Mesej we I Kam long Fas Presidensi

Ol dia brata mo sista.

Ol pikinini mo ol yut blong Jos Ia blong Jisas Kraes blong Ol Lata-dei Sent oli ol pikinini boe mo gel blong God. Oli gat wan paoa we oli save kasem, we bae i mekem bigfala jenis long wol ia.

Olgeta prinsipol ia we oli stap tijim long saed ia, blong ol pikinini mo ol yut, i ripresentem wan moa hae mo tabu wei, blong stap leftemap tingting blong jeneresen ia we i stap kam antap, blong oli stap folem Jisas Kraes, mo blong oli stap praktisim gospel blong Hem long evri eria blong laef blong olgeta. Bigfala wok ia bae i tekem tu blong stap lanem gospel, spesel janis blong givim seves, mo ol gudgudfala aktiviti. Hadwok o traehad ia, i stat insaed long hom. Ol papa mo mama oli gat tabu wok blong tijim ol pikinini blong olgeta long laet mo trutok. Ol lida blong Jos oli givim gudfala sapot mo oli save soem rod long ol pikinini, ol yut mo famli blong olgeta.

Mifala i lavem yufala. Mifala i gat tras long yufala. Mifala i promes se Papa blong yumi we i stap long Heven bambae i gohed blong blesem mo sastenem yufala, taem we yufala i stap lidim mo gaedem ol pikinini blong Hem long fet.

Fas Presidensi mo Kworom blong Olgeta Twelef Aposol

Visen

Blong mekem jeneresen we i stap kam antap i kam strong moa long fet blong olgeta long Jisas Kraes, mo blong oli helpem ol pikinini, ol yut, mo famli blong olgeta, blong oli progres folem rod ia blong kavenan taem oli stap kam fesem ol jalenj blong laef.