ol man i toktok

32.

Tanim Bel na ol Sios Membasip Kaunsil

32.0

Introdaksen

Planti ol tanim bel save kamap namel long wanwan man, God na ol lain husat i kisim hevi long ol sin bilong narapela. Tasol, sampela taim wanpela bisop o stek presiden bai halivim ol Sios memba long ol wok bilong ol long tanim bel.

Long taim bilong halivim ol memba wantaim pasin bilong tanim bel, ol bisop and stek presiden i mas soim lav na gutpela pasin. Ol bai bihainim eksampel bilong Seivia, husat i litimapim wanwan lain na halivim ol long tanim baksait long sin na tanim i go long God.(lukim Matthew 9:10–13; John 8:3–11).

Olsem i stap long autlain daunbilo, dispela sapta ol i stretim long gaidim ol lida long ol ki disisen na ol eksen samting i mas kamap long halivim wanpela long tanim bel long wanpela bikpela sin na long halivim lukautim ol narapela.

• Wok bilong Sios long Halivim wanpela Tanim Bel. Seksen 32.1–32.4 i tok klia long doktrin bilong Bikpela long pasin bilong tanim bel na pogivnes. Ol dispela seksen i tok klia tu long ol tripela pepos bilong Sios membasip ristriksen o witdrowal. Wantaim dispela, ol i tok klia long wok bilong ol bisop na ol stek presiden long halivim wantaim pasin bilong tanim bel.

• Ol Wei bilong Halivim wanpela i Tanim Bel. Seksen 32.5–32.7 givim ol gaidlain long mekim disisen sapos wanpela membasip kaunsil o kauseling wantaim wanpela em yet i moa beta long halivim em long tanim bel.

• Pasin bilong Edministarim Kaunseling bilong Wanwan man o meri. Section 32.8 i givim ol gaidlain bilong kaunseling wantaim wanwan man o meri em bisop o stek presiden bai mekim. Em mekim klia tu ol dispela infomal Sios membasip ristriksen.

• Wok bilong Edministarim Sios Membasip Kaunsel. Sections 32.9–32.14 i tok klia husat i gat dispela wok bilong membasip kaunsel, olsem wanem ol save ronim ol, na ol dispela disisen. Ol risal bilong ol dispela disisen ol bai tok klia tu.

• Ol Gutpela Samting bilong ol Sios Membasip bai Kam Bek. Section 32.15–32.17 tok klia olsem wanem na wanpela man o meri i ken gat Sios membasip na ol gutpela samting bai kam bek long em long pasin bilong tanim bel.

Inap narapela samting i kamap, olgeta toktok i go long ol stek presiden em wankain tu long ol misin presiden. Ol toktok bilong ol bisop em wankain long ol brens presiden.

Namba Wan Presidensi bai tok klia long ol lo na wei bilong stretim na tanim bel bilong ol bikpela sin. Namba Wan Presidensi i gat sapot i kam long Opis bilong Sios Konpidensel Rekot. Stek presiden o bisop bai mekim kontek wantaim opis wantaim sampela askim long sait long edministresen na lo. Dispela opis i ken givim tu ol instraksen long olsem wanem bai yu sabmitim ol rikwes i go long Opis bilong Namba Wan Presidensi. Kontek inpomesen i stap daunbilo:

Telepon: 1-801-240-2053 or 1-800-453-3860, ekstensen 2-2053

Tol fri (GSD phone): 855-537-4357

Imeil: [e-mail]

---

WOK BILONG SIOS LONG HALIVIM WANPELA LONG TANIM BEL

---

32.1

Tanim Bel na Pogivnes

Bikpela Em i tok olsem “nogat wanpela samting i no klin i ken kisim kingdom bilong heven” (Alma 11:37; see also 3 Nephi 27:19). Ol sin bilong yumi i mekim yumi i no klin—i no woti long stap wantaim Papa bilong yumi long Heven. Ol bai tu bringim i kam long yumi sore long dispela laip.

God i gat lo bilong jastis na dispela em i olsem taim yumi sin i gat hevi bilong em (lukim Alma 42:14, 17–18). Tasol, dispela bikpela plen bilong marimari bilong Em “i ken stretim ol samting jastis i laikim, na i kisim [yumi] kam insait long lukaut bilong sefti” (Alma 34:16; lukim tu Mosiah 15:9).

Long bringim kam dispela plen bilong marimari bilong Em long yumi , Papa long Heven i salim Pikinini bilong Em , Jisas Krais, long aton long ol sin bilong yumi (lukim Alma 42:15). Jisas i karim pen long baim ol hevi bilong yumi dispela em lo bilong jastis i mas kamap bilong ol sin bilong yumi (lukim Doctrine and Covenants 19:15–19; lukim tu Alma 42:24–25). Long dispela sakripais, Papa na Pikinini i soim dispela lav bilong Ol i nogat pinis bilong em long yumi (lukim John 3:16).

Taim yumi i eksasaisim “feit i go long tanim bel,” Papa long Heven i pogivim yumi, givim yumi marimari long Atonmen bilong Jisas Krais (Alma 34:15; lukim tu Alma 42:13). Taim yumi kamap klin na kisim pogivnes, yumi ken kisim dispela kingdom bilong God (lukim Isaiah 1:18; Doctrine and Covenants 58:42).

Pasin bilong Tanim Bel em i moa bikpela long senisim pasin. Em bai yu tanim na lusim sin na i go long Papa long Heven na Jisas Krais. Em bai lidim yu i go long pasin bilong senisim bel na tingting (lukim Mosiah 5:2; Alma 5:12–14; Helaman 15:7). Thru long tanim bel, yumi kamap ol nupela man na meri , i go bek long God (lukim 2 Corinthians 5:17–18; Mosiah 27:25–26).

Dispela opotuniti long tanim bel i wanpela bikpela blesing tru i stap em Papa long Heven i givim long yumi thru long dispela presen bilong pikinini bilong Em.

32.2

Ol As Tingting bilong Sios Membasip Ristriksen o Witdrowol

Taim wanpela man o meri i kisim baptisim, em bai kamap olsem wanpela long dispela “hauslain bilong God” (Ephesians 2:19). Dispela kavanen bilong baptisim i gat tu wanpela promis long traim hat na stap bihainim ol tising bilong Krais na ol komanmen. Taim wanpela man o meri i pundaun, em mas eksasaisim feit long Jisas Krais na tanim bel, em bai nidim marimari bilong Em long strongim na pogivim em.

Sapos wanpela memba i mekim wanpela bikpela sin, bisop o stek presiden bai halivim em long tanim bel. Long bihainim dispela rot bilong tanim bel, em bai stopim memba long mekim sampela samting insait long Sios long sampela taim. Sampela taim, em bai rausim membasip bilong dispela memba long sampela taim.

Pasin bilong rausim membasip bilong wanpela memba em i no min long givim panismen long em. Moa yet, ol dispela wei bai mas kamap long halivim em, long tanim bel na pilim tru dispela pasin bilong senis insait long bel bilong em. Dispela taim bai halivim tu dispela man o meri long redim em yet na spirit bilong em long riniwim na kipim ol kavanen bilong em gen.

Bisop na presiden save lukautim dispela wok bilong rausim membasip olsem i stap long 32.5–32.14. Ol dispela samting i save kam wantaim ol kondisen bilong tanim bel pasin. Taim dispela man o meri i tanim bel wantaim bel i bruk, olgeta gutpela samting em save kisim insait long Sios bai kam bek long em.

Taim membasip i mas raus, bisop o stek presiden bai bihainim gaidens bilong Holi Gos na ol instraksen i stap long dispela sapta. Em bai mekim dispela wantaim spirit bilong lav (lukim 32.3).

Sios Membasip ristriksen i bihainim pasin bilong eklesiastikel, na i no bihainim lo bilong gavman. Ol bai mekim senis long dispela man o meri insait long Sios tasol. (Lukim Doctrine and Covenants 134:10.)

Dispela ol tripela as tingting bilong tambuim o rausim membasip em olsem.

Tripela As Tingting bilong Tambuim o Rausim Sios Membasip

1. Halivim long Lukautim ol Narapela

2. Halivim wanpela kisim dispela ridiming pawa bilong Jisas Krais thru long pasin bilong tanim bel

3. Lukautim dispela gutpela na stretpela pasin bilong Sios

32.2.1.

Halivim long Lukautim ol Narapela

Namba wan as tingting em long halivim long lukautim ol narapela. Sampela taim wanpela man o meri bai soim pasin bilong bagarapim narapela. Ol pasin bilong bagarapim narapela, bagarapim skin o bodi bilong narapela, pasin bilong bagarapim man o meri o sampela samting i no gutpela bilong bodi, pasin bilong stilim moni, na apostasi em ol sampela wei dispela i ken kamap. Wantaim gutpela tingting, bisop o stek presiden i mekim ol dispela samting long gutpela lukaut bilong em taim hevi i ken kam long ol narapela (lukim Alma 5:59–60).

32.2.2.

Halivim wanpela long Kisim dispela Ridiming Pawa bilong Jisas Krais thru long Pasin bilong Tanim Bel

Dispela namba tu as tingting em long halivim wanpela long kisim dispela ridiming pawa bilong Jisas Krais thru long pasin bilong tanim bel. Long dispela wei, dispela man o meri bai kamap klin na woti gen long kisim olgeta blesing bilong God.

Seivia i tis olsem “wanpela bel i bruk na spirit i sore nogut tru” em dispela ol sakripais Em i mas lukim long pogivnes bilong sin (3 Nephi 9:20). Dispela em wantaim tu olgeta sore na sem bilong ol sin na ol bagarap bilong ol (lukim 2 Corinthians 7:9–10).

Taim wanpela man o meri i mekim wanpela bikpela sin i nogut tru, membasip bilong em bai raus long halivim em i gat dispela bel i bruk na spirit i sore tumas i mas kamap long tanim bel, trutru tanim baksait long dispela sin, na kisim gutpela save long hevi bilong sin. Dispela klia tingting na pasin bai halivim olgeta lain pipol long lukautim gut ol kavanen bilong ol wantaim God long wei ol i soim bikpela laik long kipim na holim olgeta kavanen bilong ol long bihain taim.

32.2.3.

Lukautim dispela Gutpela na Stretpela Pasin bilong Sios

Dispela namba tri as tingting em long lukautim dispela gutpela na stretpela pasin bilong Sios. Pasin bilong tambuim o rausimmembasip bilong wanpela man o meri long Sios mas kamap sapos dispela man o meri i mekim sampela samting i bagarapim Sios (lukim Alma 39:11). Dispela gutpela na stretpela pasin bilong Sios yumi no inap long haitim o mekim liklik wantaim ol bikpela sin—tasol yumi mas wok long stretim ol.

32.3

Wok bilong ol Jas long Israel

bisop i toktok long man

Ol bisop na ol stek presiden ol i kolim ol na setim ol apat long kamap olsem ol jas insait long Israel (lukim Doctrine and Covenants 107:72–74). Ol i holim ol prishud ki long makim Bikpela long halivim ol Sios memba long tanim bel (lukim Doctrine and Covenants 13:1; 107:16–18).

Sampela taim ol bisop na ol stek residen i halivim ol lain long tanim bel wantaim kaunseling bilong wanwan man o meri em yet. Dispela halivim bai min olsem sampela Sios membasip samting ol bai rausim long yu long sampela sotpela taim. (Lukim 32.8.)

Sampela sin i bikpela na hevi tumas, ol lida bai halivim pasin bilong tanim bel taim ol i holim wanpela miting ol i kolim long membasip kaunsil (lukim 32.6 na 32.9–32.14). Dispela halivim bai lukim memba lusim sampela gutpela samting bilong Sios membasip o ol bai rausim membasip bilong em sampela taim (lukim 32.11.3 and 32.11.4).

Ol bisop na ol stek presiden bai halivim ol Sios memba save gut olsem God i laikim ol pikinini bilong Em. Bikos Em i laikim ol long hamamas na kisim ol blesing, Em tu i laikim ol mas bihanim tok bilong Em na tanim bel.

Ol bisop na ol stek presiden ol i gat bikpela laik na i kea long ol memba na laikim ol long tanim bel. Dispela pasin Seivia i bin soim long meri ol i kotim em long pasin pamuk em i olsem gaid (lukim John 8:3–11). Em i no tokim em olsem ol sin bilong em i raus o Em i pogivim em, tasol Em i no semim em tu. Tasol, Em i tokim em long “noken sin moa”—long tanim bel na senisim laip bilong em.

Ol dispela lida i tisim olsem i gat “hamamas … long heven taim wanpela sin man o meri i tanim bel” (Luke 15:7). Ol i gat isi pasin, i gat sapot long givim na i gat gutpela pasin. Ol bai givim hop. Ol bai tis na testifai olsem bikos long atoning sakripais bilong Seivia, olgeta i ken tanim bel na kamap klin.

Ol bisop na stek presiden bai painim gaidens bilong spirit long save olsem wanem ol bai halivim wanwan man o meri long tanim bel. Long ol bikpela na hevi sin tasol em Sios i gat wanpela stended pasin ol lida bai bihainim (lukim 32.6 na 32.11). Nogat tupela situesen i wankain. Dispela kaunseling ol lida givim na dispela rot bilong tanim bel ol bai bihainim i mas gat halivim bilong spirit na bai narakain long wanwan man o meri.

Bikpela i save long sindaun bilong wanwan man o meri , strong bilong stap na strong bilong spirit. Holi Gos bai halivim ol lida long save olsem wanem ol bai halivim ol memba na mekim ol gutpela senis long laip bilong ol bai ol i stap strong long rausim temtesen na i noken mekim dispela sin gen.

Long halivim wanpela long tanim bel, tanim go bek long God, na kisim hiling long Atonmen bilong Jisas Krais em i wanpela samting bilong bikpela hamamas wanpela man o meri i ken kisim. Doctrine and Covenants 18:10–13 i tok klia:

“Tingim dispela gutpela stap bilong ol sol em i bikpela samting tru long ai bilong God;

“Long wanem, lukim, dispela Bikpela Ridima i karim hevi long mit na bun; olsem em i karim hevi bilong olgeta man, bai olgeta man i tanim bel na kam long em.

“Na em i kirap gen long dai, em bai bringim olgeta man i kam long em, sapos ol bai tanim bel.

“Na hamamas bilong em bai bikpela olsem wanem long dispela sol bai tanim bel!”

32.4

Konfesen, Konfidensaliti, na Ripot i go long ol Gavman Atoriti

32.4.1.

Konfesen

Pasin bilong Tanim Bel em olsem yumi mas tokaut o konfes long ol sin bilong yumi long Papa long Heven. Jisas Krais i tok, “Long dispela yupela bai save sapos man i tanim bel long ol sin bilong em—lukim, em bai tokaut o konfes long ol sin bilong em na em bai lusim ol olgeta” (Doctrine and Covenants 58:43; lukim tu Mosiah 26:29).

Taim ol Sios memba i mekim ol bikpela sin, tanim bel bilong ol i min olsem ol mas tokaut long ol sin bilong ol long bisop na stek presiden bilong ol. Em bai eksasaisim ol dispela ki bilong gospel long tanim bel bilong ol (lukim Doctrine and Covenants 13:1; 84:26–27; 107:18, 20). Dispela bai halivim ol long kisim hiling na kam bek long rot bilong gospel long pawa bilong Atonmen bilong Seivia.

As bilong konfesen em long halivim ol memba long rausim ol hevi long ol na ol i ken painim tru halivim bilong Bikpela long senis na kisim hiling. Long kisim dispela “bel i bruk na spirit i gat bikpela sore” em konfesen bai mekim i kamap (2 Nephi 2:7). Taim wanpela em yet i konfes long sin bilong em i soim em i gat bikpela laik long tanim bel.

Taim wanpela memba i konfes, bisop o stek presiden bai bihainim ol gaidlain long givim kauseling insait long 32.8. Em bai pre na painim gaidens long painim gutpela rot na ples long halivim dispela memba i tanim bel (lukim 32.5). Em bai tingting na mekim disisen sapos membasip kaunsil bai halivim. Sapos Sios polisi i tok membasip kaunsil i mas stap, em bai tok klia long dispela (lukim 32.6 and 32.10).

Sampela taim wanpela memba i mekim rong long man o meri bilong em o long narapela adalt man o meri. Long tanim bel,dispela memba bai konfes long dispela man o meri na painim pogivnes. Wanpela yut husat i mekim wanpela bikpela sin ol bai halivim em long kisim kaunsel wantaim papa na mama bilong em.

