Manunubos sa Israel

May pagsalig

1. Manunubos sa Israel,
Ang kalipay ta,
Tinubdan sa atong grasya,
Ang atong haligi
Sa kagabhion,
Ang Haring mahigugmaon!

2. Ang iyang karnero
Pagapundukon
Ug ngadto sa Zion dadon,
Ang kamatayon
Ngano nga hilakan
O puyan ang kamingawan?

3. Unsa ta kadugayng
Nagpakasala
Tabang nimo gipangita!
Sa kasubo ta
Kaaway nagmaya,
Ang Israel gawasnon unya.

4. Sa Anak sa Zion,
Ma’yong balita.
Ang timaan nagpakita.
Ayaw kahadlok,
Atong gingharian.
Duol na ang kaluwasan.

5. Iuli, akong Dios
Ang kahayag mo;
Paghupay gipangayo ko;
Himoang kahidlaw
Diha kanimo
Mohupay sa kong kamingaw.

6. Liboan ka anghel
Sila nagmaya,
Naghulat sa pulong niya;
Misulti Siya,
Puno sa himaya,
Ipalanog ang Dios dayga.

Mga pulong: William W. Phelps, 1792–1872; gipahiangay gikan ni Joseph Swain, 1761–1796

Musika: Freeman Lewis, 1780–1859