“37. Stake ko, Ward ko, im Branch ko Rejenolo̧k,” Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata (2024).
“37. Stake ko, Ward ko, im Branch ko Rejenolo̧k,” Bok in Bōk Meļeļe Eļap.
37.
Stake ko, Ward ko, im Branch ko Rejenolo̧k
37.0
Kadkad In
Juon stake būreejtōn emaron̄ kajjitōk n̄an ejaake stake ko, ward ko, im branch ko rein juon n̄an kōjerbal jān membōr ro āinwōt kar kōllaajrake ilo jebta in. N̄an meļeļe ko kōn ejaake iunit ko rein juon ilo juon mijen, lale 36.3.
Juon stake būreejtōn ej jino juon kajjitōk kāāl ilo Boundary and Leadership Proposals. Eļan̄n̄e ejjab maron̄ kōjerbal online system eo, emaron̄ downloadi peba boom̧ ko jān jiped link eo. Būreejtōnji eo Kein Kajuon wōt emaron̄ kōmālim kajjitōk eo.
N̄an jipan̄ ilo United States im Canada, kūrļo̧k 1-801-240-1007. Itulikin United States im Canada, kūrļo̧k eria opiij eo.
37.1
Ward ko im Branch ko Eoktak Kajin eo Aer
Juon stake būreejtōn emaron̄ kajjitōk n̄an ejaake juon ward ak branch n̄an membōr ro juon ot aer kajin ilo stake eo.
-
Rej kenono bar juon kajin ijelo̧kin eo ilo unit ko aer.
-
Rej kajin Jaron̄ron̄.
Eļan̄e ejabwe membōr ro ilo juon iaan jekjek kein n̄an ejaake juon branch eo ejenolo̧k, juon stake būreejtōn emaron̄ kajjitōk n̄an juon kuruup (lale 37.7).
Juon stake būreejtōn emaron̄ barāinwōt kajjitōk n̄an ejaake juon ward ak branch kajin eo ie eoktak me ekūtbuuj membōr ro jān juon ak lōn̄ļo̧k stake ko iturin. Stake būreejtōn ro rej kobaik im kōjbwebweik elmakot eo. Juon iaan stake ko rej pād ilo menin renaaj eddoik ward eo ak branch eo.
Juon mijen būreejtōnji emaron̄ kajjitōk n̄an ejaake juon branch ak kuruup an ro juon wōt aer kajin n̄an jipan̄ ilo jekjek ko wōt (lale 36.3 im 37.7).
Jon̄an Dettan Men ko Aikuji n̄an Ejaake juon Ward ak Branch Eoktak Kajin eo ie ilo juon Stake
|
Ward |
Branch | |
|---|---|---|
|
Oran membōr ro (niknik im jāniknik) | Ward 125 | Branch Ejjeļo̧k jon̄an dettan |
|
Oran ro reniknik, rikabwijer ro an Melkesidek Priesthood eo rej kōļļā juon m̧ōttan jon̄oul rej maron̄ jerbal ilo kūr ko an ritōl | Ward 15 | Branch 4 |
Boundary ko n̄an iunit ko eoktak kajin ko aer ekkā aer ļoor boundary ko an jikin ko an ward eo, branch, im stake ko.
Ajri ro im jodikdik ro an juon iunit eoktak kajin eo ie emaron̄ kobaik kūlaaj ko ippān iunit eo aer jinoin eļan̄n̄e rekōņaan (lale 29.2.8).
Lale 36.3 n̄an branch ko eoktak kajin ilo juon mijen. Lale 36.4.2 n̄an unin tōl ko n̄an leļo̧k etan ward eo im branch eo.
37.1.1
Membōr in juon Ward ak Branch Eoktak Kajin eo Ie
-
Membōr ro rej aikuj jokwe ilowaan jem̧lo̧kin tōrerein ko an ward eo ak branch eo eoktak kajin eo ie.
-
Membōr ro remaron̄ kāālet n̄an erom̧ membōr in iunit eo eoktak kajin eo an ak iunit eo ilo jikin eo rej pād ie.