32.4.2

Ol Bikpela Sin Dispela Yumi no Konfesim o Yumi Haitim

Wanpela bisop o stek presiden i harim long bikpela sin long taim bilong konfesen o long maus bilong narapela man o meri. Em bai kisim tu ol promting long dispela bikpela sin thru long Holi Gos. Sapos em i pilim promting bilong Spirit olsem wanpela memba mas kisim taim wantaim sin, em bai makim taim bilong holim intaviu wantaim memba. Long taim bilong intaviu, em bai serim ol konsen na tingting wantaim memba, bihainim pasin i gat rispek. Em bai no inap long yusim nek i soim olsem em i krosim o kotim dispela memba.

Sapos memba i haitim dispela bikpela sin we bisop na stek presiden i gat stori na inpomesen long em, ol i mas holim wanpela membasip kaunsil. Tasol, pasin bilong pilim spirit tasol i no inap long holim wanpela kaunsil (lukim Doctrine and Covenants 10:37). Lida bai painim na bungim sampela moa inpomesen em bai nidim. Em i bihainim ol dispela gaidlain insait long 32.4.3 na 32.10.2.

32.4.3.

Bungim Inpomesen

Pastaim long holim wanpela membasip kaunsil bisop o stek presiden bai bungim planti inpomesen ol i nidim. Inpomesen i kam long konpesen bilong memba tu em inap. Inpomesen i ken kam tu long wanpela famili memba, narapela Sios lida, wanpela husat i kisim bagarap o wanpela i bin stap long mekim dispela sin.

Long taim bilong bungim ol inpomesen, bisop o stek presiden i mas yusim tasol ol rot na wei i stretpela pasin bilong prishud lida. Em i noken putim was long haus bilong dispela memba o rekotim em taim em i no givim tok orait. Na em i noken yusim ol pasin i go agens long lo.

Ol giaman pasin bilong sutim tok tu i ken kamap. Ol Prishud lida i mas lukluk gut taim i nogat gutpela inpomesen wantaim tasol toktok bilong dispela wanpela man. Eksampel, wanpela memba husait ol i kotim em long pasin pamuk bai haitim dispela sas. Dispela skripsa i tok klia olsem dispela “olgeta toktok bai stap agens long em wantaim tupela witnes bilong dispela sios” (Doctrine and Covenants 42:80). “Tupela witnes” i min tupela narapela lain husait i gat inpomesen. Dispela bai inkludim save bilong wanpela husait i bin tek pat na narapela i gat inpomesen. Sampela taim wanpela prishud lida bai nid long wetim moa inpomesen i kam.

Taim wanpela Sios lida i wok long painim na bungim ol inpomesen bilong holim dispela membasip kaunsil, em mas stopim dispela wok sapos em i harim ol lain bilong enfosim lo i wok long karim aut ol wok painim aut long dispela memba. Dispela em long abrusim ol sampela kain hevi olsem lida em i no bihainim lo o jastis. Long kisim ol gutpela advais long ol dispela kain samting insait long United States na Canada, stek presiden bai mekim kontek wantaim Jeneral Kaunsel bilong Sios Opis:

1-800-453-3860, ekstensen 2-6301

1-801-240-6301

Ausait long United States na Canada, stek presiden bai mekim kontek wantaim dispela eria ligal kaunsel long eria opis.

Planti taim membasip kaunsil bai ol i no inap long holim long skelim wok bilong lo inap kot i kamap long jasmen. Sampela taim em bai moa beta long wet pastaim long holim dispela membasip kaunsil inap wok bilong lo i pinis o ol i rausim.

32.4.4.

Konfidensaliti o pasin bilong noken tokaut long ol inpomesen o samting bilong narapela.

Ol bisop, stek presiden na ol kaunsila bilong ol i gat sekred wok long lukautim olgeta inpomesen ol i serim wantaim ol. Ol dispela inpomesen bai kam long taim bilong intaviu, kaunseling, na taim bilong konpesen. Olgeta lain i stap long membasip kaunsil i gat dispela wok long noken tokaut long ol narapela ol dispela samting. Pasin bilong holim ol inpomesen hait em i bikpela samting tru bikos ol memba bai no inap long konpesim ol sin o kisim gaidens sapos samting ol i serim bai no inap long stap hait. Sapos yu brukim konfidens bilong wanpela memba em ol bai lusim tras long ol lida bilong ol.

Wantaim dispela pasin bilong noken tokaut, bisop, stek presiden, o kaunsela bilong em i ken serim dispela inpomesen tasol olsem:

• Ol bai nid long toktok wantaim stek presiden bilong memba, misin presiden, o bisop long holim wanpela membasip kaunsil o ol narapela samting. Stek presiden bai toktok tu wantaim Eria Seventi i lukautim dispela eria. Sapos i gat nid, dispela Eria Seventi bai salim dispela stek presiden i go long Eria Presidensi. Stek presiden tasol bai mekim disisen sapos ol bai holim kaunsil o long wanpela disisen bai kamap.

• Dispela man o meri bai muv go long nupela wod (o dispela prishud lida bai rilis) taim membasip wok o narapela hevi i stap yet. Long ol dispela kain samting, lida bai toksave long nupela bisop o stek presiden long ol dispela samting i stap yet (lukim 32.14.7). Em bai toksave long lida tu sapos dispela memba bai mekim sampela samting nogut long em.

• Wanpela bisop o stek presiden bai harim olsem wanpela Sios memba husait i stap ausait long wod o stek i bin stap long wanpela bikpela sin. Long dispela taim, em bai hait na isi tasol toksave long bisop bilong dispela memba.

• Em i impoten long autim ol inpomesen long taim membasip kaunsil i sindaun. Olgeta inpomesen ol i painim na bungim long taim bilong membasip kaunsil i mas stap sikret.

• Wanpela memba bai givim tok orait long lida long serim inpomesen wantaim ol wanwan lain. Dispela em olsem ol papa mama, Sios lida, o narapela husait i ken givim sapot. Dispela lida bai no inap long serim inpomesen wantaim ol kainkain lain ausait long tok orait memba i givim.

• Em bai impoten long serim sampela inpomesen tasol long disisen bilong dispela membasip kaunsil (lukim 32.12.2).

Long olgeta narapela taim, lida bai putim i go long 32.4.5. Dispela em long ol kain samting we man i brukim lo olsem bagarapim pikinini, i mas ripot i go long ol gavman atoriti.

Long halivim ol lida long lukautim ol narapela na long stap insait long lo, Sios bai givim ol halivim i kam long ol lain i kisim treining long dispela ol wok. Long kisim dispela gaidens, ol lida bai hariap tru ringim namba bilong Sios i save halivim wantaim ol abius o pasin bilong bagarapim narapela (lukim 32.4.5 na 38.6.2.1). Long hap dispela sevis i no stap, dispela stek presiden bai mekim kontek wantaim eria ligal kaunsil long eria opis.

Long wanpela taim tasol bisop o stek presiden bai tokaut long ol inpomesen i hait pastaim long ol i kisim gaidens. Long dispela taim em i impoten long wanem nogut sampela samting nogut o bagarap bai kamap na i nogat taim long kisim gaidens. Long ol dispela kain taim, wok bilong lukautim ol narapela i moa impoten long wok bilong holim ol inpomesen sikret. Ol lida i mas mekim kontek wantaim ol atoriti bilong ples hariap tru.

Sapos ol lida i holim ol nout na toktok wantaim wanpela narapela long mobail pon o imeil, ol bai lukautim rot bilong kisim dispela ol inpomesen. Ol bai dilitim o rausim olgeta dispela inpomesen taim ol i no moa nidim. Ol i no inap long serim ol dispela inpomesen nating bilong ol narapela.

Ol atoriti bilong ples bai salensim pasin bilong prishud lida long haitim ol inpomesen. Sapos dispela i kamap long United States na Canada, dispela stek presiden bai painim ligal advais long Sios Opis bilong Jeneral Kaunsil:

1-800-453-3860, ekstensen 2-6301

1-801-240-6301

Ausait long United States na Canada, stek presiden bai mekim kontek wantaim dispela eria ligal kaunsel long eria opis.

32.4.5

Ripotim i go long ol Gavman Atoriti

Sampela lain husait i wok long tanim bel i brukim ol sivil na kriminol lo. Long sampela taim, ol gavman atoriti i no save long dispela. Ol bisop na ol stek presiden bai halivim ol memba long bihainim ol lo na ripotim ol dispela kain samting long taim ol i mas mekim olsem. Ol lida bai givim kaunsel long ol memba long kisim gutpela ligal advais long mekim ripot. Dispela Sios i gat polisi long bihainim lo bilong kantri.

Long planti ol ples, ol prishud lida i mas bihainim lo na mekim ripot long ol pasin i no bihainim lo na ol bai kisim save. Eksampel, sampela stet na kantri i gat lo we pasin bilong bagarapim ol pikinini i mas ripotim i go long ol enfosmen atoriti.

Long sampela kantri, Sios i gat wanpela konfidensel abius halivim lain long sapotim ol bisop na ol stek presiden. Dispela ol lida bai hariap tru kolim dispela halivim lain long olgeta samting we wanpela i kisim bagarap o abius—o i stap long hap we em bai kisim bagarap (lukim 38.6.2.1). Em i stap open 24 auas long wanwan de, 7 pela de long wanwan wik.

Insait long ol kantri we i nogat halivim lain, wanpela bisop husait i harim long dispela kain pasin bai mekim kontek wantaim stek presiden, husait bai painim gaidens long eria ligal kaunsil long eria opis.

Long kisim moa inpomesen long wei bilong ripotim abius, lukim 38.6.2.1 na 38.6.2.7.

---

MEKIM DISISEN LONG HAP BILONG HALIVIM WANPELA MAN O MERI I TANIM BEL

---

32.5

Ol hap na wei bilong Halivim Wanpela man o meri Tanim Bel

Bihain long bisop o stek presiden i save olsem memba i mekim wanpela bikpela sin, em bai painim ol wei long lukautim ol narapela. Em bai painim tu gaidens bilong Holi Gos long painim wei long halivim man o meri i tanim bel na kam klostu long Seivia.

32.5.1

Ovaviu bilong dispela ol Seting

Dispela tebol hia i givim tripela seting bilong halivim wanpela man o meri long tanim bel. Em i samaraisim tu sampela ol dispela tingting bai ol lida i ken mekim disisen wanem seting ol bai yusim.

Ol seting bilong Halivim wanpela man o meri Tanim Bel

Seting	Sampela ol Tingting bilong Skelim (lukim tu 32.7)
Seting Stek Membasip Kaunsil	Sampela ol Tingting bilong Skelim (lukim tu 32.7) Bilong ol memba husait i kisim pinis dispela temple endaumen bilong ol. Em i stap olsem sapos man o meri i kisim pinis endaumen bilong em bai luk olsem Sios membasip bai raus sapos em mekim ol bikpela sin o ol samting i stap insait long hia 32.6.1, 32.6.2, o 32.6.3.
Seting Wod Membasip Kaunsil	Sampela ol Tingting bilong Skelim (lukim tu 32.7) Bilong sampela memba. Em i stap olsem ol bikpela sin i mas bihainim samting i stap long hia 32.6.1. Dispela mas kamap bilong ol bikpela sin na ol samting i stap long hia 32.6.2 na 32.6.3. I no inap sapos wanpela man o meri husait i bin kisim endaumen bilong em bai rausim dispela Sios membasip bilong em long wanpela long ol dispela bikpela sin o samting em i mekim olsem i stap long hia 32.6.1, 32.6.2, o 32.6.3.
Seting Kaunseling bilong wanwan man o meri (lukim 32.8)	Sampela ol Tingting bilong Skelim (lukim tu 32.7) Bilong sampela memba. Bai gat sampela infomol Sios membasip ristriksen o tambu. Bai i no inap long ol bikpela sin o samting we membasip kaunsil bai halivim long rot bilong tanim bel (lukim 32.6.2 na 32.6.3). I no inap long ol bikpela sin we membasip kaunsil i mas kamap (lukim 32.6.1). I no inap sapos wanpela man o meri husait i bin kisim endaumen bilong em bai rausim dispela Sios membasip bilong em long wanpela long ol dispela bikpela sin o samting em i mekim olsem i stap long hia 32.6.1, 32.6.2, o 32.6.3.

Sampela taim ol wanwan kaunseling wantaim bisop o stek presiden i no inap long halivim wanpela man o meri long tanim bel long ol bikpela sin. Bikpela i givim ol membasip kaunsil long halivim ol jas long Israel long ol dispela kain sindaun. (Lukim Exodus 18:12–27; Mosiah 26:29–36; Doctrine and Covemants 42:80–83; 102.) Long ol sampela bikpela sin, Sios polisi i tok kaunsil i mas kamap (lukim 32.6.1). Taim wanpela i brukim ol temple kavanen em bai luk olsem membasip kaunsil bai mas kamap 32.7.4).

Insait long wanpela wod, ol kaunsila bilong bisop bai halivim long membasip kaunsil. Insait long wanpela stek, ol kaunsila bilong stek presiden bai halivim. Insait long sampela membasip kaunsil, hai kaunsil bai kam tekpat tu (lukim 32.9.2). Insait long membasip kaunsil bisoprik o stek presidensi bai sindaun na toktok wantaim dispela man o meri wantaim spirit bilong laik.

32.5.2

Tingting na stretim gut Seting na Taim

Taim ol lida i stretim gut ol dispela hap long sindaun na toktok wantaim man husait i laik tanim bel, ol lida bai painim gaidens bilong Holi Gos. Ol bai tingting tu long ol dispela samting:

• Dispela hevi bilong dispela sin na Sios polisi sapos bai i gat nid long kaunsil bai sindaun o nogat (lukim 32.6)

• Sindaun o stap bilong dispela man o meri (lukim 32.7)

Bisop bai kaunsel wantaim stek presiden long ol dispela wanwan samting. Em i mas kisim tok orait i kam long stek presiden pastaim long em i holim membasip kaunsil.

Long ol hatpela samting, stek presiden bai lukluk long kisim kaunsel long ol Eria Seventi i lukautim em. Stek presiden mas kaunsel wantaim Eria Presidensi long ol samting i stap long 32.6.3. Tasol, stek presiden tasol bai mekim disisen sapos ol bai holim kaunsil na lukluk long ol dispela samting. Sapos ol bai holim kaunsil, stek presiden o bisop bai mekim disisen long wanem samting bai kamap.

Sapos bisop o stek presiden i ting olsem kaunseling bilong dispela wanpela man i moa gutpela em bai bihainim ol gaidlain 32.8. Sapos em i ting olsem membasip kaunsil bai gutpela o sapos Sios polisi i mas gat wanpela kaunsil, husait man bai kondak i mas bihainim ol prosija 32.9–32.14.

Pastaim long holim kaunsil bisop o stek presiden bai pasim toktok olsem infomol membasip ristriksen bai gutpela long sampela taim. Em bai holim kaunsil taim em i gutpela long enkarisim memba long tanim bel. Tasol, em bai no inap long stopim kaunsil sapos em i impoten long lukautim ol narapela.

32.6

Nogut bilong dispela Sin na Sios Polisi

Hevi bilong sin em i impoten long mekim disisen long wanem kain samting i ken kamap long ) halivim long lukautim ol narapela(2) halivim wanpela long tanim bel. Bikpela i tok Em “i no inap tru lukluk long sin wantaim sampela liklik sore” (Doctrine and Covenants 1:31; lukim tu Mosiah 26:29). Ol wokman bilong em mas noken tru ignorim ol sain bilong ol bikpela sin.

Ol bikpela sin em ol bikpela birua i brukim ol lo bilong God. Ol kain bikpela sin i stap long lis daunbilo.

• Ol pasin nogut bilong pait na bagarapim narapela (lukim 32.6.1.1 na 32.6.2.1)

• Slip wantaim narapela ausait long marit.(lukim 32.6.1.2 na 32.6.2.2)

• Paulim bikpela moni (lukim 32.6.1.3 na 32.6.2.3)

• Brukim tras bilong narapela (lukim 32.6.1.4 na 32.6.2.4)

• Sampela narapela pasin nogut (lukim 32.6.1.5 na 32.6.2.5)

Ol dispela seksen i tok klia long taim membasip kaunsil bai mas sindaun, taim em i neseseri, na taim em i no neseseri.

32.6.1

Taim Membasip Kaunsil I Mas Kamap

Bisop o stek presiden mas holim wanpela membasip kaunsil taim inpomesen i soim olsem wanpela memba i bin mekim wanpela long ol dispela sin i stap long dispela seksen. Long ol dispela sin, wanpela kaunsil i mas sindaun maski memba em i strongpela na i gat gutpela save long gospel.

Lukim 32.11 long ol toktok i save kam aut long kaunsil i save sindaun na bung long stretim ol dispela sin i stap long dispela seksen. Ol dispela kaunsil bai no inap lukluk long ol infomol membasip ristriksen.

