“32. Arrepentimiento ha Tupaogua Membresía Konsehokuéra,” Manual General: Jaservívo Jesucristo Tupao Santokuéra Ára Pahapeguápe (2020).
“32. Arrepentimiento ha Tupaogua Membresía Konsehokuéra,” Manual General.
32.
Arrepentimiento ha Tupaogua Membresía Konsehokuéra
32.0
Ñepyrũmby
Hetave kásope arrepentimiento oiko peteĩ tapicha, Tupã, ha umi oje’afectava’ekue upe tapicha angaipáre mbytépe. Upevére, sapy’ánte tekotevẽ peteĩ obispo térã estakagua presidente toipytyvõ Tupao miembro-kuérape iñeha’ãme arrepentimientorã.
Oipytyvõvo miembro-kuérape arrepentimientorã, umi obispo ha estakagua presidente ohechaukava’erã mborayhu ha interés. Ha’ekuéra osegi pe Salvador ehémplo, omopu’ãva’ekue tapichakuérape ha oipytyvõ chupekuéra oñemomombyry hag̃ua angaipágui ha tojere Tupãme (tojehecha Mateo 9:10–13; Juan 8:3–11).
Oje’eháicha ko’ápe, ko capítulo oñemohenda ogia hag̃ua liderkuérape umi desisiõ ha tembiapo kláve tekotevẽva oñeipytyvõ hag̃ua tapichápe oñearrepentívo angaipa sériovagui ha toñeipytyvõ oñemo’ã ambue tapichakuérape.
-
Tupao Rembiapo Oñeipytyvõvo Tapichápe Oñearrepentívo. Sección 32.1-32.4 omohesakã Ñandejára doctrina arrepentimiento ha perdón rehegua. Ko’ã sección omohesakã avei mbohapy propósito orekóva umi Tupaogua membresía restricción térã ñeguenohẽ. Avei, umíva omohesakã umi obispo ha estakagua presidente rembiapo oipytyvõvo arrepentimiento reheve.
-
Oñedeterminávo Mba’éicha Oñeipytyvõ hag̃ua peteĩ Tapichápe Oñearrepentívo. Sección 32.5–32.7-pe oñeme’ẽ umi páuta ojedesidi hag̃ua peteĩ membresía konsého térã orientasiõ personal-pa iporãve oñeipytyvõ hag̃ua mávape oñearrepentívo.
-
Oñeadministrávo Orientasiõ Personal. Sección 32.8 ome’ẽ umi páuta orientasiõ personal rehegua oñeme’ẽva obispo térã estakagua presidente-pe g̃uarã. Omohesakã avei umi Tupaogua membresía restricción informal.
-
Tupaogua Membresía Konsehokuéra Ñeadministra. Sección 32.9–32.14 omohesakã mávapa oĩ responsable umi membresía konsehokuérare, mba’éicha oñeisãmbyhyva’erã, ha umi desisõ ikatúva ojejapo. Oñemohesakã avei umi desisiõ rresultádo.
-
Tupaogua Membresía Privilehiokuéra Ñeme’ẽjey. Sección 32.15–32.17 omohesakã mba’éichapa ojerrestaurakuaa Tupaogua membresía privilehiokuéra peteĩ tapichápe arrepentimiento rupive.
Ỹrõ oje’e ambue mba’e, umi referencia ojejapóva estakagua presidente-pe ojeaplika avei misiõgua presidente-pe. Umi referencia ojejapóva obispo-kuérape ojeaplika avei rramagua presidente-pe.
Primera Presidencia odefini umi norma ha proceso arrepentimientorã angaipa vaietégui. Primera Presidencia oñeipytyvõ Tupaogua Registros Confidenciales oficina rupive. Estakagua presidente térã obispo oñemongetakuaa upe oficina ndive oguerekórõ porandu administrativo térã norma-kuéra rehegua. Upe oficina ome’ẽkuaa avei moaranduha mba’éichapa oñemondokuaa solisitukuéra Primera Presidencia oficina-pe. Contacto informasiõ ojehechauka ko’ápe:
Teléfono: 1-801-240-2053 térã 1-800-453-3860, extensión 2-2053
Llamada gratis (Departamento de Servicio Mundial teléfono): 855-537-4357
TUPAO REMBIAPO OÑEIPYTYVÕVO TAPICHÁPE OÑEARREPENTÍVO
32.1
Arrepentimiento ha Perdón
Ñandejára he’i “mba’eve ipotĩ’ỹva ndaikatumo’ãiha ohupyty yvága rréino” (Alma 11:37; tojehecha avei 3 Nefi 27:19). Ñane angaipakuéra ojapo ñandehegui ipotĩ’ỹva, indigno jaiko hag̃ua ñande Ru Yvagagua renondépe. Umíva avei ogueru ñembyasy ñande rekovépe.
Tupã hustísia léi ojerure jajapórõ angaipa toĩ peteĩ consecuencia (tojehecha Alma 42:14, 17–18). Upevére, Ituicha poriahuvereko plan “omyenyhẽ pe hustísia ojeruréva, ha [ñane]añua jyva mbaretépe” (Alma 34:16; tojehecha avei Mosíah 15:9).
Oiko hag̃ua Iporiahuvereko plan, Túva Yvagagua ombou Ita’ýra Unihénito, Jesucristo-pe, oexpia hag̃ua ñane angaipakuéra. (tojehecha Alma 42:15). Jesús osufri jehavira hustísia léi ojeruréva ñane angaipakuérare (tojehecha Doctrina ha Konveniokuéra 19:15–19; tojehecha avei Alma 42:24–25). Upe sacrificio rupive, mokõive, pe Túva ha Ta’ýra, ohechauka Imborayhu ijapyra’ỹva ñanderehe (tojehecha Juan 3:16).
Ñamomba’apóvo “jerovia ñañearrepenti hag̃ua”, Túva Yvagagua ñaneperdona, ohupytykávo ñandéve poriahuvereko Jesucristo Expiasiõ rupive (Alma 34:15; tojehecha avei Alma 42:13). Ñañemopotĩ ha ñañeperdona vove, ipahápe jahupytykuaáta Tupã rréino (tojehecha Isaías 1:18; Doctrina ha Konveniokuéra 58:42).
Arrepentimiento ndaha’éi komportamiento ñemoambue añónte. Ha’e ñañemomombyry angaipágui ha jajere ñande Ru Yvagagua ha Jesucristo gotyo. Ñandegueraha peteĩ korasõ ha apytu’ũ ñemoambuépe (tojehecha Mosíah 5:2; Alma 5:12–14; Helamán 15:7). Arrepentimiento rupive oiko ñandehegui tekove pyahu, jaikoporãjeývo Tupã ndive (tojehecha 2 Corintios 5:17–18; Mosíah 27:25–26).
Oportunida ñañearrepenti hag̃ua ha’e jehovasa tuichavéva Túva Yvagagua ome’ẽva ñandéve Ita’ýra don rupive.
32.2
Umi Tupaogua Membresía Restricción térã Ñeguenohẽ Propósito
Peteĩ tapicha oñemongaraívo, oiko chugui “Tupã familia” pehẽngue (Efesios 2:19). Pe bautismo konvéniope oike peteĩ promésa ñañeha’ãtaha jaiko Cristo rekombo’e ha rembiapoukapykuérape he’iháicha. Peteĩ tapicha ndojapoporãirõ, ha’e omomba’apo jerovia Jesucristo-re ha oñearrepenti, ojeroviávo Iporiahuvereko rehe oporomombarete ha oporoperdona hag̃ua.
Peteĩ miembro ojapórõ angaipa isériova, obispo térã estakagua presidente oipytyvõ chupe oñearrepenti hag̃ua. Upe proceso parte-ramo, ha’e ikatukuaa orrestrinhi sapy’arã alguno umi Tupaogua membresía privilegio. Oĩ situasiõ ha’e ikatuhápe oguenohẽ peteĩ tapichágui imembresía sapy’a aja.
Noñerrestrinhíri ni noñeguenohẽi peteĩ tapichágui imembresía ojehaviraségui chupe. Uvei, sapy’ánte tekotevẽ ko’ã mba’e’apo oñeipytyvõ hag̃ua tapichápe oñearrepenti ha oñandu hag̃ua peteĩ korasõ ñemoambue. Ha’ekuéra avei ome’ẽ tapichápe tiempo oñembosako’i hag̃ua espiritualmente ombopyahu ha oñongatu hag̃ua jey ikonveniokuéra.
Obispo térã estakagua presidente osupervisa umi membresía restricción térã ñeguenohẽ oñemombe’uháicha 32.5–32.14-pe. Ko’ã medída oñemoirũ umi arrepentimiento condición rehe. Peteĩ tapicha oñearrepenti añetévo, ojerrestaurakuaa chupe umi Tupaogua membresía priviléhio.
Tekotevẽ vove membresía oñerrestrinhi térã oñeguenohẽ, obispo térã estakagua presidente osegi Espiritu Santo gía ha ko capítulo ñemoarandu. Ha’e omba’apo peteĩ mborayhu espíritu guýpe (tojehecha 32.3).
Umi Tupaogua membresía restricción niko eclesiástico, ndaha’éi civil ni criminal. Umíva oafecta pe tapicha membresía Tupaópe añónte. (Tojehecha Doctrina ha Konveniokuéra 134:10.)
Umi mbohapy membresía restricción térã ñeguenohẽ propósito ha’e ko’ãva.
32.2.1
Toñeipytyvõ Oñemo’ã Ambue Tapichakuérape
Propósito peteĩha ha’e toñeipytyvõ oñemo’ã ambue tapichakuérape. Sapy’ánte peteĩ tapicha ha’ekuaa peteĩ amenása física térã espiritual. Umi komportamiénto depredador, tete ñehunga, abuso sexual, sustancia ojapovaíva jeiporu, mbotavy, ha apostasía ha’e umíva oikokuaaháicha. Inspirasiõ rupive, peteĩ obispo térã estakagua presidente oactua omo’ã hag̃ua ambuekuérape oĩ vove máva ha’éva peteĩ amenása ko’ãicha ha ambuéicha isériova. (tojehecha Alma 5:59–60).
32.2.2
Toñeipytyvõ Tapichápe Ohupyty hag̃ua Jesucristo Pu’aka Redentor Arrepentimiento rupive
Propósito mokõiha ha’e toñeipytyvõ tapichápe ohupyty hag̃ua Jesucristo pu’aka redentor arrepentimiento rupive. Upe proceso rupive, ha’e ikatu ipotĩ jey ha omerese ohupyty opa Tupã jehovasakuéra.
Pe Salvador ombo’e “peteĩ korasõ mirĩ ha peteĩ espíritu ñembyasy” ha’e sacrificio Ha’e ojeruréva angaipakuéra oñeperdona hag̃ua. (3 Nefi 9:20). Upévape oike ñembyasy añete angaipakuéra ha i-consecuencia rehe. (tojehecha 2 Corintios 7:9–10).
Peteĩ tapicha ojapórõ angaipa isériova, membresía restricción térã ñeguenohẽ oipytyvõkuaa omokyre’ỹvo peteĩ korasõ mirĩ ha espíritu ñembyasy oñeikotevẽva arrepentimientorã, oñemboyke añete hag̃ua pe angaipa, ha oñeikũmby hag̃ua umi mba’e oúva heseve. Ko ñeikũmby oipytyvõkuaa tapichakuérape omomba’eguasuve hag̃ua ikonveniokuéra Tupã ndive ha oñongatuse hag̃ua umi konvénio tenondeve.
32.2.3
Toñemo’ã Tupao Integrida
Mbohapyha propósito ha’e toñemo’ã Tupao integrida. Ikatu tekotevẽ oñerrestrihi térã oñeguenohẽ peteĩ tapichágui Tupaogua membresía upe ojapóva operhudikavaírõ Tupaópe (tojehecha Alma 39:11). Tupao integrida noñemo’ãi oñeñomívo térã noñemomba’éivo umi angaipa isériova—ha katu oñembohovakévo.
32.3
Huekuéra Rembiapo Israel-pe
Umi obispo ha estakagua presidente oñehenói ha ojeaparta ha’e hag̃ua huekuéra Israel-pe (tojehecha Doctrina ha Konveniokuéra 107:72–74). Ha’ekuéra oreko sacerdocio llavekuéra orrepresenta hag̃ua Ñandejárape oipytyvõvo Tupaogua miembro-kuérape oñearrepenti hag̃ua ((tojehecha Doctrina ha Konveniokuéra 13:1; 107:16–18).
Py’ỹi umi obispo ha estakagua presidente oipytyvõ arrepentimiéntope orientasiõ personal personal rupive. Ko ñeipytyvõ apytépe oikekuaa alguno umi Tupaogua membresía privilegio restricción informal sapy’a aja. (Tojehecha 32.8.)
Alguno umi angaipa isériovape g̃uarã, liderkuéra oipytyvõ arrepentimientorã ohenóivo peteĩ membresía konsého (tojehecha 32.6 ha 32.9–32.14). Ko ñeipytyvõ apytépe oikekuaa alguno umi Tupaogua membresía privilegio restricción formal térã membresía ñeguenohẽ sapy’a aja. (tojehecha 32.11.3 ha 32.11.4).
Umi obispo ha estakagua presidente oipytyvõ Tupaogua miembro-kuérape ontende hag̃ua Tupã ohayhuha Ita’yrakuérape. Ha’e oipotágui ha’ekuéra tovy’a ha tohupyty jehovasa, Ha’e avei oñeinteresaiterei iñe’ẽrendu ha iñarrepentimientokuéra rehe.
Umi obispo ha estakagua presidente ohechauka mborayhu ha interés oipytyvõvo miembro-kuérape oñearrepenti hag̃ua. Pe Salvador ñemongeta upe kuña ndive ojejuhuva’ekue adulterio-pe ningo peteĩ gía (tojehecha Juan 8:3–11). Jepe Ha’e nde’íri chupe iñangaipakuéra oñeperdonahague, Ha’e nokondenái chupe. Upéva rangue, Ha’e he’i chupe “anive repeka”—he’iséva, toñearrepenti ha tomoambue hekove.
Ko’ã líder ombo’e oĩha “vy’apavẽ … yvágape peteĩ angaipa’apoha oñearrepentíva rehe” (Lucas 15:7). Ha’ekuéra ipasiénte, oiporoporiahuvereko, ha ipositívo. Ha’ekuéra oinspira ñeha’arõkuaa. Ha’ekuéra ombo’e ha otestifika pe Salvador sacrificio expiatório rupive opavave ikatu oñearrepenti ha oñemopotĩ.
Umi obispo ha estakagua presidente oheka Espíritu Santo gía oikuaa hag̃ua mba’éicha oipytyvõkuaa peteĩteĩ tapichakuérape oñearrepenti hag̃ua. Umi angaipa iseriovévape g̃uarã añónte Tupao oguereko peteĩ norma aty mba’e mba’épa umi líder ojapova’erãre (tojehecha 32.6 ha 32.11). Ndaipóri mokõi situasiõ ojojoguáva. Pe orientasiõ umi líder ome’ẽva ha pe arrepentimiento proceso ha’ekuéra ofomentáva ha’eva’erã inspirado ha ikatu idiferénte peteĩteĩ tapichápe g̃uarã.
Ñandejára oikuaa káda persona circunstancia, katupyrykue ha madurés espiritual. Espíritu Santo oipytyvõta liderkuérape oikuaa hag̃ua mba’éichapa oipytyvõkuaa miembro-kuérape ojapóvo umi ñemoambue tekotevẽva okuera hag̃ua ha ogueropu’aka hag̃ua tentasiõ ojapo jeývo upe angaipa.
Oñeipytyvõvo mávape oñearrepenti hag̃ua, ojere jey Tupã gotyo, ha oñemonguera Jesucristo Expiasiõ rupi ha’e peteĩ tembiasa horyvéva peteĩ tapicha orekokuaáva. Doctrina ha Konveniokuéra 18:10–13 omohesakã:
“Penemanduʼáke, angakuéra repy tuichaiteha Tupãme g̃uarã;
“Ha, péina ápe, Ñandejára pene Rredentor ohasavaʼekue ñemano hoʼópe; upévare, ohasaʼasyvaʼekue opa yvypóra mbaʼerasy rehe, ikatu hag̃ua opa yvypóra oñearrepenti ha ou hendápe.
“Ha haʼe oikovejey omanóva apytégui, ogueru hag̃ua ijupe opa yvypóra, oñearrepentíramo hikuái.
“Ha tuichaitépa ivyʼapavẽ pe ánga oñearrepentívare!”
32.4
Ñemombe’u, Konfidensialida, ha Gobierno-gua Autoridakuérape Ñemombe’u
32.4.1
Ñemombe’u
Pe arrepentimiento oikotevẽ umi angaipa toñemombe’u Túva Yvagaguápe. Jesucristo he’i, “Péicha peikuaáta peteĩ tekove oñearrepentiha iñangaipakuéragui—péina ápe, haʼe omombeʼúta ha ohejáta umíva” (Doctrina ha Konveniokuéra 58:43; tojehecha avei Mosíah 26:29).
Tupaogua miembro-kuéra ojapórõ angaipa isériova, iñarrepentimiéntope oikeva’erã ñemombe’u ijobíspope térã estakagua presidente-pe. Upérõ ha’e omomba’apokuaa evanhélio arrepentimiento rehegua llavekuéra ifavorkuérape. (tojehecha Doctrina ha Konveniokuéra 13:1; 84:26–27; 107:18, 20). Kóva oipytyvõkuaa chupekuéra okuera ha oho jey hag̃ua evanhélio rapére pe Salvador Expiasiõ pu’aka rupive.
Ñemombe’u propósito ha’e omokyre’ỹ hag̃ua miembro-kuérape toipe’a ijehegui mba’e pohýi ohekaporã hag̃uáicha Ñandejára pytyvõ oñemoambue ha okuera hag̃ua. Ñemombe’u oipytyvõ ojedesarrollávo “peteĩ korasõ mirĩ ha espíritu ñembyasy” (2 Nefi 2:7). Ñemombe’u ijeheguiguáva ohechauka pe tapicha oñearrepentiseha.