-
Rekoot in membōr eo an kajjojo armej aikuj in pād ilo iunit eo ej pād ie.
37.1.2
Ritōl ilo juon Ward ak Branch Eoktak Kajin eo Ie
-
Eitien aolep iien, bisop eo ak branch būreejtōn eo im rikakpilōklōk ro rej kūr jān lowaan jem̧lo̧kin tōrerein ko an kunit eo eoktak kajin eo ie. Jekjek ko jet remaron̄ in kōm̧m̧ane n̄an ritōl ro me rejjab jokwe ilowaan jem̧ļo̧kin tōrerein ko an iunit eo eļan̄n̄e rej jokwe ilowaan stake eo ej eddoik iunit eo.
-
Mālim eo an Būreejtōnji eo Kein kajuon ej menin aikuj m̧okta jān kūr juon bisop.
-
Eitien aolep iien, ritōl ro jet im rūkaki ro rej kūr jān ibwilijin membōr in ward eo ak branch eo.
37.2
Ward ko im Branch ko an Rūm̧m̧an Ded ilo Stake eo Aer
Juon stake būreejtōn emaron̄ kajjitōk n̄an ejaake juon ward ak branch an rūm̧m̧an ded ro (n̄an membōr ro dettaer 18–35) eļan̄n̄e ebwe uwaan rūm̧m̧an ded ro reniknik ilo stake eo im renaaj kōņaan kobatok. Men kein ilaļ maron̄ ļōmņaki:
-
Jekjek in eddōkļo̧k eo an juon make im jetōbin eddōkļo̧k eo an ro rūm̧man ded. Men in ekoba maron̄ eo aer n̄an bōk konaer ilo aolep jekjek ko an jerbal in lo̧mo̧or eo an Anij im mour ijo eutiej tata (lale 1.2).
-
Jekjek in iunit eo aer jinoin jān iunit eo an ro rūm̧m̧an ded naaj kaaltok membōr ro.
-
Ito-itak im wōnāān emenin aikuj n̄an rūm̧man ded ro im ritōl ro.
Ilo eria ko im emaron̄ tōbrak, stake būreejtōn ro remaron̄ ejaake ruo unit ko an rūm̧m̧an ded ro ejeļo̧k riturier n̄an membōr ro iiō ko dettaer rej:
-
18–25
-
26–35
Ilo m̧ool, unit ko an ruo an rūm̧m̧an ded ro ejeļo̧k riturier n̄an membōr ro eketaan iiō kein renaaj n̄an ejja eria eo wōt. Unit kein renij ped ikejaan doon ilo map eo.
Stake būreejtōn emaron̄ barāinwōt kajjitōk n̄an ejaake juon ward ak branch me ekūtbuuj membōr ro jān juon ak elōn̄ļo̧k stake ko iturin. Stake būreejtōn eo emaron̄ ļōmņake n̄e m̧akūtkūt ko elōn̄ļo̧k jen juon an stake naaj tōpar aikuj ko an rūm̧man ded ro jen n̄e renaaj ejaake juon ward ak branch. Juon iaan stake ko rej pād ilo menin renaaj eddoik ward eo ak branch eo.
Juon stake kōn jem̧lo̧kin tōrerein ko an me ewawa ioon ko an stake eo an rūm̧m̧an ded ro ejjab aikuj wōr make an juon iunit an rūm̧m̧an ded ro.
Jon̄an Dettan Men ko Aikuji n̄an Ejaake juon Iunit an Rūm̧m̧an Ded ilo juon Stake
|
Ward |
Branch | |
|---|---|---|
|
Oran membōr ro reniknik | Ward 125 | Branch 50 |
|
Oran ro reniknik, rikabwijer ro an Melkesidek Priesthood eo rej kōļļā juon m̧ōttan jon̄oul rej maron̄ jerbal ilo kūr ko an ritōl | Ward 15 | Branch 4 |
Juon ward anrūm̧m̧an ded ekkā an aikuj jab lōn̄ļo̧k jān 225 membōr ro reniknik.
Lale 36.4.2 unin tōl ko n̄an leļo̧k etan juon ward im juon branch.