Long Ol Dispela Sin I Stap Hia Membasip Kaunsil I Mas Sindaun

• Kilim Man

• Reip

• Man o meri i stap long kot o kalabus long laik bilong skin

• Abius long ol liklik pikinini o yut

• Abius long man o meri insait long marit o narapela adalt man o meri (olsem i stap insait long 38.6.2.4)

• Pasin bilong painim narapela long bagarapim ol (paitim, laik bilong skin o long sait bilong moni)

• Inses

• Ol ponograpi o nogut piksa bilong ol pikinini (olsem i stap insait long 38.6.6)

• Maritim planti meri o man

• Bikpela sin taim wanpela i holim wanpela bikpela posisen insait long Sios

• Ol man o meri i brukim lo ol i kolim olsem feloni olsem kot i painim

32.6.1.1

Pasin bilong pait o abius

Kilim Man o Kisim Laip bilong Man o Meri Membasip kaunsil i mas sindaun sapos wanpela memba i kilim narapela. Olsem i stap long hia, pasin bilong kilim man em taim wanpela i minim stret long rausim laip bilong narapela. Sios membasip bilong dispela man i mekim dispela i mas rausim long sios.

Dispela pasin bilong kilim man o rausim laip bilong man i no karamapim ol samting i kamap long wok polis o ami long taim bilong wok. Pasin bilong rausim pikinini long bel i no stap olsem pasin bilong kilim man olsem. Sapos dai i kamap long aksiden o man o meri i mekim selp difens, pasin bilong kisim laip bilong man lo bai no inap lukim olsem kilim man. Dispela bai tru long ol narapela situesen, olsem taim wanpela i gat sampela liklik mentol keis.

Reip. Wanpela membasip kaunsil i mas sindaun long harim dispela birua bilong reip. Olsem i stap long hia, reip em taim narapela i yusim strong o fos bilong em long pinisim laik bilong skin wantaim narapela husait i no inap long givim tok orait bikos tingting o bodi i no strong gut. Olsem i stap long hia, reip i no karamapim pasin bilong tupela yangpela husait i klostu long krismas na i wanbel long pinisim laik bilong skin.

Pasin Bilong Pinisim Laik Bilong Skin Olsem Kot I Painim. Membasip kaunsil i mas sindaun sapos wanpela memba kot i painim em i brukim lo long pinisim laik bilong skin.

Abius long ol Pikinini o ol Yut. Membasip kaunsil i mas sindaun sapos wanpela i abiusim pikinini o yut olsem i tok long 38.6.2.3.

Marit man o marit meri i abiusim man o meri bilong em o narapela adalt. Dispela kain pasin bilong abius bai gat planti kain hevi. Lukim 38.6.2.4 long taim wanpela membasip kaunsil i mas sindaun long harim abius insait long marit o narapela adalt.

Pasin bilong Painim ol lain long Bagarapim ol. Membasip kaunsil i mas sindaun sapos wanpela adalt em i save bagarapim ol narapela gen na gen long pasin bilong pait.

32.6.1.2

Pasin Nogut bilong Slip Wantaim Narapela Ausait long Marit

Inses. Membasip kaunsil bai sindaun long hevi bilong inses olsem i stap long 38.6.10. Rausim Sios membasip bilong dispela man o meri em bai mas kamap.

Ponograpi o Piksa Nogut i gat ol Pikinini. Membasip kaunsil i mas kamap taim wanpela i stap insait long ponograpi o piksa nogut i gat ol pikinini olsem i stap insait long 38.6.6.

Marit i gat moa long wanpela man na wanpela meri. Membasip kaunsil i mas kamap sapos wanpela i go insait long marit i gat planti meri o man. Sampela ol dispela kain marit i save kamap hait, wanpela bai no inap long save long ol narapela. Sapos wanpela memba i go insait long marit i gat moa long wanpela man o wanpela meri, Sios membasip bilong dispela memba i mas raus.

Pasin bilong bagarapim narapela na slip wantaim. Membasip kaunsil i mas sindaun sapos wanpela adalt memba i bagarapim ol narapela na slip wantaim ol na i kamap olsem birua.

32.6.1.3

Ol Pasin bilong Giaman long Kisim Moni

Pasin bilong giaman na kisim moni. Membasip kaunsil i mas sindaun sapos wanpela adalt memba i save giamanim ol narapela na kisim moni bilong ol na bagarapim ol (lukim 38.6.2.4). Dispela i wantaim tu ol pasin bilong mekim win moni na kain olsem. Ol moni i save lus long hat taim o ikonomi i no gutpela tumas i no pasin bilong paulim moni. Sapos lo i holim dispela memba na em i go long kot, ol prishud lida bai wet pastaim inap long taim kot i givim sentens. Lukim 32.6.3.3 sapos wanpela memba i stilim moni o propati bilong Sios.

32.6.1.4

Brukim Tras

Bikpela Sin Taim Wanpela I Holim Bikpela Sios posisen. Membasip kaunsil i mas sindaun sapos memba i mekim wanpela bikpela sin taim em i holim wanpela bikpela posisen. Dispela i olsem ol Jeneral Atoriti, Jeneral Sios Opisa, Eria Seventi, temple presiden o matron, misin presiden o kompanion bilong em, stek presiden, patriak o bisop. Dispela i no karamapim ol brans presiden. Tasol, ol gutpela blesing bilong Sios membasip bilong wanpela brans presiden i ken gat ristriksen o tambu wankain olsem ol narapela memba.

32.6.1.5

Sampela Narapela ol Samting

Kot bilong hevi bilong Feloni. Membasip kaunsil i mas kamap taim wanpela i kisim kot long kain hevi olsem feloni.

32.6.2

Taim Membasip Kaunsil Bai I Mas Kamap

Membasip kaunsil bai i mas kamap long ol dispela kain hevi.

32.6.2.1

Pasin bilong paitim o bagarapim narapela man o samting

Bikpela i givim komanmen, “Yu bai noken … kilim, na noken mekim samting olsem” (Doctrine and Covenants 59:6; putim aiteliks). Ol pasin bilong bikpela pait na bagarapim skin bilong narapela em membasip kaunsil i mas sindaun na lukluk long em bai karamapim (ol kain dispela na moa yet) i stap daunbilo long hia.

Traim long Kilim Man. Minim long kilim narapela.

Bagarapim Narapela long Slip Wantaim, wantaim pasin bilong Mekim Nogut Toktok o Paitim Narapela. Bagarapim narapela long slip wantaim i karamapim planti samting (lukim 38.6.18). Membasip kaunsil bai i mas kamap taim wanpela i bagarapim narapela long slip wantaim. Kaunsil i mas halivim memba long tanim bel sapos em i bin brukim temple kavanen bilong em na dispela sin em i mekim gen na gen. Lukim 38.6.18.3 long skelim sapos kaunsil i mas sindaun.

Marit man o marit meri i abiusim man o meri bilong em o narapela adalt. I gat planti ol hevi long pasin bilong abiusim narapela man o meri (Lukim 38.6.2.4). Membasip kaunsil i mas kamap bilong wanpela man husat i bagarapim man o meri bilong em o narapela adalt man o meri. Kaunsil i mas kamap long halivim memba long tanim bel sapos em i brukim ol temple kavanen o sapos dispela sin em i mekim gen na gen. Lukim 38.6.2.4 long taim kaunsil i mas sindaun.

32.6.2.2

Pasin nogut bilong slip wantaim narapela ausait long marit.

Lo bilong sastiti Bikpela i givim i tambuim tru pasin bilong slip wantaim narapela ausait long marit namel long man na meri (lukim Exodus 20:14; Doctrine and Covenants 63:16). Membasip kaunsil bai mas kamap long stretim dispela pasin bilong slip wantaim narapela ausait long marit olsem i stap insait long 38.6.5. Insait long ol dispela situesen, kaunsil i mas sindaun long halivim memba tanim bel sapos em i brukim ol temple kavanen bilong em na dispela sin em i mekim gen na gen. Lukim 32.6.1.2 long taim kaunsil i mas sindaun.

32.6.2.3

Ol Pasin bilong Giaman long Kisim Moni

Ol Tenpela Komanmen i tis, “Yu bai noken stil” o “tok giaman” (Exodus 20:15–16). Wanpela membasip kaunsil bai i mas kamap long ol dispela kain pasin bilong stil, brukim haus, stilim moni o propati bilong Sios, giaman long kot na pasin bilong giaman. Lukim 38.8.2 long giaman kon pasin. Insait long ol dispela situesen, kaunsil i mas sindaun long halivim memba long tanim bel sapos em i brukim ol temple kavanen bilong em na dispela sin em i mekim gen na gen.

Lukim 38.8.2 long giaman kon pasin. Lukim 32.6.1.3 long wanem taim kaunsil bai sindaun long lukluk long ol giaman kon pasin. Lukim 32.6.3.3 sapos wanpela memba i stilim Sios moni o propati i stap long lukaut bilong em.

32.6.2.4

Brukim Tras

Membasip kaunsil i mas sindaun sapos wanpela memba i:

• Mekim wanpela bikpela sin taim em i holim wanpela posisen i gat atoriti insait long Sios o dispela komuniti.

• Mekim wanpela bikpela sin we planti lain i save long em.

Insait long ol dispela situesen, kaunsil i mas sindaun long halivim memba long tanim bel sapos em i brukim ol temple kavanen bilong em na dispela sin em i mekim gen na gen.

Lukim 32.6.1.4 long taim kaunsil i mas sindaun. Lukim 32.6.3.3 sapos wanpela memba i stilim moni o propati bilong Sios i stap long lukaut bilong em.

32.6.2.5

Sampela Narapela ol Samting

King Benjamin i tisim olsem, “Mi no inap long tokim yupela olgeta samting we yu bai mekim sin; bilong wanem i gat ol kain kain wei, i planti tumas na mi no inap long kauntim ol” (Mosiah 4:29). Kaunsil bai mas kamap sapos wanpela i man i:

• Soim olsem em i mekim ol bikpela sin Doctrine and Covenants 82:7).

• Minim long ranawe long ol wok bilong em long lukautim famili, wantaim pasin bilong noken baim meintenens bilong sapotim pikinini na meri em i lusim.

• Pretim wantaim pasin bilong pait long pon o imeil (lukim 32.2.1).

• Salim ol drag lo i tambuim.

• Mekim ol narapela bikpela rong na brukim lo.

Insait long ol dispela situesen, kaunsil i mas sindaun long halivim memba long tanim bel sapos em i brukim ol temple kavanen na dispela sin em i mekim gen na gen.

Membasip kaunsil bai i mas kamap sapos memba stretim,baim o sapotim wanpela long rausim pikinini long bel. Lukim 38.6.1 long ol gaidlain.

Taim Membasip Kaunsil I Mas Kamap

Ol kain sin	Membasip Kaunsil I Mas Kamap (lukim 32.6.1)	Membasip Kaunsil Bai I Mas Kamap (lukim 32.6.2)
Ol kain sin Pasin bilong yusim strong o fos long kilim, paitim o bagarapim narapela man o samting.	Membasip Kaunsil I Mas Kamap (lukim 32.6.1) Kilim Man Reip Go long kalabus long slip wantaim narapela ausait long marit Abius long Ol Liklik Pikinini o Yut Pasin bilong Painim ol Pait	Membasip Kaunsil Bai I Mas Kamap (lukim 32.6.2) Traim kilim man Abiusim narapela na slip wantaim ausait long marit, , wantaim pasin bilong bagarapim narapela (lukim 38.6.18 long dispela kaunsil i mas kamap) Abius long meri o man insait long marit, o narapela adalt man o meri (lukim 38.6.2.4 long wanem taim kaunsil bai kamap)
Ol kain sin Pasin Nogut bilong Slip Wantaim Narapela Ausait long Marit	Membasip Kaunsil I Mas Kamap (lukim 32.6.1) Pasin bilong slip wantaim wanpela i famili bilong yu yet Ponograpi o nogut piksa i gat ol pikinini Pasin bilong maritim planti meri o man Painim ol narapela long bagarapim na slip wantaim ausait long marit	Membasip Kaunsil Bai I Mas Kamap (lukim 32.6.2) Pasin pamuk,na ol pasin bilong pinisim laik bilong skin, man stap wantaim man o meri stap wantaim meri, na ol narapela kain i no stap insait long marit insait long lo namel long man na meri, wantaim tu ol kain bilong pinisim laik bilong skin long pon o narapela wei Pasin bilong man na meri i stap wantaim taim tupela i no marit, ol pasin we man na man o meri na meri i stap wantaim olsem ol marit lain, na man i maritim man, meri i maritim meri Yusim ponograpi o piksa nogut planti taim na i brukim ol marit o famili bilong wanpela memba
Ol kain sin Giaman Kon Pasin	Membasip Kaunsil I Mas Kamap (lukim 32.6.1) Ol pasin bilong giaman na painim moni, paulim moni na ol kain olsem (lukim 32.6.3.3 sapos memba i stap insait long dispela kain pasin bilong yusim moni o propati bilong Sios)	Membasip Kaunsil Bai I Mas Kamap (lukim 32.6.2) Stil pasin, brukim haus na kisim samting, o kisim o yusim samting bilong narapela em i askim yu long lukautim bilong em( lukim 32.6.3.3 sapos wanpela memba i bin stap insait long pasin bilong kisim o yusim samting bilong Sios olsem moni o propati) Mekim giaman toktok insait long kot taim yu mekim promis pinis
Ol kain sin Brukim Tras	Membasip Kaunsil I Mas Kamap (lukim 32.6.1) Bikpela sin taim wanpela i holim bikpela posisen insait long Sios	Membasip Kaunsil Bai I Mas Kamap (lukim 32.6.2) Bikpela sin taim wanpela i holim posisen i gat atoriti o tras insait long Sios o komuniti (lukim 32.6.3.3 sapos wanpela memba i bin stap insait long dispela pasin bilong yusim moni o propati bilong Sios) Bikpela sin we planti lain i save long em
Ol kain sin Sampela Narapela ol Samting	Membasip Kaunsil I Mas Kamap (lukim 32.6.1) Ol planti raskol pasin i kisim kot sentens long kalabus	Membasip Kaunsil Bai I Mas Kamap (lukim 32.6.2) Rausim pikinini long bel (anles wanpela hap tok i stap insait long hia 38.6.1 i tok) Ol wei o kamap bilong ol dispela bikpela sin Minim long lusim ol wok bilong lukautim famili, wantaim pasin bilong noken baim meintenens bilong pikinini na mama o meri em i lusim Salim ol drag lo i tambuim Ol narapela bikpela raskol pasin

32.6.3

Taim Stek Presiden i Kaunsel wantaim Eria Presidensi long sapos wanpela Membasip Kaunsil o Narapela Samting I mas Kamap

Sampela samting i nidim sampela gutpela lukluk na gaidens. Long save long olsem wanem tru bai yu halivim, stek presideni mas kaunsel wantaim Eria Presidensi long ol dispela sindaun long dispela seksen. Tasol, stek presiden tasol bai mekim disisen sapos ol bai holim kaunsil na lukluk long ol dispela samting. Sapos ol bai holim kaunsil, stek presiden o bisop bai mekim disisen long wanem samting bai kamap.

Sapos wanpela membasip kaunsil bai kamap long ol wanpela dispela hevi i stap long hia, dispela disisen bilong kaunsil i mas olsem “bai stap long gutpela lukluk,” “fomol membasip ristriken,” o “rausim membasip.” Namba Wan Presidensi bai givim tok orait long rausim fomol ristriksen o kisim dispela man o meri i kam bek insait long Sios (lukim 32.16.1, number 9).

32.6.3.1

Narapela Eksen

Sapos membasip kaunsil ol i no holim, narapela eksen bai olsem:

• Ol infomol membasip ristriksen (lukim 32.8.3).

• Ol membasip rekot nout (lukim 32.14.5).

• Ol odinens ristriksen, i stopim wanpela long kisim o eksasaisim prishud o kisim and yusim temple rekomen.

Wanpela stake presiden bai kaunsel wantaim Eria Presidensi pastaim long wanpela long ol dispela eksen i kamap.

32.6.3.2

Apostasi

Ol hevi bilong apostasi sampela taim i save gat ol kik bek i bikpela moa yet long baundari bilong wod o stek. Ol i mas sindaun na toktok long ol dispela hevi hariap long lukautim ol narapela.

Bisop bai kaunsel wantaim stek presiden sapos em i pilim olsem wanpela memba i mekim sampela samting i luk olsem apostasi. Bisop o stek presiden bai putim sampela infomol membasip ristriksen long dispela memba (lukim 32.8.3). Stek presiden bai hariap tru kaunsel wantaim Eria Presidensi. Tasol, stek presiden tasol bai mekim disisen sapos membasip kaunsil o narapela eksen i mas kamap.

Olsem i stap long hia apostasi em i min olsem taim wanpela memba i stap insait long ol dispela kain pasin:

• Taim wanpela i mekim ol samting gen na gen we i agens long Sios, ol doktrin bilong em, ol lo na polisi, o ol lida bilong em.