Peteĩ miembro oñemombe’u vove, pe obispo térã estakagua presidente osegi umi páuta orientasiõrã oĩva 32.8-pe. Ha’e, ñembo’e rupive oheka gía odesidívo mba’e eskémapa iporãvéta oñeiptyvõ hag̃ua upe miembro-pe oñearrepentívo. (tojehecha 32.5). Ohecha peteĩ membresía konséhopa oipytyvõne. Tupao norma ojerurérõ peteĩ membresía konsého, ha’e omombe’u ha omohesakã upéva. (tojehecha 32.6 ha 32.10).
Sapy’ánte peteĩ miembro ojapovaírõ iména/tembirekópe térã ambue tapicha kakuaávape. Arrepentimiento-pe oikeva’erã jepi, ha’e toñemombe’u upe tapichápe ha oheka iperdón. Peteĩ imitãva ojapóvape angaipa isériova oñemokyre’ỹ jepi toheka ituvakuéra konsého.
32.4.2
Angaipakuéra Isériova Noñemombe’úiva térã Oñenegáva
Jepive, peteĩ obispo térã estakagua presidente oikuaa peteĩ angaipa isériovagui ñemombe’u térã ambue tapicha rupi. Ha’e orresivikuaa avei ispirasĩo peteĩ ha’ekuaáva angaipa isériovagui Espíritu Santo rupive. Ha’e oñandúrõ espíritu rupive pe máva ikatuha hína olucha angaipa reheve, omohendakuaa peteĩ entrevista. Upe entrevista aja, ha’e okomparti ijepy’apy py’aporã ha respeto-pópe. Ha’e omboyke oimeháichagua akusasiõ pu.
Jepémo peteĩ miembro onega ojapohague peteĩ angaipa isériova obispo térã estakagua presidente orekóvagui informasiõ ombojepytasóva, ikatu gueteri oñehenói peteĩ membresía konsého. Upevére, peteĩ temiandu espiritual añónte ndohupytýi oñehenói hag̃ua peteĩ konséhope. (tojehecha Doctrina ha Konveniokuéra 10:37). Pe líder ikatu ombyatyve informasiõ oñeikotevẽrõ. Upevarã ha’e osegi umi páuta oĩva 32.4.3 ha 32.10.2.
32.4.3
Oñembyatývo Informasiõ
Ohenói mboyve peteĩ membresía konséhope, pe obispo térã estakagua presidente ombyaty opa informasiõ oikotevẽva. Py’ỹi informasiõ oúva peteĩ miembro ñemombe’úgui oĩporãma. Umi informasiõ ikatu ou avei peteĩ familia miembro-gui, ambue Tupaogua líder, peteĩ víctima, térã peteĩ opartisipava’ekuégui upe angaipápe.
Ombyatývo informasiõ, pe obispo térã estakagua presidente oiporuva’erã umi método oĩporãva peteĩ sacerdocio líder-pe g̃uarã añónte. Noma’ẽiva’erã peteĩ tapicha rógare térã ofilma chupe ipermiso’ỹre. Ndoiporuiva’erã oimeraẽichagua práctica oĩva léi kóntrape.
Umi akusasiõ japu ndajepiguái ha katu oikokuaa. Sacerdocio líder-kuéra oñangarekova’erã pokãramo informasiõ oĩva peteĩ tapicha ñe’ẽ rire. Upéicha, peteĩ miembro oje’akusáva ñemoakãratĩgui ikatu onéga upéva. Escritura-kuéra omohesakã “opa ñeʼẽ oñemoañetéta hesekuéra, mokõi tupaogua testígo rupive” (Doctrina ha Konveniokuéra 42:80). “Mokõi testígo” he’ise mokõi informasiõ fuente idiferéntevagui. Upévape oikekuaa peteĩ participante jeikuaa ha ambue fuente ojejeroviakuaávare. Sapy’ánte peteĩ sacerdocio líder oha’arõva’erã oĩve peve informasiõ disponible oactua hag̃ua.
Peteĩ Tupao líder ombyatývo informasiõ peteĩ membresía konsehorã, opytaiteva’erã oikuaárõ peteĩ agente orden publico-gua oinvestigaha hína activamente upe miembro-pe. Kóva ojejapo ani hag̃ua oñedemanda upe líder-pe ikatuhague ojoko hustísia. Momarandu legal-rã ko’ã mba’ére Estados Unidos ha Canada-pe, estakagua presidente oñe’ẽkuaa Tupaogua Oficina de Asesoramiento Legal-pe:
1-800-453-3860, extensión 2-6301
1-801-240-6301
Ambue tetãnguérape, estakagua presidente oñe’ẽ Área-gua asesor legal ndive oficina de Área-pe.
Peteĩ membresía konsého noñehenói jepi okonsidera hag̃ua tekopy ojehecháva hína peteĩ trivunal civil térã penal rupi upe trivunal ohupyty rire peve peteĩ desisiõ hudisiál ipaháva. Sapy’ánte oĩporãve oñemoha’arõuka peteĩ membresía konsého oexpira rire peve apelasiõ legal ára térã pe apelasiõ oñenega rire.
32.4.4
Konfidensialida
Obispo, estakagua presidente ha ikonseherokuéra oreko tembiaporã sagrádo omo’ãva’erãha opa informasiõ ñongaturã oñeme’ẽva chupekuéra. Ko informasiõ ikatu og̃uahẽ entrevista, orientasiõ ha ñemombe’u rupive. Upe tembiaporã konfidensialida rehegua ojeaplika avei opavave opartisipávape umi membresía konséhope. Konfidensialida mba’eguasuete, miembro-kuéra noñemombe’uichénegui umi angaipa térã ndohekaichéne gía umi ha’ekuéra omombe’úva noñeñongatúirõ confidencial. Oñembyáiramo peteĩ konfidénsia oñetraisiona miembro-kuéra jerovia ha upéva ojapo toperde hikuái jerovia iliderkuérare.
Hekojojávo hembiaporã konfidensialida reheguáre, peteĩ obispo, estakagua presidente, térã ikonseherokuéra ikatu okomparti informasiõ ko’ãichahápe añónte:
-
Tekotevẽramo oñemongeta pe miembro estakagua presidente, misiõgua presidente térã obispo membresía konsého ñehenóire térã mba’e ohóva hese rehe. Estakagua presidente oñemongetakuaa avei Setenta de Área oĩva asignado ndive. Tekotevẽrõ, Setenta de Área orreferikuaa estakagua presidente-pe Presidencia de Área-pe. Estakagua presidente añónte odesidi oñehenoiva’erãpa peteĩ konsého ha irresultádo.
-
Pe tapicha ováramo barrio pyahúpe (térã sacerdocio líder ojerreleva) membresíagua trámite térã ambue jepy’apy isériova oĩ aja pendiente. Umi kásope, pe líder oikuaauka obispo térã estakagua presidente pyahúpe umi jepy’apy térã trámite oĩva pendiente. (tojehecha 32.14.7). Avei oikuaauka líder-pe upe miembro ha’érõ peteĩ amenása ambuekuérape g̃uarã.
-
Peteĩ obispo térã estakagua presidente oikuaáramo peteĩ Tupaogua miembro oikóva pe barrio térã estaka okágotyo ikatuha oĩ involucrado peteĩ angaipa isériovape. Upe kásope, ha’e oñemongeta ñeñongatupýpe upe miembro obispo ndive.
-
Tekotevẽ ojeikuaauka informasiõ peteĩ membresía konsého aja. Opa informasiõ oñembyaty ha oñekompartíva peteĩ membresía konsého mbytépe ha’e confidencial.
-
Peteĩ miembro oiporavórõ ome’ẽ permiso pe líder okomparti hag̃ua informasiõ tapichakuéra espesífiko ndive. Umíva apytépe oikekuaa tuvakuéra, Tupao líder, térã ambuekuéra ikatúva oipytyvõ. Pe líder nome’ẽi informasiõ ohasávo permiso pe miembro ome’ẽva’ekue ári.
-
Tekotevẽkuaa oñekomparti informasiõ limitádo peteĩ membresía konsého desisiõ rehegua. (tojehecha 32.12.2).
Opa ambue situasiõme, pe líder omañava’erã 32.4.5-re. Ko’ã kásope oike léi ojerure vove toñemombe’u peteĩ delíto, mitã abuso-icha, umi goviernogua autoridápe.
Oñeipytyvõ hag̃ua liderkuérape omo’ãvo ambuekuérape ha oñekumplívo pe léi, Tupao ome’ẽ pytyvõ profesionales entrenados rupive. Ohupyty hag̃ua ko gía, liderkuéra ohenói pya’eva’erã oĩháme disponible Tupao línea ñeipytyvõrã abuso kásope (tojehecha 32.4.5 and 38.6.2.1). Ndaiporihápe disponible upe línea, estakagua presidente oñe’ẽ Área-gua asesor legal ndive Área oficina-pe.
Oĩ peteĩ situasiõ añónte peteĩ obispo térã estakagua presidente ikatuhápe oikuaauka informasiõ confidencial ohekaraẽ’ỹre upe gía. Upéva ha’e oñeikotevẽrõ ojeikuaauka oñemo’ã hag̃ua dáñogui oapeligráva tekove térã ñehunga isériovagui ha ndaipóri tiempo ojeheka hag̃ua upe gía. Umi kásope, ñemo’ã ambue tapichakuérape iñimportanteve konfidensialida tembiaporãgui. Liderkuéra pya’e oñe’ẽva’erã umi autorida civil ndive.
Liderkuéra oguerahárõ notakuéra térã oñekomunika oñondie electrónicamente, ha’ekuéra omo’ãva’erã acceso upe informasiõme. Avei oipe’a térã ohundiva’erã pe informasiõ noñeikotevẽvéi vove. Nokompartiriva’erã informasiõ personal noñeikotevẽiramo.
Umi autorida civil ikatu odesafia pe konfidensialida oñeikotẽvéva sacerdocio liderkuéragui. Upéva oikórõ Estados Unidos térã Canada-pe, estakagua presidente ohekava’erã konsého legal Tupao Oficina de Asesoramiento General-gui:
1-800-453-3860, extensión 2-6301
1-801-240-6301
Ambue tetãnguérape, estakagua presidente oñe’ẽ área-gua asesor legal ndive área-gua oficina-pe.
32.4.5
Gobierno-gua Autoridakuérape Ñemombe’u
Oĩ tapicha oñearrepentíva ojapyharava’ekue umi léi civil térã criminal. Oĩ káso, umi gobierno-gua autorida ndoikuaaiha upéva. Obispo ha estakagua presidente-kuéra omokyre’ỹ miembrokuérape tosegi pe léi he’íva ha tomombe’u umi mba’e oñeikotevẽ vove. Liderkuéra avei oakonseha miembrokuérape tohupyty asesoramiento legal competente omombe’u vove. Tupao política ha’e toñeñe’ẽrendu léire.
Heta hendápe, léi rupi, sacerdocio liderkuérape ojejerure tomombe’u tembiapo ilegal ha’ekuéra oikuaáva. Tembiecharã, oĩ umi estado ha tetã ojeruréva mitãre je’avusa toñemombe’u umi orden público agente-pe.
Oĩ tétã Tupao omoĩháme peteĩ línea ñeipytyvõrã ñeñongatupýva avúso kásope g̃uarã, oñeipytyvõvo obispo ha estakagua presidente-kuérape. Ko’ã líder ohenói pya’eva’erã pe línea ñeipytyvõrãme peteĩteĩ umi káso peteĩ tapicha oje’avusava’ekue, térã oĩ riesgo-pe oje’avusávo (tojehecha 38.6.2.1). Upe línea oĩ disponible 24 aravo aja káda ára, 7 ára aja káda semana.
Umi tetã noĩriháme pe línea pytyvõrã, peteĩ obispo oikuaáva oikoha avúso oñe’ẽva’erã ijestakagua presidente ndive, ha upéva ohekava’erã gía área-gua asesor legal-gui area oficina-pegua.
Oñeikotevẽvérõ momarandu avúso ñemombe’úgui, tojehecha 38.6.2.1 ha 38.6.2.7.
OÑEDETERMINA ESKÉMA OÑEIPYTYVÕ HAG̃UA PETEĨ TAPICHÁPE OÑEARREPENTI
32.5
Umi Eskéma Oñeipytyvõ hag̃ua peteĩ Tapichápe Oñearrepenti
Oikuaa rire peteĩ miembro ojapohague peteĩ angaipa isériova, peteĩ obispo térã estakagua presidente ojapo umi mba’e omo’ã hag̃ua ambuekuérape. Ha’e avei oheka Espíritu Santo gía odeterminávo eskéma oñeipytyvõ hag̃ua peteĩ tapichápe oñearrepenti ha oñemoag̃uive Salvador rehe.
32.5.1
Umi Eskéma Ñemyesakã
Pe tabla oúva omoĩ lístape mbohapy eskéma oñeipytyvõ hag̃ua peteĩ tapichápe oñearrepenti. Avei omombyky umi consideración liderkuéra ojapova’erã odesidívo mba’e eskémapa ojeipurúta.
Umi Eskéma Oñeipytyvõ hag̃ua peteĩ Tapichápe Oñearrepenti
|
Eskéma |
Konsiderasiõnguéra (tojehecha avei 32.7) |
|---|---|
Eskéma Estakagua Membresía Konsého | Konsiderasiõnguéra (tojehecha avei 32.7) |
Eskéma Barrio-gua Membresía Konsého | Konsiderasiõnguéra (tojehecha avei 32.7)
|
Eskéma Orientasiõ Personal (tojehecha 32.8) | Konsiderasiõnguéra (tojehecha avei 32.7)
|
Orientasiõ personal ha umi membresía restricción informal oñeme’ẽva obispo térã estakagua presidente rupi sapy’ánte ndohupytýi oñeipytyvõvo peteĩ tapichápe oñearrepenti hag̃ua umi angaipa isériovagui. Ñandejára ome’ẽ membresía konsehokuéra oipytyvõ hag̃ua peteĩ hue Israel-pe ko’ã kásope. (Tojehecha Exodo 18:12–27; Mosíah 26:29–36; Doctrina ha Konveniokuéra 42:80–83; 102.) Oĩ angaipakuéra isériova Tupao norma-kuéra ojerurehápe peteĩ konsého (tojehecha 32.6.1). Templogua konveniokuéra jejapyhara ombotekotevẽve peteĩ membresía konsého (tojehecha 32.7.4).
Peteĩ estákape, estakagua presidente konseherokuéra oipytyvõ. Peteĩ estákape, estakagua presidente konseherokuéra oipytyvõ. Oĩ estakagua membresía konsého, opartisipahápe avei pe sumo consejo. (tojehecha 32.9.2). Peteĩ membresía konséhope pe obispado térã estakagua presidencia oñembyaty pe tapicha ndive mborayhu espíritu-pe.
32.5.2
Oñedeterminávo Eskéma ha Tiempo
Liderkuéra oheka Espíritu Santo gía odesidívo mba’e eskémapa ko’ãvagui oipytyvõ porãvéta peteĩ tapichápe oñearrepenti hag̃ua. Ha’ekuéra okonsidera avei ko’ã mba’e:
-
Mba’eichaitépa isério pe angaipa ha Tupao norma-pa ojerure peteĩ konsého (tojehecha 32.6)
-
Pe tapicha circunstancia-kuéra (tojehecha 32.7)
Peteĩ obispo oñemongeta estakagua presidente ndive umi situasiõ espesífikore. Ha’e orresiviraẽva’erã estakagua presidente ñemboaje ohenói hag̃ua peteĩ membresía konsého.
Umi káso hasývape, estakagua presidente ohekakuaa konsého Setenta de Área-gui oĩva asignado chupe. Estakagua presidente oñemongetava’erã Área-gua Presidencia ndive umi káso oñemombe’úva 32.6.3-pe. Upevére, estakagua presidente añónte odesidi ojejapova’erãpa peteĩ konsého oñeñemongeta hag̃ua peteĩ tekopýre. Oñekonvokáramo peteĩ konsého, estakagua presidente térã obispo odesidi pe rresultádo.
Peteĩ obispo térã estakagua presidente odeterminárõ orientasiõ personal ohupytyha, ha’e osegi umi páuta oĩva 32.8-pe. Ha’e odeterminárõ oñeikotevẽha peteĩ membresía konsého, térã Tupao norma ojerurérõ peteĩ konsého, pe oisãmbyhýva upe konsého osegi procedimiento oĩva 32.9–32.14-pe.
Ohenói mboyve peteĩ konsého, pe obispo térã estakagua presidente odeterminakuaa membresía restricción informal oĩporãtaha sapy’arã. Ha’e ohenói pe konsého iporãvérõ omokyre’ỹ hag̃ua upe miembro arrepentimiento añete. Upevére, nomoha’arõiva’erã peteĩ konsého tekotevẽrõ oñemo’ã ambue tapichakuérape.
32.6
Mba’eichaitépa Isério pe Angaipa ha Tupao Norma
Mba’eichaitépa isério peteĩ angaipa ha’e peteĩ konsiderasiõ imba’eguasúva oñedeterminávo pe eskéma (1) oipytyvõtapa oñemo’ã hag̃ua ambuekuérape, ha (2) oipytyvõpa tapichápe oñearrepenti hag̃ua. Ñandejára he’iva’ekue Ha’e “ndaikatúi ohechaporã pe angaipa ni michĩmi” (Doctrina ha Konveniokuéra 1:31; tojehecha avei Mosíah 26:29). Isiervokuéra ndohechareiriva’erã evidencia angaipa isériova rehegua.
Umi angaipa isériova ha’e peteĩ ofensa tuicha ha oñemoĩva Tupã leikuéra rehe. Ko’ápe oñeme’ẽ peteĩ lista umi angaipa isériova categoría rehegua.
Ko sección oúva omombe’u araka’épa ojejerure peteĩ membresía konsého, araka’épa ikatu oñeikotevẽ, ha araka’épa noñeikotevẽi upéva.
32.6.1
Araka’épa Ojejerure peteĩ Membresía Konsého
Obispo térã estakagua presidente ohenoiva’erã peteĩ membresía konsého oĩrõ informasiõ ohechaukáva peteĩ miembro ojapoha oimeraẽ umi angaipa oñemombe’úva ko sección-pe. Ojejapórõ ko’ã angaipa, ojejerure peteĩ konsého, taha’e ha’éva madurez espiritual nivel ha evanhélio ñeikũmby orekóva pe miembro.
Tojehecha 32.11 oñemombe’uhápe rresultádo ikatúva oreko umi konsého oñehenóiva umi angaipa rupi oje’éva ko sección-pe. Membresía restricción informal ndoikéi ko’ã konséhope.
