iTavi eso

E vakavinavinakataka na Turaga ena nomu lomasoli mo veiqaravi ena Nona Lotu. Oqo na ivakamacala ni nomu itavi ena nomu veikacivi.

iNaki ni Kuoramu ni iTalatala Qase

Na Matabete i Melikiseteki e vukei ira na luve ni Kalou mera vakavakarau mera lesu tale kina Nona iserau. Era cakacaka vata na lewe ni kuoramu ni italatala qase me vukea na vakayacori ni Nona cakacaka ni veivakabulai kei na bula vakacerecerei na Kalou. Era qaravi ira na tani, vakayacora na itavi ni matabete, tara cake na duavata, ka vulica ka bulataka na ivunau (raica na iVoladusidusi Raraba, Veiqaravi ena Lotu i Jisu Karisito ni Yalododonu Edaidai, 8.1).

Daunivakasala

Eratou na tokoni peresitedi na daunivakasala ni kuoramu ni italatala qase ena nona itavi me tauyavutaki na sasaga vata kei iratou na mataveiliutaki ni iSoqosoqo ni Veivukei ka raica raraba na veiqaravi, itaviqaravi, ripote, ivolatukutuku, kei na veika vakailavo. E rawa mera lesi na daunivakasala ena kuoramu ni italatala qase kei na iSoqosoqo ni Veivukei mera liutaka na cakacaka ni kaulotu ni tabanalevu se sasaga ni valetabu kei na tuvakawa (raica na 8.3.3.2).

Mataveiliutaki

Na sota wasoma na mataveiliutaki ni kuoramu ni talatala qase kei na sekeriteri. Nodra vukei na vakarau tiko kina italatala qase mera vakarau ni ciqoma na Matabete i Melikiseteki e sa dua na nodra itavi taumada na mataveiliutaki ni kuoramu (raica na 8.4).

Kuoramu ni iTalatala Qase kei na iSoqosoqo ni Veivukei

Na mataveiliutaki ni iSoqosoqo ni Veivukei kei na kuoramu ni italatala qase e ratou na tuvanaka na ilesilesi ni veiqaravi ka veivuke ena kena liutaki na cakacaka ni valetabu kei na tuva kawa kei na sasaga mera sureti na tamata kecega mera ciqoma na veivakalougatataki ni kosipeli. Sa tiko talega na nodratou itavi bibi ena nodratou vakavulici ira na lewe ni tabanalevu ena ivakavuvuli ni veiqaravi, veivakatarogi ni veiqaravi, bulataki ni lawa ni lolo, tarai cake ni bula rawati koya, kei na vakavakarautaki ni tamata yadua kei na matavuvale (raica na 22.6.2

Soqoni ena Sigatabu

Era sota na kuoramu ni italatala qase ena ikarua kei na ikava ni Sigatabu me vakalevutaki kina na vakabauta, tarai cake na duavata, ka vakaqaqacotaki na matavuvale kei na itikotiko. E ratou na digitaka ena masumasu na mataveiliutaki ni kuoramu ni italatala qase na itukutuku mai na koniferedi raraba se qai oti toka ga oqo me veivosakitaki kina ka yavutaki ena nodra gagadre na lewenilotu (raica na 8.2.1.2).

Veiqaravi kei na iTaviqaravi

Sa rawa vei iratou na mataveiliutaki ni kuoramu ni italatala qase me ratou tuvanaka na itaviqaravi me ra vaqaqacotaki kina na lewe ni kuoramu ka solia vei ira na madigi me ra veiqaravi vata. Me ratou veivosakitaka vata kei bisopi na mataveiliutaki na itaviqaravi (raica na 8.2.1.3).