• Go het long tisim olsem doktrin bilong Sios samting i no stap long doktrin bilong Sios maski bisop na stek presiden i traim long stretim em tu

• Soim olsem em i gat laik o minim long mekim ol wok bai bagarapim ol gutpela wok na feit bilong ol Sios memba.

• Go het yet long bihainim ol tising bilong ol narapela lotu maski bisop na stek presiden i stretim em.

• Joinim narapela lotu na strongim olgeta tising bilong em (Taim wanpela i no kam long Sios o go long narapela lotu i no min olsem em i apostasi. Tasol, sapos wanpela memba i joinim ol narapela Sios long fomal wei na tok aut long tising bilong ol, membasip bilong em i mas raus long dispela Sios.)

Seivia i tisim ol Nifaits olsem ol i mas go het yet long minista long wanpela man o meri husait i mekim sin. “Tasol sapos em i no tanim bel em bai no inap long stap insait long namba bilong ol lain pipol bilong mi, olsem nogut em i bagarapim ol pipol bilong mi” (3 Nephi 18:31).

32.6.3.3

Paulim ol Moni bilong Sios

Sapos wanpela memba i paulim ol moni bilong Sios o stilim ol propati bilong Sios, stek presiden bai kaunsel wantaim Eria presidensi sapos membasip kaunsil o narapela eksen bai kamap. Ol lida bai tingting gut

• Hamas moni i paul o lus long stil pasin.

• Dispela pasin bilong paulim moni em i mekim wanpela taim tasol o gen na gen.

• Sapos bekim bilong dispela moni i kamap.

• Dispela man i pilim sore o nogat.

• Dispela posisen memba i holim (lukim 32.6.1.4 long ol memba husait i holim bikpela posisen).

Stek presiden i ripot long wanpela long ol dispela i stap insait long hia Leader and Clerk Resources:

• Ol toktok i kamaut long membasip kaunsil.

• Olsem em i kaunsel wantaim Eria Presidensi na i mekim disisen olsem membasip kaunsil i nogat nid long kamap.

Sapos Sios Oditing Dipatmen i mekim disisen olsem wanpela lida o Sios wokman i paulim moni o propati, Namba Wan Presidensi bai givim daireksen olsem membasip rekot bilong em bai i gat sampela nout ol i raitim long em. “Lida” em yumi save olsem ol lain husait i holim ol bikpela posisen long Sios, olsem tu ol kaunsela, ol klek na brans presidensi. Taim wok bilong tanim bel i pinis, stek presiden bai rikwes long rausim ol dispela nout.(lukim 32.14.5 na 34.7.5). Ol dispela nout i no min olsem membasip kaunsil o narapela eksen i kamap.

32.6.3.4

Ol lain i paul liklik long ol yet olsem ol man o meri

Ol bisop na stek presiden i wok wantaim ol lain i paul liklik long sapos ol i man o meri bai bihainim ol dispela gaidlain insait long 38.6.23.

32.6.4

Taim Membasip Kaunsil I No Nid long Kamap

Membasip kaunsil i no nid long kamap long ol dispela kain samting.

32.6.4.1

Taim yu no Bihanim ol Sampela Sios Stended

Membasip kaunsil bai no inap long holim long ol dispela kain eksen i stap long hia. Tasol, mekim nout long laspela samting i stap long hia.

• I no kam long Sios

• I no mekim ol wok bilong Sios

• I no baim taiting

• Ol sin bilong rausim

• Pasin bilong yu yet holim skin bilong yu long pinisim laik bilong skin

• I no bihainim dispela lo bilong helt o Wod bilong Wisdom

• Yusim ponograpi o piksa nogut, tasol i no ponograpi o piksa nogut i gat ol pikinini (olsem i stap insait long hia 38.6.6) o yusim ol dispela samting na bringim hevi i kam long marit o famili (olsem i stap insait long 38.6.13).

32.6.4.2

Bisnis i Bruk o I No Baim Dinau

Ol lida bai no inap long yusim membasip kaunsil long stretim ol hevi i kamap long mekim bisnis. Bisnis i bruk na i no baim dinau i no gutpela as long holim membasip kaunsil. Tasol, ol i mas holim kaunsil taim ol bikpela giaman kon pasin bilong paulim o stilim moni i kamap (lukim 32.6.1.3).

32.6.4.3

Ol Hevi Namel long ol Pipol

Membasip kaunsil i no save kamap long harim ol dispela kain hevi (lukim Doctrine and Covenants 134:11).

32.7

Ol stap na sindaun bilong dispela man o meri

Bikpela i tok, “Han bilong mi i gat marimari i kam long yupela, na yupela husait bai kam, em mi bai kisim ; na blesim ol lain husait bai kam long mi” (3 Nephi 9:14). Sindaun na stap bilong dispela man o meri em i impoten long tingim long mekim ol disisen:

• Dispela gutpela hap bilong halivim man o meri long tanim bel long ol bikpela sin (lukim 32.5 na 32.6).

• Dispela ol disisen i kamap long taim bilong kaunseling wantaim em wan (lukim 32.8 na 32.11).

Sampela Tingting bai Halivim ol Disisen

• Bikpela bilong dispela sin

• Ol interes bilong ol lain viktim o husait i kisim bagarap

• Witnes bilong tanim bel

• Brukim ol temple kavanen

• Posisen bilong tras o atoriti

• Mekim samting gen na gen

• Krismas, kamap bikpela na ekspiriens

• Skel bilong tingting

• Konfes long laik bilong ol

• Taim namel long sin i kamap na taim em i kam konfes

Bisop na stek presiden i painim laik na tingting bilong Bikpela long wanwan situesen. Ol bai lukluk long ol dispela samting long mekim disisen long wanem kain hap ol bai yusim na wanem samting bai kamap. Ol dispela samting i no inap long mekim wanpela disisen i kamap. Tasol, ol bai halivim wanpela disisen ol lida bai mas mekim wantaim prea na gaidens bilong Spirit.

32.7.1

Bikpela bilong dispela Sin

Nogut bilong sin em bikpela bilong em bai makim. Dispela bai go wantaim hamas taim dispela sin i kamap, wanem kain hevi i bin kamap, na hamas lain manmeri i kisim pen o karim hevi long em.

32.7.2

Interes bilong ol dispela Man o Meri i karim hevi

Ol lida bai skelim ol interes bilong ol lain i karim ol hevi na ol narapela. Dispela bai go wantaim meri o man bilong dispela lain na ol famili memba. Ol lida tu bai skelim hevi bilong nogut bai kamap.

32.7.3

Samting i soim Tanim bel pasin i kamap

Spiritual gaidens i mas stap long stretim olsem dispela man o meri i trutru tanim bel. Tanim bel pasin bai kamap klia wantaim ol stretpela pasin long longpela taim moa yet long bikpela sore bai kamap long wanpela intaviu. Ol samting yu ken skelim i olsem:

• Strong long feit long Jisas Krais.

• Pasin bilong mekim konfesen.

• Sore long dispela sin em i bikpela olsem wanem.

• Pasin bilong stretim ol lain i kisim hevi.

• Bihainim ol lo samting

• Win long rausim dispela sin.

• Stap feitful na bihainim ol komanmen stat long taim yu mekim dispela sin.

• Pasin bilong tok tru wantaim ol Sios lida na ol narapela.

• Laik long bihainim kaunsel bilong ol Sios lida.

meri i pre

32.7.4

Brukim ol Temple Kavanen

Bikpela i tokaut, “Long wanem long husait man mi givim planti, mi askim em long planti” (Doctrine and Covenants 82:3). Wanpela man o meri husait i kisim dispela temple endaumen i mekim kavanen long stap aninit long stended i antap tru. Pasin bilong brukim ol dispela kavanen bai mekim bikpela moa dispela hevi bilong sin. Em bai luk olsem membasip kaunsil i mas kamap.

32.7.5

Posisen bilong Tras o Atoriti

Dispela hevi bilong sin bai kamap bikpela moa sapos man o meri i mekim dispela sin i stap long wanpela posisen bilong tras o atoriti, olsem wanpela papamama, lida o tisa.

32.7.6

Mekim samting gen na gen

Pasin bilong mekim dispela sin gen na gen i ken soim olsem dispela pasin i strong tumas na i pasim rot bilong tru tru tanim bel. Wantaim ol membasip ristriksen we i ken kamap ol progrem bilong halivim man o meri long stretim em yet na kisim kaunseling bai halivim (lukim 32.8.2).

32.7.7

Krismas, Kamap Bikpela , na Ekspiriens

Ol lida bai lukluk long krismas bilong wanpela, strong long bel na ekspiriens taim ol i givim kaunseling long memba o mekim disisen long membasip kaunsil. Pasin bilong sore na isi long ol lain husait ino stap strongpela long gospel sampela taim i save gutpela. Olsem eksampel, pasin bilong sore na isi long ol yangpela memba husait i mekim ol samting i no stret sapos ol i rausim dispela sin na putim long baksait na soim trutru olsem ol i tanim bel. Tasol, sampela bikpela eksen i mas kamap sapos ol i mekim yet dispela nogut pasin.

32.7.8

Tingting i gat strong

Sik long tingting, o sampela kain sik o tingting i sot i no gutpela ekskus long wanpela man o meri husait i mekim dispela nogut sin. Tasol, dispela em ol sampela samting yu mas skelim. Long halivim wanpela long tanim bel, ol lida bai painim gaidens bilong Bikpela long save moa long tingting na save bilong dispela man o meri long gospel na sapos em i gat save long rait na rong samting.

32.7.9

Konfesen Long Laik bilong Wanpela

Konfesen long laik bilong wanpela i soim eksen bilong wanpela long tanim bel.

32.7.10

Taim namel long sin i kamap na taim bilong konfesen.

Konfesen em i stap olsem wanpela hap bilong pasin bilong tanim bel na i mas noken pulim i go moa yet. Sampela taim pasin bilong bringim kam bek gutpela samting wanpela i lusim na pasin bilong stap feitful bai bihainim pundaun long sin. Sapos memba i konfesim sin na i no mekim gen, em i soim olsem em i rausim dispela sin. Long dispela taim, konfesen em i pinisim dispela rot bilong tanim bel na i no statim.

32.7.11

Ol Sin i Kamap Namel Long Ol Lain Husait i stap long ol Narapela Wod na Stek.

Sampela taim ol memba husait i mekim bikpela sin i stap long ol narapela wod o stek. Long dispela situesen, ol stek presiden bai kaunsel wantaim long nid bilong membasip ristriksen o kaunsil. Ol bai toktok tu long sapos i gat ol gutpela tingting na pasin long ol ristriksen o kaunsil disisen bai wankain o ol sampela narapela samting bai mekim ol disisen i narakain.

---

PASIN BILONG EDMINISTARIM KAUNSELING LONG WANWAN MAN O MERI

---

32.8

Kaunseling bilong Wanpela man o meri na ol Infomol Membasip Ristriksen

Kaunseling wantaim wanpela bai halivim long lukautim ol narapela na halivim dispela man o meri long kisim ridiming pawa bilong Atonmen bilong Jisas Krais thru long pasin bilong tanim bel. Dispela kain kaunseling tu bai halivim ol memba long lukautim ol yet long ol dispela kain bikpela sin. Long kaunseling bilong wanwan, ol lida i ken tu givim ol infomal membasip ristriksen long halivim memba long tanim bel long ol sampela bikpela sin (lukim 32.8.3).

Noken isi long ol bikpela sin (lukim Doctrine and Covenants 1:31). Pasin bilong brukim temple kavanen bai givim moa sans long membasip kaunsil long kamap (lukim 32.7.4).

Ol gaidlain bilong halivim ol lida i save long taim ol kaunseling na infomal ristriksen bai i orait i stap daunbilo (lukim tu 32.7):

• Wanpela man o meri i no mekim sin we bai nidim membasip kaunsil (lukim 32.6.1).

• Wanpela man o meri i konfes em yet long laik bilong em na em i trutru tanim bel.

• Wanpela man o meri i tanim bel i stap long wanpela bikpela sin we em i no bin mekim bipo.

• Sin bilong wanpela man o meri i no brukim ol temple kavanen.

• Wanpela man o meri i gat ol impoten wei bilong stopim ol sindaun o stap bilong em.

32.8.1

Kaunseling bilong Wanwan

Ol dispela gaidlain bai yusim taim bisop o stek presiden i kaunsel wantaim memba long halivim em long tanim bel.

• Askim long inap inpomesen long mekim disisen long (1) pasin bilong memba long dispela sin pasin (2) dispela pasin, hamas taim em i kamap, na dispela pasin i stap longpela taim o sotpela taim. Noken askim long ol inpomesen samting moa long wanem yu nidim long save gut long dispela situesen. Noken askim ol samting sapos yu yet laik save tru long wanem samting i kamap.

• Askim long olsem wanem na dispela samting i bagarapim laip bilong ol narapela.

• Putim tingting long ol gutpela samting bai mekim memba i tanim em yet na mekim komitmen i go long Bikpela. Sapotim memba long mekim ol klia samting long bringim senis i kamap long pasin bilong em na senis insait long bel bilong em long tanim bel. Invaitim em long kam klostu long Seivia, painim strong long Em na pilim dispela ridiming lav bilong Em.

• Sapotim ol wantaim ol ektiviti olsem prea, stadim ol skripsa, na kam long ol miting bilong Sios. Tisim olsem famili histori na temple wok i ken rausim ol samting nogut i kam long man nogut. Sapotim ol long sevim ol narapela na serim gospel.

Ol Ektiviti bai Hamamasim ol wantaim Tanim Bel na Bildim ol Gutpela Tingting bilong Spirit

• Prea

• Skripsa stadi

• Kam long Sios

• Mekim famili histori na temple wok olgeta de, wantaim tu wok bilong indeksim ol nem

• Sevim ol narapela

• Serim dispela gospel

• Sapotim ol long mekim wok long bringim kam bek ol gutpela samting long ol lain husait i kisim pen long sin na askim long pogivnes

• Sapotim ol long tanim na givim baksait long ol pasin na samting nogut. Halivim ol memba long kisim ol eksen long rausim ol temtesen.

• Luksave olsem yu em wanpela eklesiastikal lida, i no wanpela profesinal kaunsela. Wantaim dispela kaunseling yu bai givim, sampela memba bai kisim ol gutpela samting olsem kaunseling bilong gutpela pasin. Sampela i gat hevi long sik long tingting o mentol sik. Sapos i gat nid, ol kaunsel memba bai painim halivim long ol medikal na mental helt profesinal save ain (lukim 31.3.6).

• Yu bai prea na painim gaidens bilong Spirit pastaim long yu givim ol infomol membasip ristriksen. Sampela memba bai kisim ol gutpela bilong Sios membasip moa yet long ol ristriksen.

• Bihainim ol long givim sapot, strongim ol wantaim spirit, na lukluk gut long wokabaut bilong ol.

Bihain long memba i konfes long bisop o stek presiden, kaunseling i mas go het long sampela wei. Lida em yet i ken givim dispela. O, wantaim tok orait bilong memba, em i ken askim wanpela ol kaunsela bilong em long givim.

Wantaim tok orait bilong membai, bisop o stek presiden bai askim ol memba bilong eldas kwarum o Rilif Sosaiti halivim long ol sampela wei. Bilong ol yut, em i ken asainim Yang Wimen presidensi o Aronik Prishud kwarum advaisa long halivim. Ol lain husait i asain long halivim i ken kisim gutpela tingting long mekim dispela asainmen (lukim 4.2.6).

Long asainim wanpela long halivim wantaim kaunseling, lida i mas givim tasol dispela inpomesen bilong halivim dispela memba. Dispela man husait i kisim asainmen i mas mekim pasin bilong holim ol dispela toktok na inpomesen namel long em na memba tasol na i noken tokaut long ol narapela. Em bai toksave tu long bisop long wokabaut bilong memba i olsem wanem na ol nid bilong em.

meri i pre

32.8.2

Halivim ol lain Pipol wantaim ol Adiksen Pasin we bodi i hangre long simuk, dring,pulim spak brus o kaikai buai.

Kaunseling bilong wanwan man meri sampela taim i gat sans long halivim ol memba i tanim bel long ol sin bilong adiksen. Dispela ol adiksen olsem ol samting bilong putim long bodi olsem strongpela dring, spak brus, buai, simuk o kainkain pasin bilong man meri. Ol adiksen i save bagarapim ol wanwan man meri, ol marit na ol famili. Ol bisop bai givim kaunsel long ol memba long painim halivim long Sios adiksen rikavari progrem na long ol lain i kisim skul na save olsem ol medikal na mental helt profesinal.

