“Bulataka na Kosipeli i Jisu Karisito,” iVoladusidusi Raraba: Veiqaravi e Na Lotu i Jisu Karisito ni Yalododonu Edaidai (2024).
“Bulataka na Kosipeli i Jisu Karisito,” iVoladusidusi Raraba.
16.
Bulataki ni Kosipeli i Jisu Karisito
Na cakacaka ni veivakabulai kei na bula vakacerecerei ni Kalou e vakanamata ena va na itavi lesi vakalou (raica na 1.2). Na imatai vei ira oqo sai koya na bulataki ni kosipeli i Jisu Karisito. Eda bulataka na kosipeli ena noda:
-
Cakacakataka noda vakabauti Jisu Karisito.
-
Veivutuni e veisiga.
-
Veiyalayalati vata kei na Kalou ena noda ciqoma na cakacaka vakalotu ni veivakabulai kei na bula vakacerecerei.
-
Vosota me yacova na ivakataotioti ena kena maroroi na veiyalayalati oqori.
Na bulataki ni kosipeli e kovuta na veika tale eso me baleta na Nona cakacaka ni veivakabulai kei na bula vakacerecerei na Kalou. Oqo e oka kina na nodra vukei o ira era vakaleqai tu, sureti ni tamata kecega me ciqoma na kosipeli, ka vakaduavatataki na matavuvale me tawamudu.