32.6.1.1
Umi Mba’e’apo Violénto ha Avúso
Jejuka. Ojejerure peteĩ membresía konsého peteĩ miembro ojukárõ mávape. Ojeipuruháicha ko’ápe, jejuka he’ise ojeipe’árõ peteĩ tekove rekove ojejaposégui ha oĩ’ỹre hustifikasiõ. Ojejerure toñeguenohẽ pe tapichágui Tupaogua membresía.
Jejukápe ndoikéi umi policia térã militar rembiapo okumpli aja hembiaporã. Aborto noñekonsiderái jejuka ko contexto-pe. Pe ñemano oikóramo accidente rupi térã defensa propia térã ambuéicha, pe jeipe’a peteĩ tekove rekove ikatu noñekonsiderái jejukáramo. Kóva avei ikatu añete ambue situasiõme, peteĩ tapicha orekóramo ikatupyry mental limitádo.
Violasiõ. Ojejerure peteĩ membresía konsého oĩrõ violasiõ. Ojeipuruháicha ko’ápe, violasiõ ha’e peteĩ rrelasiõ sexual mbaretépe térã rrelasiõ sexual peteĩ máva ndive ndaikatúiva ome’ẽ legalmente ikonsentimiénto ndorekopáigui katupyry físico térã mental. Ojeipuruháicha ko’ápe, violasiõme ndoikéi umi relasiõ sexual ojejapóva ojejaposégui mokõi mitãrusu apytépe haimete ojoedáva.
Kondéna Agresión Sexual rupi. Ojejerure peteĩ membresía konsého peteĩ miembro orekóramo peteĩ kondéna agresión sexual rupi.
Mitã térã Mitãrusúre Je’avusa. Ojejerure peteĩ membresía konsého peteĩ tapicha oavusárõ peteĩ mitã térã mitãrusúre oñemohesakãháicha 38.6.2.3-pe.
Peteĩ Ména/Tembireko térã Ambue Kakuaáre Je’avusa. Oĩ peteĩ teko avusívo severida eskála. Tojehecha 38.6.2.4 oñeikotevẽ jave peteĩ membresía konsého peteĩ ména/tembireko térã ambue kakuaáre je’avusa rupi.
Teko Depredador ha Violénto. Ojejerure peteĩ membresía konsého peteĩ kakuaa ohunga jey jeýramo tapichakuérape hetépe tekokuaa ivioléntova rupi ha ha’e peteĩ amenása ambuekuérape g̃uarã.
32.6.1.2
Tekoky’a Sexual
Incesto. Ojejerure peteĩ membresía konsého oikóramo incesto oñedefiniháicha 38.6.10-pe. Ko’ã kásope haimete akoiete ojejerure toñeguenohẽ pe tapicha Tupaogua membresía.
Pornografía Mitã Rehegua. Ojejerure peteĩ membresía konsého peteĩ tapicha oĩrõ pornografía mitã reheguápe oñemombe’uháicha 38.6.6-pe.
Ñemenda Plural Ojejerure peteĩ membresía konsého peteĩ tapicha oikuaávo oike peteĩ ñemenda plural-pe. Oĩ ñemenda plural oikóva ñemiháme, peteĩ ména/tembireko ndoikuaáivo oĩha peteĩ térã hetave ambue ména/tembireko. Ojejerure toñeguenohẽ pe tapicha Tupaogua membresía pe tapicha oikuaapópe oikérõ ñemenda plural-pe.
Depredador Sexual Reko. Ojejerure peteĩ membresía konsého peteĩ kakuaa ohunga jey jeýramo sexualmente tapichakuérape ha ha’e peteĩ amenása ambuekuérape g̃uarã.
32.6.1.3
Mba’e’apo Pokarẽme
Depredador Financiero Reko. Ojejerure peteĩ membresía konsého peteĩ kakuaa orekórõ káso ipokarẽ ha omondahague tapichakuérape jey jey ha ojaposégui ha ha’e peteĩ amenása ambuekuérape g̃uarã (tojehecha 38.6.2.4). Kóvape oike umi inversiõ pokarẽme ha umichagua mba’e’apo. Umi pérdida económica oikóva ojeipota’ỹre noñekonsiderái pokarẽmeramo. Oĩramo peteĩ litigio, sacerdocio liderkuéra oha’arõkuaa oĩ peve peteĩ fállo paha upe mba’ére. Tojehecha 32.6.3.3 peteĩ miembro opartisipárõ umi Tupaogua fóndo térã propieda jeipuruvaípe.
32.6.1.4
Jerovia Jejapyhara
Angaipa Isériova Ojeguereko Aja peteĩ Tupao Kárgo Imba’eguasúva. Ojejerure peteĩ membresía konsého peteĩ miembro ojapórõ angaipa isériova oguereko aja peteĩ kárgo imba’eguasúva. Ko’ãva apytépe oike Autorida General, Tupaogua Oficial General, Setenta de Área, templogua presidente ha umi templogua obrera directora, misiõgua presidente ha ikompañéra, estakagua presidente, patriarca, ha obispo. Kóva ndojeaplikái umi rramagua presidente-pe. Upevére, peteĩ rramagua presidente membresía privilehiokuéra ikatu oñerrestrinhi térã oñeguenohẽ ojejapoháicha ambue miembro-kuéra ndive.
32.6.1.5
Ambue Mba’e’apokuéra
Kondéna Delíto rupi. Ojejerure peteĩ membresía konsého hetave kásope peteĩ tapicha oreko vove kóndena peteĩ delíto rupi.
32.6.2
Araka’épa peteĩ Membresía Konsého Ikatu Oñeikotevẽ
Peteĩ membresía konsého ikatu oñeikotevẽ ko’ã kásope.
32.6.2.1
Umi Mba’e’apo Ivioléntova ha Avúso
Ñandejára omanda: “Ndereporojukamoʼãi, ha nderejapomoʼãi mbaʼeve koʼãichagua“ (Doctrina ha Konveniokuéra 59:6; kursíva oñembojoapýva). Umi mba’e’apo ivioléntova ha avúso ikatuháre oñeikotevẽ peteĩ membresía konsého oinklui ko’ã mba’e oĩva ko’ápe.
Jeporojuka Ñeha’ã. He’ise oñeñeha’ãha jeporojuka ojejaposégui.
Avúso Sexual, Jepe Rairõ ha Akóso. Avúso sexual-pe oike hetáichagua mba’e’apo (tojehecha 38.6.18). Peteĩ membresía konsého ikatu oñeikotevẽ peteĩ tapichápe g̃uarã orairõ térã oavusava’ekue sexualmente mávape. Peteĩ konsého ikatu oñeikotevẽve oñeipytyvõ hag̃ua peteĩ miembro-pe oñearrepentívo ha’e ojapyharárõ témplo konveniokuéra térã ojapo jeyjeýrõ pe angaipa. Tojehecha 38.6.18.3-pe he’íva araka’épa ojejerure peteĩ konsého.
Peteĩ Ména/Tembireko térã Ambue Kakuaa Je’avusa térã Jetratavai. Oĩ peteĩ eskála graveda rehegua umi tekopy avusívope g̃uarã (tojehecha 38.6.2.4-pe). Ikatu oñeikotevẽ peteĩ membresía konsého peteĩ tapichápe g̃uarã oavusava’ekue peteĩ ména/tembireko térã ambue kakuaáre. Ikatu oñeikotevẽve peteĩ konsého oñeipytyvõ hag̃ua peteĩ miembro-pe oñearrepentívo ha’e ojapyhararõkuri templogua konveniokuéra térã ojapo jeyjey upe angaipa. Tojehecha 38.6.2.4 oje’ehápe araka’épa ojejerure peteĩ konsého.
32.6.2.2
Tekoky’a Sexual
Ñandejára léi kastida rehegua ha’e kuimba’e ha kuña tojejoko japyhy sexual-gui ndaha’éirõ ñemenda legal mbytépe (tojehecha Exodo 20:14; Doctrina ha Konveniokuéra 63:16). Ikatu oñeikotevẽ peteĩ membresía konsého tekoky’a kásope oje’eháicha 38.6.5-pe. Ko’ã kásope, ikatu oñeikotevẽve peteĩ konsého oñeipytyvõ hag̃ua peteĩ miembro-pe oñearrepentívo ha’e ojapyharárõ templogua konveniokuéra térã ojapo jeyjeýrõ upe angaipa. Tojehecha 32.6.1.2 oje’ehápe araka’épa ojejerure peteĩ konsého.
32.6.2.3
Mba’e’apo Pokarẽme
Umi Diez Mandamientos ombo’e, “Neremondamo’ãi” ha “nereme’ẽmo’ãi testimónio japu” (Exodo 20:15–16). Ikatu oñeikotevẽ peteĩ membresía konsého ojejapórõ ñemonda, óga ahéno jejapyhara, mba’e ahéno jejavyky, mba’e ahéno jeipuru vai, testimónio japu, ha pokarẽ. Tojehecha 38.8.2 ojeikuaave hag̃ua pokarẽ afinida rupi rehegua. Ko’ã kásope, ikatu oñeikotevẽve peteĩ konsého oñeipytyvõ hag̃ua peteĩ miembro-pe oñearrepentívo ha’e ojapyharárõ templogua konveniokuéra térã ojapo jeyjey upe angaipa.
Tojehecha 38.8.2 ojeikuaave hag̃ua pokarẽ afinida rupi rehegua. Tojehecha 32.6.1.3 oje’ehápe araka’épa ojejerure peteĩ konsého mba’e’apo pokarẽme rupi. Tojehecha 32.6.3.3 peteĩ miembro oiporuvaírõ umi Tupao fondo térã propieda.
32.6.2.4
Jerovia Jejapyhara
Ikatu oñeikotevẽ peteĩ membresía konsého peteĩ miembro:
-
Ojapóramo angaipa isériova oreko aja peteĩ autorida térã jerovia rehegua kárgo Tupaópe térã comunidad-pe.
-
Ojapórõ peteĩ angaipa isériova ojeikuaapáva heta rupi.
Ko’ã kásope, ikatu oñeikotevẽve peteĩ konsého oñeipytyvõ hag̃ua peteĩ miembro-pe oñearrepentívo ha’e ojapyharárõ templogua konveniokuéra térã ojapo jeyjey upe angaipa.
Tojehecha 32.6.1.4 oje’ehápe araka’épa ojejerure peteĩ konsého. Tojehecha 32.6.3.3 peteĩ miembro oiporuvaírõ umi Tupao fondo térã propieda.
32.6.2.5
Ambue Mba’e’apokuéra
Rey Benjamín ombo’e: “Ha ipahaitépe, ndaikatúi haʼepa peẽme opa mbaʼe ikatuháicha pejapo angaipa; oĩgui heta tape ha mbaʼe ikatuhápe jajapo angaipa, hetaitereígui ndaikatúi aipapa” (Mosíah 4:29). Ikatu oñeikotevẽ peteĩ membresía konsého peteĩ tapicha:
-
Ohechaukárõ ojapo memeha umi angaipa isériova. (Tojehecha Doctrina ha Konveniokuéra 82:7).
-
Ohejareírõ irresponsabilida ifamilia ndive g̃uarã, oikehápe ndohepyme’ẽirõ mitãme g̃uarã ha tembi’urã ñeipytyvõ.
-
Oporoamenasárõ violencia física reheve, taha’e en persona térã línea-pe. (tojehecha 32.2.1).
-
Ovendérõ umi droga ndaha’éiva legál.
-
Ojapórõ ambue mba’e’apo delictívo isériova.
Ko’ã kásope, ikatu oñeikotevẽve peteĩ konsého oñeipytyvõ hag̃ua peteĩ miembro-pe oñearrepentívo ha’e ojapyharárõ templogua konveniokuéra térã ojapo jeyjey upe angaipa.
Ikatu oñeikotevẽ peteĩ membresía konsého peteĩ miembro ojejapouka, ojapóramo ha’e, ombosako’i, ohepyme’ẽ térã oporomokyre’ỹ ojejapo hag̃ua peteĩ aborto. Tojehecha 38.6.1 oñeme’ẽhápe gía.
Araka’épa Ojejerure térã Ikatu Oñeikotevẽ peteĩ Membresía Konsého.
|
Angaipa Lája |
Ojejerure peteĩ Membresía Konsého (tojehecha 32.6.1)-pe. |
Ikatu Oñeikotevẽ peteĩ Membresía Konsého (tojehecha 32.6.2) |
|---|---|---|
Angaipa Lája Umi Mba’e’apo Ivioléntova ha Avúso | Ojejerure peteĩ Membresía Konsého (tojehecha 32.6.1)-pe.
| Ikatu Oñeikotevẽ peteĩ Membresía Konsého (tojehecha 32.6.2)
|
Angaipa Lája Tekoky’a Sexual | Ojejerure peteĩ Membresía Konsého (tojehecha 32.6.1)-pe.
| Ikatu Oñeikotevẽ peteĩ Membresía Konsého (tojehecha 32.6.2)
|
Angaipa Lája Mba’e’apo Pokarẽme | Ojejerure peteĩ Membresía Konsého (tojehecha 32.6.1)-pe.
| Ikatu Oñeikotevẽ peteĩ Membresía Konsého (tojehecha 32.6.2)
|
Angaipa Lája Jerovia Jejapyhara | Ojejerure peteĩ Membresía Konsého (tojehecha 32.6.1)-pe.
| Ikatu Oñeikotevẽ peteĩ Membresía Konsého (tojehecha 32.6.2)
|
Angaipa Lája Ambue Mba’e’apokuéra | Ojejerure peteĩ Membresía Konsého (tojehecha 32.6.1)-pe.
| Ikatu Oñeikotevẽ peteĩ Membresía Konsého (tojehecha 32.6.2)
|
32.6.3
Araka’épa Estakagua Presidente Okonsulta Área-gua Presidencia ndive Ha’épa peteĩ Membresía Konsého térã Ambue Mba’e Oñeikotevẽva rehe
Oĩ téma oikotevẽvéva sensibilidad ha gía. Oikuaa hag̃ua mba’éichapa oporoipytyvõ porãvéta, estakagua presidente okonsultava’erã Área-gua Presidencia ndive umi situasiõ oñemombe’úva rehe ko sección-pe. Upevére, estakagua presidente añónte odesidi oñehenoiva’erãpa peteĩ konsého ojetrata hag̃ua peteĩ tekopy. Oñehenóirõ peteĩ konsého, estakagua presidente térã obispo odesidi pe rresultádo.
Oñehenóirõ peteĩ membresía konsého peteĩva umi káso rupi oje’éva ko sección-pe, pe konsého desisiõ ha’eva’erã “opyta porãmba iprivilehiokuéra reheve”, ojeaplika “membresía restricción formal” térã “toñeguenohẽ pe membresía”. Oñeikotevẽ Primera Presidencia ñemoneĩ ojeipe’a hag̃ua umi restricción formal térã oñemoinge jey hag̃ua Tupaópe upe tapichápe. (tojehecha 32.16.1, número 9).
32.6.3.1
Ambue Acción
Noñehenóirõ peteĩ membresía konsého, ambue acción-pe ikatu oike:
-
Membresía restricción informal (tojehecha 32.8.3).
-
Anotasiõ membresía registro-pe (tojehecha 32.14.5).
-
Umi ordenánsa restricción, ojokóva peteĩ tapichápe ohupyty térã oipuru hag̃ua pe sacerdocio térã peteĩ templo recomendación.
Peteĩ estakagua presidente okonsulta Área-gua Presidencia ndive ojejapo mboyve peteĩ umi acción.
32.6.3.2
Apostasía
Umi apostasía problema py’ỹi oreko peteĩ impacto ohasáva peteĩ barrio térã estaka limite-kuéra. Ojetrata pya’eva’erã oñemo’ã hag̃ua ambue tapichakuérape.
Obispo okonsulta estakagua presidente ndive oñandúrõ peteĩ miembro mba’e’apo ha’eha apostasía. Pe obispo térã estakagua presidente omoĩkuaa pe miembro umi membresía restricción informal guýpe (tojehecha 32.8.3). Estakagua presidente pya’e okonsulta Área-gua Presidencia ndive. Upevére, estakagua presidente añónte odesidi oñeikotevẽpa peteĩ membresía konsého térã ambue acción.
Ojeipuruháicha ko’ápe, apostasía he’ise peteĩ miembro opartisipaha oimeraẽ ko’ã mba’épe:
-
Oactua jeyjey oñemoĩvo tesakãporãme ha oñemoĩségui públicamente Tupao kóntrape, idoctrina, inormakuéra térã iliderkuéra kóntrape.
-
Ombo’e meme gueteri Tupao doctrina-ramo umi ndaha’éiva Tupao doctrina obispo térã estakagua presidente okorrehi rire chupe.
-
Ohechauka omba’apo memeha oñeha’ãvo omokangy Tupaogua miembro-kuéra jerovia ha activida.
-
Osegi meme umi secta apóstata rekombo’e jepe obispo térã estakagua presidente okorrehi rire chupe.
-
Ojoaju formalmente ambue tupaóre ha opromove hekombo’ekuéra (ojeho’ỹete Tupaópe térã ambue tupaópe jeho ndaha’éi ijehegui apostasía. Upevére, peteĩ miembro ojoajúrõ formalmente ambue tupaóre ha ombo’e hekombo’ekuéra, ikatu oñeikotevẽ oñeguenohẽ chugui imembresía.)
Pe Salvador ombo’e nefita-kuérape ha’ekuéra okontinuava’erãha oministrávo peteĩ tapichápe ojapova’ekue angaipa. “Ha katu noñearrepentíriramo ndojeipapamoʼãi che tavayguakuéra apytépe, ani hag̃ua ohundi che tavayguakuérape” (3 Nefi 18:31).
32.6.3.3
Tupaogua Fondokuéra Jeipuruvai
Peteĩ miembro oipuruvairõ Tupaogua fondokuéra térã omonda Tupao propieda ivaliósova, estakagua presidente okonsulta Área-gua Presidencia ndive oñeikotevẽpa peteĩ membresía konsého térã ambue acción. Liderkuéra ohecha:
-
Mboýpa ojeipuruvai térã oñemonda.
-
Pe jeipuruvai ha’épa ra’e peteĩha javénte térã jeyjeygua.