37.2.1
Membōr in juon Ward ak Branch an Rūm̧m̧an Ded ilo juon Stake
-
Membōr ro rej aikuj Rūm̧m̧an Ded ro (dettaer 18–35) im jokwe ilowaan jikin eo ward eo ak branch eo an rūm̧m̧an ded ro ej pād ie.
-
Rūm̧m̧an Ded ro remaron̄ kāālet n̄an erom membōr ro an iunit eo an rūm̧m̧an ded ak iunit eo aer.
-
Rekoot in membōr eo an kajjojo armej aikuj in pād ilo iunit eo ej pād ie.
-
Eļan̄n̄e stake būreejtōn eo ej en̄jake bwe enaaj jipan̄ juon rūm̧m̧an ded ejeniknik ilo stake eo an, emaron̄ in kōmālim kōm̧akūtļo̧k membership rekoot eo jān iunit eo an jinoin n̄an iunit eo an rūm̧m̧an ded eo. N̄e membōr eo ejeniknik ej erom niknik, e emaron̄ kāālet n̄an etal n̄an iunit eo an rūtto ro ejjeļo̧k pāleer ak iunit eo an jinoin.
-
Ro jinen im jemān rūm̧m̧an ded ro (dettāer 18–35) im ewōr nejier ilo m̧weeo rej pād wōt ilo iunit eo aer ilo jikin eo. Ro jinen im jemān remaron̄ etal n̄an m̧akūtkūt ko an iunit eo an rūm̧m̧an ded.
-
Membōr ro rejjab etal n̄an iunit eo an rūm̧m̧an ded n̄e er rim̧are ak em̧ōj aer tōpar 36 iiō rūttoer. Lale 37.5 n̄an rūm̧m̧an ded ro dettaer 31–45 rej membōr.
-
Rūm̧m̧an ded ro rej kobaļo̧k ilo juon unit n̄an ro dettaer 18-25 remaron̄ em̧m̧akūt n̄an juon unit an ro dettaer 26-35 n̄e ejjejet 26 aer iiō.
37.2.2
Ritōl ilo juon Ward ak Branch an Rūm̧m̧an Ded ilo juon Stake
-
Bisop eo ak branch būreejtōn eo aikuj in juon em̧m̧aan rim̧are ekekemo̧o̧j ilo ekajet im iminene. Mālim eo an Būreejtōnji eo Kein kajuon ej menin aikuj m̧okta jān kūr juon bisop. Eitien aolep iien, bisop eo ak branch būreejtōn eo ej jokwe ilowaan boundary ko an iunit eo an rūm̧man ded ro ejjeļo̧k pāleer. Men ko jet remaron̄ kōm̧m̧an n̄an iunit ko an rūm̧m̧an ded ro ejjeļo̧k pāleer me rej pād ilo university ko im college ko.
-
Rikakpilōklōk ro an bisop eo remaron̄ membōr in iunit eo. Ak remaron̄ bar em̧m̧aan ro me ejjeļo̧k pāleer ak em̧ōj aer m̧are me rej jokwe ilowaan wōt boundary ko an iunit eo. Rej aikuj bwe ren pris ro reutiej. Eļan̄n̄e juon em̧m̧aan kar kūr āinwōt juon rikakpilōklōk ilo bisoprik eo ejjab juon pris eutiej, stake būreejtōn eo ej lukkuun lale bwe ej ekkapit juon pris eutiej m̧okta jān kōjenolo̧k e.
-
Juon branch būreejtōn im rikakpilōklōk ro an remaron̄ in pris ro reutiej ak elder ro.
-
Ritōl ro im rūkaki ro jet rej kūr jān ilubwilijin rūm̧m̧an ded me rej uwaan iunit eo.
37.3
Stake ko an Rūm̧m̧an Ded im Ward im Branch ko Aer
Ijo nōm̧ba ko reļļap an rūm̧m̧an ded me rej jokwe ilo juon eria, ekkā wōt university ko ak college ko, juon ak lōn̄ļo̧k stake ko an rūm̧m̧an ded maron̄ ejaak.
