38.

Kakien ko im Unin Tōl ko an Kabun̄ in

38.1

Bōk Koņaan ilo Kabun̄ in

Jemedwōj ilo Ilan̄ ej iakwe ajri ro Nejin. “Aolep rej āinwōt juon n̄an Anij,” im Ej kūr aolep “n̄an itok n̄an Ippān im bōk leen em̧m̧an eo An” (2 Nipai 26:33).

Ritōl ro an Kabun̄ in im membōr ro ekkā aer kajjitōk wōn ro remaron̄ pād ilo iien jar ko an Kabun̄ eo an Jisōs Kraist im Armej ro Rekwojarjar ilo Raan ko Āliktata, im wōn ro remaron̄ erom̧ membōr ro an Kabun̄ in, im wōn ro remaron̄ deļon̄e tampeļ.

38.1.1

Etal n̄an Kweilo̧k ko an Kabun̄ in

Rilo̧mo̧o̧r ekar katakin bwe ro Rikaļooran rej aikuj iakwe ro ruturier (lale Matu 22:39). Paul ekar kajjitōk ippān rioktak ro rekāāl n̄an “jab bar ruwamāejet im ri ito-itak, a kom̧in citizen ippān ro rem̧m̧an” (Epesōs 2:19) Rilo̧mo̧o̧r ekar barāinwōt katakin bwe ro uwaan Kabun̄ in ren jab “kadiwōjļo̧k jabdewōt jān … kweilo̧k ko an aolep, ko rej kōm̧m̧an im̧aan laļ in” (Katak im Bujen Ko 46:3)).

Aolep rej ruwainene n̄an etal n̄an kweilo̧k in kwojkwoj eo, kweilo̧k ko ilo Jabōt ko jet, im m̧akūtkūt in iiaio ippān doon ko an Kabun̄ eo an Jisōs Kraist im Armej ro Rekwojarjar ilo Raan Ko Āliktata. Ritōl eo ej tōl ej eddoik n̄an kanooj lale bwe aolep ro rej pād ren kautiej jikin ko rekwojarjar.

Ro rej pād rej aikuj in jab kōm̧m̧an kauwaron̄ron̄ ko ak kōm̧ad ko rejjab jetjet n̄an kabun̄ jar ak jibadbad ko jet an kweilo̧k eo. Aolep iiō dettan im m̧wil ko remenin aikuj an kweilo̧k ko rokoktaktak an Kabun̄ in im m̧akūtkūt ko rej aikuj in kautieji. Ej menin aikuj n̄an bōjrak jān m̧wil in jekjek ko an juon ripālele ak rijera me rejekkar ilobōlej im jān nuknuk ko jej kaņōki ak wāween m̧wijbar ko reletok lon̄iin̄ armej. Ej barainwōt bōbrae an waļo̧k naan in politic ko ak ekōnono kōn kajineet ko ilo m̧ōm̧ an kanniōk ak paaktok ko jet an juon make ilo juon wāween eo me ej kam̧ad ak kappel armej jān kweilo̧k ko me rej mije wōt Rilo̧mo̧o̧r.

Eļan̄n̄e ewōr m̧wil ko rejekkar, bisop eo ak stake būreejtōn eo rej kōm̧m̧ani ko̧o̧njeļ ko reņojak ak ittino̧ ilo juon jitbōn iakwe. Ej kōketak ro me m̧wil eo aer ejekkar n̄an m̧akūtkūt eo n̄an jibadbad eo n̄an jipan̄ dāpij wōt kwojarjar eo an jikin eo n̄an aolep ro rej pād kōn juon kōmejaja aorōk ilo kabun̄ jar n̄an Jemedwōj Ilan̄ im Rilo̧mo̧o̧r.

Im̧ōnjar ko an Kabun̄ in rej m̧weien Kabun̄ in rej lokjak n̄an kakien ko an Kabun̄ in. Armej ro rej m̧akoko n̄an ļoor unin tōl kein naaj kajjitōk ippāer ilo juon wāween kautiej n̄an jab etal n̄an kweilo̧k ko im m̧akūtkūt ko an Kabun̄ in.

38.1.2

Erom̧ juon membōr in Kabun̄ in

Membōr ilo Kabun̄ eo an Jisōs Kraist im Armej ro Rekwōjarjar ilo Raan Ko Āliktata ej pād n̄an armej ro me rej “wōnm̧aantak kōn bōro ko rerup im jetōb ko rettā,” “rem̧ōņōņō in bōk ioer etan Jisōs Kraist,” im ikdeleel n̄an kōm̧m̧an im kōjparok bujen ko rekwojarjar kar kōm̧m̧an ilo iien peptaij (Katak im Bujen Ko 20:37).

Peptaij an ajri ro reddik 8 iiō dettaer im rūttoļo̧k, lale 38.2.8.2.

38.1.3

Kabun̄jar ilo Tam̧peļ

Tampeļ ko rej jikin ko rekwojarjar n̄an kabun̄ jar ijo rej būki kain̄i ko raorōk im bujen ko rekwojarjar rej kōm̧m̧an ie. N̄an membōr ro an Kabun̄ in, tampeļ ko rej m̧ōko im̧ōn Anij. Kōn ekwojarjar in im bujen ko kar kōm̧m̧ani, membōr ro wōt an Kabun̄ in im ewōr aer peba in mālim kāāl n̄an deļon̄ tampeļremaron̄ kabun̄jar ilo tampeļ eo. Membōr ro remaron̄ bōk juon peba mālim n̄an deļon̄e tampeļ n̄e rej tiljek ilo aer kōjparok kien ko remenin aikuj im mour kōn gospel eo an Jisōs Kraist. (Lale jebta 26.)

38.1.4

An Membōr eo Ejjan̄in Mare Bōk Koņaan im Kōjeraam̧m̧an ko

Aolep mem̧bōr ro, men̄e rejjan̄in kar m̧are ak ejjeļo̧k aer baam̧le ilo Kabun̄ in, aikuj in kajjieon̄ wāween mour em̧m̧an ilo juon baam̧le indeeo. Menin ej meļeļe in kōppopo n̄an liāp āinwōt ļeo ak lio pālele erreo im n̄an erom̧ juon baba im juon m̧am̧a ej iakwe. N̄an jet, kōjeram̧m̧an kein rejjāmin kūrm̧ool m̧ae mour eo tok juon, bōtaab menin kōtōpar eo aorōktata ej jepaan wōt juon n̄an aolep.

Membōr ro retiljek me wāween ko aer rejjab kōtļo̧k bwe ren bōk kōjeraam̧m̧an ko an m̧are indeeo im erom m̧am̧a im baba ilo mour in naaj bōk aolep kōjeraam̧m̧an ko kar kallim̧ur kaki ilo iien ko ejjeļo̧k jem̧ļo̧kier, kar kōpooj n̄an er n̄e rej kōjparok bujen ko raar kōm̧m̧ani ippān Anij (lale Mosaia 2:41)

38.1.5

Baba im Mama ro Rejjan̄in Mare rej ilaļ in 18 Iiō

Juon likao eo ilaļ in 18 iiō dettan me ej tōn erom juon baba emaron̄ bōk koņaan ilo doulul eo an Priesthood eo an Aron ak ilo doulul eo an elder ro. Jokāālet in ej kōm̧m̧an kōn juon iien ekōnono em̧m̧an an likao eo, ro jinen im jemen, im bisop eo.

Jiron̄ eo ilaļ in 18 iiō dettan me ej tōn erom juon jinen emaron̄ bōk koņaan ilo Doulul eo an Jiron̄ ro ak ilo Doulul eo an Kōrā ro. Kālet in ej an wōt jiron̄ eo, ro jinen im jemen, im bisop eo.

N̄an kōm̧m̧ane kālet in, jodikdik ro, ro jinen im jemen, im ritōl ro rej ļōmņaki men kein ilaļ:

• Eļan̄n̄e jodikdik eo ej bōk kuņaan ilo kūlaaj kein im m̧akūtkūt ko, ajri eo ejjab aikuj in itok ippān tok.

• Jodikdik ro rerūtto eo rej kālet n̄an kōkaajririik ajri eo ej maron̄ in ruwainene n̄an doulul eo an elder ro ak n̄an Doulul eo an Kōrā ro.

38.2

Kakien ko an Kain̄i ko im Kōjeraam̧m̧an ko

Jekjen in ej letok kakien ko an kain̄i ko im kōjeraam̧man ko. Jet iaan kakien kein ekitbuuj jekjek ko rejenoļo̧k. N̄an meļeļe ko kōn kain̄i ko im kōjeraam̧m̧an ko lale jebta 18. N̄an meļeļe ko kōn kain̄i ko an tampeļ lale jebta 27 im 28.

38.2.1

Ukōt Kain̄i ko im Kōjeraam̧m̧an ko n̄an Bar juon Kajin

Eaorōk bwe armej eo ej bōk juon kain̄i ak kōjeraam̧man en meļeļe ta eo ej ba. N̄e emenin aikuj, ritōl eo ej tōl emaron̄ in kajjitōk ippān ro jet n̄an ukōt kain̄i eo ak kōjeraam̧man n̄an kajin eo an armej eo. Menin ekoba sign language.

Eļan̄n̄e juon armej ej bōk juon kain̄i ak kōjeraam̧m̧an ejaron̄ron̄ ak epen an ron̄ļo̧kjeņ, e ļeo ak e lio emaron̄ kōjerbal juon voice-to-text-application. Armej ro me rejaron̄ron̄ ak pen an ron̄ļokjeņ remaron̄ kōjerbal ukook in sign language ak juon voice-to-text-application n̄an meļeļe kōjeraam̧m̧an ko kar liļo̧k n̄an ro uwaan baamle eo aer.

N̄an meļeļe ko kōn ukook in kōjeraam̧man ko an petriak ilo jeje, lale 38.2.10.5. N̄an meļeļe ko reļļapļo̧k kōn ukook eo an sign language kōn kōjeram̧man ko an petriak, lale 38.2.10.6.

38.2.2

Pija, Kanne Pitio ko, im Kain̄i ko im Kōjeraam̧m̧an ko

Kain̄i ko im kōjeraam̧man ko rekwojarjar. Kōn unin, ejjeļo̧k juon en ej aikuj bōk pija ko ak kōm̧m̧an kanne ko an pija an kain̄i ko, kōjeraam̧m̧an ko, ak iien peptaij ko.

Baam̧le eo emaron̄ kanne ainikien im je kōjeraam̧m̧an eo an jemān. Kōmeļeļein kōjeraam̧m̧an kein repād ilo 18.14.1.

Kōjeraam̧m̧an ko an petriak em̧ōj kar jei. N̄an kōm̧m̧ane menin, petriak eo ak rijeje eo an ej kanne kōjeraam̧m̧an eo.

Kain̄i ko jet im kōjeraam̧m̧an ko rej aikuj in jab rekooti ak jei.

Kōn meļeļe ko kōn kadiwōjļo̧k kain̄i ko lo intōrnet, lale 38.2.3.

38.2.3

Kadiwōjļo̧k Kain̄i ko

N̄e ekkar, ro rej kōņaan lale kain̄i eo reaikuj kajjieon̄ in pād ilo nememein armej. N̄e membōr ro im ro m̧ōttar rej pād ilo kain̄i eo, rej en̄jake im̧we eo an Jetōb im rej juon wōt ippān doon.

Ijoke, n̄e ro repaak uwaan baam̧le eo rejjab maron̄ pād ilo nememein armej, bisop eo ak stake būreejtōn eo emaron̄ kōmālim kadiwōjļo̧k in kain̄i eo n̄an e. Kadiwōjļo̧k eo kar kōmālimi, n̄an waajon̄ak, n̄e ro repaak uwaan baam̧le eo.

• Rej jokwe ilo jikin ko rettoļo̧k ak ejjabwe iaļ in ito itak.

• Ewōr apan̄ ko ilo ājmour ilo ānbwin, kōļmenļo̧kjeņ, ak en̄jake ko.

• Epidodo aer bōk nan̄inmej ak rej pād ilo im̧ōn lale rūtto ro ak aujpitōl.

• Aikuj ukook ilo kajin-kakōļļe (sign-language).

• Ej jerbale juon mijen aolep raan. (Jerbale juon mijen aolep raan.

Bisop eo emaron̄ kōmālim kadiwōjļo̧k in kōjeraam̧m̧an nin̄nin̄ eo, peptaij, kapene, im kain̄i ko an Priesthood eo an Aron. Stake būreejtōnji eo emaron̄ kōmālim kadiwōjļo̧k in ekkapit ko an Melkisedek Priesthood im kōjenolo̧k mijinede ro.

Kain̄i eo an kwojkwoj eban maron̄ kadiwōjļo̧k. N̄e kweilo̧k in kwojkwoj eo maron̄ kadiwōjļo̧k, kadiwōjļo̧k eo eaikuj bōjrak jidik ilo iien kōjeraam̧m̧an kwojkwoj eo. Bisop eo emaron̄ kōmālim juon pris ak rikabwijer Melkisedek Priesthood eo n̄an kōm̧m̧ane kwojkwoj eo ilo nememein armej n̄an ro me rejjab maron̄ pād ilo kweilo̧k eo 18.9.1

Stream an kain̄i ko ren jab ko̧kkure aer en̄jake Jetōb. Eitōn aolep iien, juon wōt device aikuj in jerbal. Ej kōjerbale jān technology specialist eo an ward ak stake. Jim̧or device eo im armej eo ej kōjerbale ej aikuj in jab alikkar.

Kadiwōjļo̧k in kain̄i ko eaikuj in joļo̧k ilowan wōt raan eo ālkin kain̄i eo.

38.2.4

Kain̄i ko n̄an ro Ewōr M̧ōjņo̧ in Kōļmenļo̧kijeņ ko Ippāer

N̄an ļōmņak in kōm̧m̧ane kain̄i ko n̄an juon armej eo im ewōr m̧ōjno in kōļmenļo̧kijen ippān, kajjojo armej, ro jinen im jemān ak ro ribōk eddoin (ijo ekkar), im ritōl ro rej kenono ippān doon. Rej lukkuun lale ikideleel eo an armej eo im jon̄an an meļeļe. Kain̄i ko rej aikuj in jab dāpiji jān aer kōm̧man eļan̄n̄e ej erreo, ej kōņaan būki, im kwaļo̧k ejetjet ekkar n̄an lolorjake im bōk eddo.

juon bisop ej kōnono ippān stake būreejtōn eo n̄e eaar wōr an kajjitōk kōn kajjojo armej ro. Stake būreejtōn eo emaron̄ kajju kajjitōk ippān Opij eo an Būreejtōnji eo Kein Kajuon eļan̄n̄e ekkar.

Kajjojo ro ewōr utam̧we ippāer remaron̄ jab bōk eddo “remour ilo aelōn̄ selestial in lan̄” (Katak im Bujen Ko 137:10). Kōn un in, kain̄i ko rejjab aikuj ak kōm̧m̧an n̄an er. Oktak eo wōt ej liāp n̄an ro jineer im jemeer n̄an ro rekar rejjab ļotak ilo bujen.

N̄an eļapļo̧k meļeļe n̄an kōm̧m̧ani kain̄i ko n̄an ro ewōr m̧ōjņo̧ ilo kōļmenļo̧kjeņ ippān, lale ijin ilaļ:

• N̄an peptaij im kapene, 38.2.8.1.

• N̄an ekkapit n̄an juon priesthood opiij, 38.2.9.7

• N̄an juon kōjeraam̧m̧an an petriak, 38.2.10.1

• N̄an bōk menin letok kwojarjar an tampeļ im liāp, 27.2.1.3 im 27.3.1.2

38.2.5

Kain̄i ko im Kōjeraam̧m̧an ko kar Kōm̧m̧ani jān im n̄an ro Ewōr M̧ōjņo̧ in Ānbwinier

Armej ro ewōr aer utam̧we in ānbwin, ko āinwōt jako juon ak jim̧or pā ko, mej rājetin, ak jaron̄ron̄, maron̄ kōm̧m̧an im bōk kain̄i ko im kōjeraam̧m̧an ko. Ritōl ro rej kōm̧m̧ani karōk ko n̄an armej rein n̄an maron̄ bōk kuņaer ilo iien eo ekkar. N̄e ewōr an ritōl ro kajjitōk im reban maron̄ uwaaki, stake būreejtōn eo ej kūrļo̧k Opiij eo an Būreejtōnji eo Kein Kajuōn.

Armej ro im rejaron̄ron̄ ak ewōr jorrāān in aer ron̄ļo̧kjen remaron̄ in kōnono kōn sign language ilo tōre eo im rej kōm̧m̧ane ak bōk juon kain̄i ak kōjeraam̧m̧an. Juōn ritōl in priesthood eo ej tōl ilo an juon kain̄i kōm̧m̧an en lukkuun lale bwe eo ej bōk kain̄i eo en meļeļe jān an juon rukook ak wāween ko jet (lale 38.2.1).

38.2.6

Kōkāāl ak Kōweppān Kain̄i ko

Meļeļe in ilaļ ej kwaļo̧k un ko juon kain̄i ejjab maron̄ in jerbal. Ej barāinwōt kōmeļeļeiki elmen n̄an kōkāāl ak kōweppān kain̄i eo.

Ilo jekjek ko jet, juon kain̄i emaron̄ bar kōm̧m̧an. N̄e ewaļo̧k menin, juon kūļōk ej rekoote raan/allōn̄/iiō eo ilo rekoot eo an ro uwaan, men̄e elikjab raan/allōn̄/iiō ko ilo kain̄i ko jet.

38.2.6.1

Juon Rekoot in Membōr in Ekar Jab Kōm̧m̧an ak Iiō eo Ie Ejako ak Ebōd

N̄an jerbal ko an rekoot, kain̄i eo emaron̄ jab jerbal eļan̄n̄e iiō eo kar kōm̧m̧ane ejako ak ebōd ilo rekoot eo an membōr eo. Ilo kakkobaba, juon peptaij eo ejjab em̧m̧an n̄e rekoot in membōr in ekar jab kōm̧m̧an Kain̄i eo emaron̄ jerbal ippān peba in kam̧ool eo me ekar leļo̧k n̄e kain̄i eo ekar kōm̧m̧an. Ippān peba in kam̧ool eo, bisop eo emaron̄ kōmālim juon kūlōk n̄an kōkāāl rekoot eo an membōr eo.

N̄e ejjeļo̧k peba in kam̧ool, kain̄i eo maron̄ in jerbal kōn naan in kam̧ool eo an ruo armej ro rekar kam̧oole. Rikam̧oolro ruo rej aikuj in:

• Ewōr 8 iiō dettan ak rūttoļo̧k ke kain̄i eo ekar kōm̧m̧an.

• Kar loe ak ron̄ kain̄i eo.

• Erom ro Uwaan Kabun̄ eo kōn rekoot ilo tōre eo im rekar leļo̧k naan in kam̧ool ko aer.

• Leļo̧k naan in kam̧ool ko aer ilo jeje, jim̧o̧r kwaļo̧k (1) Likieo in raan, allōn̄, iiō me kain̄i eo eaar kōm̧m̧an ak (2) iiō eo ekar kōm̧m̧an im armej eo me ekar kōm̧m̧ane.

• Je naan in kam̧ool eo aer im̧aan mejen juōn iaan membōr in bisoprik ak stake būreejtōnji.

Ippān naan in kam̧ool in, bisop eo emaron̄ kōmālim juon kūļōk n̄an kōm̧m̧ane juon ak bar kōkāāl rekoot in membōr eo. Innām̧ naan in kam̧ool eo kar je maron̄ joļo̧ke.

N̄e ejako peba in kam̧ool eo ak rikam̧ool ro, eaikuj bar kōm̧m̧an kain̄i eo.

N̄e membōr eo ekar bōk kain̄i ko jet ālkin an kar kain̄i eo jab jejjōt, rej aikuj in weppān jān ippān Būreejtōnji eo Kein Kajuon. N̄an kajjitōk in, stake būreejtōn eo ej jilkinļo̧k juōn leta n̄an Opiij eo an Būreejtōnji eo Kein Kajuōn.

38.2.6.2

Kain̄i ko Kar Bōki jān Jejjetin Laajrak eo an

Juon kain̄i ejjab jejjōt eļan̄n̄e juon armej ekar bōke jān oktak in laajrak eo an. N̄an waanjon̄ak, em̧m̧aan eo ekar bōk menin letok kwojarjar eo eban jerbal eļan̄n̄e ekar bōke m̧okta jen an bōk Melkisedek Priesthood eo. Mekarta, Būreejtōnji eo Kein Kajuon emaron̄ in errā kake juon kain̄i. N̄an kajjitōk in, stake būreejtōn eo ej jilkinļo̧k juōn leta n̄an Opiij eo an Būreejtōnji eo Kein Kajuōn.

38.2.6.3

Kain̄i eo Kar Kōm̧m̧an m̧okta jān Jejjet in Iiō eo

Juon kain̄i ejjab jerbal eļan̄n̄e ekar kōm̧m̧ane m̧okta jān jejjet in iiō eo. N̄an waanjon̄ak, peptaij eo ejjab jerbal n̄e eaar kōm̧m̧an mokta jān an kar armej eo kar 8 iiō dettan.

N̄e ejjeļo̧k bar kain̄i kar bōke ālkin an kain̄i eo jab jerbal,ej aikuj bar kōm̧m̧an. N̄e kain̄i ko jet kar būki, kain̄i ko im rejjab jerbal reaikuj weppān jān Būreejtōnji eo Kein Kajuon. N̄an kajjitōk in, stake būreejtōn eo ej jilkinļo̧k juōn leta n̄an Opiij eo an Būreejtōnji eo Kein Kajuōn.

38.2.6.4

Kain̄i eo Ekar Kōm̧m̧an ilo ejjeļo̧k Mālim

Kain̄i eo eban jerbal n̄e ekar kōm̧m̧an jen juon eo ejjeļo̧k an mālim in priesthood eo. N̄an waanjon̄ak, juon kapene eban jerbal n̄e ekar kōm̧m̧an jen juon eo ejjab kabwijer Melkisedek Priesthood eo. Ejjeļo̧k oktak, eban jerbal n̄e armej eo ej kōm̧m̧ane ekar jab bōk Melkisedek Priesthood eo jān jejjetin laajrak eo an (lale 38.2.6.2; bar lale 32.17).

N̄e kain̄i ko jet kar būki ālkin an kain̄i eo jab jerbal, ej aikuj bar kōm̧m̧an jen juon eo ej kabwijer mālim eo ejejjet. N̄e kain̄i ko jet kar būki, kain̄i ko im rejjab jerbal reaikuj weppān jān Būreejtōnji eo Kein Kajuon. N̄an kajjitōk in, stake būreejtōn eo ej jilkinļo̧k juōn leta n̄an Opiij eo an Būreejtōnji eo Kein Kajuōn. Ilo jekjek ko jet, Būreejtōnji eo Kein Kajuon emaron̄ kwaļo̧k bwe kain̄i eo emaron̄ in bar kōm̧m̧an.

38.2.7

Leļo̧k Etan im Kōjeraam̧m̧an Ajri ro

N̄an meļeļe ko reļļapļo̧k n̄an leļo̧k āt im kōjeraam̧m̧an ajri ro, lale 18.6.

38.2.7.1

Nin̄nin̄ Ko Rej Lukkuun Nan̄inmej

N̄e juōn nin̄nin̄ eo ej kab ļotak elukkuun nan̄immej, juon rikabwijer Melkisedek Priesthood emaron̄ in kōm̧m̧ane n̄an leļo̧k āt im kōjeraam̧m̧ane ilo aujpitōļ ak ilo m̧weo. Ejjab aikuj mālim jen bisop eo. Ālkin leļo̧k kōjeraam̧m̧an eo, ej kōjjeļāik bisop bwe rekoot ko an membōr en maron̄ kōm̧m̧an n̄an ajri eo.

38.2.7.2

Ajri ro Me Ro Jineer im Jemeer Rejjan̄in M̧are (Ekoba Jepel)

Ajri eo emaron̄ kōjeraam̧m̧an n̄e bisop ej bōk mālim ilo naan jān ro jinen im jemen ak ro ej bōk eddo in. Mālim eo ejjab aikuji juon boom̧ jān juon jinen ak jemen ak eo ej bōk eddo in me ejjeļo̧k legal basis ie n̄an jum̧ae kōjeraam̧m̧an eo.

38.2.7.3

Ajri ro Me Ro Jineer im Jemeer Rejjab Membōr in Kabun̄ in

Jet iien ro jinen im jemān juon ajri ak ro ribōk eddoier rej kajjitōk bwe ajri eo en kōjeraamman men̄e rejjab membōr in Kabun̄ in. N̄e ej waļo̧k menin, bisop eo ej bōk juon mālim ilo naan jān ro jinen im jemen ak ro rej bōk eddo in. Mālim eo ejjab aikuji juon boom̧ jān juon jinen ak jemen ak eo ej bōk eddo in me ejjeļo̧k legal basis ie n̄an jum̧ae kōjeraam̧m̧an eo.

Bisop eo ej kōmeļeļeik bwe:

• Rekoot ko an membōr eo enaaj kōm̧m̧an n̄an ajri eo.

• Membōr ro ilo Ward eo renaaj kepaake er emakijkij.

• E ak ritōl ro jet renaaj kajjitōk n̄e ajri eo epojak n̄an peptaij n̄e etōpar 8 iiō.

38.2.8

Peptaij im Kapene

N̄an meļeļe ko reļļapļo̧k ko kōn peptaij im kapene, lale 18.7 im 18.8.

38.2.8.1

Armej ro kōn Utam̧we ilo Kōļmenļo̧kjeņ

Armej eo ewōr nan̄inmej in kōļmenļo̧kjeņ emaron̄ in peptaij im kapen n̄e emaron̄ jeļā bōk eddo. E eaikuj in meļeļe n̄an kōjparok bujen ko an pepaij.

Bisop eo ej kabwijer kii ko n̄an peptaij eo an armej eo n̄e e ej:

• Juon membōr rekoot 8 iiō ak rūttoļo̧k.

• 8 iiō im ej aikuj ditata juon iaan ro jinen ak jemān ak ribōk eddo (lale 18.7.1.1).

Armej eo, jinen im jemān ak ribōk eddo eo (n̄e ewōr), im bisop eo rej kōnono ippān doon n̄an lale n̄e armej eo eaikuj peptaij im kapen.

Eļan̄n̄e armej eo ej oktak, mijen būreejtōn eo ej kabwijer kii ko n̄an peptaij eo an (ale 18.7.1.2). Ilo jekjek in, mijinede ro rej karon̄ mijen būreejtōn eo. Ej kōnono ippān armej eo im e im ro jinen im jemen ak ro ribōk eddoin (n̄e ekkar) n̄an ļōmņake n̄e e aikuj in peptaij im kapen. N̄e bisop eo ejeļā kajjien armej eo, mijen būreejtōn eo emaron̄ bōk an kapilōk.

Ro rejjab bōk eddo rejjab aikuj peptaij, jekdo̧o̧n iiō rot (lale Katak im Bujen Ko 29:46–50 im 38.2.4 ilo bok in bōk meļeļe in).

N̄an meļeļe ko kōn rekoot ko an membōr ro armej ro im raar jab maron̄ bōk eddo, lale 33.6.10.

38.2.8.2

Ajri Jiddik ro

Juōn ajri eo eļļā ilaļin rūtto, āinwōt an kōmeļeļeiki ilo kien ko ijo, emaron̄ in oktak im peptaij n̄e jim̧or jekjek kein rej elaajrak rej jelm̧ae:

1. Ro jinen im jemān ak eo ej bōk eddok in rej leļo̧k mālim. Mālim eo ejjab aikuji juon boom̧ jān juon jinen ak jemen ak eo ej bōk eddo in me ejjeļo̧k legal basis ie n̄an jum̧ae peptaij eo. Men ko kōtļo̧k rej aikuji mālim eo an Būreejtōnji eo Kein Kajuon.

   Armej eo im ej kōm̧m̧ane intōrpiu in peptaij im kapene eo emaron̄ kajjitōk mālim ilo jeje n̄e ej en̄jake enaaj jipan̄ bōbrae jameļeļe. Ilo jikin ko jet, mālim ilo jeje ej menin aikuj. Mijen im ritōl eria ro remaron̄ leļo̧k tōl.

   Ro jinen im jemān ak rikōjparok ro rej aikuj meļeļe katak eo ajri eo nejier naaj katakin. Rej aikuj bar kōņaan jipan̄ ajri eo ilo kōm̧m̧an im kōjparok bujen peptaij eo.

2. Armej eo ej kōm̧m̧ane intōrpiu eo ej ļōmņake n̄e ajri eo emeļeļe bujen peptaij eo. Ej aikuj en̄jake lōke ke ajri eo enaaj kajjieon̄ in kōjparok bujen in ilo pokake kien ko, ekoba pād ilo kweilo̧k ko an Kabun̄.

N̄e ajri eo ej kōjerbal āt eo etan eo ejjab lukkuun jemān, ajri eo emaron̄ peptaij im kapen kōn āt eo. Ebar jim̧we n̄e ejjab kōkaajriri. Mekarta, m̧ol in etan ajri eo, āinwōt an kōmeļeļeiki jān kien im manit eo an ijo, enaaj aikuj in kar ļo̧o̧k ilo rekoot ko an ro uwaan im ilo jertipikeet in kam̧ool eo kōn peptaij im kapen eo.

38.2.8.3

Armej ro Me Em̧ōj Aer kar M̧are

Juon armej eo im eaar m̧are ej aikuj in wōr an mālim tok jān ippān ļeo ak lieo pāleen mokta jān an oktak im peptaij.

38.2.8.4

Armej ro im Rekar Pālele Waan M̧okta jān M̧are.

Ripālele ro rej jokwe ippān doon ak rejjan̄in kar m̧are reaikuj kallim̧ur n̄an mour kake kien erreeo m̧okta jen an juon iaerro maron̄ peptaij. Menin ekoba kōjerbal tōmak n̄an ukwelo̧k āinwōt kōmeļeļeiki ilo Katak im Bujen Ko 20:37. Ekoba jab jokwe ippān doon, ilo jekjek in an em̧m̧aan im kōrā, reaikuj mare.

38.2.8.5

Armej ro me Rekoot ko Aer ilo Kabun̄ in Kar Bukweļo̧k ak Em̧ōj Joļo̧ki

Armej ro me rej membōr in Kabun̄ in kar joļo̧ke ak kar joļo̧k rekoot ko an maron̄ in bar kōro̧o̧litok n̄e ej bar peptaij im kapene. Rejjab ļōmņak rioktak ro. Mijenede rejjab intōrpiuik er n̄an peptaij. N̄an meļeļe ko, lale 32.16.

38.2.8.6

Jekjek ko Me Aikuji Mālim eo jān Mijen Būreejtōnji eo ak Būreejtōnji eo Kein Kajuon

Mālim jān mijen būreejtōn eo ej menin aikuj m̧okta jen an juon armej maron̄ peptaij n̄e ejjan̄in kar:

• Kōm̧m̧ani bōd ko reļļap (lale 38.2.8.7).

• Bōk kuņaan ilo m̧an lo̧je (lale 38.6.1).

Ilo jekjek ko jet, mijen būreejtōn ej intōrpiuk armej eo. N̄e emenin aikuj, mijen būreejtōn eo emaron̄ in kōmālimi juon iaan rikakpilōklōk ro an n̄an kōm̧m̧ane intōrpiu eo. Ej leļo̧k mālim in ejenoļo̧k n̄an kajjojo intōrpiu. Rikapilōklōk eo im ej kōm̧m̧ane ripoot ko n̄an ippān mijen būreejtōn eo, eo im emaron̄ in kar kōmālimi ak kariabe peptaij im kabine.

Mālim jān Būreejtōnji eo Kein Kajuon ej menin aikuj m̧okta jān an juon armej maron̄ peptaij im kapene n̄e ļeo ak lio:

• Ekar m̧ōrō (lale 38.2.8.7).

• Kar ņa ruwōn kōn juon jorrāān eļap ekar jelet jerbal in m̧ōm̧ an kanniōk (sexual misconduct) (lale 38.2.8.7).

• Ej kiiō pād ilo legal probation ak parole kōn jabdewōt jorrāān eļļap ak kakkure kien (offense) (ekkā kaje kōn juon iiō ilo kalbuuj ak aitokļo̧k) ak jabdewōt jorrāān me ej koba kakkure m̧ōm̧ an kanniōk (lale 38.2.8.7).

• Ekar m̧are elōn̄ļo̧k jān juon (lale 38.2.8.8).

N̄an bōk tōl kōn peptaij im kapene armej ro rej kile er āinwōt transgender, lale 38.2.8.9.

Eļan̄n̄e armej eo ej kab kein kajuon in an tōn peptaij, mijen būreejtōn eo ej intōrpiuik ļeo ak lio. Eļan̄n̄e ej loe ke armej eo erreeo im eļan̄n̄e ej kōmālim an peptaij, ej jilkinļo̧k juon kajjitōk in kōmālim n̄an Būreejtōnji eo Kein Kajuon kōjerbal LCR.

Eļan̄n̄e armej eo ekar juon membōr im ej kappukot n̄an bar ro̧o̧ltok, bisop eo ak stake būreejtōn ej intōrpiuki ļeo ak lio. Rej ļoor naan in kōmeļeļe ko ilo 32.16. Eļan̄n̄e rej jim̧or loe ke armej eo erreeo im kōmālim an peptaij, stake būreejtōn eo ej jilkinļo̧k juon kajjitōk n̄an Būreejtōnji eo Kein Kajuon kōjerbal LCR.

Jabdewōt kajjitōk n̄an Būreejtōnji eo Keiin Kajuon ej aikuj koba aolep tipdik in meļeļe ko āinwōt kar kōmleti ilo intōrpiu ko.

Lale 6.2.3 kōn eddo eo an stake (ak mijen) būreejtōn eo n̄e jilkinļo̧k abūļekijen ko n̄an Būreejtōnji eo Kein Kajuon.

38.2.8.7

Armej ro im Emōj Aer Kar Kōm̧m̧an Jorrāān ko Reļļap Rejelet Kakien ko

Armej eo ekar kōmmani jorrāān ko reļļap ejjab maron̄ in peptaij m̧ae iien ej kadedeļo̧k tōōm in kalibuuj eo aer. Menin em̧ool n̄an rioktak ro im n̄an ro rej kappukot n̄an ro̧o̧ltok.

Armej eo ekar kōm̧m̧an jorrāān ak jabdewōt jekjek an m̧ōm̧ an kanniōk eban peptaij im kapen m̧ae iien ededeļo̧k iien aer kalbuuj ak kaje. Būreejtōnji eo Kein Kajuon wōt emaron̄ kōm̧m̧ane oktak (lale 38.2.8.6). Armej rein kar rōjan̄ n̄an jerbal wōt ippān priesthood ritōl ro ijo rej jokwe ie. Rej kajjieon̄ in kōm̧m̧ane aolep men remaron̄e n̄an bōk jipan̄ an Rilo̧mo̧o̧r n̄an erreeo n̄an peptaij im kapene.

Mijenede ro rej jerbal aolep raan rejjab katakin armej ro rej pād ilo kalbuuj.

Armej eo me kar lo ruōn kōn m̧ōrō ak juon jorrāān (crime) ekitbuuj kakkure an m̧ōm̧ an kanniōk maron̄ jab peptaij ijello̧kin n̄e Būreejtōnji eo Kein Kajuon ej leļo̧k mālim (lale 38.2.8.6). Menin ejja wōt n̄an armej eo kear kwaļo̧k ruōn kōn an kar m̧ōrōr jekdo̧o̧ņ eļan̄n̄e kwaļo̧k ruōn eo ekar ilo eņņojak n̄an juon ritōl an priesthood eo. Āinwōt an kar jerbale ijjin, m̧ōrō ejjab koba in m̧an lo̧je ak bwiļijmāān ak tariņae ilo jekjek in jerbal.

Eļan̄n̄e armej eo ej kappukōt n̄an peptaij ej kab kein kajuon, mijen būreejtōn ej ej ļoor naan in kōmeļeļe ko ilo 38.2.8.7. Eļan̄n̄e armej eo ej juon kar membōr m̧okta ej pukōt n̄an bar ro̧o̧ltok, bisop eo im stake būreejtōn eo ej ļoor naan in kōmeļeļe ko ilo ejja jākjen in wōt (lale barāinwōt 32.16

38.2.8.8

Rūtto ro Rekar Bōk M̧are Elōn̄ļo̧k jān Juon Kōttan

Rūtto eo kar bōk rōjan̄, katakin, ak kar bōk kuņaan ilo m̧are elōn̄ļo̧k jen juon eaikuj bōk mālim jān Būreejtōnji eo Kein Kajuon m̧okta jen an maron̄ peptaij.

Eļan̄n̄e armej eo ej kappukōt n̄an peptaij ej kab kein kajuon, mijen būreejtōn ej ej ļoor naan in kōmeļeļe ko ilo 38.2.8.6. Eļan̄n̄e armej eo ej juon kar membōr m̧okta ej kappukōt n̄an bar deļo̧n̄tok, bisop eo im stake būreejtōn eo rej ļoor naan in kōmeļeļe ko ilo 38.2.8.6 (bar lale 32.16).

Kajjitōk eo eaikuj kōmeļeļeik jorrāān ko m̧oktaļo̧k an armej eo ilo m̧are elōn̄ļo̧k jān juon. Eaikuj bar kōmeļeļeik ukweļo̧k eo an im jekjek eo an baam̧le eo.

38.2.8.9

Armej ro ReJ Kile Er Āinwōt Transgender

Peptaij im kapene eo rej būki ekkar n̄an jekjek eo an juon armej ke kar ļotak. Armej ro rerreo im rejjab jipadek in m̧wijm̧wij, taktō, ak jab iiaio ippān ro jet āinwōt er jekjek eo aer ke raar ļotak remaron̄ peptaij im kapen. (N̄an kōmeļeļe in jab iiaio ippān ro jet , lale 38.6.23.)

Jabdewōt oktak ko n̄an kakien in ej aikuj mālim eo an Būreejtōnji eo Kein Kajuōn. N̄an bar kajjitōk mālim, mijen būreejtōn eo, ak stake būreejtōn an juon eo ruwalitōk-iiō-rūtoon, nej intōrpuik armej eo. Eļan̄n̄e e ej loe ke armej eo erreeo im eļan̄n̄e ej kōmālim an peptaij im kapene, e ej jilkinļo̧k juon kajjitōk in kōmālim n̄an Būreejtōnji eo Kein Kajuon kōjerbale LCR.

Eļan̄n̄e Būreejtōnji eo Kein Kajuon ej kōmālim peptaij im kapen eo, armej eo ebban maron̄ in bōk priesthood eo, juon peba in mālim n̄an deļo̧n̄e tampeļ, ak bōk kūr ko an Kabun̄ in ilo iien eo oktak eo ej bōk jikin. Ijoke, armej eo ej ruwainene n̄an bōk kuņaan ilo Kabun̄ in ilo wāween ko jet.

Armej ro im rekar būki bun̄tōn ko n̄an oktak innām bar oktak likļo̧k n̄an jekjek eo aer ke raar ļotak im rej erreo im kallim̧ur n̄an kōjeparok kien ko an Anij remaron̄ in peptaij im kapen.

Mijen būreejtōn ro ak stake būreejtōn ro an juon eo ruwalitōk-iiō-rūttoon, kōnono kake jekjek ko an armej eo ilo tiljek im āinwōt iakwe an Kraist. Rej kapukōt kapilōk jān Eria Būreejtōnji eo.

N̄an meļele ko reļļapļo̧k, lale 38.6.23.

38.2.9

Ekkapit n̄an Priesthood

N̄an meļeļe ko reļļapļo̧k kōn ekkapit n̄an priesthood ko, lale 18.10.

38.2.9.1

Membōr ro Rekāāl

N̄e juon būratōr eo em̧ōj an peptaij im kapen, e ej aikuj in likūt pā ko ioon (ekkapit) n̄an opiij eo an Priesthood eo an Aron n̄e ejejjet 12 an iiō ilo jem̧ļo̧kinļo̧k iiō eo. Bisop eo ej intōrpiuik e ālkin kapene eo an, ekkā ilowaan juon wiik. Juon membōr in bisoprik eo ej kwaļo̧k etan ilo kweilo̧k in kwojkwoj eo bwe ward membōr ro ren rejetake kajjitōk eo bwe en ekkapit (lale 18.10.3). Innām maron̄ kapiti n̄an opiij eo ekkar:

• Tikōn, n̄e enaaj 12 ak 13 ilo jem̧ļo̧kinļo̧k iiō eo.