-
Oikópara’e ñemyengovia.
-
Mba’eichaitépa pe tapicha ombyasy ojapova’ekue
-
Mba’e tenda oreko pe miembro (tojehecha 32.6.1.4 umi miembro orekóvape g̃uarã peteĩ tenda imba’eguasúva Tupaópe).
Estakagua presidente ojapo peteĩ ko’ã informe apytépegui pe Fuentes de Recursos para Líderes y Secretarios sistema-pe:
-
Peteĩ membresía konsého rresultadokuéra
-
Ha’e okonsultahague Área-gua Presidencia ndive ha odesidi natekotevẽiha peteĩ membresía konsého.
Tupaogua departamento de auditoria odeterminávo peteĩ líder térã Tupaogua empleado oipuruvaihague Tupao fondokuéra térã propieda, Primera Presidencia he’i jepi tojejapo anotasiõ pe tapicha cédula de miembro-pe. “Líder” oje’e peteĩ tapicha oguerekóvare peteĩ tenda imba’eguasúva Tupaópe, upéicha avei umi konsehéro, secretario, ha rramagua presidencia. Pe arrepentimiento proceso oĩmba vove, estakagua presidente ojerurekuaa toñeguenohẽ pe anotasiõ (tojehecha 32.14.5 ha 34.7.5). Peteĩ anotasiõ nde’iséi peteĩ membresía konsého térã ambue acción oikohague.
32.6.3.4
Tapichakuéra Transgénerova
Umi obispo ha estakagua presidente omba’apóva umi tapicha ojehecháva ijupe transgénero-ramo osegiva’erã umi páuta oĩva 38.6.23-pe.
32.6.4
Natekotevẽirõ Jepi peteĩ Membresía Konsého.
Natekotevẽi jepi peteĩ membresía konsého ko’ã kásope.
32.6.4.1
Oĩramo Tupao Norma Oñekumpli’ỹva
Noñehenói peteĩ membresía konsého umi mba’e’apo oje’évare ko’ápe. Upevére, tojehecha pe excepción oĩva punto pahápe.
-
Ndojehovéi Tupaópe
-
Noñekumplíri Tupao tembiaporãnguéra
-
Ndojehepyme’ẽi diésmo
-
Omisiõ angaipa
-
Masturvasiõ
-
Noñekumplíri Palabra de Sabiduria
-
Pornografía jeiporu, ỹrõ mitã rehegua pornografía (oje’eháicha 38.6.)-pe térã jeiporu meme térã mbarete rupi tuicha operhudika peteĩ miembro ñemenda térã ifamília (oje’eháicha 38.6.13-pe).
32.6.4.2
Umi Negocio Ohovaíva térã Deuda Ndojehepyme’ẽiva
Liderkuéra ndoiporuiva’erã membresía konsého omoĩporã hag̃ua umi negocio rehegua joavy. Umi negocio ohovaiva’ekue ha deuda ndojehepyme’ẽiva ndaha’éi mba’érepa oñehenoiva’erã peteĩ membresía konsého. Upevére, oñehenoikuaa peteĩ konsého oikórõ pokarẽ’apo isériova térã ambue mba’e’apo económico oporombotavy hag̃ua isériova (tojehecha 32.6.1.3).
32.6.4.3
Ñorairõ Civil
Membresía konsého noñehenói ojerresolve hag̃ua umi ñorairõ civil (tojehecha Doctrina ha Konveniokuéra 134:11).
32.7
Tapicha Situasiõ
Ñandejára he’i: “Péina ápe, che jyva poriahuvereko ojeipyso peẽme, ha opavave oúvape, che amog̃uahẽta; ha ojehovasapyre umi oúva che rendápe“ (3 Nefi 9:14). Peteĩ tapicha situasiõ ha’e peteĩ mba’eguasu oñekonsidera hag̃ua oñedeterminávo:
-
Eskéma iporãvéva oñeipytyvõ hag̃ua chupe oñearrepentívo umi angaipa isériovagui. (tojehecha 32.5 ha 32.6).
-
Umi desisiõ ojejapóva orientasiõ personal térã membresía konséhope (tojehecha 32.8 ha 32.11).
Umi obispo ha estakagua presidente oheka Ñandejára remiandu ha rembipota káda situasiõme g̃uarã. Ha’ekuéra okonsidera ko’ã factor odetermina hag̃ua mba’e eskémapa ojeiporúta ha mba’e rresultádo ojehupytýta. Ko’ã factor nome’ẽi peteĩ desisiõ particular. Uvei, umíva oipytyvõ peteĩ desisiõrã liderkuéra ojapova’erã ñembo’epópe ha pe Espíritu ogiaháicha chupekuéra.
32.7.1
Angaipa Tuichakue
Peteĩ angaipa pohyikue oñemedi ituichakuére. Upévape ikatu oike umi angaipa ojejapova’ekue hetakue ha py’ỹingue, dáño oúva umíva rehehápe tuichakue, ha mboy tapichápa ojeperhudika umíva rupi.
32.7.2
Umi Víctima Interés
Liderkuéra okonsidera umi víctima ha ambuekuéra interés. Ko’ãvape ikatu oike pe tapicha ména/tembireko ha ambue familiagua miembro. Liderkuéra avei okonsidera pe dáño tuichakue.
32.7.3
Arrepentimiento Jehechauka
Oñeikotevẽ gía espiritual ojehechakuaa hag̃ua peteĩ tapicha oñearrepenti añetépa. Upeichagua arrepentimiento ojehechauka porãve mba’e’apo hekojojáva rupi ára pukuve aja ñembyasy asy rangue peteĩ entrevista-pe añónte. Umi factor oñekonsiderava’erã apytépe oĩ:
-
Jesucristo-re jerovia mbaretekue.
-
Ñemombe’u naturalésa.
-
Pe angaipáre ñembyasy pypukukue.
-
Ñemyengovia ojejapóva pe tapicha ojeperhudikava’ekuépe.
-
Umi léi ojeruréva ñekumpli.
-
Pe angaipa jeheja añete.
-
Jeroviareko oñeñe’ẽrendúvo mandamiento-kuérare ojejapo guive pe angaipa.
-
Tekoporã Tupaogua liderkuéra ha ambue tapichakuéra ndive.
-
Tupaogua liderkuéra konsého jesegise.
32.7.4
Templogua Konveniokuéra Jejapyhara
Ñandejára omomarandu, “Upe heta oñemeʼẽvape, heta ojejerure” (Doctrina ha Konveniokuéra 82:3). Peteĩ tapicha orresiviva’ekue templogua investidura ojapókuri konvénio oikotaha peteĩ norma ijyvatevéva rupi. Ko’ã konvénio jejapyhara ombotuichave pe angaipa pohyikue. Ha ombotuichave peteĩ membresía konsého ñeikotevẽ.
32.7.5
Tenda Jerovia térã Autorida rehegua
Pe angaipa pohyikue oñembotuicha peteĩ tapicha oguerekóramo peteĩ tenda jerovia térã autorida rehegua ojapo vove upéva, túva, líder, térã mbo’eháraicha.
32.7.6
Apojeyjey
Peteĩ teko ojejapo jeyjeývape upe angaipa isériova ohechaukakuaa peteĩ tekopy hapo pypukúva térã adicción mbarete ojokóva ñemotenonde arrepentimiento añete gotyo. Umi membresía restricción oñeikotevẽkuaáva ári, umi programa adicción-gui rrekuperasiõrã ha orientasiõ professional ikatu oporoipytyvõ (tojehecha 32.8.2).
32.7.7
Eda, Kakuaakue ha Tembiasakue
Liderkuéra okonsidera eda, kakuaakue ha tembiasakue ome’ẽvo orientasiõ peteĩ miembro-pe térã odesidívo peteĩ membresía konsého rresultádo. Py’ỹi oĩporãve ojeporúramo py’aporã umi ndorekóiva ndive madurés evanhéliope. Tembiecharã, py’aporã oĩporãne umi miembro imitãva ndive g̃uarã opartisipáva tekoky’ápe omboykérõ pe angaipa ha ohechauka arrepentimiento añete. Upevére, tekotevẽta acción pohyive ojapo jey jeýrõ hikuái upe tekopy.
32.7.8
Akãmegua Katupyry
Akãmegua mba’asy, adicción térã akãmegua katupyry pokã nome’ẽi excusa peteĩ tapichápe ojapova’ekue angaipa isériova. Upevére, umíva ha’e factor oñekonsiderava’erã. Oñeipytyvõvo peteĩ tapichápe arrepentimientorã, liderkuéra oheka Ñandejára gía ohechakuaa hag̃ua pe tapicha oikũmbýpa umi evanhélio principio ha irresponsabilida nivél.
32.7.9
Ijehegui Ñemombe’u
Peteĩ ijehegui ñemombe’u ha pe ñembyasy Tupã oipotaháicha umi apovai ojejapova’ekuére ohechauka oñearrepentiseha.
32.7.10
Ára Ohasáva pe Angaipa ha Ñemombe’u Mbytépe
Ñemombe’u oike arrepentimiento-pe ha noñembo’aréi va’erã. Sapy’ánte peteĩ angaipápe osegi peteĩ ára puku ñemyengovia ha tekojoja rehegua. Peteĩ miembro omombe’úrõ peteĩ angaipa ha ndojapovéi, upéva ohechaukakuaa ohejahague upe angaipa. Upéicharõ, pe ñemombe’u ikatu okompleta omoñepyrũ rangue arrepentimiento rape.
32.7.11
Umi Angaipa Oikehápe Miembro-kuéra Oikóva Diferente Barrio térã Estákape.
Sapy’ánte miembro-kuéra ojapóva angaipa isériova oñondive oiko diferente barrio térã estákape. Upe situasiõme, umi estakagua presidente okonsulta oñondive tekotevẽpa oñemoĩ umi membresía restricción térã oñehenoiva’erãpa peteĩ membresía konsého. Ha’ekuéra ohesa’ỹijo avei oĩporãpa umi restricción téra konsého desisiõ taha’e peteĩcha, térã oĩpa ambue mba’e ohechaukakuaáva tekotevẽha rresultádo idiferénteva.
ORIENTASIÕ PERSONAL ÑEADMINISTRA
32.8
Orientasiõ Personal ha umi Membresía Restricción Informal
Orientasiõ personal py’ỹi ohupyty oñeipytyvõ hag̃ua oñemo’ãvo ambuekuérape ha oñeipytyvõvo peteĩ tapichápe ohupyty hag̃ua Jesucristo Expiasiõ pu’aka rredentor arrepentimiento rupive. Upe orientasiõ ikatu avei oipytyvõ miembro-kuérape oñemo’ãvo ani hag̃ua ojapo angaipa ivaivéva. Orientasiõ personal aja, lider-kuéra omoĩkuaa avei peteĩ miembro-pe membresía restricción informal guýpe oipytyvõ hag̃ua chupe oñearrepentívo umi angaipa ivaivévagui (tojehecha 32.8.3).
Umi angaipa ivaivéva ndojetratavevúiri va’erã (tojehecha Doctrina ha Konveniokuéra 1:31). Templogua konveniokuéra jejapyhara ombokakuaa peteĩ membresía konsého ñeikotevẽ. (Tojehecha 32.7.4).
Ko’ápe oñeme’ẽ umi páuta oñeipytyvõ hag̃ua liderkuérape oikuaávo araka’épa orientasiõ ha umi membresía restricción informal ohupytýma (tojehecha avei 32.7):
-
Pe tapicha ndojapói angaipa ojeruréva peteĩ membresía konsého (tojehecha 32.6.1).
-
Pe tapicha oñemombe’u ijehegui ha oñearrepenti añete.
-
Pe tapicha oñearrepenti hína peteĩ angaipa isériovagui ndojapoiva’ekue upe mboyve.
-
Pe tapicha angaipa ndojapyharái templogua konveniokuéra.
-
Pe tapicha oreko heta situasiõ ombovevúiva ikáso.
32.8.1
Orientasiõ Personal
Ko’ã páuta ojeaplika peteĩ obispo térã estakagua presidente ome’ẽvo orientasiõ peteĩ miembro-pe oipytyvõ hag̃ua chupe oñearrepentívo.
-
Eporandúnte informasiõ ohupytýva oñedetermina hag̃ua (1) pe miembro remiandu angaipa apo rehe. (2) upe tekopy naturalésa, py’ỹingue ha pukukue. Ani eporandu umi detalle ohasáva pe oñeikotevẽvagui oñentende hag̃ua upe situasiõ. Ani eporandu umi mba’e oúva jeikuaasereígui.
-
Eporandu mba’éichapa upe tekopy oafecta ambuekuérape.
-
Eñenfoka umi kondisiõ porãre ombopypukúva pe miembro konversiõ ha ikompromíso Ñandejára ndive. Emokyre’ỹ miembro-pe ojapo hag̃ua umi mba’e oguerahátava chupe tekopy ha korasõ ñemoambuépe arrepentimientorã. Einvita chupe oñemoag̃ui hag̃ua pe Salvador rehe, ohekávo Imbarete ha oñandúvo Imborayhu opororredimíva.
-
Emokyre’ỹ chupe ojapo hag̃ua umi mba’e oporomopu’ãva, ñembo’e, escritura-kuéra jestudia ha umi Tupao reunión-pe jeho. Embo’e chupe historia familiar ha templo rembiapo ikatuha omomichĩve pe adversario influencia. Emokyre’ỹ chupe toservi hapichakuérape ha tokomparti pe evanhélio.
-
Emokyre’ỹ ojejapo hag̃ua ñemyengovia umi ojeperhudikava’ekuépe umi angaipa rupi ha tojejerure perdón
-
Emokyre’ỹ toñemomombyry influencia vaígui. Eipytyvõ miembro-kuérape tojapo umi mba’e preventívo ogueropu’aka hag̃ua umi jeipy’ara’ã espesífikova.
-
Ehechakuaa nde ha’eha peteĩ líder eclesiástico, ndaha’éi peteĩ terapéuta profesional. Oĩ miembro oipytyvõtavape peteĩ terapia comportamiento rehegua, upe orientasiõ nde reme’ẽva ári. Oĩ umi orekóva akãmegua mba’asy. Oñeikotevẽháicha, eñemoñe’ẽ miembro-kuérape toheka pytyvõ umi médico calificado-gui ha umi profesional akãmegua tesãigui (tojehecha 31.3.6).
-
Ñembo’épe eheka Espíritu gía emoĩ mboyve peteĩ miembro-pe membresía restricción informal guýpe. Oĩ miembro ojapo porãvétavape toiporu activamente umi Tupao membresía priviléhio oñerrestrinhi rangue chugui umíva.
-
Ejapo segimiento emokyre’ỹ hag̃ua, emombarete espiritualmente ha esegi hag̃ua iñakãrapu’ã.
Peteĩ miembro oñemombe’u rire peteĩ obispo térã estakagua presidente ndive, pe segimiénto orientasiõ oikokuaa hetáicha. Ikatu pe líder voi ome’ẽ upéva. Térã, pe miembro permiso reheve, ha’e oasignakuaa peteĩ ikonsehérope tojapo upéva.
Pe miembro moneĩ reheve, peteĩ obispo térã estakagua presidente ikatu oasigna cuórum de elderes térã Sociedad de Socorro miembro-kuérape oipytyvõ hag̃ua mba’e específico rupi. Mitãrusukuérape g̃uarã, ha’e oasignakuaa Mujeres Jóvenes presidencia térã umi Sacerdocio Aarónico kuórumgua asesor oipytyvõ hag̃ua. Umi oñeme’ẽvape asignasiõ oipytyvõ hag̃ua iderécho ohupytývo ispirasiõ okumpli hag̃ua upe asignasiõ (tojehecha 4.2.6).
Oñeasignávo mávape oipytyvõ hag̃ua segimiento orientasiõ reheve, pe líder ome’ẽnte chupe umi informasiõ tekotevẽva oipytyvõ hag̃ua upe miembro-pe. Pe tapicha oñeasignávape oñongatuva’erã konfidensialida. Ha’e oinforma avei obispo-pe upe miembro ñemotenonde ha tekotevẽnguéra.
32.8.2
Oñeipytyvõvo Tapichápe Orekóva Adicción
Orientasiõ personal-pe sapy’ánte oike oñeipytyvõ miembro-kuérape oñearrepentívo umi angaipágui ohóva térã oikóva umi adicción rupi. Ko’ã adicción-pe ikatu oike umi sustancia térã hetáichagua tekopy. Umi adicción operhudika tapichakuérape, ñemenda ha familia-kuérape. Obispo-kuéra ikatu oakonseha miembro-kuérape toheka pytyvõ Tupaogua adicción-gui jerrekupera programa-kuérape ha umi médico calificado ha umi profesional akãmegua tesãimegui.
Peteĩ adicción ikomunvéva ohóvo ha’e pornografía jeipuru. Pe jeipuru memégui ikatu oiko peteĩ tekopy mbarete, térã pokã kásope peteĩ adicción. Pornografía jeipuru, taha’e meme térã sapy’ánte, oporoperhudika. Omomombyry pe Espíritu. Omokangy katupyry ojehupyty hag̃ua pu’aka oúva konveniokuéra ñeñongatúgui. Avei operhudika umi joaju ivaliosovéva.
Orientasiõ personal ha umi membresía restricción informal ohupytýma jepi oñeipytyvõvo peteĩ tapichápe oñearrepenti hag̃ua pornografía jeipurúgui. Noñehenóiva jepi peteĩ membresía konséhope. Umi excepción ikatu ojehecha 38.6.6 ha 38.6.13-pe. Terapia profesional ikatu oipytyvõ porã.
Estakagua presidente ha obispo-kuéra oipytyvõ umi familiagua miembro-kuérape oñeikotevẽháicha. Tuvakuéra ikatu oike oñeme’ẽvo orientasiõ mitãrusukuérape pornografía jeipurúre. Pe ména/tembireko ikatu oike oñeme’ẽvo orientasiõ peteĩ tapicha omendávape.
Ojehupytyve hag̃ua informasiõ mba’éichapa oñeorientava’erã umi oipurúvape pornografía, tojehecha 38.6.13-pe.
