Faaauau Pea ona Agai i Luma

O le a lagolagoina oe i au taumafaiga e mulimuli ia Keriso ao e tuputupu a’e i nei vaega e fa e ala i le aoaoina o le talalelei, auauna atu ma gaoioiga, ma le atinaega faaletagata lava ia.

Aoaoina o le Talalelei

O le aoaoina o le talalelei i le fale ma le ekalesia e avatua ia te oe se faavae faaleagaga mo mea uma i lou olaga. A o e faaaogaina mea na e suesueina, atonu o le a e iloa ai ni auala e mafai ona e mulimuli ia Iesu Keriso faaletagata lava ia, ma lou aiga, pe ma lau vasega po o le korama.

Auaunaga ma Gaoioiga

A o e auai i le auaunaga ma gaoioiga, e mafai ona e maua le fiafia ma lou aiga, uo, ma taitai ao e aoaoina ni tomai, maua ni aafiaga fou, ma auauna atu i isi. E mafai foi ona e auauna atu e ala i le auai i sauniga paia. O le auaunaga ma gaoioiga ua faavae lea i le Luka 2:52 ma e aofia ai ni gaoioiga faalevaiaso faapea foi ma gaoioiga o aso e tele mo le autalavou, e pei o tolauapiga, malaga i malumalu, ma Mo le Malosi o le Autalavou (FSY) ma konafesi a le autalavou.

Atinaega Faaletagata Lava Ia

E mafai ona e mulimuli ia Iesu Keriso i lau atinaega faaletagata lava ia ao e sailia le faaaliga mo le auala e mafai ona e tuputupu ae ai i vaega uma o lou olaga. E mafai ona e filifili po o le a le mea e te galue ai ma e mafai ona maua le fesoasoani mai le aiga, uo, ma taitai.