• Rūkaki, n̄e enaaj 14 ak 15 ilo jem̧ļo̧kinļo̧k iiō eo.

• Pris, n̄e enaaj 16 ak rūttoļo̧k ilo jem̧ļo̧kinļo̧k iiō eo; n̄e ej 19 an iiō ak rūttoļo̧k, ļōm̧ņak em̧maan eo ej keppopo n̄an bōk Melkisedek Priesthood (lale 38.2.9.3)

Juon membōr eo ekāāl emaron̄ bōk Melkisedek Priesthood im likūt ioon (ekkapit) juon elder n̄e ej:

• Ej 18 ak rūttoļo̧k.

• Kar jerbal āinwōt juon pris (ejjeļo̧k jejjōt in iien aikuji).

• Ebwe an meļeļe kōn gospel in.

• Ej kwaļo̧k an erreeo.

Em̧m̧aan ro ej kab m̧ōj aer peptaij reban ekkapit ilo raan eo rekar peptaij im kapen. M̧okta rej aikuj intōrpiu jān bisop eo im rejetak jān ward membōr ro.

Peptaij ko an ro uwaan baam̧le eo rejjab aikuj rum̧wijļo̧k bwe eo jemen en maron̄ bōk priesthood eo im kōm̧m̧ane peptaij ko kōn e make.

38.2.9.2

Likao ro Me Ro Jineer im Jemeer Rejjan̄in M̧are (Ekoba Jepel)

Likao eo emaron̄ ekkapit n̄an opiij ko an Priesthood eo an Aron n̄e bisop eo ej bōk mālim jān ro jinen im jemen ak ro rej bōk eddo in. Mālim eo ejjab aikuji juon boom̧ jān juon jinen ak jemen ak eo ej bōk eddo in me ejjeļo̧k legal basis ie n̄an ejum̧ae ekkapit eo.

N̄e ļaddik eo etal kōn etan baam̧le eo an stepfather eo an, e emaron̄ ekkapit ilo āt eo. Ebar jim̧we n̄e ejjab kōkaajriri. Mekarta, m̧oolin etan likao eo, āinwōt an kōmālōte jān kien eo im manit eo, aikuj in kar ļook ilo peba in kam̧ool kōn ekapit eo.

38.2.9.3

M̧aan ro Repojak in Elder

Juon eo ej pojak in elder ej juon em̧maan membōr in Kabun̄ in im 19 an iiō ak ejjab kabwijere Melkisedek Priesthood. Em̧m̧aan ro emōj aer m̧are im reddikļo̧k jān 19 im rejjab kabwijer Melkisedek Priesthood rej barānwōt likūt er ro repojak n̄an elder.

Ium̧win tōl eo an bisop, doulul in būreejtōnji eo an elder rej jerbalļo̧k ippān likao/em̧maan ro rej keppopo n̄an ekkapit n̄an opiij eo an elder rej jipan̄ er pojak n̄an bōk Melkisedek Priesthood. N̄e juon likao ak em̧maan ejjab juon pris, ej aikuj ekkapit n̄an erom juōn pris ilo iien eo em̧ōkajtata āinwōt an erreo. Ejjab aikuj in ekkapit n̄an erom juon tikōn ak rikaki mokta. Emaron̄ in kar ekkapit n̄an erom juon elder ilo tōre eo im eaar menin aikuj n̄an an ejaakeļo̧k an meļeļe kōn ko̧jpeļ eo im kwalo̧k an erreo. Bisop im stake būreejtōn eo rej intōrpiuik e n̄an kōm̧m̧ane kālet in (lae 31.2.6).

N̄an meļeļe ko reļļapļo̧k n̄an jipan̄ em̧m̧aan ro kōpopo n̄an bōk Melkisedek Priesthood eo, lale 8.4.

38.2.9.4

Em̧m̧aan ro Ekar Oktak Ward ko ilowaan IIō eo Lo̧k

Jet iien juon būratōr eo ekar jokwe ilo juon ward edikļo̧k jān juon iiō eo ej menin aikuj ak kōņaan n̄an ekkapit n̄an juon opiij an Melkisedek Priesthood eo. Ilo jekjek in, bisop eo ak rikakpilōklōk eo kar jitōn̄e ej kūrļo̧k bisop eo an kar m̧okta im kajjitōk eļan̄n̄e ewōr jabdewōt menin kōnono kake ikkijen erreo. Eļan̄n̄e rikakpilōklōk ej jeļā bwe ewōr meļeļe ko reņņojak, ej kōjem̧ļo̧k bwebwenato eo. E ej kōnnanōk bisop eo an n̄an kūrļo̧k bisop eo an kar m̧ōkta m̧okta jān an kōm̧m̧ane intōrpiu eo.

38.2.9.5

Em̧m̧aan ro ilo Ward ko an ro Rūmm̧an Ded im Ward ko an Ro Ejjeļo̧k Pāleer

Em̧m̧aan ro rerreo im 18 iiō im rūttoļo̧k ilo ward ko an ro rūm̧m̧an ded rej aikuj ekkapit n̄an elder. Ro me raar jab ekkapit elder rej kobaļo̧k ippān doulul eo an elder ro āinwōt ro repojak in erom̧ elder ro.

38.2.9.6

Kūmi Jarin Tarņae eo ilo Jikin Bata ak Meļan ko Rettoļo̧k

Juon eo im ej kūmiin jarin tariņae ekkā intōrpiuiki er im kapit er ilo ward eo im ewōr an rekoot in ro uwaan. Mekarta, menin emaron̄ in jab kar waļo̧k n̄e rijerbal in ej pād ilo lomaļo kōn juon iien eaitokļo̧k ak ej jerbal ilo juon jikin bata ak ettoļo̧k. Ilo wāween rōt kein, rijerbal eo ej ioon ro jet im rej ritōl in doulul. N̄e ritōl eo an kūmi eo ej en̄jake bwe rijerbal in epojak n̄an ekkapit, ej kōm̧m̧ane juōn peba in kile n̄an ritōl eo ej tōl iunit eo an Kabun̄ in me ej lale membōr in ritariņae ro. (N̄e ejjeļo̧k kain iunit an Kabun̄ in, ej leļo̧k mālim eo n̄an Eria Būreejtōnji eo.) Ritōl eo ej kūrļo̧k ward bisop eo an ritariņae eo n̄an kam̧ool erreeo eo an.

N̄an ekkapit n̄an opiij ko an Priesthood eo an Aron, ritōl eo emaron̄ in kōmālimi ritōl in doulul eo ak juōn chaplain an Armej ro Rekwojarjar ilo Raan n̄an intōrpiuiki armej eo im lale ekkapit eo. N̄an ekapit n̄an opiij eo an elder, stake būreejtōn, mijen būreejtōn, ak Eria Būreejtōnji eo emaron̄ kōmālimi juōn chaplain an Armej ro Rekwojarjar ilo Raan ko Āliktata n̄an intōrpiuik armej eo im lale ekkapit eo. Aolep ekkapit ko raikuj rejetaki ak errā kake āinwōt an kōmeļeļeiki ilo 18.10.3.

38.2.9.7

Būratōr ro im Ewōr M̧ōjno in Kōļmenļo̧kijen ko ippāer

Juon em̧m̧aan membōr in Kabun̄ in eo ewōr m̧ōjņo̧ ilo kōļmenļo̧kjeņ, jinen im jemen (ijo ekkar), rej kōnono ippān doon ippān bisop eo kake n̄e ekkar bwe en bōk priesthood eo. Rej kōnono kōn ikideleel eo an im n̄e ewōr jidik an meļeļe kōn priesthood im eddo ko an.

Ritōl ro an priesthood im ewōr kain m̧ōjno ko ippeir rej aikuj in kar jipan̄ er innām bwe ren maron̄in bōk koņaer āinwōt an ekkar.

38.2.9.8

Būraboundaryr ro Emōj Aer Bar Ro̧o̧ltok kōn Peptaij im Kapene

N̄e juon em̧m̧aan ekar jab bōk menin letok kwojarjar m̧oktaļo̧k ej ro̧o̧ltok n̄an Kabun̄ in kōn peptaij im kapene, e emaron̄ kajju ekkapit. E ej ekkapit n̄an priesthood opiij eo ekar kabwijer ilo iien eo rekoot eo an kar joļo̧ke ak kabōjrake.

N̄e em̧m̧aan eo ekar bōk menin letok kwojarjar m̧oktaļo̧k, eban ekkapit n̄an juon priesthood opiij. Ijoke, opiij eo an m̧oktaļo̧k ej ro̧o̧ltok kōn kain̄i eo ej jepļaaktok in kōjeram̧man ko.

N̄an meļeļe ko reļļapļo̧k im kōmeļeļe, lale 32.17.

38.2.9.9

Armej ro Rej Kile Er Āinwōt Transgender

Kain̄i ko an Priesthood rej būki ekkar n̄an jekjek/nememein an juon armej ke ear ļotak. Juon em̧m̧aan membōr in Kabun̄ in eo erreeo me ejjab pojak in m̧wijm̧wij, taktō, ak oktakļo̧k jān nememe ļaddik eo an ke ekar ļotak tok kake maron̄ in bōk im kōjerbal priesthood eo. (N̄an kōmeļeļe in iiaio ippān ro jet , lale 38.6.23.)

Em̧m̧aan ro im rej membōr im raar būki bun̄tōn ko n̄an oktak innām bar oktak likļo̧k n̄an jekjek eo aer ke raar ļotak im rej erreo im kallim̧ur n̄an kōjeparok kien ko an Anij remaron̄ in peptaij im kapen.

Bisop ro reaikuj kōnono ippān stake būreejtōn eo n̄an kōnono kake jekjek ko an kajjojo armej ilo jejjet im iakwe āinwōt Kraist. Stake im mijen būreejtōn ro rej kapukot kapilōk jān Eria Būreejtōnji eo.

N̄an meļele ko reļļapļo̧k, lale 38.6.23.

38.2.10

Kōjeraam̧m̧an ko an Petriak

N̄an meļeļe ko reļļapļo̧k kōn kōjeraam̧man ko an petriak, lale:

• Jekjen 18.17 ilo bok in bōk meļeļe in.

• Meļeļe ko im Ļōmņak ko n̄an Petriak ro.

• Kweilo̧k im Kamminene ko an Ritōl Ipeļaalkin Laļ in: Petriak Eo.

38.2.10.1

Membōr ro Ewōr Jorrāān in Kōļmenļo̧kjeņ Ippāer

Juon membōr eo ewōr an m̧ōjņo̧ ilo kōļmenļo̧kjeņ , e ak jinen im jemen (ijo ekkar) ak ro rej bōk eddoin, rej kōnono ippān doon ippān bisop eo kake n̄e ekkar bwee en bōk juon kōjeram̧m̧an an petriak Remaron̄ lale kōņaan eo an membōr eo im lale n̄e ewōr jidik an meļeļe kōn kōjeraam̧m̧an eo. N̄e āindein, membōr in bisoprik eo emaron̄ leļo̧k juon mālim in kōjeraam̧m̧an eo an petriak Kōmeļeļe ko repād ilo 18.17.

38.2.10.2

Mijenede ro

Juon kōjeraam̧m̧an an Petriak emaron̄ juon menin jipan̄ ekajoor an jetōb n̄an juon mijinede. N̄e emaron̄, membōr eo eaikuj in bōk juōn kōjeraam̧m̧an an patriark m̧okta jān an jino jerbal in mijinede. N̄e menin eban kōm̧m̧an, e emaron̄ bōk juon kōjeraam̧man an petriak ilo mijen eo an. Mijen būreejtōn eo ej intōrpiuik mijinede eo im kepooj juon Peba in Mālim in Kōjeraam̧an an Petriak. Kōmeļeļe ko repād ilo 18.17.

Juon mijinede eo ej pād ilo juon jikin kaminene eo an mijinede (MTC) emaron̄ bōk juon kōjeraam̧m̧an an petriak n̄e aolep men kein rej kōm̧m̧an:

• Mijinede ej itok jān juon eria ijo ejjeļo̧k petriak emaron̄ leļo̧k juon kōjeraam̧m̧an ilo kajin eo an mijinede eo.

• Mijinede eo enaaj jerbal ilo juon mijen ijo ejjeļo̧k petriak emaron̄ leļo̧k juon kōjeraam̧m̧an ilo kajin eo an mijinede eo.

• Juon petriak eo epaake MTC eo emaron̄ leļo̧k juon kōjeraam̧m̧an ilo kajin eo an mijinede eo.

38.2.10.3

Membōr ro Rej Deļōn̄e Tariņae

Juon kōjeraam̧m̧an an Petriak emaron̄ juon menin jipan̄ ekajoor an jetōb n̄an membōr eo ej jerbal ilo tariņae. N̄e emaron̄, membōr eo erreeo eaikuj in bōk juōn kōjeraam̧m̧an an patriark m̧okta jān an etal n̄an jikin tariņae.

N̄e ejjab ekkar, membōr eo emaron̄ in bōk juon kōjeraam̧m̧an an petriak ilo jikin tariņae eo an. Membōr in bisoprik eo ijo ej intōrpiuik membōr eo im kepooj juon Peba in Mālim in kōjeraam̧m̧an an Petriak. Naan in kōmeļeļe ko rej waļo̧k ilo 18.17.

N̄an meļeļe ko reļļapļo̧k, stake būreejtōn eo emaron̄ kūrļo̧k Opiij eo an Doulul eo an Jon̄oulruo Rijilōk ro ilo [e-mail].

38.2.10.4

Membōr ro Rej Jokwe Ilikin Stake eo an Petriak eo

Juon membōr ekkā an bōk juon kōjeraam̧m̧an an petriak jān petriak eo ilo stake eo an. Ijoke, membōr eo emaron̄ bōk juon kōjeraam̧m̧an jān juon petriak ilo bar juon stake n̄e ej:

• Ej juon bwijin petriak eo, (nejin, jibwin, ak jibwin-jibwin) ilo lo̧tak ak kōkaajriri.

• Jokwe ilo stake eo me ejjeļo̧k petriak ie.

• Jokwe ilo juon district.

• Ejjab kōnono ejja kajin eo wōt an stake petriak eo, im juon stake petriak ilo stake eo epaak n̄an kōnono ilo kajin eo an membōr eo.

Ilo kajjojo jekjek kein, membōr in bisoprik eo ak branch būreejtōn ej intōrpiuik membōr eo āinwōt kōmeļeļeiki ilo 18.17. Juon membōr in stake būreejtōnji eo an petriak eo im juon ribōk eddo ilo stake eo ak mijen būreejtōnji eo aikuj kōmālim peba in mālim eo ilo Patriachal Blessing System.

38.2.10.5

Ukook in Kōjeraam̧m̧an ko an Petriak

Im̧we im meļeļe eo an juon kōjeraam̧m̧an an petriak epen n̄an ukote. N̄an unin, membōr ro raikuj bōk kōjeraam̧m̧an ko aer ilo kajin eo em̧m̧an aer meļeļe. Kabun̄ in ejjab kōpooje ukook in naan in kōjeram̧m̧an ko an petriak.

Membōr ro rejjab aikuj ukōt kōjeraam̧m̧an ko an petriak. Ijoke, jet iien membōr eo eaikuji juon kōjeraam̧m̧an eo ekar ukote n̄an kajin eo emeļeļeiki. Membōr eo emaron̄ pukot juon membōr an Kabun̄ in eo lōke im erreeo eo emaron̄ leļo̧k ukook eo. Membōr eo eaikuj kālet juon rukook eo ekapeel eo emeļeļe piktokin jetōb im enojak eo an kōjeraam̧m̧an eo Kape in Ukookin kōjeram̧man ko rejjab kakkon ilo Jikin kweilo̧k ko reļļap an Kabun̄.

Juon stake būreejtōn eo ej kajjitōk juon pepa in naan in kōjeraam̧m̧an an petriak. Ej kūrļo̧k Opiij eo an Doulul eo an Jon̄oulruo Rijilōk ro ilo [e-mail].

38.2.10.6

Kōjeram̧m̧an ko an Petriak kōn Sign Language Interpretation

N̄e juon membōr ejaron̄ron̄ ak pen an ron̄jake, kōjeraam̧m̧an in petriak eo an emaron̄ in ukook ilo kōkaļļe in kajin (sign language). Membōr eo ej kappukot juon rukook. Em̧m̧anļo̧k lōke armej in im membōr eo erreeo an Kabun̄ in eo emeļeļe katak ko raorōk kōn kōjeraam̧man ko an petriak. Ijoke, n̄e rejjab maron̄ loe juon member in Kabun̄ in, armej ro jet rekkar maron̄ ukook.

38.2.10.7

Kōjeraam̧m̧an ko an Petriak Kein Karuo

Ilo jekjek ko rekanooj jeja, juon membōr erreeo emaron̄ kajjitōk kōn kōjeraam̧m̧an eo an petriak kein karuo. Ijoke, ejjab juon men jej rōjan̄ n̄an kōm̧m̧ane, im emaron̄ jab mālim kajjitōk eo. Eļan̄n̄e kajjitōk eo an membōr eo ewōr unin kōn kajjitōk rot in, e ej aikuj kōnono ippān bisop eo. Eļan̄n̄e bisop eo ej en̄jake bwe kōjeraam̧man eo an petriak kein karuo ekkar, ej kōpooj juon peba in Mālim n̄an Kōjeraam̧m̧an an Petriak. Kōmeļeļe ko rej waļo̧k ilo 18.17.

Innām stake būreejtōn eo ej intōrpiu membōr eo im riiti kōjeraam̧m̧an eo an jinion tata ippān armej eo. Eļan̄n̄e ej en̄jake bwe kein karuo kōjeraam̧m̧an eo ekkar, ej kepaak Opiij eo an Doulul eo an Jon̄oulruo Rijilōk ro ilo [e-mail].

Stake būreejtōn eo ej karon̄ armej eo im petriak eo kōn kālet eo an Opiij eo an Doulul eo an Jon̄oulruo Rijilōk ro. Eļan̄n̄e emālim kajjitōk eo, stake būreejtōn eo ej kōmālim mālim eo ilo Patriarchal Blessings System eo. Stake būreejtōn eo ej karon̄ armej eo bwe kōjeraam̧m̧an eo kein karuo ej bōk jikin kōjeraam̧m̧an eo jinoin. Innām petriak eo emaron̄ leļo̧k kōjeraam̧m̧an eo an petriak kein karuo.

38.3

M̧are an Kien

Ritōl ro an Kabun̄ in rej rōjan̄ membōr ro bwe ren karbab n̄an m̧are ilo tampeļ im maron̄ m̧are im liāp ilo tampeļ eo. N̄e kōmālim jān kien eo an jikin eo, ritōl ro an Kabun̄ in remaron̄ kōm̧m̧an kōm̧are ilo jekjek ko āinwōt kein ilaļ:

• Ripālele ro rej karōk n̄an m̧are ilo juon tampeļ, ak tampeļ m̧are ko jab maron̄ kile.

• Ripālele eo naaj m̧are ilo juon tampeļ, ak m̧are ilo kien enaaj jipan̄ ro jinen im jemān ak ro uwaan baam̧le eo kobatok.

• Deļo̧n̄e tampeļ ejjab mālim n̄an ilo iien eo eaetok.

• Ripālele eo ejjab karōk n̄an m̧are ilo juon tampeļ.

Juon m̧are ilo kien ej jerbal toon wōt an ripālele ro mour. Ejjab eļļā ak wōnm̧aanļo̧k wōt ālkin mour in.

M̧are in kien ko rej aikūj in loore laajrak ko an kien eo ilo jikin eo rej bed ie im m̧are eo ej kōm̧m̧an.

M̧are in kien ko im makūtkūt in kabun̄ ko kajjojo rejjab aikūj in kōm̧m̧an ilo raan in Jabot. Ak remaron̄ kōm̧m̧an ilo awa ko jet.

Bisop ej kōnono ippān stake būreejtōn eo an eļan̄n̄e ewōr an kajjitōk kōn peba in mālim n̄an deļo̧n̄e tampeļ eo me rejjab uwaak ilo jekjen in. Stake būreejtōn eo emaron̄ leļok kajjitōk ko n̄an Opiij eo an Būreejtōnji eo Kein Kajuon.

38.3.1

Wōn Eo Emaron̄ Kōm̧m̧ane M̧are An Kien

N̄e emālim jān kien eo an jikin eo, opija ro an Kabun̄ kiiō remaron̄ jerbale ilo kūr eo aer n̄an kōm̧mane juon m̧are an kien:

• Mijen būreejtōn

• Stake būreejtōn

• District būreejtōn

• Bisop eo

• Branch būreejtōn

Opija rein wōt remaron̄ kōm̧m̧an m̧are ilo kien ikōtaan juon em̧m̧aan im juon kōrā. N̄e aolep jekjek kein rej jerbal:

• Ļeo ak lio pālele rej juon membōr in Kabun̄ in ak wōr raan/allōn̄/iiō in peptaij.

• Jim̧or lio ak ļeo pālele rekoot in membōr eo an ej ak naaj ālkin peptaij, ilo iunit an Kabun̄ in me opija eo ej tōl.

• Opija eo an Kabun̄ in ewōr an mālim in kōm̧m̧an m̧are ko ilo kien ijo m̧are eo ej bōk jikin ie.

Ritōl jar an ritarinae ro me an Armej ro Rekwojarjar ilo Raan Ko Āliktata ilo jikin tariņae ko remaron̄ kōm̧m̧ani m̧are ko ilo an ejjeļo̧k mālim m̧okta.

Ritōl jar an ritarinae ro kar jitōn̄ er n̄an Reserve ak Nation Guard iunit ko aikuj in bōk mālim m̧okta jān ijo ej loloorjake Ritarinae ro an me rej Kabun in im Ra eo an Ritol Jar ro nan kōm̧m̧ane juon m̧are ilo kien. Lale meļeļe eo ilo 38.9.10.

Chaplain ro rej jerbal ilo doulul ko raikuj m̧okta bōk mālim jān Church’s Military Relations and Chaplain Services Division n̄an kōm̧m̧an kōm̧are an kien.

• Aujpitōl ko

• Im̧ōn rūtto ro

• Im̧ōn lale rūtto ro

• Kalbuuj ko

• Border patrol

• Bwilijmāān ak jikin ikkun kijeek ko

Ritōl jar eo em̧ōj an ritaaer ejjeļo̧k aer mālim n̄an kōm̧m̧ane m̧are ko an kien ilo maron̄ ko aer make āinwōt ritōl jar ro.

Ro me rej kōm̧m̧ane kōm̧are ko ekkar n̄an kūr ko aer āinwōt ritōl ro an Kabun̄ in ak chaplain eo eaikuj kōjerbal laajrak in tōl ko ilo jekjen in. Rej bar ļoor aolep kakien ko rekkar.

Ritōl jar an ritariņae eo an armej ro rekwojarjar ilo raan ko āliktata rejjab watōke er opij in tōl an Kabun̄ in m̧ae iien rej jerbal āinwōt juon stake būreejtōn, bisop, ak branch būreejtōn. N̄e juon ritōl jar an ritariņae eo ejjab juon opij in tōl an Kabun̄ in ej kōm̧m̧an juon m̧are an kien, ejjab jerbal āinwōt juon agent an kien ak doulul ko jet me ej jerbal ie. Kōn menin, naan in kōm̧are an kien eoktak jidik jen chaplain ro āinwōt an waļo̧k ilo 38.3.6.

Chaplain eo an Armej ro Rekwojarjar ilo Raan Ko Āliktata wōt emaron̄ kōm̧m̧an m̧are ilo kien ikōtaan juon em̧m̧aan im juon kōrā.

Opija ro an Kabun̄ im ritōl jar in tariņae ro me rej kōm̧m̧ani kōm̧are ko ilo kien n̄an membōr ro an Kabun̄ in reaikuj leļo̧k meļeļe in m̧are eo ekkar n̄an kūlōk eo an ward ak branch. Kūļōk eo ej kōkāāl rekoot ko an membōr eo.

Ritōl eo an Kabuñ eo ak ritol jar an ritarinae eo ej kōm̧m̧ane m̧are eo an kien iloan mōn jar eo ejjab aikūj in bōk wōnāān.

38.3.2

M̧are ilo Kien n̄an Membōr ro Jān Iunit ko Jet

Juon opija an Kabun̄ in emaron̄ kōm̧m̧ane juon m̧are n̄an membōr ro an Kabun̄ in n̄e ejjeļo̧k an lio ak ļeo membōr rekoot ilo Kabun̄ in ijo opija eo ej tōl ie (lale 38.3.1). Juon oktak ej kōm̧m̧an n̄an ritariņae ritō jar ro an Armej ro Rekwojarjar ilo Raan-ko Āliktata im opija ro an Kabun̄ in me rej rijerbal in kien.

38.3.3

M̧are in Kien n̄an Ro Rejjab Membōr in Kabun̄ in

Juon opija an Kabun̄ in emaron̄ jab kōm̧m̧ane juon m̧are n̄e jim̧or lio ak ļeo pālele rejjab membōr in Kabun̄ in ak erro jim̧or wōr raan/allōn̄/iiō in peptaij. Juon oktak ej kōm̧m̧an n̄an ritariņae ritō jar ro an Armej ro Rekwojarjar ilo Raan-ko Āliktata im opija ro an Kabun̄ in me rej rijerbal in kien.

38.3.4

Kōm̧m̧an M̧are in Kien ilo Im̧ōnjar ko

Iien kōm̧are eo emaron̄ kōm̧m̧an ilo m̧ōnjar eo an Kabun̄ in eļan̄n̄e ejjab kōm̧m̧an menin apan̄ ko ilo iien m̧akūtkūt ko an Kabun̄ ko. Iien kōm̧are ko raikuj jab kōm̧m̧an ilo raan in Jabōt ak ilo jotanin M̧ande. Kōm̧are ko kōm̧m̧ani ilo Im̧ōnjar ko an Kabun̄ in raikuj kadu im polel. Al ko raikuj kwojarjar, kautiej, im kalōn̄lōn̄.

M̧are ko remaron̄ kōm̧m̧an ilo jikin jar eo, cultural hall eo, ak bar juon ruum̧ em̧m̧an. Kōjota in m̧are ko remaron̄ jab kōm̧m̧an ilo jikin jar eo ijello̧kin ej juon eria kōjerbale n̄an elōn̄ men ko. M̧are ko rej aikuj ļoor unin tōl ko n̄an jejjet in kōjerbal im̧ōnjar eo (lale 35.5.3).

Kabun̄ in ejjab kōtļo̧k bwe im̧ōnjar ko ak men ko m̧weien n̄an kōjerbali ilo jabdewōt jekjek ko reiokļo̧k em̧m̧aan n̄an em̧m̧aan ak kōrā n̄an kōrā, m̧are elōn̄ļo̧k jen juon pāleen, mo̧ ko, ak m̧are ko jet me rejjab eiokļo̧k katak ak kakien ko an Kabun̄ in.

Ilo jekjek ko jet, bisop eo emaron̄ kōtļo̧k kōjerbal im̧ōnjar ko an Kabun̄ in n̄an kōm̧are ko me rej kōm̧m̧an jen juon eo ejjab juon opija in Kabun̄ in ak n̄an ro rejjab membōr in Kabun̄ in. Ej m̧okta kōnono ippān stake būreejtōn eo. Ej kōnono ippān armej eo enaaj kōjerbale bwe en lukkuun lale n̄e e ej meļeļe unin tōl ko ilo jekjen in. Juon membōr in stake ak ward ko̧onjeļ eo ej pād n̄an lale lukkuun kōjerbale im kōjparok m̧ōnjar eo.

Bisop eo emaron̄ kōmālim kadiwōjļo̧k ilo mejatoto kōn kōm̧are eo kōm̧m̧ane ilo im̧ōnjar eo an Kabun̄ in (lale 29.7).

38.3.5

M̧are ko an Kien im Rej Aikūj Kōm̧m̧an Jān Rijerbal An Kien ak ilo juon Jikin an Kien

Ilo jikin ko jet, kien m̧are ej menin aikuj bwe en kōm̧m̧an jen rijerbal ro an kien. Jet rej aikuj bwe kōm̧are eo en kōm̧m̧an ilo juon em̧ an kien ak bar juon jikin an kien. Ilo jekjek kein, juon priesthood opija eo emālim emaron̄ kōm̧m̧ane juon iien kuk ippān doon ekadu ālkin m̧are eo an kien. Ilo iien kuk ippān doon in ej kōnono n̄an ripālele ro.

38.3.6

M̧are ko an Kien

M̧are ekwojarjar im eaikuj kautiej im polel. M̧are ko n̄an membōr ro an Kabun̄ in kar kōm̧m̧an itulikin tampeļ eo eaikuj pād ilo jetōb in wūjlepļo̧k im kam̧ōņōņō.

Ijelokin n̄e ewōr kakememej, meļeļe ilo jekjen in ej jerbal n̄an Chaplain ro an Armej ro Rekwojarjar ilo Raan Ko Āliktata barāinwōt opija ro an Kabun̄ in.

M̧okta jen kōm̧m̧ane juon m̧are an kien, opija eo an Kabun̄ in emaron̄ kōnono n̄an ripālele ro kōn kallim̧ur ko rekwojarjar an m̧are. E emaron̄ kobaik naan in kōnono ko āinwōt an Jetōb tōl.

N̄an kōm̧m̧ane juon kōm̧are an kien, opija eo an Kabun̄ in ej ba n̄an ripālele ro im ba, “Jouj im jibwe anbwijmaron̄ in pein doon.” Innām ej ba, “[Likieo in etan em̧m̧aan eo] im [likieo in ettan kōrā eo], kom̧ro ej bōk anbwijm̧aron̄ in pein doon āinwōt juōn kōkaļļe in bujen eo kom̧iro naaj kōm̧m̧ane kiiō im̧aan Anij im rikam̧ool rein.” (Ripālele ro remaron̄ kālet ak kile rikam̧ool ro m̧okta jān iien eo.)

Innām ritōl eo ej kūr em̧m̧aan eo im ba, “[Likieo in etan], kwōj ke bōk [likieo in etan kōrā eo] bwe en pāleem̧, jen kwe make im kar kālet ilo kallim̧ur āinwōt naaj m̧ōttam̧ im ejjāmin bar wōr ijjelo̧kin. Bwe kwonaaj kam̧ool aolepān kien ko im kallim̧ur ko ikkijien am̧ pālele, im kwonaaj ke pād wōt ippān āinwōt ļeo pāleen, im kwonaaj kautiej e im iakwe e, im kōjparok e toon wōt amiro mour?”

Ļeo ej uwaak im ba, “Aaet” ak “Inaaj.”

Innām opija eo an Kabun̄ in ej kūr lieo im ba, “[likieo in etan lieo], kwōj bōk ke [likieo in etan ļeo] bwe en pāleem̧, jen kwe make im kar kālet ilo kallim̧ur āinwōt naaj m̧ōttam̧ im ejjāmin bar wōr ijjelo̧kin. Bwe kwonaaj kam̧ool aolepān kien ko im kallim̧ur ko ikkijien am̧ pālele, im kwonaaj ke pād wōt ippān āinwōt lieo pāleen, im kwonaaj kautiej e im iakwe e, im kōjparok e toon wōt amiro mour?”

Kōrā eo ej uwaak im ba, “Aaet” ak “Inaaj.”

Innām opija eo an Kabun̄ in ej kōnono n̄an ripālele ro im ba: “Kōn maron̄ eo letok ioō āinwōt juon elder an Kabun̄ eo an Jisōs Kraist im Armej ro Rekwojarjar ilo Raan Ko Āliktata, ij kūr komiro [etan ļeo] im [etan lio], ļeo im lio pālele, ekkar n̄an kien im kabun̄ toon wōt amiro pād im mour.”

(Bar juon naan nan juon ritol jar ejjab jerbal ainwot opija in tol an Kabun in: “Kōn mālim in letok ioō ainwōt chaplain ilo [branch ko ilo jikin tariņae ak doulul ko an kien], ij kūr komiro, [etan ļeo] im [etan ļieo] ļeo im lieo pālele, ekkar n̄an kien im kabun̄ toon wōt amiro pād im mour.”)

“Anij en kōjeram̧m̧an kom̧ro bwe en juon pālele eo elem̧ōnōnō ippān doon, im En kōjeraam̧m̧an n̄an kōjparok kallim̧ur in ekwojarjar komiro ekar kōm̧m̧ane. Kōjeram̧m̧an in likūt ioomir ilo etan Jisōs Kraist, amen.”

Kūr in n̄an um̧aik doon āinwōt ļeo pālele im lio pālele ej amiro wōt pepe, pedped wōt ioon m̧anit im imminene.

38.4

Kakien ko kōn Liāp

Membōr ro an Kabun̄ in rej kōm̧m̧ani bujen ko rekwojarjar ippān Anij ilo aer bōk kain̄i ko an tampeļ. Kain̄i in liāp ko an tampeļ rej kobaik baam̧le ko n̄an indeeo āinwōt membōr ro rej kajjieon̄ in kautiej bujen ko rej kōm̧m̧an n̄e rej būki kain̄i ko. Kain̄i ko an liāp ekoba:

• Liāp an ļeo im lio pālele

• Liāpe an ajri ro n̄an ro jineer im jemeer

38.4.1

Liāp eo an Ļeo im Lio Pālele

Tebōļ in ej kōmeļeļeik ijo n̄an kapukōt kakien ko n̄an liāp an ļeo im lio pālele.

Aikuj	Jākjen
Aikuj Ikar m̧are ilo kien im ikōņaan liāp ippān eo pāleeō.	Jākjen 38.4.1.1
Aikuj Ikar jepel jān eo pāleeō m̧oktaļo̧k im ikōņaan bar liāp ippān eo pāleeō kiiō.	Jākjen 38.4.1.2
Aikuj Eo pāleeō eo im ikar liāp ippān emej. Bwe wōn imaron̄ liāp kiiō ippān?	Jākjen 38.4.1.3
Aikuj Ij Maron̄ ke liāp ippān juon armej eo emej im Iaar pālele waan ippen m̧okta jān kar m̧are?	Jākjen 38.4.1.4
Aikuj Ij aikuj in kanne n̄an kāānjōļe liāp eo ak peba in liāp eo.	Jākjen 38.4.1.5
Aikuj Ij aikuji juon m̧o n̄an joļo̧k liāp in tampeļ eo.	Jākjen 38.4.1.6
Aikuj Komro kar eo pāleeō kar m̧are n̄an iien im indeeo ilo tampeļ. Jemaron̄ ke bar liāp n̄an doon?	Jākjen 38.4.1.7
Aikuj Bwe wōn imaron̄ ro uwaan baam̧le eo emej maron̄ liāp?	Jākjen 38.4.1.8
Aikuj Elmen an jepel jelet liāp eo aō?	Jākjen 38.4.1.9
Aikuj Ta jinekjej ko n̄an kāānjōļe juon liāp?	Jākjen 38.4.1.10
Aikuj Elmen joļo̧k ak bukweļo̧k rekoot eo an membōr ilo Kabun̄ in jelet liāp eo aō?	Jākjen 38.4.1.11

Membōr ro raikuj kōnono ippān bisop eo aer ñe ewōr aer kajjitōk kōn kakien ko an liāp me rejjab uwaak ilo jekjen in. Bisop eo ej kūrļo̧k stake būreejtōn eo n̄e ewōr an kajjitōk. Stake būreejtōn eo ej kepaak Opiij eo an Būreejtōnji eo Kein Kajuon eļan̄n̄e ewōr kajjitōk ko.

Membōr ro ewōr aer kajjitok kōn mour indeeo eo an kain̄i ko an liāp im baam̧le ko repaake kōn jemdo̧o̧n ko an ripālele kar rōjan̄ n̄an bōk lōke ilo Irooj im pukot aenōm̧m̧an eo An. Jemedwōj Ilan̄ enaaj lale bwe kajojo armej en būki aolep kōjeraam̧m̧an ko im ļeo ak lio rej kōņaan im kālet.

38.4.1.1

Liāpe eo an Membōr ro Remour ālikin aer M̧are ilo Kien

Em̧m̧aan eo im kōrā eo ro rekar m̧are remaron̄ liāp ilo tampeļ eo ilo iien eo wōt ekkar n̄e jekjek kein ilaļ rej kōm̧m̧ani:

• Erro jim̧or kar membōr in Kabun̄ in diktata in juon iiō (lale 27.3.1 im 27.2.1_.

• Rej pojak im erreeo.

N̄e leļo̧k peba in mālim n̄an deļo̧n̄e tampeļ n̄an ripālele eo n̄an liāp, priesthood ritōl ro ren lukkuun lale n̄e ej ejerbal m̧are in kien eo. Lale 26.3 im 27.3.

38.4.1.2

Liāpe eo an Membōr ro Remour ālikin aer Jepel

Kōrā ro. Kōrā eo emour emaron̄ liāp n̄an juon wōt em̧m̧aan. N̄e lieo im ļeo pālele rekar liāp im tokālik jepel, lieo eaikuj bc0ki juon peba in joļo̧k liāp eo m̧okta jen an bar liāp n̄an bar juon em̧m̧aan toon wōt an mour (lale 38.4.1.5).

Juon kōrā eo emour eo me ejjan̄in kar m̧are emaron̄ liāp ippān ļeo pāleen emej jekdoon n̄e ekar jepel ilo mour in. Lieo eaikuj m̧okta jaini peba eo jān kar eo pāleen emej (n̄e ewōr juon).

Lale jebta 28 n̄an meļeļe n̄an kōm̧m̧ani kain̄i ko n̄an eo pālele emej.

Em̧m̧aan ro. N̄e juon em̧m̧aan im kōrā rekar liāp im tokālik kar jepel, em̧m̧aan eo ej aikuj bōk juon peba in kam̧ool liāp eo m̧okta jen an bar liāp n̄an bar juon kōrā (lale 38.4.1.5). Peba in kam̧ool liāp eo ej menin aikuj n̄e (1) liāp eo m̧oktaļo̧k ekar kāānjōl ak (2) kōrā eo m̧oktaļo̧k emej.

Peba in kam̧ool liāp eo ej menin aikuj n̄e em̧m̧aan eo ekar jepel jān kōrā eo eo ekar liāp ippān m̧oktaļo̧k. N̄an waanjon̄ak, eļan̄n̄e em̧m̧aan eo ej bōk juon peba in kam̧ool liāp eo n̄an liāp ippān kōrā eo kein karuo ālkin jepel, innām kōrā eo kein karuo emej, ejjab aikuj bar aikuji peba in kam̧ool liāp eo n̄an bar liāp.

Em̧m̧aan eo emour emaron̄ liāp n̄an kōrā eo ippān emej eo me ekar jepel jen e ilo mour in. Ļeo eaikuj m̧okta jaini peba eo jān kar eo pāleen emej (n̄e ewōr juon). Eļan̄n̄e ļeo ekar m̧are, ļeo eaikuj in bareinwōt bōk juon uwaak ilo jeje jān kōrā eo ippān kiiō eļan̄n̄e lieo ej mour wōt.

Lale jebta 28 n̄an meļeļe n̄an kōm̧m̧ane kain̄i ko n̄an eo pālele emej.

38.4.1.3

Liāpe eo an Juon Membōr Emour ālikin an eo Armej Pāleen Mej

Kōrā ro. N̄e ļeo im lieo pālele rekar liāp im ļeo pālele emej, kōrā eo eban liāp n̄an bar juon em̧m̧aan m̧ae iien lieo ej bōk m̧okta peba in kāānjōle liāp eo jinoin (lale 38.4.1.5).

Juon kōrā eo emour im ejjan̄in m̧are ak liāp n̄an juon em̧m̧aan emaron̄ in liāp n̄an ļeo pāleen em̧ōj an mej (lale 38.4.1.8). N̄e m̧are eo eaar jem̧ļo̧k wōt ilo jepel, lale 38.4.1.2.

Juon kōrā eo emour eo ej kab m̧ōj an bar m̧are ejjab maron̄ liāp ippān ļeo pāleen ilo an ejjeļo̧k mālim jān Būreejtōnji eo Kein Kajuon.

Lale jebta 28 n̄an meļeļe n̄an kōm̧m̧an kain̄i ko n̄an eo pālele emej.

Em̧m̧aan ro. N̄e ļeo im lio pālele rekar liāp im kōrā eo emej, em̧m̧aan eo emaron̄ bar liāp n̄an bar juon kōrā eļan̄n̄e lieo ejjan̄in kar liāp n̄an bar juon em̧m̧aan. Ilo jekjek in, em̧m̧aan eo ejjab aikuj bōk juon peba in kam̧ool liāp eo jān Būreejtōnji eo Kein Kajuōn ijjelo̧kin n̄e e ekar jepel jān kōrā eo pāleen m̧okta jān an kar mej (lale 38.4.1.2).