Pasin bilong yusim ponograpi o piksa nogut tu i wok long kamap bikpela. Yusim ponograpi planti taim i ken kamap nogut o, sampela taim bai kamap olsem adiksen, o olsem bodi bai hangre long mekim o lukim dispela samting nogut olgeta taim. Maski pasin bilong yusim ponograpi o piksa nogut bai kamap moa na bikpela o nogat, em i nogut samting. Em bai mekim Spirit i ranawe. Em bai rausim strong bilong yu long kisim pawa i kam long kipim ol kavanen bilong yu. Em save bagarapim tu ol gutpela stap wantaim ol narapela.

Kaunseling bilong wanwan na infomal membasip ristriksen bai gutpela long halivim wanpela tanim bel long pasin bilong yusim ponograpi o piksa nogut. Ol i no save holim ol membasip kaunsil. Long ol sampela samting, lukim 38.6.6 na 38.6.13. Profesinal kaunseling bai i ken halivim.

Ol stek presiden na ol bisop bai sapotim ol famili memba long ol nid bilong ol. Ol papamama tu i ken kam insait long taim bilong kaunselim ol yut long yus bilong ponograpi. Man o meri bilong wanpela husait i kisim kaunseling long dispela hevi bai ken kam insait long kaunseling tu.

Long kisim moa inpomesen long kaunselim ol memba husait i stap long hevi bilong ponograpi, lukim 38.6.13.

32.8.3

Ol Infomal Membasip Ristriksen

Wantaim sapot long ol gutpela pasin long taim bilong kaunseling, bisop o stek presiden bai putim infomal ristriksen long ol sampela gutpela samting bilong Sios membasip long sampela taim. Sapos ol dispela samting ol i edministarim gut, ol dispela ristriksen i ken halivim long tanim bel na kisim gutpela spirit bilong go het. Ol i stap olsem infomal bikos ol i no stap long ol nout bilong membasip rekot.

Ol tambu o ristriksen i no fomal i ken stap sampela wik, mun o longpela liklik sapos i impoten long man o meri bai tanim bel olgeta. Long sampela kain sindaun, dispela taim bai longpela moa long wanpela yia.

Ol lida bai painim gaidens bilong Spirit long halivim ol mekim disisen long wanem kain ristriksen bai halivim wanpela man o meri long tanim bel. Dispela i ken go wantaim (tasol i no ol tasol) saspendim dispela gutpela sevis long i gat Sios koling, eksasaisim prishud, o go insait long temple. Lida bai stopim dispela man o meri long givim ol toktok, leson o prea insait long ol Sios bung na ol miting. Sapos lida i stopim dispela rait bilong go insait long temple, em bai kenselim tu temple rekomen insait long Leader and Clerk Resources (LCR).

Pasin bilong kisim sakramen em i impoten hap long rot bilong tanim bel. Em bai no inap namba wan ristriksen ol bai givim long man o meri husait i tanim bel wantaim bel i bruk na spirit i sore. Tasol, sapos wanpela man o meri i mekim bikpela sin, lida bai stopim dispela long sampela taim.

Ol lida bai no inap long toksave long ol narapela long ol dispela infomal ristriksen inap i gat sampela nid long ol bai save (lukim 32.12.2).

Bisop o stek presiden bai rausim ol infomal ristriksen wantaim gaidens bilong spirit taim dispela man o meri i mekim gutpela wok long tanim bel. Sapos dispela memba i no stopim pasin bilong sin, em bai impoten long holim membasip kaunsil.

---

EDMINISTARIM OL SIOS MEMBASIP KAUNSIL

---

Ol sios membasip kaunsil ol i save holim taim bisop o stek presiden i mekim disisen olsem ol bai halivim o taim ol i nidim olsem i stap long Sios polisi (lukim 32.6). Ol bai holim ol long wod, stek, brans, distrik, o misin levol. Dispela seksen i givim ol inpomesen long soim olsem wanem long edministarim ol.

32.9

Pasin bilong Tek Pat na Mekim Wok

Dispela tebol i soim husait bai tek pat long ol membasip kaunsil.

	Ol lain bai tek pat insait long Membasip Kaunsil
Wod Membasip Kaunsil	Ol lain bai tek pat insait long Membasip Kaunsil Dispela man o meri long husait na ol i holim dispela kaunsil. Bisop na ol kaunsela bilong em. Wod Klek Eldas Kwarum o Rilif Sosaiti presiden (opsinal; lukim 32.10.1)
Stek Membasip Kaunsil	Ol lain bai tek pat insait long Membasip Kaunsil Dispela man o meri long husait na kaunsil bai ol i holim Stek presiden na ol kaunsela bilong em Stek Klek Hai kaunsila (long sampela situesen olsem ol i tok klia insait long 32.9.2) Bisop bilong man o meri long husait na kaunsil bai ol i holim(opsinal; lukim 32.9.3) Eldas Kwarum o Rilif Sosaiti presiden (opsinal; lukim 32.10.1)

32.9.1

Stek Presiden

Dispela stek presiden:

• I gat atoriti long ol membasip kaunsil insait long stek; tasol, planti long ol dispela kaunsil ol bisop save holim ol.

• Mas givim tok orait pastaim long bisop bai holim wanpela membasip kaunsil.

• Holim wanpela stek membasip kaunsil sapos wanpela man o meri husait i kisim temple endaumen bai ol i rausim Sios membasip bilong em.

• Bai holim wanpela kaunsil sapos wanpela memba i apil long disisen bilong wod membasip kaunsil.

• Mas givim tok orait pastaim long wod membasip kaunsil i givim tok long rausim membasip bilong wanpela husait i no kisim endaumen.

32.9.2

Hai Kaunsil

Ol memba long hai kaunsil i no save tek pat tumas long stek membasip kaunsil. Tasol, hai kaunsil i ken tek pat long ol situesen we i hat tumas (lukim Doctrine and Covenants 102:2). Long eksampel, stek presidensi bai invaitim hai kaunsil long tek pat taim:

• I gat ol toktok bilong stretim.

• Ol bai givim moa gutpela tingting na balens.

• Dispela memba i askim long ol bai tekpat.

• Wanpela memba bilong stek presidensi o famili bilong em i stap insait (lukim 32.9.7).

32.9.3

Bisop (o Brans Presiden insait long wanpela Stek)

Dispela bisop:

• I gat atoriti long wod membasip kaunsil.

• Pasim tok wantaim dispela stek presiden na kisim tok orait bilong em pastaim long em i holim wanpela kaunsil.

• Bai i no inap long holim wanpela kaunsil sapos wanpela man o meri husait i kisim pinis dispela temple endaumen bai Sios membasip bilong em bai raus. Wanpela stek membasip kaunsil ol i mas holim long ol dispela kain situesen.

• Bai kisim invitesen long tek pat long stek membasip kaunsil bilong wanpela wod memba husait membasip bilong em i stap long riviu. Atendens bilong em i mas gat tok orait i kam long stek presiden na dispela man o meri.

Wanpela wod o brans membasip kaunsil bai pasim tok long rausim Sios membasip bilong wanpela man o meri sapos em i no kisim endaumen yet. Tasol, stek presiden i mas givim tok orait pastaim long ol i mekim fainal disisen.

Sampela taim wanpela wod membasip kaunsil bai ol i holim long wanpela memba husait kisim endaumen pinis na ol toktok i painim olsem dispela membasip bilong dispela memba bai ol i rausim. Insait long ol dispela situesen, bisop bai salim dispela samting i go long stek presiden.

32.9.4

Misin Presiden

Dispela misin presiden:

• I gat atoriti long ol membasip kaunsil insait long ol misin brans na distrik.

• Mas givim tok orait pastaim long distrik o brans presiden bai holim wanpela membasip kaunsil.

• Holim membasip kaunsil sapos wanpela man o meri husait i kisim pinis temple endaumen Sios membasip bilong em bai raus. Sapos em i nogat taim o i stap longwe, em bai asainim wanpela kaunsela bilong em long prisaid long kaunsil. Em bai apointim tupela narapela i holim Melkesedek prishud long kam na tek pat.

• Wanem hap i orait, bai holim membasip kaunsil bilong ol lain husait i no kisim endaumen yet. Sapos em i nogat taim o i stap longwe, em bai givim tok orait long tripela husait i holim Melkesedek Prishud long holim. Long dispela, distrik presiden o brans presiden bilong dispela memba bai kondaktim kaunsil.

• Bai holim kaunsil sapos wanpela memba i apil long disisen bilong distrik or brans membasip kaunsil.

• Wantaim tok orait bilong Jeneral Atoriti long Misinari Dipatmen, holim wanpela membasip kaunsil sapos wanpela misinari i mekim wanpela bikpela sin insait long misin fil (lukim 32.9.8). Em bai lukluk gen long dispela hevi wantaim memba bilong Eria Presidensi na kaunsel wantaim stek presiden long stek bilong dispela misinari.

• Mas givim tok orait pastaim long brans or distrik membasip kaunsil i tokim ol long rausim membasip bilong wanpela husait i no endau em i fainal.

Sapos wanpela misinari i konfesim wanpela bikpela sin em i bin mekim pastaim em i go long sevim misin,misin presiden bai toksave long in-fil representetiv insait long Misinari Dipatmen long kisim daireksen.

Taim misin presiden i holim wanpela membasip kaunsil, em bai apointim tupela husait i holim Melkesedek Prishud long halivim em. Long sampela taim tasol em bai makim ol yangpela misinari long halivim. Em bai bihainim wankain ol rot olsem stek membasip kaunsil (lukim 32.10). Tasol, hai kaunsil o distrik kaunsil bai no inap long tek pat.

32.9.5

Distrik o Brans Presiden insait long Misin

Distrik o brans presiden insait long misin bai holim membasip kaunsil taim tok orait i kam long misin presiden. Distrik kaunsil bai no inap long tek pat.

Wanpela distrik o brans membasip kaunsil bai givim tok long rausim Sios membasip bilong dispela man o meri sapos em i no kisim temple endaumen. Tasol, tok orait bilong misin presiden i mas kam pastaim long fainal disisen.

32.9.6

Stek o Wod Klek

Dispela stek o wod klek:

• Bai kipim olgeta nout bilong kaunsil inap ol i salim dispela Ripot bilong Sios Membasip Kaunsil fom.

• Bai redim fom sapos lida i askim husait i bin kondaktim kaunsil.

• Bai noken tek pat long ol toktok o long mekim disisen insait long dispela kaunsil.

32.9.7

Tek Pat long ol Sampela kain Stap o Sindaun

Sapos wanpela kaunsela insait long stek presidensi i no inap long tek pat long membasip kaunsil, dispela stek presiden bai askim wanpela hai kaunsila o narapela hai pris long kisim ples bilong em. Sapos stek presiden i no inap long tek pat, Namba Wan Presidensi bai givim tok orait long wanpela kaunsela bilong em long prisaid long ples bilong em.

Sapos wanpela kaunsela insait long bisoprik i no inap long tek pat insait long membasip kaunsil, bisop bai askim wanpela hai pris insait long wod long kisim ples bilong em. Sapos bisop i no inap long tek pat, em bai salim dispela samting i go long stek presiden, husait bai singautim wanpela stek membasip kaunsil. Bisop bai no inap long asainim wanpela kaunsela long singautim membasip kaunsil.

Sapos membasip kaunsil ol bai holim bilong wanpela famili memba bilong bisop o wanpela ol kaunsela bilong em, em bai kamap long stek level. Sapos ol bai holim bilong wanpela famili memba bilong wanpela ol kaunsela bilong stek presiden, em bai asainim i go long narapela hai pris long kisim ples bilong kaunsela. Sapos wanpela kaunsil ol i holim bilong wanpela famili memba bilong stek presiden, em bai toktok wantaim Opis bilong Namba Wan Presidensi.

Sapos wanpela memba i no wanbel long bisop na ol kaunsela bilong em i tek pat, dispela membasip kaunsil ol bai holim long stek level. Sapos wanpela memba i no wanbel long wanpela kaunsela bilong stek presiden i tek pat, stek presiden bai asainim narapela hai pris long kisim ples bilong kaunsela. Sapos memba i no wanbel long stek presiden i tek pat, o sapos stek presiden i pilim olsem em bai wansait, em bai toktok long Opis bilong Namba Wan Presidensi.

32.9.8

Mekim Disisen Long Wanem Lida Bai Holim wanpela Kaunsil insait long ol Spesel Situesen

Membasip kaunsil planti taim bai kamap long ol hap we Sios Yunit bilong dispela memba i gat rekot bilong em.

Sampela taim membasip kaunsil em i impoten long wanpela man o meri husait i save muv. Sapos dispela muv i klostu na i stap insait long wankain stek, stek presiden bai toktok wantaim ol bisop bilong tupela wod na mekim disisen em bai kamap long wanem hap.

Sapos memba i muv i go ausait long stek, ol stek presiden bilong tupela stek wantaim bai toktok na mekim disisen we kaunsil bai kamap. Sapos ol i mekim disisen olsem em bai kamap long olpela wod o stek, membasip rekot bai olpela wod i holim pastaim inap long kaunsil i pinis. Sapos nogat, rekot bai ol i salim i go long nupela wod. Dispela bisop o stek presiden bai isi tasol toksave long bisop bilong memba o stek presiden bilong wanem na ol i mas holim kaunsil.

Sampela taim membasip kaunsil em i impoten long wanpela memba husait i stap longwe long ples bilong em long sotpela taim. Long eksampel, wanpela kaunsil bai ol i holim bilong wanpela sumatin o memba i stap insait long ami. Dispela bisop long hap dispela memba i stap long sotpela taim bai ken givim kaunsel na sapot. Tasol, em bai no inap long holim membasip kaunsil inap dispela membasip rekot i stap insait long yunit bilong em na em i kaunsel wantaim bisop long olpela wod.

Sampela taim wanpela minisari bai mekim wanpela bikpela sin long misin fil na bai no inap kam aut inap em i rilis long misin. Bisop na stek presiden bai toktok na mekim disisen husait long tupela bai holim membasip kaunsil. Wanpela bilong tupela bai toktok wantaim olpela misin presiden pastaim long tupela bai holim membasip kaunsil.

32.10

Ol Step bilong bihainim long mekim ol Membasip Kaunsil

32.10.1

Givim Notis na Redi long Kaunsil

Bisop o stek presiden bai givim wanpela memba wanpela notis ol i raitim long toksave long membasip kaunsil ol bai holim long nem bilong em. Em bai sainim leta. Em bai gat ol dispela inpomesen:

`“Dispela [bisoprik o stek presidensi] bai holim wanpela membasip kaunsil long nem bilong yu. Dispela kaunsil ol bai holim long [det na taim] long [dispela ples].

“Dispela kaunsil bai lukluk long [givim sotpela toktok long dispela hevi bin kamap , tasol no inap givim olgeta stori o tokaut long samting tru].

“Yu ken kam sindaun long kaunsil na givim bekim bilong yu. Yu bai givim ol stetmen ol i raitim long ol lain husait i ken givim ol gutpela inpomesen. Yu bai invaitim ol lain olsem long toktok long kaunsil long nem bilong yu sapos i gat tok orait bilong stek presiden o bisop. Yu bai invaitim tu [wod Rilif Sosaiti presiden o eldas kwarum presiden] long stap na givim sapot.

“Wanpela husait bai kam sindaun i mas wanbel long olgeta wei bilong holim kaunsil, wantaim ol step na pasin bilong lukautim gut ol inpomesen na noken tokaut nabaut. Ol loya na ol sapota na ol narapela lain husait i no stap long lis antap bai no inap long stap.”

Wanpela laspela lain insait long leta i mas soim lav, hop na wari.

Ol gaidlain bilong invaitim ol husait lain bai toktok long kaunsil i stap long 32.10.3, number 4.

Sapos leta i no inap long givim long han, ol i ken salim long rejista o setifai meil , wantaim risit bilong salim go bek.

Bisop o stek presiden bai mekim taim long holim membasip kaunsil long taim bai i gutpela long dispela man o meri. Em bai mekim sua tu olsem i bin gat taim long kisim ol stetmen long ol lain viktim o husait i karim hevi long dispela rong sapos ol i laik givim stetmen.(lukim 32.10.2).

Bisop o stek presiden bai redim dispela memba long lukim kaunsil na bai tok klia long ol wok bilong kaunsil na olsem wanem em i save mekim wok bilong em. Em bai tok klia tu long ol disisen kaunsil bai mekim na ol toktok bai kamap. Sapos memba i bin konfes, lida bai tok klia olsem dispela konfesen ol bai nid long yusim insait long membasip kaunsil.

32.10.2

Kisim Stetmen long ol Viktim

Taim wanpela Sios memba em i kamap olsem viktim (olsem long inses, abius long pikinini, abius insait long marit, o giaman kon pasin), bisop o stek presiden bai toktok long bisop o stek presiden bilong dispela man o meri. Ol lida bai mekim disisen sapos em bai halivim long givim dispela viktim wanpela sans long givim wanpela stetmen ol i raitim long dispela hevi na bagarap bilong em. Ol dispela stetmen ol bai ritim insait long membasip kaunsil (lukim 32.10.3, namba 3). Ol Sios lida i nogat atoriti long mekim kontek wantaim ol viktim husait i no memba bilong Sios.

