iVoladusidusi Raraba: Veiqaravi e Na Lotu i Jisu Karisito ni Yalododonu Edaidai

Lewe ni iVola
Tabana ni Ulutaga
Na iVakaleka ni Veika e Vakavoui
0. Rairaraba ni iTavaki
Yavu Vakaivunau
- 1. iTuvatuva ni Kalou kei na Nomu iTavi ena Nona Cakacaka ni Veivakabulai kei na Bula Vakacerecerei
- 2. Tokoni ni Tamata Yadua kei na Matavuvale ena Nona Cakacaka ni Veivakabulai kei na Bula Vakacerecerei na Kalou
- 3. iVakavuvuli ni Matabete
- 4. Veiliutaki kei na Matabose ena Lotu i Jisu Karisito
Mataisoqosoqo ni Lotu
- 5. Veiliutaki Raraba kei na iWasewase
- 6. Veiliutaki ni iTeki
- 7. Na Matabisopi
- 8. Kuoramu ni iTalatala Qase
- 9. Soqosoqo ni Veivukei
- 10. Kuoramu ni Matabete i Eroni
- 11. Goneyalewa
- 12. Lalai
- 13. Matawilivola ni Sigatabu
- 14. Lewenilotu Sega ni Vakawati
- 15. Semineri kei na Inisitute ni Lotu
Nona Cakacaka ni Veivakabulai kei na Bula Vakacerecerei na Kalou
- Bulataki ni Kosipeli i Jisu Karisito
  - 16. Bulataki ni Kosipeli i Jisu Karisito
  - 17. Vakatavulici ni Kosipeli
  - 18. Qaravi ni Cakacaka Vakalotu kei na Veivakalougatataki ni Matabete
  - 19. Sere
  - 20. iTaviqaravi
- Nodra Vukei na Vakaleqai Tu
  - 21. Veiqaravi
  - 22. Vakarautaki ni Veika Vakayago ka Tarai Cake na Bula Rawati Koya
- Sureti na Tamata Kecega me Ciqoma na Kosipeli
  - 23. Wasei ni Kosipeli kei na Vaqaqacotaki ni Lewenilotu Vou kei ira sa Lesu Mai
  - 24. Vakatutu kei na Veiqaravi ni Daukaulotu
- Vakaduavatataki na Matavuvale me Tawamudu
  - 25. Cakacaka ni Valetabu kei na Tuvakawa ena Tabanalevu kei na iTeki
  - 26. iVolatara ni Valetabu
  - 27. Cakacaka Vakalotu ni Valetabu baleti Ira na Bula
  - 28. Cakacaka Vakalotu ni Valetabu baleti Ira na Mate
Veiliutaki ena Lotu
- 29. Veisoqoni ena Lotu
- 30. Veikacivi ena Lotu
- 31. Veivakatarogi kei na Soqoni Tale Eso vata kei ira na Lewenilotu
- 32. Veivutuni kei na Matabose ni Lewe ni Lotu
- 33. iVolatukutuku kei na Ripote
- 34. Veika Vakailavo kei na Dikevi ni Fika
- 35. Qarauni kei na Vakayagataki ni Veivalenisoqoni
- 36. Tauyavutaki, Veisautaki, kei na Vakatokayacataki ni Tabanilotu Vou
- 37. iTeki, Tabanalevu, kei na Tabana Vakatabakidua
  - 37.0. iVakamacala Taumada
  - 37.1. Tabanalevu kei na Tabana Vosatani
  - 37.2. Tabanalevu ni iTabagone Qase Cake kei na Tabana ena dua na iTeki Waseivakavanua
  - 37.3. iTeki ni iTabagone Qase Cake kei na Nodra Tabanalevu kei na Tabana
  - 37.4. iTeki kei na Tabanalevu ni Gonevuli Vakawati
  - 37.5. Tabanalevu ni Uabula Dawai
  - 37.6. Nodra Tabanalevu kei na Tabana na Lewenilotu iTuvaki Duatani
  - 37.7. iLawalawa ena iTeki, Tabana ni Kaulotu, kei na iWasewase
  - 37.8. Taba ni Lotu ena iTikotiko Vakaivalu
- 38. Lawatu kei na iDusidusi ni Lotu

37. iTeki, Tabanalevu, kei na Tabana Digitaki

“37. iTeki, Tabanalevu, kei na Tabana Digitaki,“ iVoladusidusi Raraba: Veiqaravi e Na Lotu i Jisu Karisito ni Yalododonu Edaidai (2024).