Juon em̧m̧aan eo emour emaron̄ liāp n̄an kōrā eo pāleen eo em̧ōj an mej eļan̄n̄e kōrā eo ejjan̄in liāp n̄an bar juon em̧m̧aan ilo mour in. Eļan̄n̄e kōrā eo ekar liāp n̄an ippān bar juon pāleen em̧m̧aan ke ear mour, aolep em̧m̧aan ro im lieo ekar m̧areik raikuj in mej mokta jen an juon bar em̧m̧aan maron̄ liap ippen (lale 38.4.1.8). N̄e m̧are eo eaar jem̧ļo̧k wōt ilo jepel, lale 38.4.1.2

M̧okta jān an liāp n̄an kōrā eo pāleen emej, em̧m̧aan eo ej aikuj bōk juon leta in kōmālim jān kōrā eo pāleen kiiō eļan̄n̄e ej mour.

Lale jebta 28 n̄an meļeļe n̄an kōm̧m̧an kain̄i ko n̄an eo pālele emej.

38.4.1.4

Liāp an juon Armej eo Emour n̄an Ippen Juon Armej eo Emej im Erro kar Pālele waan mokta jen m̧are

Kōrā ro. Āinwōt juon oktak, juon kōrā emour eo ejjan̄in m̧are ak liāp n̄an juon em̧m̧aan maron̄ in liāp n̄an ļeo pāleen em̧ōj an mej im eaar pālele waan ippen m̧okta jen m̧are. Oktak in emaron̄ ļōmņak kake wōt eļan̄n̄e jemjerā eo aer eaar inem̧m̧an im aetok kitien n̄an kwaļo̧k juon oktak n̄an kōm̧m̧ani aolepen laajrak ko:

• Lōke doon ilo juon jemjerā eo em̧ool.

• Kakūrm̧ool aolep eddo ko an m̧are n̄an doon.

• Kakūrm̧ool aolep eddo ko an ro jinen im jemān n̄an jabdewōt ajri ro nejier.

Eļan̄n̄e stake būlreejtōn eo an membōr eo ej en̄jaake bwe oktak rōt in ej pen, e ej leļok juon kajitok ñan Opiij eo an Būreejtōnji eo Kein Kajuon.

Em̧m̧aan ro. Āinwōt juon oktak, juon em̧m̧aan eo emour emaron̄ liāp n̄an kōrā eo pāleen em̧ōj an mej im eaar pālele ippen m̧okta jen mare eļan̄n̄e kōrā eo ejjan̄in liāp n̄an bar juon em̧m̧aan ke ear mour. Oktak in emaron̄ ļōmņak kake wōt eļan̄n̄e jemjerā eo aer eaar inem̧m̧an im aetok kitiien n̄an kwaļo̧k juon oktak n̄an kōm̧m̧ani aolepen laajrak ko:

• Lōke doon ilo juon jemejā eo em̧ool.

• Kakūrm̧ool aolep eddo ko an m̧are n̄an doon.

• Kakūrm̧ool aolep eddo ko an ro jinen im jemān n̄an jabdewōt ajri ro nejier.

M̧okta jān an liāp n̄an kōrā eo pāleen emej, juon em̧m̧aan eo ear m̧are ej aikuj bōk juon leta in kōmālim jān kōrā eo pāleen kiiō eļan̄n̄e kōrā eo mour.

Eļan̄n̄e stake būlreejtōn eo an membōr eo ej en̄jaake bwe oktak rōt in epen, e ej leļok juon kajitok ñan Opiij eo an Būreejtōnji eo Kein Kajuon.

38.4.1.5

Kanne n̄an juon Kāānjōl in Liāp ak juon Peba in Kam̧ool Liāp eo

Lale 38.4.1.2 n̄an meļeļe kōn liāp n̄an membōr ro remour ālkin jepel eo. Lale 38.4.1.3 n̄an meļeļe kōn liāp n̄an membōr ro remour ālkin an eo pālele mej.

Juon wōt iaan membōr eo emaron̄ lale juon peba in kam̧ool liāp eo men̄e rejjab pojak in liāp n̄an bar juon pāleen. Em̧m̧aan eo ej membōr in Kabun̄ in eaikuj bōk juon peba in kam̧ool liāp eo n̄a.n liāp n̄an bar juon kōrā ālkin jepel.

Jekjek eo n̄an bōk juon peba in kam̧ool liāp eo ak kāānjōle liāp eo ej laajrak ijin ilaļ.

1. Membōr eo ej kōnono ippān bisop eo an kōn kajjitōk in.

2. Bisop eo ej lukkuun lale bwe:

   1. Em̧ōj an jepel.

   2. Membōr eo kiiō epojak in kōm̧m̧ani aolep men ko n̄an kake aikuj ko an ajri eo im eo pālele ekkar n̄an jepel eo.

3. N̄e bisop eo ej kōmālimi bwe kāānjōļ in liāp eo ak peba in kam̧ool liāp eo an bōke, e ej:

   1. Kanne juon Abūļkejen n̄an Būreejtōnji eo Kein Kajuon n̄an membōr eo kōjerbal Leader and Clerk Services (LCR). Ritōl ro rejjab maron̄ deļo̧n̄e LCR ren kōjerbal juon kape in Peba eo n̄an Būreejtōnji eo Kein Kajuon. Peba in epād ilo Confidential Records Office ilo Church headquarter eo.

   2. Jilkinļo̧k peba in n̄an stake būreejtōn eo

4. Stake būreejtōn ej kōnono ippān membōr eo. Stake būreejtōn kam̧ool bwe:

   1. Em̧ōj an jepel.

   2. Membōr eo kiiō epojak in kōm̧m̧ani aolep men ko n̄an kake aikuj ko an ajri eo im eo pālele ekkar n̄an jepel eo.

5. Eļan̄n̄e stake būreejtōn eo ej kōmālim bwe liāp eo en kāānjeļ ak leļo̧k alikkar in liāp eo, e ej jilkinļo̧k abūļkejen eo n̄an opiij ko an Kabun̄ in kōjerbal LCR. Lale 6.2.3 kōn eddo eo an stake būreejtōn eo n̄e jilkinļo̧k abūļkejen ko n̄an Būreejtōnji eo Kein Kajuon.

6. N̄e emālim kajjitōk eo, Būreejtōnji eo Kein Kajuon ej leļo̧k juon leta kwaļo̧k ke kāanjōl in liāp eo ak peba in kam̧ool liāp eo kar leļo̧k.

7. Ālkin bōk leta eo, membōr eo emaron̄ jikejuuļi juon aboinmen n̄an juon liāp an tampeļ. Membōr eo ej kwaļo̧k leta eo ilo tampeļ.

Lale 38.4.1.9.

38.4.1.6

Jolok Mo eo ņae Liāp an Tampeļ

Armej eo eaar kōm̧m̧an jerbal in ļōn̄ ilo iien eo ekar m̧areik eo pāleen ak ekar liāp eban liāp n̄an eo m̧ōttan ilo ļōn̄ eaikuj mālim jen Būreejtōnji eo Kein Kajuon.

Ripālele ro remaron̄ lale mālim eo ālkin aer m̧are diktata ļale iiō. Wāween in n̄an kōm̧m̧ane juon kajjitōk n̄an joļo̧k mo eo ņae liāp an tampeļ ej elaajrak ijin ilaļ.

1. Ripālele ro rej ioon bisop im stake būreejtōn eo aer.

2. N̄e ritōl rein rej en̄jake ke m̧o in eaikuj in jako, rej je juon leta n̄an ippān Būreejtōnji eo Kein Kajuon ippān mālim eo aer. Leta eo aer eaikuj kōmeļeļeik tampeļ erreeo eo an armej ro im jekjek in m̧are eo aer diktata ļalem iiō ko. Lale 6.2.3 kōn eddo eo an stake būreejtōn eo n̄e jilkinļo̧k abūļkejen ko n̄an Būreejtōnji eo Kein Kajuon.

3. Ripālele ro rej aikuj barāinwōt je juon leta ilo kajjitōk n̄an Būreejtōnji eo Kein Kajuon.

4. Stake būreejtōn eo ej jilkinļo̧k aolep leta kein n̄an Būreejtōnji eo Kein Kajuon. E emaron̄ jilkinļo̧k kajjitōk eo ippān peba eo n̄an kāānjōļe liāp eo ak joļo̧k peba in liāp eo (lale 38.4.1.5).

5. N̄e emālim kajjitōk eo, Būreejtōnji eo Kein Kajuon ej leļo̧k juon leta kwaļo̧k ke m̧o eo ņae liāp an tampeļ em̧ōj joļo̧k.

6. Ālkin bōk leta eo, ripālele ro remaron̄ jikejuuļi juon aboinmen n̄an juon liāp. Rej kwaļo̧k leta eo ilo tampeļ eo.

38.4.1.7

Liāp ālkin Mare an Tampeļ n̄an Mour in Wōt

Ripālele ro me raar m̧are ilo juon tampeļ n̄an mour in wōt reban bar liāp tokālik. N̄e wāween rot in ej waļo̧k, kōrā eo ej aikuj m̧okta bōk jān Būreejtōnji eo Kein Kajuon juon kāānjōļ in kar liāp eo an kar m̧oktaļo̧k. Eļan̄n̄e bisop eo im stake būreejtōn eo erro ej jim̧or en̄jake bwe kabōjrak ej kabun̄ bōrō, stake būreejtōn eo ej jilkinļo̧k juon abūlkejen n̄an Būreejtōnji eo Kein Kajuon kōjerbal LCR, Lale 6.2.3 kōn eddo eo an stake būreejtōn eo n̄e jilkinļok abūļkejen ko n̄an Būreejtōnji eo Kein Kajuon.

M̧are ko n̄an mour in wōt ilo tampeļ eo ejako aer bar kōm̧m̧an (lale 27.3.3

38.4.1.8

Liāpan Armej ro Remej

Kōrā ro Remej. Juon kōrā emej emaron̄ liāp n̄an aolep em̧m̧aan ro me ekar m̧are ippāer ilo mour eo an. Tebōļ in ej kwaļo̧k n̄aat eo liāp kein remaron̄ bōk jikier.

Lieo ekar jab liāp n̄an ļeo pāleen ilo mour in	Lio emaron̄ liāp n̄an aolep em̧m̧an ro remour ak remej me ekar m̧areik ilo mour in. Eļan̄n̄e em̧m̧aan eo emour, lio pāleen (eļan̄n̄e ļeo em̧ōj an m̧are) aikuj lelo̧k juon mālim kar je (lale 38.4.1.3). N̄e em̧m̧aan emour, kōrā eo pāleen (n̄e ekar m̧are) eaikuj leļo̧k peba in kōmālim.
Lio ekar liāp n̄an ļeo pāleen ilo mour in.	Aolepān ļōm̧aro pāleen rej aikuj mej m̧okta jān an lio liāp n̄an bar em̧m̧aan ro jet me liin ekar m̧areik. Menin ekitbuuj ļōm̧aro kar pāleen m̧okta me leo emaron̄ kar jepel jān er. Kajjojo kōrā ro emej pāleen em̧m̧aan ro (eļan̄n̄e ewōr) aikuj in leļo̧k juon mālim kar je.

Em̧m̧aan ro Remej. Juon em̧m̧aan eo emej emaron̄ liāp n̄an aolep kōrā ro ekar m̧areik er ke ekar mour eļan̄n̄e (1) kōrā ro em̧ōj aer mej (2) kōrā ro rej mour wōt, rejjan̄in m̧are, im rej jan̄in liāp n̄an bar juon em̧m̧aan (lale 38.4.1.3).

M̧okta jān juon em̧m̧aan eo ekar mej maron̄ liāp n̄an juon kōrā eo ekar mej me ļeo ekar m̧areik ilo mour in, ļeo emej pāleen (eļan̄n̄e ewōr juon) aikuj leļo̧k juon mālim kar je.

Rim̧are ro Remej Me Rekar Jepel. Rim̧are ro remej me rekar jepel remaron̄ liāp jen ro rej bōk jikier bwe ro nejier ren maron̄ liāp n̄an er. Lale 28.3.5 eļan̄n̄e rekoot eo an ļeo ak lieo pālele kar bukweļo̧k ak joļo̧ki.

Mālim eo an Būreejtōnji eo Kein Kajuon ej menin aikuj m̧okta jen liāpe ripālele ro remej ro rekar bōk peba in kāānjo̧le liāp eo aer ilo mour in.

38.4.1.9

Jekjek eo kōn Jepel

Eļan̄n̄e ripālele ro rekar liāp im tokālik jepel, kōjeraam̧m̧an ko an liāp in rej pād wōt ilo jekjek ko an n̄an kajjojo ro rerreeo (lale 38.4.1.5 im 38.4.1.10). Membōr eo ej tiljek wōt n̄an bujen ko an tampeļ enaaj bōk aolep kōjeraam̧m̧an ko an make kar kallim̧ur kake ilo tampeļ eo, men̄e eo pāleen armej eo ekar rubi bujen ko ak joļo̧k jen m̧are eo. Anij ej kallim̧ur em̧m̧aan im kōrā ro Nejin retiljek aenōm̧m̧an im kajoor ilo mour in im mour indeeo ilo laļ eo ej itok.

Lale 38.4.2.1 n̄an meļeļe kōn ajri ro raar lo̧tak ālkin jepel.

38.4.1.10

Jekjek eo n̄an Kāānjōle Liāp eo

Ilo an pād wōt liāp in, juon eo uwaan ej tiljek n̄an bujen ko an tampeļ enaaj būki kōjeraam̧m̧an ko an make kar kallim̧ur kake ilo tampeļ eo. En̄in ej jekjek eo men̄e eo pāleer ekar rube bujen ko ak joļo̧k e make jān m̧are eo. Bar juon, Anij ej jāmin dāpij an jabdewōt pād wōt ilo juon jemjerā eo em̧ōj kar liāp n̄an indeeo ņae anikilaan em̧m̧aan ak kōrā eo. Jemedwōj Ilan̄ enaaj lale bwe kajojo armej en būki aolep kōjeraam̧m̧an ko im ļeo ak lio rej kōņaan im kālet.

Iien eo wōt e kāānjōļ/jako liāp eo im em̧ōj kar kōmālimi jān Būreejtōnji eo Kein Kajuon, kōjeram̧m̧an ko rej iookļo̧k liāp eo rej jako aer jerbal.

Jabdewōt ajri ro rekar lo̧tak jen lieo ālkin liāp eo an kōrā eo n̄an ļeo pāleen eo im ekar kāānjōle rejjab lo̧tak ilo bujen eo ijelo̧kin n̄em̧am̧a eo enaaj bar liāp n̄an bar juon em̧m̧aan mokta jenan ļotak ajiri eo.

Ritōl ro an priesthood ej kapilōk membōr ro rej kāānjōļe juon liāp n̄an jipan̄ er meļeļe pedped in katak kein. Ritōl ro ijoko rej jokwe ie rej aikuj kautiej anemkwoj in kālet eo an membōr eo ilo ļōmņak in.

38.4.1.11

Jekjek ko n̄an Kabōjrak ak Joļo̧k Rekoot ko an Membōr jen Kabun̄ in

Ālkin an ripālele ro kar liāp ilo juon tampeļ, n̄e juon iaero ekabōjrak rekoot ko an ilo Kabun̄ in ak joļo̧k rekoot ko an, tampeļ kōjeraam̧m̧an ko an rej bar jako. Ijoke, kōjeraam̧m̧an ko an juon make kōn liāp n̄an eo pāleen im ajri ro rej pād wōt eļan̄n̄e rej mour erreo wōt.

Jabdewōt ajri lo̧tak n̄an ripālele ro ālkin juon iaero ak erro jim̧or kar kabōjrak rekoot ko aer ak joļo̧k rekoot ko aer jen Kabun̄ in rejjab lo̧tak jen bujen eo. Lale 38.4.2.8.

38.4.2

Liāpe Ajri ro n̄an Jineer im Jemāer

Ro jinen in jemen rej aikuj liāp n̄an doon m̧okta jān an ajri ro liāp n̄an er (lale 38.4.1).

Membōr ro raikuj kōnono ippān bisop eo aer ñe ewōr aer kajjitōk kōn kakien ko an liāp me rejjab uwaak ilo jekjen in. Bisop eo ej kūrļo̧k stake būreejtōn eo n̄e ewōr an kajjitōk. Stake būreejtōn eo ej kepaak Opiij eo an Būreejtōnji eo Kein Kajuon eļan̄n̄e ewōr an kajjitōk.

Membōr ro ewōr aer kajjitok kōn jekjek eo an mour indeeo ilo kain̄i eo an liāp im jemdo̧o̧n ko an baam̧le rej rōjan̄ n̄an lōke ilo Irooj im pukot aenōm̧m̧an eo An. Jemedwōj Ilan̄ enaaj lale bwe kajojo armej en būki aolep kōjeraam̧m̧an ko im ļeo ak lio rej kōņaan im kālet.

38.4.2.1

Ajri Ro Rej Ļotak ilo Bujen

Ajri ro raar ļotak ālikin an jiner liāp ippān juon em̧m̧aan ilo tampel rej barāinwōt ļotak ilo bujen ko an liāp eo. Rejjab aikūj in ekkapit in liāp ñan ippān jinen im jemen.

Jet iien kōrā eo ekar liāp n̄an em̧m̧aan eo tokālik ewōr nejin ippān bar juon em̧m̧aan. N̄e menin ej waļo̧k, ajri rein rej ļotaktok n̄an bujen eo an kōrā eo kar liāp n̄ane kiiō epaak ijello̧kin raar ļotak (1) ālkin an liāp eo kar kāānjeļe ak (2) ālkin an kar bōk jān (withdraw) ak kam̧ōje (resign) ak bōk jān an membōr in Kabun̄ in.

38.4.2.2

Ajri ro Me Rejjab Ļotaktok ilo Bujen

Ajri ro me rejjab ļotak ilo bujen eo remaron̄ erom m̧ōttan juon baam̧le indeeo kōn liāp n̄an:

• Lukkuunn ro jinier im jemeer.

• Ro jineer im jemeer rikōkkajiriri.

• Juon lukkuun ak rikōkkajiriri jinen ak jemen ak juon eo enaaj jinen ak jemen (stepparent) (lale 38.4.2.5).

Ajri rein rej bōk ejja kōjeraam̧m̧an in wōt ilo aer kar lo̧tak ilo bujen in.

Liāpe Ajri ro remour n̄an ro jinen im jemeer remour. Ajri eo emour ej liāp n̄an ruo jinen im jemen wōt—ļeo im lieo pālele. Eļan̄n̄e jim̧or ro jinen im jemen rej mour, rej aikuj m̧are im liāp n̄an doon.

Lale 27.4.1 n̄an meļeļe n̄an leļo̧k peba in mālim n̄an deļo̧n̄e tampeļ n̄an ajri ro rej liāp n̄an ro jineer im jemeer.

Membōr ro 21 aer iiō ak rūttoļo̧k reaikuj endow n̄an liāp ippen ro jineer im jemāer 26.4.4).

Liāp ippān ajri ro remour n̄an ro jinen im jemen rekar mej. Ajri eo emour ej liāp n̄an juon wōt pea in ro jinen im jemen. Ro jinen in jemen ajiri ro rej aikuj liāp n̄an doon m̧okta jān an ajri ro liāp n̄an er.

Juon membōr eo erūtto ilo iien eo jinen im jemān rej mej, ej liāp n̄an ro jinen im jemān. Āinwōt an jerbal ijin, naan eo ro jinen im jemān ej meļeļein ro lukkuun jinen im jemān, ro jinen im jemān ilo kaajiriri, ak juon lukkuun jinen im jemān ak juon jinen im jemān ilo kakaajiriri.

Laajrakin tebōļ in ej kwaļo̧k kāālet ko an liāp repeļļo̧k n̄an juon armej eo im ro jinen jemān remej ke ekar juon ajiri wōt im eaar jab bōk eddo kōn wōt nan̄nmej in ānbwin.

Jekjek eo	(Options) Kāālet ko
Ajiri jiddik	Kar liāp n̄an ro jinen im jemān ilo kōkaajriri ak ro lukkuun jinen im jemān raar karuttoļo̧ke Kattar m̧ae iien eo ej rūtto innām kālet n̄an maron̄ liāp n̄an juon iaan (1) n̄an ro jinen im jemān remej ak (2) n̄an jinen im jemān ilo kakaajriri ak lukkuun jinen im jemān ro im raar karuttoļo̧ke
Armej eo im rejjab bōk eddo kōn wōt nan̄nmej in ānbwin	Liāp n̄an ro jinen im jemān ilo kōkaajriri ak ro lukkuun jinen im jemān im raar karuttoļo̧ke

Lale 27.4.1 n̄an meļeļe n̄an leļo̧k peba in mālim n̄an deļo̧n̄e tampeļ n̄an ajri ro rej liāp n̄an ro jineer im jemeer.

Membōr ro 21 aer iiō ak rūttoļo̧k reaikuj endow n̄an liāp n̄an ro jineer im jemāer 26.4.4).

Liāpe ajri ro remej n̄an ro jinen im jemen (mour ak mej). Armej eo emej ekkā an an liāp ippān lukkun jinen im jemān ak ro rekar kajiririiki. Ijoke, juon ajri eo emej emaron̄ bar liāp ippān:

• Lukkuun jinen im jab lukkuun jemān.

• Lukkun jemān im jab lukkuun jinen.

• Ro jinen im jemān ro rekar kōkajiriri ak bubu im jim̧m̧a ro rekar lale ajri eo (lale 38.4.2.4).

• Ripālele eo me ej ļōmņak in kōkajiriri juon ajri ak ejjab maron̄ kadedeikļo̧k peba in kōkajiriri eo m̧okta jān an ajri eo mej (lale 38.4.2.4).

Liāp kein remaron̄ dedeļo̧k jekdoon n̄e juon ajri eo emej ekadede liāp ippān ro jinen im jemān ak ro rekar kōkaajiririki. Liāp n̄an ro me ejjab lukkun jineer im jemāer ak kar jab kōkajririki ilo jekjek ko jet rejjab elaajrak in wāween kein ej aikuj mālim eo an Būreejtōnji eo Kein Kajuon.

38.4.2.3

Ajri ro kar Kōkkaajririik Er ak Ajri ro Kien ej Lale Er

Ajri ro remour ro raar lo̧tak ilo bujen ak emōj aer liāp n̄an ro jinen im jemān rejjab maron̄ bar liāp n̄an bar jet m̧am̧a im baba n̄e ejjeļo̧k mālim jān Būreejtōnji eo Kein Kajuōn.

Ajri ro remour ro em̧ōj kōkkaajririik er im rekar jab ļotaktok ilo bujen ak rekar jab liāp n̄an kar ro jineer im jemāer maron̄ in liāp n̄an ro jineer im jemāer rekar kōkkaajririik er eļan̄n̄e peba in kōkkaajriri eo em̧ōj an koņ. Juon peba in kōkaajriri eaikuj kwaļo̧ke ilo tampeļ eo. Juon peba in kōmaron̄ leļo̧k jim̧we an jinen ak jemān ejjab bwe n̄an kalikkar an naaj liāp. Ejjeļo̧k aikuj n̄an kalikkar m̧ool in jinen im jemān ajri rein.

Eaikuj mālim jen Būreejtōnji eo Kein Kajuon bwe membōr eo emour en liāp n̄an jinen im jemān rej kōkaajriri. Men in rej jerbal men̄e lukkuun ro jinen im jemān ajri eo kōkaajririki ejjab waļo̧k. Kain kajjitōk in ej kōm̧m̧an jān stake būreejtōn eo kōjerbal LCR (lale 6.2.3).

38.4.2.4

Kajiriri in Ajri Ro im Remej

Armej eo emej kar kōkaajririki ekkā an liāp n̄an ro jinen im jemān rekar kōkaajririki.

Ajri eo emej kar kōkaajririki ekkā an liāp n̄an ro lukkuun jinen im jemān.

38.4.2.5

Liāp eo an Ajri ro Remour n̄an juon lukkuun Jemān ak Jinen im juon Jemān ak Jinen eo Ekar Lale

Ajri ro reddik im ajri ro rejjab jeļā bōk eddo. Ajri ro reddik remour im ajri ro rejjab jeļā bōk eddo kōn wōt nan̄inmej in kōļmenļo̧kjeņ maron̄ liāp n̄an ro lukkuun jinen im jemān im ejjab lukkuun jinen im jemān n̄e aolep men kein rej jerbal:

• Ajri eo ekar jab lo̧tak ilo bujen ak liāp m̧oktaļo̧k.

• Ajri eo kar jab kōkaajririik jān bar jet m̧am̧a im baba.

• Eo lukkuun jinen ak jemān kar leļo̧k mālim ilo jeje bwe liāp eo en bōk jikin. Juon peba in kōmaron̄ leļo̧k jim̧we an jinen ak jemān ejjab bwe n̄an kalikkar an naaj liāp. Leta in kōmālim eo ej aikuj in jeje ilo naan ko āinļo̧k wōt laajrakin eo:

  N̄a, [etan lukkuun jinen ak jemān], ij leļo̧k māļim n̄an [etan ajri eo ak ajri ro] n̄an maron̄ liāp ilo tampeļ eo n̄an [etan ro jinen im jemān]. Ij meļeļe bwe liāp in ej juon kōjeraam̧m̧an in kabun̄ im ejjeļo̧k mo ie.”

  Leta in eaikuj in waļo̧k ilo tampeļ eo m̧okta jen liāp eo.

Eļan̄n̄e lukkuun m̧am̧a ak baba eo emej ak eļan̄n̄e m̧am̧a ak baba eo ewōr aer jim̧we n̄an joļo̧k jem̧ļo̧k eo, innām ejjeļo̧k peba en aikuji. Ejja wōt, ejjeļo̧k mālim ej menin aikuj eļan̄n̄e ajri eo ej watōke juon rūtto ilo jikin eo ļeo ak lio rej jokwe ie.

Eļan̄n̄e lukkuun m̧am̧a ak baba eo reban jeļā ia eo rej jokwe ie, ejjeļo̧k peba ilo jeje eaikuji. Ilo jekjek in, bisop eo ak stake būreejtōn eo ej je juon leta n̄an kam̧ool kijejeto eo n̄an ke epen jeļā ia eo ro jinen im jemān rej pād ie. N̄e lukkuun eo jinen ak jemān tokālik eitok ilo raa/allōn̄/iiō, liāp eo eaikuj in bar etale.

Ajri ro rerūtto. Juon membōr eo emour emaron̄ liāp n̄an juon lukkuun jinen ak jemān im juon ejjab lukkuun jinen ak jemān n̄e membōr eo ekar jab lo̧tak ilo bujen ak kar liāp n̄an ro jinen im jemān m̧oktaļo̧k.

Membōr ro 21 aer iiō ak rūttoļo̧k rej aikuj bōk menin letok kwojarjar eo m̧okta jān liāp n̄an lukkuun juon jinen ak jemān ak juon jinen ak jemen ejjab lukkuun jinen ak jemān (stepparent).

Membōr ro em̧ōj aer m̧are ro reddikļo̧k jān 21 rejjab aikuj in bōk menin letok kwojarjar eo an tampeļ n̄an liāp n̄an lukkuun ro jineer im jemeer. Ijo wōt ke, ej aikuj wōr juon aer peba im mālim an tamepļ ekāāl n̄an liāp n̄an jinen im jemān (lale 26.4.4).

Lale 27.4.1 n̄an meļeļe n̄an leļo̧k peba in mālim n̄an deļo̧n̄e tampeļ n̄an ajri ro rej liāp n̄an ro jineer im jemeer.

38.4.2.6

Ajri ro im Rekar Ļotak Jān Artifical Insemination ak In Vitro Fertiization ak Kōjerbal Wā ko n̄an Leļo̧k Kijin Em̧m̧aan n̄an Kōrā

Ajri ro rekar ļotaktok jān artificial insemination ak in vitro fertilization ak kōjerbal wā ko n̄an leļo̧k kijin em̧m̧aan eo n̄an kōrā eo rej ļotaktok ilo bujen eļan̄n̄e jineer im jemāer em̧ōj aer liāp. Eļan̄n̄e ajri ro rej ļotak m̧okta jān an jineer im jemāer kar liāp, remaron̄ liāp n̄an ro jineer im jemāer ālkin an jineer im jemāer liāp n̄an doon.

38.4.2.7

Ajri ro raar Lo̧tak n̄an Mam̧a ro Raar Kōjerbal Wā n̄an Bōro̧ro

N̄e ajri eo ekar lo̧tak n̄an m̧am̧a eo ekar kōjerbal wā ko n̄an bōro̧ro, stake būreejtōn eo ej leļo̧k jekjek in n̄an Opiij eo an Būreejtōnji eo Kein Kajuon (lale 38.6.22).

38.4.2.8

Kadkadin Ajri ro N̄e Ej Kāānjōl Liāp eo ak Joļo̧k

Ajri ro retiljek im rekar ļotak ilo bujen eo ak kar liāp n̄an ro jiner im jemāer rej dāpij wōt kōjeraam̧m̧aan ko an ro jiner im jemāer indeeo. Menin em̧ool men̄e:

• Liāp eo an ro jineer im jemāer ekar tokālik kar kāānjōļ

• Membership eo an ro jineer im jemāer ekar tokālik kar kāānjōļ ak bukweļo̧k.

Ajri ro raar lo̧taktok ālkin an ro jineer im jemeer kāānjōļe liāp eo ak joļo̧ke rejjab lo̧tak ilo bujen eo. Ajri rein remaron̄ liāp n̄an jineer im jemāer ālkin an kōjeraam̧m̧an ko an tampeļ an ro jineer im jemāer bar ro̧o̧ltok (elan̄n̄e ekkar) im jabdewōt kabbōjrak ko kar joļo̧ke.

38.5

Nuknuk in Tampeļ im Kaarmen ko

38.5.1

Nuknuk in Tampeļ

Ilo iien bōk menin letok kwojarjar im kain̄i ko an liāp ilo tampeļ eo, membōr ro an Kabun̄ in rej ekōņak nuknuk mouj. Ānbwinin kōrā eo aikuj kōkaņōk kōn kaarmen ko an tampeļ im nuknuk mouj kein rej elaajrak ijin: juon nuknuk (ak juon likko im jiln̄ij), jitokin, im juuj mour ko ak jodi ko.

Em̧m̧aan ro rej kōņak nuknuk mouj kein: juon jōōt aetokpā, nektae ak tae, jedo̧jij, jitokin, im juuj ak jodik.

Ilo iien menin letok kwojarjar eo im kain̄i ko an liāp, membōr ro rej bar kōņak jet nuknuk kōjeraam̧m̧an ilkin nuknuk mouj eo aer.

38.5.2

Ebbōk Nuknuk in Tampeļ im Kaarmen ko

Ritōl ro an stake im ward rej rōjan̄ membōr ro em̧ōj aer bōk menin letok kwojarjar eo n̄an ebbōk aer make nuknuk in tampeļ. Nuknuk in tampeļ im kaarmen ko maron̄ wiaiki jān Church Distribution store ak ilo store.ChurchofJesusChrist.org. Stake im ward kūļōk ro remaron̄ bar jipan̄ wia nuknuk ko n̄an membōr ro.

Bisop eo emaron̄ kōjerbal jāān ko an menin-jitlo̧k n̄an jipan̄ membōr ro rej pād ilo aikuj n̄an wia nuknuk in tampeļ im kaarmen ko (lale jepta 22).

Jet tampeļ ko rebarāinwōt wōr nuknuk in tampeļ repād ie n̄an jata. N̄e ejjeļok nuknuk in jata ko ilo tampel eo, membōr ro rej aikūj in bōktok nuknuk ko aer im rej kōjerbal ilo tampel ippāer. Lale temples.ChurchofJesusChrist.org n̄an jeļā n̄e tampeļ eo ewōr nuknuk ko n̄an kōļļā wōnāān kōjerbali.

Tampeļ ko re limiti nuknuk in tampeļ ko me mijinede ro rej jerbal aolep raan bwe mijinede ro ren kōjerbali. Ejjeļo̧k wōnāān kōjerbali n̄e mijinede ro rej pād ilo jikin kaminene ko im n̄e kar kōmālim er n̄an pād ilo kain̄i ko an tampeļ ilo aer jerbal ilo mijen eo. N̄e ekkar, nuknuk in maron̄ in jerbal jen mijinede ro rej bōk menin letok kwojarjar eo aer make.

Ewōr kain kaarmen ilo kajojo wāween ed ko im jon̄o̧k ko, ekoba n̄an kōrā ro rej bōrọro ak kaajriri (store.ChurchofJesusChrist.org).

Membōr ro rej aikuj kaarmen ilo juon jaij eo ejeļo̧k emaron̄ kūr ļo̧k juon eo ej jipan̄ ikijeen nuknuk n̄an kōm̧m̧ane juon wōrtar ejenoļo̧k. Meļeļe ko n̄an tōpare repād ilo store.ChurchofJesusChrist.org.

N̄an meļeļe ko kōn kajjieon̄ e kaarmen ko m̧okta jen wiaiki, lale store.ChurchofJesusChrist.org.

38.5.3

Kaarmen ko im Nuknuk in Tampeļ ko n̄an Membōr ro Ewōr Mōjņo ko ilo Ānbwinier

Wōrtar ko-rejenoļo̧k an kaarmen ko maron̄ in wiaiki n̄an membōr ro renan̄inmej ioon beet, utam̧we ilo ānbwin, ak rejekar n̄an jet ed in kaarmen ko (lale “Garments and Sacred Clothing,” store.ChurchofJesusChrist.org).

Ewōr Nuknuk ko rekadu ñan jipan̄ armej rōt eo ej pād ilo wiiļjea ko ak ro jet rej aikuj (lale store.ChurchofJesusChrist.org).

38.5.4

Kōm̧m̧an Nuknuk in Tampeļ

Membōr ro rej jab aikuj kōm̧m̧an aer make nuknuk in kōjeraam̧an ko an tampeļ ak kaarmen ko.

38.5.5

Kōņak Garment eo

Būreejtōnji eo Kein Kajuon kar kōpooje unin tōl in kōn kōņak garment eo:

“Garment eo an priesthood eo ekwojarjar ej kakeememej kōj kōn rōn̄ōl eo ilo tampeļ eo, im bwe rōn̄ōl eo ej kakōļļe kōn Jisōs Kraist. N̄e kwoj kōņakgarment eo am̧, kwoj likūt ioom̧ juon kakōļļe kōn Jisōs Kraist. Ilo am̧ kōņake ej juon kakōļļe itulik kōn kallim̧ur eo am̧ itulowa n̄an ļoor E. Garment eo ej barāinwōt juon kakeememej kōn bujen tampeļ ko am̧. Kwoj aikuj kōņak garment eo raan im bon̄ ilo aolepān mour eo am̧. N̄e ej aikuj utūkļo̧k n̄an m̧akūtkūt ko im rejjab maron̄ jetjet ilo am̧ kōņak garment eo, pukōte n̄an bar kōņake ilo iien eo em̧ōkaj tata. Ilo am̧ kōjparok bujen ko am̧, ekoba jeraam̧m̧an eo ekwojarjar n̄an kōņak garment eo āinwōt kar kōmeļeļeik ilo kadkad in kain̄i ko, enaaj ļapļo̧k am̧ bōk tūriam̧o, kōjparok, kōkajoorļo̧k, im kajoor eo an Rilo̧mo̧o̧r.

Kaarmen ko aikuj in kōņaki tulowaan nuknuk ko. Ej juon men eaorōk n̄an an juon armej pepe men̄e lowa ko rej ekkaņōk ilaļ tok kaarmen ak ilōn̄in kaarmen ko an tampeļ.

Membōr ro rejjab aikuj kōkaduiki ak ukukōti garment eo n̄an kajetjet jekjek in jon̄ak ko rooktak an nuknuk eo.

Membōr ro rejjab aikuj in kwaļo̧ki kaarmen eo n̄an ro rejjab meļeļe aorōk eo an.

Lale 26.3.3.

38.5.6

Tōlarōke Kaarmen eo

Kaarmen eo ej juon kakōļļe ekwojarjar in Jisōs Kraist. Wāween eo jej tōlarōki kaarmen ko ad aikuj jutak kōn kwojarjar in kakkōļļe eo.

Membōr ro remaron̄ karpeni potak ko ilo kaarmen eo toon wōt an jekjek eo m̧okta jab oktak. Ijoke, eļan̄n̄e juon kakkōļļe ej lukkuunin mejaļ ak jako, membōr ro rej aikuj bar bōk juon kaarmen.

38.5.7

Ekkōņak Karmen ilo jikin Tariņae, Fire Service, Būļijmāān, ak Agency eo Āinwōt

Unin tōl ko ilo jekjōn in rej jerbal n̄an membōr ro raar bōk menin letok kwojarjar eo me ewōr aer nuknuk in jerbal ko emenin aikuj n̄an kōņaki ilo aer jerbal:

• Ilo jarin tariņae.

• Āinwōt rikkun kijeek ro.

• Āinwōt būļiijmāān ro.

• Āinwōt security rijerbal ro an kien.

N̄e emaron̄, membōr rein rej aikuj kōņak kaarmen eo ilo ejja wāween eo wōt an membōr ro jet. Ijoke, rej aikuj in bōbrae kwalo̧k karmen eo n̄an ro im rejjab meļeļe aorōkier. Membōr ro raikuj in pukōt tōl eo an Jetōb im jelā kōppeļak, jim̧we in kālōt, im jelāļo̧kjen. Ilo jet wāween, emaron̄ in em̧m̧an tata n̄an likūt kaarmen eo iturejet ilo jiddik iien im bar kōņake n̄e jekjek ko rej kōtļo̧k. Mekarta, kōņaki karmen eo ilo jab jejjōt ejjab kallikare ilo tūrājet.

Jet iien kakien ko an jerbal eo ekōm̧m̧an bwe membōr eo en jab ekkōņak kaarmen. Ilo wāween kein, kadkad eo an membōr eo ilo kabun̄ ejjab jelete. Irooj ej aikuj bōro eo im ļōmņak eo ej em̧ōņōņō (lale Katak im Bujen Ko 64:34). Toon wōt an membōr eo pād im erreo, enaaj būki wōt kōjeraam̧am̧an ko rej ekkeijeļo̧k ippān ilo an kōņak kaarmen eo. Eļan̄n̄e membōr ro rejjab maron̄ kōņak kaarmen eo, rej aikuj kōņake ilo iien eo wōt jekjek ko rej kōtļo̧k.

Membōr rein ilo doulul kein rej aikuj kapilōk ippān kajjojo kumi ko aer kajjojo kōn men ko aikuji me ani lowa ko rej aikuj ļoori, ko āinwōt kōļar ak jekjek eo an būruōn. Membōr rein remaron̄ jilkinļo̧k nuknuk ko kōmālim an doulul eo me rej ļoor unin tōl ko an karmen n̄an Beehive Clothing eo n̄an kakōļļeik āinwōt karmen eo kōmālim. Unin tōl ko im naan in kōmeļeļe ko jet rej pād ilo Garment Guidelines for Military, Law Enforcement, and Firefighters.

38.5.8

Jōkjōkin Taktō ko Remaron̄ Bōbrae Membōr ro jān Kōņak Garment eo

N̄e em̧m̧an, membōr ro rej pād kōn jōkjōkin taktō ko raikuj in ekōņak kaarmen eo ejja āinwōt membōr ro jet.

Wōrtar ko-rejenoļo̧k an kaarmen ko remaron̄ in wiaiki n̄an membōr ro rej pād kōn jōkjōkin taktō ak kōjerbal kein kōmadmōd ko an taktō. Membōr ro rej aikuj wōrtar ko rejenoļo̧k an kaarmen remaron̄ kūr ļo̧k juon eo ej jipan̄ ikijeen nuknuk n̄an likūt juon wōrtar. Meļeļe ko n̄an tōpare repād ilo store.ChurchofJesusChrist.org/contactus.

Jet jōkjōkin taktō ko ak kein kōmadmōd an taktō remaron̄ kōm̧m̧an menin an pen n̄an an membōr ro kōņake juon ak aolepen kaarmen ko. Membōr ro rej aikuj pukōt tōl eo an Jetōb ilo jekjek rot kein. Ilo jet wāween ko, emaron̄ in em̧m̧an tata n̄an likūt kaarmen eo iturejet ilo jiddik iien im bar kōņake n̄e jekjek ko rej kōtļo̧k.

