Faailoa Atu Uo i Faifeautalai
O le valaaulia o ni uo e feiloai ma faifeautalai o se ala mamana lea e faasoa atu ai le talalelei a Iesu Keriso. E silafia ma alofa atoatoa le Tama Faalelagi i au uo, ma o le a fesoasoani ina ia e iloa le taimi ma le ala e tuu atu ai valaaulia ia i latou e feiloai ma faifeautalai.
Ao lei e faailoa atu au o i faifeautalai, ia mautinoa latou te lagona le mafanafana i lena laasaga ma fesoasoani ia latou iloa mea e faamoemoe o le a tupu.
O Mea e Faamoemoe o le a Tupu Pe a Feiloai ma Faifeautalai
O le taimi lava e te faailoa atu ai au uo i faifeautalai, ia fesootai atu i faifeautalai ia latou malamalama i manaoga, mea e fiafia i ai, ma fesili a au uo. Auai faatasi ma au uo ma faifeautalai i talanoaga o le talalelei ma lesona a faifeautalai e faia faafesagai po o luga o le initoneti. O lou auai o le a aafia ai i se tulaga lelei le aafiaga a au uo i le aoaoina e uiga ia Iesu Keriso ma Lana talalelei.