32.8.3
Umi membresía restricción informal
Ome’ẽ aja orientasiõ peteĩ obispo térã estakagua presidente, omokyre’ỹ mba’e’apo ipositívova ha avei ikatu omoĩ restricción informal Tupaogua membresía priviléhio ári sapy’a aja. Oñeadministrarõ arandúpe, ko’ã restricción oipytyvõkuaa arrepentimiento ha ñemotenonde espiritual-pe. Umíva oñekonsidera informal noñeanotáigui miembro cédula-pe.
Umi restricción informal ikatu hi’are pokã semana, heta mése, térã ikatu ipukuve tekotevẽrõ pe tapicha oñearrepentipa hag̃ua. Umi circunstancia napy’ỹivape, tiempo ikatu ipukuve peteĩ arýgui.
Liderkuéra oheka Espíritu gía oikuaa hag̃ua mba’e restricción oipytyvõ porãvéta peteĩ tapichápe oñearrepentívo. Ko’ãvape ikatu oike (ha katu noĩri limitádo umívape) toñesuspende priviléhio oservi hag̃ua Tupao llamamiento-pe, sacerdocio jeipuru térã templo-pe jeike. Pe líder ikatu avei orrestrinhi pe tapichápe ome’ẽ hag̃ua peteĩ discurso, mbo’epy térã ñembo’e Tupaópe. Pe líder osuspendérõ derécho ojeike hag̃ua témplope, ha’e okansela pe templo recomendación Fuente de recursos para líderes y secretarios (FRLS)sistéma-pe.
Santa Cena-gui jepartisipa ha’e arrepentimiento pehẽngue imba’eguasúva. Upévare ndaha’eiva’erã restricción ñepyrũha oñeme’ẽva tapicha oñearrepentívape ha oguerekóva peteĩ korasõ imirĩva ha espíritu oñembyasýva. Upevére, peteĩ tapicha ojapórõ angaipa isériova, peteĩ líder ikatu osuspende upe priviléhio sapy’a aja.
Liderkuéra nomombe’úi jepi avavépe umi restricción informal-gui ỹrõ tekotevẽ ojeikuaa (tojehecha 32.12.2).
Pe obispo térã estakagua presidente oguenohẽkuaa umi restricción informal ojegiávo espíritu rupi pe tapicha oñemotenonde vove arrepentimiento añete gotyo. Pe miembro okontinuárõ pe angaipa jejapópe, ikatu oipytyvõ térã oñeikotevẽ toñehenói peteĩ membresía konséhope.
TUPAOGUA MEMBRESÍA KONSEHOKUÉRA ÑEADMINISTRA
Umi Tupaogua membresía konsého oñehenói pe obispo térã estakagua presidente odeterminávo umíva oipytyvõtaha térã Tupao norma ojeruréramo (tojehecha 32.6). Umíva oiko barrio, estáka, rráma, distrito térã misiõ nivel-pe. Ko sección ome’ẽ informasiõ mba’éichapa oñeadministra umi konsého.
32.9
Partisipasiõ ha Rresponsabilida
Ko tábla oúvape ojehechauka mávapa opartisipa jepi umi membresía konséhope.
|
Umi Opartisipáva Membresía Konsehokuérape | |
|---|---|
|
Barrio-gua Membresía Konsého | Umi Opartisipáva Membresía Konsehokuérape
|
|
Estakagua Membresía Konsého | Umi Opartisipáva Membresía Konsehokuérape
|
32.9.1
Estakagua Presidente
Pe estakagua presidente:
-
Oguereko autorida membresía konsého ári pe estákape; upevére, hetave ko’ã konsého oñehenói obispo rupive.
-
Ome’ẽvara moneĩ peteĩ obispo ikatu mboyve ohenói peteĩ membresía konséhope.
-
Ohenói peteĩ estakagua membresía konsého ikatúrõ peteĩ kuimba’e térã kuñágui orresiviva’ekue templo investidura oñeguenohẽ imembresía Tupaogua.
-
Ohenoikuaa peteĩ konsého peteĩ miembro oapelárõ peteĩ barrio-gua membresía konsého desisiõ.
-
Ome’ẽva’erã moneĩ ojejapo mboyve definitívo peteĩ barrio-gua membresía konsého rrekomendasiõ oñeguenohẽ hag̃ua imembresía peteĩ tapicha noñeinvestiva’ekuégui.
32.9.2
Sumo Consejo
Sumo Consejo miembro-kuéra ndopartisipái jepi umi estakagua membresía konséhope. Upevére, pe sumo consejo ikatu oparticipa umi situasiõ hasývape (tojehecha Doctrina ha Konveniokuéra 102:2). Ehemplorã, estakagua presidencia oinvitakuaa sumo consejo-pe opartisipa hag̃ua:
-
Oĩrõ umi jehupyre oñembohováiva.
-
Ipresencia omomba’eguasu ha ombojojátaramo.
-
Pe miembro ojerurérõ ipartisipasiõ.
-
Peteĩ estakagua presidencia miembro térã ifamília oĩramo involukrádo (tojehecha 32.9.7).
32.9.3
Obispo (térã Rramagua presidente peteĩ Estákape)
Pe Obispo:
-
Oreko autorida umi barrio-gua membresía konsého ári.
-
Oñemongeta estakagua presidente ndive ha orresivi imoneĩ ohenói mboyve peteĩ konséhope.
-
Ndaikatúi ohenói peteĩ konsého ikatúrõ peteĩ kuimba’e térã kuñágui orresiviva’ekue templogua investidura oñeguenohẽ Tupaogua membresía. Umi kásope oñehenoiva’erã peteĩ estakagua membresía konsého.
-
Ikatu oñeinvita oasisti hag̃ua peteĩ estakagua membresía konséhope peteĩ ibarriogua miembro-pe g̃uarã imembresía oñehesa’ỹijóva hína. Ipartisipasiõ oñemoneĩva’erã estakagua presidente ha pe tapicháre.
Peteĩ barrio-gua membresía konsého ikatu orrekomenda toñeguenohẽ peteĩ tapicha Tuapogua membresía ha’e noĩrirõ investido/da. Upevére, oñeikotevẽ estakagua presidente moneĩ oñekonsidera mboyve upe desisiõ definitívoramo.
Sapy’ánte oñehenói peteĩ barrio-gua membresía konsého peteĩ miembro oñeinvestívape g̃uarã ha pe proceso ohechauka ikatutaha oñeguenohẽ upe miembro-gui imembresía. Ko’ã kásope, obispo ombohasa pe téma estakagua presidente-pe.
32.9.4
Misiõgua Presidente
Pe Misiõgua presidente:
-
Oreko autorida umi membresía konsého ári imisiõgua rráma ha distrito-pe.
-
Ha’e omoneĩva’erã peteĩ distrito térã rramagua presidente ikatu mboyve ohenói peteĩ membresía konséhope.
-
Ohenói peteĩ membresía konsého ikatúrõ peteĩ kuimba’e térã kuñágui orresiviva’ekue templogua investidura oñeguenohẽ Tupaogua membresía. Ára térã mombyrykue ojokórõ, ha’e oasignakuaa peteĩ ikonsehérope opresidi hag̃ua upe konsého. Ha’e oasigna ambue mokõi orekóvape Melquisedec Sacerdocio opartisipa hag̃ua.
-
Upe ikatuhápe, ohenói membresía konsého umi noñeinvestírivape g̃uarã. Ára térã mombyrykue ojokórõ, ha’e oautorisakuaa mbohapy orekóvape Melquisedec Sacerdocio ohenói hag̃ua. Upe kásope, pe miembro distrito térã rramagua presidente oisãmbyhy jepi pe konsého.
-
Ikatu ohenói peteĩ konsého peteĩ miembro oapelárõ peteĩ distrito térã rramagua membresía konsého desisiõ.
-
Peteĩ Departamento Misional-gua Autoridad General moneĩ reheve, ikatu ohenói peteĩ membresía konsého peteĩ misionero ojapórõ angaipa isériova campo missional-pe (tojehecha 32.9.8). Ha’e orrevisa upe téma peteĩ Área-gua Presidencia miembro ndive ha okonsulta pe estakagua presidente upe misionero oikohápe estakapegua ndive.
-
Ha’e ome’ẽva’erã moneĩ ojejapo mboyve definitívo peteĩ rráma térã distrito-gua membresía konsého rrekomendasiõ oñeguenohẽ hag̃ua imembresía peteĩ tapicha noñeinvestiva’ekuégui.
Peteĩ misionero omombe’úrõ peteĩ angaipa isériova ha’e ojapova’ekue oservi mboyve peteĩ misiõ, pe misiõgua presidente oñe’ẽ irrepresentánte campo-pegua ndive Departamento Misional-pe ojerurévo orientasiõ.
Peteĩ misiõgua presidente ohenóirõ peteĩ membresía konsého, ha’e oasigna mokõime orekóva Melquisedec Sacerdocio oipytyvõ hag̃ua chupe. Umi káso ndajepiguáivape añónte oasigna misionero-kuéra imitãvape oipytyvõ hag̃ua. Ha’e osegi umi procedimiento ojesegíva peteĩ estakagua membresía konséhope. (tojehecha 32.10). Upevére, ndopartisipái pe sumo consejo ni distrito consejo.
32.9.5
Distrito-gua térã Rramagua Presidente peteĩ Misiõme
Peteĩ distrito térã rramagua presidente peteĩ misiõme ikatu ohenói peteĩ membresía konsého misiõgua presidente oautorisa vove. Distrito consejo ndopartisipái.
Peteĩ distrito térã rramagua membresía konsého ikatu orrekomenda toñeguenohẽ peteĩ tapichágui Tupao membresía ha’e ndorresivíriramo templo investidura. Upevére, tekotevẽ misiõgua presidente moneĩ pe desisiõ ha’e mboyve definitívo.
32.9.6
Estáka térã Barrio-gua Secretario
Estáka térã Barrio-gua secretario:
-
Ohai notakuéra konsehogua oñeikotevẽ peve añónte oñemondo hag̃ua pe Informe de Consejo de Membresía de la Iglesia formulario.
-
Oprepara formulario pe líder oisãmbyhýva upe konsého ojerurérõ chupe.
-
Ndopartisipái pe konsého ñehesa’ỹijo ni desisiõme.
32.9.7
Partisipasiõ umi Situasiõ Jepigua’ỹvape
Peteĩ consejero estakagua presidencia-pe ndaikatúirõ opartisipa peteĩ membresía konséhope, pe estakagua presidente ojerure peteĩ sumo consejo-gua miembro térã ambue sumo sacerdote-pe toĩ hendaguépe. Pe estakagua presidente ndaikatúirõ opartisipa, Primera Presidencia ikatu oautorisa peteĩ ikonsehérope topresidi hendaguépe.
Peteĩ consejero obispado-pe ndaikatúirõ opartisipa peteĩ membresía konséhope, pe obispo ikatu ojerure peteĩ barrio-gua sumo sacerdote-pe toĩ hendaguépe. Pe obispo ndaikatúirõ opartisipa, ha’e orreferi pe káso estakagua presidente-pe, ha ha’e ohenói peteĩ estakagua membresía konsého. Pe obispo ndaikatúi oasigna peteĩ consejero-pe ohenói hag̃ua peteĩ membresía konsého.
Oñehenóirõ peteĩ membresía konsého peteĩ obispo térã peteĩ ikonsehéro familiagua miembro-pe g̃uarã, oñehenoiva’erã estáka nivel-pe. Oñehenóirõ peteĩ pe estakagua presidente consejero familia-gua miembro-pe g̃uarã, pe estakagua presidente oasigna ambue sumo sacerdote-pe oĩ hag̃ua pe consejero rendaguépe. Pe konsého oñehenóirõ peteĩ estakagua presidente familia-gua miembro-pe g̃uarã, ha’e okonsulta Primera Presidencia Oficina ndive.
Peteĩ miembro ombotovérõ pe obispo térã ikonseherokuéra partisipasiõ, pe membresía konsého oñehenoiva’erã estáka nivel-pe. Peteĩ miembro ombotovérõ peteĩ pe estakagua presidente consejero partisipasiõ, pe estakagua presidente oasigna ambue sumo sacerdote-pe toĩ pe consejero rendaguépe. Pe miembro ombotovérõ pe estakagua presidente partisipasiõ, térã pe estakagua presidente oñandúramo ndaikatuiha oĩ imparcial, ha’e okonsulta Primera Presidencia Oficina ndive.
32.9.8
Oñedeterminávo Máva Líderpa Ohenói peteĩ Konsého umi Situasiõ Espesialpe
Umi membresía konsého haimete akói oñehenói Tupao unidad geográfica oĩháme pe tapicha cédula de miembro.
Sapy’ánte oñeikotevẽ peteĩ membresía konsého peteĩ tapicha ova’akuépe g̃uarã. Ojeváramo pe estáka ryepýpente, pe estakagua presidente okonsulta mokõive barrio-gua obispo ndive ha odesidi moõpa ojejapóta pe konsého.
Pe miembro ovárõ pe estákagui, mokõive estakagua presidente okonsulta ha odesidi moõpa oikova’erã pe konsého. Ha’ekuéra odesidírõ oñehenoiva’erãha pe barrio térã estáka oiko haguépe, pe miembro cédula opyta upe barrio-pe oikopa peve pe konsého. Ndaupéichairamo, pe cédula oñemondo upe barrio pyahúpe. Pe obispo térã estakagua presidente ñeñongatupýpe oinforma pe miembro obispo térã estakagua presidente actual-pe mba’érepa tekotevẽ pe konsého.
Sapy’ánte oñeikotevẽ peteĩ membresía konsého peteĩ miembro-pe g̃uarã oikóva mombyry hógagui sapy’a ajánte. Ehemplorã, ikatu oñeikotevẽ peteĩ konsého peteĩ estudiante térã miembro oĩva ehérsitope g̃uarã. Pe obispo oikohápe pe miembro sapy’a aja ikatu ome’ẽ orientasiõ ha pytyvõ. Upevére, ha’e nohenóiriva’erã peteĩ membresía konsého ỹrõ pe miembro cédula oĩ hi’unidápe ha okonsultákuri pe miembro barrio-gua obispo ndive.
Sapy’ánte peteĩ misionero ojapo peteĩ angaipa isériova campo misional-pe ndojekuaáiva ojerreleva rire peve. Pe obispo ha estakagua presidente okonsulta oñondive mávapa mokõivévagui ohenoiva’erã pe membresía konsého. Peteĩ umívagui okonsulta pe ha’eva’ekue imisiõgua presidente ndive ohenói mboyve pe konsého.
32.10
Umi Membresía Konsého Procedimiento-kuéra
32.10.1
Ñenotifika ha Ñembosako’i Konsehorã
Pe obispo térã estakagua presidente ome’ẽ peteĩ miembro-pe notifikasiõ ojehaipyréva peteĩ membresía konséhogui oñehenóitava chupe g̃uarã. Ha’e ofirma pe kuatiajehaipyre. Upéva oreko ko’ã informasiõ:
“Pe [obispado térã estakagua presidencia] ohenói peteĩ membresía konsého ndéve g̃uarã. Pe konsého oñehenóita [fecha ha hora] [tenda]-pe.
“Pe konséhope oñekonsideráta [pe tembiapo vai ñemombyky, oñeme’ẽ’ỹre detalle ni evidencia].
“Reñeinvita reju hag̃ua konséhope eme’ẽ hag̃ua ne ñembohovái. Nde reguerukuaa umi tapicha momarandu ojehaipyréva ikatúva ome’ẽ informasiõ imba’eguasúva. Nde reinvitakuaa umi tapichápe oñe’ẽ hag̃ua nde favórpe upe konséhope, estakagua presidente térã obispo omoneĩramo upe mboyve. Nde ikatu avei reinvita [barrio-gua Sociedad de Socorro presidenta térã cuórum de élderes presidente] oĩ hag̃ua presente ha nepytyvõ.
“Oimeraẽ oasistíva okumpliseva’erã pe konsého naturalésa rrespetuóso, oinkluívo iprocedimientokuéra ha konfidensialida. Ndaikatúi oĩ presente umi asesor legal ni pytyvõhára ndaha’éirõ umi oje’émava”.
Peteĩ párrafo pahápe oikekuaa ñe’ẽ ohechaukáva mborayhu, esperánsa, ha interés.
Páuta mávapepa ikatu pe tapicha oinvita oñe’ẽ hag̃ua pe konséhope oñeme’ẽ 32.10.3, número 4-pe.
Ndaikatúirõ oñentrega pe kuatiañe’ẽ upe tapicha pópe, ikatu oñemondo correo registrado térã certificado rupive, ojejerurévo peteĩ acuse de recibo.
Pe obispo térã estakagua presidente oprograma peteĩ membresía konsého peteĩ ára oĩ porãva pe tapichápe g̃uarã. Ha’e ohecha avei toĩ tiempo oñembyaty hag̃ua umi víctima momarandu pe mba’e’apovaígui ome’ẽsérõ hikuái (tojehecha 32.10.2).
Pe obispo térã estakagua presidente ombosako’i upe miembro-pe konsehorã omohesakãvo chupe ipropósito ha procedimiento-kuéra. Ha’e omohesakã avei umi desisiõ ikatúva ojejapo upe konséhope ha irresultádo. Peteĩ miembro oñemombe’úrõ, pe líder omohesakã tekotevẽtaha ojeiporu upé ñemombe’u pe membresía konséhope.
32.10.2
Umi víctima momarandu jehupyty
Peteĩ Tupaogua miembro ha’érõ peteĩ víctima (techaukarã, incesto, mitãre je’avusa, ména/tembirekóre je’avusa, térã pokarẽ), pe obispo térã estakagua presidente oñe’ẽ pe tapicha obispo térã estakagua presidente actual-pe. Ko’ã líder odetermina oipytyvõnepa oñeme’ẽ upe víctimape peteĩ oportunida ome’ẽ hag̃ua peteĩ momarandu jehaipyre pe mba’e’apovaígui ha ijefecto. Umi momarandu oñemoñe’ẽkuaa peteĩ membresía konséhope (tojehecha 32.10.3, número 3). Tupaogua liderkuéra ndorekói autorida omoñepyrũvo ñemongeta umi víctima ndive ndaha’éiva Tupaogua miembro.
Oimeraẽ ñemongeta peteĩ víctima ndive ko propositorã ojejapo ijobispo térã estakagua presidente actual rupive. Pe víctima ome’ẽrõ peteĩ momarandu, ko líder ome’ẽ upéva pe obispo térã estakagua presidente ohenóiva pe membresía konséhope. Liderkuéra oñatende porãva’erã ani okausa trauma tuichavéva. Tojehecha 32.4.3 ambue prekausiõrã.