N̄e juon membōr ro rejjab kōņak kaarmen eo kōnke kōn juon jōkjōkin taktō ak kein kōmadmōd an taktō, ejjab jelet kadkad eo an ļeo ak lieo ilo kabun̄ in. Irooj ej aikuj bōro eo im ļōmņak eo em̧ōņōņō (lale Katak im Bujen Ko 64:34). Toon wōt an membōr eo pād im erreo, ļeo ak lieo naaj būki wōt kōjeraam̧am̧an ko rej ekkeijeļo̧k ippān kōņak kaarmen eo.

38.5.9

Kakkuri Kaarmen ko Remo̧r im Nuknuk in Tampeļ Kōņaki ilo Iien ko Reļļap

Wāween kakkure kaarmen ko im remor, membōr ro rej aikūj in m̧wijjit im kakkure m̧aak ko ie. Innem membōr ro ren m̧wijjit ed eo bwe en jab allikar ke āinwōt juon kaarmen. Nuknuk ko jet remaron̄ kakkuri.

N̄an wāween ko̧kkuri nuknuk mōr kwojarjar an tampeļ, membōr ro raikuj in kakkure nuknuk eo ilo aer m̧wijjit lok bwe jejjōt in kar kōjerbale en jab allikar. Nuknuk ko reaikuj kakkuri.

Membōr ro raikuj in leļo̧k kaarmen ko im nuknuk in tampeļ ko ilo wāweein eo em̧m̧an n̄an membōr ro jet me rekar bōk menin letok kwojarjar eo. Membōr ro rejjab aikūj in leļok kaarmen ko ak nuknuk ko rekwojarjar im rej aer ñan Deseret Industries ko, im̧ōn kakoņkoņ ko an bisop ro, jipan̄ ko.

38.5.10

Nuknuk in Tampeļ n̄an Kallib

N̄e emaron̄, membōr ro ri-mej im raar bōk kaiñi eo aer rej aikūj in kallib kōn nuknuk tampel ko. Eļan̄n̄e m̧anit eo ilo jikin eo kwoj itok jene ak pen, innām nuknuk ko remaron̄ lemlem im likūti iturin wōt rimej eo ilowaan bo̧o̧k eo an rimej eo.

Membōr ro im emōj aer bōk kaiñi eo aer wōt remaron̄ kalip kin nuknuk in tampeļ eo. Juon armej eo me ekar bōk menin letok kwojarjar eo im ekar bōjrak an kōņake kaarmen ko m̧okta jān an mej maron̄ nej kallib kōn nuknuk in tampeļ ko eļan̄n̄e baam̧le eo an renej kajjitōk.

Juon eo kōjeraam̧m̧an ko an rejjan̄in ro̧o̧ltok ālkin diwōjļo̧k ak kōm̧akūt rekoot ko an Kabun̄ in rejjab maron̄ kallim̧ ak ittil kōn nuknuk in tampeļ.

Juon armej eo im emōj an bōk menin letok kwojarjar im emej jān an bōk mour eo an emaron̄ kallip kōn nuknuk in tampel ko.

Nuknuk in tampeļ ko nej kōjerbali rejjab aikuj in kāāl, ak rej aikuj in erreo. Nuknuk in tampeļ ko an membōr eo make maron̄ kōjerbali.

Juon membōr eo im enaaj kallib kin nuknuk in tampel ko emaron̄ kōm̧m̧an jen ippān juon ūwaan baam̧le eo an im emōj an bōk kaiñi eo an ak en laddik ñan ļaddik ak leddik ñan leddik ak jān eo paleen. Ñe juon membōr ejjab m̧aroñ bed ilo iien eo ak rejjab m̧aroñ in kōnak nuknuk in tampel ko an kōrā eo emij, bisop eo emaron̄ kajitok ippān būreejtōn eo an Doulul eo an Kōrā emaron̄ kūr juon kōrā jen bwe ren kōnak nuknuk in tampel ko an kōrā eo emej. Ñe juon membōr ejjab m̧aroñ bed ilo iien eo ak rejjab m̧aroñ in kōnak nuknuk in tampel ko an kōrā eo emij, bisop eo emaron̄ kajitok ippān būreejtōn eo an Doulul eo an Kōrā emaron̄ kūr juon kōrā jen bwe ren kōnak nuknuk in tampel ko an kōrā eo emej. Ritōl ro rej aikuj lale bwe jerbal in kanuknuk in ej etal n̄an juon armej eo me eban m̧akoko in kōm̧m̧ane.

Ānbwinin em̧m̧aan aikuj kōkaņōk kōn kaarmen ko an tampeļ im nuknuk ko mouj kein rej elaajrak ijin: jōōt aitok pā mour, necktie, aitok ņe, im juju ak jodi ko. Ānbwinin kōrā eo aikuj kōkaņōk kōn kaarmen ko an tampeļ im nuknuk mouj kein rej elaajrak ijin: juon nuknuk (ak juon likko im jiln̄ij), jitokin, im juuj mour ko ak jodi ko.

Iien ekkaņōk nuknuk ko ilowaan tampeļ rej ekkaņōk āinwōt kōmeļeļeik ilo iien bōk menin letok kwojarjar eo. Robe eo ej pād ilo aeram̧ tuaņōm̧oon im ej loklok ilo to jidikdik eo ilo tuanmiin̄ ilo katim̧. Eprōn eo ej loklok im jepooļ lukom̧ To eo emouj ej bar lo̧klo̧k ilo lukom̧ im lukwoje ilo tuanmiin̄ ilo katim̧. At eo an em̧m̧aan ekkā likūt ilo turin ānbwinnin m̧ae iien iien kilōk bo̧o̧k eo. Innām at eo ituanmiin̄ in lo̧jilin̄in. Kōbare in mej eo an kōrā emaron̄ pād ilo pet eo ilo tulōn̄in bōran. Likūt kōbar in mej eo an kōrā eo m̧okta jen kallib ak kattil ej kōtmene, n̄e baam̧le eo ej ļōmņake.

Ilo jet jikin juon tōreektōr eo me ewōr an license ak juon an tōreektōr eo rijerbal e wōt em̧ōj kōtļo̧ke bwe en jibwe ānbwin eo. Ilo wāween rōt in, juon membōr jen ūwaan baam̧le eo im emōj an bōk menin letok kwojarjar eo eo ej kur jan bisop eo ak būreejtōn in Doulul eo an Kōrā remaron̄ lale bwe ejim̧we an armej eo kōņak nuknuk in tampel ko an remej eo.

Elōñ jet āne ko emenin aikuj bwe rimej ro ren ekkanok nuknuk ko me remaron bar erom bwidej. Nuknuk in tampeļ ko remaron̄ pidodo aer m̧adeon̄eon̄ļo̧k repād ilo store.ChurchofJesusChrist.org.

Ilo jikin ko me nuknuk in tampeļ emaron̄ pen būki n̄an iien kallib eo, stake būreejtōn ro rej aikuj kokņe ruo m̧ōttan nuknuk ko eo̧n̄ kipdeer medium size, juon n̄an juon em̧m̧aan im juon n̄an juon kōrā.

Ñe rejjab m̧aroñ in bōk nuknuk in tampel ko an iien kallip ko, rimej eo emaron̄ kōņak kaarmen ko an im rekwōjarjar im ar itok kaki ak nuknuk ko im rej ekkar.

38.6

Kakien ko kōn Jekjek ko Rejelet Mour Erreo

Jidik kakien ko ilo jekjen in me em̧ōj an Kabun̄ in “kabōjraki.” Membōr ro an Kabun̄ in ekkā imminene kōn mo ko an ro uwaan kōnke wōt kālet ko aer kōn men kein. Ijoke, aolep armej rej bōk eddo n̄an Anij kōn kālet ko aer.

38.6.1

M̧an Loje

Irooj eaar kakien, “Kwōn jab…uror, ak kōm̧m̧an jabdewōt āinwōt men” (Katak im Bujen Ko 59:6). Kabun̄ in ej kamo̧ m̧an lo̧je kōn wōt an armej eo kōņaan limo im iiaio im jab inepata kōn bōroro̧ ak ajri eo. Membōr ro rej aikuj in jab leļo̧k er n̄an, kōm̧m̧ane, karōk er n̄an, kōļļāik n̄an, ļōmņake n̄an, ak rōjan̄ juon eo ej m̧an lo̧jeen. Jōkjōk ko wōt remaron̄ ekkar rej eļan̄n̄e:

• An waļo̧k Bōroro jān kōmakoko in rāip ak kōpa.

• Juon taktō eo ej lo bwe mour ak ājmour eo an mama eo ej pād ilo kauwōtata.

• Juon taktō eo ej lo bwe ewōr an ajriieo me ejjan̄in ļotak jipikpik ilo ānbwin ak wōtam̧we im eban mour ajri eo ālkin an nej ļotak tok.

Jekdoon ak jekjek kein rejjab kajju kōm̧m̧an bwe armej eo en wōnm̧aanļo̧k wōt im m̧an lo̧jien. M̧an lo̧jen ej juon men eļap. Ej aikuj watōke ālkin wōt an armej eo ej bōk edd in kar bōk kape kōn jar. Membōr ro rej aikuj kōnono ippān bisop ro aer āinwōt m̧ōttan jerbal in.

Ritōl ro rej tōl rej lukkuun etale jekjek ko eļan̄n̄e juon membōr in Kabun̄ in ekar m̧an lo̧jeen ak ekar bōk koņaan ilo juon iien m̧an lo̧je. Juon ko̧o̧njeļ in kajim̧we emaron̄ ekkar eļan̄n̄e juon membōr ej kōtļo̧k n̄an, kōm̧m̧ane, kōm̧man karōk n̄an, kōmālim n̄an, ak kōketak ak rie menin m̧an lo̧je (lale 32.6.2.5). Ijo wōt ke, ko̧o̧njeļ in kajim̧we eo ejjab aikuj bōk jikin eļan̄n̄e juon membōr ekar m̧an lo̧jien m̧okta jān an peptaij. Barāinwōt ko̧o̧njeļ in kajim̧we ko ak kamo̧ ko rejjab aikuj bōk jikier n̄an membōr ro me rekar m̧an lo̧jier kōn jabdewōt iaan un ko jilu me kar kōmeļeļeik im̧aanļo̧k ilo jekjōn in.

Bisop ro rej leļo̧k kajjitōk ko kōn kajjojo jekjek ko n̄an stake būreejtōn. Stake būreejtōn eo emaron̄ kajju kajjitōkļo̧k kajjitōk ko n̄an Opij eo an Būreejtōnji eo an Kein Kajuon eļan̄n̄e ekkar.

Āinwōt an kar m̧ōj kōmeļeļeiki, armej eo emaron̄ in ukweļo̧k im jeorļo̧k an bōd kōn an m̧an loje.

38.6.2

Kakkure

Kakkure ej juon jerbal enana ak kowaan ro jet ilo juon wāween me ej kōmetak armej ilo ānbwin, m̧ōm̧ an kanniōk, en̄jake, ak ikkijeen jāān. Kabun̄ in ej katakin bwe kakkure ejjab maron̄ bōk jikin ilo jabdewōt wāween ko. Ro im rej kowaan ak kakkure ro pāleer, ajri ro, ro jet uwaan baam̧le eo, ak jabdewōt eo im ej kakkure kien ko an Anij im armej.

Aolep membōr ro, eļaptata ro jinen im jemen im ritōl ro, em̧ōj rōjan̄ er n̄an aer jeļā im tiljek im kōm̧m̧ani aolep aer maron̄ n̄an kōjparok ajri ro im ro jet ņae kakkure. N̄e membōr ro rej jeļā kōn jabdewōt kakkure, ren riboote n̄an kien eo tōllo̧kin ak kōnono ippān bisop eo. Ritōl ro an Kabun̄ in rej aikuj būki riboot in kakkure ko im jab kowaani.

Aolep rūtto ro me rej jerbal ippān ajri ro ak jodikdik ro rej aikuj kadedeļo̧k kaminene in kōjparok eo an ajri ro im jodikdik ro ilowaan juon allōn̄ ālkin kar rejtake er (lale ProtectingChildren.ChurchofJesusChrist.org). Rej aikuj āliji kaminene eo ļo̧kin aolep jilu iiō.

N̄e kakkure ej waļo̧k, eddo eo m̧oktata im em̧ōkajtata an ritōl ro an Kabun̄ in ej n̄an jipan̄ ro rekar kowaane er ak kakkure er im n̄an kōjparok armej ro jān kowaan ak kakkure. Ritōl ro rej aikuj jab kōketak juon armej n̄an pād wōt ilo juon em̧ ak jekjek me ej kakkure ak ejjab em̧m̧an.

38.6.2.1

Abuse Help Line eo

Ilo jet laļ ko, Kabun̄ in ekar ejaake juon abuse help line eo eņojak ak ettino̧ n̄an jipan̄ stake būreejtōn ro im bisop ro. Ritōl rein rej aikuj ilo iien eo em̧ōkaj kūrļo̧k help line eo kōn aolep jekjek ko me juon armej emaron̄ kar m̧ōj aer kakkure—ak ej pād ilo kauwōtata kōn kar kakkure. Rej aikuj barāinwōt kooļ eļan̄n̄e rejeļā kōn juon membōr eo rej alooje, wiaiki, ak litok litak pija nana ko kōn ajri.

Help line eo ej pojak n̄an bisop ro im stake būreejtōn ro n̄an kooļ 24 awa juon raan, 7 raan juon wiik. M̧eļeļe ko n̄an kūr rej waļo̧k ijin ilaļ:

• United States im Canada: 1-801-240-1911 ak 1-800-453-3860, extension eo 2-1911

• United Kingdom: 0800 970 6757

• Ireland: 1800 937 546

• Lal ko ilo Europe Central Eria: [phone] or [e-mail]

• Australia: 02 9841 5454 (jān ilowaan wōt laļ en)

• New Zealand: 09 488 5592 (jān ilowaan wōt laļ en)

Bisop ro im stake būreejtōn ro rej aikuj kūrļo̧k help line eo n̄e rej jelm̧ae jekjeko ko ekitbuuj jabdewōt kain kakkure ko. Ritijem̧ļo̧k ro remālim im ilo jikin taktō ko renaaj uwaake kajjitōk ko aer. Ritijem̧ļo̧k rein renaaj barāinwōt lewaj naan in kōmeļeļe ko kōn ekōjkan n̄an:

• Jipan̄ ro kar kakkure er im jipan̄ kōjparok er jān eļapļo̧k kakkure.

• Jipan̄ kōjparok ro me remaron̄ nej kakkure er.

• Ļoor wōt men ko remenin aikuj im em̧ōj kōmālim jān kien n̄an riboote kakkure ko.

Kabun̄ in ej kallim̧ur n̄an ļoor wōt kakien eo ikkijeen riboot kakkure (lale 38.6.2.7). Kakien ko rookoktaktak ilo kajjojo jikin ko, im elōn̄ ritōl ro an Kabun̄ in rejjab jet ro retijem̧ļo̧k kōn kakien ko Kūrļo̧k help line eo ej menin aikuj n̄an bisop ro im stake būreejtōn ro n̄an kakūrm̧ool eddo ko aer ilo riboot kakkure.

Juon bisop ej aikuj barāinwōt kōjjeļļāikļo̧k stake būreejtōn eo an kōn ļamļam ko an kakkure.

Ilo laļ ko me ejjjeļo̧k aer help line, juon bisop eo lo im jeļā kōn jekjek in kakkure ko ej aikuj in kepaak stake būreejtōn eo an. E enaaj kappukot tōl jān kapilōk ko em̧ōj kōmālimi jān kien eo an eria ilo eria opij eo. E ej bar kōnono ippān rijerbal ro an Family Services ak menija eo an menin jipan̄ im un̄n̄are peid make ilo eria opiij eo.

38.6.2.2

Kapilōk ikkijeen Jekjek in Kakkure ko

Ro rej lanwōtwōt jen kakkure ekkā aer en̄taan kōn nan̄inmej in trauma. Stake būreejtōn ro im bisop ro rej lale kōn būruwōn tiriam̧o im iakwe. Rej leļo̧k kapilōk ilo jetōb im rie n̄an jipan̄ ro raar lanwōtwōt n̄an anjo̧ jen jorrāān ko an kakkure.

Jet iien ro raar lanwōtwōt kōn jorrāān rej en̄jake āliklik ak bōd. Armej rein kar kakkure er rejjab ņa ruweer kōn jerawiwi. Ritōl ro rej jipan̄ er im baam̧le ko aer jeļā kōn iakwe eo an Anij im kōmour eo me ej itok kōn Pinmuur eo an Jisōs Kraist (lale Alma 15:8; 3 Nipai 17:9).

Stake būreejtōn ro im bisop ro rej aikuj jipan̄ ro me raar kōm̧m̧ane kakkure eo n̄an ukweļo̧k im n̄an bōjrak jān m̧wil in kakkure ko aer. Eļan̄n̄e juon rūtto ekar kōm̧m̧ane juon jerawiwi in m̧ōm̧ an kanniōk ņae juon ajri, m̧wil ak iminene in emaron̄ in lukkuun in pen n̄an ukōte. Wāween eo an ukweļo̧k emaron̄ in lukkuun in aitok. Lale 38.6.2.3.

Stake būreejtōn ro im bisop ro rej aikuj in barāinwōt lukkuun kōjparok im tiljek n̄e rej jerbal ippān baam̧le ko an armej ro rekar kowaan er ak kakkure er im eo ekar kōm̧m̧ane jerbal in kowaan ak kakkure eo.

Unin tōl eo n̄an kapilōk ro kar kakkure er im rikakkure eo ej waļo̧k ilo Abuse: How to Help.

Ilo kakobaba wōt n̄an kar im̧ōk in jipan̄ eo an ritōl ro an Kabun̄, armej ro rejelet er, rikōm̧m̧an jorrāān ro, im baam̧le ko aer remaron̄ aikuj kapilōk eo etijem̧ļo̧k. N̄an meļeļe ko reļļapļo̧k, lale 31.2.6.

Kōn meļeļe ko kōn ta eo bisop ro im stake būreejtōn ro rej aikuj kōm̧m̧ane n̄e rej lo ak jeļā kōn jabdewōt kain kakkure, lale 38.6.2.1. N̄an meļeļe ko kōn kapilōk ilo iien ewōr kakkure ilo m̧ōm̧ an kanniōk, rāāb, ak jekjek in kakkure ko jet ilo m̧ōm̧ an kanniōk, lale 38.6.18.2.

Lale barāinwōt FamilyServices.ChurchofJesusChrist.org.

38.6.2.3

Kakkure Juon Ajri ak Jodikdik

Kakkure juon ajri ak jodikdik ej juon jerawiwi ekanooj in ļap (lale Luk 17:2). Āinwōt kar kōjerbale ijin, kakkure juon ajri ak jodikdik ekitbuuj men kein:

• Kakkure ilo ānbwin: Kōm̧m̧an kakkure ekanooj in ļap ilo kakkure ak kōjorrāān ānbwin. Jet kakkure ko maron̄ jab loi.

• Kakkure an m̧ōm̧ an kanniōk ak ājļor: Kōm̧m̧ane jabdewōt m̧akūtkūt an m̧ōm̧ an kanniōk ippān juon ajri ak jodikdik ak ļōmņak wōt in kar kōm̧m̧ane ak jipan̄ ro jet n̄an kōm̧m̧an kain m̧akūtkūt in. Āinwōt kar kōjerbale ijin, kakkure an m̧ōm̧ an kanniōk ejjab kitbuuj m̧akūtkūt in m̧ōm̧ an kanniōk errā kake ikōtaan ruo jodikdik ro me dettāer repaake doon.

• Kakkure ilo en̄jake: Kōjerbal jekjek ko ak naan ko n̄an lukkuun in kakkure en̄jake in kautie juon make ak aorōk an juon make ajri ak juon jodikdik. Menin ekkā an kitbuuj kakkure ko āliji im rej wōnm̧aanļo̧k wōt, iṇoṇooj, im kōmattōr ko me rej kajook im kōjaorōk. Emaron̄ in barāinwōt kitbuuj kajej tokjān en̄jake.

• Pija nana kōn ajri: lale 38.6.6.

Eļan̄n̄e juon bisop ak stake būreejtōn ej jeļā kōn ak ej eņo̧ik kakkure an juon ajri ak jodikdik, en m̧ōkaj an ļoor naan in kōmeļeļe ko ilo 38.6.2.1. E ej barāinwōt kōm̧m̧ani men ko n̄an jipan̄ kōjparok ņae eļapļo̧k kakkure eo.

Juon ko̧o̧njeļ in kajim̧we im kōkaļļe ko ilo rekoot ko remenin aikuj eļan̄n̄e juon membōr erūtto ej kakkure juon ajri ak jodikdik āinwōt kar kōmeļeļeik ilo jekjōn in. Lale barāinwōt 32.6.1.1 im 38.6.2.5.

Pukōt n̄an kōmetak ilo kanniōk ak en̄jake ikōtaan ajri ro im jodikdik ro me dettāer wōt juon aikuj in kōnono kake jān ritōl ro an ward eo. Ko̧o̧njeļ in kajim̧we oe ejjab aikuj kōm̧m̧an.

38.6.2.4

Kakkure an juon RiPālele ak Bar Juon Rūtto

Kakkure an juon ripālele ak bar juon rūtto emaron̄ in waļo̧k ilo elōn̄ wāween ko. Men kein ekitbuuj kakkure ilo kanniōk, m̧ōm̧ an kanniōk, en̄jake, im jāān. Rūtto ro me rebwij wōļā, epidodo aer jorrāān, ak utam̧we ilo ānbwin jet iien eļap aer kauwōtata n̄an kakkure.

Emakijkij an ejjeļo̧k juon meļeļe kōn kakkure me emaron̄ jerbal ilo aolep jekjek ko. Ijello̧kin, ewōr juon men ej kwaļo̧k ekanooj in ļap ilo m̧wil in kakkure. Kakōļļe in eļap jān jet iien ilo kōjerbal naan ko rellāj n̄an kōm̧m̧ani kakkure ko reļļap.

Eļan̄n̄e juon bisop ak stake būreejtōn ej jeļā kōn kakkure an juon ripālele ak bar juon rūtto, en m̧ōkaj an ļoor naan in kōmeļeļe ko ilo 38.6.2.1. E ej barāinwōt kōm̧m̧ani men ko n̄an jipan̄ kōjparok ņae eļapļo̧k kakkure eo.

Ritōl ro rej kappukōt tōl eo an Jetōb n̄an kōmlet eļan̄n̄e kapilōk an juon make ak juon ko̧o̧njeļ in kajim̧we ej juon jekjek eo ekkar taa n̄an ņa mejļan kakkure eo. Rej maron̄ barāinwōt kapilōk ippān ritōl priesthood eo aer kōn jekjek eo. Ijo wōt ke, jabdewōt kakkure an juon pālele ak bar juon rūtto me kar kōllaajrak ilo m̧wil ko kōnono kaki tok ālik ej menin aikuj n̄an kōm̧m̧ane juon ko̧o̧njeļ in kajim̧we.

• Kakkure ilo ānbwin: Kōm̧m̧an kakkure ekanooj in ļap ilo kakkure ak kōjorrāān ānbwin. Jet kakkure ko maron̄ jab loi.

• Kakkure an m̧ōm̧ an kanniōk: Lale jekjek ko rejeņolo̧k ilo 38.6.18.3.

• Kakkure an en̄jake: Kōjerbal jekjek ko ak naan ko n̄an lukkuun in kakkure en̄jake in kautiej juon make ak aorōk an juon make an juon ajri ak juon jodikdik. Menin ekkā an kitbuuj kakkure ko āliji im rej wōnm̧aanļo̧k wōt, iṇoṇooj, im kōmattōr ko me rej kajook im kōjaorōk.

• Kakkure ikkijeen jāān: Kōjerbali jāān ko an bar juon armej. Menin emaron̄ kitbuuj jab jetjet n̄an kien ak mālim kōjerbal men ko m̧weien, jāān ko, ak men ko jet raorōk an juon armej. Emaron̄ barāinwōt kitbuuj ko̧o̧t ilo an wōr kajoor ikkijeen jāān jān bar juon armej. Emaron̄ in kitbuuj kajoor ikkijeen jāān n̄an kamijak armej. Lale barāinwōt 32.6.1.3.

38.6.2.5

Kūr ko an Kabun̄ in, peba in mālim n̄an deļo̧n̄e tampeļ, im Rekoot in Membōr Ewōr Naan in Kōmeļeļe ko ie

Membōr ro me rekar kakkure ro jet raikuj in jab leļo̧k n̄an aer kūr ko an Kabun̄ in im maron̄ jab wōr juon aer peba in mālim n̄an deļo̧n̄e tampeļ m̧ae iien eo em̧ōj aer ukweļo̧k im mo̧ ko an membōr eo em̧ōj julo̧ki.

Eļan̄n̄e juon armej ekar kakkure juon ajri ak jodikdik ilo m̧ōm̧ an kanniōk ak lukkuun in kar kakkure juon ajri ak jodikdik ilo en̄jake ak kanniōk, rekoot in membōr eo an naaj wōr naan in kōmeļeļe ie ak kōkaļļe. Ļeo ak lio aikuj in jab leļo̧k jabdewōt kūr ak kappe n̄an jerbal ippān ajri ak jodikdik ie. Menin ekitbuuj jab leļo̧k juon ijjitōn̄ an jerbal in karejar n̄an juon baam̧le eo ewōr jodikdik ro ak ajri ro ilo m̧weo. Ebar āinwōt aikuj jab wōr juon jodikdik āinwōt m̧ōttan ilo jerbal in karejar eo. Mo̧ kein rej aikuj pād wōt ijello̧kin n̄e Būreejtōnji eo Kein Kajuon rej kōmālim kōm̧akūt naan in kōmeļeļe ko ilo rekoot eo an. Lale 32.14.5 kōn meļeļe ko kōn naan in kōmeļeļe ko ilo rekoot eo.

38.6.2.6

Stake im Ward Ko̧o̧njeļ ko

Ilo kweilo̧k in ko̧o̧njeļ ko an stake im ward, stake būreejtōnji ro im bisoprik ro rej aolep etale kakien ko an Kabun̄ in im unin tōl ko ņan bōbrae im uwaak n̄ae kōwaane ak kakkure. Rej katakin ennaan ko raorōk ilo Abuse jekjen eo an Jipan̄ Mour ilo Gospel Library eo. Rej kajjitōk ekōnono jān ro uwaan ko̧o̧njeļ. Ritōl ro im ro uwaan ko̧o̧njeļ eo rej aikuj pukot tōl an Jetōb ilo aer katakin im kōnono kōn unin kōnono raorōk.

Membōr in Ko̧o̧njeļ eo rej barāinwōt aikuj kadedeikļo̧k kaminenen ko an ajri im jodikdik ro (lale 38.6.2

38.6.2.7

Kōm̧m̧an ko Rejelet Kien Ņae Kakkure

Eļan̄n̄e m̧akūtkūt ko rekakkure an juon membōr raar kakkure kien ko kar kōm̧m̧ani, bisop eo ak stake būreejtōn eo rej aikuj kōketak membōr eo n̄an riboote m̧akūtkūt kein n̄an rijerbal in būlijmāān ro ak rijerbal ro jet remālim an kien. Bisop eo ak stake būreejtōn eo emaron̄ in bōk meļeļe ko kōn men ko aikuji ikkijien riboot ijo jokwe ie jān help line eo (lale 38.6.2.1). Eļan̄n̄e ewōr an membōr ro kajjitōk ko kōn men ko aikuji kōn riboot, ej kōketak er n̄an pukōt legal advise ejetjet.

Ritōl ro an Kabun̄ in im membōr ro rej aikuj in kakūrm̧ool aolep eddo ko an kien n̄an riboote kowaane ak kakkure eo n̄an rijerbal ro remālim. Ilo jet jikin ko, ritōl ro im rūkaki ro rej jerbal ippān ajri ro im jodikdik ro rej aikuj kile “ririboot ro rej kōm̧m̧an riboot ko remakijkij” im aikuj in ribooti kowaan ak kakkure ko n̄an rijerbal ro remālim. Āinwōt, ilo elōn̄ jikin ko, jabdewōt armej ro rej ekkatak kōn kowaane im kakkure ko ej aikuj in riboote n̄an rijerbal ro remālim. Bisop ro im stake būreejtōn ro rej aikuj kūrļo̧k help line eo n̄an tipdik in meļeļe ko kōn riboot ko remenin aikuj im legal requirement ko n̄an riboote kakkure. Kakien eo an Kabun̄ in ej n̄an pokake kien.

38.6.3

Koba in kij in ļeo im ļieo ilowaan ļieo

Lale 38.6.9.

38.6.4

Bōbrae Nāje

Bwilbwil in iakwe eo ilo kanniōk ikōtaan ļeo im lio pālele ej aikuj in kar aiboojoj im kwojarjar. Ej ekkapit jān Anij n̄an ejaaki ajri ro im n̄an kwaļo̧k iakwe ikōtaan ļeo im lio pālele (lale 2.1.2).

En̄iin ej iien eo em̧m̧an kōn an ripālele ro im raar maron̄ in kieotok ajiri ro jan aer bōktok ānbwinin wabaņbaņ n̄an ajiri in jetōb ro nejin Anij, ro im rej naaj bōk eddo in n̄an kaajiriri im karutoļo̧k (lale 2.1.3). Jokālet eo n̄an jon̄an jete ajri ro im n̄aat n̄an neji ej aerro wōt im en kōtaer wōt. Ej aikuj kōtaan wōt ripālele ro im Irooj. Membōr ro an Kabun̄ rej aikuj in jab ekajet juon im juōn ilo wāween in.

Kabun̄ eo ej jum̧ae taktō in m̧wijm̧wij āinwōt juon jōkjōk eo ejelet kōjparok ļotak. Taktō in m̧wijm̧wij ekoba (vasectomy) im rejelet ānbwin. Ijoke, kālet in ej an juon make me ej an wōt pepe im ļōmņak an ļeo im lieo pālele. Ro ripālele reaikuj in kōnono ippān doon n̄an kappukot im̧we eo an Jetōb n̄an kōm̧m̧ane kālet in.

Mwijm̧wij jet iien ej menin aikuj n̄an unin taktō ko. Membōr ro remaron̄ jeraam̧m̧an jān kapilōk ko an ro retijemļo̧k ikkijeen ājmour.

38.6.5

Erreo im M̧ool

Kien eo an Irooj kōn erreo ej:

• Bōjrak jān jemjerā ko an m̧ōm̧ an kanniōk itulikin juon m̧are an juon em̧m̧aan im juon kōrā.

• M̧ool ilowaan m̧are eo.

Bwilbwil in iakwe eo ilo kanniōk ikōtaan ļeo im lio pālele ej aikuj in kar aiboojoj im kwojarjar. Ej ekkapit jān Anij n̄an ejaaki ajri ro im n̄an kwaļo̧k iakwe ikōtaan ļeo im lio pālele.

Em̧m̧aan eo wōt im kōrā eo wōt me raar m̧are ekkar n̄an kakien im kien āinwōt ļeo im lio pālele aikuj wōr kōtaan ko aer ilo m̧ōm̧ an kanniōk. Ilo im̧aan mejān Anij, erreo ilo m̧wil elukkuun in aorōk. Rupe kakien ko an kien erreo relukkuun ļap (lale Exodus 20:14; Matu 5:28; Alma 39:5). Ro ekar bōd aer kōjerbal kajoor eo ekwojarjar me Anij ekar letok n̄an ejaak mour.

Juon ko̧o̧njeļ in kajim̧we emaron̄ menin aikuj eļan̄n̄e juon membōr:

• Mour in pālele itulikin m̧are eo kōmālimi ikōtaan em̧m̧aan eo im kōrā eo, āinwōt ļōn̄, m̧ōm̧ an kanniōk, pālele kōtaan em̧m̧aan n̄an em̧m̧aan im kōrā n̄an kōra, im alooj pija nana ko ilo online ak ilo taļboon (lale 32.6.2).

• Ej ilo juon jekjek in m̧are ak jerā me ej pād itulikin m̧are eo ejetjet ikōtaan juon em̧m̧aan im juon kōrā, ko āinwōt pālele ak ejjab m̧are (caohabitation), pād ko kile ilo kien (civil unins) im jerā ko, im m̧are an m̧aan n̄an m̧aan im kōrā n̄an kōrā (same-sex marriage).

• Kōļap ak kanooj po ilo kōjerbal pija nana ko, ekōm̧m̧an an ļap an kakkure m̧are eo an juon membōr ak baam̧le (lale 38.6.13

Jokāālet eo kōn eļan̄n̄e n̄an kōm̧m̧ane juon ko̧o̧njeļ in kajim̧we ilo jekjek kein ej pedped wōt ioon elōn̄ ļamļam ko 32.7). N̄an waanjon̄ak, juon ko̧o̧ņjeļ emaron̄ ļap wōt an menin aikuj n̄an jipan̄ juon membōr ukweļo̧k eļan̄n̄e ļeo ak lio ekar kakkure bujen ko an tampeļ ak eļan̄n̄e jerawiwi eo kar bar āliji.

Lale 32.6.1.2 kōn n̄āāt eo juon ko̧o̧njeļ ej menin aikuj n̄an jerawiwi ko an m̧ōm̧ an kanniōk.

Ilo jet jekjek ko, kapilōk ko an juon make im mo̧ ko an membōr eo emaron̄ bwe (lale 32.8

38.6.6

Pija Nana n̄an Ajri ro

Kabun̄ in ejjab errā ilo jabdewōt jekjek an pija nana ko n̄an ajri. Eļan̄n̄e bisop eo ak stake būreejtōn eo rej jeļā bwe juon membōr ej bōk kōņaan ilo pija nana kōn ajri, en m̧ōkaj an ļoor naan in kōmeļeļe ko ilo 38.6.2.1.

Juon ko̧o̧njeļ in kajim̧we im rekoot ewōr naan in kōmeļeļe ie ak kōkaļļe rej menin aikuj eļan̄n̄e juon membōr ej kōm̧m̧an, kwaļo̧k, bōk ippān, ak āliji alooje pija ko an pija nana kōn ajri ro (lale 32.6.1.2 im 32.14.5). Unin tōl in ekkā an jab jerbal n̄an ajri ro ak jodikdik ro me tarrin dettān iiō eo aer wōt eo ej kwaļo̧k pija ko kōn m̧ōm̧ an kanniōk kōn er make ak ro jet. Kapilōk an juon make im mo̧ ko an membōr eo emaron̄ ekkar ilo jekjek ko.

N̄an bōk eļapļo̧k jipan̄, lale 38.6.13.

38.6.7

Leļo̧k ak Wia Kake Lep in Neji

Jekjek eo an ļeo im lieo pālele n̄an ejaake ānbwin ajri in jetōb ro nejin Anij ej juon ijitōn̄ ekwojarjar (lale 2.1.3). Kōn unin, Kabun̄ in ej kabōjrak leļo̧k lep in neji. Ijoke, menin ej an juon make pepe in karōk im lukkuun ļōmņake n̄an elleļo̧k. Lale 3.7.9 Kabun̄ in ej bar kabōjrak wiakake lep in neji.

38.6.8

Joļo̧k Jikin Nejnej an Kōrā ro

Kabun̄ in ejjab errā ilo joļo̧k jikin nejnej ko an kōrā ro.

38.6.9

Kakōlkōl ko n̄an Neji

Jekjek eo an ļeo im lieo pālele n̄an ejaake ānbwin ajri in jetōb ro nejin Anij ej juon ijitōn̄ ekwojarjar (lale 2.1.3). N̄e ekkar, kein kōm̧adm̧ōd ko emaron̄ jipan̄ lieo im ļeo ilo kōņaan eo aer em̧m̧an n̄an wōr nejier ajri. Kein kōm̧adm̧ōd in ekoba kōjerbal lep in em̧m̧an im vitro rertilization.

Kabun̄ eo ej lukkuunin kabweer kōjerbal vitro fertilization semen jān jabdewōt bōtaab en ļeo pālele eo wōt ak juon lep jān jabdewōt bōtaab en lio pālele wōt. Ijoke, ej an juon make eddo im ļōmņak ilo kien pālele.

N̄an meļeļe ko n̄an liāp an ajri ro, ro jineer ekar bo̧roro jān an jineer bōk kij in em̧m̧aan jān wākiļo̧k n̄an e, lale 38.4.2.6.

Barāinwōt lale “Adoption” (Topics and Questions, topics.ChurchofJesusChrist.org).

38.6.10

Kōpa

Kabun̄ in ejjab errā ilo jabdewōt jekjek in kōpa. Āinwōt kar kōjerbal ijin, kōpa ej jemjerā ko an m̧ōm̧ an kanniōk ikōtaan:

• Juon iaan m̧am̧a ak baba im ajri eo nejin.

• Juon iaan būbū ak jim̧m̧a im ajri eo jibūn.

• Jemjān jemjati ro.

• Nej jemān ak nej jinen im eo nej nejin.

Āinwōt kar kōjerbal ijin, ajri,lajibūbū,jemjān jemjati ko,nej nejin leddik, im nej nejin ļaddik ekoba lukkun nejiū, kōkajriri, nej nejiū, ri-bōk eddo n̄an ajiri ro ejelok rilale er Kōpa emaron̄ in waļo̧k ikōtaan ruo ajri ak ruo jodikdik, juon rūtto im juon ajri ak jodikdik, ak ruo rūtto. N̄e stake būreejtōn eo ewōr an kajjitōk n̄e jemdoon eo kōn kōpa ej ekkar ilo kakien eo, ej pukot jipan̄ jen Opiij eo an Būreejtōnji eo Kein Kajuon.

N̄e juon ajri ak juon jodikdik eo kar kakkure kōn kōpa, bisop eo ak stake būreejtōn eo ej kūrļo̧k abuse help line eo an Kabun̄ in ilo laļ ko ijo ewōr ie (lale 38.6.2.1). Ilo laļ ko jet, stake būreejtōn eo ej kappukot tōl jān eria legal ko̧o̧njeļ eo ilo eria opij eo. Ej barāinwōt rōjan̄ n̄an kōnono ippān rijerbal ro an Family Service ak menija eo an welfare im self-reliance ilo eria opiij.

Juon ko̧o̧njeļ in kajim̧we im rekoot eo ewōr ie kōmeļeļe ak kōkaļļe ko remenin aikuj eļan̄n̄e juon membōr ej kōm̧m̧an kōpa (lale 32.6.1.2 im 32.14.5). Kōpa enan̄in aolep iien ej aikuj bwe Kabun̄ in ej joļo̧k rekoot ko an membōr eo.

Eļan̄n̄e juon ajri ak juon jodikdik ej kōpa, stake būreejtōn eo ej kepaak Opij eo an Būreejtōnji eo Kein Kajuon n̄an tōl.

Ro rej lanwōtwōt jen kōpa ekkā aer en̄taan kōn trauma. Ritōl ro rej jipan̄ kōn būruwōn tiriam̧o im iakwe. Rej leļo̧k kapilōk ilo jetōb im rei n̄an jipan̄ ro raar lanwōtwōt n̄an anjo̧ jen jorrāān ko an kōpa.

Jet iin ro raar lanwōtwōt kōn jorrāān rej en̄jake āliklik ak bōd. Armej rein kar kakkure er rejjab ņa ruweer kōn jerawiwi. Ritōl ro rej jipan̄ er im baam̧le ko aer meļeļe kōn iakwe eo an Anij im kōmour me ej itok kōn Pinmuur eo an Jisōs Kraist (lale Alma 15:8; 3 Nipai 17:9).

Ilo kakobaba wōt n̄an kar im̧ōk in jipan̄ eo an ritōl ro an Kabun̄, armej ro rejelet er, rikōm̧m̧an jorrāān ro, im baam̧le ko aer remaron̄ aikuj kapilōk eo etijem̧ļo̧k. N̄an meļeļe, lale 38.6.18.2

38.6.11

Ilo Vitro Fertilization

Lale 3.7.9

38.6.12

Ekkeijeļļo̧k ko Retttino̧

“Men eo ej jān Anij ej meram” (Katak im Bujen Ko 50:24). Ekkeijeļļo̧k ko rettino̧ rej jerbal ko remarok im rej tōlļo̧k n̄an m̧ōņ. Ej kakkure tōmak ilo kraist.

