“Teimatoa ni Waaki Nako,” Kabwarabwaran te Kairi ibukiia Ataei ao te Roronrikirake n Ana Ekaretia Iesu Kristo ibukiia Aika Itiaki ni Boong aika Kaitira (2019)
“Teimatoa ni Waaki Nako,” Kabwarabwaran te Kairi ibukiia Ataei ao te Roronrikirake n Ana Ekaretia Iesu Kristo ibukiia Aika Itiaki ni Boong aika Kaitira
Teimatoa ni Waaki Nako
Ko na boutokaaki inanon am mwakuri korakora n iriran Kristo ngkana ko rikirake inanon mwakoro aika aua aikai rinanon reiakinan te euangkerio, mwakuri n ibuobuoki ao waaki ni kakukurei, ao rikirakeam i bon iroum.
Reiakinan te Euangkerio
Reiakinan te euangkerio n te mweenga ao n te ekaretia e anganiko aan te maiu n tamnei ibukin bwaai ni kabane inanon maium. Ngkana ko maiuakina are ko reiakinna, ko na kunei kawai aika ko na kona n iriira Iesu Kristo n tatabemani ngkami, ma ami utu, ke ma kaain am kooram ke am kiraati.
Mwakuri n ibuobuoki ao Waaki ni Kakukurei
Ngkana ko irii mwakuri n ibuobuoki ao waaki ni kakukurei, ko kona ni karekea te kukurei ma am utu, raoraom, ao taan kairiiri ngkana ko reiakin rabakau, karekei taneiai aika boou, ao buokiia tabeman. Ko kona naba ni beku man irakin otenanti aika tabu. Mwakuri n ibuobuoki ao waaki ni kakukurei are a kakoauaki n Ruka 2:52 ao ni kaairaki ma waaki ni kakukurei ni boong n te wiiki n aron naba waaki ni kakukurei ni mwaitin boong ibukiia te roronrikirake, n aron te kaembwa, mwananga nakon te tembora, ao Ibukin Kakorakorakiia te Roronrikirake (FSY) ao maungatabu ibukiia te roronrikirake.
Rikirakem I bon Iroum
Ko kona n iriira Iesu Kristo inanon rikirakemi bon iroum ngkana ko ukora te kaotioti bwa ko na kanga n rikirake inanon mwakoron maium. Ko rinea te bwai are ko mwakuri iaona ao e kona n reke te buoka mairouia am utu, raoraom, ao taan kairiiri.