“37. iTeki, Tabanalevu, kei na Tabana Digitaki,“ iVoladusidusi Raraba.

37.

iTeki, Tabanalevu, kei na Tabana Digitaki

37.0

iVakamacala Taumada

E rawa vua e dua na peresitedi ni iteki me vakatura na tauyavutaki ni iteki, tabanalevu, kei na tabana digitaki me qaravi ira na lewenilotu me vaka e vakamacalataki ena wase oqo. Me baleta na ivakamacala ni kena tauyavutaki na tabanilotu digitaki ena tabana ni kaulotu, raica na 36.3.

E na tekivuna e dua na peresitedi ni iteki e dua na vakatutu vou ena Vakatutu ni iYalayala kei na Veiliutaki. Kevaka e sega ni rawa ni vakalewena na kena ka toka ena initaneti, e sa rawa ni lavetaka mai e dua na fomu ena nona tabaka na isema ka toka e na initaneti. Na Mataveiliutaki Taumada duadua ga e rawa ni vakadonuya na vakatutu.

Me baleta na veitokoni e Amerika kei Kenada, qirita na 1-801-240-1007. Ena taudaku kei Amerika kei Kenada, qirita na valenivolavola ni iwasewase.

37.1

Na Tabanalevu kei na Tabana ni Vosa Eso

Edua na peresitedi ni iteki e rawa ni vakatututaka na tauyavutaki ni dua na tabanalevu se tabana vaka vosa-vata vei ira na lewenilotu ena iteki era:

Vosataka e dua tale na vosa ka sega ni vosa ni nodra tabanilotu.
Vakayagataka na vosa va-galu.

Ena vanua e sega ni veirauti kina na lewenilotu ena dua vei ira na ituvaki oqo me tauyavutaki kina edua na tabana duidui, sa na rawa vua edua na peresitedi ni iteki me vakatura me tauyavutaki edua na ilawalawa (raica na 37.7).

E rawa talega vua e dua na peresitedi ni iteki me vakatura na tauyavutaki ni dua na tabanalevu se tabana ni vosa eso me ra oka kina o ira na lewenilotu mai na dua se sivia na iteki voleka. Na peresitedi ni vei iteki oqori me ra tuvanaka ka cokonaka vata na vakatutu. E dua vei ira na iteki era vakaitavi kina me na qarava na tabanalevu se tabana.

Sa rawa vua edua na peresitedi ni tabana ni kaulotu me vakatura me tauyavutaki edua na tabana se ilawalawa vaka vosa-vata me walia na veituvaki vata oqo (raica na 36.3 kei na 37.7).

Vei Ka e Gadrevi e na Kena iVakatagedegede e Ra me Tauyavu kina e Dua na Tabanalevu se Tabana ni Vosa Eso ena iTeki

	Tabanalevu	Tabana
iWiliwili ni lewenilotu (bulabula kei ira era malumalumu tu vakayalo)	Tabanalevu 125	Tabana Sega ni dua na iyalayala e ra
iWiliwili ni lewe ni Matabete i Melikiseteki bulabula, dau saumi ikatini vakadodonu ka rawa ni veiqaravi ena itutu ni veiliutaki eso	Tabanalevu 15	Tabana 4

Na iyalayala ni tabanilotu vosatani ena muria ga na iyalayala ni tabanalevu, tabana, kei na iteki raraba.

O ira na gone kei na itabagone ena tabanilotu vosatani e rawa ni cokovata nodra kalasi kei ira ena tabanilotu raraba kevaka e gadrevi (raica na 29.2.8).

