49
Ang Dios Gugma
Sa kalumo
1. Yuta, sa bulak puno,
Hangin, may habohabo,
Langit walay utlanan,
Dagat, nindot ang tanan—
Ibabawg palibut ta
Nagmatuod: Dios gugma.
2. Tingog sa kabuntagon,
Diha sa kakahoyan,
Sa huyuhoy ug langgam,
Sa kisawng kulbahinam—
Sagradong manga kanta,
Usay koro: Dios gugma.
3. Tanang paglaum gikan
Sa tuburan sa dughan,
Moabut ang kalipay
Sa atong panimalay,
Tingog sa ibabaw ta
Naghagawhaw: Dios gugma.
Mga pulong: Thomas R. Taylor, 1807–1835, giusab
Musika: Thomas C. Griggs, 1845–1903