Ekkeijeļļo̧k ko rettino̧ rej kabun̄jar n̄an Setan. Ej bar kakkure m̧akūtkūt ko me rejjab ekkeijeļo̧k ippān gospel eo an Jisōs Kraist. Makūtkūt rot kein ekoba (ak rejjab limit) riab, kaje, im kamminene in kamour ko me rej kowaan kajoor in priesthood eo an Anij (lale Moronai 7:11–17).

Ro uwaan Kabun̄ rej aikuj in jab kobaļo̧k ilo jab jōkjōk kabun̄ jar n̄an Jetan ak m̧ōttā ilo jabdewōt wāween in ocult. Rej aikuj in jab kappukot jerbal ilo marok kōn bwebwenato ilo kweilo̧k ko an Kabun̄ in.

38.6.13

Pija ko Renana

Kabun̄ in ej kamo̧ pija nana ilo jabdewōt jekjek. Kōjerbal pija nana an jabdewōt kain ej kakkure mour ko an kajjojo armej, baam̧le ko, im jukjuk in pād. Ej barāinwōt kadiwōjļo̧k Jetōb eo an Irooj. Membōr ro an Kabun̄ in reaikuj bōbare aolep wāween ko an pija nana ko im jum̧aeik an waļo̧k, kajeded, im kōjerbal.

Kabun̄ in ej letok kein jipan̄ kein rej ellaajrak n̄an jipan̄ armej ro me mour ko aer rekar jeleti jān pija nana:

• AddressingPornography.ChurchofJesusChrist.org

• AddictionRecovery.ChurchofJesusChrist.org

• Helping Those Who Struggle with Pornography (bok jidikdik eo)

• Kōm̧m̧an Bwe Wānōk En Kaninōknōk Ļōmņak ko Am̧ (bok jidikdik eo)

Stake būreejtōn ro im bisop ro rej barāinwōt rie n̄an ro uwaan baam̧le eo n̄e emenin aikuj.

Jet jedematmat n̄an pija nana ko bōlen ekar jab jibadbad eo. Kar baj ļōmņak wōt in kōjerbal pija ko renana—men̄e ejjab ilo aolep iien ak ilo lukkuun.

Kapilōk an juon make im mo̧ ko an juon membōr ekkā aer bwe n̄e jipan̄ juon armej ukweļo̧k jān kōjerbal pija nana (lale 32.8). Ko̧o̧njeļ in kajim̧we rejjab ekkā aer kōm̧man. Ijo wōt ke, juon ko̧o̧njeļ emaron̄ menin aikuj n̄e ej ļapļo̧k ak kanooj po ilo kōjerbal pija nana ko me ekar kōm̧m̧an eļap kakkure n̄an m̧are an juon membōr ak baam̧le (lale 38.6.5). Juon ko̧o̧njeļ in kajim̧we emenin aikuj eļan̄n̄e juon membōr ej kōm̧m̧an, kwaļo̧k, bōke, ak āliji an alooje pija nana ko kōn ajri (lale 38.6.6).

N̄an kakobaba n̄an jipan̄ eo eim̧we an ritōl ro an Kabun̄ in, jet membōr remaron̄ aikuji kapilōk an juon eo etijem̧ļo̧k. Ritōl ro remaron̄ kūrļo̧k Family Services kōn jipan̄ eļan̄n̄e menin aikuj. Lale 31.3.6 meļeļe ko n̄an kepaak er.

38.6.14

Kalijōkļo̧k

Aolep armj rej ro nejin Anij. Aolep rej būratōr im sister ro ro rej m̧ōttan baam̧le eo ekwojarjar an Anij (lale “Baam̧le Eo: Juon Naan in Kean̄ n̄an Laļin”). Anij “eaar kōm̧anm̧an jān juon wōt” (Jerbal 17:26). “Aolep rej āinwōt juon” n̄an E (2 Nipai 26:33). Kajjojo armej rej “aorōk ilo im̧aan mejān āinwōt bar juon” (Jekab 2:21).

Kalijōkļo̧k eban jejjet ippān naan eo an Anij. Em̧m̧an im jab em̧m̧an ippān Anij ej pedped ioon wujlepļo̧k n̄an E im kien ko An, ejjab kōn kōļar in armej ak m̧wiļ ko jet.

Kabun̄ in ej kūr ioon aolep armej n̄an kabōjrak m̧wiļ im m̧akūtkūt in kalijōkļo̧k n̄an jabdewōt doulul ak armej. Membōr ro an Kabun̄ in rej aikuj tōl ilo karelleel n̄an kwaļo̧k kautiej kōn aolep ajri ro nejin Anij. Membōr ro rej ļoore kien ko an Rilo̧mo̧o̧r eo n̄an iakwe ro jet (lale Matu 22:35-39). Rej kajjieon̄ in kōm̧m̧an em̧m̧an n̄an aolep armej, joļo̧k kalijōkļo̧k an jabdewōt men. Ekoba kalijōkļo̧k jekdo̧o̧n armej, m̧wiļ, laļ, bwij, m̧aan ak kōrā, dettan, utam̧we, paoktokier, tōmak ak jab tōmak, im m̧wiļ.

38.6.15

Ikdeleel ko Ikijeen Em̧m̧aan ej Pālele Em̧m̧aan im Kōrā ej Pālele Kōrā im Mwil ko Aer

Kabun̄ in ej rōjan̄ baam̧le ko im membōr ro n̄an tōpar im jipan̄ ļo̧k, iakwe, im kautiej armej ro me rej kōņaan ro jet me kadkad eo aer wōt juon. Kabun̄ in ej kōļapļo̧k meļeļe eo ilo an ļap ilo jukjukin pād eo me ej kwaļo̧k katak ko kōn jouj, en̄jake karuwainene, iakwe n̄an ro jet, im kautiej aolep armej. Kabun̄ in ejjeļo̧k an ļo̧k ilo men ko rej kōm̧m̧an an ro ewōr same-sex attraction ippāer.

Kien ko an Anij ej kam̧o aolep m̧wil ko rettoon, emaron̄ kōņaan an ruo em̧m̧aan ak ruo kōrā. Ritōl ro an Kabun̄ in rej leļo̧k kapilōk n̄an membōr ro me rej kakkure kien erreo. Ritōl ro rej jipan̄ er bōk juon meļeļe ealikkar kōn tōmak ilo Jisōs Kraist im Pinmuur eo An, jerbal in ukweļo̧k, im kōttōpar eo aer ilo mour in. Mwiļ ko rejjab jejjet ippān kien erreeo maron̄ kōm̧man bwe en wōr juon ko̧onjel an membōr eo an Kabun̄ in (lale 38.6.5). Emaron̄ jako ilo wōt ukweļo̧k eo em̧ool.

En̄jake eo an kōņak juon eo kōjellin wōt (same-sex) ejjab juon jerawiwi. Membōr ro ewōr ippāer en̄jake kein im ejjab kappukōt ak kōm̧m̧ani rej mour ekkar n̄an karōk eo an Jemedwōj Ilan̄ n̄an ajri ro Nejin im kōn katak ko an Kabun̄ in. Ritōl ro rej rie im kōketak er ilo aer ņa mejeļan n̄an mour ekkar n̄an kien ko an Irooj. Membōr ro ewōr ippāer en̄jake kein maron̄ bōk kūr ko an Kabun̄ in, bōk peba in mālim an tampeļ, im bōk kain̄i ko an tampeļ eļan̄n̄e rej erreo. Em̧m̧aan membōr ro an Kabun̄ in remaron̄ bōk im kōjerbal priesthood eo.

Aolep membōr ro rej kōjparok bujen ko aer naaj bōk aolep kōjeraam̧m̧an ko kar kallim̧ur ilo indeeo men̄e ak jekjek ko aer rej kōm̧m̧an bwe ren būki kōjeraam̧m̧an ko an m̧are indeeo im priesthood eo ilo mour in (lale Mosaia 2:41).

Kabun̄ in ej letok kein jipan̄ kein n̄an em̧m̧anļo̧k ad meļeļe im rie armej ro me rej mour kōn wāween ko rejelet Ikdeleel ko Ikijeen Em̧m̧aan ej Pālele Em̧m̧aan im Kōrā ej Pālele Kōrā:

• “Same-Sex Attraction,” Topics and Questions, topics.ChurchofJesusChrist.org

• “Same-Sex Attraction,” Life Help, ChurchofJesusChrist.org

Ilo kakkobaba n̄an jipan̄ im̧we ritōl ro an Kabun̄ in, membōr ro remaron̄ jeraam̧man jān kapilōk eo etijem̧ļo̧k. Ritōl ro remaron̄ kūrļo̧k Family Services kōn jipan̄. Lale 31.3.6 meļeļe ko n̄an kepaak er.

38.6.16

M̧are an Ruo Em̧m̧aan ak Ruo Kōrā

Āinwōt juon pedpedin katak, pedped wōt ioon jeje ko rekwojarjar, Kabun̄ eo kapene bwe m̧are ikōtaan juon em̧aan im juōn kōrā eaorōk n̄an karōk eo an eo Rikōm̧anm̧an n̄an mour indeeo eo an Ajiri ro Nejin. Kabun̄ in ej barāinwōt kapene bwe kien eo an Anij ej kalikkar m̧are āinwōt jim̧we im mālim ikōtaan juon em̧maan im juon kōrā.

Em̧m̧aan eo wōt im kōrā eo wōt me em̧ōj aer m̧are ijo jetjet im ilo kakien āinwōt ļeo im lio pālele aikuj in wōr aer kōtaan ko an m̧ōm̧ an kanniōk. Jabdewōt kadkad ko jet an m̧ōm̧ an kanniōk, ekoba ko ikōtaan armej ro nememeier wōt juon, rej jerawiwi im kowaan ejaak eo kar kōm̧m̧an ekwojarjar an baam̧le.

38.6.17

Jeļāļo̧kijeņ ilo Nāmemein Armej

Ro jinen im jemāer epād ippāer eddo in n̄an jeļāļo̧kijeņ eo kōn nāmemein armej. Ro jinen im jemen rej aikuj m̧ool, meļeļe, n̄an kōnono ippān ro nejier kōn ājmour, mour kwojarjar. Kōnono kein raikuj:

• Ukukōt kajjitōk ko n̄an dettan im kekemo̧o̧j eo an kajjojo ajri.

• Jipan̄ ajri ro keppopo n̄an lem̧ōņōņō ilo m̧are im ļoor kien erreeo (lale 2.1.2).

• Kōnono kōn nana ko an pija nana, aikuj eo n̄an jab kōm̧m̧ane, im elmen jipan̄ n̄e rej ioone.

N̄an meļeļe ko reļļapļo̧k, lale “Sex Education and Behavior” (Topics and Questions, topics.ChurchofJesusChrist.org).

Āinwōt m̧ōttan eddo eo aer n̄an katakin ajri ro nejier, ro jinen im jemen reaikuj jeļā im pukot im̧we eo n̄an jeļāļo̧kijen ilo nāmemein armej rej katakin ilo jikuuļ. Ro jinen im jemen rej kajim̧we pedped in katak ko n̄an jipan̄ katak an jikuuļ me ej jejjet ippān gospel in.

38.6.18

Kakkure ilo Mōm̧ an Kanniōk, Kakkure, im Kakkure ko Jet An Mōm an Kanniōk

Kabun̄ in ej kamo̧ kakkure in m̧ōm̧ an kanniōk Āinwōt kar kōjerbal ijin, kakkure in m̧ōm̧ an kanniōk ej kōmeļeļeik āinwōt kōm̧m̧an jabdewōt kain m̧akūtkūt in m̧ōm̧ an kanniōk ilo an armej eo jab kōņaan. M̧akūtkūt in m̧ōm̧ an kanniōk ippān juon armej me ejjab leļo̧k maron̄ eo n̄an kōm̧m̧ane ej watōke kakkure in m̧ōm̧ an kanniōk. Kakkure ilo m̧ōm̧ an kanniōk emaron̄ waļo̧k ippān ļeo ak lieo pālele ak jemjerā ko. N̄an meļeļe ko kōn kakkure in m̧ōm̧ an kanniōk an juon ajri ak jodikdik, lale 38.6.2.3.

Kakkure in m̧ōm̧ an kanniōk ekitbuuj elōn̄ jekjek in m̧akūtkūt ko, jān jerbal nana (harassment) n̄an kakkure (assault). Emaron̄ in waļo̧k ilo jibwe ānbwin, kōnono, im ilo bar wāween ko jet. N̄an meļeļe n̄an ko̧o̧njeļ e membōr ro ro raar en̄jake kakkure in m̧ōm̧ an kanniōk, kakkure, ak kakkure ko jet kōn m̧ōm an kanniōk, lale 38.6.18.2.

Eļan̄n̄e membōr ro rej jeļā kōn kakkure in m̧ōm̧ an kanniōk, rej bōk bun̄tōn eo n̄an bōbrae armej ro kar kakkure er im ro jet ilo iien eo em̧ōkaj tata. Menin ekitbuuj kōnaanōkļo̧k rikien ro ewōr aer maron̄ ilo wāween eo im bisop eo ak stake būreejtōn eo. Eļan̄n̄e iien ak jikin ko rettoļo̧k rej bōbrae e jān kōm̧m̧ane menin, ej ļoor kōmeļeļe ko ilo 38.6.2.

38.6.18.1

Abuse Help Line eo

Eļan̄n̄e juon bisop ak stake būreejtōn ej jeļā kōn kakkure in m̧ōm̧ an kanniōk eo, ej kūrļo̧k abuse help line eo an Kabun̄ in ilo laļ ko ijo ewōr ie (lale 38.6.2.1 n̄an bōk meļeļe). Ritijem̧ļo̧k ro remālim im ilo jikin taktō ko renaaj uwaake kajjitōk ko aer. Ritijem̧ļo̧k rein renaaj barāinwōt lewaj naan in kōmeļeļe ko kōn ekōjkan n̄an:

• Jipan̄ ro kar kakkure er im jipan̄ kōjparok er jān eļapļo̧k kakkure.

• Jipan̄ kōjparok ro me remaron̄ nej kakkure er.

• Ļoor wōt men ko remenin aikuj im em̧ōj kōmālim jān kien n̄an riboote kakkure ko.

Ilo laļ ko me ejjjeļo̧k aer help line, juon bisop eo lo im jeļā kōn jekjek in kakkure ko ej aikuj in kepaak stake būreejtōn eo an. E enaaj kappukot tōl jān kapilōk ko em̧ōj kōmālimi jān kien eo an eria ilo eria opij eo. E ej bar kōnono ippān rijerbal ro an Family Services ak menija eo an menin jipan̄ im un̄n̄are peid make ilo eria opiij eo.

38.6.18.2

Ko̧o̧njeļ kōn ro raar lanwōtwōt kōn kakkure ilo m̧ōm̧ an kanniōk, kakkure, im kakkure ko jet an m̧ōm an kanniōk

Ro raar lanwōtwōt kōn kakkure ilo m̧ōm̧ an kanniōk, kakkure, im kakkure ko jet an m̧ōm an kanniōk jorrāān kōn trauma. N̄e rej kōnono ippān juon bisop ak stake būreejtōn, ej jipan̄ kōn būruwōn tiriam̧o kake im iakwe. Ej leļo̧k kapilōk ilo jetōb im rie n̄an jipan̄ ro raar lanwōtwōt n̄an anjo̧ jen jorrāān ko an kakkure. Ej bar kūr Church abuse help line eo n̄an tōl ijo ekkar (lale 38.6.18.1).

Jet iien ro raar lanwōtwōt kōn jorrāān rej en̄jake jook im bōd. Armej rein kar kakkure er rejjab ņa ruweer kōn jerawiwi. Ritōl ro ren jab jekpen ņae rijorrāān eo. Rej jipan̄ rijorrāān ro im baam̧le ko aer meļeļe kōn iakwe eo an Anij im kōmour eo ej waļo̧k jān Pinmuur eo an Jisōs Kraist (lale Alma 15:8; 3 Nipai 17:9).

Ilo an membōr ro kālet n̄an kwaļo̧k meļeļe kōn jorrāān eo ak kakkure eo, ritōl ro raikuj jab kwaļo̧k jabdewōt meļeļe. Menin emaron̄ kakkur eo eaar lanwōtwōt.

Ilo kakobaba wōt n̄an kar im̧ōk in jipan̄ eo an ritōl ro an Kabun̄, armej ro rejelet er, rikōm̧m̧an jorrāān ro, im baam̧le ko aer remaron̄ aikuj kapilōk eo etijem̧ļo̧k. N̄an meļeļe ko reļļapļo̧k, lale 31.3.6.

38.6.18.3

Ro Uwaan Ko̧o̧njeļ ko

Ko̧o̧njeļ in kajim̧we emaron̄ menin aikuj n̄an juon armej eo me em̧ōj ko̧kkure ak m̧an e n̄an kōm̧m̧ani m̧ōm̧ ko an kanniōk. Juon ko̧o̧njeļ in kajim̧we emenin aikuj eļan̄n̄e membōr eo ekar reep ak kar ņa ruōn kōn bar juon jekjek in kakkure an m̧ōm̧ an kanniōk (lale 32.6.1.1).

Juon ko̧o̧njeļ ej aikuj barāinwōt kōm̧m̧an n̄an m̧akūtkūt in m̧ōm̧ an kanniōk eo ippān juon rūtto eo epidodo an waļo̧k n̄an e. Āinwōt kar kōjerbale ijin, juon rūtto eo epidodo an waļo̧k n̄an e ej juon armej eo me, kōnke kōn ban ko ilo ānbwin ak kōļmenļo̧kjeņ, ejjab maron̄ jim̧or kōmālim m̧akūtkūt eo ak ejjab maron̄ meļeļe lukkuun paaktok eo an.

N̄an kōnono kōn jekjek ko jet an kakkure in m̧ōm̧ an kanniōk, ritōl ro rej kappukot tōl eo an Jetōb Kwojarjar eļan̄n̄e kapilōk an juon make ak juon ko̧o̧njeļ in kajim̧we ej juon jekjek eo ejejjet tata (lale 32.6.2.2 im 32.8). llo jekjek ko reļļap juon ko̧o̧njeļ in kajim̧we emenin aikuj. Ritōl ro remaron̄ bōk kapilōk kajju jān ippān ritōl ro an priesthood kōn jekjek eo.

Eļan̄n̄e mo̧ ko an membōr eo ej tōprakin juon ko̧o̧njeļ in kajim̧we me ej bōk jikin itok jān kakkure an m̧ōm̧ an kanniōk, rekoot ko an armej rej kōm̧m̧an kōmeļeļe ie ak kōkkaļe.

N̄an meļeļe ko ikkijeen kapilōk ilo jekjek in kakkure ko, lale 38.6.2.2. N̄an meļeļe ko ikkijeen kapilōk ilo jekjek in kakkure ko, lale 38.6.18.2.

38.6.19

Kōtmāne eo Emake an ro Jinen im Jemān

Membōr ro an Kabun̄ in im ejjeļo̧k pāleer im rebōro̧ro kar rōjan̄ er n̄an kōnono ippān bisop eo aer. Ilo United Stats im Canada, Family Service eo ej pād n̄an:

• Kōnono ippān ritōl ro an Kabun̄ in.

• Kōnono ippān ro m̧am̧a ak baba ro me rej pojen neji ak ejjeļo̧k pāleer im baam̧le ko aer.

Ejjeļo̧k bisop ej leļo̧k etan armej eo ilo jipan̄ in. Ejjeļo̧k wōņāān. Lale 31.3.6 n̄an Family Services n̄an kepaak er.

Ilo eria ko jet, ritōl ro remaron̄ kūrļo̧k specialist eo an Family Services eo ak mānija eo an welfare self-reliance ilo eria opij eo.

Unin tōl eo n̄an kapilōke m̧am̧a ak baba ro ejjeļo̧k pāleen me rej pojen tin neji ej barāinwōt waļo̧k ilo “Unwed Pregnancy” (Topics and Questions, topics.ChurchofJesusChrist.org).

38.6.20

Bōk Mour

Mour wabanban ej juon menin letok eo eaiboojoj jān Anij—juon menin letok me eaikuj in aorōk im kōjparok. Kabun̄ eo ej lukkuun jum̧ae im bōbrae kilaba. N̄an meļeļe ko reļļapļo̧k kōn elmen jipan̄ juon armej eo ekkā an lōmņak n̄an bōk make mour eo an ak juon eo ekar jelete jān bōk make mour eo an, lale suicide.ChurchofJesusChrist.org.

Armej ro raar ļōmņak in bōk mour raar kōņaan pukot jen jipan̄ an ānbwin, kōļmenļo̧kjeņ, en̄jake, ak jetōb. Armej rot in eaikuj iakwe, jipan̄, im jipan̄ jen baam̧le, ritōl ro an Kabun̄, im ro retijem̧ļo̧k.

Bisop eo ej leļo̧k jipan̄ an ritōl n̄e membōr eo ej ļōmņak in bōk mour ak kajjieon̄. Ej m̧ōkaj in jipan̄ membōr ro bōk jipan̄ ko retijem̧ļo̧k. Ej kepaak ro nukun armej eo n̄an pukot jipan̄ ko retijem̧ļo̧k n̄e ekkar.

Leļo̧k iakwe em̧m̧antata ro rejitenbōro, ritōl ro, im ro retijem̧ļo̧k, bōk mour ejjab aolep iien uwaak eo. Ebōk metak ob, en̄jake, im kajjitōk ko ejjeļo̧k uwakier n̄an ro rejitenbōro im ro jet. Ritōl ro reaikuj ko̧o̧njeļ im kōnono ippān baam̧le eo. Rej leļo̧k iakwe im jipan̄. Baam̧le eo emaron̄ bar aikuji jipan̄ an eo etijem̧ļo̧k im ko̧o̧ņjeļ.

Ejjab jim̧we bwe juon armej en bōk make mour eo an. Ijoke, Anij wōt eo emaron̄ ekajete ļōmņak ko an armej eo, kōm̧m̧an ko, im jon̄an eddo ko an (lale 1 Samuel 16:7; Katak im Bujen Ko 137:9).

Baam̧le eo, ilo kōnono ippān bisop eo, ej kōmeļeļeik jikin eo im paoktokin juon būrookraam̧ in kallibin an armej eo. Baam̧le eo emaron̄ kālet n̄an kōjerbal m̧ōnjar eo an Kabun̄. N̄e armej eo eaar bōk kwojarjar, ļeo ak lieo emaron̄ in kar kallib kōn nūknūk in tampeļ.

Ro ekar jako juon eo ejitenbōro juon eo ekar bōk make mour remaron̄ lo kōjatdikdik im kōmour ilo Pinmuur eo an Jisōs Kraist.

N̄an meļeļe ko reļļapļo̧k kōn bōbrae bōk make mour eo an im jerbal in karejar, lale suicide.ChurchofJesusChrist.org.

38.6.21

Taktō in M̧wijm̧wij (Ekoba Vasectomy)

Lale 16.3.4.

38.6.22

Pinej jenkwan Jined

Jekjek eo an ļeo im lieo pālele n̄an ejaake ānbwin ajri in jetōb ro nejin Anij ej juon ijitōn̄ ekwojarjar (lale 2.1.3) Kōn unin, Kabun̄ in jum̧ae n̄an pinej jenkwan jined. Ijoke, kālet in ej an juon make me ej an wōt pepe im ļōmņak an ļeo im lieo pālele.

Ajri ro rej ļotak tok n̄an eo ej pinej jenkwan jined rejjab ļotak ilo bujen. Ilo iien aer ļotak, remaron̄ liāp n̄an ro jiner im jemer wōt kōn mālim e eo an Būreejtōnji eo Kein Kajuon (lale 38.4.2.7). Ro jinen im jemān rej je juon leta n̄an Būreejtōnji eo Kein Kajuon im leļo̧k n̄an stake būreejtōn eo. Eļan̄n̄e ej rie kajjitōk eo, ej jilkinļo̧k leta eo ippānļo̧k leta eo an make.

38.6.23

Armej ro Rej Kile Er Āinwōt Transgender

Nemāmein juon armej (gender) ej juon kadkad eo eaorōk ilo karōk in m̧ōņōņō eo an Jemedwōj Ilan̄ (lale Jenesis 1:27). Meļeļe eo an Nemāmein juon armej ilo “Baam̧le eo: Juon Kean̄ n̄an Lal in” ej kadkadin armej eo ke ekar ļotak. (N̄an ro otemjej nememein armej eo aer ejjab alikkar ke rekar ļotak tok kake, lale 38.7.7

Jet armej rej en̄jaake ilowaa kōn an wāweier jab jejjet n̄an nememein eo rekar ļotak. Kabun̄ in ejjab bōk koņaan ioon ta ko rej waļo̧k kōn en̄jaake kein. Jet ro rej būki en̄jaake kein rej kile er āinwōt transgender .

Armej rein ekkā an emakijkij aer jelm̧ae kapan̄pan̄ ko reppen. Er—im baam̧le ko aer im ro mōttāer—raikuj in en̄jaake, jouj, tūriamo, im iakwe āinwōt Kraist. Aolep rej ajri ro nejin Anij im raorōk im ekwojarjar.

Kain̄i ko an lo̧mo̧o̧r im mour āinwōt Anij rej būki ekkar n̄an ro jinen im jemen armej eo ke ekar ļotak. N̄an bōk tōl kōn leļo̧k kain̄i kein, etal n̄an laajrak eo:

• Peptaij im Kapene (lale 38.2.8.9)

• Ekkapit nan Priesthood (lale 38.2.9.9)

• Kain̄i ko an Tampeļ (lale 26.5.7)

Armej ro rerreo im rejjab jipadek in m̧wijm̧wij, taktō, ak iiaio ippān ro rej nemāmeir wōter jke raar ļotak remaron̄ aolep jeraam̧m̧an ko membōr in Kabun̄ in.

Ritōl ro an kabun̄ rej kapilōk ņae jipadek in m̧wijm̧wij, taktō, ak iiaio ļo̧k jān ro nemāmeir wōt ilo aer ke raar ļotak. (Ukōt paaktok im kadkad ej meļeļein ļōmņak in itōn kile im kwaļo̧k juon armej make ijjelo̧kin jekjek eo aer ke raar ļōtak, im maron̄ kobaik ukōt nuknuk, kareoeo, āt ko, ak kūri.) Ritōl ro rej kapilōk bwe ilo būki jekjek kein renaaj kōm̧m̧an an wōr mo̧ ilo rekoot inmembōr an ro ilo Kabun̄ in. Mo̧ kein ekoba bōk ak kōjerbal priesthood eo, bōk ak kōjerbal juon peba in mālim n̄an deļo̧n̄e tampeļ, im jerbal ilo kūr ko jet ilo Kabun̄ in.

Armej ro rej ukōt ļo̧k paaktok ko aer jān jekjek eo aer ke raar ļōtak rej ruwainene n̄an pād ilo kweilo̧k ko an kwojkwoj im bōk koņaer ilo Kabun̄ in im elōn̄ wāween ko jet. Armej rein im baam̧le ko aer rej rōjan̄ er n̄an bōk kapilōk ippān ritōl ro ijo rej jokwe ie kōn aer bōk koņaan ilo Kabun̄ in. Ritōl ro an Kabun̄ in rej katakin m̧ool an gospel im karejar ilo juon wāween āinwōt Kraist. Rej ļōmņak kōn menin aikuj ko an aolep ro rejelet er. Jekjōn ko an Bok in Bōk Meļeļe Eļap—āinwōt pād ilo kweilo̧k ko an Kabun̄ in im makūtkūt ko (lale 38.1.1), pād ilo jerbal in menmenbwij an baam̧le (lale 25.1 im 25.4), jerbal n̄an ro jet (lale 22.2.3), im ko jet—raikuj tōl ritōl ro ilo aer kapilōk armej ro im baam̧le ko aer. N̄an bōk eļapļo̧k tōl kōn bōk koņaan ilo Kabun̄ in n̄an armej ro im rej kile er āinwōt transgender lale men kein pedpedin unin tōl ko.

Membōr ro im raar būki bun̄tōn ko n̄an oktak innām bar oktak likļo̧k n̄an jekjek eo aer ke raar ļotak im rej erreo im kallim̧ur n̄an kōjeparok kien ko an Anij remaron̄ in būki aolep jeraam̧m̧an ko in membōr in Kabun̄ in.

Jekjek ko eļap aer oktak jen armej n̄an armej im maron̄ oktak aolep iien. Membōr ro rej en̄jaake ilowaabwe nemāmeier ejab jejjet n̄an eo rekar ļotak kake ak ro im rej kile bwe emōj ukōt mōrāer, bareinwōt ro jinen im jemān ak ribōk eddoin ajiri ro im re jelm̧ae jekjek ko, rej aikuj in kapukōt kapilōk jen bisop eo aer. Bisop ro reaikuj kōnono ippān stake būreejtōn eo n̄an kōnono kake jekjek ko an kajjojo armej ilo jejjet im iakwe āinwōt Kraist. Stake im mijen būreejtōn ro rej kapukot kapilōk jān Eria Būreejtōnji eo.

Kien ko an Aolepen Laļ im ijo jokwe ie reoktak kijjien armej ro rej transgender. Ilo United States im Canada, stake būreejtōn ro im mijen būreejtōn ro ro ewōr kajjitōk ko ippāer kōn men ko remenin aikuj aikuj kepaake opiij eo an Kabun̄ in an General Counsel:

1-800-453-3860, extension 2-6301

1-801-240-6301

Ilikin United States im Canada, stake būreejtōn rein rej kepaake opiij eo an legal counsel ilo eria opiij eo.

N̄an meļeļe ko reļļapļo̧k kōn meļeļe im rie armej ro rej en̄jaake ilowaa kōn an wāween nememeier jab jejjet n̄an eo rekar ļotak kake ak ro im rej kile āinwōt em̧ōj ukōt m̧ōrāer, lal “Ro me em̧ōj ukōt m̧ōrāer” ilo ChurchofJesusChrist.org.

38.7

Kakien ko ikkijien Taktō im Ājmour

38.7.1

Rikakōlkōl mej

Juon rikakōlkōl mej emaron̄ kar kōm̧m̧an eļan̄n̄e baam̧le eo rimej eo ej leļo̧k ļōmņak im eļan̄n̄e rikakōlkōl mej eo ej pokake kakien eo. Ilo jet kāāj, juon rietale mej ej menin aikuj jen kien eo.

38.7.2

Kallip ak Kattil Āinbwin

Baam̧le eo an armej eo emej ej kālet n̄e ekkar bwe ānbwin eo en kallib ak katttil. Rej kautiej kālet eo an kajjojo.

Ilo jet laļ ko reļļap, kakien eo ej aikuji bwe tile. Ilo jekjek ko jet, kallib ej juon juon imminene ak an wōt baam̧le eo pepe. Ilo aolep jekjek, ānbwin eo eaikuj in kōm̧m̧an ilo kautiej. Membōr ro raikuj in lale bwe kajoor in Jerkakpeje eo en aolep iien jerbal (lale Alma 11:42–45).

Jabdewōt ijjo ekkar, ānbwinin an juon eo ej membōr im kar endow aikuj in kar kanūknūki kōn nūknūkin tampeļ n̄e kallib ak ittil (lale 38.5.10).

Juon ilomej ak iien kallib ej letok juon iien em̧m̧an n̄an an baam̧le ko koba im ejake iien ko rem̧m̧an an kadkad ko im aorōk ko an baam̧le(lale 29.5.4).

38.7.3

Ajri ro Raar Mej Mokta jān Ļotak (Ajri in Jibun̄ im Mej Loje)

Ro jinen im jemen rej en̄jake mej an juon ajri ro ej kab ļotak ekaburom̧ōjm̧ōj. Ritōl ro, ro uwaan baam̧le, im jerbal in karejar jeiū ak jatū m̧aan im kōrā rej leļo̧k jipan̄ kōn en̄jake im jetōb.

Ro jinen im jemen rej kālet n̄an kōm̧m̧ane juon ilomej ak ilo iturin lōb eo.

Ro jinen im jemān remaron̄ rekoote meļeļe kōn ajri eo ilo FamilySearch.org. Kōmeļeļe ko rej litok ilo website eo.

Kain̄i ko an tampeļ rejjab aikuji ak kōm̧m̧an n̄an ajri ro me remej m̧okta jān ļotak. Mekarta, menin ejjab kariab m̧ool eo bwe juon ajri jibun̄ eo im eaar lotak tok im mej en maron̄ in kar m̧ōttan wōt baam̧le n̄an indeeo. Ro jinen im jemen kar rōjan̄ n̄an leke Irooj im kappukot kaenōm̧m̧an eo An.

38.7.4

Unokan Kamejmej

Mour in ej juon menin letok aorōk jān Anij. Unokan kamejmej ej kōjemļo̧k an juon armej mour eo ej en̄taan jān juon nan̄inmej ak jekjek ko jet. Juon armej eo im bōk unokan kamejmej, ekobaļo̧k ilo jipan̄ juon eo im ej bōk make mour eo an, ej kakureļo̧k kien ko an Anij.

Kabōjrak ak lem̧aanļo̧k mour ej jon̄an an juon armej kōjemļo̧k mour im jab ļōmņak in bōk unokan kamejmej (lale 38.7.11).

38.7.5

Anilen in HIV im AIDS

Ro uwaan im rej anilen kōn HIV (Human Immunodeficiency Virus) ak eo im ewōr AIDS (Acquired Immunodeficiency Syndrome) aikuj in kar bōk uno kōn an utiej im tiriam̧o aikuj ruwainene ilo kweilo̧k ko an Kabun̄ in im m̧akūtkūt ko. Aer kobatok ejjab pād ilo kauwōtata n̄an ro jet.

38.7.6

Kiki im ejja

N̄an jet armej, kiki im ejja emaron̄ kālet an juon make. Membōr ro rej aikuj in jab bōk koņaer ilo bōk koņaer ilo kakiki kōn un ko unin ekkatak ak kareel.

Kōjerbal kiki im ejjab n̄an kōm̧adm̧ōd nan̄inmej ko ak jorrāān in kōļmenļo̧kjeņ eaikuj ekōnono ippān taktō eo etijem̧ļo̧k.

38.7.7

Ro Kajjojo Me Kōjellier ilo Ļotak Ejjab Alikkar

Ilo jekjek ko relukkuun jeja, juon nin̄nin̄ eo ej ļotak tok kōn kūtkūt (genital) me ejjab alikkar n̄e m̧aan ak kōrā (jab jeļā leddik ak ļaddik, an jab kanooj dedeļo̧k an ejaak, ak jab alikkar ewi wōt piktok in). Ro jinen im jemān ak ro jet me rej aikuj kōm̧m̧ane jokāālet ko aer n̄an kāālet n̄e ajri eo nejier ej leddik ke ļaddik kōn tōl an taktō ro retijem̧ļo̧k. Jokāālet ko kōn jerbal in taktō ak m̧wijm̧wij ekkā an waļo̧k n̄e nin̄nin̄ eo ej lo̧tak. Ijoke, remaron̄ karūm̧ūjļo̧k ijjelo̧kin n̄e emenin aikuj jān taktō.

Tūriam̧o̧ eo ejeņoļo̧k im māletlet remenin aikuj n̄e jodikdik ak rūtto ro rekar ļōtak tok wōt kōn ilo an jab lukkuun alikkar er leddik ke ļaddik ilo an pen aer kālet ilo iien eo rekar nin̄nin̄ ak ajri im e leddik ke ļaddik eo me rej kwaļo̧k kadkadier.

Kajjitōk ko kōn rekoot an membōr ro, ekkapit an priesthood, im kain̄i ko an tampeļ n̄an jodikdik im rūtto ro me rekar ļōtak tok ilo an jab alikkar ke er leddik ak ļaddik ej aikuj kajju n̄an Opij eo an Būreejtōnji eo Kein Kajuon.

38.7.8

Kamminene ko an Taktō im Ājmour

Kappukot jipan̄ an taktō, kōjerbal tōmak, im bōk kōjeraam̧m̧an ko an priesthood rej jerbal ippān doon n̄an kōmour, ekkar n̄an ankilaan Irooj.

Ro uwaan rej aikuj in jab kōjerbal ak kaminene ājmour ko im rej katakin, jetōb, ak ejjab mo̧ kajjitōk kaki. Ro ewōr jorrāān in ājmour ippāer n̄an kōnono ippān ro remaron̄ im ņakņōk ilo iminene im remālim ilo laļ ko reļļap ijo im raar kamminene ie.

Ilo kakkobaba n̄an kappukot jipan̄ ilo taktō, membōr an Kabun̄ in rej aikuj ļoor eoon in jipan̄ eo ilo Jemes 5:14 n̄an “an̄n̄intok elder ro an ekelejia; im ren jar ioon im kapit e kōn oil ilo etan Irooj.” Kōjeraam̧m̧an ko an priesthood in kōmour kar leļo̧k jen ro rej kabwijer priesthood opiij eo ekkar. Rej leļo̧k n̄e kajjitōk im ejjeļo̧k wōnāān (lale 18.3).

Membōr ro an Kabun̄ in kar kabōjrak jen kappukot kabwilōn̄lōn̄ ak kōmour eo ejej uwaan jān kajjojo armej ak kurup me rej kwaļo̧k kilen bōk kajoor in kōmour jen itulikin jar im kōjeraam̧m̧an ko an priesthood rekkar. Imminene kein ekkā ba to “kōmour in kajoor.” Āt ko jet kar kōjerbali. Kain kōjeraam̧m̧an ko n̄an kōmour ekkā aer ukoti n̄an jāān.

38.7.9

Uno Maruwana

Kabun̄ in ej jum̧ae kōjerbal maruwana n̄an jabdewōt uno. Lale 38.7.14.

Ijoke, maruwana emaron̄ jerbal n̄an jabdewōt uno n̄e ej jelet men kein:

• Kōjerbale n̄an uno ko kar kōmālimi ak mālim eo letok jen taktō ro.

• Armej eo ej ļoor jon̄an im tōl jān taktō eo ak taktō ro jet kar kōmālim er. Kabun̄ in ejjab kōmālim kōjerbal maruwana m̧ae iien taktō ro rej kōmālim pedped ioon aikuj eo n̄an taktō.

Kabun̄ in ejjab kōmālim kōbataat maruwana, ekoba jibadbad n̄an taktō.

38.7.10

Menin letok ko im Jānij ko an M̧ōttan im Kajje an ānbwin

Eletokin m̧ōttan ko rej an ānbwin im tissu ej juon jabde in jerbal eo im ekkā an waļo̧k ilo eļap jipan̄ n̄an kajjojo kōn wōt jōkjōkin taktō ko.

Kālet eo an armej eo emour n̄an leļo̧k jipan̄ n̄an ro jet ak n̄an bōk juon jipan̄ eaikuj in kōm̧m̧an ak kapilōk jen taktō im lukkuun ļōmņak kake.

Kālet in n̄an kōmālim transplant organs ak bōk jen armej eo emej ej armej eo ak jen baam̧le eo an.

38.7.11

Kaetokļo̧k Mour (Ekoba Jipan̄ Mour)

N̄e nan̄inmej eļļap rej waļo̧k, membōr ro rej aikuj in kōjerbal tōmak ilo Irooj im kappukot mālim in jipan̄ ilo taktō. Ijo wōt ke, n̄e mej eo ej jino alikkartok, ej aikuj kalimjōke āinwōt juon kōjeraam̧m̧an im juon m̧ōttan jibadbad eo an mour indeeo 2 Nipai 9:6; Alma 42:8).

Membōr ro rej aikuj in jab en̄jakeļo̧k aer koņaan leļo̧k mour in wabaņbaņ kōn wōt meļele ko im ejjeļo̧k unin. Kālet kein rej kōm̧m̧an jen armej eo, n̄e ekkar, ak jen ro uwaan baam̧le eo. Rej aikuj kappukot jipan̄ jen taktō im tōl jen jar.

Ritōl ro rej wūjlepļo̧k ļōmņak im kōjeram̧m̧an ko raorōk n̄an ro im rej kālōt eļan̄n̄e ak jab n̄an kōmakūt an mour jipan̄ kōn juon eo uwaan baam̧le.

38.7.12

Kum̧i in Jeļā Ņae

Elōn̄ kūmi ko renojak im doulul ko rekkar im ewōr ippeir būrookraam̧ ko im rej jipan̄ kōļapļo̧k jeļā ņae make, kaorōke make, im ilo jetōb. Kumi kein rej oktak im kōņaan uwaak im m̧ōkaj in kallim̧ur n̄an jorrāān ko im ekkā aer aikuj iien, jar, im jerbal ko kajjojo n̄an kadedeiki. Ijo wōt ke ro rej bōk koņaer remaron̄ en̄jake ājmourļo̧k ak mōk, jorrāān ko mokta ekkā aer jepļaaktok, tōl n̄an kobaik ebbeer im inepata.