Olgeta toktok wantaim viktim long dispela samting em bisop o stek presiden bilong em tasol bai mekim. Sapos wanpela viktim i givim wanpela stetmen, dispela lida bai givim long bisop o stek presiden husait i holim dispela membasip kaunsil. Ol lida i mas lukaut gut na i noken mekim moa wari i kamap. Lukim 32.4.3 long ol narapela samting ol i mas lukaut long ol.

Ol wok painimaut long viktim husait i aninit long 18 pela krismas i mas kamap thru long papamama o ligal gadian, inap dispela i ken putim viktim long sampela hevi.

Long moa inpomesen long bisop na stek presiden i kisim gaidens long ol hevi bilong abius, lukim 32.4.5 na 38.6.2.1.

32.10.3

Kondaktim Kaunsil

Pastaim long kaunsil i stat stret, bisop o stek presiden bai tokim ol lain i tek pat husait dispela kaunsil bai toktok long em na long wanem kain hevi. Sapos i gat nid, em bai tok klia long olsem wanem kaunsil bai sindaun na toktok.

Dispela man o meri, sapos em i stap, ol bai welkamim em kam insait long rum. Sapos bisop i kisim invitesen long kam sindaun long stek membasip kaunsil, em tu ol bai invaitim em kam insait long dispela taim. Sapos dispela man o meri i invaitim wod Rilif Sosaiti Presiden o eldas kwarum presiden long stap na givim sapot em ol tu ol bai welkamim ol kam insait long rum.

Bisop o stek presiden bai kondaktim kaunsil wantaim spirit bilong lav, olsem i stap daunbilo.

1. Em bai invaitim wanpela long givim opening prea.

2. Em bai tokaut long dispela asua i stap long ripot. Em bai givim dispela man o meri (sapos em i stap) sans long tok yes o nogat o tok klia long dispela stetmen.

3. Sapos dispela memba i tok yes long dispela asua, bisop o stek presiden bai go het long namba 5 daunbilo. Sapos dispela memba i tok nogat, bisop o stek presiden bai givim moa inpomesen long dispela asua. Em bai soim tu ol pepa o dokumen na ritim bai olgeta i harim ol stetmen ol i raitim i kam long ol viktim o lain i karim hevi (lukim 32.10.2). Sapos em i ritim ol stetmen, em bai no inap long kolim nem bilong ol viktim o lain i karim hevi.

4. Sapos memba i tok nogat long dispela samting, em bai givim inpomesen bilong em yet long kaunsil. Dispela em i ken raitim. O memba bai askim ol sampela man o meri husait i ken givim ol stretpela inpomesen long toktok long kaunsil, wanpela long wanwan taim. Ol dispela lain i mas ol Sios memba inap bisop na stek presiden bai mekim disisen long wanpela husait i no memba i ken kam sindaun. Ol bai wet long narapela rum inap ol bai askim ol long kam na toktok. Wanwan man o meri bai lusim dispela kaunsil rum taim em i pinis. Ol i mas wanbel long bihainim ol pasin bilong rispek na ronim kaunsil,wantaim pasin bilong noken tokaut nabaut. Ol memba i no nid long kisim ol loya long kam stap long dispela kaunsil. Na tu ol i no ken karim ol sapota bilong ol i kam inap tasol long ol lain husait i stap long namba tu paragrap long dispela seksen.

5. Bisop o stek presiden bai askim memba long sampela samting long gutpela pasin na rispek. Em bai askim kwesten long ol narapela lain memba i askim ol long givim sampela inpomesen. Ol kaunsela insait long bisoprik o stek presidensi bai askim ol sampela samting tu. Sampela narapela askim i mas sot na stret igo long trupela tok.

6. Bihain long olgeta inpomesen ol i prisentim, bisop o stek presiden bai askim memba long lusim rum. Klek tu bai lusim rum, inap hai kaunsil i bin tek pat insait long stek membasip kaunsil. Sapos bisop bilong memba i stap tu long dispela stek membasip kaunsil, em tu bai lusim rum. Sapos Rilif Sosaiti presiden o eldas kwarum presiden i stap long givim sapot, ol tu bai lusim rum.

7. Bisop o stek presiden bai askim long sampela toktok o tingting i kam long ol kaunsila bilong em. Sapos hai kaunsil i bin tek pat long wanpela stek membasip kaunsil, em bai askim ol long ol sampela toktok na tingting bilong ol.

8. Waitaim ol kaunsela bilong em, bisop o stek presiden bai prea na painim laik bilong Bikpela long dispela samting. Stek presiden tasol na ol kaunsela o bisop na ol kaunsela bilong em bai stap long rum long dispela taim. Sapos wanpela stek membasip kaunsil i kisim hai kaunsil i kam insait, stek presidensi bai go long opis bilong stek presidensi.

9. Bisop o stek presiden bai tokim ol kaunsela bilong em long disisen bilong em na askim ol long sastenim. Sapos stek membasip kaunsil i kisim hai kaunsil i kam insait, dispela stek membasip bai go bek long rum na askim hai kaunsil long sastenim. Sapos wanpela kaunsela o hai kaunsila i gat narapeka kain tingting, bisop o stek presiden bai harim na painim rot long stretim ol dispela samting. Wok bilong mekim dispela disisen i stap wantaim prisaiding opisa.

10. Em bai invaitim dispela man o meri i kam bek gen insait long rum. Sapos klek i bin lusim rum, em tu ol bai invaitim em kam bek. Sapos bisop bilong dispela memba i stap long stek membasip kaunsil, em tu ol bai invaitim em kam bek long rum. Sapos Rilif Sosaiti presiden o eldas kwarum presiden i bin stap long givim sapot, ol tu bai welkam long kam bek.

11. Bisop o stek presiden bai serim disisen bilong kaunsil wantaim spirit bilong lav. Sapos disisen bai stopim Sios membasip o rausim membasip bilong dispela man o meri, em bai tok klia long ol dispela kondisen (lukim 32.11.3 na 32.11.4). Em bai tok klia tu long wei bilong go thru long ol dispela tambu na givim ol narapela instraksen na kaunsel. Bisop o stek presiden bai surukim kaunsil long sampela taim long kisim moa gaidens o inpomesen pastaim long em i mekim disisen. Long dispela,em bai tok klia long dispela.

12. Em bai tok klia long rait bilong dispela man o meri long apil (lukim 32.13).

13. Em bai invaitim wanpela long ol long givim klosing prea.

Maski dispela man o meri i stap o nogat, bisop o stek presiden bai toksave long em long disisen olsem i tok klia long 32.12.1.

Nogat wanpela man i tek pat long dispela membasip kaunsil i gat tok orait long mekim vidio, o rekoting long dispela kaunsil. Wanpela klek bai kisim ol sampela nouts bilong redim dispela Ripot bilong Sios Membasip Kaunsil. Tasol, ol dispela kain nouts i no bilong rekotim olgeta toktok i kamap long kaunsil. Bihain long ripot i redi pinis, em bai brukim na rausim olgeta dispela ol nouts.

32.11

Ol Disisen i kam long ol Membasip Kaunsil

Ol disisen i kam long membasip kaunsil i mas kam long Spirit. Ol bai soim lav na hop Seivia i givim long ol lain husait i tanim bel. Daunbilo hia em ol sampela kain ol disisen i ken kamap. Long taim ol i mekim ol dispela disisen, ol lida bai skelim ol dispela kain stap na sindaun i stap long hia 32.7.

Bihain long membasip kaunsil, bisop o stek presiden bai hariap tru na givim wanpela Ripot bilong Sios Membasip Kaunsil fom thru long LCR (lukim 32.14.1).

Ol sampela disisen i ken kamap i stap long dispela seksen.

32.11.1

Bai stap long Gutpela Luksave

Long sampela taim, wanpela man o meri bai i nogat rong na bai stap long gutpela luksave. Long sampela taim, wanpela man o meri bai mekim sin, na i bin tanim bel wantaim olgeta bel bilong em, na i stap long gutpela luksave. Bisop o stek presiden bai givim kaunsel na gutpela toktok bilong lukaut gut long ol wokabaut bilong bihain taim. Bihain long kaunsil, em bai go het yet long givim sapot bilong em.

tupela marit i sindaun wantaim

32.11.2

Kaunseling bilong wanwan man o meri wantaim Bisop or Stek Presiden

Insait long sampela membasip kaunsil, ol lida bai skelim olsem wanpela memba i no stap long gutpela luksave—tasol i no nidim ol fomal membasip ristriksen o tambu. Long ol dispela kain taim, kaunsil bai mekim disisen olsem dispela man o meri bai kisim kaunseling bilong em wan na pasin bilong stretim em long bisop o stek presiden. Dispela kaunseling bai gat infomal membasip ristriksen o tambu olsem i stap long insait long hia 32.8.3.

Kaunseling bilong wanwan na infomal membasip ristriksen o tambu i no inap stap sapos kaunsil bai sindaun long ol kain sin i stap long lis insait hia 32.6.1.

32.11.3

Ol Fomal Membasip Ristriksen o Tambu

Insait long sampela membasip kaunsil, ol lida bai skelim olsem em i gutpela moa long tambuim man o meri long Sios membasip bilong wanpela memba long sampela taim. Ol fomal ristriksen o tambu bai gutpela long olgeta tasol ol bikpela na nogut sin, long dispela membasip i mas raus (lukim 32.11.4).

Ol dispela husait i gat ol fomal ristriksen o tambu ol i stap yet olsem memba bilong Sios. Tasol, Sios membasip bilong ol bai gat sampela ristriksen o tambu olsem long hia:

• Ol bai no inap long go insait long temple. Tasol, ol bai go het yet long werim ol temple gamen kolos bilong ol sapos ol i bin endau pinis. Sapos dispela memba i gat wanpela temple rekomen, lida bai kensolim insait long LCR.

• Ol bai no inap long mekim wok bilong prishud.

• Ol bai no inap long kisim sakramen o tek pat long sastenim ol Sios opisa.

• Ol bai no inap long givim toktok, leson, o prea insait long ol Sios miting na sindaun. Na tu ol bai nogat Sios koling.

Ol bai gat sapot long kam stap long ol miting na ektiviti bilong Sios sapos ol i stap gutpela na i no mekim bikhet pasin. Ol bai gat sapot long peim taiting na ofaring bilong ol.

Bisop o stek presiden bai ken putim ol narapela tambu tu, olsem noken lukluk long ol piksa nogut na ol narapela samting bai bagarapim spiritual laip bilong ol. Em bai putim sampela gutpela samting. Dispela em olsem kam long Sios na lotu olgeta taim, prea olgeta taim, na ritim ol skripsa na ol narapela Sios metiriel.

Sapos Sios membasip bilong dispela man o meri i gat ol tambu o ristriksen, ol dispela samting bai stap long ol nout long membasip rekot.

Taim bilong ol dispela tambu o ristriksen em wanpela yia o longpela taim liklik. Taim dispela memba i mekim sampela gutpela pasin na tanim bel,bisop o stek presiden bai holim narapela kaunsil long skelim na rausim ol dispela tambu o ristriksen (lukim 32.16.1). Sapos dispela memba i go het yet long stap long sin, lida bai holim narapela kaunsil na lukluk long ol narapela rot.

32.11.4

Rausim Membasip

Long sampela membasip kaunsil, ol lida bai skelim olsem bai gutpela moa long rausim Sios membasip long sampela taim (lukim Mosiah 26:36; Alma 6:3; Moroni 6:7; Doctrine and Covenants 20:83).

Kain sin olsem kilim man em bai ol i mas rausim Sios membasip (olsem i stap insait long 32.6.1.1) na pasin bilong maritim planti man o meri olsem i tok klia long 32.6.1.2). Em bai kamap olsem tu long pasin bilong inses o taim wanpela i slip wantaim wanpela famili memba olsem pikinini meri olsem i stap long hia 32.6.1.2 na 38.6.10.

Wantaim daireksen bilong Spirit, pasin bilong rausim membasip bilong wanpela man o meri bai ken olsem:

• Bilong ol dispela husait pasin bilong ol bai bagarapim ol narapela.

• Bilong ol dispela husait i mekim ol bikpela sin.

• Bilong ol dispela husait i soim olsem ol i no mekim gut pasin bilong tanim bel long ol bikpela sin (lukim ol tingting insait long 32.7).

• Bilong ol husait i mekim bikpela sin bai givim hevi long Sios.

Wanpela wod, brans, o distrik membasip kaunsil bai ken rekomen long rausim Sios membasip bilong wanpela man o meri husait i no kisim temple endaumen. Tasol, dispela tok orait bilong stek o misen presiden em i mas kamap pastaim long disisen i kamap.

Ol dispela lain husait Sios membasip i raus bai no inap long kisim hamamas bilong sampela blesing bilong membasip.

• Ol bai no inap long go insait long temple o werim temple gamen klos. Sapos dispela man o meri i gat wanpela temple rekomen, lida bai kensolim insait long hia LCR.

• Ol bai no inap long mekim wok bilong prishud.

• Ol bai no inap long kisim sakramen o tek pat long sastenim ol Sios opisa.

• Ol bai no inap long givim toktok, o prea insait long ol Sios miting o bung o bai no inap long lidim wanpela ektiviti insait long Sios. Na tu ol bai nogat Sios koling.

• Ol bai no inap long baim taiting na ofaring.

Ol bai gat sapot long kam stap long ol miting na ektiviti bilong Sios sapos ol i stap gutpela na i no mekim bikhet pasin.

Ol dispela husait Sios membasip bilong ol i raus o bai tingting long kisim kam bek thru long baptisim na konpemesen. Planti taim, ol bai mas soim trutru olsem ol i tanim bel long wanpela yia. Bisop o stek presiden bai holim narapela membasip kaunsil long skelim kam bek bilong em insait long sios (lukim 32.16.1).

Ol Disisen na Risals long Membasip Kaunsil

Disisen	Risals
Disisen Stap long Gutpela Luksave (lukim 32.11.1)	Risals Nogat
Disisen Kaunseling bilong wanwan wantaim Bisop o Stek Presiden (lukim 32.11.2)	Risals Bai sampela gutpela blesing bilong membasip bai i gat ristriksen o tambu. Ol ristriksen o tambu bai stap insait long wanpela yia, sampela taim long ol sampela kain stap o sindaun, ol i ken go olsem moa long wanpela yia. Ol infomal ristriksen o tambu ol bai rausim ol bihain long pasin bilong tanim bel i go gut stret. Ol eksen bai no inap stap long membasip rekot.
Disisen Ol Fomal Membasip Ristriksen o tambu (lukim 32.11.3)	Risals Ol gutpela blesing bilong Membasip bai i gat tambu na ristriken. Ol tambu bai stap olsem wanpela yia o longpela liklik. Eksen bai stap long rekot bilong memba. Ol fomal tambu bai raus bihain long pasin bilong trupela tanim bel i kamap, membasip kaunsil na sapos em i neseseri, tok orait bilong Namba Wan Presidensi. Dispela membasip rekot mak bai raus bihain long wanpela membasip kaunsil (tasol i no ol inpomesen o nouts we i mas stap; lukim 32.14.5).
Disisen Rausim Membasip (lukim 32.11.4)	Risals Olgeta odinens bai stop. Olgeta gutpela blesing bilong membasip bai raus, long samting olsem wanpela yia. Wanpela man o meri bai orait long kam bek insait long Sios long baptisim na konpemesen tasol sapos em i trutru tanim bel, wantaim membasip kaunsil, na sapos i neseseri, wantaim tok orait bilong Namba Wan Presidensi (lukim 32.16). Wanpela husait i bin kisim pinis endaumen bilong em i ken kisim ol gen wantaim tok orait bilong Namba Wan Presidensi na bihain long wanpela pul yia long taim em i kam bek insait long Sios (lukim 32.17.2). Long wanpela husait i bin kisim pinis endaumen dispela mak i soim “Restoresen bilong ol Blesing I Mas Kamap ” em bai ol i rausim long membasip rekot bihain long odinens ol i mekim (ol anotesen i mas stap; lukim 32.14.5).

32.11.5

Ol Askim bilong Mekim Disisin long ol Hatpela Samting

Ol bishop bai dairektim ol askim long ol henbuk gaidlain bilong membasip kaunsil i go long stek presiden.