Raica na 36.3 me baleta na tabana ni vosa eso ena tabana ni kaulotu. Raica na 36.4.2 me baleta na idusidusi ni kena vakayacani na tabanalevu kei na tabana

37.1.1

Lewenilotu ena Tabanalevu se Tabana ni Vosa Eso

E dodonu me ra vakaitikotiko na lewenilotu ena loma ni iyalayala ni tabanalevu se tabana ni vosa eso.
E rawa ni ra digitaka na lewenilotu me ra lewena na tabanilotu vosatani se na nodra tabanilotu raraba.
Na ivolatukutuku ni lewenilotu ni tamata yadua sa dodonu me tiko e na tabanilotu e lotu tiko kina.

37.1.2

Veiliutaki ena Tabanalevu se Tabana ni Vosa Eso

Vakararaba, na bisopi se peresitedi ni tabana kei rau na nona daunivakasala ena kacivi ga mai e na loma ni iyalayala ni tabanilotu ni vosa eso. E rawa ni vakagalalataki mai na tikina oqo o ira na iliuliu era sega ni vakaitikotiko ena loma ni tabanilotu kevaka era tiko ena loma ni iteki veiqaravi.
Sa gadrevi na nodratou veivakadonui na Mataveiliutaki Taumada ni bera ni kacivi e dua na bisopi.
Vakararaba, o ira na iliuliu kei na qasenivuli tale eso era kacivi mai vei ira na lewe ni tabanalevu se tabana.

37.2

Tabanalevu kei na Tabana ni iTabagone Qase Cake Sega ni Vakawati ena dua na iTeki Raraba

Sa rawa vua edua na peresitedi ni iteki me vakatura me tauyavutaki edua na tabanalevu se tabana ni itabagone qase cake sega ni vakawati (me baleti ira na lewenilotu yabaki 18–35) kevaka era lewe levu na itabagone qase cake sega ni vakawati ena iteki era gadreva mera na lewena. E dodonu me vakasamataki na veika oqo:

Na revurevu ena nodra torocake yadudua kei na nodra vakatorocaketaki vakayalo na itabagone qase cake. Oqo e oka kina na nodra rawa ni vakaitavi ena veitiki kece sara ni Nona cakacaka ni veivakabulai kei na bula vakacerecerei na Kalou (raica na 1.2).
Na kena revurevu ki na veitabanilotu raraba era na gole mai kina na lewenilotu ki na tabanilotu ni itabagone qase cake.
Na gauna ni veilakoyaki kei na vakayagataki ilavo ena gadrevi vei ira na itabagone qase cake kei na vei iliuliu.

Ena veivanua e rawa ni tokoni kina, sa rawa vei ira na peresitedi ni iteki mera kerea me tauyavutaki e rua na tabanilotu ni itabagone qase cake sega ni vakawati me baleti ira na lewenilotu ena veitabayabaki oqo:

18–25
26–35

Vakararaba, na rua na tabanilotu ni itabagone qase cake sega ni vakawati me baleti ira na lewenilotu ena veitabayabaki oqo ena qarava na iwase ni vanua vata ga oqo. Erau na veitaqataqai toka na tabanilotu oqo ena mape.

E rawa talega vua e dua na peresitedi ni iteki me vakatura me tauyavu e dua na tabanalevu se tabana me ra okati kina o ira na lewenilotu mai na dua se sivia na iteki voleka. Me ra vakasamataka na peresitedi ni iteki se na sotava vakavinaka cake na nodra gagadre na itabagone qase cake na itaviqaravi ni veimataiteki se na tauyavu ni dua na tabanalevu se tabana. E dua vei ira na iteki era vakaitavi kina me na qarava na tabanalevu se tabana.

Na iteki raraba e veiuabaleti na nona iyalayala kei na dua na iteki ni itabagone qase cake sega ni vakawati, e dodonu me na kakua ni dua nona tabanilotu ni itabagone qase cake vakaikoya.