Jet iaan kum̧i kein rej bōk ak kapeik bwe Kabun̄ eo ak kajjojo Ritōl ro Routiej rekar endorsed er. Ijoke, men kein rejjab m̧ool.

Membōr ro an Kabun̄ rej barāinwōt kakkōle er bwe jet iaan kumi in kōnono katak ko im kōjerbal kultōn ko im remaron̄ in kar ļap aer kōmetak. Elōn̄ kain kūmi ko im rej kam̧ūriik eļap jāān im rōjan̄ kake aetokan-tōrein kallim̧ur ko. Jet rej kuktok ippān doon kōn katak ko an laļ in ippān pedped ko an kojpeļ ilo wāween ko im remaron̄ in kar m̧ōjņo̧ ļo̧k ilo jetōb im tōmak.

Ritōl ro an Kabun̄ rejjab kōllā n̄an, rōjan̄ im bōk kūņaad ilo, ak kōkm̧anm̧anļo̧k kain kumi rōt ko ak kaminene ko. Barāinwōt, jerbal ko an Kabun̄ rejjab maron̄ in kōjerbali n̄an makūtkūt kein.

Ro uwaan im ewōr aer en̄jake in kōnono kōn jorāān ko im remaron̄ in kōnono kaki ippān ritōl ro an preisthood ro n̄an tōl er ilo kwaļo̧k ļo̧k wūnin jipan̄ ko im repād ilo jokūnin pedped ko an gospel . N̄an meļeļe ko reļļapļo̧k, lale 27.3.4

38.7.13

Wā ko

Wā ko litok jen jikin taktō ko retijem̧ļk rej n̄an kōjparok ājmour im dāpij mour Membōr ro an Kabun̄ in kar rōjan̄ n̄an kōjparok er make, ajri ro nejier, im jukjukinpād ko aer kōn wā.

Ilo m̧ool, kajjojo armej ej aer eddo n̄an kōm̧m̧ani kālet kein kōn wā. N̄e elōn̄ an membōr ro kajjitōk, rej aikuj ko̧o̧njeļ ippān taktō ro retijem̧ļo̧k im bar kappukot tōl jen Jetōb Kwojarjar.

Mijinede ro me rejjan̄in bōk wā ej ro relimit n̄an ijjitōn̄ n̄an joko jikier.

38.7.14

Naan in Mālōtlōt im Ājmour

Naan in Mālōtlōt ej juon kien an Anij. E ekar kwaļo̧k bwe ānbwin im jetōb ej kōjeraam̧m̧an ro Nejin. Rikanaan eo ekar bar kameejļo̧k bwe katak ko ilo Katak im Bujen Ko 89 ekoba bōjrak jān jikka, dān ko rekajoor (arkooļ), im dān ko rebwiļ (ti im kobe).

Rikanaan eo ekar bar katakin membōr ro n̄an joļo̧k uno ko rekajoor, rejekkar, ak an̄n̄ūrlep ak renana.

Ewōr bar jet uno ko rekajoor im imminene ko rejjab alikkar ilo Naan in Mālōtlōt ak jen ritōl ro an Kabun̄ in. Membōr ro raikuj kōjerbal mālōtlōt im ekajet jim̧we n̄an kōm̧m̧ani kālet ko n̄an kōkm̧anm̧anļo̧k ānbwinier, jetōb, im en̄jake.

Rijilōk Paul ekar kwaļo̧k: “Ak kom̧ jab jeļā ke bwe ānbwinnemi tempel an Jetōb Kwojarjar eo Ej ilo kom̧, Eo ippemi jān Anij im kom̧ jab ami make?? Bwe em̧ōj wiaik kom̧ kōn juon oņān; innām kom̧win kaiboojoj Anij ilo ānbwinnemi” (1 Korint 6:19–20).

Irooj ej kallim̧ur kōn kōjeraam̧m̧an ko an jetōb im kanniōk n̄an ro rej pokake Naan in Mālōtlōt im tōl eo an rikanaan ro remour (lale Katak im Bujen Ko 89:18–21).

38.8

Kakien ko kōn Wāween Jerbal in Tōl

38.8.1

Kōkaajriri im Jikin Lale Riatijinemjen

Kōkaajriri ajri ro im leļo̧k jkin lale riatijinemjen emaron̄ kōjeraam̧man ajri ro im baam̧le ko. Baam̧le eo, eļap iakwe im rej n̄an indeeo remaron̄ ejaake itok jān kōkaajriri. Men̄e ajri ro rej itok n̄an juon baam̧le kōn kōkaajriri ak ļotak, rej aolep juon kōjeraam̧m̧an jon̄an wōt juon ilo aorōk.

Membōr ro me rej pukōt n̄an kōkkaajiriri ak leļok jikin lale riatajinemjen n̄an ajri ro rej aikuj pokake aolep kien ko rej pād an laļ ko im kien ko rej bōk jikin.

Kabun̄ in ejjab loloorjake kōkaajriri ko. Ijoke, ilo United States im Canada, ritōl ro rej leļo̧k membōr ro n̄an Family Services āinwōt juon jikin jipan̄ kōnono kake. Kōn meļeļe ko n̄an kepaake er, lale 31.3.6.

Kōn meļeļe ko reļļapļo̧k kōn pāreen ro me ejjeļo̧k pāleer repojān neji, lale 38.6.19

N̄an meļeļe ko reļļapļo̧k, lale “Adoption” (Topics and Questions, topics.ChurchofJesusChrist.org).

38.8.2

Jerbal in Ko̧o̧t

Jerbal in ko̧o̧t ej waļo̧k n̄e juon armej ej ājļore lōke eo an juon armej ak kōjatdikdik eo n̄an ko̧o̧te e. Menin emaron̄ waļo̧k n̄e armej ro jim̧or rej pād ilo ejja juon wōt kurup, eo āinwōt Kabun̄. Ej maron̄ barāinwōt waļok jān kakkure juon jerbal in jem̧jerā ak lōke, eo āinwōt juon kūr an Kabun̄ in ak jem̧jerā an baam̧le. Jerbal in ko̧o̧t ekkā kōn bōk jāān.

Membōr ro an Kabun̄ in rej aikuj m̧ool ilo kōm̧m̧an ko aer im jerbal kōn jim̧we. Jerbal in ko̧o̧t ej juon kōmatōr ekajokok an lōke im kōjatdikdik. Rikakkure ro an remaron̄ lokjak n̄an liaakeļo̧k an rikakkure (criminal). Membōr ro an Kabun̄ in me rej kōm̧m̧ani ko̧o̧t jāān kein remaron̄ barāinwōt jelm̧ae mo ko ak joļok membōr eo an. Lale 32.6.1.3 im 32.6.2.3 n̄an tōl kōn ko̧o̧njeļ ko an membōr ikkijeen jerbal in ko̧o̧t.

Membōr ro remaron̄ jab kwaļo̧k ak ba bwe jerbal ko aerrej bōk eddo in jān, rie jān, ak jutak ilo etan Kabun̄ in ak ritōl ro an.

38.8.3

Kein Ron̄jake ko

Kein ekkatak ko me jej alooji im ron̄jaki remaron̄ karuwaineneik Jetōb eo im kōkōm̧anm̧anļok katak eo ilo jetōb ilo kūlaaj ko im kweilo̧k ko an Kabun̄ in. Waanjon̄ak ko an kein katak kein ekoba pijaan alooj ko, pija ko, im kein rekoot al ko. Kōjerbal kein katak kein ejjab aikj in erom juon kein kōm̧ad ak pedped eo eļap tata an kūlaaj eo ak kweilo̧k eo.

Membōr ro rejjab aikuj kōjerbal kein ron̄jake im alooj ko ilo kweilo̧k in kwojkwoj ko ak ilo m̧wen̄an eo eļap an kweilo̧k eo eļap an stake. Ijo wōt ke, al ko kar rekooti maron̄ kōjerbali ilo kweilo̧k kein eļan̄n̄e emenin aikuj n̄an etal ippān al in jar eo.

Membōr ro rej aikuj pokake aolep kakien ko ikkijeen copyright n̄e rej kōjerbal kein katak ko me jej ron̄jaki im alooji (lale 38.8.11). Rej aikuj kōjerbali wōt kein katakin kein me rej jokkun wōt ippān gospel eo im ejipan̄ akjo̧kwetok Jetōb eo.

38.8.4

Jain im Pija ko an Ritōl ro Routiej an Kabun̄ in, Opija ro Routiej, im Eria Jiljilimjuonn̄oul ro

Ro uwaan Kabun̄ in rejjab aikuj kappukot jain ko an Ritōl ro Routiej an Kabun̄ in, Opija ro Routiej, ak Eria Jiljilimjuonn̄oul ro. Ak membōr rej aikuj jab kajjitōk ippān ritōl rein n̄an jaini jeje ko rekwojarjar aer, al in jar ko, ak būrookraam̧ ko. Ilo kōm̧m̧ane innām enaaj m̧ad jān kūr ko aer rekwojarjar im jetōbin kweiļo̧k ko. En̄in ebarāinwōt maron̄ bōbrae er jān io̧k io̧kweiki membōr ro jet.

Membōr ro rej aikuj jab bōk pija ko an Ritōl ro Routiej an Kabun̄ in, Opija ro Routiej, ak Eria Jiljilimjuonn̄oul ro ilo iien kweilo̧k ko (lale 29.8).

38.8.5

Pejnej ko

Im̧ōn jar ko im m̧ōko jet an Kabun̄ in, kweilo̧k ko im kūlaaj ko an Kabun̄ in, im website ko an Kabun̄ in im jānōļ ko an social media maron̄ jab kōjerbali n̄an kōkm̧anm̧anļo̧k jabdewōt pejnej ak non-Church entity.

Laajrak in kurup ko an Kabun̄ in ak meļeļe ko jet kōn membōr ro maron̄ jab liļo̧k n̄an jabdewōt pejnej ak non-Church entity. Men kein ekoba (ak ejjeļo̧k jon̄an n̄an) ro me rej jipan̄ kōn dating, jeļāļo̧kjeņ, im jerbal. Lale 38.8.31.

38.8.6

Rijerbal ro an Kabun̄ in

Rijerbal ro Kabun̄ in rej mour im aikuj dāpij wōt jon̄ak ko an Kabun̄ iien otemjej. Rej aikuj bar ļoor kakien ko ikkijeen jerbal ilo jikin eo rej jokwe ie.

N̄an jinoe ak wōnm̧aanļo̧k wōt ilo jerbal ko an Kabun̄ in, membōr ro rej aikuj erreo n̄an bōk juon peba in mālim in deļo̧n̄e tampeļ. Kajjojo iien, ro rej bōk jikin Human Resources Department eo an Kabun̄ renaaj kūrļo̧k būreejtōn ro an stake ko ak bisop ro n̄an kam̧ool kōn erreo eo eļap kiin n̄an tampeļ ak maron̄ ko an rijerbal in Kabun̄ in. Ritōl ro rej aikuj in emmakūjkūj n̄an uwaak.

38.8.7

Māākijiin ko an Kabun̄ in

Māākijiin ko an Kabun̄ in ekoba:

• Eo Jera n̄an ajri ro.

• N̄an Kōkajoorļo̧k n̄an Jodikdik ro n̄an jodikdik.

• Im Liaona n̄an rūtto ro.

Būreejtōnji eo Kein Kajuon ej rōjan̄ aolep membōr ro n̄an riiti Māākijiin ko an Kabun̄ in. Māākjiin ko remaron̄ jipan̄ membōr ro jeļā kōn gospel in an Jisōs Kraist, ekkatak katak ko kōn rikanaan ro remour, en̄jake ekkeijeļo̧k ippān baam̧le eo an Kabun̄ in peļakin laļin, dipuk apan̄ ko kōn tōmak, n̄an epaakeļo̧k Anij.

Ritōl ro rej jipan̄ membōr ro bōk māākjiin ko ilo ejjeļo̧k woneān āinwōt in ilaļ:

• Jipan̄ membōr ro wōrtar māākjiin ko im bar kōkāāl wōrtar ko aer ilo MagazineSubscriptions.ChurchofJesusChrist.org ak wōrtari ilo kōjerbal Leader and Clerk Resouces.

• Kwaļo̧k n̄an membōr ro wāween aer deļo̧n̄e meļeļe ko ilo māākjiin eo ChurchofJesusChrist.org, the Gospel Library app, and the Gospel Living app. Digital ko ejjeļo̧k wōnāān.

• Ālkin an juon membōr kāāl peptaij, kwaļo̧k n̄an er kilen deļo̧n̄e māākjiin ko an kabun̄ ilo intōrnet.

• Leļo̧k wōrtar ko n̄an aolep ajri ro im jodikdik ro rej kobatok n̄an jar im ejjeļo̧k jineer im jemeer ak rilale er, kōjerbal kein jipan̄ ko an Ritōl and Kūļōk eo.

Bisop eo emaron̄ kūr juon rilale māākjiin n̄an jipan̄ membōr ro bōki māākjiin ko. Ak remaron̄ jitōn̄ kūlōk eo ak rijeje eo eutiej an ward eo n̄an jipan̄ (lale 7.3).

Rilale māākjiin eo ak rijeje eo remaron̄ bar jipan̄ lōn̄aj en̄jake in tōmak im naan in kam̧ool an membōr ro ijo jokwe ie n̄an kwaļo̧k kōn māākjiin ko.

Membōr ro remaron̄ wōrtar ilo MagazineSubscriptions.ChurchofJesusChrist.org, kōjerbal akkaun ko aer ilo Kabun̄. N̄an jipan̄, membōr ro remaron̄ kūrļo̧k ward kūļōk eo ak juon rijipan̄ ikijeen māākjiin.

38.8.8

Etan Kabun̄ in, Ļōmān Jeje ko, im Kōkaļļe ko

Ļōmān jeje an Kabun̄ in im kakōļļe eo

Etan Kabun̄ in, ļōmān jeje ko, im kakōļļe eo rej aorōk ko ilo kwaļo̧k Kabun̄ in. Rej rejijtōr āinwōt men ko kōm̧m̧ani ak mekarta raar kamo̧ik kōjparoki ipeļaakin laļ. Rej jerbal n̄an kwaļo̧k kein katak ko an, nuuj ko, im m̧akūtkūt ko an Kabun̄ in.in

Aorōk ko ilo kwaļo̧k Kabun̄ in rej aikuj kōjerblai wōt ekkar n̄an unin tōl ko kwaļo̧ki itulaļ.

Āt eo kar je etan Kabun̄ in. Iunit ko an ijo jokwe ie remaron̄ kōjerbal āt eo kar je etan Kabun̄ (ejjab ļōmān jeje eo ak kakōļļe eo) n̄e aolepān jekjek in rej tōpari:

• M̧akūtkūt eo ak jerbal eo me ātm eo ej pād ie ej bōk eddo in jān iunit eo (n̄an waanjon̄ak, juon būrookraam̧ in kweilo̧k in kwojkwoj eo).

• Etan iunit eo an ijo jokwe ie ej jerbal āinwōt juon kein kwaļok etan Kabun̄ in (n̄an waanjon̄ak, Campo Rosa Branch eo Kabun̄ eo an Jisōs Kraist im Armej ro Rekwojarjar ilo Raan-ko Āliktata).

• Ļōmān ejjab anōke ak bōk jekjek in ļōmān jeje ko ilo etan Kabun̄ in.

Ļōmān Jeje im kakōļļe eo. Ļōmān jeje ko an etan Kabun̄ in im kakkōlļe eo ( lale ilo pija eo itulōn̄) rej aikuj kōjerbali wōt āinwōt an kar mālim jān Būreejtōnji eo Kein Kajuon im Doulul eo an Jon̄oulruo Rijilōk ro. Rejjab maron̄ kōjerbali āinwōt kein kainōknōk ko. Ak maron̄ jab kōjerbali ilo jabdewōt wāween an juon make, kein wia, ak kōkōm̧anm̧anļo̧k.

Kajjitōk ko rej aikuj kajjuļo̧k n̄an:

Intellectual Property Office

50 East North Temple Street

Salt Lake City, UT 84150-0005

Telephone: [phone] or 1-800-453-3860, extension 2-3959

Fax: [phone]

Email: [e-mail]

38.8.9

Ennaan ko n̄an Stake Būreejtōn ro im Bisop ro jān Rijerbal ro an Kabun̄ in im Baļentier ro

N̄e rijerbal ro an Kabun̄ in im baļentier ro rej aikuj kūrļo̧k stake būreejtōn eo ak bisop eo, rej kajju kōnono n̄an executive secretary eo an ritōl eo ijello̧kin n̄e jerbal ej lukkuun menin ekariri ak ittiņo. Menin ej kōtļo̧k an stake būreejtōn eo im bisop eo n̄an pedped ioon eddo ko rellōn̄ me rej maron̄ in kūrm̧ool.

Rijerbal ro an Kabun̄ in im baļentier ro ekoba ro rej itok ilo etan ra ko an Kabun̄ in, būrookram̧ ko an jeļāļo̧kjeņ im jikuuļ ko, menin jipan̄ im jerbal ko an un̄are peid make, im pājinej ko rej ekkejel tok n̄an Kabun̄ in.

N̄e executive secretary eo jab kūri ak lukkuun jerbal, maron̄ kajju kepaak ritōl eo.

38.8.10

Kamputōr

Kamputōr ko im software ko kōjerbali ilo m̧ōn kweilo̧k ko an Kabun̄ in rekar letok im bōk eddoier jān Church headquarter ko ak eria opij eo. Ritōl ro im membōr ro rej kōjerbal kein jipan̄ kein n̄an jipan̄ jibadbad ko an Kabun̄ in ekoba jerbal in menmenbwij an baam̧le.

Aolep software ko ilo kamputōr kein rej aikuj jetjet license n̄an Kabun̄ in.

Stake būreejtōn eo ej bōk eddo in bar jāniji im kōjerbal kamputōr ko ilo stake eo, ekoba ko ilo FamliySearch center ko. Stake technology specialist eo ej lukkuun lale bwe ren jejjet aer kōkāāli im kōm̧m̧ani āinwōt kar kōlaajraki ilo 33.10

38.8.11

Copyrighted an Kein Jipan̄ ko

Copyright eo ej kōjparok eo kar letok kōn kakien n̄an rikōm̧m̧an ro an jerbal ko m̧oktata an eo an me ej kwaļo̧k ilo juon men alikkar (ekoba ilo digital) jekjek eo, ekoba:

• Katak kōn jeje, kōjan̄jan̄, tieta, im katak kōn jerbal ko ipeļaakin laļ in.

• Jerbal in jin̄n̄a ko, pija, im lōmlōm.

• Jerbal in ron̄jake im alooje ko(āinwōt m̧upi ko im video ko, CDs, im DVDs).

• Būrookram̧ in Kamputōr im ikkure ko.

• Internet im databases ko jet.

Kien ko kiene jerbal in ejake ko im mālim eo aer eoktak kōjerbal jān laļ eo. Kakien ko Kabun̄ kar kōllaajraki ilo jekjōn in rej juon wōt ippān koņ ko an laļ ko ilikin me rej jerbal ilo elōn̄ laļ ko. Kōn tupidodo in, m̧wen̄an in ej oktakļo̧k n̄an jim̧we eo an juon rikōm̧anm̧an āinwōt jim̧we im maron̄.” Mekarta, m̧oolin eo ilo maron̄ kein remaron̄ kar jeļā kaki jān et ko reoktak ilo jet iaan laļ ko.

Membōr ro an Kabun̄ rej aikuj in ļoor aolep kakien ko an copyright. Ilo m̧ool, ro wōt aer copyright eo remaron̄ kōmālim kōjerbal jerbal eo aer:

• Kōm̧man kape

• Leto Letak

• Kōm̧m̧ane ilo̧bwilej

• Kwaļo̧ki ilo̧bwilej

• Ejaki Jānij ko

Kōjerbal juon jerbal ilo jabdewōt wāween ilo an ejjelo̧k mālim jān eo im tello̧kin jim̧we im maron̄ rej pād ippān im ej oktak jan kakien eo an Kabun̄. Kain kōjerbal rōt in emaron̄ barāinwōt lokjak n̄an Kabun̄ in ak eo ej kōjerbal n̄an legal liability.

Juon rijerbale juon jerbal ej aikuj in ļōmņake bwe menin eaar dedeļo̧k kōjparoke jān jim̧we im maron̄ eo. Jerbal in jeje ko ekkā an wōr juōn jeļā kōn jim̧we im maron̄ ie, āinwōt “© 1995 jān John Doe.” (N̄an kanne ainikien ko, kōkaļļe eo ej ℗.) Mekarta, juon kōjjeļā kōn jim̧we im maron̄ ejjab aikuj in wōr mo̧ in kōjparok ie. Ejja āinwōt, m̧ool eo bwe juon bok eo ej diwōj jān an būriin ak kwaļo̧ke ilo intōrnet ejjab meļeļe in ejjeļo̧k an copyright. Ak ejjab errā kōn kōm̧m̧an kape, leto letak, kōm̧m̧ane, kwaļo̧ke, ak kōm̧m̧an jānjin ko an ilo ejjeļo̧k mālim.

Opiij eo an M̧weiuk in Loļātāt eo an Kabun̄ eo an Kabun̄ (IPO) ej jipan̄ļo̧k ilo kōm̧m̧ani kajjitōk ko n̄an kōjerbale jim̧we im maron̄ ko an kein jerbal in būrookraam̧ ko an Kabun̄, ekobaļo̧k kein jerbal ko im raar kōmālim jān Intellectual Reserves, Inc, (IRS). IRI ej juon jenolo̧k,eo im ejjeļo̧k ippān doon ie im ej lale m̧weiuk in intellectual eo im ej jerbal jān Kabun̄ eo. kōn meļeļe ko kōn kajjitōk n̄an kōjerbali kein katak ko an Kabun̄ in make, lale “Terms of Use” ilo ChurchofJesusChrist.org.

Laajrakin kajjitōk im uwaak ko remaron̄ jipan̄ ro uwaan meļeļe im dāpdep kōn kien ko an jim̧we im maron̄ ilo tōrein kōjerbal jim̧we im maron̄ ko an kein jerbal ko ilo kabun̄ im ilo m̧weo. Eļan̄n̄r ewōr an membōr ro kajjitōk me rejjab uwaak ilo unin tōl kein, remaron̄ kepaak IPO:

Intellectual Property Office

50 East North Tempel Street

Salt Lake City, UT 84150-0005

Telephone: [phone] or 1-800-453-3860, extension 2-3959

Fax: [phone]

Email: [e-mail]

Imaron̄ ke kapeik bok in kein jerbal ko an Kabun̄ in? Mae iien ej waļo̧k, kein katak ko an Kabun̄ in remaron̄ kapeiki n̄an jerbal ko wōt an Kabun̄ in, m̧ōko, im an baam̧le eo kōjerbale. Naan ko kōjerbali me rej m̧ōttan website eo an Kabun̄ in ak app eo rej kwaļo̧k wāween an kein katak kein ilo website kein im app ko maron̄ kōjerbali. Ejjeļo̧k jerbal in kaiņōkņōke emaron̄ in kar kōm̧m̧an jān kein jerbal ko an Kabun̄ ijjelokin an alikkar tok mālim eo im em̧ōj jeiki tok jān IPO.

Imaron̄ in ke kape al? Kakien ko an jim̧we im maron̄ rekkar n̄an al. Juon armej emaron̄ kapeik al ko jān kein jipan̄ kein n̄an jerbal ko an Kabun̄ in, im̧weo, im an baam̧le kōjerbal ijello̧kin n̄e juon mo ej kwaļo̧k ilo al in jar ko ak al eo:

• Al in Jar ko

• The Children’s Songbook

• Māākjiin ko an Kabun̄

Kapeiki al ko em̧ōj ļo̧o̧ki im rekooti ijjelo̧kin mālim eo jān eo im tello̧kin jim̧we im maron̄ rej pād ippān im ej oktakļo̧k n̄an kakien eo an Kabun̄.

Imaron̄ ke kape kein jerbal ko im rejjab jen Kabun̄ eo? Kwojjab maron̄. Kien ko an jim̧we im maron̄ rej kakieni im peeke jerbal in enojak ko. Ekkā an wōr men ko im rej kamo̧ik n̄an leļo̧k jon̄an in lo̧bwilej ko im rej aikuj in kar ļoori mokta jān kapeiki kein jerbal ko an Kabun̄. Men kein im rej kam̧oiki ekkā aer ellaajrak iturin ļo̧k jinointata in juon bok. Membōr ro rej aikuj in kijn̄en̄e ilo lali kakien ko an jim̧we im maron̄.

Imaron̄ ke kwaļo̧k aō kainōknōke kein ron̄jake ko ilo jerbal ko an Kabun̄? Lukkuun Dipieoin Jaab. Membōr ro an Kabun̄ rej aikuj in jab rube kakkōl ko im men ko rej kamo̧iki im rej pād im kwaļo̧ki ilo kainōknōkeļok kein ron̄jake ko. Menin ekoba pija in alooj ko, pija in alooj ko jet, im al ko. Kōjerbal kadeļeļ in pija in katak ko kowaļo̧k ilo jerbal ko an Kabun̄ aolep rekkar mālim jān onōr in jim̧we in jeje eo.

Imaron̄ ke bōke ak kapeiki kamputōr softward im būrookram̧ ko jet n̄an jerbal an Kabun̄ in? Lukkuun Dipieoin Jaab. Būrookraam̧ ko an kamputōr im software ko jet remaron̄ in jab kapeiki ak bōki ijjelokin wōt n̄e ededeļo̧k im kar ekkar aolep mālim ko.

Ta mālim eo aikuji n̄an kar kwaļo̧k al im tieta in kein kaloojoj im ron̄jake ko? Men ko kwaļo̧ki im Kabun̄ ej peeki ak IRI emaron̄ in kar kwaļo̧ki ilo kōkkar ko an Kabun̄ ijjelokin mālim jān jikin kweilo̧k ko reļļap an Kabun̄. Eļan̄n̄e Kabun̄ eo ejjab peeke juon kwaļo̧kin jim̧we im maron̄, ro uwaan rej aikuj in bōk jim̧we im maron̄ in mālim eo an eo tello̧kin n̄an kōm̧m̧ani aolep ak m̧ōttan in menin ilo juon kōkkar an Kabun̄. Ekkā an eo tello̧kin jim̧we im maron̄ aikuji wōņāān ak utiejļo̧k mekarta n̄e ejjeļo̧k wōņāān en eaar kōm̧m̧an n̄an kwaļo̧k ko. Aolep kwaļo̧k ko rej aikuj in kar wōr mālim tok jān ritōl ro ijo an priesthood.

38.8.12

Kein Katakin ko

Kabun̄ in ej kōpooj kein katak ko n̄an jipan̄ membōr ro ekkatak im mour kōn gospel eo an Jisōs Kraist. Men kein ekoba jeje ko rekwojarjar, ennaan ko an kweilo̧k eo eļap, māākjiin, bok in ekkatak ko, bok ko, im kein jipan̄ ko jet ikkijeen kein ekkatak. Ritōl ro rej rōjan̄ membōr ro n̄an kōjerbal jeje ko rekwojarjar im kein jipan̄ ko jet āinwōt aikuji n̄an ekkatak kōn gospel eo ilo m̧weo.

Ekkatak Gospel eo im katakin rej aikuj pedped ioon Rilo̧mo̧o̧r eo im katak eo An. N̄an jipan̄ dāpij wōt kōttōpar in ilo kūlaaj ko an Kabun̄ in, ritōl ro rej lukkuun lale bwe rūkaki ro ren kōjerbal kein katak ko em̧ōj kōmālimi. Kōn meļeļe eo ikkijeen kein katak ko em̧ōj kōmālimi, lale Kōmeļeļe ko n̄an Laajrak in Kein Ekkatak ko an Kabun̄ in.

38.8.13

Tōreektōre ko

Membōr ro im ritōl ro kar kōketak er n̄an kōjerbal laajrak ko an membōr kar kōpooji jān Kabun̄ in. Directory kein repād ilo Ward Directory eo im Map eo ilo ChurchofJesusChrist.org im io Membōr Tools app eo. Rej kōpooj meļeļe ko rekadu im raorōk an membōr ro n̄an tōpare er. Ritōl ro an stake im ward remaron̄ lale meļeļe ko jet me rej jipan̄ ikkijeen kūr ko aer. Ritōl ro remaron̄ barāinwōt lale meļeļe in ilo Leader im Clerk Resources.

Membōr emaron̄ m̧o aer loi meļeļe ko aer n̄an tōparļo̧k er ilo digital. Rej kōm̧m̧ane menin ilo aer kāālet jon̄an eņņojak ko ilo profile eo an baam̧le eo aer.

Ritōl ro an stake im ward rej aikuj kautiej jekjek ko an eņņojak eo me membōr ro rej kāālet. Ritōl rein rej lukkuun lale bwe meļeļe ko rej kōjerbali ej n̄an jibadbad ko wōt an Kabun̄ in me em̧ōj kōmālimi.

Directory ko an stake im ward me em̧ōj būriini rejjab lukkuun menin aikuj. Eļan̄n̄e ritōl ro rej kāālet bwe en ewōr juon aikuj, directory ko kar būriini remaron̄ kōm̧m̧an wōt ilo aer kōjerbal Ward Directory im Map eo ilo ChurchofJesusChrist.org. Directory kein rejjab koba kadkad in (gender), iiō, ak raan in ļotak an membōr ro.

Laajrak ko an uwaan rejjab aikuj in būriin n̄an jerbal ejjab an Kabun̄ in.

38.8.14

Nuknuk im Paaktokim

Em̧m̧aan ro im kōrā ro kar kōm̧anm̧an wōt ilo nememenin Anij (lale Jenesis 1:26–27; Ebream 4:27). Ānbwin wanbanban in rej menin letok eo ekwojarjar.

Membōr ro an Kabun̄ in kar rōjan̄ n̄an kōjparok ānbwinier n̄an kālet kōn nuknuk in paoktokier. Ta eo ekkar ilo m̧anit ilo iien ko raorōk. Waanjon̄ak, n̄an kweilo̧k in kwojkwoj eo, kajjojo armej ro rej kōņak nuknuk ko aer rem̧m̧antata n̄an Jabōt n̄an kautiej kain̄i eo an kwojkwoj eo (lale 18.9.3 Pedped in ej jerbal n̄an ro rej pād ilo tampeļ (lale 27.1.5). Rikaļoor ro an Jisōs Kraist renaaj jeļā elmen nuknuk ko rem̧m̧an n̄an er make.

Membōr ro im ritōl ro raikuj jab ekajete ro jet kōn nuknuk ak paoktokier. Rej aikuj in iakwe aolep armej, Rilo̧mo̧o̧r eo ekar kakien (lale Matu 22:39; Jon 13:34–35). Aolep raikuj ruwainenetok n̄an kweilo̧k im m̧akūtkūt ko an Kabun̄ in (lale 38.1.1).

N̄e leļo̧k peba in mālim n̄an deļo̧n̄e tampeļ n̄an deļo̧n̄e tampeļ eo im kūr ko ward im stake, ritōl ro rej lale erreeo im tōl jen Jetōb (lale 26.3, 30.1.1, im 31.1.1).

38.8.15

Kōppopo eo Eļap ak M̧akūtkūt ko an Kurup n̄an Iien Idin̄ ko

Kabun̄ in ej rōjan̄ kōj n̄an un̄n̄are peid make. Membōr ro rej kōketak er n̄an m̧aanjabpopo ilo jetōb in kanniōk n̄an kapan̄pan̄ ko an mour in. Lale 22.1.

Ijoke, ritōl ro an Kabun̄ in em̧ōj aer kar kapilōk ņae kōppopo eo ekanooj ļap kōn iien ko remaron̄ kabūrom̧ōjm̧ōj. Kain kijejeto ko rej jet iien ņa etaer m̧akūtkūt ko an kurup aiien idin̄ ko. Kijejeto kobn̄an kōppopo rej aikuj kōllowetak kōn tōmak, ejjab mijak.

Ritōl ro an Kabun̄ in raar kapilōk membōr ro n̄an jab deļo̧n̄ ilo m̧uri n̄an kajutak joko in m̧ōn̄ā ko. Ijjeļo̧kin, membōr ro rej aikuj kajutak juon joko ilo m̧weo n̄an m̧weiuk im jikin kakoņkoņ jāān ilo iien ko. Lale 22.1.4 im “Food Storage” (Topics and Questions, topics.ChurchofJesusChrist.org).

38.8.16

Raan in Jitlo̧k

Membōr remaron̄ jitlo̧k jabdewōt iien. Ijoke, ekkā an membōr ro kōm̧m̧ane ilo Jabōt eo jinointata ilo kajjojo allōn̄ āinwōt raan in jitlo̧k.

Raan in jitlo̧k ekkā kobaiki jar, jab m̧ōn̄ā im idaak ium̧win 24 awa (n̄e ekkar), im leļo̧k jitlo̧k in joortak ko. Jitlo̧k in joortak ko ej juon jipan̄ n̄an jipan̄ ro rej pād ilo aikuj 22.2.2).

Jet iien Kabun̄ in peļakin laļin ak kweilo̧k ko ijo jokwe ie rej kōm̧m̧ane ilo Jabōt eo jinointata ilo allōn̄. N̄e ej waļo̧k, stake būreejtōnj eo rej lale Jabōt eo ekkar n̄an jitlo̧k.

38.8.17

Kāāmbōļ im Ļaatōre ko

Kabun̄ in ej jumae im kapilōk ņae kāām̧bōļ ilo jabdewōt jekjek. Menin ekoba sports betting ko im ļaatōre ko bōk eddoier jān kien.

38.8.18

Rilotok Rikōnono ro ak Rikatakin ro

N̄an elōn̄ wōt kweilo̧k ko im m̧akūtkūt ko an Kabun̄ in, rikōnono ro im rikatakin ro rej aikuj uwaan juon ward ak stake ijo jokwe ie.

Juon rikōnono ak rikatakin me ej rilotok ej juon eo me ejjab uwaan ward eo ak stake. An bisop eo kōmālim ej menin aikuj m̧okta jān kūr rikōnono rilotok eo n̄an juon kweilo̧k ak m̧akūtkūt an juon ward. An stake būreejtōn eo kōmālim ej menin aikuj n̄an kūr rikōnono rilotok ro n̄an kweilo̧k ko ak m̧akūtkūt ko an stake eo.

Bisop eo ak stake būreejtōn eo rej mejmej karuo ilo etale rikōnono rilotok ro ak rikatakin ro. Menin emaron̄ kobain kūrlo̧k bisop eo an armej eo.

Bisop ak stake būreejtōn eo ej aikuj in lale bwe:

• Presentation eo jejjet n̄an katak ko an Kabun̄ in.

• Kōmeļeļe eo ejjab koba unin kōnono ko kajidedeik (unin kōnono ko rej aikuj jokkuun wōt juon ippān ko kar kōnono kaki ilo kweilo̧k eo eļap).

• Rikōnono rilotok ro ak rikatakin ro rejjab bōk wōņāān, rejjab ae kurup n̄an bōk kuņaer, im kajjitōkin armej ro ak bōk wōņāān jerbal.

• Wōņāān an armej eo ilo̧k (travel) rejjab kōļļāik jim̧or kōn jāān in bajet eo an iunit eo ijo jokwe ie ak jān jipan̄ ko jān armej.

• Kwaļo̧k ko rej aikuj ekkejeļo̧k ippān unin tōl ko n̄an kōjerbal facility ko an Kabun̄ in (lale 35.5).

38.8.19

Em̧m̧akūt n̄an bar Juon laļ (immigration)

Membōr ro rej pād wōt ilo ļam̧orāān ko aer ekkā an wōr aer iien em̧m̧an n̄an kalōk im kōkajoorļo̧k Kabun̄ in ijo. Ijoke, em̧m̧akūt n̄an bar juon laļ ej an juon make kāālet.

Membōr ro rej em̧m̧akūt n̄an bar juon laļ rej aikuj pokake aolep kakien ko em̧ōj kōmālim (lale Katak im Bujen Ko 58:21).

Mijenede ro rejjab aikuj kwaļo̧k n̄an bōk eddo in em̧m̧akūt n̄an bar juon laļ an ro jet. Ak rejjab bar aikuj kajjitōk ippān ro jinier im jemeer, ro nukier, ak ro jet n̄an kōm̧m̧ane āindein.

Kabun̄ eo ejjab jipan̄ kōn em̧m̧akūtļo̧k im jerbal n̄an Kabun̄.

Membōr ro an Kabun̄ in rej leļo̧k iien ko aer, talōn ko aer, im aer jemjerā eo n̄an karuwaineneik ro rej kab em̧m̧akūt tok im rijipo̧kwe ro āinwōt membōr ro an jukjuk in pād ko aer (lale Matu 25:35; bar lale 38.8.35 ilo bok in bōk meļeļein in).

38.8.20

Intōnōt

38.8.20.1

Kein jerbal ko ilo Internet Remālim an Kabun̄

Kabun̄ in ej dāpij wōt website ko an, blog ko, im social media akkaun ko me em̧ōj kōmālimi. Kein jipan̄ kein ralikkar āinwōt an kōn kōjerbal ļōmān jeje eo an Kabun̄ in ak kakōļļe eo (lale 38.8.10). Rej barāinwōt pokake men ko im remo̧ im remenin aikuj im mweien loļātāt eo an Kabun̄ eo im ennojakin kakien ko.

38.8.20.2

Membōr ro rej Kōjerbal Internet ilo Kūr ko an Kabun̄

Membōr ro remaron̄ jab ejaki website ko, blogs ko, ak social media akkaun ko ilo etan Kabun̄ in ak n̄an jutak ilo etan Kabun̄ in im men ko wōjān, katak, kakien ko, im jerbal ko an. Ijo wōt ke, remaron̄ ejaki website ko, blog ko, social media akkaun ko n̄an jipan̄ ilo kūr ko aer. N̄e rej kōm̧m̧ane menin, membōr ro rej aikuj ļoor unin tōl kein:

• Ejaake juon website, blog, ak social media akkaun rej aikuj m̧oktata bōk mālim jān stake būreejtōn eo (n̄an jerbal ko an stake) ak bisop eo (n̄an jerbal ko an ward).

• Ļōmān jeje an Kabun̄ in ak kakōļļe eo maron̄ jab kōjerbale ak anōke (lale 38.8.8).

• Kein jipan̄ ilo online ej aikuj wōr juon an jibadbad im kōttōpar im etōņake ekkar n̄an. Et eo emaron̄ koba etan ward ak stake eo. Ijo wōt ke, emaron̄ jab koba āt eo etan Kabun̄ in.

• Membōr ro remaron̄ jab ba ak kam̧ool bwe men ko kobban kein jipan̄ eo ilo online, pija ko, ak men ko wujkinen rej bōk eddo in ak rie jān Kabun̄ in ak eo ej jutak ilo etan Kabun̄ ilo jabdewōt wāween. Ijjeļo̧kin, juon ennaan eo ba ejjab bōk eddo in ej aikuj in koba kwaļo̧k ejjab an, juon men Kabun̄ in ej bōk eddo in.

• Aolep kobban rej aikuj jetjet n̄an armej ro kōttōpari im aikuj in aolep iien lale.

• Kein jipan̄ eo ilo online aikuj koba meļeļe ko kōn tōpar er.

• Elōn̄ ļo̧k jān juon administrator rej aikuj eddoik kein jipan̄ eo ilo online. Menin emaron̄ letok juon men ejjab bōjrak n̄e kūr eo an armej eo ak ijjitōn̄ eo ej oktak. Ej barāinwōt kabōjrak juon armej jān an eddok kōn kōkāāl im mije kein jipan̄ eo.

• Jerbal in jin̄a ko an Kabun̄ in make, pija in looj ko, al ko, ak m̧weiuk ko jet remaron̄ jab likūti ijello̧kin n̄e jerbal eo ej kōmālim jān Terms of Use an juon website an Kabun̄ in ak jān Intellectual Property Office eo an Kabun̄ in. Men ko kobban me rej copyright rej jān kein jipan̄ ko jet me rejjab aikuj jerbal m̧ae iien armej eo an ej leļo̧k mālim ilo jeje. N̄an meļeļe ko reļļapļo̧k kōn kōjerbal copyright eo an kein katak ko, lale 38.8.11.

