2

Tabeakinan Naake a Kainnano

14.2.2.1

Mwakuri n Ibuobuoki

N aroia ni kabane ana reirei Iesu Kristo, membwa aika tuai iein iai tabeia n taainako ni beku ibukiia aomata n tatabemaniia ao ni kurubu. Ibuobuoki inanon komiunite bon teuana mai ibuakon kawai ae e kakorakoraa tamneia kairake n ikawai aika a tuai ni iein.

A kona waaki n ibuobuoki ni kabotoaki iaon:

• Warebea ao te toronibwai.

• Rongorongon te utu.

• Ana waaki te komiunite.

• Tibwaua te euangkerio.

• Kakorakorakiia membwa aika boou ao aika okira te aro.

• Kainnanoia aomata n te tabo ke n taabo riki tabeua.

Te tabo are e reke iai, JustServe.org e kaotii aanga n ibuobuoki ibukiia aomata n tatabemaniia ao n taian kurubu.

14.2.2.2

Mwakuri n Ibuobuoki

Taari n tatabemeniia nako aika akea buuia a mwiokoaki bwa taan ibuobuoki nakoia tariia. Titita n tatabemaniia aika tuai iein a bane ni iai aia titita n ibuobuoki ao taari n ibuobuoki ibukiia. A karaoaki mwioko nakoia aomata n tatabemaniia, ma tiaki nakon kurubu ke ruu ni maeka. (Tara mwakoro 21

14.2.3

Kaoiia Ni Kabane Bwa a Na Karekea te Euangkerio

Membwa aika a tuai ni iein iai aia tai ni kaoia aomata ni kabane bwa a na karekei kakabwaia n ana euangkerio Iesu Kristo. A karaoa aei man tibwauan te euangkerio, ni kakorakoraia membwa aika boou ao aika a karairaki, ao n taben nanoia naake aki rang kakaonimaki. (Tara mwakoro 23

Tabeman kairake n ikawai aika a tuai ni iein a mwainging n taainako. Kairake ni ikawai aika a tuai ni iein a konaa ni bairei waaki ni kakukurei ni kakaiia ao ni butimwaia kairake n ikawai aika a tuai ni iein n te titeiki. A kona ni karaoaki waaki ni kakukurei aikai ma titeiki aika a uakaan.

Kairake ni ikawai aika a tuai ni iein a konaa n rangi n ibuobuoki n te reirei ao ni boutokaia mitinare aika a bwanin aia tai.

14.2.4

Katiteuanaakiia Utu ibukin te Maiu ae akea Tokina

Ni bon temanna ao n te kurubu, a kona membwa aika tuai iein ni buoka katiteuanakiia utu ibukin te maiu ae akea tokina. Te katooto, a kona ni:

• Katauraoi ni karaoi berita aika tabu ma te Atua man karekean taian otenanti, n raonaki ma te entaumente n te tembora (taraa 27.2.2).

• Beku bwa taan mwakuri n te tembora ke taan anganano (taraa 25.5).

• Karaoi otenanti ibukin te mate.

• Reiakina rongorongoia aia koraki ao aia bakatibu (taraa Au Utu: Karaki are A Bootiira).

• Karekei araia aia bakatibu ake a kainnanoi otenanti n te tembora (taraa FamilySearch.org).

• Beku bwa taan ibuobuoki n rongorongon te tembora ao te tabo n riki (taraa 25.2.4).

• Ira karaoan te intekiti (taraa FamilySearch.org/indexing).

14.3

Uoote ao Titeiki Ibukiia Kairake n Ikawai aika Tuai Iein ao Uoote Ibukiia Ikawai Aika a Tuai n Iein

Angiia membwa aika tuai iein a kakaei uoote inanon aia aono. Ma iaan te kariaia, ngkana a mwaiti membwa aika tuai iein aika maeka n uakaan, ana konaa taan kairiri n te nakoanibonga n tabeka rake katean iunite ibukiia. Iunite aikai a riai n irii babaire ake inanon mwakoro 37.

• Te uoote ibukiia kairake n ikawai aika a tuai ni iein aika 18–30 aia ririki (taraa 37.2)

• Te titeiki ibukiia kairake ni ikawai aika a tuai iein aika 18-30 aia ririki (taraa 37.3)

• Te uoote ibukiia ikawai aika a tuai ni iein aikai 31–45 aia ririki (taraa 37.5)

Iunite aikai a kabonganai ana burokuraem te Ekaeretia n ae bon riai. Ana irii kaetieti aika inanon te aeniboki aei.