Vei ka e Gadrevi e na Kena iVakatagedegede e Ra me Tauyavutaki Kina e Dua na Tabanilotu ni iTabagone Qase Cake ena iTeki

	Tabanalevu	Tabana
iWiliwili ni tamata era lotu tiko	Tabanalevu 125	Tabana 50
iWiliwili ni lewe ni Matabete i Melikiseteki bulabula, dau saumi ikatini vakadodonu ka rawa ni veiqaravi ena itutu ni veiliutaki eso	Tabanalevu 15	Tabana 4

Na tabanalevu ni itabagone qase cake ena dau sega ni sivia na 225 na lewenilotu bulabula.

Raica na 36.4.2 me baleta na idusidusi ni vakatokayacataki tabanalevu kei na tabana

37.2.1

Lewenilotu ena dua na Tabanalevu se Tabana ni iTabagone Qase Cake ena Dua na iTeki Raraba

O ira na lewena e dodonu mera itabagone qase cake sega ni vakawati (yabaki 18–35) ka ra vakaitikotiko ena loma ni iyalayala ni tabanalevu se tabana ni itabagone qase cake sega ni vakawati.
E rawa ni digitaka na itabagone qase cake me ra lewe ni tabanilotu ni itabagone qase cake se na nodra tabanilotu raraba.
Na ivolatukutuku ni lewenilotu ni tamata yadua sa dodonu me tiko e na tabanilotu e lotu tiko kina.
Kevaka e vakila o Peresitedi ni iteki ni na vukea e dua na itabagone qase cake e luluqa ena nona iteki, sa rawa ni vakadonuya me tokitaki na ivolatukutuku ni lewenilotu mai na tabanilotu raraba ki na tabanilotu ni itabagone qase cake. Ni bulabula cake mai na lewenilotu luluqa oya, e rawa ni digitaka o koya me lotu ena taba ni lotu ni itabagone qase cake se na tabanilotu raraba.
O ira na itubutubu itabagone qase cake sega ni vakawati (yabaki 18–35) ka tiko i vale na luvedra era na tikoga ena nodra tabanilotu raraba. Sa rawa ni ra na vakaitavi na itubutubu ena itaviqaravi ni tabanilotu ni itabagone qase cake.
Era na sega ni tiko na lewenilotu ena dua na tabanilotu ni itabagone qase cake sega ni vakawati nira vakawati oti se nira yacova na yabaki 36. Raica na 37.5 me baleti ira na lewenilotu uabula sega ni vakawati ka ra yabaki 36–45.
O ira na itabagone qase cake sega ni vakawati era tiko ena dua na tabanilotu me baleti ira na yabaki 18–25 era na toki ki na dua na tabanilotu me baleti ira na yabaki 26–35 nira sa yabaki 26.

37.2.2

Veiliutaki ena Tabanalevu se Tabana ni iTabagone Qase Cake ena Dua na iTeki Raraba

Na bisopi se peresitedi ni tabana me turaga vakawati lewa matau ka sa matua. Ena gadrevi taumada na veivakadonui ni Mataveiliutaki Taumada ni bera ni kacivi e dua na bisopi. Vakararaba, na bisopi se peresitedi ni tabana e vakaitikotiko e loma ni i yalayala ni tabanilotu ni itabagone qase cake sega ni vakawati. E rawa ni vakagalalataki mai na tikina oqo na tabanilotu ni itabagone qase cake ka qarava na univesiti kei na koliji.
E rawa ni rau lewe ni tabanilotu na daunivakasala nei bisopi. Se eso tale beka na turaga sega ni vakawati se vakawati ka ra vakaitikotiko ena loma ni iyalayala ni tabanilotu. Sa dodonu me ra bete levu. Kevaka e dua na tagane ka kacivi vaka daunivakasala ena matabisopi e sega ni bete levu, me na raica o peresitedi ni iteki me na tabaki taumada me bete levu ni bera ni vakatikori koya.
Na peresitedi ni tabana kei rau na nona daunivakasala e rawa ni ratou bete levu se italatala qase.
Era na kacivi na iliuliu kei na qasenivuli tale eso mai vei ira na itabagone qase cake era lewena na tabanilotu.