• N̄e kōjerbal pija ko, pija in alooj ko, ak meļeļe ko an juon make, mālim jān armej eo an ak kajjojo ej menin aikuj. Mālim eo maron̄ bōke ilo juon pepa in kōtļo̧k, juon kōjeļļā an public, juon pija kwaļo̧k kōn juon m̧akūtkūt, ak mālim ilo jeje n̄e emenin aikuj. Kien ko ikkijeen privacy an laļ eo rej aikuj ļoore.

• Kein jipan̄ ko ilo online rejjab aikuj kein jerbal ko ewōr m̧ōttaer im men ko me ewōr kadede ilo ChurchofJesusChrist.org, Member Tools, ak kein jipan̄ ko jet an Kabun̄ in.

• Ritōl ro im mijinede ro rej aikuj kōtōbalbal n̄an bōbrae duplicate communication.

• Kein jipan̄ ko ilo online rej aikuj julo̧k n̄e ejako bar aikuji. Aorōk in media (ko āinwōt pija ko im pija in alooj ko) aikuj kakuņi ilo bwebwenato eo an ward eo ak stake eo.

N̄an unin tōl ko jet, lale internet.ChurchofJesusChrist.org.

38.8.20.3

Kōjerbal Intōrnet an Juon Make im Social Media

Intōrnet im social media elōn̄ em̧m̧an ko n̄an kōjerbali. Ilubwijin iien ko rem̧m̧an ej n̄an kwaļo̧k naan in kam̧ool eo kōn Rilo̧mo̧o̧r im gospel eo An ekar jepļaaktok. Blog ko, social meida, im intōrnet technology ko rej kōtļo̧k bwe membōr ro ren kōkajoorļo̧k ainikier ilo kwaļo̧k kōn ennaan ko kōn aenōm̧man, kōjatdikdik, im lan̄lōn̄ eo ej ekkeijel kōn tōmak ilo Kraist.

Membōr ro kar rōjan̄ n̄an kwaļo̧k men ko rem̧m̧an. Rej aikuj bar waanjon̄ak ilo aolep men kōjerbali ilo online, ekoba social media. Rej aikuj bōbrae jum̧ae (lale 3 Nipai 11:29–30; Katak im Bujen Ko 136:23).

Membōr ro raikuj bōbrae aolep ennaan in jum̧ae ko ņae ro jet (lale 38.6.14). Rej kajjieon̄ ĀinwōtKraist n̄an ro jet ilo iien otemjeļo̧k, ekoba online, im ilo kautiej n̄an aolep ro nejin Anij.

Membōr ro raikuj jab kōjerbal naan in kōmetak, kakitōtō, jum̧ae, kakkure ak kōjerbal kajin ko rejjab em̧m̧an ak pija ko ilo online. N̄e ewaļo̧k men ko rejekkar ilo online, eaikuj kepaak jikin kien eo ilo iien eo em̧ōkajtata.

Membōr ro rejjab aikuj ba bwe ennaan ko aer rej jutak ilo etan ak bōk eddo in jān Kabun̄ in.

38.8.21

Intōrnōt, Satellite, im Kein Jerbal an Pija in Alooj

Intōrnet eo an Kabun̄ in, satellite, im kein jerbal an pija in alooj ej aikuj kōjerbal wōt n̄an jibadbad ko an Kabun̄ rejjab n̄an wia kake. Jabdewōt wāween kōjerbale ej aikuj mālim jān stake būreejtōnji eo ak bisoprik eo

Kein jerbal in maron̄ jab kōjerbale n̄an bōk ak rekoote būrookraam̧ ko me rejjab bōk eddoier jān Kabun̄ in. Barāinwōt bwe kein jerbal ko an kabun̄ in, āinwōt intōrnōt ko̧o̧nekjen ko, rej jerbal n̄an tōpar ak rekoote kain būrookraam̧ ko.

Armej ro wōt im raar kaminene n̄an kōm̧adm̧ōdi kein jerbal kein emaron̄ in kar kōm̧m̧ane. Ej aikuj lukkun ļak n̄e ejjab jerbal. Kein jerbal eo maron̄ jab kōm̧akūti jān im̧weo n̄an kōjerbale n̄an e make.

38.8.22

Kien ko an Āne eo

Membōr ro rej aikuj pokake, kautiej, im rie kakien ko ilo jabdewōt laļ ijo rej mour ie ak ito itak ie (lale Katak im Bujen ko 58:21; Laajrakin Tōmak 1:12 Menin ekakobaiktok kakien ko im rej kamo̧ik etetal im kwaļo̧k.

38.8.23

Legal Counsel ko ikkijeen Men ko an Kabun̄ in

N̄e jipan̄ ikkijien legal ej aikuj n̄an jerbal ko an Kabun̄ in, ritōl ro rej aikuj kepaak legal counsel eo an Kabun̄ in. Ilo United States im Canada, stake būreejtōn eo ej kepaake Opiij eo an Church General Counsel eo:

1-800-453-3860, extension 2-6301

1-801-240-6301

Ilikin United States im Canada, stake būreejtōn eo ej kepaak opiij eo an legan ko̧o̧njeļ ilo eria opiij eo.

38.8.23.1

Aiini ak Peba ko Rekkar

Ritōl ro an Kabun̄ in rejjab aikuj in bōk koņaer ilo civil ak criminal keij ko n̄an membōr ro ilo iunit ko aer ilo aer jab m̧oktata bōk kapilōk jān legal counsel eo an Kabun̄ in. Ejja kakien in wōt ej jerbal n̄an kōnono ippān ak jeje n̄an ļo̧eer ro ak rijerbal ro an jikin ekajet eo, ekoba kōn email.

Ritōl ro raikuj kōnono ippān legal counsel eo an Kabun̄ in, ilo eddo ko aer ilo Kabun̄ in, rej:

• Tōmak renaaj kam̧ool ak kōnono ilo wāween eo ekkar.

• Karōk jen legal eo n̄an kam̧ool ak kōnono kōn jekjek eo ej legal.

• Rej ke kwaļo̧k kein kam̧ool.

• Kajjitōk n̄an letok peba ko ak meļeļe ko raorōk.

• Rej ke kōnono ippān lawyer eo ak rijerbal in kien ro kar kōmālim kōn legal eo wōnm̧aanļo̧k wōt, ekoba kalbuuj ak bakkiin̄.

Ijo n̄e ekkar, ritōl ro an Kabun̄ rej kwaļo̧k meļeļe eo ej legal maron̄ bōk im kakkure. Kwaļo̧k emaron̄ kōmetak eo ej lanwōtwōt jen jorrāān im baam̧le ko aer. Ļoor kakien eo an Kabun̄ in ebarāinwōt jipan̄ kōjparok Kabun̄ in jān an kob ilo jekjek ko ilo legal rejjab jetjet.

38.8.23.2

Naan in kam̧ool ilo iien Kāij ko ilo Kien

Ritōl ro an Kabun̄ in rejjab mālim n̄an kam̧ool ilo etan Kabun̄ in ilo jabdewōt kāij ko ilo kien ilo an ejjeļo̧k mālim m̧oktakļo̧k jān Opij eo an General Counsel. Kakien in ej bar jerbal n̄an kalbuuj im bakkiin̄. Ritōl ro remaron̄ jab leļo̧k ilo kōnono ak jeje kein kam̧ool eo ilo eddo in ritōl eo aer ilo jako mālim in.

Ritōl ro an Kabun̄ rejjab aikuj in kwaļo̧k ak lukkuun elmakot bwe jabdewōt naan in kam̧ool rej leļo̧k ilo juon kāij ilo kien ej bōk jikin jerbal ko ilo Kabun̄ in.

Ritōl ro an Kabun̄ in rejjab aikuj kajjieon̄ kareel naan in kam̧ool eo an juon rikam̧ool ilo jabdewōt kāij ko ilo kien.

Kūrļo̧k Church legal counsel eo ilo 38.8.23.

38.8.24

Kōjerbal Māālbo̧o̧k

Ilo elōn̄ laļ ko, em̧o im ej kakure kakien ko n̄an likūt jabdewōt men ioon ak lowaan māālbo̧o̧k ko an armej n̄e ejjeļo̧k postage. Kam̧o in ej iookļo̧k men ko m̧weien kabun̄ in, āinwōt flyer ko, newsleta ko, ak kōjjeļā ko. Ritōl ro an Kabun̄ in rej aikuj kōmeļeļeik membōr ro im mijenede ro n̄an jab likut aitōm ko ilo ak ioon bo̧k in meeļ ko.

38.8.25

Kōnono in ro Uwaan ippān Jikin kweilo̧k ko reļļap an Kabun̄

Ro uwaan Kabun̄ in rej kabōjrak er jān ikkūrļo̧k ko (caling), email, ak jeje leta ko n̄an Ritōl ro Routiej an Kabun̄ in kōn kajjitōk ko kōn katak, apan̄ ko an juon make, ak kajjitōk ko. Uwaak kōn juon make enaaj kōm̧m̧an bwe en pen n̄an Ritōl ro Routiej an Kabun̄ in n̄an kakūrm̧ool eddo ko aer. Membōr ro kar rōjan̄ er n̄an kepaak ritōl ro aer ijo jokwe ie, ekoba būreejtōn eo an Doulul eo an Kōrā ro ak doulul eo an elder ro, n̄e pukōt tōl eo an jetōb (lale 31.3).

Ilo elōn̄ jekjek ko, leta ko jān membōr ro n̄an Ritōl ro Routiej an Kabun̄ in renaaj kōro̧o̧liļo̧k n̄an ritōl ro ijo jokwe ie. Juon stake būreejtōn eo ej aikuj meļeļe alikkarļo̧k kōn katak ak jerbal ko jet an Kabun̄ in maron̄ jeje ilo etan membōr ro n̄an Būreejtōnji eo Kein Kajuon.

38.8.26

Jerbal ko an Membōr ro

Membōr ro an Kabun̄ in rej aikuj kappok aer jerbal ej ekkeijel wōt ilo pedped in katak ko an gospel eo im eo me remaron̄ pād ilo bōklōkōt ko rem̧m̧an kajjitōk kōjeraam̧m̧an ko an Irooj. Meninej juon jerbal an juon make me āliktata ej leļo̧k bwe membōr eo en etale make im jar ilo ļōmņak kake.

38.8.27

Membōr ro ewōr Utam̧we ko ilo ānbwin

Ritōl ro im membōr ro kar rōjan̄ n̄an kōnono kōn aikuj ko an aolep ro rej jokwe ilo iunit eo aer. Membōr ro ewōr utam̧we ko ilo ānbwin raorōk im remaron̄ jipan̄ ilo elōn̄ wāween ko. Ro ewōr utam̧we ko ilo ānbwin remaron̄ in utam̧we ilo jeļāļo̧kjeņ, iiaio, en̄jake, ak ānbwin.

Membōr ro an Kabun̄ in rekar rōjan̄ n̄an lo̧o̧r waanjon̄ak eo an Rilo̧mo̧o̧r ilo leļo̧k kōjatdikdik, meļeļe, im io̧kwe n̄an ro me ewōr utam̧we ko ilo ānbwin. Ritōl ro reaikuj in jeļā ro me ewōr utam̧we ko ilo ānbwin im kwaļo̧k aer itok limoier ippāer im aer inepata.

Ritōl ro rebarāinwōt kile membōr ro me remaron̄ aikuj kakobaba in jipan̄ kōnke juon pāāren, eo pāleen, ajri, ak juon jatin ak jein ewōr utam̧we ko ilo ānbwin. Kea kake juon uwaan baam̧le eo ewōr juon utam̧we ilo ānbwinin maron̄ in juon jōkjōk in em̧m̧anļo̧k.

Ritōl ro rej barāinwōt pukotļo̧k membōr ro ewōr utam̧we ko ilo ānbwin ro me rej jokwe ilo im̧oko ak em̧ ko jet rettoļo̧k jān baam̧le ko aer.

38.8.27.1

Kōlapļo̧k Kile ko im Meļeļe

Ritōl ro, rikaki ro, im membōr ro jet rej kappukot n̄an jeļā aikuj ko an kajjojo armej ro ewōr aer utam̧we ilo ānbwin. Remaron̄ kōlaplo̧k aer meļeļe jen aer kōnono ippān ro uwaan baam̧le eo an leo ak lieo. Kein jipan̄ ko rej pād ilo disability.ChurchofJesusChrist.org.

38.8.27.2

Leļo̧k Jipan̄

Ritōl rej jipan̄ aikuj ko an ro me ewōr utam̧we ko ilo ānbwin im ro me rej rikōjparok. Ritōl rein rej ļōmņake ewi wāween an ward ak stake eo kōjerbal menin jipan̄ ko n̄an jipan̄ tōpar aikuj ko aer āinwōt rōkkar. Ritōl ro rej rōjan̄ membōr ro n̄an leļo̧k jipan̄ im leļo̧k ilo iakwe im jem̧jerā.

Bisoprik eo ak stake būreejtōnji eo emaron̄ kūr juon disability specialist an ward ak stake n̄an jipan̄ kajjojo armej, baam̧le ko, rūkaki ro, im ritōl ro jet (lale 38.8.27.9).

Ritōl ro remaron̄ barāinwōt kile menin jipan̄ ko an jukjuk im pād me emaron̄ jipan̄ kajjojo ro me ewōt utam̧we ko ilo ānbwin im baam̧le ko aer.

N̄an meļeļe ko reļļapļo̧k n̄an jipan̄ armej ro ewōr utam̧we ilo ānbwin, lale disability.ChurchofJesusChrist.org. Ritōl ro remaron̄ barāinwōt kūrlok Family Services eo (ijo ewōr; lale 31.3.6 n̄an meļeļe ko n̄an kepaak er).

Ritōl ro im membōr ro raorōk in jab kajieon̄ kōmeļeļeik etke armej eo ekar tin wōr an nan̄inmej in utam̧we ak etke baam̧le eo ewōr nejier utam̧we. Rejjab aikuj kōmeļeļeik bwe juon utam̧we in ānbwin ej juon kaje jān Anij (lale Jon 9:2–3

38.8.27.3

Leļo̧k Kain̄i ko

Lale 38.2.4.

38.8.27.4

Leļo̧k Iien ko rem̧m̧an n̄an Jerbal im Bōk koņaer

Elōn̄ membōr ro ewōr utam̧we ko ilo ānbwin maron̄ in jerbal epaake lok jabdewōt jerbal ko an Kabun̄. Ritōl ro rej jar ilo ļōmņak kōn kekemo̧o̧j ko, jekjek ko, im ikdeelel ko an kajjojo armej innām iien ko rem̧m̧an rejetjet n̄an jerbal. Ritōl ro rej barāinwōt kapilōk kajjojo armej im baam̧le eo an. Rej ļōmņake wāween ko renej jelete juon kūr an Kabun̄ in ioon armej eo im baam̧le eo an ak rilale eo. (Lale Katak im Bujen Ko 46:15.)

N̄e ļōmņake kōn ijjitōn̄ ko an Kabun̄ in ak kūr ko n̄an rikōjparok ro an armej eo me ewōr utam̧we ko ilo ānbwin, ritōl ro rej lukkuun etale jōkjōk ko an rikau ro.

Ritōl ro im rūkaki ro reaikuj in kobaik membōr ro ewōr utam̧we ko ilo ānbwin ilo kweiļo̧k ko, kūlaaj ko, im m̧akūtkūt ko ilo iien eo rōkkar. Katak ko, kōnono ko, im kilen katakin ko reaikuj in pād n̄an tōpar aikuj ko an kajjojo armej ro. N̄an meļeļe ko kōn katak ko maron̄ kobaiktok, lale disability.ChurchofJesusChrist.org.

Bisoprik eo emaron̄ barainwōt karuwaineneik juon membōr in ward eo n̄an jipan̄ juon armej eo euatm̧we ilo ānbwin ilo juon kweilo̧k ak m̧akūtkūt. N̄an juon kūlaaj ekoba juon membōr eo ewōr utam̧we ko ilo ānbwin, bisop eo emaron̄ leļo̧k kūr n̄an elōn̄ rūkaki. Rūkaki ro rej jerbal ippān doon n̄an kakke aikuj ko an aolep membōr ro ilo kūlaaj eo.

Eļan̄n̄e juon armej ejjab maron̄ bōk koņaan ilo juon kweilo̧k, kūlaaj, ak m̧akūtkūt, ritōl ro im rūkaki ro remaron̄ kōnono ippān membōr eo im baam̧le eo an kōn wāween n̄an tōpar aikuj ko an membōr eo. Stake būreejtōn eo ak bisop eo maron̄ kōmālim ejake kūlaaj ko rejenolo̧k ak būrookraam̧ ko n̄an membōr ro ewōr utamwe ilo ānbwin (lale 38.8.27.5). Eļan̄n̄e juon armej ejjab maron̄ in pād ilo kweiļo̧k ko an Kabun̄ in, ritōl ro im rūkaki ro remaron̄ letok kein ekkatak ko an katak eo, rekoot ko, ak streaming ko.

Streaming in m̧akūtkūt ko, ekoba kweilo̧k in kwojkwoj eo im iien ilomej ko, ej n̄an wōt ro me rejjab maron̄ pād ilo kanem armej (lale 29.7). Kōn meļeļe ko reļļapļo̧k kōn bōk m̧ōttan kwojkwoj eo, lale 18.9.3.

Ritōl ro rej kōketak rikabwijer ro an priesthood eo me ewōr utam̧we ko n̄an bōk ko̧naer ilo kain̄i ko n̄e ekkar. Jino ilo Jānwode in iiō eo n̄e rej tōpar 12, rikabwijer priesthood ro im jiron̄ ro me raar peptaij im kar kapene im eo erreo emaron̄ in peptaij im kapene n̄an ro remej ilo juon tampeļ. Kōn unin tōl ko kōn membōr ro kōn utam̧we ko ilo ānbwin bōk kain̄i ko an tampeļ kōn er make, lale 27.2.1.3 im 27.3.1.9.

38.8.27.5

Doulul in Kūlaaj ko Reaorōk, Būrookraam̧ ko, ak Iunit ko

Membōr ro ewōr utam̧we ko ilo ānbwin ak aikuj ko reaorōk kar rōjan̄ n̄an pād ilo kweilo̧k ko ilo Jabōt ilo ward ko aer m̧ae iien rej jokwe ilo jikin kōjparok eo ak būrokūraam̧ an residential treatment ijo būrookraam ko an Kabun̄ in rej ejaak (lale 37.6).

Iunit ko im kurup ko. Ward ko im branch ko remaron̄ ejake n̄an membōr ro me ewōr aer aikuj ko rein juon, ro āinwōt ro me rejaron̄ron̄ im kōjerbal sign language (lale 37.1). Mālim eo ej itok wōt jān Būreejtōnji eo Kein Kajuon.

Juon ward emaron̄ kajjitōk n̄an lale juon kurup n̄an ro me ewōr utam̧we ko ilo ānbwinnier, āinwōt ro me rej kōjerbal sign language. Kōn meļeļe ko kōn rekoot ko an membōr ro me rej pād ilo kain iunit in ak kurup ko, lale 33.6.11.

Membōr jaron̄ron̄ rome rejjab jokwe ilo juon kōtaan eo meļeļe kake jān juon iunit an rijaron̄ron̄ remaron̄ pād ilo juon ilo intōrnet. Rej aikuj bōk mālim jān ritōl ro an iunit eo. Ritōl ro an ward eo ilo jikin eo rej lae bwe membōr ro re jaron̄ron̄ ren en̄jake kea im wōr aer iien em̧m̧an n̄an bōk m̧ōttan kwojkwoj eo aolep iien.

Kūlaaj ko. Membōr ro me ewōr utam̧we ko ilo ānbwinnier rej pād ilo kūlaaj ko an Jabōt ippān membōr in ward ko aer. Ijoke, n̄e emenin aikuj n̄an kakke aikuj an membōr ro rūtto ak jodikdik kōn ejja kain utam̧we kein ilo ānbwin, juon ward ak stake emaron̄ ejaake kūlaaj ko ilo Jabōt Jikuul ejeņoļo̧k n̄an er (lale 13.3.2).

Būrokūraam̧ in m̧akūtkūt ko an ro Ewōr Utam̧we ko ilo Ānbwinnier. N̄e emenin aikuj n̄an tōpar aikuj ko an membōr ro rerūtto ikkijeen utam̧we ilo kōļmenļo̧kjeņ, juon ward, juon kurup an ward, stake, ak kurup in stake ro me remaron̄ ejaake juon būrokūraam̧ in m̧akūtkūt an ro ewōr utam̧we ko ilo ānbwinnier. Būrokūraam̧ in ej kōkajoorļo̧k jerbal in karejar, iien jar ko ilo Jabōt, im m̧akūtkūt ko ilo iunit eo ijo rej pād ie.

Juon būrokūraam̧ in m̧akūtkūt an ro ewōt utam̧we ko ilo ānbwinnier rej n̄an kajjojo armej ro me 18 aer iiō lōn̄ļo̧k. Aolep kijejeto ko rej aikuj kōm̧m̧an n̄an kakobaik membōr ro rōļe laļ in 18 iiō n̄an ward ko im stake ko aer. Ilo jekjek ko rejeja aer waļo̧k, ritōl ro remaron̄ kōkajoorļo̧k m̧akūtkūt ko an jodikdik ro jino ilo iiō eo rej pojen 12 aer iiō.

N̄e elōn̄ ward ko rej bōk koņaer ilo juon būrokūraam̧ in m̧akūtkūt ko an ro ewōr utam̧we ko ilo ānbwinnier, stake būreejtōn eo ej jitōn̄ juon bisop eo n̄an lale. N̄e elōn̄ stake ko rej bōk koņaer, Eria būreejtōnji eo ej jitōn̄ juon stake būreejtōn n̄an lale.

Bisop in ak stake būreejtōn in ej kapilōk bisop ak stake būreejtōn ro jet me rej bōk koņaer n̄an kāālet wāween an maron̄ jerbal jāān n̄an būrokūraam̧ kein.

Ritōl ro an m̧akūtkūt eo an ro ewōr utam̧we ko ilo ānbwinnier. Rūtto ro rej membōr maron̄ kūr er āinwōt ritōl ro an m̧akūtkūt eo an ro ewōr utam̧we ko ilo ānbwinnier. Ritōl rej rej karōk im kōm̧m̧an būrokūraam̧ ko an m̧akūtkūt eo ro ewōt utam̧we ko ilo ānbwinnier. Rej artok artak ippān ward im stake disability specialist ro (lale 38.8.27.9) n̄an karuwaineneik membōr ro ewōr utam̧we ko ilo ānbwinnier n̄an bōk koņaer. Rej kapilōk ippān doon kōn wāween ad kakke aikuj ko an membōr rein.

Ritōļ ro an m̧akūtkūt ko an ro ewōt utam̧we ko ilo ānbwinnier rej kūr im kōjeņoļo̧k er ium̧win tōl eo an bisop eo ak stake būreejtōn eo. Juon stake būreejtōn emaron̄ bar jitōn̄ juon high ko̧o̧njeļ n̄an jerbal āinwōt juon ritōl eo an m̧akūtkūt ko an ro ewōt utam̧we ko ilo ānbwinnier.

Ritōl ro rej jerbal ippān jabdewōt armej ilo jabdewōt iiō im ewōr utam̧we ilo anbwin rej kadedeļo̧k kamminene in ilo ProtectingChildren.ChurchofJesusChrist.org. N̄an kakobaba ko rekkar n̄an ritōl ro, lale Activities for Members with Disabilities.

N̄e kūr, ritōl ro an ro ewōr utam̧we ilo ānbwin remaron̄ etal n̄an kweilo̧k ko an ritōl an stake ak ward eo.

Unin tōl ko n̄an būrokūraam̧ in m̧akūtkūt ko an ro ewōr utam̧we ko ilo ānbwinnier. Būrokūraam̧ in m̧akūtkūt ko an ro ewōr utam̧we ko ilo ānbwinnier rej ejaak n̄an jipan̄ ro rej bōk koņaer kōļapļo̧k mour in jetōb, iiaio ko, kōmourur ilo ānbwin, im kōļmenļo̧kjeņ (lale Luk 2:52). Ritōl ro rej kāālet ewi jon̄an emakijkij in m̧akūtkūt ko. Rej ļōmņak kōn oran ri bōk koņaer, jon̄an ettoļo̧k jikin ito itak ko, im jekjek ko jet.

Jet aremej remaron̄ jab bōk koņaer kōn elōn̄ kain men ko kōn taktō ko, ānbwin, kōļmneļo̧kjeņ, ak jekjek in m̧wil ko. Ritōl ro rej kappukot wāween ko jet n̄an jerbal in karejar n̄an aikuj ko aer.

Bōk koņaer im jon̄ak ko an kōjparok. Diktata ruo rūtto rej eddoiki m̧akūtkūt ko rej aikuj pād ilo aolep m̧akūtkūt ko. Rūtto rein ruo remaron̄ in ruo em̧m̧aan, ruo kōrā, ak juon ripālele ro me em̧ōj aer m̧are. Ilo m̧ool, elōn̄ļo̧k rūtto ro rej aikuj lale m̧akūtkūt ke an membōr ro ewōr utam̧we ko ilo ānbwinnier ijjeļo̧kin an menin aikuj m̧akūtkūt ko jet.

Rūtto ro rej jipan̄ kōn m̧akūtkūt ko rej kadedeļo̧k kamminene in ilo ProtectingChildren.ChurchofJesusChrist.org. Rej aikuj bōk mālim jān bisop eo aer m̧okta jān bōk konaan. N̄an kōjparok in kakkobaba ko rekkar, lale “Activities for Members with Disabilities.”

Eļan̄n̄e ejjab jejjet m̧wil ko rej waļo̧k, eddo eo jinointata an ritōl ro ej n̄an kōjparok im jipan̄ armej epidodo jelet kōn m̧wil ko rejekkar. N̄an meļeļe ko kōn eo̧ron̄ armej eo ņaruwōn kōn kakkūre, lale 38.6.2.1 im abuse.ChurchofJesusChrist.org.

38.8.27.6

Rukook ro n̄an Membōr ro Me Rejaron̄ron̄ ak Epen Aer Ron̄jake

Membōr ro me rejaron̄ron̄ ak epen aer ron̄jake rej bōk ijjino eo ilo jerbal ippān ritōl ro n̄an tōpar aikuj ko an leto letak meļeļe. Membōr ro im ritōl ro rej jerbal ippān n̄an lukkuun lale bwe rukook ro rej pojak.

Rukook ro rej aikuj pād ijo membōr ro remaron̄ lo er ie barāinwōt armej eo ej kōnono.

Ilo juon iien kain̄i ak intōrpiu, rukook eo ej jijet ak jutak epakeļo̧k armej eo me ej kōm̧m̧ane kain̄i eo ak kōjeikik intōrpiu eo. Meļeļe ko reļļapļo̧k ikkijeen ukōt kain̄i ko im kōjeraam̧m̧an ko, lale 38.2.1.

Eļan̄n̄e ebwe rukook ro repād, rej kotaik doon emaron̄ aolep 30 minit n̄an jab m̧ōk.

Ilo m̧aanjabpopo n̄an jekjek ko raorōk ko āinwōt intōrpiu ko an juon make ak ko̧o̧ņjeļ ko an Kabun̄ in, ritōl ro rej ko̧o̧njeļ ippān membōr eo ejaron̄ron̄. N̄e membōr eo ej kōņaan, ritōl ro rej pukōt juon rukook me ejjab juon membōr in baam̧le eo n̄an dāpij ittiņo̧ eo.

Ejja pedped in katak kein wōt rej iookļo̧k membōr ro rejjab jaron̄ron̄ ak pen aer ron̄jake im rejjab kōjerbal sign language ak juon rukook n̄an jipan̄ er riiti lon̄iin.

Ritōl ro remaron̄ ejaake ward ak stake kūlaaj ko n̄ān katakin sign language me ej jerbal ilo eria eo aer. Juon kein jipan̄ eļap an jipan̄ ej Dictionary of Sign Language Terms for The Church of Jesus Christ of Latter-day Saints.

38.8.27.7

Ņojak

Ritōl ro rej aikuj kautiej ņojak eo an membōr ro me ewōr utam̧we ko ilo ānbwinnier jim̧or ilo iien im ilikin kweilo̧k ko an ritōl ro ijo rej kōnono kōn aikuj ko aer. Ritōl ro rejjab kwaļo̧k nan̄inmej ko ak meļeļe ko jet an juon make ilo an ejjeļo̧k kōmālim.

38.8.27.8

Jipan̄ Menin Mour ko

Bisop ro im Stake Būreejtōn remaron̄ kāālet eļan̄n̄e emālim an kajjojo armej ro ewōr m̧ōjņo ko ilo ānbwinnier kōjerbal kidu ko remāletlet jipan̄ ilo m̧ōnjar ko. Kain mennin in mour ko jet, ekoba mennin mour ko n̄an jipan̄ en̄jake ko an juon (mennin mour in kaenōm̧m̧an), rejjab maron̄ pād ilo m̧ōnjar ko ak ilo m̧akūtkūt ko an m̧ōnjar eo ej kōm̧m̧ani, ijjelo̧kin wōt n̄e ej menin aikuj jān kien. (Ekoba aolep men ilo Amedka, Kabūn in ejjab pād ium̧win jabdewōt jerbal ko n̄an kōtļo̧k an kidu in jipan̄ ko ak mennin mour ko rej jipan̄ ikijeen en̄jake n̄an im̧ōn kabun̄jar ko.) Bisop im stake būreejtōn eo rej kōm̧m̧an jokālet ko. Rej make kōm̧m̧ane kāālet ko, ilo ļōmņake aikuj ko an kajjojo armej ro ewōr ippāer m̧ōjņo ko im aikuj ko jet ilo jarlepju eo.

N̄an unin tōl ko jet kōn kōjerbale mennin mour remāletlet ilo opiij im m̧ōko im̧ōn Kabun̄ in, lale 27.1.3 im disability.ChurchofJesusChrist.org.

38.8.27.9

Specialist eo an Ro Ewōr Utam̧we ko ilo Ānbwinnier

Bisoprik eo ak stake būreejtōnji eo emaron̄ kūr juon specialist n̄an ro ewōr utam̧we ilo ānbwin. Specialist eo ej jipan̄ membōr ro ewōr utam̧we ilo ānbwin im rikōjparok ro aer rej bōk koņaer ilo kweilo̧k ko an Kabun̄ in im m̧akūtkūt ko im en̄jake aer kobaik er.

Specialist eo ej jipan̄ membōr ro im ritōl ro ilo wāween kein rej ellaajrak:

• Jeļā kajjien kajjojo armej ro me ewōr utam̧we ko ilo ānbwinnier im baam̧le ko aer.

• Uwaake kajjitōk ko me rej iookļo̧k ro ewōr utam̧we ko ilo ānbwinnier im abōņōņō ko jān rikōjparok ro, ritōl ro, im ro jet.

• Jipan̄ kajjojo armej n̄an tōpar ak deļon̄e kein ekkatak ko ak bok ko an Kabun̄ in, kweilo̧k ko, im m̧akūtkūt ko. Menin emaron̄ waļo̧k ilo aer kōjerbal technology im ilo wāween ko jet (lale 38.8.27.10).

• Kile iien ko rem̧m̧an eļap meļeļeier n̄an membō ro ewōr utam̧we ko ilo ānbwin n̄an jerbal.

• Lale aikuj ko rejeņoļo̧k an baam̧le ko im, ijo ekkar, kappok kein jipan̄ ko jān jukjuk in pād eo, ward, im stake.

Specialist eo emaron̄ jipan̄ membōr ro me ewōr utam̧we ko ilo ānbwin im rikōjparok ro rej kwaļo̧kmeļeļe ko kōn ro ewōr utam̧we ippān ro jet.

38.8.27.10

Menin Jipan̄ ko

Kein jipan̄ ko n̄an membōr ro ewōr mōjņo̧ ko ilo ānbwinnier, n̄an baam̧le ko im rikōjparok ro, im n̄an ritōl ro im rūkaki ro rej pād ilo disability.ChurchofJesusChrist.org. Website in ej letok:

• Meļeļe n̄an jipan̄ kōlapļo̧k meļeļe kōn apan̄ ko jelm̧ae jen ro me ewōr utam̧we in ānbwin ippāer.

• Kein jipan̄ ko n̄an jipan̄ membōr ro im ewōr aer utam̧we ilo ānbwin im baam̧le ko aer rej lo aenōm̧m̧an ilo gospel eo an Jisōs Kraist.

• Laajrak in kein katak ko an Kabun̄ in ilo format ko me rej pād n̄an membōr ro ewōr mōjņo̧ ko ilo ānbwinnier (barāinwōt lale store.ChurchofJesusChrist.org).

Kajjitōk ko remaron̄ kar tōl lo̧k n̄an:

Membōr ro ewōr Utam̧we ko ilo Ānbwin

50 East North Tempel Street

Salt Lake City, UT 84150-0024

Taleboon: 1-801-240-2477 ak 1-800-453-3860, extension 2-2477

Email: [e-mail]

38.8.28

Jerbal in karejar n̄an Membōr ro raar Lanwōtwōt jen Jorrāān im Kakkure

Ritōl ro an Kabun̄ in kar rōjan̄ er n̄an ļoor waanjon̄ak eo an Rilo̧mo̧o̧r n̄an leļo̧k kōjatdikdik, meļeļe, im iakwe n̄an ro raar lanwōtwōt jen jorrāān im ro raar kakkure (lale Matu 25:34–36, 40).

Stake būreejtōn eo ej tōl jerbal in karejar n̄an jikin kalbuuj eo. Jerbal kein ekoba jipan̄ rūtto ro im jodikdik ro rej kalbuuj ak kar diwōj jān kalbuuj ak jikin kalbuuj. Jerbal in ekoba kea kōn baam̧le ko im ajri ro kōn kakkure jen ro jinen im jemān ak eo ejitenbōro.

Ritōl ro ewōr aer rikalbuuj ilo iunit eo aer raikuj bōk bun̄ten ko n̄an jino bōk iien em̧m̧an n̄an jerbal in karejar im aikuj ko. N̄an kein jipan̄ ko im unin tōļ ko, ritōl ro remaron̄ in kūrļo̧k Church Prison Ministry Division:

Email: [e-mail]

Telephone: [phone] ak 1-800-453-3860, extension 2-2644

38.8.29

Tōmak ko Jet

Eo eļap im ej im̧we, eutiej, im erreo in katuiej eo eutiejtata im ej waļo̧k ilo elōn̄ iaan tōmak ko jet. Mijenede ro im membōr ro jet rej aikuj in jeļā im kautiej tōmak ko im iminene ko an ro jet. Rej aikuj barāinwōt kwaļo̧k kōmmetak.

Stake im mijen būreejtōn ro me ewōr aer kajjitōk ko kōn jemdoon ko ippān kabun̄ ko jet aikuj kūrļo̧k Eria Būreejtōnji eo. Ritōl ro jet an ijo im ewōr kajjitōk ko ippāer rej aikuj in kūrļo̧k stake eo ak mijen būreejtōn eo.

38.8.30

M̧akūtkūt im Jepelļo̧kin Kien

Membōr ro an Kabun̄ in rej kōketak er n̄an bōk koņaer ilo jerbal in political im kien. Ilo elōn̄ laļ ko, menin emaron̄ koba:

• Bout.

• Kobaļo̧k ak jerbal ilo bade in politic ko.

• Leļo̧k jipan̄ ikkijeen jāān.

• Ekōnono ippān rijerbal ro an bade eo im rijibadōk ro.

• Bōk koņaer ilo ikitōltōl ko raenōm̧m̧an, rem̧m̧an.

• Jerbal ilo opiij ko kāālet n̄an e ak kappeik ilo kien ko ijo jokwe ie ak kien eo ioļap.

Membōr ro rej barāinwōt kōketak er n̄an bōk koņaer ilo jerbal ko rem̧m̧an n̄an kōm̧m̧an bwe jukjuk in pād ko aer rej jikin ko rem̧m̧an n̄an mour im karūttoļo̧k baam̧le ko.

Ekkar n̄ak kakien ko an jikin eo, membōr ro kar kapilōk er n̄an rejijtōr n̄an bout im n̄an lukkuun etale būrabļōm ko im ro rej ettōr. Pedped in katak ko rejetjet ippān gospel eo maron̄ loi ilo elōn̄ political bade ko. Armej ro Rekwojarjar ilo Raan-ko Āliktata ewōr juon aer eddo aorōk n̄an pukōt im dāpij ritōl ro me rem̧ool, em̧m̧an, im lo̧ļe (lale Katak im Bujen Ko 98:10

Kabun̄ in ej jab bōk koņaan n̄e jej kōnono kōn political bade ko, political kōttōpar ko im rijōbadōk ro n̄an political opiij. Kabun̄ eo ejjab jeje n̄an jabdewōt bade in wōnm̧aanļo̧k ak eo ej tello̧kin ilo ekeelel. Ak ej rōjan̄ membōr ro kilen n̄anbout.

Ilo jekjek ko rem̧m̧an, n̄e unin kōnono ko an mour ak iminene ko an Kabun̄ in rej koba, Kabun̄ in emaron̄ bōk jikin ilo jerbal ko an politic. Ilo kain jekjek rōt in, Kabun̄ in emaron̄ bōk koņaan ilo political jeje n̄an kwaļo̧k kōļmenļo̧kjeņ ko an. Būreejtōnji eo Kein Kajuon wōt emaron̄ kōmālim:

• Kwaļo̧k ia eo Kabun̄ in ej jutak ie ilo unin kōnono ko an mour.

• Kapen bwe Kabun̄ in ej rie im ak jum̧ae kakien eo.

• Kwaļo̧k erreim̧anļo̧k eo an Kabun̄ kōn men ko kien ej ellotaan ak lo ruōn Kabun̄ in.

Ritōl ro an Kabun̄ in ijo jokwe ie rejjab aikuj aiin membōr ro n̄an bōk koņaer ilo jerbal in politic ko. Ak ritōl ro rejjab aikuj in kajjieon̄ kareel ekōjkan an membōr ro bōk koņaer.

Membōr ro me rej pukōt opiij eo kāālet n̄an e ak kappeik an public aikuj in jab ba me Kabun̄ in ej rie er ak ritōl ro an. Ritōl ro im membōr ro rej aikuj barāinwōt bōbrae ennaan ko ak kōm̧m̧an bwe en ļōmņak kake āinwōt rie an Kabun̄ in aj jabdewōt political bade, jibadbad, kakien, ak rijibadōk.

Jekdo̧o̧n n̄e bōk juon jerbal ilo jerbal in politic, Kabun̄ in ejjab kajjitōk ippān ritōl ro kar kāālet er n̄an bout ilo jet jekkej ko ak bōk jet jerbal. Membōr ro me kar kāālet er rej kōm̧m̧ani jokāālet ko aer make. Rikien rein remaron̄ jab errā ippān doon ak kōn kwaļo̧k ilo lo̧bwilej ia eo Kabun̄ in ej jutak ie. Rejjab kōnono ilo etan Kabun̄ in.

Political jokāālet ko im ko rej ippān rejjab aikuj in unin kōnono eo an jabdewōt katak ko ak jojomar ilo jekjek ko an Kabun̄ in. Ritōl ro rej lale bwe kweilo̧k ko an Kabun̄ in im m̧akūtkūt ko ren pedped wōt ioon Rilo̧mo̧o̧r eo im gospel eo An.

Membōr ro rej jab aikuj bar ekajete juon kōn ilo jerbal in politic ko. Armej ro Rekwojarjar ilo Raan-ko Āliktata remaron̄ uwaan political bade ko rellōn̄ im bout n̄an elōn̄ rijibadōk ro. Aolep rej aikuj en̄jake ruwainene ilo jekjek ko an Kabun̄ in.

Rekoot ko an Kabun̄, bok ko, im koāieerļo̧k wōt rejjab maron̄ jerbal n̄an kōttōpar ko an kien.

M̧ōko im̧ōn Kabun̄ rejjab maron̄ jerbal n̄an kōttōpar ko an kien. Ijowōt ke, facility ko maron̄ kōjerbali n̄an bout ak rejijtōr n̄e ejjeļok bar juon jikin em̧m̧an (lale 35.5.6.3).

38.8.31

Ņojak an Membōr ro

Ritōl ro an Kabun̄ rej aikuj in kōjparok ņojak ko an mem̧bōr ro. Rekoot ko an Kabun̄ in, tōreektōri ko, im kein katakin ko rekar maron̄ jab kōjerbal n̄an kōj make, kadeļeļe, wia kake, ak un ko an kien (bar lale 38.8.13).

