Toso Tiko ga ki Liu

O sa na dau vukei ena nomu sasaga mo muri Karisito ena nomu vakaqaqaco taki ena veivanua e va oqo ena vulici ni kosipeli, veiqaravi kei na itaviqaravi, kei na veivakatorocake taki yadudua.

Vulici ni kosipeli

Na vulici ni kosipeli e vale kei na lotu e solia vei iko e dua na yavu vakayalo me baleta na veika kece sara ena nomu bula. Ni o vakayagataka na veika o sa vulica, o na rawa ni kunea talega eso na sala mo vakamuri Jisu Karisito kina vakataki iko, vata kei na nomu matavuvale, se na nomu kalasi se kuoramu.

Veiqaravi kei na iTaviqaravi

Ni o vakaitavi ena veiqaravi kei na itaviqaravi, o na rawa ni wasea e dua na gauna lasa kei na nomu matavuvale, itokani, kei ira na iliuliu ena nomu gauna ni vulika , na veika vou e sotavi, kei na veiqaravi vei ira na tani. E rawa talega mo veiqaravi ena nomu vakaitavi ena veicakacaka tabu vakalotu. Na cakacaka ni veiqaravi kei na itaviqaravi e yavutaki tiko ena Luke 2:52 ka oka kina na itaviqaravi ni loma ni macawa ka vakakina na siga cokoti vata ni itaviqaravi baleti ira na itabagone, me vaka na keba, na ilakolako ki valetabu, kei na koniferedi ni iSakisaki ni iTabagone (MST) kei na ni itabagone.

Veivakatorocake Vakayadudua

Sa rawa ni ko muri Jisu Karisito ena nomu vakatoroicake taka na nomu bula ni o vakasaqara na ivakatakila me baleta na sala e rawa ni o vakaqaqacotaki kina ena veitikina ni nomu bula. O na digitaka na veika mo cakacaka kina ka na rawa ni o kere veivuke mai na nomu matavuvale, itokani, kei na iliuliu.