Long ol hatpela samting, stek presiden bai lukluk long kisim kaunsel long Eria Seventi i lukautim em. Stek presiden mas kaunsel wantaim Eria Presidensi long ol samting i stap long 32.6.3. Tasol, stek presiden i mas noken askim wanpela Eria Seventi o Jeneral Atoriti olsem wanem long mekim disisen long ol hatpela samting. Stek presiden bai mekim disisen sapos kaunsil ol i mas holim long stretim dispela samting. Sapos ol bai holim kaunsil, stek presiden o bisop bai mekim disisen long wanem samting bai kamap.

32.11.6

Namba Wan Presidensi Atoriti

Namba Wan Presidensi i gat atoriti long olgeta Sios membasip ristriken na pasin bilong rausim memba.

32.12

Ol Toksave na ol Anaunsmen

Disisen bilong membasip kaunsil ol bai toksave i go long dispela man o meri—na ol narapela sapos imas —olsem i stap long tok klia daunbilo.

32.12.1

Toksave long man o meri long dispela Disisen

Bisop o stek presiden bai toksave long dispela man o meri long disela disisen bilong kaunsil taim em i pinisim sindaun bilong em. Tasol, em i ken surukim kaunsil long painim moa gaidens o inpomesen pastaim long em i mekim disisen.

Wanpela wod, brans, o distrik membasip kaunsil bai ken rekomen long rausim Sios membasip bilong wanpela man o meri husait i no kisim temple endaumen. Tasol, dispela tok orait bilong stek o misen presiden em i mas kamap pastaim long disisen i kamap.

Bisop o stek presiden bai tok klia long ol samting i ken kamap bihainim disisen olsem i stap insait long 32.11. Orait em bai givim tu kaunsel long ol pasin bilong tanim bel bai ol tambu ol bai rausim na man o meri bai kam bek insait long Sios.

Bisop o stek presiden bai givim dispela man o meri notis ol i raitim long disisen na ol samting i ken kamap. Dispela notis bai gat wanpela jeneral stetmen olsem eksen ol i kisim long hevi i kamap na i no go wantaim ol lo na oda bilong Sios. Em bai gat ol kaunsel tu long pasin bilong rausim membasip tambu na kisim man i kam bek insait long Sios. Em bai toksave long man o meri olsem em i ken apil long dispela disisen (lukim 32.13).

Sapos dispela man o meri i no kam sindaun long kaunsil, ol bai raitim notis na givim long em na toksave long disisen bilong kaunsil. Bisop o stek presiden bai mitim tu dispela man o meri.

Bisop o stek presiden bai no inap long givim kopi bilong Ripot bilong Sios Membasip Kaunsil fom.

32.12.2

Toksave long ol narapela long Disisen

Sapos bisop o stek presiden i tambuim man o meri long ol gutpela blesing bilong membasip long taim bilong kaunseling wantaim em wan yet, em bai no inap long tokaut long narapela (lukim 32.8.3). Tasol, dispela ol lida bai tokaut namel long ol yet long ol dispela infomal tambu taim ol i halivim ol memba.

Sapos ol gutpela blesing bilong membasip bilong wanpela man o meri ol bai rausim long membasip kaunsil, bisop o stek presiden bai toksave long disisen i go long ol lain tasol husait bai i mas save. Dispela ol gaidlain bai imas bihainim.

• Em bai skelim ol nid bilong ol lain husait i kisim bagarap long dispela hevi na tu ol piling bilong ol lain famili.

• Em bai no inap long toksave long disisen sapos dispela man o meri bai apil long em. Tasol, em bai toksave olsem apil bai kamap sapos em i pilim olsem igat nid long lukautim sampela lain i ken kisim hevi. Em bai toksave tu long sapotim pasin bilong oraitim ol lain i bin kisim bagarap (tasol em bai no inap long tokaut long ol nem bilong ol) o long lukautim stretpela pasin bilong Sios.

• Olsem i stap long nid, bisop bai toksave long disisen long ol wod kaunsil memba wantaim strongpela toktok long noken autim long olgeta lain. Dispela em long tokaut long ol lida husait bai gat tingting long kisim dispela man o meri long koling, tisim ol lesen o givim ol prea o toktok. Em bai mekim olsem tu long sapotim ol lida long givim na soim gutpela pasin long dispela memba na ol famili bilong em.

• Wantaim tok orait i kam stek presiden,bisop bai toksave long dispela disisen long wod eldas kwarum na Rilief Sosaiti miting sapos ol dispela samting i bin kamap:

  • Pasin bilong painim na bagarapim laip bilong ol narapela.

  • Pasin bilong tisim ol giaman doktrin o narapela kain pasin bilong apostasi.

  • Ol kain sin olsem pasin bilong maritim planti man o meri o pasin bilong yusim kago kalt long kisim ol manmeri.

  • Go agensim ol pasin, eksen na tising bilong ol jeneral o lokal Sios lida long ai bilong olgeta manmeri olsem pablik.

• Long ol dispela samting, stek presiden bai nid long givim tok orait long toksave long ol memba long ol narapela wod insait long stek.

• Long sampela keis, bisop o stek presiden bai pilim olsem em bai halivim long toksave sampela o olgeta ol lain husait i bin kisim bagarap o ol viktim na ol famili bilong ol olsem membasip kaunsil ol i holim long dispela man o meri. Em bai mekim dispela thru long bisop bilong ol o stek presiden.

• Sapos pasin nogut bilong wanpela man o meri i putim ol narapela long birua, bisop o stek presiden bai givim tok lukaut long halivim ol narapela. Em bai no inap long autim ol inpomesen i hait and i noken mekim kainkain toktok.

• Long olgeta narapela keis, bisop o stek presiden bai mekim wanpela jeneral stetmen tasol. Em bai mekim stetmen olsem Sios membasip na ol gutpela blesing bilong dispela man o meri ol i rausim bikos em i mekim ol sampela samting i no stret wantaim lo na oda bilong Sios. Em bai askim ol lain i stap long noken toktok long dispela samting. Em bai no inap long askim sapos ol bai sasteinim dispela eksen o bai noken sasteinim.

• Sapos memba i stap long gutpela luksave bihain long membasip kaunsil (lukim 32.11.1),bisop o stek presiden bai toksave long rausim ol giaman stori.

32.12.3

Toksave long Memba i Risain

Long sampela keis, bisop bai nid long toksave olsem dispela man o meri i risain na lusim Sios na i no moa memba long Sios (lukim 32.14.9). Bisop bai no inap long givim ol narapela stori.

32.13

Apil bilong Disisen

Memba bai i ken apil long disisen bilong wod membasip kaunsil i go long stek presiden insait long 30 pela de. Stek presiden bai holim stek membasip kaunsil long skelim dispela apil. Em bai askim tu bisop long holim gen wanpela kaunsil long lukluk gen long disisen, moa yet sapos i gat nupela inpomesen.

Memba bai ken apil long disisen bilong Stek membasip kaunsil wantaim leta bai raitim i go long Namba Wan Presidensi insait long 30 pela de. Memba bai givim leta i go long stek presiden long sabmitim i go long Namba Wan Presidensi.

Insait long misin, memba bai ken apil long dispela disisen bilong brans o distrik membasip kaunsil i go long misin presiden insait long 30 pela de. Misin presiden bai holim membasip kaunsil long skelim dispela apil. Sapos i nogat taim o ples i longwe, em bai bihainim ol toktok i stap insait long 32.9.4.

Sapos misin presiden i bin holim kaunsil, memba bai apil long disisen wantaim leta em bai raitim i go long Namba Wan Presidensi insait long 30 pela de. Memba bai givim leta i go long misin presiden long sabmitim i go long Namba Wan Presidensi.

Man o meri husait i apil bai raitim stret ol samting i no stret insait long disisen.

Sapos membasip kaunsil ol i holim long skelim apil, wanpela o tupela disisen i ken kamap:

• Namba wan disisen i mas stap.

• Senisim liklik dispela namba wan disisen.

Disisen bilong Namba Wan disisen em i fainal na i no inap long apil long em.

32.14

Ol Ripot na Membasip Rekot

32.14.1

Ripot bilong Sios Membasip Kaunsil

Bihain long membasip kaunsil bisop o stek presiden bai hariap na sabmitim Ripot bilong Sios Membasip Kaunsil fom igo thru LCR. Em bai askim klek long redim ripot. Em bai mekim sua olsem nogat kopi bai stap nabaut long hap. Em bai mekim sua tu olsem olgeta nouts bilong redim ripot olgeta i mas rausim na i noken stap nabaut.

32.14.2

Ol Fomal Sios Membasip Ristriksen

Olgeta Fomal Sios Membasip Ristriksen bai stap long ol nouts long membasip rekot bilong dispela man o meri. Sios hetkwata bai mekim dispela nout bihain long ol i kisim dispela Ripot bilong Sios Membasip Kaunsil. Taim memba i tanim bel pinis, lida mas holim narapela kaunsil long skelim na rausim ol dispela tambu (lukim 32.16.1).

32.14.3

Ol Rekot Bihain long Sios Membasip bilong Man o Meri i Raus

Sapos Sios membasip bilong wanpela man o meri i raus, Sios hetkwata bai rausim membasip rekot bihain long ol i kisim Ripot bilong Sios Membasip Kaunsil. Sapos dispela man o meri i laikim, ol lida bai halivim em long redi long kam bek insait long Sios thru long bapitisim na konpemesen (lukim 32.16.1).

32.14.4

Ol Rekot bihain long Kam Bek Insait long Sios

Bihain long man o meri i kam bek insait long Sios, bisop bai sabmitim wanpela Ripot bilong Sios Membasip Kaunsil fom. Noken mekim wanpela Baptisim na Konpemesen Setifiket. Tasol, baptisim na konpemesen bai stap long rekot long dispela Ripot bilong Sios Membasip Kaunsil fom.

Sapos memba i no bin kisim endaumen yet, Sios hetkwata bai asainim wanpela membasip rekot i soim ol det bilong namba wan baptisim na ol narapela odinens. Dispela rekot bai no inap soim dispela taim em i lusim membasip long Sios.

Sapos memba i bin kisim pinis endaumen, Sios hetkwata bai mekim nupela membasip rekot long soim nupela baptisim na konpemesen det. Dispela rekot bai gat tu dispela toksave “Restoresen bilong ol Blesings I Mas Stap.” Bihain long ol blesing bilong memba i kam bek (lukim 32.17.2),membasip rekot bai apdet long soim ol det bilong namba wan baptisim na ol narapela odinens. Em bai nogat referens i go long Sios membasip i bin lus.

32.14.5

Membasip Rekot wantaim ol Nouts

Wantaim Tok Orait bilong Namba Wan Presidensi, Sios Hetkwata bai mekim ol nouts long membasip rekot bilong man o meri long ol dispela kain situesen daunbilo.

1. Bisop o stek presiden bai sabmitim wanpela Ripot bilong Sios Membasip Kaunsil fom i soim olsem membasip bilong dispela man o meri i bin tambu i raus long wanpela long ol dispela samting:

   1. Pasin Nogut Tanim Plet

   2. Pasin nogut bilong mekim laik bilong skin long pikinini o yut, o sampela bikpela bagarap long skin o tingting o abius bilong pikinini o yut

   3. I mekim ol samting olsem piksa nogut wantaim ol pikinini olsem i stap long 38.6.6

   4. Pasin bilong maritim planti meri o man

   5. Ol bikpela man o meri i mekim pasin bilong laik bilong skin

   6. Trensgenda—pasin bilong man i senis na kamap meri na meri senis na kamap man (lukim 38.6.23)

   7. Paulim o stilim moni bilong Sios o propati (lukim 32.6.3.3)

   8. Abiusim o bagarapim sios welfea

   9. Pasin bilong poretim ol narapela (kain olsem pasin bilong slip wantaim narapela, pasin bilong pait, na pinisim moni bilong narapela) o mekim samting i bagarapim Sios.

2. Bisop na stek presiden bai raitim na sabmitim notis olsem dispela man o meri:

   1. I tokaut olsem kot i kisim em long birua we em i brukim lo long wanpela ol samting antap.

   2. Em i gat hevi long sampela pasin bilong brukim lo o sampela eksen olsem long antap.

Taim bisop i kisim sampela nouts long membasip rekot, em bai bihainim ol instraksen insait long ol nouts.

Namba Wan Presidensi tasol bai givim tok orait long rausim ol nouts i stap long membasip rekot. Sapos stek presiden i givim rekomendesen long rausim ol nouts, em bai yusim LCR (lukim 6.2.3). Opis bilong Namba Wan Presidensi bai toksave long em sapos dispela rekomendesen i gat tok orait o nogat.

32.14.6

Ripotim Stil Pasin long ol Sios Fans

Sapos membasip bilong wanpela man ol i putim tambu long em o rausim bikos em i paulim moni bilong Sios, bisop o stek presiden bai ripotim olsem i stap long 34.7.5.

32.14.7

Surukim ol Ristriksen o Tambu long Membasip Rekot

Sampela taim wanpela Sios memba bai suruk taim membasip eksen o ol narapela bikpela wari i no pinis yet. Sampela taim bisop bai nid long serim inpomesen wantaim nupela bisop pastaim long surukim ol membasip rekot i go long nupela yunit. Long dispela keis, bisop (o klek sapos em i gat tok orait) bai putim wanpela stop long surukim ol membasip rekot. Ol rekot bai stap pastaim long yunit inap bisop (o klek sapos em i gat tok orait) bai rausim ol ristriksen o tambu. Dispela bai givim sans long bisop long toksave long ol wari na ol inpomesen.

32.14.8

Ol Rekot bilong ol Lain Husait i Stap long Kalabus

Sampela memba kot i holim ol long birua ol i mekim na brukim lo na ol i stap long kalabus. Bisop o stek presiden bilong yunit we man o meri i save stap taim dispela birua i kamap bai go het wantaim ol eksen imas kamap long rausim membasip bilong dispela man o meri. Sapos ol gutpela blesing bilong membasip bai tambu, lida (o klek sapos em i gat tok orait) bai salim membasip rekot i go long yunit i stap long ples we man o meri i stap long kalabus. Sapos membasip i raus, bisop o stek presiden bai mekim kontek wantaim lida bilong dispela yunit. (Lukim 32.15.)

32.14.9

Ol Rikwes long Membasip bai Risain

Sapos memba i askim long risain long membasip insait long Sios, bisop bai go na lukim na toktok long memba sapos em bai laik toktok na stretim ol hevi. Bisop na memba bai laik kaunsel wantaim stek presiden tu. Lida bai mekim sua olsem memba i klia gut long ol dispela samting bai kamap sapos em i risain long Sios membasip:

• Olgeta odinens bai raus.

• Olgeta gutpela blesing bilong membasip bai raus.

• Kam bek long Sios thru long baptisim na konpemesen bai kamap bihain long wanpela longpela intaviu na, long planti keis, wantaim membasip kaunsil (lukim 32.16.2).

• Memba husait i endau pinis i ken kisim restoresen bilong ol prishud na temple blesing tasol wantaim tok orait bilong Namba Wan Presidensi na i mas bihain long wanpela pul yia bilong kam bek (lukim 32.17.2).

Sapos memba i laik yet long risain long membasip, em yet mas givim rikwes em i raitim na sainim, long bisop. Bisop bai sabmitim rikwes i go long stek presiden thru long LCR. Stek presiden bai lukluk gen long dispela na sabmitim rikwes thru long dispela sistem. Ol lida i mas mekim samting long ol rikwes hariap tru.

Wanpela man o meri i ken risain long membasip tu taim em i salim wanpela rikwes em i sainim, na notim i go long Sios hetkwata.

Sapos pikinini husait i stap aninit long krismas we lo i tok em i ken lukautim em yet i laik risain long membasip bilong em, em bai bihainim dispela wankain rot olsem bikpela man o meri, tasol: dispela rikwes i mas gat sain bilong em yet (sapos krismas i moa long 8) na tu papamama o lukaut papamama bilong dispela pikinini.

Sapos memba husait i risain long membasip i poretim Sios o ol lida bilong Sios wantaim sampela kain eksen bilong lo,stek presiden bai bihainim ol instraksen insait long 38.8.23.

Wanpela rikwes long risain long membasip ol i mas lukluk long em maski ol prishud lida i gat inpomesen long bikpela sin. Ol inpomesen long sampela sin ol i no stretim bai stap long nouts taim rikwes i sabmit thru long LCR. Dispela bai givim taim long ol prishud lida long stretim ol dispela kain samting long bihain taim sapos dispela man o meri i aplai kam bek gen insait long Sios (lukim 32.16.2).

Prishud lida i noken rekomen long risain long Sios membasip long abrusim membasip kaunsil.

Ol lida i mas go het long minista i go long ol lain husait i risain long membasip inap ol yet i askim ol long noken mekim kontek.

---

GIVIM GO BEK OL GUTPELA BLESING BILONG SIOS MEMBASIP

---

Sapos wanpela man o meri i rausim ol gutpela blesing bilong membasip bilong em, ol lida i mas go het wantaim wok bilong pelosip , kaunsel na sapotim em sapos em i larim ol long mekim olsem. Dispela seksen i tok klia moa long olsem wanem na ol dispela gutpela blesing bai kam bek.

