“Stap Laef Folem Gospel blong Jisas Kraes” Jeneral Hanbuk: Stap Givim Seves Insaed long Jos Ia blong Jisas Kraes blong Ol Lata-dei Sent (2024).
“Stap Laef Folem Gospel Ia blong Jisas Kraes,” Jeneral Hanbuk.
16.
Stap Laef Folem Gospel blong Jisas Kraes
Wok ia blong God long saed blong fasin blong sevem man mo fasin blong kam olsem wan god i lukluk nomo long fofala tabu responsabiliti we God i givim blong mekem (luk long 1.2). Faswan long olgeta responsabiliti ia, hem i blong stap laef folem gospel ia blong Jisas Kraes. Yumi stap laef folem gospel taem we yumi:
-
Praktisim fet long Jisas Kraes.
-
Sakem sin evri dei.
-
Mekem ol kavenan wetem God taem yumi kasem ol odinens blong fasin blong sevem man, mo fasin blong kam olsem wan god.
-
Stap strong kasem en taem yumi kipim ol tabu kavenan ia.
Blong stap laef folem gospel, hem i kavremap ol nara saed blong wok blong God blong fasin blong sevem man mo fasin blong kam olsem wan god. Ol nara pat ia oli, blong stap kea long olgeta we oli stap long nid, mo stap invaetem evriwan blong akseptem gospel, mo blong joenem ol famli blong taem we i no save finis.