Membwa aika a tau a kona n rineia bwa a na riki bwa membwa n uoote ibukiia kairake n ikawai aika a tuai ni iein ke n uoote ibukiia ikawai ake a tuai iein, ngkana iai n taabo ake a mena iai. Ke a bon kona n rineia bwa a na riki bwa membwa n aia uoote inanon aia aono.

Membwatibu n uoote ibukiia kairake ni ikawai aika a tuai n iein ke ikawai aika a tuai n iein bon te bwai ae e na manga bitaki:

• Ngkana e iein te membwa ae akea buuna, e a riki teuanne ke neienne bwa te membwa n te uoote n te aono.

• Ngkana te membwa n te uoote ibukiia kairake n ikawai aika a tuai ni iein e roko n te ririki 31, teuanne ke neienne e a riki bwa te membwa n te uoote ibukiia ikawai aika a tuai iein (ngkana iai ngaki n te tabo ae maeka iai teuanne ke neienne) ke n te uoote inanon aia aono.

• Ngkana e roko n te ririki ae 46 te membwa n te uoote ibukiia ikawai aika a tuai iein, teuanne ke neienne e a riki bwa te membwa n te uoote n te aono.

Ngkana te mwainging imarenan uoote, te membwa ma ana tia kairiri teuanne ke neienne a na reitaki ma taan kairiri n uoote n aia aono. Taan kairiiri man te uoote ae boou a mwiokoia tarira ma mwanera ibukin taan ibuobuoki. A karaoi babaire ibukin wewete ma mwakuri aika e na buoka te membwa n namakinna ae a butimaeaki ao ni mwannanoaki inanon ana waaki te uoote.

14.4

Kainibaire ao Kaetieti Aika Karinaki

14.4.1

Taabo n Ikoikotaki

Te tabo ni ikoikotaki bon te tabo ae e baireaki are a kona ni bootaki iai kairake ni ikawai aika a tuai n iein ma raoraoia ibukin te uaia n reitaki n iraorao are a na kona n iri iai waaki n aron aikai:

• Reiakinan te euangkerio, n raonaki ma te intitute

• Te reirei iaon te maiu n toronibwai, aanga ibukin te reirei, ao kurubu n ibuobuoki

• Mwakuri n ibuobuoki ao waaki ni kakukurei

• Tibwauakin te euangkerio ao ana waaki te komiunite

• Mwakuri n te tembora ao rongorongon te utu

• Burokuraem Tabeua n te Ekaretia

Taabo ni kabane ake a rineaki ibukin taabo ni bobotaki a riai ni kariaiakaki iroun te Beretitenti n te Aono. Taabo ni bobotaki a tabeakinakinaki irouia beretitenti n te titeiki ao bitiobi. Taabo ni bobotaki a kateaki n ana tabo te Ekaretia, n aron autinibootaki ke autin te intitute. Beretitenti n te titeiki ake a tangiria ni katea te tabo ni bobotaki ibukiia kairake n ikawai aika a tuai ni iein e riai n reitaki ma te Beretitenti n te Aono.

14.4.2

Tairikin Moanibong

N aron ae kariaiakaki, aia uoote kairake n ikawai aika tuai ni iein a karaoi waaki ni kakukurei n tairikin te Moanibong, n raonaki ma ake n ana kateitei te Ekaretia (taraa 20.5.3).

14.4.3

Tabeua Kooram Ibukiia Unimwaane ao Bootaki n Aine

Man ana kariaia te beretitenti n te titeiki, e konaa te bitiobi man aia uoote ikawai aika tuai iein ni katei aia Bootaki Aine ao koorom ibukiia unimwane ae raka iaon teuana. (Taraa 8.1.3 ao 9.1.3.)

14.4.4

A Weteaki Membwa bwa Ana Beku n Iunite ibukiia Membwa Aika Tuai Iein

Bon tii te bitiobi ao te beretitenti n te titeiki n iunite ibukiia membwa aika tuai iein aika a kainnanoaki bwa a na weteaki man te uoote inanon te aono. N aron are kairaki iroun te Tamnei tabeua wewete a konaa ni kanoaaki irouia kaain te iunite ibukiia membwa aika tuai iein.