37.3

iTeki ni iTabagone Qase Cake kei na Kena Tabanalevu kei na Tabana

Ena vanua e levu kina na iwiliwili ni itabagone qase cake ena dua na yasana, vakauasivi ni volekata na univesiti se koliji, e rawa ni tauyavu e dua se sivia na iteki ni itabagone qase cake.

18–25
26–35

Vei Ka e Gadrevi e na Kena iVakatagedegede e Ra me Tauyavu kina e Dua na iTeki, Tabanalevu, se Tabana ni iTabagone Qase Cake

iTeki ni itabagone qase cake	1,500 na lewenilotu (bulabula kei ira era malumalu tu vakalotu) 5 tabanalevu
Tabanalevu ni itabagone qase cake ena iteki ni itabagone qase cake	125 na lewenilotu (lotu tiko) 15 na lewe ni Matabete i Melikiseteki dau saumi ikatini vakadodonu ka rawa ni ra veiqaravi ena itutu ni veiliutaki
Tabana ni itabagone qase cake ena dua na iteki ni itabagone qase cake	50 na lewenilotu (lotu tiko) lewe 4 era lotu tiko, era lewe ni Matabete i Melikiseteki dau saumi ikatini vakadodonu ka rawa ni ra veiqaravi ena itutu ni veiliutaki

Na iteki raraba e veiuabaleti na nona iyalayala kei na dua na iteki ni itabagone qase cake, e dodonu me na kakua ni dua nona tabanilotu ni itabagone qase cake vakaikoya.

Ena qai rawa ga ni tokitaki na tabanilotu ni itabagone qase cake e tiko ena dua na iteki raraba ki na dua na iteki ni itabagone qase cake ni:

Na kena iyalayala e veitikivi kei na iteki ni itabagone qase cake.
E rau sa vakatura mai na peresitedi ni iteki ruarua na toki.

Raica na 36.4.1 kei na 36.4.2 baleta na idusidusi ni vakatokayacataki ni iteki kei na tabanalevu.

37.3.1

Lewe ni Dua na iTeki ni iTabagone Qase Cake kei na Kena Tabanalevu se Tabana

O ira na lewena e dodonu mera itabagone qase cake sega ni vakawati (yabaki 18–35) ka ra vakaitikotiko ena loma ni iyalayala ni tabanalevu se tabana ni itabagone qase cake sega ni vakawati.
O ira kece na itabagone qase cake bulabula kei na luluqa ena loma ni iteki, era sega ni bula vata tiko kei ira na nodra itubutubu e vale era sa lewe ni iteki ni itabagone qase cake vakavo kevaka era digitaka me ra lako ki na nodra tabanilotu raraba.
O ira na itabagone qase cake sega ni vakawati era bula vata tiko kei ira nodra itubutubu e vale e rawa ni ra digitaka me ra lewena na tabanilotu ni itabagone qase cake se na nodra tabanilotu raraba.
Na ivolatukutuku ni lewenilotu ni tamata yadua sa dodonu me tiko e na tabanilotu e lotu tiko kina.
O ira na itubutubu itabagone qase cake sega ni vakawati (yabaki 18–35) ka tiko i vale na luvedra era na tikoga ena nodra tabanilotu raraba. Sa rawa ni ra na vakaitavi na itubutubu ena itaviqaravi ni tabanilotu ni itabagone qase cake.
Era na sega ni tiko na lewenilotu ena dua na tabanilotu ni itabagone qase cake sega ni vakawati nira vakawati oti se nira yacova na yabaki 36. Raica na 37.5 me baleti ira na lewenilotu uabula sega ni vakawati (yabaki 36–45).
O ira na itabagone qase cake sega ni vakawati era tiko ena dua na tabanilotu me baleti ira na yabaki 18–25 era na toki ki na dua na tabanilotu me baleti ira na yabaki 26–35 nira sa yabaki 26.