Oimeraẽ ñeporandu peteĩ víctima rehe ndorekóiva gueteri 18 áño ojejapo upe mitã tuvakuéra térã tutor legal rupive, ỹrõ upéicha ojeapeligrárõ upe víctimape.
Ojeguerekove hag̃ua informasiõ gía orresivikuaávagui umi obispo ha estakagua presidente-kuéra oikórõ avúso, tojehecha 32.4.5 ha 38.6.2.1.
32.10.3
Oñeisãmbyhývo pe Konsého
Oñepyrũ mboyvete pe konsého, pe obispo térã estakagua presidente omombe’u umi participante-pe mávape g̃uarãpa ojejapo pe konsého ha mba’épa upe mba’e’apovai ojetratáva. Tekotevẽrõ, omohesakã pe konsého procedimiento-kuéra.
Pe tapicha, oĩrõ presente, oñemog̃uahẽ upe kotýpe. Pe obispo oñeinvitarõra’e oĩ hag̃ua peteĩ estakagua membresía konséhope, oñeinvita avei toike upe kotýpe upe jave. Pe tapicha oinvitarõra’e Sociedad de Socorro presidenta-pe térã cuórum de élderes presidente-pe oĩ hag̃ua presente ha oipytyvõ, ha’e avei oñemog̃uahẽ upe kotýpe.
Pe obispo térã estakagua presidente oisãmbyhy pe konsého peteĩ mborayhu espíritupe, ojehechaukaháicha ko’ápe:
-
Ha’e oinvita mávape ome’ẽ hag̃ua peteĩ ñembo’e ñepyrũha.
-
Omombe’u pe mba’e’apovai oñeseñaláva. Ome’ẽ pe tapichápe (oĩrõ presente) oportunida omoañete, onega térã omohesakã hag̃ua pe momarandu ojejapova’ekue.
-
Pe miembro omoañetérõ pe mba’e’apovai, pe obispo térã estakagua presidente ohasa punto número 5 oúvape. Pe miembro onegárõ pe mba’e’apovai, pe obispo térã estakagua presidente opresenta informasiõ upéva rehegua. Kóvape ikatu oike documento-kuéra ojejeroviakuaávare ñepresenta ha oimeraẽ umi víctima momarandu ojehaíva moñe’ẽ hatã. (tojehecha 32.10.2). Ha’e omoñe’ẽrõ peichagua momarandu, omo’ãva’erã pe víctima identida.
-
Pe miembro onegárõ pe mba’e’apovai, ha’e opresentakuaa informasiõ pe konséhope. Upéva ikatu ojehaipyre. Térã pe miembro ojerurekuaa tapichakuéra ome’ẽkuaávape informasiõ iñimportánteva toñe’ẽ pe konséhope, peteĩ teĩ. Umi tapicha ha’eva’erã Tupaogua miembro ỹrõ pe obispo térã estakagua presidente odeterminákuri upe mboyve ikatuha oasisti peteĩ ndaha’éiva miembro. Ha’ekuéra oha’arõ peteĩ koty separado-pe oñehenói peve oñe’ẽ hag̃ua. Káda tapicha osẽ pe konsého kotýgui oñe’ẽmba vove. Ha’ekuéra oĩva’erã dispuesto okumplívo pe konsého naturalésa rrespetuóso, ha avei iprocedimiento ha confidencialida reheve. Ndaikatúi oĩ presente miembro-kuéra asesor legal. Ni ndaikatúi oĩ pytyvõhára ndaha’éiva umi oje’éva párrafo mokõiháme ko sección-pe.
-
Pe obispo térã estakagua presidente oporandukuaa upe miembro-pe tekoporã ha rrespéto reheve. Ha’e oporandukuaa avei umi ambue tapichápe upe miembro ojerureva’ekuépe tome’ẽ informasiõ. Umi konséhero obispado térã estakagua presidencia-pe avei oporandukuaa. Oimeraẽ porandu mbykyva’erã ha oñelimita umi mba’e esencial-pe.
-
Oñepresentapa rire opa umi informasiõ iñimportánteva, pe obispo térã estakagua presidente ojerue pe miembro-pe tosẽmi pe kotýgui. Secretario-pe avei ojejerure osẽ hag̃ua, ỹrõ pe sumo consejo oparticipa peteĩ estakagua membresía konséhope. Pe miembro obispo oĩrõ presente peteĩ estakagua membresía konséhope, chupe avei ojejerure osẽ hag̃ua. Pe Sociedad de Socorro presidenta térã cuórum de élderes presidente oasistírõ oipytyvõ hag̃ua, chupe avei ojejerure osẽ hag̃ua.
-
Pe obispo térã estakagua presidente ojerure ikonseherokuérape tome’ẽ ikomentário ha hemiandukuéra. Sumo consejo opartisipárõ peteĩ estakagua membresía konséhope, ha’e ojerure chupekuéra ikomentário ha temiandukuéra.
-
Ikonseherokuéra ndive, pe obispo térã estakagua presidente ñembo’épe oheka Ñandejára rembipota upe témape. Estakagua presidente ha ikonseherokuéra térã obispo ha ikonseherokuéra añónte oĩva’erã upe kotýpe upéva aja. Peteĩ estakagua membresía konséhope oikérõ pe sumo consejo, pe estakagua presidencia oho jepi estakagua presidente oficina-pe.
-
Pe obispo térã estakagua presidente omombe’u ikonseherokuérape idesisiõ ha ojerure chupekuéra tosostene chupe. Peteĩ estakagua membresía konséhope oikérõ pe sumo consejo, pe estakagua presidente oho jey pe kotýpe ha ojerure sumo consejo-pe tosostene chupe. Peteĩ konsehéro térã sumo consejo-gua miembro orekórõ opinion idiferénteva, pe obispo térã estakagua presidente ohendu ha oheka orresolve umi diferencia. Rresponsabilida upe desisiõre opyta pe oficial opresidíva ári.
-
Ha’e oinvita pe tapichápe ou jey hag̃ua pe kotýpe. Ojejerurérõkuri secretario-pe tosẽ, oñeinvita avei chupe toike pe kotýpe. Pe miembro obispo oĩrõ presente peteĩ estakagua membresía konséhope, chupe avei oñeinvita toike pe kotýpe. Pe Sociedad de Socorro presidenta térã pe cuórum de élderes presidente oasistíramo oipytyvõ hag̃ua, chupe avei oñemog̃uahẽ jey pe kotýpe.
-
Pe obispo térã estakagua presidente okomparti pe konsého desisiõ peteĩ mborayhu espíritupe. Pe desisiõ ha’érõ toñemoĩ umi restricción formal pe tapicha Tupaogua membresía priviléhio ári térã toñeguenohẽ chugui imembresía, ha’e omohesakã umi condición (tojehecha 32.11.3 ha 32.11.4). Omohesakã avei mba’éicha ojehasa umi restricción ha ome’ẽ ambue moarandu ha orientasiõ. Peteĩ obispo térã estakagua presidente omoĩkuaa rresésope peteĩ konsého sapy’a aja ohekave hag̃ua gía ha informasiõ ojapo mboyve peteĩ desisiõ. Upe kásope, ha’e omohesakã upéva.
-
Ha’e omohesakã pe tapicha orekoha derécho oapelávo upe desisiõ (tojehecha 32.13).
-
Ha’e oinvita mávape ome’ẽ hag̃ua ñembo’e paha.
Taha’e pe tapicha oĩha presente térã nahániri, pe obispo térã estakagua presidente onotifika chupe upe desisiõ oñemohesakãháicha 32.12.1-pe.
Noñepermitíri ni peteĩ opartisipávape peteĩ membresía konséhope torrehistra oje’eva’ekue upépe audio, video téra jehai rupi. Peteĩ secretario ojapokuaa notakuéra ojapo hag̃ua upéi Tupaogua Membresía Konsého Informe. Upevére, umi nota ndaha’éi peteĩ palabra por palabra-gua rrehístro térã kópia. Ojapopa rire pe informe, ha’e pya’e ohundi umi nota.
32.11
Umi Membresía Konsého Desisiõ
Umi desisiõ ojejapóva membresía konsehokuérape oñeisãmbyhyva’erã pe Espíriture. Umíva ohechaukava’erã mborayhu ha esperánsa oikuave’ẽva pe Salvador umi oñearrepentívape. Ko’ápe oñemombe’u umi desisiõ ikatúva oiko. Ojapóvo ko’ã desisiõ, liderkuéra okonsidera umi situasiõ oje’éva 32.7-pe.
Oimeraẽ membresía konsého rire, pe obispo térã estakagua presidente pya’e omondo peteĩ formulario Informe de Consejo de Membresía de la Iglesia, sistema Fuentes de Recursos para Líderes y Secretarios rupive (tojehecha 32.14.1).
Ko’ã sección-pe oñemombe’u umi desisiõ ikatúva ojapo membresía konsehokuéra.
32.11.1
Opyta Opa Ipriviléhio Reheve
Sapy’ánte, peteĩ tapicha ha’ekuaa inocente ha opyta opa iprivilehiokuéra reheve. Sapy’ánte, peteĩ tapicha ikatu ojapo angaipa, oñearrepenti añete, ha opyta opa iprivilehiokuéra reheve. Pe obispo ha estakagua presidente ikatu ome’ẽ orientasiõ ha moarandu umi acción ikatúva oiko tenonderãre. Pe konsého rire, ha’e okontinua ome’ẽvo pytyvõ oñeikotevẽháicha.
32.11.2
Orientasiõ Personal Obispo térã Estakagua Presidente ndive
Oĩ membresía konsého liderkuéra ikatuhápe odetermina pe miembro ndopytamo’ãiha opa imembresía priviléhio reheve, ha katu ndojehustifikái umi membresía restricción formal. Umi kásope, upe konsého ikatu odesidi pe tapicha torresivi orientasiõ ha ñemyatyrõ personal obispo térã estakagua presidente rupive. Ko orientasiõme ikatu oike membresía restricción informal oje’eháicha 32.8.3-pe.
Orientasiõ personal ha membresía restricción informal ndaha’éi peteĩ opción oñehenóirõ peteĩ konsého umi angaipa rupi oñemombe’úva 32.6.1-pe.
32.11.3
Umi Membresía Restricción Formal
Sapy’ánte umi membresía konséhope, lider-kuéra ikatu odetermina iporãveha toñemoĩ restricción formal peteĩ tapicha Tupogua membresía privilehiokuéra ári sapy’a aja. Umi restricción formal ikatu oĩporã opa kásope g̃uarã ỹrõ umi angaipa térã situasiõ iseriovéva, oñeguenohẽva’erã rupi pe membresía (tojehecha 32.11.4).
Umi orekóva membresía restricción formal ha’e gueteri Tupaogua miembro. Upevére, imembresía Tupaogua privilehiokuéra oñerrestrinhi kóicha:
-
Umi tapicha ndaikatúi oike témplope. Upevére, ha’ekuéra ikatu oiporu meme templo garment oĩro investido. Pe miembro orekórõ peteĩ templo recomendación, pe líder okansela upéva Fuentes de Recursos para Líderes y Secretarios sistema-pe.
-
Ndaikatúi oiporu pe sacerdocio.
-
Ndaikatúi opartisipa Santa Cena-gui ni Tupaogua oficial-kuéra sostenimiento-pe.
-
Ndaikatúi ome’ẽ peteĩ discurso, ombo’e peteĩ mbo’epy ni oñembo’e Tupaópe. Ndaikatúi oservi peteĩ Tupao llamamiento-pe.
Oñemokyre’ỹ chupekuéra toasisti umi Tupao rreuniõ ha actividápe, heko porãtaramo. Avei oñemokyre’ỹ ohepyme’ẽ hag̃ua umi diésmo ha ofrenda.
Pe obispo térã estakagua presidente ikatu omoĩve ambue condición, toñemomombyry umi material pornográfico-gui ha ambue influencia vai. Ha’e omoĩve jepi umi condición ipositívova. Umívape oikekuaa Tupaópe jeho meme, ñembo’e ha escritura-kuéra ha ambue Tupaogua material ñemoñe’ẽ mante.
Peteĩ tapicha Tupaogua membresía privilehiokuéra oñerrestrinhírõ formalmente, upéva oñeanota icédula de miembro-pe.
Pe restricción formal pukukue ha’e jepi peteĩ arýre jepe ha ikatu ipukuve. Pe miembro ojapo vove ñemotenonde específico arrepentimiento añete gotyo, pe obispo térã estakagua presidente ohenói ambue konsého okonsidera hag̃ua umi restricción jeipe’a. (tojehecha 32.16.1). Pe miembro oiko memérõ gueteri angaipa apópe, pe líder ohenoikuaa ambue konsého okonsidera hag̃ua ambue medída.
32.11.4
Membresía Ñeguenohẽ
Oĩ umi membresía konsého, liderkuéra ikatuhápe odetermina oĩ porãveha toñeguenohẽ peteĩ tapichágui pe tupaogua membresía sapy’a aja (tojehecha Mosíah 26:36; Alma 6:3; Moroni 6:7; Doctrina ha Konveniokuéra 20:83).
Peteĩ tapicha Tupaogua membresía ñeguenohẽ oñeikotevẽ oikórõ jejuka (oje’eháicha 32.6.1.1-pe) ha ñemenda plural (oñemohesakãháicha 32.6.1.2-pe). Haimete akoiete ojejerure upéva oiko jave incesto oñemohesakãháicha 32.6.1.2 ha 38.6.10-pe.
Espíritu oisãmbyhyháicha, peteĩ membresía ñeguenohẽ ikatu avei ojejerure ko’ã tapichápe g̃uarã:
-
Umi heko ojapóva chugui peteĩ amenása ambue tapichakuérape g̃uarã.
-
Umi ojapova’ekue angaipa iserioitereíva.
-
Umi ndohechaukáiva arrepentimiento angaipa isériovagui (tojehecha umi konsiderasiõ oĩva 32.7-pe).
-
Umi ojapóva angaipa isériova operhudikáva Tupaópe.
Peteĩ barrio, rráma, térã distrito-gua membresía konsého ikatu orrekomenda Tupaogua membresía ñeguenohẽ peteĩ tapichágui ndorresiviriva’ekue templo investidura. Upevére, pe estakagua térã misiõgua presidente ñemoneĩ oñeikotevẽ oñekonsidera mboyve upe desisiõ definitívoramo.
Umi oñeguenohẽvagui Tupaogua membresía ndaikatúi oreko ni peteĩ umi membresía priviléhio.
-
Ndaikatúi oike templo-pe ni oiporu templo garment. Pe tapicha orekórõ templo recomendación, pe líder okansela upéva Fuentes de Recursos para Líderes y Secretarios sistema-pe.
-
Ndaikatúi oiporu pe sacerdocio.
-
Ndaikatúi opartisipa Santa Cena-gui ni umi Tupaogua oficial sostenimiento-pe.
-
Ndaikatúi ome’ẽ peteĩ discurso, ni ombo’e peteĩ mbo’epy, ni oñembo’e Tupaópe ni oisãmbyhy peteĩ Tupao activida. Ndaikatúi oservi peteĩ Tupao llamamiento-pe.
-
Ndaikatúi ohepyme’ẽ umi diésmo ha ofrenda.
Oñemokyre’ỹ toasisti umi Tupao rreuniõ ha actividápe, hekoporãtaramo.
Umi oñeguenohẽva’ekuégui Tupaogua membresía oñekonsiderakuaa oñeadmiti jey hag̃ua bautismo ha confirmación rupive. Jepive, ohechaukaraẽva’erã arrepentimiento añete peteĩ ary aja jepe. Pe obispo téra estakagua presidente ohenói ambue membresía konsého okonsidera hag̃ua pe ñeadmitijey. (tojehecha 32.16.1).
Umi Membresía Konsého Desisiõ ha Rresultádo
|
Desisiõ |
Rresultadokuéra |
|---|---|
Desisiõ Opyta Opa Iprivilehiokuéra Reheve (tojehecha 32.11.1) | Rresultadokuéra
|
Desisiõ Orientasiõ Personal Obispo térã Estakagua Presidente Ndive (tojehecha 32.11.2) | Rresultadokuéra
|
Desisiõ Membresía Restricción Formal (tojehecha 32.11.3) | Rresultadokuéra
|
Desisiõ Membresía Ñeguenohẽ (tojehecha 32.11.4) | Rresultadokuéra
|
32.11.5
Umi Porandu Oĩva Ojedesidívo umi Káso Hasývape rehegua.
Obispo-kuéra ogueraha estakagua presidente-pe umi porandu manual pautakuérare ha’éva membresía konsého rehegua.
Umi káso hasývape, pe estakagua presidente ikatu oheka konsého pe Setenta de Área oñeasignávagui. Pe estakagua presidente okonsultava’erã Área-gua Presidencia ndive umi kásore oje’éva 32.6.3-pe. Upevére, pe estakagua presidente noporanduiva’erã peteĩ Setenta de Área ni Autoridad General-pe mba’éichapa odesidiva’erã peteĩ káso hasývape. Pe estakagua presidente odesidi oñehenoiva’erãpa peteĩ konsého ojetrata hag̃ua pe mba’e’apo. Oñehenóirõ peteĩ konsého, pe estakagua presidente térã pe obispo odesidi pe rresultádo.
32.11.6
Primera Presidencia Autorida
Primera Presidencia oreko autorida paha opa Tupaogua membresía restricción ha ñeguenohẽ ári.
32.12
Umi Notifikasiõ ha Anuncio
Peteĩ membresía konsého desisiõ ojeikuaauka pe tapichápe—ha ambue tapichakuérape tekotevẽháicha—oñemohesakãháicha ko’ápe.
32.12.1
Oñenotifikávo Peteĩ Tapichápe upe Desisiõ
Jepive pe obispo térã estakagua presidente omombe’u pe tapichápe upe konsého rressultádo opa vove pe konsého. Upevére, ha’e omoĩkuaa receso-pe peteĩ konsého sapy’a aja ohekave hag̃ua gía térã informasiõ ojapo mboyve peteĩ desisiõ.