Ilo eria ko im emaron̄ tōbrak, stake būreejtōn ro remaron̄ ejaake ruo unit ko an rūtto ro ejeļo̧k riturier n̄an membōr ro iiō ko dettaer rej laajrak:
-
18–25
-
26–35
Ilo m̧ool, unit ko an ruo an rūm̧m̧an ded ro ejeļo̧k riturier n̄an membōr ro iketaan iiō kein renaaj jān ejja eria eo wōt. Unit kein renij ped ikejaan doon ilo map eo.
Jon̄an Dettan Men ko Aikuji n̄an Ejaake juon Stake, Ward, ak Branch an Rūm̧m̧an Ded
|
Stake eo an Rūm̧m̧an Ded |
|
|---|---|
|
Ward an rūm̧m̧an ded ilo juon stake an rūm̧m̧an ded |
|
|
Branch an rūm̧m̧an ded ilo juon stake an rūm̧m̧an ded |
|
Juon stake kōn jem̧lo̧kin tōrerein ko an me ewawa ioon ko an stake eo an rūm̧m̧an ded ro ejjab aikuj wōr make an juon iunit an rūm̧m̧an ded ro.
Juon iunit an rūm̧m̧an ded me ej juon geographic stake emaron̄ em̧m̧akūtļo̧k n̄an juon stake an rūm̧m̧an ded wōt n̄e:
-
Jem̧lo̧kin tōrerein ko an rej pād itōrerein eo an stake eo an rūm̧m̧an ded.
-
Būreejtōn ro an stake ko jim̧or rej rie em̧m̧akūtļo̧k eo.
Lale 36.4.1 im 36.4.2 n̄an unin tōl ko n̄an leļo̧k etan stake im ward eo.
37.3.1
Membōr in juon Stake an Rūm̧m̧an Ded im Ward ko ak Branch ko An
-
Membōr ro rej aikuj rūm̧m̧an ded ro (dettaer 18–35) im jokwe ilowaan jikin eo ward eo ak branch eo an rūm̧m̧an ded ro ej pād ie.
-
Aolep rūm̧m̧an ded reniknik im rejāniknik ilowaan jem̧lo̧kin tōrerein ko an stake eo me rejjab jokwe ilo m̧weo ippān ro jinier im jemāer rej uwaan stake eo an rūm̧m̧an ded ijello̧kin wōt n̄e rej kāālet n̄an etal n̄an iunit eo aer jinoin.
-
Rūm̧m̧an ded ro rej jokwe ilo m̧weo ippān ro jineer im jemāer remaron̄ kāālet n̄an erom membōr ro an iunit eo an rūm̧m̧an ded ak iunit eo aer jinoin.
-
Rekoot in membōr eo an kajjojo armej aikuj in pād ilo iunit eo ej pād ie.
-
Ro jinen im jemān rūm̧m̧an ded ro (dettāer 18–35) im ewōr nejier ilo m̧weeo rej pād wōt ilo unit eo aer ilo jikin eo. Ro jinen im jemān remaron̄ etal n̄an m̧akūtkūt ko an iunit eo an rūm̧m̧an ded.
-
Membōr ro rejjab etal n̄an unit eo an rūm̧m̧an ded n̄e er rim̧are ak em̧ōj aer tōpar 36 iiō rūttoer. Lale 37.5 n̄an rūm̧m̧an ded ro im rej membōr (dettaer 36–45).
-
Rūm̧m̧an ded ro rej kobaļo̧k ilo juon unit n̄an ro dettaer 18-25 remaron̄ em̧m̧akūt n̄an juon unit an ro dettaer 26-35 n̄e ejjejet 26 aer iiō.