37.3.2

Veiliutaki ena iTeki ni iTabagone Qase Cake kei na Kena Tabanalevu kei na Tabana

Na peresitedi ni iteki, peteriaki ni iteki, bisopi, kei na peresitedi ni tabana e dodonu me ra turaga vakawati ka matua ena vakatulewa kei na kila ka. Ena gadrevi na veivakadonui ni Mataveiliutaki Taumada ni bera ni kacivi e dua na bisopi. E rawa ni ra kacivi mai na taudaku ni iteki me vaka na nodratou vakatulewa na Mataveiliutaki ni iWasewase. O ira era qarava na veikacivi vakaoqo era na veitalanoa taumada kei na nona peresitedi ni iteki me rawata na veivakadonui. Me baleta na kena idusidusi, raica na wase 30.
Sa rawa vei rau na daunivakasala nei peresitedi ni iteki, lewe ni matabose e cake, daunivakasala ena matabisopi, kei na daunivakasala ni mataveiliutaki ni tabana me ra tagane sega ni vakawati se ra sa vakawati. O ira na peresitedi ni iSoqosoqo ni Veivukei ena iteki kei na daunivakasala e rawa ni ra marama sega ni vakawati se ra sa vakawati. O ira na peresitedi ni Matawilivola ni Sigatabu ena iteki kei na daunivakasala e rawa ni ra tagane sega ni vakawati se ra sa vakawati. O ira na iliuliu oqo e rawa ni ra lewe ni iteki. Se rawa ni ra kacivi mai na taudaku ni iyalayala ni iteki me vaka na nodratou vakatulewa na Mataveiliutaki ni iWasewase.
E dodonu me bete levu na nona daunivakasala e dua na bisopi. Kevaka e dua na tagane ka kacivi vaka daunivakasala ena matabisopi e sega ni bete levu, me na raica o peresitedi ni iteki me na tabaki taumada me bete levu ni bera ni vakatikori koya. Na peresitedi ni tabana kei rau na nona daunivakasala e rawa ni ratou bete levu se italatala qase.
Ena gadrevi na veivakadonui ni Kuoramu ni Le Tinikarua ni bera ni kacivi e dua na peteriaki.
Ena veitabanalevu kei na tabana, na iliuliu kei na qasenivuli tale eso era na kacivi mai vei ira na itabagone qase cake era lewena na tabanilotu.

37.4

iTeki kei na Tabanalevu ni Gonevuli Vakawati

E rawa ni tauyavu na nodra iteki kei na tabanalevu na gonevuli vakawati me ra qaravi kina na gonevuli vakawati era vakaitikotiko voleka ki na dua na univesiti se koliji.

Vei Ka e Gadrevi e na Kena iVakatagedegede e Ra me Tauyavutaki kina e dua na iTeki se Tabanalevu ni Gonevuli Vakawati

iTeki ni gonevuli vakawati	1,500 na lewenilotu (bulabula kei ira era malumalu tu vakalotu) 5 tabanalevu
Tabanalevu ni gonevuli vakawati	125 na lewenilotu era (lotu tiko kei ira era luluqa) 15 na lewe ni Matabete i Melikiseteki dau saumi ikatini vakadodonu ka rawa ni ra veiqaravi ena itutu ni veiliutaki

Raica na 36.4.1 kei na 36.4.2 me baleta na idusidusi ni vakatokayacataki ni iteki kei na tabanalevu.

37.4.1

Lewe ni iTeki kei na Tabanalevu ni Gonevuli Vakawati

O ira na lewena me ra gonevuli vakawati ka ra vakaitikotiko ena loma ni yalayala ni tabanalevu ni gonevuli vakawati.
E rawa ni ra digitaka na gonevuli vakawati me ra lewe ni tabanalevu ni gonevuli vakawati se na nodra tabanilotu raraba.
Na ivolatukutuku ni lewenilotu sa dodonu me tiko ena tabanilotu e lotu tiko kina na matavuvale.

37.4.2

Veiliutaki ena iTeki kei na Tabanalevu ni Gonevuli Vakawati

Raica na 37.3.2 ka vakayagataka na idusidusi vata ga oya.

37.5

Tabanalevu ni Uabula Sega ni Vakawati

Vakararaba, era dau qaravi vakavinaka sara na lewenilotu uabula sega ni vakawati (yabaki 36–45) ena veitabanilotu raraba. Ena dua na iwalewale, sa rawa me vakatura e dua na peresitedi ni iteki na tauyavutaki ni dua na tabanalevu ni uabula sega ni vakawati.

