Fesoasoani i Uo ia Tatou Tapuai Faatasi
Mo le toatele o tagata, o le auai i se lotu fou e taufaafefe. E mafai ona e fesoasoani i au uo ia maua se aafiaga lelei i le tapuai faatasi ai ma le Au Paia o Aso e Gata Ai i soo se mea lava latou te nonofo ai e ala i lou aveina o i latou i sauniga Lotu pe e ala i le sailia o se aulotu lata atu ia i latou e faaaoga ai le Meetinghouse Locator.
Fesoasoani i au uo ia iloa mea e faamoemoe e tupu i taimi o sauniga tapuai i Aso Sa. Tali a latou fesili. Tatalo ina ia latou lagona le taliaina lelei ma ia maua se aafiaga faaleagaga anoa pe a latou tapuai faatasi ma i tatou mo le taimi muamua. E mafai ona talosaga au uo mo se maimoaga taamilo i le falelotu ae latou te lei auai i le lotu pe saini e feiloai ma faifeautalai i le faleotu i le Aso Sa pe afai latou te mananao ai.
Soo se taimi e te alu ai i le lotu, vaavaai mo ma faailoa atu oe lava i tagata fou o lau aulotu. E mafai ona tatou faia faatasi a tatou sauniga tapuai ma falelotu ia mafanafana ma talia fiafia ai tagata uma. E i ai se nofoaga mo tagata uma lava i le Ekalesia a Iesu Keriso.
I nofoaga ua faamaonia ai e taitai perisitua i le lotoifale le faasalalauina i le initoneti o sauniga, e mafai ona e valaaulia uo o ē e le mafai ona auai atu i sauniga ia maua le sootaga o le vitio i le lotoifale e ala i le Gospel Stream.