Akong Calling isip Magtatambag sa Kapangulohan sa Elders Quorum

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Katuyoan sa Korum sa mga Elder

Ang Melchizedek nga Pagkapari nagtabang sa mga anak sa Dios nga mangandam sa pagbalik ngadto sa Iyang presensiya. Ang mga sakop sa elders quorum magtambayayong sa pagtabang sa pagtuman sa buhat sa Dios sa kaluwasan ug kahimayaan. Sila moserbisyo sa uban, motuman sa mga katungdanan sa pagkapari, molig-on sa panaghiusa, ug magkat-on ug magsunod sa doktrina (tan-awa sa Kinatibuk-ang Tamdanan nga Basahon, Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 8.1).

Mga Magtatambag

Ang mga magtatambag sa elders quorum mosuporta sa presidente sa iyang mga responsibilidad sa pag-organisar sa mga paningkamot kauban sa kapangulohan sa Relief Society ug modumala sa pagpangalagad, mga kalihokan, mga report, mga rekord, ug mga panalapi. Ang mga magtatambag gikan sa elders quorum ug sa Relief Society mahimong sangonan sa pagpangulo sa buhat sa misyonaryo sa ward o mga paningkamot sa templo ug family history (tan-awa sa 8.3.3.2).

Kapangulohan

Ang kapangulohan sa korum sa mga elder ug ang secretary magmiting kanunay. Ang pagtabang sa umaabot nga mga elder nga mangandam sa pagdawat sa Melchizedek nga Pagkapari mao ang usa sa labing taas nga mga prayoridad sa kapangulohan(tan-awa sa 8.4).

Elders Quorum ug Relief Society

Ang mga kapangulohan sa Elders quorum ug Relief Society makigsabot sa mga buluhaton sa pagpangalagad ug nagtabang sa paggiya sa buhat sa templo ug family history ug sa mga paningkamot sa pagdapit sa tanan nga makadawat sa mga panalangin sa ebanghelyo. Sila usab adunay mahinungdanong tahas sa pagtudlo sa mga miyembro sa ward sa mga baroganan sa pagpangalagad mga interbiyo sa pagpangalagad, sa pagsunod sa balaod sa puasa, sa pagpalambo sa pagbarog pinaagi sa kinaugalingong paningkamot, ug sa pagdugang sa personal ug pamilya nga pagpangandam (tan-awa 22.6.2).

Mga Miting sa Dominggo

Ang mga elders quorum magmiting sa ikaduha ug ikaupat nga mga Dominggo sa bulan aron sa pagpalambo sa hugot nga pagtuo, pag-ugmad og panaghiusa, ug paglig-on og mga pamilya ug mga panimalay. Ang kapangulohan sa elders quorum mainampoong mopili og mga mensahe gikan sa labing bag-o nga kinatibuk-ang komperensiya aron hisgotan base sa mga panginahanglan sa mga miyembro (tan-awa sa 8.2.1.2).

Serbisyo ug mga Kalihokan

Ang mga kapangulohan sa elders quorum mahimong magplano og mga kalihokan sa pagpalig-on sa mga sakop sa korum ug makahatag nila og mga oportunidad sa pagserbisyo og dungan. Ang mga kapangulohan mohisgot og mga kalihokan uban sa bishop (tan-awa sa 8.2.1.3).