E rawa talega vua e dua na peresitedi ni iteki me vakatura na tauyavutaki ni dua na tabanalevu ni uabula sega ni vakawati vata kei ira na lewenilotu mai na dua se sivia na iteki voleka. Na peresitedi ni vei iteki oqori me ra okati ena ituvatuva ka cokonaka na vakatutu. E dua vei ira na iteki era vakaitavi kina me ra na qarava na tabanalevu.

Vei Ka e Gadrevi e na iVakatagedegede e Ra me Tauyavutaki kina e dua na Tabanalevu ni Uabula Sega ni Vakawati ena dua na iTeki

iWiliwili ni lewenilotu (bulabula kei ira ka malumalumu tu vakalotu)	125
iWiliwili ni lewe ni Matabete i Melikiseteki bulabula, dau saumi ikatini vakadodonu ka rawa ni veiqaravi ena itutu ni veiliutaki eso	15

Raica na 36.4.2 me baleta na idusidusi ni vakatokayacataki ni tabanalevu.

37.5.1

Lewe ni Tabanalevu ni Uabula Sega ni Vakawati

O ira na lewena e dodonu mera uabula sega ni vakawati (yabaki 36–45) ka vakaitikotiko ena loma ni yalayala ni tabanalevu ni uabula sega ni vakawati.
E rawa ni ra digitaka na uabula sega ni vakawati me ra lewe ni tabanalevu ni uabula sega ni vakawati se na nodra tabanalevu raraba.
Na ivolatukutuku ni lewenilotu ni tamata yadua sa dodonu me tiko e na tabanilotu e lotu tiko kina.
O ira na itubutubu uabula sega ni vakawati (yabaki 36–45) ka tiko na luvedra e vale era na tiko ga ena nodra tabanilotu raraba. Sa rawa ni ra vakaitavi na itubutubu ena itaviqaravi ena tabanalevu ni uabula sega ni vakawati.
Era na sega ni tiko na lewenilotu ena tabanalevu ni uabula sega ni vakawati nira sa vakawati se nira sa yacova na yabaki 46.

37.5.2

Veiliutaki ena Tabanalevu ni Uabula Sega ni Vakawati

Na bisopi e dodonu me bete levu vakawati ka matua ena vakatulewa kei na kila ka. Ena gadrevi na veivakadonui ni Mataveiliutaki Taumada ni bera ni kacivi e dua na bisopi.
E rawa ni rau lewe ni tabanilotu na nona daunivakasala e dua na bisopi. Se eso tale beka na turaga sega ni vakawati se vakawati ka ra vakaitikotiko ena loma ni iyalayala ni tabanilotu. Sa dodonu me ra bete levu. Kevaka e dua na tagane ka kacivi vaka daunivakasala ena matabisopi e sega ni bete levu, me na raica o peresitedi ni iteki me na tabaki taumada me bete levu ni bera ni vakatikori koya.
Era na kacivi na iliuliu kei na qasenivuli tale eso mai vei ira na uabula sega ni vakawati era lewe ni tabanalevu.

37.6

Nodra Tabanalevu kei na Tabana na Lewenilotu iTuvaki Vakatani

Sa rawa vua e dua na peresitedi ni iteki me vakatura na kena tauyavutaki na tabanalevu kei na tabana ni lewenilotu ituvaki vakatani, me vakataki ira ena vale ni veiqaravi, parokaramu ni qaravibula, se ena valeniveivesu.

Vakararaba, o ira na iliuliu era kacivi me ra veiqaravi ena tabanilotu oqo sa dodonu me ra vakaitikotiko ena loma ni iteki e qarava na tabanilotu.

Raica na 36.3 me baleta na ivakamacala ni tabana ena tabana ni kaulotu baleti ira na itabagone qase cake se uabula sega ni vakawati; lewenilotu era sega ni vosataka na vosa ni vanua; o ira na lewenilotu era tiko ena vale ni veiqaravi, na parokaramu ni qaravibula, se na valeniveivesu; se o ira na lewenilotu ena mataivalu.