Angiin te tai koraki ake a weteaki ni beku itinanikun are bon aia uoote n aia aono ni beku n iunite ibukiia membwa ake a tuai iein a kabanea ae aki raka iaon teniua nakon nimaua te ririki inanon iunite aikanne. N te maan anne e kona ni butimwaai wewete aika mwaiti inanon wewete aika kakaokoro.

A riai taan kairiri man titeiki n aono n anga aia buotoka ngkana a weteaki membwa bwa ana beku n iunite ibukiia membwa ake a tuai iein. Ma, taan kairiri a na uaia ni marooro bwa a onga n ata te bwai ae e rianona te membwa.

A kona wewete ni kanakoaki nakon temanna ke te taanga. N itera tabeua, temanna te buu e riai n tiku inanon te uoote n ana aono ao raona e nako ni beku n te uoote teuana ibukiia membwa aika tuai iein.

Angiin te tai rekooti ibukiia bitiobi ao aia utu e titiku inanon aia uoote n aia aono inanon te tai are a beku iai n uoote ibukiia ikawai aika a tuai iein. Aio bon ti te arona ibukiia naake a beku n te beretitentii n te titeiki ke te bitobiriki, ao ake n te kauntira ae rietaata, ke te beretitentii n te Bootaki n Aine n te titeiki ngkana arona bwa membwa aikai a weteaki bwa a na beku itinanikun uoote n aia aono. Taan kairiiri ao aia utu a kabwakai kabwianibwai ao anganano rinanon aia uoote are e mena iai mweengaia. A kawarii naba mataniwi n aia uoote ao titeiki n aia aono ibukin te intawiu iaon karekean beeba ni kariaia nakon te tembora.

14.4.5

Motirawan Reirei

Ngkana e riai, aia uoote kairake n ikawai aika tuai ni iein e na waki nako n tain motirawan reirei. A konaa uoote aika mwaiti ibukiia kairake ni ikawai aika a tuai iein n uaia ni bootaki ngkana e bon kainanoaki. Ngkana e riki aei, taian uoote a na kawakin rekooti aika kaokoro, ribooti iaon rorokoia aomata, ao taekan mwaane.

14.4.6

Intawiu inanon Uoote ao Titeiki Ibukiia Kairake ni Ikawai Aika a Tuai Iein

N angiin te tai, te beretitenti n te titeiki e na intawiu ma membwa ake:

• Membwa ake a reke oin aia entaunmente.

• Ni kabaeakiia nakon kainnabaia.

• A tia ni uotakirakeaki araia bwa e na reke irouia te Nakoanibonga ae te Merekitereka.

• A tia ni uotakirakeaki araia bwa ana karaoa aia mwakuri ni mitinare.

Ma n aron te kariaia, e konaa te beretitenti n te titeiki ibukiia kairake ni ikawai aika a tuai iein n angan ana kauntira bwa e na waakin tabeua intawiu aikai.

Inanon uoote aika bubura ibukiia kairake ni ikawai aika a tuai iein, te bitiobi e konaa n anga te kariaia nakon te kauntira bwa e na kaira te intawiu ibukiia membwa ake:

• Membwa ake a reke oin aia entaunmente.

• Ni kabaeakiia nakon kainnabaia. (Taraa 26.3.1.)

14.4.7

Irakin Waaki ni Kakukurei Ibukiia Membwa aika Tuai Iein

Te aomata are e a tia ni maenako ma buuna ke e biriakina ana buumare e iri ibuakon ana waaki te uoote n aia aono. E kona n roko n uoote ke n waaki ni kakukurei ibukiia membwa aika tuai iein ngkana e a tia raoi aron ana buumare.

14.4.8

Kaaro Ake Akea Buuia

Membwa ao taan kairiri a kinaa ao ana kabanea aia kona ni buoka kainnanoia kaaro ake akea buuia. Kaaro ake akea buuia ma iai natiia ni mweengaia aika a taneiai ni kawara aia uoote n aia aono. Kaaro ake akea buuia a kona n irii waaki ni kakukurei ibukiia kairake n ikawai aika a tuai ni iein ke uoote ibukiia ikawai aika a tuai n iein. Kaaro ake akea buuia a kona n irii waaki ni kakukurei ibukiia kairake n ikawai aika a tuai ni iein ke uoote ibukiia ikawai aika a tuai n iein.