32.15

Go het long Minista

Wok bilong bisop o stek presiden olsem jas i no inap long stop taim memba i kisim ol tambu o ristriksen long membasip bilong em o ol i rausim ol Sios membasip bilong em. Em i mas go het long minista, olsem long laik bilong dispela man o meri, bai em i ken painim hamamas bilong ol dispela blesing bilong Sios membasip. Bisop bai bung wantaim dispela man o meri na, long taim i gat gutpela halivim o i gat gutpela taim, wantaim man o meri bilong em. Seivia i tisim ol lain bilong Nifai:

“Tasol, yupela noken rausim em long ol sinagog bilong yupela, long wanem, yupela bai minista yet long kain man, long wanem, yupela i no save tasol sapos ol bai kam bek na tanim bel, na kam long mi wantaim olgeta bel, na mi bai hilim ol, na yupela bai kamap ol samting bilong wok long bringim salvesen long ol” (3 Nephi 18:32).

Dispela taim bihain tasol long membasip bilong wanpela man o meri i kisim ol tambu o ristriksen em i hatpela taim bilong dispela man o meri na famili bilong em. Ol lida i mas pilim ol dispela kain hevi bilong ol na givim sapot long halivim ol famili memba.

Bisop bai mekim sua olsem ol memba i gat gutpela pasin bai kisim asainmen long lukluk long dispela man o meri husait Sios membasip bilong em i gat tambu o ristriksen, long laik bilong em yet na sapos em i tok orait. Ol bai minista tu long ol narapela famili memba. Ol wanwan man o meri husait i gat membasip tambu o ristriksen i ken kisim gutpela samting taim ol i tek pat long mekim indeksing (lukim 25.4.3).

Sapos dispela man o meri i suruk na lusim dispela wod, bisop bai toksave long nupela bisop na tok klia long wanem wok i stap yet pastaim long Sios membasip tambu o ristriksen bai i ken raus. Sapos membasip bilong dispela man o meri i bin raus long Sios o dispela man o meri i risain long membasip, dispela bisop bai mekim yet dispela sem kontek sapos dispela man o meri i wanbel long kisim halivim bilong ol Sios lida.

32.16

Wok bilong Rausim ol Fomal Tambu o Ristriksen o Kisim kam Bek insait long Sios

32.16.1

Membasip Kaunsil bilong Rausim ol Fomal Ristriksen o Tambu na Kisim Kam Bek dispela Man o Meri

Taim ol gutpela blesing bilong membasip i gat tambu o ristriksen insait long membasip kaunsil, ol i mas holim narapela kaunsil long skelim dispela wok bilong rausim ol ristriksen o tambu o kisim kam bek dispela man o meri insait long Sios. Dispela kaunsil i mas gat wankain atoriti (o antap moa ) olsem dispela namba wan kaunsil. Olsem eksampel, sapos stek o misin presiden i stap prisaid long dispela namba wan kaunsil, wanpela stek o misin presiden bai prisaid long namba tu kaunsil long skelim wok bilong rausim ol tambu o ristriksen o kisim man o meri i kam bek insait long Sios.

Dispela bisop o stek presiden bilong nau yet bai holim kaunsil. Namba wan samting em bai mekim sua olsem dispela man o meri i tanim bel na i redi na weti long kisim ol hamamas bilong Sios membasip.

Ol dispela lain husait Sios membasip bilong ol i bin gat tambu o ristriksen i mas soim trutru tanim bel long wanpela yia pastaim long ol lida i skelim wok bilong rausim ol dispela tambu o ristriksen. Ol dispela husait Sios membasip bilong ol i raus i mas olgeta taim soim trupela tanim bel long wanpela yia pastaim long ol i ken skelim kam bek bilong ol insait long Sios. Long wanpela memba husait i holim wanpela bikpela posisen insait long Sios long taim bilong dispela bikpela sin, dispela taim bilong tanim bel bai longpela liklik moa (lukim 32.6.1.4).

Wanpela kaunsil long skelim wok bilong rausim ol tambu o long kisim man o meri i kam bek insait long Sios bai bihainim ol wankain gaidlain olsem ol narapela membasip kaunsil. Bisop bai nidim tok orait i kam long stek presiden long holim dispela kaunsil. Insait long misin, brans o distrik presiden bai nidim tok orait i kam long misin presiden.

Bihainim ol dispela gaidlain long taim bilong holim membasip kaunsil long skelim wok bilong rausim ol tambu na kisim man o meri i kam bek insait long Sios. I no olgeta gaidlain bai yu mas bihainim long wanwan keis.

1. Lukluk gen long dispela namba wan membasip kaunsil. Bisop o stek presiden bai lukluk gen long dispela Ripot bilong Sios Membasip Kaunsil fom. Em bai askim long kopi thru long LCR. Bihain long em i lukluk na skelim gut dispela fom, em bai mekim kontek wantaim bisop o stek presiden we namba wan kaunsil ol i bin holim long kisim moa klia tingting.

2. Mekim Intaviu wantaim dispela man o meri. Bisop o stek presiden bai mekim intaviu wantaim dispela man o meri gut tru long save gut moa long strong na feit bilong dispela man o meri long Jisas Krais na olsem wanem tru tanim bel bilong em bin go. Em bai mekim disisen tu sapos dispela man o meri i mekim gut na i mitim ol kondisen i stap insait long dispela namba wan eksen.

3. Mekim disisen long stetus bilong kriminal o sivil kot eksen. Sampela taim man o meri bai go sanap long kot bikos em i brukim lo. Sampela taim man o meri bai stap insait long hevi wantaim lo bikos long pasin i no stap bihainim lo. Long dispela keis, lida bai i no inap holim wanpela kaunsil inap dispela man o meri i pinisim olgeta kondisen bilong sentens, oda, o jasmen ol atoriti i mekim. Ol dispela kain kondisen i ken minim olsem kalabus, probesen, parol na baim kot o samting bilong narapela i bagarap. Sampela samting bai i mas gat tok orait bilong Namba Wan Presidensi pastaim long ol i holim membasip kaunsil. Dispela ol samting i ken olsem wanpela husait i pinisim ol samting lo i tok em mas mekim na i soim trupela tanim bel tasol i stap long probesen long laip bilong em o i gat bikpela moni em bai baim.

4. Mekim kontek wantaim ol lida bilong ol viktim o lain i kisim bagarap. Bisop o stek presiden bai mekim kontek wantaim bisop o stek presiden bilong ol dispela viktim o lain i kisim bagarap (lukim 32.10.2).

5. Givim notis long kaunsil bai kamap Em bai toksave long dispela man o meri long det, taim, na hap kaunsil bai kamap.

6. Kondaktim dispela kaunsil. Em kondaktim kaunsil bihainim ol gaidlain i stap insait long 32.10.3. Em bai askim man o meri wanem samting em i mekim long tanim bel. Em bai askim em tu long komitmen bilong em long Jisas Krais na long Sios. Taim olgeta samting bilong toktok i pinis, em bai ekskusim memba. Wantaim ol kaunsela bilong em, em bai pre long save wanem kain eksen em i mas kisim. Tripela disisen em i bai kisim i olsem:

   1. Go het wantaim membasip ristriken o rausim.

   2. Rausim ol tambu o ristriksen o givim tok orait long kisim memba kam bek insait long Sios.

   3. Rekomen i go long Namba Wan Presidensi olsem ol tambu o ristriksen bai raus o kisim kam bek bilong memba insait long Sios bai kisim tok orait (sapos i neseseri olsem i stap long “Aplai long tok orait bilong Namba Wan Presidensi” daunbilo).

7. Serim dispela disisen. Bihain long kaunsil i mekim disisen, dispela opisa i prisaid bai serim wantaim dispela man o meri. Sapos tok orait bilong Namba Wan Presidensi i impoten, em bai tok klia olsem dispela disisen i stap olsem rekomendesen i go long Namba Wan Presidensi.

8. Sabmitim wanpela ripot. Bisop o stek presiden bai sabmitim wanpela Ripot bilong Sios Membasip Kaunsil fom thru long LCR Em bai askim klek long redim dispela ripot. Em bai mekim sua olsem nogat had kopi o kopi bilong komputa i stap long hap. Em bai mekim sua tu olsem olgeta nout ol i yusim long redim ripot bai i mas rausim olgeta hariap tru.

9. Bai aplai long kisim tok orait bilong Namba Wan Preidensi (sapos i impoten). Insait long ol dispela kain sindaun o stap, tok orait bilong Namba Wan Presidensi em i impoten long rausim fomal membasip tambu o ristriksen i stap o kisim kam bek dispela man o meri insait long Sios. Dispela tok orait i mas stap maski sapos pasin i bin kamap bihain long Sios membasip i bin gat ristriken o i bin raus.

   Stek presiden bai sabmitim wanpela aplikesen i go long Namba Wan Presidensi tasol sapos em i rekomendim tok orait (lukim 6.2.3).

   1. Pasin bilong Kilim

   2. Inses (Pasin nogut bilong Tanim Plet)

   3. Abius bilong pikinini o yut long pasin nogut bilong slip wantaim pikinini o yut wantaim dispela pasin bilong pinisim laik bilong skin, o bikpela bagarap long skin bilong pikinini o yut we bikpela man o meri o yut i gat moa krismas i mekim.

   4. Pasin bilong mekim piksa nogut o ponograpi taim man o meri i stap long hevi bilong brukim lo.

   5. Apostasi

   6. Pasin bilong maritim planti meri o man

   7. Mekim bikpela sin taim wanpela i holim wanpela bikpela posisen insait long Sios.

   8. Trensgenda—pasin bilong man i senis na kamap meri na meri i senis na kamap man (lukim 38.6.23)

   9. Paulim moni bilong Sios o propati

10. Givim notis ol i raitim long dispela disisen. Bisop o stek presiden bai mekim sua olsem dispela man o meri bai kisim hariap tru notis ol i raitim long dispela disisen na ol wanem samting i ken kamap.

11. Baptaisim na konpemim. Sapos Sios membasip bilong dispela man o meri i bin raus long namba wan kaunsil, em i mas kisim baptisim na konpemesen gen. Sapos i mas gat tok orait bilong Namba Wan Presidensi, ol dispela odinens bai ken kamap tasol bihain long tok orait i kamap. I nogat nid long mekim Baptisim na Konpemesen Setifiket (lukim 32.14.4).

32.16.2

Kisim Kam Bek Bihain long Man o Meri i Risain long Sios Membasip

Sapos wanpela man o meri i bin risain long Sios membasip, em i mas baptais na konpem gen long kisim kam bek bilong em insait long Sios. Bilong ol bikpela man meri, kam bek insait long Sios i no inap long kamap inap long wanpela yia bihain long em i risain long membasip.

Taim wanpela man o meri i rikwes long kam bek insait long Sios, bisop o stek presiden bai kisim kopi bilong ripot bilong Edministretiv Eksen fom we i bin go wantaim dispela rikwes long risain. Em i ken kisim dispela thru long LCR.

Bisop o stek presiden imas mekim intaviu wantaim dispela man o meri gut tru. Em bai askim long ol as bilong namba wan rikwes na laik bilong kam bek insait long Sios. Wantaim spirit bilong lav, em bai askim long ol bikpela sin em i bin mekim pastaim o bihain long em i risain long membasip. Lida bai no inap long go het wantaim kisim kam bek insait long Sios inap em i wanbel olsem dispela man o meri i tanim bel trutru na i redi na weti long kisim na hamamas wantaim ol blesing bilong Sios membasip.

Ol gaidlain bilong kisim kam bek bihain long em i risain bai olsem:

• Membasip kaunsil ol bai holim sapos membasip bilong dispela man o meri i bin gat fomal tambu o ristriksen long taim bilong em i risain.

• Membasip kaunsil ol bai holim sapos dispela man o meri i mekim bikpela sin, olsem apostasi, pastaim long em i risain long membasip.

Long ol narapela sindaun o stap, wanpela membasip kaunsil ol bai no inap long holim inap bisop o stek presiden i mekim disisen olsem i gat nid long holim.

Taim membasip kaunsil i impoten long wanpela man o meri husait i bin kisim pinis temple endaumen bilong em, stek presiden bai holim. Taim kaunsil i impoten long wanpela man o meri husait i no kisim yet endaumen bilong em, bisop bai holim, wantaim tok orait i kam long stek presiden.

Sapos dispela man o meri i stap long sampela kain pasin olsem i stap insait long 32.16.1, number 9, pastaim o bihain long em i risain long Sios membasip, tok orait bilong Namba Wan Presidensi i mas stap long kisim em kam bek long Sios. Sapos dispela man o meri i stap long dispela kain pasin olsem i stap insait long 2.14.5, number 1, pastaim o bihain long em i risain long membasip, ol bai raitim ol sampela toktok long membasip rekot bilong em.

Wanpela man o meri husait i rikwes long kam bek insait long Sios i mas mitim olgeta wankain mak olsem ol narapela husait i baptais pinis. Taim bisop o stek presiden i hamamas na wanbel olsem dispela man o meri i weti na trutru i gat laik long kam bek, dispela man o meri bai kisim baptisim na konpemesen gen. I nogat nid long mekim Baptisim na Konpemesen Setifiket (lukim 32.14.4).

man i kisim sakramen

32.17

Sios Ektiviti, Odinesen na Restoresen bilong ol Blesing bihain long Kam Bek bilong wanpela man o meri

32.17.1

Sios Ektiviti na Odinesen

Dispela sat i soim ol gutpela level bilong Sios ektiviti bilong wanpela man o meri husait i kam bek insait long Sios wantaim baptisim na konpemesen.

	I No Kisim Endaumen	I Kisim Endaumen
Ol Lain i Holim Prishud Pastaim	I No Kisim Endaumen Hariap tru bihain long baptisim na konpemesen, bai ken kisim prishud na tu odein long opis bilong prishud ol i bin holim taim ol i bin rausim o risain long Sios membasip. Ol bai no inap long sanap long kisim sasteining. Ol bai ken kisim temple rekomen long mekim ol proksi baptisim na konpemesen.	I Kisim Endaumen Bai no inap long odein long sampela prishud opis. Taim prishud na temple blesing bilong ol i kam bek, ol bai kisim bek olpela prishud opis bilong ol olsem i stap long 32.17.2. Ol bai no inap long mekim ol odinens inap long dispela taim. Ol bai tek pat long ol Sios ektiviti we ol lain i no endau i ken go husait i no holim prishud. Bai no inap long werim temple gamen klos o kisim eni kain temple rekomen inap long olgeta blesing i kam bek.
Ol Narapela Memba	I No Kisim Endaumen Bai tekpat long ol Sios ektiviti olsem nupela konvet. Ol bai ken kisim temple rekomen long mekim ol proksi baptisim na konpemesen.	I Kisim Endaumen Ol bai tekpat long ol Sios ektiviti we ol lain i no endau i ken go husait i no holim prishud. Bai no inap long werim temple gamen klos o kisim eni kain temple rekomen inap olgeta blesing i kam bek (lukim 32.17.2).

32.17.2

Bringim Kam Bek ol Blesing

Ol man o meri husait pastaim i bin kisim endaumen na i kam bek thru long baptisim na konpemesen ken kisim ol prishud na temple blesing tasol thru long odinens bilong bringim kam bek ol blesing (lukim Doctrine and Covenants 109:21). Ol bai no inap long odein i go long ol prishud opis o endau gen. Ol dispela blesing bai kam bek thru long odinens. Ol bretren bai kam bek long olpela prishud opis bilong ol, tasol i no opis bilong Seventi, bisop o patriak.

Namba Wan Presidensi tasol i ken givim tok orait long mekim odinens bilong bringim kam bek ol blesing. Ol bai no inap long skelim aplikesen bilong dispela odinens hariap long wanpela yia bihain long man o meri bai kam bek thru long baptisim na konpemesen.

Bisop na stek presiden bai mekim intaviu wantaim man o meri long mekim disisen sapos em i weti o redi. Taim stek presiden i pilim olsem dispela man o meri i redi, em bai aplai long bringim kam bek ol blesing thru long LCR. Lukim 6.2.3 long wok bilong stek presiden long taim em i sabmitim aplikesen i go long Namba Wan Presidensi.

Sapos Namba Wan Presidensi i tok orait long bringim kam bek ol blesing, ol bai makim wanpela Jeneral Atoriti o stek presiden long mekim intaviu wantaim dispela man o meri. Sapos dispela man o meri i woti, dispela lida bai mekim ol odinens long bringim kam bek ol blesing bilong dispela man o meri.

Long moa inpomesen long membasip rekot na bringim kam bek ol blesing, lukim 32.14.4.