Ritōl ro an ward im stake rej aikuj jab kakkoņ ak kwaļo̧k meļeļe ko rettiņo an Kabun̄ in inabōj in jerbal ko me Kabun̄ in ej letok, system, ak intōrnōt ko. Waan̄jon̄ak ko kōn meļeļe ko rej aikuj pād ilo ittiņo an Kabun̄ in ekoba meļeļe ko an armej eo:

• Kadkadk in (status) in membōr eo an.

• Aikuj ko ilo Mour in Kanniōk.

• Meļeļe ko jet an juon make me rejjab waļok ilo̧bwilej.

Meļeļe ko jān kajjojo ak opiij eo an kien me rej kōnono kōn kakien ko ikkijeen data privacy rej aikuj loļo̧k ak kepaak Church Data Privacy Office.

Email: [e-mail].

Ritōl ro an ward eo im stake eo rej aikuj uwaake kajjitōk kein.

Kōn kōjeļļā eo ikkijeen privacy an Kabun̄ in, lale “Privacy Notice” ilo ChurchofJesusChrist.org. Membōr ro remaron̄ barāinwōt kajjitōk ippān ritōl ro an stake eo ak ward eo n̄an jipan̄ er tōpar kakien eo.

38.8.32

Ņojak an Jeje ko Ededeļo̧k Jei

Membōr ro rej aikuj in jab kajjitōk ippān Ritōl ro Routiej an Kabun̄ in, Opija ro Routiej an Kabun̄ in, ak Eria Jilimjuonn̄oul ro n̄an aer rūkōm̧m̧an bwebwenato ak kōmālim bok ko an Kabun̄ in ak jeje ko jet an Kabun̄ in.

38.8.33

Rekoot, Kōm̧m̧an Kape, Stream in Ennaan ko jān Ritōl ro Routiej an Kabun̄ in, Opija ro Routiej an Kabun̄ in, im Eria Jimjuonn̄oul ro.

Membōr ro rej aikuj jab rekoote, kōm̧m̧an kape, ak stream i meļeļe ko jān Ritōl ro Routiej an Kabun̄ in, Opija ro Routiej, im Eria Jiljilimjuonn̄oul ro. Ijo wōt ke, jet kweilo̧k ijo ritōl rein rej kōnono maron̄ in stream ium̧win tōl eo an bisop eo ak stake būreejtōn eo. N̄an meļeļe ko, lale 29.7

Membōr ro remaron̄ in rekooti kadiwōjļo̧k ko an kweilo̧k eo eļap ilo kein rekoot ko an m̧weo n̄an kajjojo, kōjerbale jab n̄an pejnej.

38.8.34

Oktakļo̧k n̄an Kabun̄ eo im Membōr ro

Āt eo etan Kabun̄ in kar letok kōn revelesōn n̄an Rikanaan Josep Smith ilo 1838: “Bwe āindein naaj etan Kabun̄ eo Aō ilo raan ko āliktata, em̧ool Kabun̄ eo An Jisōs Kraist im Armej Ro Rekwōjarjar ilo Raan Ko Āliktata” (Katak im Bujen Ko 115:4). Kōnono kōn Kabun̄ in im membōr ro an ilo wāween ko me kar kōmeļeļeik itulaļ ej kwaļo̧k juon ekkejejl ikōtaan Jisōs Kraist im membōr ro an Kabun̄ eo An.

Kōnono kōn Kabun̄ in ej aikuj koba likio in etan jabdewōt iien emaron̄. Ālkin juon iien kwaļo̧k likio in etan, eļan̄n̄e kōnono ilo tukadu in n̄e ej aikuj, ļoor naan kko rejetjet im kōketak:

• Kabun̄ in

• Kabun̄ eo an Jisōs Kraist

• Kabun̄ eo an Jisōs Kraist me kar kōjepļaaktok

N̄e kōnono kōn membōr ro an Kabun̄ in, ļoor naan ko rejetjt im kōņaan:

• Membōr ro an Kabun̄ eo an Jisōs Kraist im Armej ro Rekwojarjar ilo Raan Ko Āliktata

• Armej ro Rekwojarjar ilo Raan-ko Āliktata (en̄in ej āt eo kar letok jān Irooj n̄an armej in bujen ro An ilo raan ko āiktata)

• Membōr ro an Kabun̄ eo an Jisōs Kraist

N̄e kōnnaan kōn membōr ro an Kabun̄ in kōn taitōļ ko jet, āinwōt “Mormons” ak “LDS,” ebōd.

Mormon ejim̧we kōjerbale ilo āt ko rejetjet eo āinwōt Bok in Mormon. Ej barāinwōt jim̧we kōjerbale āinwōt juon adjective ilo kwaļok bwebwenato eo āinwōt “Mormon Trail.”

Naan eo Mormonism ejjab jetjet, im kōjerbale em̧ōj kabōjrake. N̄e ej kōmeļeļe kobain katak, m̧anit, im m̧wil ko roktak an Kabun̄ in, naan eo “gospel eo an Jisōs Kraist me em̧ōj an jepļaaktok” ejejjet im em̧m̧anļo̧k.

38.8.35

Rijipo̧kwe ro

Elōn̄ armej rej ko jān kapijuknen ko aer kappukot jipan̄ jān kakkure, tariņae, jum̧ae ko an kabun̄, im jekjek ko me rekamijak n̄an mour ko aer. Āinwōt m̧ōttanļo̧k eddo ko aer n̄an kea kōn ro rej aikuj (lale Mosaia 4:26), membōr ro an Kabun̄ in rej leļo̧k aer iien, talōn, im jeļā m̧ōttā n̄an karuwaineneik rijipokwe ro āinwōt membōr ro an jukjuk in pād ko aer. Lale Matthew 25:35; ChurchofJesusChrist.org/refugees.

38.8.36

Kajjitōk ko kōn Jipan̄ in Jāān an Kabun̄ in

Būrookraam̧ ko im kar kajutaki an Kabun̄ in rej bōktok jipan̄ ikkijeen jāān n̄an armej ro rej aikuj im n̄an un ko rekkar.

Kabun̄ in ej jipan̄ membōr ro rej pād ilo aikuj ej kōm̧m̧an jān bisop eo (lale 22.3.2). Bisop ro rej ļoor pedped in katak ko im kakien ko me em̧ōj ejaaki n̄an jipan̄ lale bwe jāān ko an Kabun̄ in ren kōjebali ilo jetjet (lale 22.4 im 22.5).

Membōr ro rej pād ilo aikuj rej kōketak er n̄an kōnono ippān bisop eo aer ijello̧kin kepaak opiij ko reļlap an Kabun̄ in ak kajjitōk jāān jān ritōl ro jet ak membōr ro an Kabun̄ in. Bisop eo enaaj maron̄ kajjitōk ippān ritōl ro jān doulul eo an elder ro im Doulul eo an Kōrā ro n̄an jipan̄ etale aikuj ko.

38.8.37

Etale ilo Kabun̄ in

Jibadbad eo an etale ilo Kabun̄ in ej n̄an aintok meļeļe ko rem̧m̧an n̄an rie arto arta ko an ritōl ro routiej an Kabun̄ in. Correlation Research Division (CRD) ej make wōt agency em̧ōj kōmālim an Kabun̄ in n̄an etale ak kappok meļeļe ko. CRD eo emaron̄ barāinwōt ippāņ third-party agency ko n̄an kōm̧m̧ane etale eo.

N̄e Kabun̄ in ej kōmālim rietale ro kepaak membōr ro ak ritōl ro, rej leļok juon rijerbal meļeļe ko n̄an tōpar rijerbal eo an CRD. Rijerbal in emaron̄ uwaake kajjitōk ko kōn etale eo.

CDR eo ej pukōt n̄an kōjparok kadkad eo im uwaak ko an ro rej bōk koņaer ilo etale eo. Armej ro remaron̄ ba rejjab bōk koņaer ilo jabdewōt iien. Remaron̄ kajjitōk n̄an jab uwaake jabdewōt ak aolep kajjitōk ko.

Ro jinen im jemen ak rikōjparok ro rej aikuj leļo̧k kōmālim eo m̧okta n̄an ajri ro ium̧win 18 kūr eo n̄an bōk koņaan ilo juon ekkatak.

Ritōl ro ijo jokwe ie rej aikuj jab kōmālim jabdewōt etale reiookļo̧k Kabun̄ in. Menin ekoba kōjerbal membōr ro āinwōt kein ekkatak ko an etale eo.

CRD ej ļoor aolep kakien ko an data privacy eo. Ritōl ro ijo jokwe ie rej aikuj barāinwōt ļoor kakien kein im aikuj jab leļo̧k meļeļe ko an juon make an membōr ro n̄an rikkatak ro rejjab mālim im reseach agency ko.

Jet etale ej aikuj aiin meļeļe ko ilo kweilo̧k ko an Kabun̄ in. Menin eļap tata an m̧ool eļan̄n̄e kweilo̧k eo ej pedped eo an ekkatak eo. Ilo kain jekjek ko, CRD eo enaaj jerbal ippān ritōl ro an jikin eo jokwe ie n̄an kanooj lale bwe an pād rikkatak ro ejjab kakkure kweiļok ko.

N̄an kam̧oole jabdewōt kajjitōk an etale eo, kūrļo̧k Correlation Research Division:

Taļeboon: 1-801-240-2727 or 1-800-453-3860, extension 2-2727

Email: [e-mail]

38.8.38

Kautiej Mo̧ ko an Ijo Jokwe ie kōn Kwaļo̧k Gospel eo

Kabun̄ in ej jerbal n̄an kakūrm̧ool kien eo an Jisōs Kraist n̄an bōk gospel eo n̄an aolepān laļ in (lale Matu 28:19). Mijenede ro rej jerbal ilo laļ ko wōt ijo kile er jān kien im ruwainene jān kien ko an ijo jokwe ie.

Kabun̄ in im membōr ro an rej kautiej aolep kakien ko im menin aikuj ko ikkijien kijejeto ko an mijenede. N̄an waanjon̄ak, ilo jet iaan m̧ōttan ko ilo laļ in, rej jilkinļo̧k wōt mijinede ro n̄an jipan̄ ikkijeen menin jipan̄ ko ak mijen ko jet rejeņoļo̧k. Mijinede ro rejjab etetal im kwaļo̧k naan. Kabun̄ eo ejjab jilkinļo̧k mijenede ro n̄an jet laļ.

38.8.39

Kōjparok ilo Kōjerbal Menin Jipan̄ ko an Kabun̄ in im Jerbal in Un̄n̄are Peid Make ko

Menin jipan̄ an Kabun̄ in im jerbal in un̄n̄are peid make ko ewōr kein jerbal im mijiin me remaron̄ kwaļo̧k jorrāān eļan̄n̄e jab kōjerbale ilo jetjet. Agent stake būreejtōn ro (ro me rej jitōn) im menija ro an jerbal kein rej aikuj kanooj lale safety eo an rijerbal ro im baļiniter ro.

Rijerbal ro rej aikuj in kar ekkatak emmakūjkūj ilo kamminene ko im rejokņe. Peļaakin jikin jerbal eo aikuj in etale iien̄ n̄an iien. Health im safety kauwōtata ko rej aikuj kajim̧wi. Kapilōk ilo jim̧we ej aikuj iienotemjej kar pojaktok n̄an lukkunin lale bwe rijerbal ro rej ļoori kōmeļele ko, kōjerbali kein jerbal ko im kajim̧we m̧weiuk, im joļo̧k m̧wil ko rejorāān.

Ekkā an ro rej jerbal ilo jerbal kein rej aikuj bwe ren 16 iiō ak rūttoļo̧k. Ro im rej loloorjaki kein jerbal kein rej aikuj rūtto ilo kōļmenļo̧kjen, bwe ilo kaminene, im lōn̄ aer iminene n̄an kōjerbale. Ro reritto wōt remaron̄ in loloorjaki m̧weiuk.

Eļan̄n̄e juon jorrāān ej waļo̧k, operations manager eo ej riboot e n̄an jekein rej ellaajrak:

• Welfare and Self-Reliance Services: 1-801-240-3001 or 1-800-453-3860, extension 2-3001

• Risk Management Division ilo Church headquarters (lale 20.7.6.3 n̄an meļeļe ko)

38.8.40

Jeje Ko Rekwojarjar

38.8.40.1

Kakobaba ko an Baibōļ eo Ekwojarjar

Kabun̄ in ej kile kakkobaba ko an Baibōļ me ej ekkeijelļo̧k wōt ippān katak ko an Irooj ilo Bok in Mormon im revelesōn ko rainin (lale Laarakin Tōmk ko 1:8). Juon kakkobaba in Baibōļ eo kar kālet ilo elōn̄ kajin ko kōnono jen membōr ro an Kabun̄ in.

Ilo kajin ko jet, Kabun̄ in ej je make kakkobaa eo an Baibōļ eo. Kabun̄ ej je kakkobaba ko peded ioon jon̄ak in jeje ko an Baibōļ eo. Waanjon̄ak ko ekoba:

• Kiin̄ Jemes eo ilo Kajin Pālle.

• Reina-Valera (2009) ilo kajin Spanish.

• Almeida (2015) ilo kajin Portuguese.

Kabun̄ in ej je kakkobaba ko ilo Baibōļ ekoba footnote ko, indexes ko, im kein katak ko jet.

N̄e ekkar, membōr ro raikuj kōjerbal Baibōļ eo Kabun̄ in ekar je n̄an kūlaaj ko im kweilo̧k ko. Menin ejipan̄ im dāpij kōnono ko im juon wōt meļeļe ilo ekkatak. Kakkobaba ko jet an Baibōļ juon make n̄an kōjerbali ak ekkatak.

38.8.40.2

Ukook in Jeje ko Rekwojarjar

Irooj ekar im̧we rikanaan ro An im rijilōk ro n̄an dāpij ekkatak in jeje ko rekwojarjar ilo jokne (lale Katak im Bujen Ko 42:56). Ko̧o̧njeļ eo an Būreejtōnji eo Kein Kajuon im Doulul eo an Jon̄oulruo Rijilōk ro jerbal ippānļo̧k eo ej lale ukook in jeje ko rekwojarjar an Kabun̄ in. Kōjerbal jerbal ko remālim ejipan̄ lukkuun lale bwe katak ko ren jejjet im dāpij meļeļein jeje eo m̧okta.

Eria Būreejtōnji eo ej jilkinļo̧k kajjitōk ko n̄an ukook ko rekāāl an jeje ko rekwojarjar n̄an Church Correlation Department eo.

38.8.40.3

Kajin eo Kiiō an Jeje ko Rekwojarjar

Ko̧o̧njeļ eo an Būreejtōnji eo Kein Kajuon im Doulul eo an Jon̄oulruo Rijilōk ro.rejjab kōmālim jerbal ko n̄an ukote ak bar je jeje ko rekwojarjar n̄an kajin eo kiiō ak kajin eo ejjab ekkar. Ko̧o̧njel in ejjab bōk bok ko je an Kabun̄ in n̄an ajri ro.

38.8.40.4

Bōk Jeje ko Rekwojarjar

Kape in jeje ko rekwojarjar, im ekoba jet kakkobaba ko an Baibōļ, repād ilo Church Distribution Services. Kakkobaba in Baibōļ eo maron̄ bar pād ilo jikin wia ko, online, im Baibōļ mobile ko. Electronic text im audio rekoot ko an Kabun̄ in rej publish i edition ko im jet iaan edition kein kōnono kaki rej pād ilo Gospel Library app im ilo scriptures.ChurchofJesusChrist.org. Kein katak kein rej bar letok laajrak in eoon ko me repād ilo kajin ko.

38.8.41

Kappukot Meļeļe ko jān Kein Jipan̄ ko Rekkar

Ilo laļin rainin, meļeļe epidodo tōpare im kwaļo̧ke. Emaron̄ in juon kōjeraam̧m̧an eļap n̄an ro rej kappukot jeļāļo̧kjeņ im kapeel. Ijoke, elōn̄ menin jipan̄ ko kōn meļeļe rejjab ekkar im rejjab em̧m̧an. Jet kein jipan̄ rej kwaļo̧k illu, jum̧ae, mijak, ak riab kōn kōm̧m̧an (lale 3 Nipai 11:30; Mosaia 2;32). Kōn menin, eaorōk bwe membōr ro an Kabun̄ in ren jeļā ilo aer kappukot m̧ool eo.

Membōr ro an Kabun̄ in raikuj kappukot im kwaļo̧k men ko raorōk wōt, rekkar, im meļeļe in jipan̄ ko rem̧m̧an. Rej aikuj kowaan kein jipan̄ ko me rejekkar ak ej kwaļo̧k abwilōn̄lōn̄. Tōl eo an Jetōb Kwojarjar, ippānļo̧k lukkuun ekkatak, emaron̄ jipan̄ membōr ro kile ikōtaan m̧ool im bōd (lale Katak im Bujen Ko 11:12; 45:57). Kōn wāween ko raorōk an katak ko im kakien ko an Kabun̄ in, kein jipan̄ ko remālim rej jeje ko rekwojarjar, katak ko an rikanaan ro remour, im Bok in Bōk Meļeļe eo Eļap.

38.8.42

Kweilo̧k ko (seminar) im Ain Doon ko Reierļo̧k

Kabun̄ in ej kakkōļ membōr ro ņae kweilo̧k ko (seminar) im ain doon ko reierļo̧k me ekoba kwaļo̧k ko (presentation) me:

• Jab kaorōk, kajirere, ak kōm̧m̧an ko aer me rejjab ekkar n̄an un kein rekwojarjar.

• Emaron̄ kakkure Kabun̄ in, kajejtokjen mijen eo an, ak likūt ilo jekjek ko rōkauwōtata mour an membōr ro im ritōl ro.

Ro uwaan rej aikuj in jab kōtļo̧k ijoko jikier ak jutak ilo Kabun̄ eo n̄an aer naaj kar kōkm̧anm̧anļo̧k ak kapeik mālim in kain kobatok ko.

N̄an meļeļe ko reļļapļo̧k, lale 35.5, 38.6.12, im 38.7.8. Barāinwōt lale Jekab 6:12.

38.8.43

Jipan̄ n̄an membōr ro ilo Aujpitōļ ko im Jentōr in Kōjparok ko

Ritōl ro rej leļo̧k jipan̄ n̄an membōr ro ilo jujpitōļ ko im jentōr in kōjparok ko ilowaan iunit ko aer. Rej ļoor unin tōl ko kar ejaaki jen facility ko.

Meļeļe ko kōn kōjeraam̧m̧an kwojkwoj eo n̄an membōr ro ilo facility kein, lale 18.9.1. Meļeļe ko n̄an ejaake juon ward ak branch, lale 37.6.

38.8.44

M̧akūtkūt ko rej Ewōj

Ritōl ro an ward im stake rej aikuj in lale bwe makūtkūt ko an Kabun̄ ilo ijo ren jab kakkure kadkadin owōr eo an Kabun̄. N̄an unin tōl ko, lale 34.8.1.

38.8.45

Owōj ko

Membōr ro an Kabun̄ in rej pokake kakien ko ikkijeen ewōj ko an laļ eo ijo rej jokwe ie (lale Laajrak in Tōmak Ko 1:12; Katak im Bujen Ko 134:5). Membōr ro rej jab errā kōn kakien ko an eeoj maron̄ kapan̄ er ilo an kakien eo an laļ ko aer rej kōtļo̧k.

Membōr ro an Kabun̄ in rejjab ļoor kakien ko im katak ko an Kabun̄ in eļan̄n̄e rej:

• Likjab kōn un ak makoko n̄an kōļļāik ewōj ko remenin aikuj.

• Kōm̧m̧an akwāāl ko ņae kien n̄an bōbrae jān kōļļā eeoj ko.

• Makoko n̄an ļoor juon ekajet āliktata ilo juon tax proceeding me ej aikuj bwe ren kōļļā ewōj ko.

Membōr remaron̄ jab karbōk n̄an kabwijer juon peba in mālim in deļo̧n̄e tampeļ. Rejjab aikuj in kūr n̄an jerbal in tōl ko ilo Kabun̄ in.

Juon ko̧o̧njeļ in kajjim̧we an membōr ej emenin aikuj eļan̄n̄e juon membōr ro lo ruo kōn jorrāān (felony) kōn kakkure kakien ko an ewōj (lale 32.6.1.5).

38.8.46

Kakien ko Ikkijien Itok-itak

Juōn em̧m̧aan im juōn kōrā rejjab aikuj in ito itak ippān doon n̄an makūtkūt ko an Kabun̄, kweilo̧k ko, ak ijjitōn̄ ko m̧ae iien eo rekar m̧are n̄an doon ak erro jim̧or rejjan̄in m̧are. Kōn kakien ko jet ikkijeen ito itak (travel), lale 20.7.7.

38.9

Iien Jar ko ilo Jikin Tariņae im Ritōl Jar an Ritariņae ro

Stake būreejtōn ro im bisop ro rej jipan̄ leļo̧k kōjeraam̧m̧an ko an Kabun̄ n̄an membōr ro me rej jerbal ilo jikin tariņae ko. Jikin jar an Kabun̄ ilo jikin tariņae im būrokraam̧ in jar ko ekitbuuj:

• Jipan̄ jān stake ko im ward ko.

• Katak ko an Kabun̄ n̄an membōr ro rej deļon̄ e jerbal in tariņae.

• Doulul an ward ko, branch ko, ak kūrub in armej ro an Armej ro Rekwojarjar ilo Raan ko Āliktata.

• Kōmālim eo an im jipan̄ jān chaplain ro an Armej ro Rekwojarjar ilo Raan ko Āliktata.

• Meļeļe kilen wāween ekkōņak kaarmen ilo jikin tariņae.

• Jipan̄ ripālele mijinede ro me kar jitōn̄ er n̄an bōk eddoin jikin jar ko an ritariņae ro.

38.9.1

Ritōl ro an Stake rej kōm̧m̧an Bujen ko ikōtaan Kabun̄ eo ilo Jikin Tariņae

Eļan̄n̄e kāām ak membōr ro rej jerbal ilo jikin tariņae rej pād ilo juon stake, stake būreejtōnji eo ewōr ippān eddo ko rej ellaajrak ilo jākjen in. Eļan̄n̄e jabdewōt kāām in tariņae ko rej pād epaak e juon mijen ijjello̧kin juon stake, mijen būreejtōn eo ej kakūrm̧ool eddo kein.

Juon iaan membōr in stake būreejtōnji ej lale wāween ko rejelet jikin tariņae ilo stake eo. Emaron̄ kūr juon em̧m̧aan ak kōrā n̄an jerbal āinwōt juon eo etijem̧ļo̧k (specialist) an jikin tariņae eo. Membōr in ejjab aikuj in wōr an imminene kōn jikin tariņae. E ak lio rej lale bwe kein jipan̄ ko rej maron̄ liļo̧k n̄an jipan̄ membōr ro an jikin tariņae eo ilo stake eo. Menin emaron̄ koba ilo iien jineete jerbal in jipan̄ an jikin tariņae eo (lale 38.9.3).

38.9.1.1

Jikin jar ko an Kabun̄ in ilo Kāām in Tariņae ko

N̄e iien jar ko an Kabun̄ in rej kōm̧m̧ani ilo jikin kāām ko an ritariņae, būreejtōn eo an juon stake ijo ewōr juon kāām in jikin tariņae im baam̧le ko aer (lale 38.9.4):

• Juon ward ippānļo̧k juon bisoprik (n̄e kar kōmālimi jān Būreejtōnji eo Kein Kajuon)

• Juon branch ippānļo̧k juon branch būreejtōnji

• Juon kurup in membōr ej jerbal ippān kurup in ritōl ro im rijipan̄ ro

Stake būreejtōn eo ej kūri, kōjenolo̧ke, im lale ritōl ro ilo iunit kein. Ej leļo̧k n̄an ritōl rein meļeļe ko n̄an kepaak ritōl rein n̄an Church’s Military Relations im Chaplain Services Division eo. Emaron̄ in jitōn̄ juōn ward n̄an leļo̧k jerbal in jipan̄ n̄an kajjojo ro uwaan doulul eo.

Stake būreejtōn eo ej jerbal ippān Military Relations im Chaplain Services n̄an kepooj juon leta in ijjitōn̄ n̄an kajjojo bisop, būreejtōn, ak kurup ritōl. Leta in ej kwaļo̧k eddo ko an im ej kōmālim e n̄an tōl iumin eo im tōl kweilo̧k ko. Juon kape in leta ej aikuj leļo̧k n̄an ritōl jar eo.

Ilo jikin tariņae ko an Amedka eaikuj bwe en wōr juon chaplain ej leļo̧k jerbal in tōl n̄an lale jabdewōt kweilo̧k in jar kōm̧m̧ani ilo kāām in jikin tariņae ko. Eļan̄n̄e ewōr juōn chaplain an Armej ro Rekwojarjar ilo Raan ko Āliktata ilo kāām eo, ekkā an lale juon iunit eo an Kabun̄ in me rej kweilo̧k ijo. Chaplain eo ejjab tōl ilo iien kabun̄jar eo n̄e ej juon bisop, branch būreejtōn, ak kurup ritōl. Ijoke, ej aikuj pād im bōk kuņaan.

Juon membōr in stake būreejtōnji eo ej jerbal ippān senior chaplain eo ilo kajjojo kāām in ritariņa ilo stake eo. Ej lukkuun lale bwe bisop ro an ward ko me tōrerein im jem̧ļo̧kin ward ko repaake juon kāām in tariņae ren kōm̧m̧an ejja ilo wāween eo wōt. Ritōļ rein rej karon̄ chaplain eo kōn jikejuuļ in kweilo̧k eo an ward eo, jikin kweilo̧k eo, im armej eo ej lale. Chaplain eo emaron̄ leļo̧k meļeļe in n̄an membōr ilo kāām eo.

38.9.1.2

Chaplain ro an Armej ro Rekwojarjar ilo Raan Ko Āliktata ilo stake ko

Stake būreejtōn eo ej intōrpiuik chaplain ro an Armej ro Rekwojarjar ilo Raan Ko Āliktata kajjojo iiō ro rej jokwe ilowaan stake eo. Ej lale erreeo im maron̄ eo an chaplain eo n̄an jerbal. Stake būreejtōn eo ej bar kōjenoļo̧k intōrpiu ko an kajjojo an ro ippānchaplain ro kajjojo iiō.

Chaplain ro im ro pāleer rej aikuj wōr aer kūr ilo ward ak stake eo. Juon chaplain eaikuj kabwijer Priesthood eo an Melkesidek remaron jerbal ilo kūr in tōl ko, āinwōt high ko̧o̧njel ak tōl juon ward an ritariņae, branch, ak ritōl kurup. Ijoke, kūr in en jab idaaptōk ippān eddo ko an ilo jikin tariņae.

Chaplain ro remaron̄ jipan̄ stake būreejtōn eo ilo wāween kein ilaļ:

• Riboot ilo kweilo̧k ko an stake ko̧o̧njeļ ilo kāām ko an ritariņae ilo iunit in kweilo̧k ko an Kabun̄ in. Riboot kein raikuj kobaik meļeļe eo kōn membōr ro rekāāl im ro rej ro̧o̧ltok.

• Jerbal āinwōt rikōnono ikōtaan ritōl ro an jikin tariņae eo im stake būreejtōn eo.

• Emaron̄ jipan̄ stake būreejtōn eo kile membōr ro ilo jikin tariņae n̄an kūr āinwōt ritōl kurup membōr ro.

• Jipan̄ ilo jerbal ko n̄an kōkajoorļo̧k membōr ro rekāāl im rej ro̧o̧ltok an Kabun̄ in ilo jikin tariņae.

• Jipan̄ kepooj membōr ro ilo jikin tariņae n̄an būki kain̄i ko rekwojarjar im kōjparok bujen ko aer.

38.9.2

Ritōl ro an Ward ilo Bujen ko Ikōtaan Kabun̄ ippān Jikin Ritariņae ilo Jikin Ritariņae

Juon membōr in bisoprik eo ej ioon membōr ro an ward eo m̧okta jen aer etal n̄an tariņae. Ej lukkun lale bwe en wōr juon iien em̧m̧an n̄an pād–lelok katak an Kabun̄ in ilo tariņae (lale 38.9.3).

Meļeļe kōn rekoot ko an membōr n̄an deļōn̄ jikin tariņae, lale 33.6.9. Jet membōr kar ijjitōn̄ n̄an jikin ko jet ak etal n̄an jikin tariņae. Ilo jekjek ko jet, bisop eo ej kūrļo̧k Church Military Relations im Chaplain Services Division eo n̄an bōk tōl kōn rekoot ko an membōr eo (lale 38.9.10).

Ritōl ro ilo ward eo raikuj in jeje emakijkij ippān kajjojo membōr ro an ward eo me rej pād ettoļok ilo jerbal in tariņae.

Bisop eo ej jerbal ippān senior chaplain eo ilo kajjojo kāām in ritariņa ilo ward eo.

38.9.3

Iien Jineete Jerbal in Jipan̄ an Jikin Tariņae

Iien jineete jerbal in jipan̄ an jikin tariņae eo ej jipan̄ membōr ro deļo̧n̄e im jerbal ilo jikin tariņae jeļā ta eo kōtmāne ko rejelet jerbal in jipan̄ ko an Kabun̄ in im m̧akūtkūt ko ilo jikin tariņae eo. Ej barāinwōt katakin er ewi wāween kōkajoorļo̧k tōmak ko aer im kōjparok bujen ko aer iien eo rej jerbal in jikin tariņae.

Juon membōr in stake būreejtōnji eo ak bisoprik eo ej kūr juon rūkaki an jikin tariņae eo n̄an leļo̧k jineete ko. Rikatakin in ewōr an imminene kōn tariņae. N̄e rikatakin in ejjab pād, stake būreejtōn eo ak bisop eo ej kūrļo̧k Military Relations and Chaplain Services Division kōn tōl.

N̄an meļeļe ko reļļap ļo̧k, lale “Military Service Orientation” jekjōn ilo Church’s Military Members pageeo.

38.9.4

Iunit ko an Kabun̄ n̄an Membōr ro rej Jerbal in Tariņae

Membōr ro me rej pād ilo jikin tariņae ekkā aer pād ilo ward ak branch ko repaak e kāām in tariņae ko aer. Ijoke, ilo jōkjōk kein, stake ak mijen būreejtōn eo emaron̄ in ejaak e juon ward, branch, ak juon jikin kweiļo̧k make n̄an membōr in doulul in ritariņae ko im baam̧le ko aer ilo kāām eo:

• Ejjeļo̧k ward en ettoļo̧k ilo kāām eo an ritariņe.

• Ritariņae personnel eo ejjab meļeļe kajin eo kōnono ilo ward eo jokwe ie.

• Ritariņae personnel eo ejjab maron̄ in etal jen kāām in tariņae eo kōnke kaminene ko rej menin aorōk ak ko jet rem̧o.

• Membōr ritariņae ro ilo iunit eo ak naaj etal n̄an jikin eo ijo juon iaan men kein rej jerbal:

  • Ejjeļo̧k Kabun̄ ie.

  • Kabun̄ in ijo jokwe ie eban kabwe membōr ro kōnke eoktak kajin eo.

  • Pād ilo kweilo̧k ko ijo jokwe ie ejjab alikkar.

• Membōr ro rej eddo in aikuj ko n̄e rej walo̧k ak National Guard iunit ko im pād ilo kaiminene ko ilo wiiken ak kaiminene ko ilo kajjojo iiō.

Ward ko im branch ko ilo kāām in tariņae eo rej kōjerbal laajrak eo ilo jebta 37.

Ward im branch ko ekkā aer jipan̄ membōr ro ilo jikin tariņae im baam̧le ko aer. Juon ward ak branch emaron̄ bar jerbal n̄an membōr ritariņae ro ro ejjeļo̧k aer baam̧le. Iunit kein remaron̄ jerbal n̄an membōr ro rej kamminene ak pād ilo kamminene ak ijjitōn̄ ko. Military ekkā an jab kōtļo̧k membōr ro an Kabun̄ ro me rejjab iāetōl ippān military ro rejjab pād ilo ward ak branch ko me rej kōjerbal installation facilities.

Eļan̄n̄e oraņ membōr ak n̄e jōkjōk ko rejjab kallikar n̄an ejaak e juon ward ak branch ilo juon kāām in military, stake ak mijen būreetjōn eo emaron̄ in ejaak e juon jikin kweilo̧k n̄an doulul in membōr ro rej pād ilo tariņae. Juon doulul in membōr ro rej jerbal ilo juon iunit jidikdik an Kabun̄ me remaron̄ in kōm̧mani kweiļo̧k in Kabun̄ eo im lale membōr ro ilo eria eo. Kurup ritōl eo ejjab kabwijer priesthood kii ko. Kōn wōt menin, ejjab mālim an bōk juon m̧ōttan jon̄oul ko im jortak ko, kapilōk membōr ro kōn jerawiwi ko reļļap, leļo̧k m̧o ko ilo rekoot ko an membōr, ak kōm̧m̧ani eddo ko jet me ekkar kii ko (lale 37.7).

N̄an meļeļe ko reļļap ļo̧k kōn kurup in jerbal in jipan̄ eo an membōr ro, lale “Find a Church Location or Leader” aim “Information for Group Leaders” jekjōn ko ilo Church’s Military Members pageeo.

N̄e juon iunit an Kabun̄ ej jutak ilo juon kāām an ritariņae, ritōl iunit eo ej kōnono ippan̄ senior chaplain eo an juon kāām in tariņae n̄an karōk iien kweiļo̧k ko im kōjerbal kāām eo n̄an kweiļo̧k. Eļan̄n̄e ejjeļo̧k juon chaplain ilo kāām me emōj kar jitōn̄e n̄an kāām eo, stake būreejtōn kōnono ippān opiija eo eutiej.

38.9.5

Doulul in Ritōl ro ilo Eria ko Rettoļo̧k ak Jikin Tariņae

Stake ak mijen būreejtōn ekkā aer kūr im kōjenolo̧k ritōl kurup eo. Ijoke, menin emaron̄ jab ekkar ilo jet jikin ko ak jikin tariņae ko. Ke ritōl in doulul in ejjab leļo̧k kii ko an priesthood ilo kūr eo ippān, ekkar bwe en ijjitōn̄ ilo ejjeļo̧k kōjenolo̧k. Priesthood ritōl eo ej eddoin jikin eo emaron̄ jitōn̄ juon rikabwijer Melkisedek Priesthood eo erreeo n̄an jerbal āinwōt kurup ritōl eo. Ej m̧okta etale erreeo eo an em̧m̧aan eo ippān bisop im stake būreejtōn eo an. N̄e chaplain eo an Armej ro Rekwojarjar ilo Raan ko Āliktata epād ilo eria eo, priesthood ritōl eo emaron̄ kōmālim e n̄an kūri im kōjenolo̧k juon ritōl kurup.

Ritōl kurup in ilo jikin ko rejepelōklōk maron̄ bōk kein jerbal ko im kein katakin ko an Kabun̄ in kōn kūrļo̧k Church’s Military Relations and Chaplain Services Division eo (lale 38.9.10).

Jet iien ritōl kurup ro rettoļo̧k jān membōr ro jet an Kabun̄ in. N̄e ritōl kurup in ej kabwijer Melkisedek Priesthood ak ej juon pris ilo Priesthood eo an Aaron, bisop eo an emaron̄ kōmālim e n̄an kōjeraam̧m̧an im bōk kuņaan ilo kwojkwoj eo. Eļan̄n̄e elōn̄ļo̧k jān juon membōr ilo juon jikin ejeņoļo̧k, juon ritōl kurup eaikuj in kūr.

Ra eo an Church’s Military Relations and Chaplain Services Division.eaikuj in jeļā n̄e em̧ōj kūr juon ritōl kurup. Juon leta in ijjitōn̄ eaikuj in etal n̄an e (lale 38.9.1.1).

38.9.6

Jerbal in Mijenede im Jerbal in Tariņae

N̄an laļ ko elōn̄ jerbal in ritariņae ie, membōr ro an Kabun̄ in raikuj kadedeļo̧k jerbal in tariņae eo aer m̧okta jen aer maron̄ jerbale juon mijen. Jet laļ remaron̄ kōtļo̧k an bōjrak jerbal in tariņae m̧ae iien em̧ōj jerbal in mijinede. Stake būreejtōn ro im bisop ro raikuj lukkuun meļeļe ta laļ ko aer raikuji bwe en em̧m̧aan aer kōmeļeļeik membōr eo. Membōr eo ej jerbal ilo Reserves ak National Guard emaron̄ in jerbale mijen ko ālkin an dedeļo̧k ekkatak im kaminene ko.

N̄an meļeļe ko reļļapļo̧k, lale “Missionary Service and Military Obligations” jekjōn ilo Church’s Military Members page.

38.9.7

Ritōl Jar ro an Armej ro Rekwojarjar ilo Raan Ko Āliktata

Ra eo ej eddoik Bujen ko Ikōtaan Kabun̄ ippān Ritariņae eo an Kabun̄ in ej leļo̧k mālim eo n̄an ritōl jar eo an ritariņae m̧aan im kōrā ro me rej jerbal ilo jikin ko an kien im jikin ko jet ejjab an kien. Karōk kein ekoba:

• Jikin tariņae.

• Aujpitōļ ko.

• Jikin lale rinan̄inmej.

• Kalbuuj ko.

• Jentōr in jipan̄ ko.

• Bwilijmāān im jikin ikkun kijeek ko.

• Border patrol.

• Civic im veteran organizations.

• College im university ko.

Kajjojo doulul ej ejaak n̄an make leļo̧k katakin im jerbal in jipan̄ ko rekkar n̄an chaplain ro. Elōn̄ wōt doulul ko rej aikuji an Kabun̄ rie im̧aan juon armej maron̄ jerbal āinwōt juon rikōm̧m̧an jar (chaplain) an Armej ro Rekwojarjar ilo Raan Ko Āliktata. Ilo Church Military Relations im Chaplain Services Division eo ej leļo̧k rie eo n̄an aolep rikōm̧m̧an jar (chaplain) an Armej ro Rekwojarjar ilo Raan Ko Āliktata. Leta in rie ko jān bisop ro im stake būreejtōn ro rejjab bwe im aikuj in jab leļo̧k juon.

Chaplain ro an Armej ro Rekwojarjar ilo Raan Ko Āliktata:

• Jerbal ippān armej ro jen elōn̄ tōmak ko, ekoba Armej ro Rekwojarjar ilo Raan ko Āliktata.

• Lale bwe kajjojo armej ren kōjerbal anemkwoj in kabun̄.

• Jipan̄ kōm̧m̧ane im karōk aikuj ko an kabun̄ an ro rej jerbal ippāer.

N̄an meļeļe ko reļļapļo̧k, lale “Latter-day Saint Chaplains” on ChurchofJesusChrist.org.

38.9.8

Ekkōņak Kaarmen ilo Jikin Tariņae

Lale 38.5.7.

38.9.9

Mijenede Rūtto Ripālele ro

Ripālele ritariņae ro ejemļo̧k aer jerbal maron̄ kūr n̄an jerbal āinwōt military relations mijinede ilo jikin ritariņae eo kar kālete. Rej jipan̄ priesthood ritōl ro ijo jokwe ie n̄an kōkajoorļo̧k membōr ro rekāāl im rej ro̧o̧ltok. Rej bar leļo̧k jipan̄ n̄an baam̧le ko me ro uwaan baam̧le ko aer em̧ōj jitōn̄ er n̄an etal n̄an juon jikin ettoļo̧k ilo juon iien eaitok im ettoļo̧k jān baam̧le eo aer.

38.9.10

Meļeļe ko Jet

N̄an meļeļe kōn rekoot ko an membōr ro rej jerbal ilo tariņae, lale 33.6.9.

N̄an meļeļe kōn kōjeraam̧man ko an petriak n̄an membōr ro rej jerbal ilo tariņae, lale 38.2.10.3.

N̄an meļeļe kōn kapit membōr ro rej jerbal ilo eria ko rettoļo̧k, lale 38.2.9.6.

N̄an meļeļe kōn leļo̧k peba in mālim n̄an deļo̧n̄e tampel ilo eria ko rettoļo̧k, lale 26.3.2.

Eļan̄n̄e ritōl ro ewōr aer kajjitōk ko kōn bujen ko ikōtaan kabun̄ ippān ritariņae, remaron̄ in kūrlok:

Military Relations im Chaplain Services Division

50 East North Temple Street, Room 2411

Salt Lake City, UT 84150-0024

Taļboon: 1-801-240-2286

Email: [e-mail]