37.3.2
Ritōl ilo juon Stake an Rūm̧m̧an Ded im Ward ko im Branch ko An
-
Stake būreejtōn eo, stake petriak eo, bisop ro, im branch būreejtōn ro rej aikuj em̧m̧aan ro em̧ōj aer m̧are im rerūtto ilo kōļmenļo̧kjeņ im iminene. Mālim eo an Būreejtōnji eo Kein Kajuon ej menin aikuj m̧okta jān kūr juon bisop. Maron̄ kūr er jān boundary ko itulikin stake eo āinwōt kāālet jān Eria Būreejtōnji eo. Ro rej leļo̧k kain kūr kein rej m̧oktata etale ippān stake būreejtōn eo an armej eo n̄an bōk mālim. N̄an unin tōl ko, lale jepta 30.
-
Rikakpilōklōk ro an stake būreejtōn eo, high ko̧o̧njeļ ro, rikakpilōklōk ro an bisoprik eo, im rikakpilōklōk ro an branch būreejtōnji eo remaron̄ ejjeļo̧k pāleer ak em̧m̧aan ro em̧ōj aer m̧are. Būreejtōn ro an Doulul eo an Kōrā ro ilo Stake eo im rikakpilōklōk ro remaron̄ ejjeļo̧k pāleer ak kōrā ro em̧ōj aer m̧are. Būreejtōn ro an Jabōt Jikuuļ eo im rikakpilōklōk ro ilo stake eo remaron̄ ejjeļo̧k pāleer ak em̧m̧aan ro em̧ōj aer m̧are. Ritōl rein remaron̄ in membōr ro an stake eo. Ak remaron̄ kūr jān likin boundary ko an stake eo āinwōt kar kāālete jān Eria Būreejtōnji eo.
-
Rikakpilōklōk eo an bisop eo rej aikuj bwe ren pris ro reutiej. Eļan̄n̄e juon em̧m̧an kar kūr āinwōt juon rikakpilōklōk ilo juon bisoprik ejjab juon pris eutiej, stake būreejtōn eo ej kanooj lale bwe en ekkapit juon pris eutiej m̧okta jān kōjenolo̧k e. Juon branch būreejtōn im rikakpilōklōk ro an remaron̄ in pris ro reutiej ak elder ro.
-
Kōmālim eo an Doulul eo an Jon̄oulruo eo ej menin aikuj m̧okta jān kūr juon petriak.
-
Ilo ward ko an branch ko, ritōl ro jet im rūkaki ro rej kūr jān ilubwilijin rūm̧m̧an ded ro me rej uwaan iunit eo.
37.4
Stake ko im Ward ko an Rijikuuļ ro Em̧ōj aer Mare
Stake ko im ward ko an rijikuuļ ro em̧ōj aer m̧are remaron̄ in ejaak n̄an kōjerbale jān Rijikuuļ ro em̧ōj aer m̧are membōr ro me rej jokwe epakeļo̧k juon university ak college.
Jon̄an Dettan Men ko Aikuji n̄an Ejaake juon Stake ak Ward an Rijikuuļ ro Em̧ōj aer Mare
|
Stake an rijikuuļ ro em̧ōj aer m̧are |
|
|---|---|
|
Ward an rijikuuļ ro em̧ōj aer m̧are |
|
Lale 36.4.1 im 36.4.2 n̄an unin tōl ko n̄an leļo̧k etan juon stake ak ward.
37.4.1
Uwaan Stake ko im Ward ko an Rijikuuļ ro em̧ōj aer Mare
-
Membōr ro rej aikuj rijikuuļ ro em̧ōj aer m̧are me rej jokwe ilowaan jem̧lo̧kin tōrerein ko an ward eo an rim̧are rijikuuļ
-
Rijikuuļ ro em̧ōj aer m̧are remaron̄ kāālet n̄an erom membōr in ward eo an rijikuuļ ro em̧ōj aer m̧are ak iunit eo an jinoin.
-
Membership rekoot ko rej aikuj in pād ilo iunit eo baam̧le eo ej etal n̄an e.
37.4.2
Ritōl ilo Stake ko im Ward ko an Rijikuuļ ro em̧ōj aer m̧are
Lale 37.3.2 im kōjerbal ejja unin tōl ko wōt.