Peteĩ barrio, rráma, térã distrito-gua membresía konsého ikatu orrekomenda Tupaogua membresía ñeguenohẽ peteĩ tapichágui ndorresiviriva’ekue templo investidura. Upevére, pe estakagua térã misiõgua presidente ñemoneĩ oñeikotevẽ oñekonsidera mboyve upe desisiõ definitívoramo.
Pe obispo térã estakagua presidente omohesakã umi desisiõ efecto oñemombe’uháicha 32.11-pe. Jepive ha’e ome’ẽ avei orientasiõ umi arrepentimiento condición rehe ikatu hag̃uáicha umi restricción oñemopu’ã térã pe tapicha oñeadmiti jey Tupaópe.
Pe obispo térã estakagua presidente ome’ẽ pya’e notifikasiõ jehaipyre umi desisiõ ha ijefectogui. Ko notifikasiõme oike peteĩ momarandu general ojejapohague mba’e’apo oñembohováivo peteĩ tembiapo ohóva umi Tupaogua léi ha órden kóntrape. Ikatu oike avei orientasĩo mba’éichapa oñemopu’ã umi membresía restricción rehegua térã mba’éicha oñeadmiti jey Tupaópe. Oñenotifikava’erã pe tapichápe ha’e ikatuha oapela pe desisiõ (tojehecha 32.13).
Pe tapicha ndoasistírirõ pe konséhope, notifikasiõ jehaipyre oĩporãma ojeikuaauka hag̃ua chupe upe desisiõ. Pe obispo térã estakagua presidente ikatu avei ojotopa pe tapicha ndive.
Pe obispo térã estakagua presidente nome’ẽi pe tapichápe peteĩ copia pe Informe de Consejo de Membresía de la Iglesia formulario-gui.
32.12.2
Oñeinformávo Ambue Tapichakuérape upe Desisiõ
Peteĩ obispo térã estakagua presidente orrestrinhírõ informalmente peteĩ tapicha membresía privilehiokuéra orientasĩo personal aja, ha’e noinformái jepi avave ambuépe (tojehecha 32.8.3). Upevére, ko’ã líder oñemongeta oñondive umi restricción informal rehe oipytyvõvo miembro-kuérape.
Peteĩ tapichaa Tupaogua membresía privilehiokuéra oñerrestrinhi formalmente térã oñeguenohẽ chugui peteĩ membresía konséhope, pe obispo térã estakagua presidente oikuaauka pe desisiõ umi tekotevẽva oikuaa añómente. Ko’ã páuta oje’aplika.
-
Ha’e okonsidera umi víctima ha ikatúva ha’e peteĩ víctima remikotevẽ ha pe tapicha familia remiandu.
-
Ha’e ndoikuaaukái pe desisiõ pe tapicha oapelárõ hína. Upevére, ha’e ikatu oikuaauka ojeapelaha hína oñandúrõ oñeikotevẽha upéva oñemo’ã hag̃ua umi víctima-pe. Ha’e ikatu avei oikuaauka upéva oipytyvõvo umi víctima ñemonguera (upevére, ha’e nome’ẽi umi víctima réra) térã omo’ã hag̃ua Tupao integrida.
-
Tekotevẽháicha, pe obispo oikuaauka pe desisiõ ñeñongatupýpe consejo de barrio miembro-kuérape. Kóva ha’e oñeinforma hag̃ua lider-kuérape ikatúva okonsidera pe tapicha oĩha disponible peteĩ llamamiento-rã, ombo’e hag̃ua peteĩ mbo’epy, oñembo’e térã ome’ẽ peteĩ discurso. Ha’e avei oñemokyre’ỹ hag̃ua liderkuérape oikuave’ẽ hag̃ua ñeñangareko ha pytyvõ pe miembro ha ifamíliape.
-
Estakagua presidente ñemoneĩ reheve, pe obispo ikatu oikuaauka pe desisiõ ibarriogua cuórum de élderes ha Sociedad de Socorro rreuniõme pe situasiõ oĩrõ:
-
Depredador reko ikatúva ha’e peteĩ amenása ambue tapichakuérape g̃uarã.
-
Doctrina japu térã ambue apostasía lája ñehekombo’e.
-
Angaipa vaiete apo oikekuaávape ñemenda plural jepractika térã tojeiporu umi secta-gua ñehekombo’e ojeheka hag̃ua peteĩ segihápe.
-
Mbohovái opavave renondépe Tupaogua liderkuéra general térã local rembiapo térã tekombo’ekuéra.
-
-
Umi kásope, estakagua presidente ikatu avei oikotevẽ oautorisa tojeikuaauka miembro-kuéra ambue barrio-guápe upe estákape.
-
Oĩ káso, pe obispo térã estakagua presidente ikatuhápe oñandu oipytyvõne hag̃ua toñenotifika oimeraẽ térã opavave umi víctima ha ifamiliakuérape oñehenoihague peteĩ membresía konsého pe tapichápe. Ha’e ojapo upéva umi tapicha obispo térã estakagua presidente rupive.
-
Peteĩ tapicha tendencia depredadora omoĩrõ peligro-pe ambue tapichakuéra, pe obispo térã estakagua presidente ikatu ome’ẽ momarandu omo’ã hag̃ua ambuekuérape. Ojapo upéva oikuaauka’ỹre informasiõ confidencial ha oespekula’ỹre.
-
Opa ambue kásope, pe obispo térã estakagua presidente olimita oimeraẽ jeikuaauka peteĩ momarandu general-pe. Ha’e omomarandúnte pe tapicha Tupaogua membresía privilehiokuéra oñerrestrihi térã oñeguenohẽ tembiapo rupi oĩva kontrário umi Tuapo léi ha órdenre. Ha ojerure umi oĩva presente-pe ani oñemongeta upévare. Noporandúi oĩpa hikuái pe acción favor térã kóntrape.
-
Peteĩ miembro opytárõ opa iprivilehiokuéra reheve peteĩ membresía konsého rire (tojehecha 32.11.1), pe obispo térã estakagua presidente ikatu oikuaauka upéva ombogue hag̃ua umi je’e.
32.12.3
Membresía Jeheja Jeikuaauka
Oĩ káso, peteĩ obispo oikotevẽha oikuaauka peteĩ tapicha ohejahague Tupaogua membresía (tojehecha 32.14.9). Ha katu nome’ẽi ni peteĩ ambue detalle.
32.13
Peteĩ Desisiõ Jeapela
Peteĩ miembro oapelakuaa peteĩ barrio-gua membresía konsého desisiõ pe estakagua presidente-pe 30 ára mbytépe. Pe estakagua presidente ohenói peteĩ estakagua membresía konsého okonsidera hag̃ua pe apelasiõ. Ikatu avei ojerure peteĩ obispo-pe tohenói jey peteĩ konséhope ha torrekonsidera peteĩ desisiõ, particularmente oĩrõ informasiõ pyahu.
Peteĩ miembro oapelakuaa peteĩ estakagua membresía konsého desisiõ ohaívo peteĩ kuatiañe’ẽ Primera Presidencia-pe 30 ára mbytépe. Pe miembro ome’ẽ pe kuatiañe’ẽ estakagua presidente-pe omondo hag̃ua Primera Presidencia-pe.
Peteĩ misiõme, peteĩ miembro oapelakuaa peteĩ rráma térã distrito-gua membresía konsého desisiõ pe misiõgua presidente-pe 30 ára mbytépe. Pe misiõgua presidente ohenói peteĩ membresía konsého okonsidera hag̃ua pe apelasiõ. Tiempo térã mombyrykue ojokórõ chupe ojapo hag̃ua upéva, ha’e osegi umi moarandu oĩva 32.9.4-pe.
Peteĩ misiõgua presidente oisãmbyhýrõ pe konsého, pe miembro oapelakuaa pe desisiõ ohaívo peteĩ kuatiañe’ẽ Primera Presidencia-pe 30 ára mbytépe. Pe miembro ome’ẽ pe kuatiañe’ẽ misiõgua presidente-pe omondo hag̃ua Primera Presidencia-pe.
Peteĩ tapicha oapeláva peteĩ desisiõ omombe’u porãva’erã jehaipyrépe umi jejavy térã mba’e joja’ỹ he’íva oĩha pe procedimiento térã desisiõme.
Oñehenóirõ peteĩ membresía konsého oñekonsidera hag̃ua peteĩ apelasiõ, peteĩ ko’ã mokõi desisiõgui oikokuaa:
-
Ojehecha pe desisiõ ñepyrũha oĩhaichaite.
-
Oñemoambue pe desisiõ ñepyrũha.
Primera Presidencia desisiõnguéra idefinitívo ha ndaikatúi ojeapela jey.
32.14
Umi Informe ha Cédula de Miembro
32.14.1
Tupaogua Membresía Konsého Informe
Oimeraẽ membresía konsého rire, pe obispo térã estakagua presidente pya’e omondo peteĩ formulario Informe de Consejo de Membresía de la Iglesia pe Fuentes de Recursos para Líderes y Secretarios sistema rupive. Ha’e ojerurekuaa secretario-pe toprepara pe informe. Ha’e ohecha ani oñeñongatu localmente ni peteĩ kópia oñeiprimíva ni kópia electrónica. Avei ohecha oimeraẽ notakuéra ojeiporúva ojeprepara hag̃ua pe informe pya’e toñehundi.
32.14.2
Tupaogua Membresía Restricción Formal
Umi Tupaogua membresía restricción formal oñeanota peteĩ tapicha cédula de miembro-pe. Pe Tupao Oficinas Generales-pegua ojapo umi anotasiõ orresivi rire pe Informe de Consejo de Membresía de la Iglesia. Peteĩ miembro oñearrepenti vove, pe líder ohenói ambue konsého okonsidera hag̃ua umi restricción ñemopu’ã (tojehecha 32.16.1).
32.14.3
Umi Cédula de Miembro Oñeguenohẽ rire Tupaogua Membresía peteĩ Tapichágui.
Oñeguenohẽrõ peteĩ tapichágui Tupaogua membresía, pe Tupao oficinas generales-pegua oipe’a pe cédula de miembro orresivi rire pe Informe de Consejo de Membresía de la Iglesia. Pe tapicha oipotárõ, lider-kuéra oipytyvõ chupe oñembosako’ívo oñeadmiti jey hag̃ua Tupaópe bautismo ha confirmación rupive. (tojehecha 32.16.1).
32.14.4
Umi Cédula de Miembro Tupaópe Oñeadmiti Jey Rire
Peteĩ tapicha oñeadmiti jey rire Tupaópe, pe obispo omondo peteĩ Informe de Consejo de Membresía de la Iglesia formulario. Ndojejapói peteĩ Bautismo ha Confirmación Certificado pyahu. Upéva rangue, pe bautismo ha confirmación oñeanota pe Informe de Consejo de Membresía de la Iglesia formulario-pe.
Pe miembro ndorresivíriramo gueteri pe investidura, Tupao oficinas generales-pegua oasigna peteĩ cédula de miembro ohechaukáva ibautísmo ha ambue ordenansakuéra ypykue fécha. Pe cédula de miembro nomombe’úi pe Tupaogua membresía ñeguenohẽ.
Pe miembro orresivíramokuri pe investidura, Tupao oficinas generales-pegua ombopyahu pe cédula de miembro ohechauka hag̃ua pe bautismo ha confirmación pyahu fécha. Ko cédula avei oreko pe mensáhe “Tekotevẽ Jehovasakuéra Ñemoĩjey”. Pe miembro jehovasakuéra oñemoĩjey rire (tojehecha 32.17.2), pe cédula de miembro oñembopyahu ohechauka hag̃ua pe bautismo ha amabue ordenansakuéra ypykue fécha. Nomombe’úi Tuapogua membresía ñeguenohẽ.
32.14.5
Cédula de Miembro Anotasiõ reheve
Primera Presidencia oautorisa vove, umi Tupao oficinas generales-pegua ojapo anotasiõ peteĩ tapicha cédula de miembro-pe oimeraẽ ko’ã situasiõ ko’ápe oje’évape.
-
Pe obispo térã estakagua presidente omondo peteĩ Informe de Consejo de Membresía de la Iglesia formulario omombe’úvo peteĩ tapicha membresía orekoha restricción formal térã oñeguenohẽ chugui oimeraẽ ko’ã tekopy rupi:
-
Incesto
-
Mitã térã mitãrusúgui je’avusa sexual, explotasiõ sexual, térã je’avusa físico térã emocional isériova.
-
Pornografía mitã reheguápe jepartisipa oje’eháicha 38.6.6-pe.
-
Ñemenda plural
-
Kakuaa depredador sexual reko
-
Transgénero—tapicha omba’e’apóva oho hag̃ua sexo gotyo ojoavýva pe sexo onasehague reheve. (tojehecha 38.6.23)
-
Umi Tupao fondo jeiporuvai térã Tupao propieda ñemonda (tojehecha 32.6.3.3)
-
Tupaogua programa de bienestar-gui je’avusa
-
Amenása reko (sexual, violénsia térã económico) térã mba’e’apo operhudikáva Tupaópe.
-
-
Pe obispo térã estakagua presidente omondo notifikasiõ ojehaíva omombe’úvo pe tapicha:
-
Oadmiti ojapohague, térã oñekondena peteĩ delítore oikévape peteĩ umi mba’e’apo oñemombe’uva’ekue yvateve.
-
Ojejuhu kulpáble peteĩ acción civil-pe pokarẽ térã ambue tembiapo ilegal reheguáva oikévape peteĩ umi mba’e’apo oñemombe’úva yvateve.
-
Peteĩ obispo orresivívo peteĩ cédula de miembro orekóva anotasiõ, ha’e osegi moarandu oĩva pe anotasiõme.
Primera Presidencia añónte ikatu oautorisa toñeguenohẽ peteĩ anotasiõ cédula de miembro-gui. Pe estakagua presidente oiporu Fuentes de Recursos para Líderes y Secretarios sistema orrekomendárõ toñeguenohẽ peteĩ anotasiõ (tojehecha 6.2.3). Primera Presidencia Oficina onotifika chupe pe rekomendasiõ oñemoneĩpa térã nahániri.
32.14.6
Oñeinformávo umi Tupao Fondo Ñemonda
Peteĩ tapicha membresía oĩrõ restrinhído térã oñeguenohẽ umi Tupao fondo jeiporuvai rupi, pe obispo térã estakagua presidente oinforma oñemohesakãháicha 34.7.5-pe
32.14.7
Umi Cédula de Miembro Jeguerova Restricción
Sapy’ánte peteĩ Tupaogua miembro ova oĩ aja medida pendiente imembresía rehegua térã ambue mba’e isériova. Sapy’ánte peteĩ obispo oikotevẽ okomparti informasiõ pe obispo pyahu ndive omondo mboyve pe cédula de miembro pe unida pyahúpe. Umi kásope, pe obispo (térã secretario ojeautorisárõ) omoĩkuaa peteĩ jeguerova restricción pe cédula de miembro-pe. Pe cédula opyta pe unidápe obispo (térã secretario ojeautorisárõ) oguenohẽ peve pe restricción. Kóva ome’ẽ oportunida obispo oikuaauka hag̃ua umi jepy’apy ha informasiõ.
32.14.8
Umi Oĩva Ka’irãime Cédula de Miembro
Oĩ miembro oñekondenáva peteĩ delíto rupi ha oĩ ka’irãime. Pe obispo térã estakagua presidente pe unida oiko haguépe pe tapicha ojejapóramo pe delíto, ojapo umi tembiapo oñeikotevẽva membresía restricción formal térã ñeguenohẽrã. Umi membresía priviléhio oñerrestrinhírõ, pe líder (térã secretario ojeautorisárõ) omondo pe cédula de miembro unida oĩvape responsable upe tendáre oĩháme rrekluído upe tapicha. Oñeguenohẽrõ pe membresía, pe obispo térã estakagua presidente oñemongeta upe unidagua líder ndive. (Tojehecha 32.15.)
32.14.9
Membresía Jeheja Jejerure
Peteĩ miembro ojerurérõ oheja hag̃ua Tupaogua membresía, pe obispo oñe’ẽ pe tapicha ndive ohecha hag̃ua ha’e oñemongetasépa umi angekóire ha oñeha’ã toñemoĩporã umíva. Pe obispo ha miembro avei okonsultakuaa estakagua presidente ndive. Pe líder ohecha pe miembro toikũmbyporã ko’ã Tupaogua membresía jeheja rresultádo:
-
Opaite ordenansakuéra ojerrevoka.
-
Opaite membresía priviléhio oñeguenohẽ.
-
Ñeadmiti jey bautismo ha confirmación rupive ikatu oiko peteĩ entrevista pypuku rire añónte ha, heta kásope, peteĩ membresía konsého rire (tojehecha 32.16.2).
-
Peteĩ tapicha orresivimava’ekue investidura ikatukuaa orresivi pe sacerdocio ha templo jehovasakuéra ñemoĩjey Primera Presidencia ñemoneĩ reheve añónte ha ohasa rire peteĩ ary jepe oñeadmiti jeyhague (tojehecha 32.17.2).
Pe miembro ohejasérõ gueteri pe Tupao membresía, ha’e ome’ẽ obispo-pe peteĩ solicitu ojehaíva ha oñefirmáva. Pe obispo omondo pe solicitu estakagua presidente-pe Fuentes de Recursos para Líderes y Secretarios sistema rupive. Upérõ pe estakagua presidente orrevisa ha omondo pe solicitu upe sistema rupive avei. Liderkuéra otratava’erã upe solicitu oha’arõ’ỹre.
Peteĩ tapicha ohejakuaa avei Tupaogua membresía omondóvo peteĩ solicitu oñefirma ha oñenotariáva Tupaogua oficinas generales-pe.
Peteĩ imitãva ohejaséva Tupaogua membresía osegi avei umi procedimiento osegíva umi kakuaáva, ỹrõ peteĩ mba’e: pe solicitu oñefirmava’erã pe mitãre (orekovérõ 8 áñogui) ha pe mitã tuvakuéra térã umi tutor legal rehe.
Peteĩ miembro ohejáva Tupaogua membresía oamenasárõ ojapotaha mba’e’apo legal Tupao térã iliderkuéra kóntrape, pe estakagua presidente osegi moarandu oĩva 38.8.23-pe.
