« ចក្ខុវិស័យ » សេចក្តីណែនាំអំពីកម្មវិធីកុមារ និងយុវវ័យនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ( ឆ្នាំ ២០១៩ )
« ចក្ខុវិស័យ » សេចក្តីណែនាំអំពីកម្មវិធីកុមារ និងយុវវ័យនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ
ចក្ខុវិស័យ
ដើម្បីពង្រឹងសេចក្ដីជំនឿរបស់អ្នកលើព្រះយេស៊ូវគ្រីស្ទ ហើយជួយអ្នក ព្រមទាំងគ្រួសាររបស់អ្នកឲ្យរីកចម្រើននៅលើផ្លូវនៃសេចក្ដីសញ្ញា នៅពេលអ្នកជួបនឹងឧបសគ្គក្នុងជីវិត ។
ស្វែងរកវិវរណៈ
ប្អូនៗអាចរៀនដោយខ្លួនឯង—ឥឡូវនេះក្នុងវ័យរបស់ប្អូនៗ—អំពីរបៀបទទួលវិវរណៈផ្ទាល់ខ្លួន ។ ហើយនឹងគ្មានអ្វីដែលធ្វើឲ្យខុសប្លែកខ្លាំងក្នុងជីវិតប្អូនៗជាងរឿងនេះទេ !
—ប្រធាន រ័សុល អិម ណិលសុន « ក្តីសង្ឃឹមនៃអ៊ីស្រាអែល » ការប្រជុំធម្មនិដ្ឋានសម្រាប់យុវវ័យទូទាំងពិភពលោក ថ្ងៃទី ៣ ខែ មិថុនា ឆ្នាំ ២០១៨ បន្ថែមទៅនឹង New Era និង Ensign ទំព័រ ២ នៅលើគេហទំព័រ ChurchofJesusChrist.org
អនុវត្តសិទ្ធិជ្រើសរើស
បំណងប្រាថ្នាដឹកនាំអាទិភាពរបស់យើង អាទិភាពបណ្ដុះជម្រើសរបស់យើង ហើយជម្រើសកំណត់នូវសកម្មភាពរបស់យើង ។ បំណងប្រាថ្នានានាដែលយើងធ្វើតាម បានកំណត់អំពីការផ្លាស់ប្តូររបស់យើង ជោគជ័យរបស់យើង និង ការប្រែក្លាយរបស់យើង ។
—ប្រធាន ដាល្លិន អេក អូក « Desire » Ensign ឬ Liahona ខែ ឧសភា ឆ្នាំ ២០១១ ទំព័រ ៤២
បង្កើតទំនាក់ទំនង
យើងគ្រប់គ្នាត្រូវការមិត្តពិតដែលស្រឡាញ់យើង ស្ដាប់យើង បង្ហាញផ្លូវដល់យើង ហើយថ្លែងទីបន្ទាល់អំពីសេចក្ដីពិតដល់យើង ដើម្បីយើងអាចរក្សាបាននូវភាពជាដៃគូនៃព្រះវិញ្ញាណបរិសុទ្ធ ។ អ្នកត្រូវតែធ្វើជាមិត្តពិតម្នាក់បែបនេះ ។
—ប្រធាន ហិនរី ប៊ី អាវរីង « True Friends » Ensign ខែ ឧសភា ឆ្នាំ ២០០២ ទំព័រ ២៩