37.5
Rūm̧m̧an Ded ilo Ward ko
Eitien aolep iien, rūm̧m̧an ded ro rej membōr (dettāer 36–45) ej em̧m̧an tata jipan̄ er ilo iunit ko aer ijoko jikier. Āinwōt juon men āinjuon, juon stake būreejtōn emaron̄ elmakote ejaake juon ward an rūm̧m̧an ded.
Juon stake būreejtōn emaron̄ barāinwōt elmakote ejaake juon ward an rūm̧m̧an ded kōn membōr ro jān juon ak elōn̄ļo̧k stake ko repaak. Stake būreejtōn ro rej kobaik im kōjbwebweik elmakot eo. Juon iaan stake ko rej pād ilo menin renaaj eddoik ward eo.
Jon̄an Oran Men ko Aikuji n̄an Ejaake juon Ward an Rūm̧m̧an ded ilo juon Stake
|
Oran membōr ro (niknik im jāniknik) |
125 |
|---|---|
|
Oran ro reniknik, rikabwijer ro an Melkesidek Priesthood eo rej kōļļā juon m̧ōttan jon̄oul rej maron̄ jerbal ilo kūr ko an ritōl |
15 |
Lale 36.4.2 kōn unin tōl ko n̄an leļo̧k etan juon ward.
37.5.1
Membōr in juon Ward an Rūm̧m̧an Ded
-
Membōr ro rej aikuj in rūm̧m̧an ded ro (dettaer 36–45) im jokwe ilowaan jikin eo ward eo an rūm̧m̧an ded ro ej pād ie.
-
Rūtto ro ejjeļo̧k pāleer remaron̄ kāālet n̄an membōr ro an ward eo an rūtto ro rejjan̄in m̧are ak iunit eo aer jinoin.
-
Rekoot in membōr eo an kajjojo armej aikuj in pād ilo iunit eo ej pād ie.
-
Rūtto ro jinen im jemān rūm̧m̧an ded ro (dettāer 36–45) im ewōr nejier ilo m̧weo rej pād wōt ilo iunit eo rej jokwe ie. Ro jinen im jemān maron̄ etal n̄an m̧akūtkūt ko an ward eo an rūm̧m̧an ded.
-
Membōr ro rejjab aikuj in etal n̄an juon ward an rūm̧m̧an ded n̄e er rim̧are ak em̧ōj aer tōpar 46 iiō rūttoer.
37.5.2
Ritōl ilo juon Ward an Rūm̧m̧an Ded
-
Bisop eo ej aikuj bwe en m̧ōj an m̧are im en pris eutiej im en rūtto an ļōmņak im lōn̄ an iminene. Mālim eo an Būreejtōnji eo Kein kajuon ej menin aikuj m̧okta jān kūr juon bisop.
-
Rikakpilōklōk ro an bisop eo remaron̄ membōr ro iunit eo. Ak remaron̄ bar em̧m̧aan ro me ejjeļo̧k pāleer ak em̧ōj aer m̧are me rej jokwe ilowaan wōt boundary ko an iunit eo. Rej aikuj bwe ren pris ro reutiej. Eļan̄n̄e juon em̧m̧aan ej kūr āinwōt juon rikakpilōklōk ilo juon bisoprik ejjab juon pris eutiej, stake būreejtōn eo ej kanooj lale bwe e ej ekkapit juon pris eutiej m̧okta jān kōjenolo̧k e.
-
Ritōl ro jet im rūkaki ro rej kūr jān ilubwilijin rūm̧m̧an ded me rej membōr ro an ward eo.
37.6
Ward ko im Branch ko n̄an Membōr ro ilo Jekjek ko Rein Juon
Juon stake būreejtōn emaron̄ elmakot ejaake ward ko ak branch ko n̄an membōr ro ilo jekjek ko rein juon, ko āinwōt ro ilo im̧ōn lale rūttor ro, būrookraam̧ in kōm̧adm̧ōd ko, ak kalbuuj ko.
Eitien aolep iien, ritōl ro me rej kūr n̄an jerbal ilo iunit kein rej jokwe ilowaan stake eo me ej eddoik iunit eo.