Peteĩ solicitu ojeheja hag̃ua Tupaogua membresía ojetratava’erã umi sacerdocio líder orekórõ jepe informasiõ peteĩ angaipa isériovagui. Oimeraẽ informasiõ umi angaipa ndojerresolveiva’ekuégui oñeanota oñemondo vove pe solicitu Fuentes de Recursos para Líderes y Secretarios sistéma rupive. Kóva oheja sacerdocio liderkuéra torresolve umi téma tenondeve pe tapicha ojerurérõ toñeadmiti jey Tupaópe (tojehecha 32.16.2).
Peteĩ sacerdocio líder norrekomendaiva’erã Tupao membresía jeheja ojehekýi hag̃ua peteĩ membresía konsého ñehenóigui.
Liderkuéra oministra meme gueteri umi ohejávape imembresía ỹrõ ha’ekuéra ojerure ani hag̃ua.
TUPAOGUA MEMBRESÍA PRIVILEHIOKUÉRA ÑEMOĨJEY
Peteĩ tapicha Tupaogua membresía privilehiokuéra oñerrestrinhi térã oñeguenohẽrõ, liderkuéra oermana, oñemoñe’ẽ ha oipytyvõ pe tapichápe ha’e ohejaháicha. Ko sección omohesakã mba’éichapa oñemoĩkuaa jey umi priviléhio.
32.15
Oñeministra Memévo
Pe obispo térã estakagua presidente funsiõ ha’e hag̃ua hue común Israel-pe ndopái peteĩ miembro ohupytýrõ umi restricción imembresíape térã oñeguenohẽ chugui pe Tupaogua membresía. Ha’e oministra meme gueteri pe tapichápe, ha’e ohejaháicha, ikatu hag̃uáicha oguerovy’a jey Tupaogua membresía jehovasakuéra. Pe obispo ojotopa mante pe tapicha ndive ha ikatu vove ha oipytyvõtarõ, iména/hembireko ndive. Pe Salvador ombo’e nefita-kuérape:
“Napemosẽmoʼãi chupekuéra pene … tenda petupaitũhágui, peministráta haguére gueteri koʼãvare; ndapeikuaáigui peichahágui ojeréramo g̃uarã hikuái ha oñearrepenti, ha ou cherendápe korasõ añete reheve, ha che amongueráta chupekuéra; ha peẽ haʼéta tembiporu pegueru hag̃ua chupekuéra salvasiõ” (3 Nefi 18:32).
Pe tiempo peteĩ tapicha membresía oñerrestrinhi térã oñeguenohẽ riremi hasy ha imbaʼeguasu ifamiliape g̃uarã. Liderkuéra oĩva’erã sensible umi temikotevẽre ha omokyre’ỹ ha oipytyvõ umi miembro familia-kuérape.
Pe obispo ohecha miembro-kuéra ipy’aporãva toñeasigna oministra hag̃ua pe tapicha Tupaogua membresía oñerrestrinhíva térã oñeguenohẽva, pe tapicha ohejaháicha. Ha’ekuéra oministra avei ambue ifamiliagua miembro-pe. Umi tapicha oĩva membresía restricción guýpe oñepytyvõkuaa opartisipávo indexación-pe (tojehecha 25.4.3).
Pe tapicha ovárõ pe barrio-gui, pe obispo oinforma pe obispo pyahúpe ha omohesakã mba’épa tekotevẽta gueteri oiko Tupao membresía restricción oñemopu’ã mboyve. Pe tapicha membresía oñeguenohẽrõkuri Tupaógui térã pe tapicha oheja imembresía, pe obispo ojapo upeichaite avei, pe tapicha omoneĩrõ Tupaogua liderkuéra toipytyvõ chupe.
32.16
Oñemopu’ãvo umi Restricción Formal térã Oñeadmiti Jeývo Tupaópe.
32.16.1
Umi Membresía Konsého Oñemopu’ã hag̃ua umi Restricción Formal térã Oñeadmiti Jey hag̃ua peteĩ Tapichápe.
Membresía privilehiokuéra oñerrestrinhírõ térã oñeguenohẽ peteĩ membresía konséhope, ambue konsého oñehenoiva’erã oñekonsidera hag̃ua oñemopu’ãvo umi restricción térã oñeadmiti jey pe tapichápe Tupaópe. Upe konsého orekova’erã avei peteĩchagua autorida nivel (térã ijyvatevéva) pe konsého ñepyrũre. Techaukarã, peteĩ estáka térã misiõgua presidente opresidíkuri pe konsého ñepyrũ ári, peteĩ estaka térã misiõgua presidente opresidiva’erã pe konsého ári okonsiderátava umi restricción ñemopu’ã térã pe tapicha ñeadmitijey.
Pe obispo térã estakagua presidente actual ohenói pe konsého. Ha’e ohecharaẽ pe tapichápa oñearrepentíra’e ha oĩporãma ha digno ovy’a hag̃ua umi Tupaogua membresía jehovasakuéra reheve.
Umi orekóva Tupaogua membresía restricción formal tekotevẽ jepi ohechauka arrepentimiento añete peteĩ ary aja jepe oñekonsidera mboyve oñemopu’ãtapa umi restricción. Umi oñeguenohẽva’ekuégui Tupaogua membresía haimete akoiete oikotevẽ ohechauka arrepentimiento añete peteĩ ary aja jepe oñekonsidera mboyve oñeadmiti jeývo. Peteĩ miembro oĩvape g̃uarã tenda imba’eguasúva Tupaópe ojapo jave angaipa isériova, upe tiempo ipukuve jepi (tojehecha 32.6.1.4).
Peteĩ konsého oñekonsidera hag̃ua umi restricción ñemopu’ã térã oñeadmiti jey peteĩ tapichápe Tupaópe osegi umi páuta osegíva ambue membresía konsehokuéra. Peteĩ obispo oikotevẽ estakagua presidente ñemoneĩ ohenói hag̃ua pe konsého. Misiõme, peteĩ rráma térã distrito-gua presidente oikotevẽ misiõgua presidente ñemoneĩ.
Ko’ã páuta ojeaplika oñehenóivo peteĩ membresía konsého oñekonsidera hag̃ua umi Tupaogua membresía restricción ñemopu’ã térã oñeadmiti jey peteĩ tapichápe Tupaópe. Ndaopaitéi ko’ã páuta ikatu ojeaplika káda kásope.
-
Pe membresía konsého ñepyrũ jerrevisa. Pe obispo térã estakagua presidente orrevisa pe Informe de Consejo de Membresía de la Iglesia formulario. Ojerure peteĩ kópia Fuentes de Recursos para Líderes y Secretarios sistema rupive. Orrevisa rire pe formulario, ha’e ikatu oñe’ẽ pe obispo térã estakagua presidente ndive upe tenda oñehenói haguépe konsého ñepyrũ oheka hag̃ua ñemyesakã.
-
Pe tapichápe ñentrevista. Pe obispo térã estakagua presidente oentrevista pypuku pe tapichápe ohechakuaa hag̃ua ijerovia Jesucristo-re mbaretekue ha pe arrepentimiento pyrusukue. Odetermina avei pe tapichápa okumplíra’e umi condición oje’éva pe medída ñepyrũme.
-
Oñedetermina mba’e estádope oĩ umi medída oñeme’ẽva’ekue peteĩ trivunál penal térã civil-pe. Sapy’ánte peteĩ tapicha oadmitíkuri ojapohague térã oñekondena peteĩ delítore. Sapy’ánte peteĩ tapicha ojejuhu kulpáble pokarẽ térã ambue mba’e’apo ilegalgui. Umi kásope, pe líder nohenói jepi peteĩ konsého pe tapicha okumplipa peve opa umi condición oĩva oimeraẽ kondéna, órden, térã sentencia-pe ojejapóva autorida legal rupi. Umi condición apytépe ikatu oike ka’irãime ñeime, provasiõ, libertad condicional ha multa térã ñemyengovia. Umi excepción oikotevẽ Primera Presidencia ñemoneĩ oñehenói mboyve peteĩ membresía konsého. Ko’ã excepción-pe ikatu oike máva okumplipáva umi requerimiento legal ha ohechaukáva arrepentimiento añete ha katu oĩ provasiõ guýpe opa hekove aja térã ohepyme’ẽva’erã peteĩ multa tuichaitéva.
-
Umi víctima sacerdocio liderkuéra ndive ñekonsulta. Pe obispo térã estakagua presidente oñemongeta oimeraẽ umi víctima obispo térã estakagua presidente actual ndive (tojehecha 32.10.2).
-
Pe konsého notifikasiõ ñeme’ẽ. Ha’e onotifika pe tapichápe konsého fécha, hora ha tenda.
-
Konsého ñeisãmbyhy. Pe líder oisãmbyhy konsého he’iháicha umi páuta oĩva 32.10.3-pe. Ha’e oporandu upe tapichápe mba’épa ojapo oñearrepenti hag̃ua. Oporandu avei ikompromísore Jesucristo ha Tupao ndive. Opa umi téma iñimportánteva oñepresenta rire, ojerure upe miembro-pe tosẽ pe kotýgui. Oñembo’e ikonseherokuéra ndive okonsidera hag̃ua mba’épa ojejapóta. Umi mbohapy desisiõ ikatúva ha’e:
-
Okontinua umi membresía restricción térã ñeguenohẽ.
-
Oñemopu’ã umi restricción térã ojeautorisa ñeadmitijey.
-
Oñerrekomenda Primera Presidencia-pe toñemopu’ã umi restricción térã tojeautorisa neadmitijey (tekotevẽrõ he’iháicha “Primera Presidencia ñemoneĩ solicitu” oĩva ko’ápe).
-
-
Pe desisiõ ñekomparti. Pe konsého ojapo rire peteĩ desisiõ, pe oficial opresidíva okomparti upéva pe tapicha ndive. Tekotevẽrõ Primera Presidencia ñemoneĩ, ha’e omohesakã pe desisiõ ha’eha peteĩ rrekomendasiõ Primera Presidencia-pe.
-
Informe ñemondo. Pe obispo térã estakagua presidente omondo peteĩ Informe de Consejo de Membresía de la Iglesia formulario Fuentes de Recursos para Líderes y Secretarios sistema rupive. Ha’e ojerurekuaa secretario-pe toprepara pe informe. Ohecha ani opyta ni peteĩ kópia impreso térã electrónico upe local-pe. Ohecha avei pya’e toñehundi opa notakuéra ojeiporuva’ekue ojeprepara hag̃ua pe informe.
-
Primera Presidencia ñemoneĩ solicitu (oñeikotevẽrõ). Ko’ã situasiõme oñeikotevẽ Primera Presidencia ñemoneĩ oñemopu’ã hag̃ua umi membresía restricción formal térã pe tapicha ñeadmitijey Tupaópe. Pe ñemoneĩ oñeikotevẽ pe mba’e’apo oikorõ jepe Tupao membresía oñerrestrinhi rire formalmente térã oñeguenohẽ rire.
Pe estakagua presidente omondo peteĩ solicitu Primera Presidencia-pe ha’e orrekomendárõnte ñemoneĩ (tojehecha 6.2.3).
-
Jejuka
-
Incesto
-
Mitã térã mitãrusúre je’avusa sexual, explotasiõ sexual, térã abuso físico térã emocional isériova peteĩ mitãre térã peteĩ mitãrusúre, peteĩ kakuaa térã peteĩ mitãrusu heta ary itujavéva rupi.
-
Pornografía mitã reheguápe jepartisipa oĩrõ peteĩ kondéna legal
-
Apostasía
-
Ñemenda plural
-
Ojejapo angaipa isériova oguejereko aja peteĩ tenda imba’eguasúva Tupaópe
-
Transgénero—mba’e’apo ojeho hag̃ua sexo gotyo ojoavýva pe tapicha sexo biológico onaseva’ekue reheve. (tojehecha 38.6.23)
-
Umi Tupao fondo térã propieda jeiporuvai
-
-
Oñeme’ẽ peteĩ notifikasiõ ojehaíva upe desisiõgui. Pe obispo térã estakagua presidente ohecha pe tapicha torresivi pya’e peteĩ notifikasiõ ojehaíva pe desisiõ ha ijefectokuéragui.
-
Ñemongarai ha ñekonfirma. Peteĩ tapicha Tupaogua membresía oñeguenohẽramo pe konsého ñepyrũme, ha’e ojeñemongarai ha oñekonfirma jeyva’erã. Oñeikotevẽrõ Primera Presidencia ñemoneĩ, ko’ã ordenánsa ojejapokuaa ojerresivi rire añónte pe ñemoneĩ. Ndojejapói peteĩ Bautismo ha Confirmación Certificado pyahu (tojehecha 32.14.4).
32.16.2
Oñeadmiti Jeývo Ojeheja Rire Tupaogua Membresía
Peteĩ tapicha ohejárõ formalmente Tupaogua membresía, ha’e oñemongarai ha oñekonfirma jeyva’erã oñeadmitijey hag̃ua Tupaópe. Kakuaávape g̃uarã, ñeadmitijey noñekonsideráiva jepi ohasa rire peve peteĩ ary jepe membresía jeheja rire.
Peteĩ tapicha ojerure vove toñeadmitijey, pe obispo térã estakagua presidente ohupyty peteĩ kópia Informe de Medida Administrativa formulario-gui ohóva pe ñeadmitijey soicitu ndive. Ha’e ohupytykuaa upéva Fuentes de Recursos para Líderes y Secretarios sistema rupive.
Upéi pe obispo térã estakagua presidente oentrevista pypuku pe tapichápe. Ha’e oporandu chupe mba’érepa pe jerure ypy ha pe ñeadmitisejey. Mborayhu espíritu-pe, ha’e oporandu angaipa isériova rehe pe tapicha ikatuva’ekue ojapo oheja mboyve imembresía térã upéva rire. Pe líder ndoprosedéi ñeadmitijey reheve oñandu peve pe tapicha oñearrepentihague ha oĩporãma ha digno ovy’a hag̃ua umi Tupaogua membresía jehovasa reheve.
Umi páuta oñeadmitijey hag̃ua jeheja rire ha’e ko’ãva:
-
Oñehenói peteĩ membresía konsého pe tapicha membresía orekórõkuri restricción formal ohejárõguare imembresía.
-
Oñehenói peteĩ membresía konsého pe tapicha ojapórõkuri peteĩ angaipa isériova, oikehápe apostasía, oheja mboyve imembresía.
Ambue situasiõme, noñehenói peteĩ membresía konsého ỹrõ pe obispo térã estakagua presidente odetermina tekotevẽha.
Tekotevẽrõ peteĩ membresía konsého peteĩ tapichápe g̃uarã orresiviva’ekue templo investidura, estakagua presidente ohenói pe konsého. Tekotevẽrõ peteĩ konsého peteĩ tapichápe g̃uarã ndorresiviriva’ekue investidura, obispo ohenói pe konsého, estakagua presidente moneĩ reheve.
Pe tapicha ojapórõ oimeraẽ umi tekopy oĩva 32.16.1, número 9-pe, taha’e oheja mboyve Tupaogua membresía térã upe rire, oñeikotevẽ Primera Presidencia moneĩ oñeadmitijey hag̃ua. Pe tapicha ojapórõ oimeraẽ umi mba’e’apo oĩva 32.14.5, número 1-pe, taha’e oheja mboyve Tupaogua membresía térã upe rire, oñemoĩta peteĩ anotasiõ pe cédula de miembro-pe.
Peteĩ tapicha ojeruréva oñeadmitijey hag̃ua okumpliva’erã avei umi mba’e ojejeruréva ambue tapichakuéra oñemongaraívape. Obispo térã estakagua presidente ohechakuaa porã vove pe tapicha oĩha digno ha añetehápe oñeadmitisejey, pe tapicha oñemongarai ha oñekonfirma. Ndojejapói peteĩ Bautismo ha Confirmación Certificado pyahu (tojehecha 32.14.4).
32.17
Activida Tupaópe, Ordenasiõ, ha Jehovasakuéra Ñemoĩjey Ñeadmitijey Rire.
32.17.1
Tupao Activida ha Ordenasiõ
Pe tábla ko’ápe ohechauka Tupaogua activida nivel oĩporãva peteĩ tapichápe g̃uarã oñeadmiti jeyva’ekue bautismo ha confirmación rupive.
|
Ndorresivíriva Gueteri Investidúra |
Orresivímava Investidúra | |
|---|---|---|
|
Orekova’ekue Sacerdocio | Ndorresivíriva Gueteri Investidúra
| Orresivímava Investidúra
|
|
Ambue Miembro-kuéra | Ndorresivíriva Gueteri Investidúra
| Orresivímava Investidúra
|
32.17.2
Jehovasakuéra Ñemoĩjey
Tapichakuéra orresivimava’ekue templogua investidúra ha oñeadmitijey bautismo ha confirmación rupive ikatu orresivi jey isacerdocio ha templo jehovasakuéra pe jehovasa ñemoĩjey ordenánsa rupive añónte (tojehecha Doctrina ha Konveniokuéra 109:21). Noñeordena jeýi sacerdocio ofísiope ni noñeinvesti jeýri. Umi jehovasa ojerrestaura pe ordenánsa rupive. Hermano-kuéra ojerrestaura isacerdocio ofísio ypykuépe, ỹrõ Setenta, Obispo, térã patriarca ofísio.
Primera Presidencia añónte ikatu omoneĩ pe jehovasa rrestaurasiõ ordenánsa jejapo. Noñekonsideramo’ãi peteĩ solicitu upe ordenansarã ndaha’éirõ peteĩ ary rire pe tapicha oñeadmitijeyhague bautismo ha confirmación rupive.
Pe obispo ha estakagua presidente oentrevista pe tapichápe odetermina hag̃ua hekoporã ha oĩporãmapa. Pe estakagua presidente oñandu vove pe tapicha oĩporãmaha, ha’e ojerure umi jehovasa rrestaurasiõ oiporúvo pe Fuentes de Recursos para Líderes y Secretarios sistema. Tojehecha 6.2.3 estakagua presidente rresponsabilida rehegua oñemondóvo peteĩ solicitu Primera Presidencia-pe.
Primera Presidencia omoneĩrõ jehovasakuéra rrestaurasiõ, oasigna hikuái peteĩ Autoridad General térã estakagua presidente-pe oentrevista hag̃ua pe tapichápe. Pe tapicha idígnoramo, pe líder ojapo upe ordenánsa orrestaura hag̃ua chupe jehovasakuéra.
Ojehupytyve hag̃ua informasiõ cédula de miembro ha umi jehovasa rrestaurasiõgui tojehecha 32.14.4.