Pasiuna

Ang Sambingay sa Driver sa Bus

“Ang kalihokan sa self-reliance sama sa usa ka bus nga nagkinahanglan og usa ka lisensyado nga drayber.

“Ang bus gihimo pinaagi sa mga kawani sa Self-Reliance Services. Gi-deliver kini pinaagi sa self-reliance resource center, ug ang stake self-reliance committee mao ang momentinar. Ang mga stake self-reliance specialist ug mga facilitator sa grupo motabang sa mga miyembro sa pagsakay sa bus (apan sila kinahanglang mosakay sa bus sa ilang kaugalingon). Ang stake president ug mga bishop mao ang mga driver sa bus.

“Ang tanan kinahanglang mobuhat sa ilang bahin sa pagtabang sa mga miyembro nga makab-ot ang self-reliance; hinoon, kon ang stake president ug mga bishop dili moliso sa ilang mga yawe sa pagpaandar sa makina ug pag-drive sa bus, walay usa nga makalarga.”

Ronald Aban, Self-Reliance Services manager sa Tacloban, Philippines

Adunay dagkong mga panginahanglan taliwala kanato. Daghang mga miyembro ang dili self-reliant ug kulang sa abilidad sa “pagsangkap sa espiritwal ug temporal nga mga kinahanglanon sa kinabuhi alang sa kaugalingon ug sa pamilya.”¹ Ang paggiya sa mga tawo nga mahimong self-reliant mao ang buhat sa kaluwasan. Si President Thomas S. Monson mitudlo: “[Ang self-reliance] usa ka mahinungdanon kaayo nga elemento sa atong espiritwal ingon man sa atong temporal nga kaayohan. … ‘Kita kinahanglan nga mahimong self-reliant ug makabarug sa kaugalingon. Ang kaluwasan dili maangkon pinaagi sa lain nga baruganan.’”²

Kadtong nagkinahanglan og tabang nga mahimong mas self-reliant maglakip niadtong nakadawat og mga halad sa puasa, hapit na mouli nga mga misyonaryo, mga bag-ong kinabig, dili kaayo aktibong mga miyembro, ug lokal nga mga lider sa priesthood nga nagkinahanglan og mas maayo nga trabaho. Pinaagi sa Iyang Simbahan, ang Ginoo karon nagsangkap sa bag-o nga mga himan, mga kapanguhaan, ug mga proseso nga gihulagway dinhi niini nga guide sa pagtabang sa mga miyembro sa ilang dalan padulong sa self-reliance.³

Isip usa ka lider sa priesthood, usa ikaw niadtong kinsa gisultihan sa Ginoo nga, “Ako mihatag nganha kaninyo … sa mga yawe sa … alang sa buluhaton sa pangalagad ug sa kahingpitan sa akong mga santos” (D&P 124:143), ug, “Kaniya kinsa kini nga mga yawe gihatag walay kalisud sa pagbaton og kahibalo sa mga kamatuoran kalabut sa kaluwasan sa mga katawhan” (D&P 128: 11). Basaha ang “Ang Sambingay sa Driver sa Bus” nga anaa sa tuo. Palihug pamalandongi og maayo ang imong buluhaton sa pagtabang niining mahinungdanon nga katuyoan sa paglambo.

Kini nga leader guide gihimo sa pagtabang kanimo samtang ikaw naggamit sa imong mga yawe, nag-implementar niining bag-ong mga himan, ug nagtabang sa mga miyembro sa pagtabang sa ilang mga kaugalingon padulong sa self-reliance. Sa pagbuhat nimo niini, ang Espiritu Santo mogiya kanimo ug ang Ginoo mohimo kanimo nga Iyang instrumento sa pagbayaw sa kabus ug timawa ug pagpadali sa Iyang buhat sa kaluwasan.

Gimantala sa Ang Simbahan ni Jesukristo sa mga Santos sa Ulahing mga Adlaw
Siyudad sa Salt Lake, Utah

Pagtugot sa Iningles: 8/13
Pagtugot sa paghubad: 8/13
Hubad sa Leader Guide
Cebuano
12373 853