Raica na 36.4.2 me baleta na idusidusi ni vakatokayacataki ni tabanalevu kei na tabana

37.7

iLawalawa ena iTeki, Tabana ni Kaulotu, kei na iWasewase

Na ilawalawa sa ikoya na nodra vakasoqoni lalai vakadonui na lewenilotu ka raici raraba mai vua e dua na bisopi, peresitedi ni tabana, se peresitedi ni kaulotu. Sa rawa vua na peresitedi ni iteki se kaulotu me vakatututaka na kena tauyavutaki e dua na ilawalawa ena veituvaki vaqo:

E dredre na nodra lakova na lewenilotu na soqoni ni tabanalevu se tabana.
E dua na iwiliwili lailai ni lewenilotu era vosataka e dua na vosa ka sega ni vosa ni nodra tabanilotu, oka kina na vosa va-galu.
Era dau qaravi vakavinaka na lewenilotu ena mataivalu ni ra tiko vakailawalawa (raica na 38.9.4).

Me vakaturi na kena tauyavutaki e dua na ilawalawa, ena vakauta na Peresitedi ni iteki se tabana ni kaulotu e dua na kerekere ki na Mataveiliutaki ni iWasewase. Na Mataveiliutaki ni iWasewase duadua ga e rawa ni vakadonuya na kerekere.

E dua na ilawalawa e dodonu me tiko kina ke lailai sara e rua na lewenilotu. E dua e dodonu me bete bula kilikili ena Matabete i Eroni se dua na lewe ni Matabete i Melikiseteki bula kilikili.

Ena iteki, sa lesia na peresitedi ni iteki e dua na bisopi se peresitedi ni tabana me tauyavutaka ka liutaka na ilawalawa. Ena tabana ni kaulotu, ena lesia na peresitedi ni kaulotu e dua na peresitedi ni tabana me tauyavutaka ka liutaka.

Vakararaba, sa rawa ni buli e dua na ilawalawa me qaravi ira na lewenilotu era vakaitikotiko ena dua se sivia na tabanilotu ena loma ni dua na iteki se tikina. Na leweni ni ilawalawa sa yalani ga vei ira ka vakaitikotiko ena loma ni yalayala ni tabanilotu se tabanilotu eso era vakaitavi kina. Na ilawalawa e na sega ni uabaleta na iyalayala ni iteki se tikina.

Ena kaciva o peresitedi ni iteki, peresitedi ni kaulotu, bisopi, se peresitedi ni tabana e dua na iliuliu ni ilawalawa ka vakatikori koya. Ena tuva ka liutaka na iliuliu ni ilawalawa na soqoni ni ilawalawa, ka okati kina na qaravi ni sakaramede.

Na iliuliu ni ilawalawa e sega ni tu vua na idola ni matabete, ka na sega ni vakadonui me:

Ciqoma na ikatini kei na isolisoli tale eso.
Vakasalataki ira na lewenilotu me baleta na ivalavala ca bibi.
Solia na vakatatabu sega ni vakaivolataki se vakaivolataki vei ira na lewenilotu.
Vakayacora na itavi tale eso e gadrevi kina na idola ni matabete.

E vakavuqa, e na vakayagataka na ilawalawa na Parokaramu Taumada ni Tabanilotu (raica na 36.6).

Nodra ivolatukutuku ni lewenilotu na lewe ni ilawalawa e sa tiko ena tabanalevu se tabana e qarava na ilawalawa.

Na itikotiko liu ni Lotu e na sega ni lesia mai e dua na naba ni tabanilotu ki na veilawalawa.

Ni sa vakadonui e dua na ilawalawa, sa rawa ki vua na peresitedi ni iteki se kaulotu me vakatura me sa yaco me dua na tabana.

37.8

Tabana ni Lotu ena iTikotiko ni Mataivalu

Ena idusidusi ni kena tauyavutaki na tabanalevu, tabana, kei na ilawalawa ni lewenilotu veiqaravi eso e soqoni vata ena itikotiko ni mataivalu, raica na 38.9.4.