Lale 36.3 n̄an meļeļe ko kōn branch ko ilo juon mijen n̄an rūm̧m̧an ded ro ak rūm̧m̧an ded; membōr ro me rejjab kōnono kajin eo ijo jokwe ie; membōr ro me rej pād ilo im̧ōn rūtto ro; būrookraam̧ in kōm̧adm̧ōd ko; ak kalbuuj ko; ak membōr ro ilo jarin tariņae.
Lale 36.4.2 n̄an unin tōl ko n̄an leļo̧k etan ward eo im branch eo.
37.7
Kumi ko ilo Stake ko, Mijen ko, im Eria ko
Kumi ko reddik kar kōmālim ippān doon ko an membōr ro lale jān juon bisop, branch būreejtōn, ak mijen būreejtōn eo. Stake ak mijen būreejtōn eo emaron̄ rie ejaake juon kumi ilo jekjek kein:
-
Ito itak n̄an membōr ro an n̄an kweilo̧k ippān juon ward ak branch epen.
-
Jejjo uwaan membōr ro rej kenono bar juon kajin ijelo̧kin eo ilo unit ko aer, ekoba kajin eo kwoj jeknōl.
-
Membōr ro ilo jarin tarine em̧m̧antata jerbal ippāer ilo koba ippān doon āinwōt juon kumi (lale 38.9.4).
N̄an kōtmāne ejaake juon kumi, stake ak mijen būreejtōn eo rej jilkinļo̧k juon kajjitōk n̄an Eria Būreejtōnji eo. Eria Būreejtōnji eo wōt emaron̄ kōmālim kajjitōk eo.
Juon kumi aikuj in wōr diktata ruo membōr ro. Juon ej aikuj in juon pris eo erreeo ilo Priesthood eo an Aron ak juon rikabwijer Melkisedek Priesthood eo.
Ilo Stake ko, stake būreejtōn eo ej jitōn̄ juon bisop ak branch būreejtōn n̄an kajutak im lale kumi eo. Ilo mijen ko, mijen būreejtōn eo ej jitōn̄ juon branch n̄an kajutak im lale.
Eitien aolep iien, juon kumi emaron̄ ejaak n̄an lale membōr ro me rej jokwe ilo juon ak elōn̄ļo̧k iunit ko ilowaan juon stake ak district. Membōr in kumi eo ewōr jon̄an n̄an ro me rej jokwe ilowaan jem̧lo̧kin tōrerein ko an iunit eo ak iunit ko ej pād ie. Kumi ko rejjab kijoon jem̧ļo̧kin tōrerein ko an stake ak district eo.
Stake būreejtōn eo, mijen būreejtōn eo, bisop eo, ak branch būreejtōn eo ej kūr juon ritōl an kumi eo im kōjenolo̧k e. Ritōl eo an kumi eo ej kajutak im kōjeikik kweilo̧k ko an kumi eo, eo ekoba kōm̧m̧ane kwojkwoj eo.
Ritōl eo an kumi eo ejjab kabwijer ki ko an priesthood eo, im ejjab mālim n̄an:
-
Būki m̧ōttan jon̄oul ko im jortak ko
-
Ko̧o̧njeļ ippān membōr ro kōn jerawiwi ko reļļap.
-
Leļo̧k mo ko repidodo ak repen an membership.
-
Kōm̧m̧ane jerbal ko jet me rej aikuji ki ko an priesthood eo.
Ekkā wōt, kumi ko rej kōjerbal Basic Unit Program eo (lale 36.6).
Membership rekoot ko an ro uwaan kumi eo rej likūt wōt ilo ward eo ak branch eo me ej bōk eddo in kumi eo.
Opiij ko reļļap an Kabun̄ in ejjab jitōn̄ juon membōr in iunit eo n̄an kumi ko.
N̄e juon kumi ej tōprak, stake ak mijen būreejtōn eo emaron̄ rie n̄an an erom juon branch.
37.8
Iunit ko an Kabun̄ ilo Base ko an Military
N̄an naan in kōmeļeļe ko kōn ejaake ward ko, branch ko, im kumi ko an membōr ro rej ritariņae me rej kweilo̧k ilo base ko an military, lale 38.9.4.