Kariaia n te Nakoanibonga ao Taian Otenanti

Te Nakoanibonga bon te kariaia are e anga te Atua nakoia Natina n uota te kamaiuaki nakoia aomata ni kabane. Kariaia n te nakoanibonga e tauaki mwiia iroun te tia kairiiri n te nakoanibonga are e karekea ao ni kabonganai kingin te nakoanibonga. Ngkai e taekinaki ni koroboki aika tabu bwa “ni kabane kariaia [ao] nakoa n te ekaretia bon taian reita nakon te nakoanibonga ae [Merekitereka] nakoanibonga aei” (Reirei ao Berita aika Tabu 107:5), bwaai ni kabane ake a karaoaki iaan te kairiiri man te kiing n te nakoanibonga akanne a karaoaki ma te kariaia n te nakoanibonga.

Ngkana te aine e kaokoroaki bwa e na taetaekina te euangkerio n riki bwa te mitinare ae bwanin ana tai, e mwakuri iaan ana kariaia te nakoanibonga n karaoa te mwakuri n te nakoanibonga. Te aomata are iai nakoana are karekea mairoun temanna ae iai irouna kiingin te nakoanibonga e kamwakura te kariaia n te nakoanibonga ni karaoa ana beku teuanne ke neienne.

Ngkana iai iroum te Nakoanibonga ae te Merekitereka, e na reke am tai n karaoi otenanti ao kakabwaia n te nakoanibonga.

Ibukin rongorongona riki taraa mwakoro 7.11, “Otenanti ao Kakabwaia n te Nakoanibonga.”